#اهات_من_محطات_حياتي
#بارت...15
#غير_محلل_نشر_القصة_بدون_ذكر_اسمي
#بيج_قصص_عراقية_من_واقعنا
#حنين_حاتم
اول ماطبيت تلكتني مرت خالي بدون سلام كلتلي
نوار امك بلمستشفى فقدت النطق من يوم نسجنت انتة ونفسيتهة زززفت
لا يا الله جنت متوقع اكبر من هيج لان اعرفهة من غتالو ابوي صارت عدهة فوبية مجرد ان شخص تحبة يبعد عنهة لو ميتواصل وياهة فترة تنهار تماما
ركضت للشارع ودموعي علة وجهي
واني اتذكرهة من يوم مات ابوي لليوم صارتلي ام وابو صح اتمنة لو ابوي عايش بس بوجودهة عمري ماحسيت بفرق عن غيري من الجهال
بلعكس جنت الحاجة من تنزل بلسوك تشتريهة الي قبل علي وفيان حتة التلفون شتريتة قبلهم
صعدت تكسي وخابرت خالي محمد
كلي امك بلطب النفسي وحتة مشي ماجاي تكدر تمشي سديتة من عدة وخليت راسي علة رجلية وفرفحت ولج يمة شعدي غيرج انتي امي وابوي وعشيرتي كلهة يبعد عيوني يا يمة
لسايق عبالة امي ميتة ضل يكلي لاعمار بيد الله ومن هاذ الحجي
وصلت للمستشفى وبوجهي للغرفة الحاطيهة بيهة فتحت لباب وطبيت جانت مرتجية ليورة وتبجي بدون صوت وبصفهة خالتي رضية تمسح بديهة وتبوس بيهن
وخالي محمد كاعد علكرسي يسبح
شافني خالي محمد وصاح نوااار
امي بس سمعت اسمي بدون وعي شمرت روحهة من الجرباية وتصيح يضوة عيوني يمة وين رحت وخليتني
تقربت يمهة ابوس بديهة وراسهة
ولك نوير ليش هيج تسوي بية
يبعد روحي يمة اسف ماعوفج بعد والله ماعوفج
حضنتني وتبجي وتبوس بوجهي من كل مكان
ولك يمة اني من سمعت حجي خالك يكلي بلقليل ينسجنون سنة هاي اذا تنازلو الشرطة
حيلي نهد تدري مالي غيرك يبعد امك ابوك وخسرتة وانتة فتشة عيني وبيك اشم ريحة ثامر هوة راح وعافك الي اشوف روح ثامر بيك
جانت منهارة بلبجي وتحجي وتتلمس بوجهي عبالك الهة سنين ماشايفتني دموعهة حركن كلبي ردت اكومهة تكعد ماكدرت مرتين كومتهة توكع من ادية
خالي اشرلي كلي لا تتعبهة اهم شي رجعت تحجي شلتهة ونيمتهة علجرباية وهية عيونهة علية مامصدكة رجعت
خالي كعد يسألني شنو الصار وشلون طلعت
سولفتلهم علة صديق ابوي الي شفتنة وطلعنة
نداريت علة خالي محمد سألتة هسة شنو وضعهة امي شلون تبقة هنا
هية دكتورهة الخاص كتبلهة دخول وعلاج طبيعي وتحفيز نتلات بس هية معاندة وحلفة يمين اذا نجبرهة علعلاج الطبيعي تتبرة من عدنة
واحنة هاي شوفة عينك مكابليهة ومابليد حيلة
لا ماكو هيج حجي تتعالج وتكوم وترجع تمشي وتروح للدوام
كلتهة واني امسح بدموعي وابوس بيدهة وهية تمسح علة راسي عبالك تجاريني
يلله حجية ياله كومي وياي هسة نروح ماطول بعدة مامأذن
شلتهة كعدتهة بلكرسي المتحرك مانطقة كلمة وبس تباوعلي وتبتسم
اخذتهة ورحنة لشعبة العلاج الفيزيائي والتحفيز
دخلناهة وشلتهة من الكرسي مددتهة علسدية جاب الدكتور الجهاز مال التحفيز وقربة يمهة كلي اكشفلي عن رجلهة بس منطقة الساق
طلعتلة رجلهة وخلة لجهاز عليهة
لجهاز جان عبارة عن مربع زغير ومتصلات بي وايرات تصميمهن من سماعة الطبيب بس الفرق انو الجهة الي يحطهة الطبيب بأذانة حتة يسمع همة خلوهة الهة علة رجلهة
مجرد ان ضغط الدكمة كامت تصرخ حييل رجت المكان رج
درت وجهي للصفحة الثانية نهاريت ماكدرت اشوفهة شلون تتألم وتصرخ
وخالتي واكفة يمهة تفرك اديهة وتصبر بيهة
دقايق وشالة عن رجلهة اليمنة خلا عليسرة حطيت اصابيهي بأذاني ودموعي غركن وجهي
واني اسمعهة تتوسل بلدكتور مثل الطفل تكلة كافي ارحمني يمة مابية على هاذ الوجع الله يخليك
ولك نوير يمة تعالي ماريد امشي والله بس فكوني
اسمع صوتهة واحترك بداخلي
احجي وياهة يمة بس اتحملي لخاطري ولج يمة تدرين انتي كلشي بلنسبة الي بس كوميلي بلسلامة فدوتج عمري كلة والله يمة
كمل الولد وكال عكب باجر تجيبوهة وتبقة بين يوم ويوم تجي لحد متطيب بأذن الله
اخذتة علة صفحة احجي ويا
دكتور شلونهة يعني شتشوف جسمهة جاي يستجيب للعلاج
حاليا لا بس احنة موهسة نقرر هاذ لشي بلقليل فد 5 جلسات يلله نكدر نقرر اذا جان جسمهة جاي يستجيب للعلاج لو لاء
شلتهة من السدية وهية تدور وجهة مني زعلانة علية كعدتهة علكرسي وبستهة من راسهة
ودفعتهة رجعنة لقسم النفسي جانت حييل ضايجة ومترضة تحجي ويانة
خالي كلي ارجع للبيت انتتة تعبان اسبح وبدل وتعال
واني هم جنت محتاج راحة شوية
طبيت للبيت كبل للحمام طبيت جوة الدوش شكد ضليت ماادري بس احس لمي شوية ينعش روحي ويوخر اليأس الي خيم علية
طلعت من الحمام تلكوني جهال خالي امجد شوية كبار بلعمر بوسوني ويسألون بية علسجن وشلون يصير
جنت تعبان حييل عفتهم وطبيت لغرفتي مددت علجرباية وعيني علسكف وكل تفكيري يم امي اووووف ياخوفي تبقة طول العمر هيج
قطع صفنتي صوت تلفوني باوعت بي سلوتي
جريت نفس هميق واني احاول اكون طبيعي من شفت امي لسة صوتي كوة يطلع ومخنوك حييل احس الدنية ضاكت بعيني كلش
فتحت خط وكلت الو
نوار
رأسن بجت
سلوى لتبجين فدوة اروحلج ماناقص اني
تكول اسمي تريد تحجي وترجع تشهك وتبجي جانت منهارة حيييل بحيث ماكدرت تنطف حرف
كتلهة حبيبي هدئي وخابريني سديتة منهة لان جنت حييل ضايج واني احجي وياهة نزلن دموعي صوتهة يبجي الما يبجي
حطيت راسي علمخدة وخليت مخدة ثانية فوك راسي حاولت انام بس يانوم الي يجي لعيني وامي بهيج حالة
نتفضت من فراشي وكمت علة حيلي طلعت بلحديقة كاعد بلكاع ومرجع ادية ليورة ومرتجي عليهن وراسي للسمة
شكل الغيوم ولونهن زيد حيرتي بس احس نفسي ضعت واني اباوع عليهن يتحركن بس ببطأ
سمعت صوت الباب عدلت كعدتي
خالي امجد
شكلة جان حييل معصب ولو هوة عوايدة هيج بس شكلة شوية مختلف
تقرب يمي اجيت اسلم علي ضل صافن بوجهي
شلون طلعت نوار
اني بدون حجي تقربت علي حضنتة
رغم بعيد عني بس حييل احبة واحترمة
حضني وعصرني حييل ماعرف ليش هيج سوة
وخرني منة نتبهت علة وجهة جانت اكو بي ندبة زغيرة يم عينة وبي حمار
شبي وجهك خالي
مابي شي نوار اسمعني انتة صرت رجال اريدك تعقل خالي ميصير هيج تسوي امك جان راحت بيهة
وسفة عليك خالي انتة تعرفني اني تربيتك طول عمري امشي بصف الحايط وجافي خيري شري بس الموقف الصار حرك الدم بعروكي
واي واحد بمكاني جان تصرف نفس تصرفي
طبطب علة جتفي بيدة وابتسم ماعرفت سبب هلأبتسامة شنو بس الي فهمتة كلامي قنعة
طب جوة واني ضليت كاعد شوية وسمعت العيطة كبت طبيت ركض مرت خالي محمد كاعدة بلمطبخ كلتلهة شكو اشرتلي علة غرفة خالي امجد
ضليت كاعد والوب خطية زوجتة خاف يأذيهة كل مرة امي هنا تفرغهة من ايدة
شوية وطلع يسب ويغلط
تلكيتة صرت كدامة ماخليتة يطلع اريد افهم شكو لان من دخل شكلة جان موطبيعي
خالي شكو احجي شبيك فاير
ماكو شي نوار من ارجع احجيلك دير بالك علة خالاتك ولبيت
لاتطلع منا لمن ارجع خوش
ذني لكلمات سمعتهن وهوة يمشي بحديقة البيت متوجه لباب الشارع
طلع وخلاني اتصفن شيقصد من هاذ حجية يا الله
ضليت كاعد بلبيت لليل يلله رجع خالي اول ماطب كلي نوار تعال وراي
طبيت ورا للغرفة طببني وقفل لباب وكلي اكعد
خير خالي خوفتني شصاير
نوار اسمعني زين
قبل فترة رحت للشورجة لبغداد شتريت بضاعة مال مجمع كامل ملابس اطفال ونساء ورجالي ومكياج وعطور جنط واحذية وحتة غراض منزلية كوولشي ومن كل الماركات لبضاعة كلفتني وية الشحن مالتهة 30 مليون ولبارحة موعد استلام الشحنة اني دافع 15 مليون ولباقي علساس من استلم ودفعت اجار المجمع مال سنة كاملة 13 مليون ونص
هوة يحجي واني فاتح حلكي
وهاي الفلوس منين جبتهة خالي
دسمع تجيك السالفة
ذني الفلوس اني متداينهن من ابو عامر الي بيتهم بلفرع الي كبال فرعنة وكلت من ايراد المجمع اجمعلهيا ونطيهن الة دفعة ورة دفعة بس الي صار
كالهة ودنك
شنو الي صار خالي
الي صار ابو البضاعة الي متفق ويا اني مادزهن واليوم رحتلة للمحل لكيتة معزل سألت عنة بلشورجة بقية التجار كلولي سافر لاوكرانيا هوة وعائلتة صارلهم 5 ايام
كتلهم وشوكت يرجع كلولي راح يستقر وبعد ميرجع
لا يا الله صدك عود خالي وانتة شلون هيج تسوي وليش ماعدنة خبر احنة هسة من صارت المصيبة جاي تكللنة
ولك نوير سد حلكك لاتزيدهة كافي علية ابتسام اكلت كلبي من البارحة لليوم
اني كلت اكمل كلشي يلله احجي ردتهة تتم وكلت اشغلكم انتة ومحمد وياي احسن ماضالين تشتغلون عد العالم بس شمدريني بهاذ المايخاف الله
دنك وكام يبجي
تقربت علي كتلة يلله خالي فدواتك الفلوس وابوهن
هسة اخلي خالتي وامي يبيعن ذهبهن ومرتك هم خل تبيع ذهبهة ونجمع العدنة والماعدنة واذا ماكفة نتداين
مو هنا المشكلة
لعد
اني متفق وية ابو عامر يحمل عليهن لان اخذت من عدة ورق وحملي علمليون 400 الف
يااا صدك جذب خالي هاي عود انتة العاقل شلون هيج تجازف
دنك يفرك بوجهة
هسة رحتلة ابن الكلب حجيتلة كلشي وكتلة اقلها نزل من فلوس الفرق يكلي جذاب انتة لزمتة طلعت حركتي كلهة بي
خالي لتكول ضربتة
شنو ضربتة كول دميتة عفتة العمال ملتمين علي
صدك جذب خالي هية هاي هم سواية يعني فوك ماماخذ فلوس الرجال
بعدنة نحجي ندكة الباب تفلشت
ركضت فتحتهة شرطة ووياهم ناس هوسة وكلهة تحجي
اول ماشافوني كلولي انتة امجد
لاء ليش
بدون ليش فوت صيحة وتعال
طبيت ليجوة كتلة كوم خالي اشتكة عليك الرجال
نوار خابر لمحمد خل يشوفلة محامي ويلحكني وحجيلة على سالفة الفلوس فهمة كلشي اني راح التزم بلصمت لحد ميجي المحامي
ماشي خالي
واني احجي ويا دكيت على خالي محمد كتلة اني جايك للمستشفى
ركبت تكسي ورحت قبل مااوصل خابرتة كتلة اطلعلي برة بلحديقة مااريد احجي كدام امي طلعلي حجيتلة جان متفاجئ حالة حالي
كلي ابقة يم امك وخالتك
طبيت جوة لكيت امي نايمة طلعت جبت عشة لخالتي وطلعت كعدت بلحديقة اتصفن شلون راح تنحل ماادري
فتحت تلفوني لكيت سلوى داكة علية 4 مرات جريت حسرة اووووف
دكيت عليهة رأسن شالتة
نوار حبيبي بعد بيتي شلونك
زين حبيبي مابية شي انتي شلونج
اوووف نوار كل هاذ وتكلي زين
كلة مني اني الله ياخذني
اسم الله سلوى اذا كلتي هيج بعد ازعل منج والله
حبيبي انتي فدوتج اني
انتي وامي اعز شي بهلدنية كل همي تكونون بخير وبس
نوار امك شو ماجاي تداوم ليش
اووووف سلوى امي مريضة حييل دعيلهة فدوة حبيبي
شبيهة اسم الله
من دخلت سجن نفسيتهة تعبت وماجاي تكدر تمشي
يا الله كلة مني نوار موكتلك الله يطيح حضي شسويت بيكم
سلوووووى
اني شنو كلت
كامت تبجي
كافي حبيبي لاتبجين فدوة والله ماناقص من غير كلشي كلبي يوجعني
يلله سلوى روحي خل اشوف امي
....#يتبع
#حنين_حاتم
صوتو حبايب لبارت لثاني بل1 ينزل
اذا ماشفت تفاعل مانزلة ترة 😘