لؤي: الساعه كم تكملو
نسببه: 12
لؤي: تمام تو نجيكم اني ولا عمر
مها: تمام باهي
يوسف : صباح الخير
مها: صباح النور .. خير شن فيه جايني للجامعه
يوسف شاف لي نسيبه : ممكن تخلينا شوي
نسيبه: اكيد
مهوش اني في القاعه
مها: باهي
نعم شن تبي
يوسف: تقدري هكي تتكلمي بأسلوب
مها: تمام تفضل شن الموضوع المهم الي مخليك تجي للجامعه ومن صبح ربي
توترت ونزلت عيونها : اكيد تبصر يعني
يوسف هز راسه : عمري بصرت معاك ؟
مها: اني بنمشي لي محاظرتي
يوسف: استني قاعد ماكملتش كلامي
مها: في حاجه تانيه غير انك مستاحشني
حست برعشه في جسمها بالكامل ودقات قلبها زادرو
يوسف: مزال 45 يوم وتكوني عندي
مها: تعد في الأيام؟؟
يوسف: والدقايق والتواني .. ماتعرفيش قداش نستنا في اللحظه الي تكوني فاها ملكي
سكرت قبضه يدها وحاسه روحها حاطيح من التوتر: اني بنمشي
يوسف: ردي عليا .. نبي نحكي معاك في حاجات العرس
مها: مش مهم .. ماما وامك اتفقو ع كل شيء
يوسف مدلها كيسه: خلاص خودي هده وخشي هي
مها: صحيت مانبيش
رتاج: شن صار معاك اما لون خديته
زكريا: الأحمر والأسود زي ماتبي
رتاج: والكنبه
زكريا: بيج
رتاج: خلاص به لما تكمل تركيبهم صورهملي
زكريا: حاضر .. طلعتي اليوم للسوق ؟
رتاج: بنستنا مها وبنطلع اني وياها
زكريا: تمام هي سكري توا نشوف العمال
رتاج: ماشي سلام
مراد: هدا خطيبك
مراد : علاش ماتخرجيش معاه وتختارو سويا
رتاج ضحكت : عندنا البنت ماتطلعش مع خطيبها بروحهم ويختارو مع بعض الا في حاجات ضروريه
مراد : واااااو معقدين
رتاج: بالعكس مش قصه تعقيد .. بس هكي أحلا واحسن .. ولو جيت في الدين حرام تطلعي مع شخص مش محرم عليك
مراد: مش عااارف .. سأخرج قليلا
عمتي: صباح النور بنيتي
اني: شن حال رجليك اليوم
عمتي: احسن من امس الحمدلله
اني: كان خليتي مصطفى يعاينك
عمتي: مافيش داعي والله "وشافت لي وجهي ولي علامه الضرب... نزلت عيونها بحسره وتنهدت"
ابرار: صبااحو يالحب
اني: صباح العسل وين نوم لاتوا
اني: ههههه باهي نوم العوافي ... اني جايه بنفطر معاكم راهو
ابرار: باهي هي خشي ديري الشاهي ع النار .. مابين ماغسلت وجهي
ابرار: شفتي وجهها ياماما
عمتي تنهدت: الله غالب علاها
عمتي: ماعندي مانقوول حرت معاه مش عارفه طالع عاصي لي منو
ابرار: بس حرام ياماما هكي .. تي قعدده عرووسه راهو وشوفي وجهها كيف معلم ... ومن غير هدا ولدك ....
عمتي: سكري فمك وخشي ساعداها شكله ضاربها ع ضهرها شفتها تمشي بالشويا
ابرار: ان شاءلله يمووت ونفتكو منه
مصطفى شبحلها ع الجنب: ليا أني الكلام هدا
اني حطيت الخبزه وقعدت فاتحه فمي ونشبحله .. شن الاسلوب والتخلف الي عنده
مصطفى' انرباااها من جدييييد والله نقتللك يا ₩£$#
اتمددت ع الكنبه .. واني حااسه ضهري مقسووم .. وجسمي كله متورم
ردينه : تي ماباش ينفتحلي
سلمى مطلعه راسها من الدروج: درتي من 1لل 8
ردينه: درته ياهمي الأحرف قالي الرمز خطأ ماباش
سلمى: باهي باهي نكمل الماعين ونازله تو نشوفه
ردينه: ماتعطليش تو الضيء يهرب ونقعدو هكي
سلمى: باهي غير ماتنقيش ع السريع "وخشت"
لفت ردينه لقت لؤي واقف قدامها ويبتسم ... انخلعت وخلعاته معاها
ردينه: وووووووه عليا😳
لؤي: ياعنشكلك خلعتيني
ردينه: تي انت الي خلعتني .. مش طلعت الصبح
لؤي حك راسه : نسيت الأوراق في الحوش
ردينه: واااو ديما وانت ناسي .. من واخد عقلك بس
لؤي ضحك : وحده يقولولها ردينه
ردينه:😳 اسسس تو يسمع حد 🙈
لؤي: وبعيدن معاك .. نبي نفهم علاش ماتبيش حد يعرف بعلاقتنا
ردينه : هكي يابيبي احسن والله
لؤي: به به اني راجع للمكتب مش فاضيلك توا
ردينه: امت مروح
لؤي: مش عارف اكيد بعد العصر
ردينه: باهي دير بالك ع روحك
لؤي: باهي مافيش بوسه هكي
ردينه: فيه عمر يسمعك ويدير فضيحه😂
لؤي شاف وراها وشهق ...
ردينه : خيرك "وتلفتت"
قدم بسرعه باسها ع خدها .. ووخر
ردينه:😳 ياابااااارد
لؤي وهو يضحك : تعيشي وتاكلي غيرها 😂
ردينه: برا برا 😬
لؤي: ههههه تهبلي باهي
ردينه ابتسمت : خلاص وقت على خدمتك
لؤي: ماشي هي سلام
ردينه: سلامات
خشت ردينه للحوش .. ولؤي خدي وراقيه ورجع لي خدمته ... كملت سلمى غسل الماعين .. خدت كتاباتها وشيتاتها ونزلت ... وكيف بتخش لي حوشنا جت ريح وطيرت جزء من الشيتات ✨
سلمى: استغفر الله 😣 "وطبست بتقيمهم .. عمر سبقها وخداهم .. قامت راسها وجت عينها في عينه .. توترت ووقفت طول"
عمر قعد يشبحلها وتنهد ... سلمى مدت يدها :عطيني الشيتات
عمر: تعبببت اني 💔
سلمى:.....
عمر: لي أمت باهي ؟ ... أرحميني ياحبيبتي والله معاد نتحمل
سلمى إبتسمت بوجع : حس حتى شويا بي الي حسيت بيه 💔
عمر: جلا من لا يخطىء ... واني غلطت وطلبت السماح
سلمى: واني مش مستعده نسامحك وترجع تخدلني
عمر: ولي امت الحال هدا
سلمى: عطيني الشيتات بنخش
عمر: شوفي روحك انتي بروحك مش مقتنعه بي الي ديري فيه
سلمى: لا مقتنعه وعارفه شن اندير
قرب خطوه .. وهي وخرت .. قرب اكتر وقبل ماتوخر شدلها يدها ✨
سلمى:😳 اطلقني وحول
عمر يشوف لي عيونها ويتكلم بصوت مخملي: انحبك 💔
نزلت راسها وتحاول تفك روحها
ضغط علاها وخلا عينه تجي في عينها : ماتنكرييش وانتي تحبيني !
سلمى: حووول ياعمر حووول😢
عمر: لي امتت بتهرربي باااهي لي امت
سلمى: ماهو انت مش حااس بي الي حسيت بيه وقتها ... مش عاارف قدااش ماعنييت😢 ... وكم ليله في ليله تمر عليا واني نبكي ونمووت من غيرك 😢 .... وانت ولا ع باالك متجوز وماشي معاها 😢... واني في امس الحاجه لييك
مسحلها دمعتها وخلا يده ع خدها : عاارف رووحي غاالط ... بس والله كنت مططر وكل الي درته غصب عني ... واني كنت كل ليله نتقطع من غيرك ... خلاص تو الي فاات ماات .. سامحيني وارجعيلي حبيبتي الأولا ... حبيبتي الي مايفوتش يوم وماتكلمنيش فيه... حبيبتي الي تخااف عليا .. حبيبتي الي تخاف عليا خوف الأم على ولدها ... إبتسامتك الصبح .. كلماتك .. ضحكت .. وحركاتك .. فاقدهم ومحتااجهم ... خلاص ياحبيبتي ساادنا بعد وارجعيلي 💔
دمووعها نزلو .. وفكت روحها وخشت لي حوشنا بسرعه .. كان خاطرها تحضنه وتقوله واني محتاجاتك ونبيك .. بس مش قاادرة مش قاادرة تسامحه 💔
ردينه:😳 هيبيي سلمى خيرك
سلمى حضنتها وقعدت تبكي
ردينه : بسم الله خيرك ياروحي .. شن الي بكاك
سلمى وهي تحكي وتشهق: استاااحسته ياااردينه 😭 .. استااحشت كلاامه ونبرة صوووته😭😭... انننحبه .. اني والله اننحبه 😭
ردينه تمسح ع شعرها : باهي وليش الدموع هده كلها ... ارجعيله وعيشو ايامكم مع بعض
سلمى: مش قااادرة انسااامحه ... ومش قااادرة ننسى فكره انه تخلا علياا ومشي لي غيري😭
ردينه : حبكم اكبر من سبب تاافه زي هدا ... خلااص انسي فاات علاها شهور القصه هده ... ساامحيه والله عمر يحبك
سلمى: وحتى اني اننحبه والله😭
ردينه : باهي وشن تستني ... امشيله وقوليله الكلمه هده
سلمى هزت راسها : ماانبيش 😢
ردينه : تعدبي في رووحك وفيه على فكره
سلمى: مش قاااااادرة نسااامحه مش قاادرة😭
ردينه : باهي خلااص غير اسكتي 💔
~
~
~
روحت العشيه خديت دووش دافىء حسيت روحي ارتخيت شوي ... قعمزت قدام المرايا وقعدت نشوف لي وجهي .. عيني متورمه وفمي منفوخ .. ووجهي كله كدمات ... حطيت راسي ع الزيانه وقعدت نبكي ... وقطع بكاي صوت فوني .. شفت لقيتها رتاج .. مسحت دموعي وقعدت ناخد في نفس ...
اني: الو
رتاج: سااعه ياكلبه باش تردي
اني: كنت ندوش
رتاج: حتى في العشيه😂
اني ضحكت : ع فكرة انتي موليه سخييفه 😂
رتاج: ماهو عرسي معش مزال عليه هلبا😂
اني: حيوانه ... اي شن صار خترتي الفيلو
رتاج: عييينك وقههرتك ماهو قتلك مش حاناخده الا لما تكوني معااي
اني شفت لي وجهي : مش عاارفه الحق الفترة هده ماضنيتيش نقدر نطلع
رتاج: بلااااا تسهوويييييك😳
اني: والله مصطفى مشغول
رتاج: وسيارتك من شن تشكي
اني: ااا.. ااماهو مصطفى سيارته خاربه ياخد في سيارتي
رتاج: باهي نخطم عليك اني وعمر
اني : خلاها السبوع هدا مصطفى مشغول وماضنيتش يقولي باهي
رتاج: وااااو منك .. باهي السبوع هدا بس
اني شفت لي وجهي ان شاء الله يتنحو العلامات في سبوع : باهي حاضر 💔
رتاج: اي شنجوك وانتي ومصطفى
تنهدت وسكرت عيوني بحرقه: الحمدلله كويس 💔
رتاج: باهي هي زيكو خش إنتظار وجهك
اني: سلامات
حطيت فوني .. وخشيت في السرير .. ضهههرري يوووجع بكل .. غطيت راسي وقعدت نبكي لين دخت 💔 .... ومع 10 في الليل سمعت صوته روح .. فتحت عيوني لقيته مطلع شنطه ويحط فاها في حوايجه .. شبحتله واني مستغربه؟؟
مصطفى وهو يسكر في الشنطه: ماشي لي تونس وبنروح قبل رمضان
اني:......
مصطفى: خليتلك فلوس واهو مفتاح السيارة .. اطلعي خودي حوايج لي عرس اختك .. وإعتدريلي منهم مش حاضره
اني:....
خدي باسبورته واوراقه وسكر الضيء وطلع ✨
مهما نحكيلكم .. ومهما نوصفلكم شعوري الوقت هدا .. مش حاتحسو بي الي حاسه بيه ... لحظه حسيت بفرحه حانفتك من وجهه قريب شهرين ... ولحظه حسييت روحي مكسوره وماعنديش راجل .. نطلع معاه للسوق ونختارو مع بعض ... يقولي ماتباتيش عند حوش بوك .. مانقدرش نرقد بروحي ... كل شويا يقولي اطلعي بنشوفك استاحشتك ... لما بنمشو نفرشو الحوش .. نركب مع راجلي! ... لما بنمشي للمزين يرفعني راجلي! .. لما نروحو بي العرسان !.. يقولي تتفكري ليله عرسنا💔!! .... ااااه يااربي اااه .. سااعدني وارحمني يااارب ... سااعدني والله ضعييفه وماعاد عندي حييل والله 💔
~
~
~
~
زكريا ومحمد يفرشو في شقه زكريا ✨
محمد: دفه اهني
زكريا: تي تبيه تحت الروشن خيرك
محمد: اووف باهي دف هي
وساوو الكنبه واتكو علاها ... زكريا إبتسم وحط يديه على عيونه : واخيييرا يارااجل💓
محمد تنهد : الحمدلله صبرت ونلت
زكريا: اي والله .. رتاج نعمه من عند ربي والله .. من الأول كاانت صريحه معاي ... وحبتني بكل شيء واني نفس الشيء
محمد: ربي يهنيكم
زكريا : العقبالك !
تنهد من وسط قلبه وسكر عيونه: خلاها في سرك بالله💔
زكريا: البنت تجوزت خلاص ياراجل انساها
محمد: مااتقووللييش انساااها .. يعني لو قدرت .. اكيد حاننسااها من غير مااتقولي .. تي رااهو محفوورة في وسسط وسسط قلبي كييف بننساها كييف .. انت اكتر واحد عارفني ماعنديش في دوه البنات ... بس شيمااء!! .. خشت في قلبي من اول يوم شفتهاا فيه .. ومااقدرتش نطلعها من تفكيري .. ومش حاايجي اليوم الي ننساها فيه .. حتى لو كنت تحت الترااب 💔 ... وقف وخش الكوجينه قعد يمسح في دموعه💔
زكريا: ااااخ يااصاحبي ربي يكوون في عوونك .. يااريتك جيتني اني وكلمتني ااني ياااريتك .. كاانت شيمااء لييك ومش للفااسد ₩¥$@✨
~
~
~
يوسف اتصل بي مها اكتر من 15 مره .. بس هي شيء حاطاته قداامها وماقدرتش ترد عليه 💔 ...
~
~
~
فاات يوم ورا يوم واني من حوشي لي حوش عمتي .. كنت مرتااحه من غير مصطفى .. علامات وجهي خفو .. وبالمكياج يختفو بكل .. طلعت اني ورتاج ومها والبنات خترنا الفيلوات .. ومشينا للمحلات بناخدو قفاطين .. كلهم اختارو الا اني مالقيتش ... مش لأنه وزني زايد !.. ولا لأني ضعيفه ومافيش الي يجي عليا ! .. ومش لأنه مالقيتش الي يعجبني .. لالالا لقيييت ومش واحد ولا تنين اكتر من قفطاان يااخدوو العقل ... بس مانقدرش ناخدهم .. علااش!! .. لانه مافيش حاجه مستورة وتخفي علامات الضرب الي ع جسمي .. لأنه الإنساان الي يقولوله رااجلي مخليلي ضهري ويديا خريطه !!...
ومافيش حد يعرف بي الي اني فييه .. وبالضرب الي واخداته .. غير عمتي وأبرار .. ماقدرتش نقوولهم مصطفى ماينفعش ....ماقدرتش نقولهم شوفو نتيجه إختيااري كييف .. مااقدرتش💔
~
~
~
✨
زكريا: الو
اني: اهلين ياعريس
زكريا ضحك : اسمعي نبيك تجيني للشقه اتممي علاها
اني: باهي اني اصلا كيف كنت حانطلع تو نخطم عليك
زكريا: ماشي نستنا فيك
اني: تمام
لبست وشاحي .. خديت شنطي وطلعت .. خطمت ع الخياطه خديت منها قفطاني .. درته مستور وكم .. علامات ضهري قعدين ماخفوش💔.... وخطمت خديت مزهريات وكم حاجه زينه لي شقه زيكو ... ووصلت .. فتحلي زكريا ✨
اني: شد يديا وجعوني
زكريا: علاش متعبه روحك
اني: لي رتاج مش ليك😂
زكريا: خزي تو رتاج طلعت خير
اني: لا والله انتم اكتر شخصين غاليين عليا
زكريا ضحك : بعد مصطفى طبعا
اني ابتسمت : نحب عدوي اكتر منه
زكريا يحط في الحاجات: شن قلتي؟؟
اني: شيء ...خود مفتاح السيارة مزال فاها حاجات
زكريا: هاتي هي
هو طلع .. واني نحيت وشاحي وخشيت للمطبخ .. لقيته شاري كم حاجه قعدت نستفله فيهم .. شويا وسمعت صوت الباب ... غريبة نحسابه خدي معاه المفتاح؟؟ ... مشيت بسرعه وفتحت الباب💔 .... ومحمد هو الي كان قدامه💔