ابتسامته الي نعشقها إرتسمت ع وجهه ... دموعي نزلو واني نشوف فيه قدامي ... يد مصطفى وهي تغطيلي في وجهي ... دمعته نزلت حااارة ومعش قدر يتحمل ... ركب في سيارته وطلع بسرعه💔 .... علاش جيت ! ... علاش حتى في يوم فرحي مصر ادكرني فيك! .... علاش تخليت عليا! .. وخليتني لي غيرك! .... علاش ياحبيبي علااش!!!. ... مصطفى وهو يركب فيا في سيارته ... يده وهي تنزلي في الكاب ... مش حااسه بشيء ... قلبي وقف اول مامحمد اختفي !! ... لو كان الميت يحس! .. فا هدا هو شعوره .. وهو حاطينه في القبر ... ويغطو في وجهه بالتراب💔
~
~
~
~
صوت الموجه وهي تخبط في الرشااد !... قبضه يد محمد وهي تخبط في صدره! ... صوته وهو يلووم في روحه! .. دموعه مع حبات خفيفه من المطر !... يااربي ليش كل هالعدااب💔
زفيتها ليييه .. شفتها بالأبيض مع غيري 💔...ااااااه يااادنيااا.. شن درررت فيي روحي يااااربي ... يااارب خوود اماانتك والله ماعاد نتحمل😢... شبح للبحر ودومعها ينزلوو .. وقلبه بيتقطع💔 ... حس بيد انحطت ع كتفه ... شاف لي زكريا 💔 ... مسح دمعته ولف وجهه
زكريا: شيماء ؟
محمد:......😢
زكريا: شيماء هي البنت الي تحكيلي علاها !
مسح دمعته وهز راسه 💔
زكريا: علاش ماطلبتهاش مني ؟ ... علاش دسيت في قلبك وماطلبتهاش ؟.... عارفني مستحيل انردك ... مستحيل حانلقا راجل يصونها خير منك 💔
حط يده ع راسه ... وتفكر كيف بابا رده ... دموعه نزلو وهو يحكي لي زكريا 💔
~~~~~~~~
《《اني: محمد دير حاجه بالله عليك دبر 😭 .. اني مانبييش مستحيل نوافق😭
محمد: تي شن مهزله هي 😠 .. سكري سكري وتو نعرف كيف نتصرف
اني: ماتعطلش عليا 😭
محمد: خلاص حبيبتي اهدي .. امسحي دموعك وراس حبيبي .. ماتخافيش مش حاتكوني لي غيري صدقيني 💓
خدي مفتاح سيارته وطلع بسرعه ... وصل لي شارعنا كيف بيخش لي حوشنا .. بابا طلع .. درس سيارته ونزل
محمد: السلام عليكم
بابا: وعليكم السلام
محمد: كيف حالك ياعمي
بابا: بخير بس من تكون ؟
محمد: محمد صاحب زكريا نسيبك .. الي يسكن معاه !
بابا ضحك بهزوه : هههههه وشن جاي بتسكن معانا امالا
سكر قبضه يده وخدي نفس : ممكن نخشو ونحكو الداخل
بابا: لا ماعنديش وقت احكي الي عندك بسرعه
محمد: هو يعني المفروض جيت في وقت احسن من هكي ومعاي العيله ... بس صارت بسرعه .. والله شن بنقولك ياعمي اني رايد قربكم .. وناوي الحلال ... جاي نطلب في يد بنتك شيماء 💔
بابا: ههههههههههههههههههههههه
محمد شبحله بإستغراب : قلت حاجه غلط لاسمح الله !!
بابا: علاش ناوي تسكن عندنا😂 ولابتسكن بنتي عند خالها 😂
محمد يحاول يملك اعصابه : الحمدلله ياعمي مستورة .. واكيد حانطلعها في حوش بروحها
بابا : لاحوش بروحها ولاغيره .. كان هدا باين عليك وفاتح حوش لي عمرك .. مش طول في عرض وساكن عند الناس ... امشي دور عيله من مستواكم .. اني لما نعطي بنتي .. نعطاها لي راجل مقتدر يعيشها ويريحها
محمد:😳 الفقر عمره ماكان عيب
بابا : نووض ترا توا انت جاي بتوريني العيب والي مش عيب ... امشي من قدامي ماعندناش بنات للجواز .. ووجهك معش نبي نشوفه في الشارع 》》
يمكن اكتر حاجه تكسر الراجل ... هي انك تهينه واطيحله كرامته ... عمره الفقر ماكان مقياس ع الرجوله والأخلاق ... بس ناس زمان قالت "هات من يفهم" ... ياما من الناس رفضو رجاله ع خاطر فقرهم ... ولو فكرو شويا ... كان عرفو انه هدا الفقير الي رفضوه ... احسن من 100 واحد غني بالمال .. وفقير بالأخلاق والدين💔
~~~~~~~
زكريا : عااادل ال ₩£¥£@ تييي علااش ماقتليييش بااهي علاااش😠 ... انت عاارف عادل وتفكيره المسخ😡
محمد : هدا الي صااار💔
زكريا : معناها هدا علاش حولت من الحوش
محمد: لا والله كنت ناوي نحول من قبل💔
حط يده ع كتفه وتكلم بصوت هادىء: ربي يبعتلك الي خير منهاا 💔
حرك راسه بالقوه وقد يعيط: مستحيييل ..مستحيييل نفكر ونحب من بعدهااا... شيمااء ملكه قلبي وسكنااته .. وعمره مايجي اليوم الي نحب غيرها 😢
مسح دمعته وشاف لي زكريا : اسف ياصاحبي 😢 عارف المفروض مانحكيش هكي قدامك 😢 ... بس قلببي محرووووق ماتواخدنيش 😢 "ومشي بسرعه"
تنهد زكريا وشاف للبحر : حاس بيك ياصاحبي وعارف النار الي فقلبك 💔 ... فانار الحب ملوعتني قبلك 💔
سكت شويا .. وخبط جبهته براحه يده : رتااااج كيف نسيتها الزح 😣 "ركب في سيارته وطلع بسرعه"
~
~
~
~
ماما: ردينه شوفي المطبخ كان في حاجات فاضله والحافظات
ردينه: باهي ياماما
قامت قفطانها وقعدت تمشي .. ااااخ رجليا تكسرو من هالكعب😣
لؤي : من الي موجع حبيبتي 💓
ردينه حطت يدها ع قلبها:😳 خخلعتني
قدم منها لؤي ... وجهها قعد احمر ونزلت راسها
لؤي: علاش تتهربي مني .. من لما حكيتلك معش شفتك وحكينا مع بعض
قعدت ساكته ومنزله راسها
لؤي: لو كان خايل عليا انه لما نعترفلك تتهربي مني ومعش تحاكيني ... كنت قعدت ساكت وبعيد
قامت راسها وشبحتله بدهشه :😳 بتخليني💔
لؤي: لو قعدتي هكي .. هي هي قريب منك ومش مع بعض
سكتت شويا وبعدها تكلمت : لؤي انت بالحق تحبني ؟؟
ابتسم وقرب منها : تبي نتبتلك يعني 😉
دفاته ووخرت: كأنك واخد راحتك بزيادة
لؤي: تو مش عاجبك يعني 😁
ردينه:😳 لؤي
لؤي بصوت واطي: ياعيون لؤي 💓
إبتسمت وحكت بنفس طريقته : مستغربة كيف قعدنا نحبو بعض هكي
لؤي: الدوه عليك اني انحبك من زمان
ردينه : ماحكيتليش من امت وكيف ؟؟
لؤي: انتي ردي عليا الأول
ردينه نزلت راسها : تحشمت منك 😇
لؤي دبل عيونه: تتحشمي مني انا لؤي حبييك!
ردينه : معش تشبحلي هكي 🙈
شاف يمينه ويساره لقي الممر فاضي .. قرب بسرعه وباسها ع خدها
ردينه:😳 لؤي
ضحك وحك لحيته: طالعه تهبلي .. مش مني خديتي عقلي💓
ردينه ابتسمت : باهي وكان ..اني مش مرتك 🙈
لؤي: لاا تعالي نقولك لما تقعدي مرتي شن نديرو 😁
ردينه: 😳 العتب عليا اني قعده معاك "وجت بتمشي"
لؤي وهو يضحك : ماترقديش بعدين نبيك باهي
لفت عليه وفنصت
لؤي: تي لااا وين مشي عقلك .. مش قتلك بعد ماتقعدي مرتي ...تو بنحكو بس😂
وجهها قعد احمر ولفت .. مشت خطوتين ناداها
لؤي: اسمعي💓
لفتله : نعم 💓
لؤي: انحبك
ابتسمت وعيونها لمعو : حتى اني 💓
ومشت بسرعه ✨
~
~
~
مها : ياماما اني تعببت نبي انروح😣
ماما: تي من بيروح بيك توا 😠 قعمزي واسكتي
مرت خالي: اهو يوسف جي روحي معانا كان هدا وتو نحطوك في طريقنا
مها: لالا خلاص تو نقعد
ماما: لالا ماتقعديش تنقي ع راسي كل شويا .. احني مزال لين نتمو .. روحي مع مرت خالك
مها: لا خلاص تو نسكت
مرت خالي: تي هيا تتحشمي من يوسف .. خطيبك توا خلاص
مها: ااا ....
مرت خالي: اهو وصل هيااا
مها معش عرفت شن ترد .. لبست عبايتها وطلعت معاها .... يوسف كان مقعمز في السياره ...اول ماشاف مها نزل ✨
مرت خالي وهي تركب: اخطم ع حوش عمتك نحطو مها قبل
يوسف: ان شاء لله
مها نزلت راسها : بنتعبك معاي
يوسف : تعبك راحه ياراحتي💓
مرت خالي فتحت الروشن : بتقعدو واقفين هكي ؟
مها :😳 لالا "وفتحت الباب وركبت "
يوسف ابتسم وركب حتى هو ... طول الطريق مها ساكته ويوسف يشبحلها من المرايا ويبتسم
امه: ركز ع الطريق راهو ترزينا في حاجه
يوسف: مركز مركز 😑
امه: ان شاءلله مايفوتش شهر على هالعرس الا وعرسكم طالع
يوسف بصوت عالي: يااااااارب💓
امه: ولاد توا معش يتحشمو
مها قعدت تضحك ... شبحلها من المرايا وغمزلها ... شبحت للروشن وسكتت ✨ ... قعدو ساكتين لين وصلو قدام الحوش
مها وهي تفتح في الباب : تعبتكم معاي
مرت خالي: مش بيناتنا اللطف
مها: تصبحو ع خير
يوسف : خليتي ننزل معاك احسن
مرت خالي: اي اي انزل وماتجيش لين تتأكد انها خشت
نزلت مها ويوسف واقف جنبها .. فتحت باب الجنان وخشو ..
يوسف : مها 💓
مها: نعم
يوسف: قعده ماتبيش خطبه وبيان
مها هزت راسها
يوسف : بس العرس اني بنطلعه توا
مها:😳 كييييف
يوسف : حوشي واتي وانتي معش مزال هلبا ع السيمستر هدا .. خلاص نطلع العرس بين السيمسترين
مها: مانبيش لين انتم قرايتي😠
يوسف : تي قرايه شنو بعد 5 ولا 6 سنين تانيه مستحيل
مها: اني هدا شرطي
يوسف: اشرطي غيره معناها
مها: احني ماتفقنااش هكي 😠
يوسف: احني من احني .. امت تكلمنا باش نتفقو ؟؟
مها: ااا... اني قلت لي ماما قوليلهم هكي
يوسف: مها اسمعيني كويس ... اني اكره ماعندي حد يدخل في حياتي .. يعني الكلام هدا توا وبعدين .. لا أمك ولاأمي ليهم علاقه بحياتنا .. اني وانتي بس الي نقررو شن نبو وشن مانبوش
مها: باهي واني مانبيش
يوسف: قرايتك مش سنه ولاتنين .. لي امت تبيني نصبر باهي .. لما نوصل للأربعين
مها: معناها شوف وحده غيري مكمله قرايتها وتجوزها😠
فجأة فقد اعصابه وقعد يعيط .. قرب منها وشدها من يدها من فوق : انننتي بااااش تفههمي😠 .. كككممم مررة نقووولك غيرك مش حانااخد 😠 ... "وقعد يخبط في راسها من الجنب بصبعه" ... خلااش افهمي حطاها في عقلك ... انتي لياا واني ليك .. قلتي باااهي قلتي لاا .. معش تفرق معااي حاناخدك حاناخدك 😡
دموعها نزلو وقعدت تبكي💓
يوسف بصوت عالي: افتحي الباب وخشي هياااا😠
مها: اطلقني باهي😭😭😭
يوسف وخر علاها وتنهد : خلاص امسحي دموعك وخشي😪
هزت راسها وقعدت تبكي اكتر ... ارتبك ومعش عرف شن يدير ... ينسى روحه لما يتعصب 💔 .. قعد يمسح في وجهه بيده وياخد في نفس ... بيقرب منها هي تكلمت 💔
مها: ننكررهك 😭 نكككررهك😭 ننكرهك😭 .. وعمرك ماتفكر انه يجي يوم وانحبك .. وكان الأمر بيدي .. نقتل روحي وماناخدك😭😭
يوسف: ياعنننن ₩¥$#😡
فتحت الباب وخشت بسرعه .. وقبل مايتكلم سكرت الباب في وجهه
يوسف : الله يلعن الشيطان 😪
~
~
~
~
سلمى: هده خيرها ماروحتش😠
ردينه: منو ؟؟
سلمى: سهى الهم
رديته: نسمع فاها قالت بتروح معانا وحتى عمتي روحت
سلمى: اوووووووف😔
رتاج: ماشفتونيش وين حطيت عبايتي😓
ردينه: في دار العروسه شفتها بكري
رتاج: اي حقا نسيتها
دار العروسه جايه جنب الباب الرئيسي وكان مفتوح .. خطمت من قدامه وخشتلها ... زكريا كان كيف نازل من سيارته ... لمحها من بعيد خش بسرعه من غير ماحد يشوفه ✨
رتاج : تي وين حطيتها 😣 "ولفت بدور علاها .. لقت زكريا قدامها "
رتاج:😳😳 بسم الله العظيم ... شن ادير هنيي😠
زكريا: اسسس نقصي صوتك
رتاج: اطلع باهي 😠
زكريا: بنتكلم معاك
رتاج: مافيش كلام بينا خلاص اطلع
زكريا: علاش ماترديش لما نتصل بيك
رتاج ضحكت: وليش بنرد .. خلاص اتفاقيتنا وتمت
زكريا: انتي نهيتاها من عندك
رتاج: لأنه مافيش منها فايده .. انت قلتها رشا مستحيل ننساها 😠
زكريا نزل راسه : بس كنت غالط لما حكيت هكي💔
رتاج:😳 كيف يعني ؟
زكريا: كنت نحساب روحي قاعد نحبها ونفكر فاها ... بس صار العكس ... وعرفت لما بعدتي عليا ... يومي ااخي من غيرك .. وبنموت لانه مانقدرش نحكي معاك ... صوتك وشكلك وضحكتك مافارقونيش بكل ... كنت نوهم في روحي طول الوقت .. ونحساب كل الي نحس فيه انه تعود بس ... بس .. بس الي عرفته .. انك خديتي قلبي وتفكيري 💓
رتاج:😳😳
زكريا إبتسملها وقرب منها : تتجوزيني 💓
قعدت ساكته وتشبحله ... دقاات قلبها زادو ومعش عرفت شن اترد !!!
حرك يديه وقعد يتكلم وهو متوتر : ق قصدي ..قصدي .. يعني لو انتي تبي .. هو عارف انه احني متفقين نقعدو اصدقاء .. بس ماقدرتش .. وحبيتك من غير مانعرف
شبكت يداها في بعض وحااسه جسمها كله نااار .. تبي تقوله انه حتى هي تحبه وتبيه .. بس ماقدرتش والكلام ماطلعش معاها
زكريا قعد يشبحلها ومتوتر : لو ماتبيش عادي وانسي الي صار 💔
حركت راسها والكلام يطلع بصعوبه من فمها : م موافقه 💓 "وطلعت بسرعه"
ضحك ومسح وجهه: اووووه الحمدلله💓
~
~
ردينه: وين عبايتك
رتاج: ....
ردينه: هييي رتاج
رتاج:😳 ااه نعم خيرك
ردينه: تي عبايتك وين بنروحو
رتاج: مالقيتهاش
ردينه: تي شفتها ع الكنبه
رتاج: مالقيتهاش بري شوفاها انتي
ردينه: تمشي للبحر تلقيه نازح
رتاج:......
~
~
~
~
مصطفى: انزلي هي
اني:😭😭😭😭
مصطفى: خلاص ياحبيبي هده سنه الحياه
اني قعدت نبكي وخلاص
فتح الباب ونزل .. فتحلي بابي ومدلي يده : هيا حبيبي الناس تشوفلنا
دفيت يده ونزلت بروحي ... تنهد سكر الباب وخشينا للفندق .. خدي مفتاح الجناح وركبنا ... مسحت دموعي وحاولت نهدا .. هدا قراري وضروري نتحمل عواقبه💔
مصطفى: هي تعالي نساعدك
اني: خلينا انصلو قبل
مصطفى : انصلوو اي صح هيا
اني: متوضي ؟
مصطفى: ااه
اني: متوضي ؟ .. باش نصلو
مصطفى حول دجاكته : تو نتوضى باهي
خش للحمام واني قعمزت ع الكنبه : ياااربي😣 شن البلي الي حصلت فيه
مصطفى: قلتي حاجه
اني: لا هيا باش نصلو
~
~
~
~
عبدو : سمي بسم الله وخشي 💓
امل: بسم الله 💓
عبدو: نورتي حوشك يابيبي
امل: بوجودك حبيبي💓
عبدو قرب منها وحضنها : واخيرا ياعمري 💓
إبتسمت ولفت يداها عليه : تعبنا هلبا باش جي اليوم هدا 💓
عبدو: اهم حاجه حبنا إستمر 💓
امل: ان شاءلله ديما 💓
عبدو: ياارب💓 .. هي تعالي نوريك الحوش
امل: هي
~~~
عبدو: وهده دار النوم
امل: محلاها يابيبي💓
عبدو: عجباتك
امل: هلبااا
إبتسم واتكى ع السرير
امل: اطلع خليني نبدل
عبدو : تو نغمض عيوني بدلي😁
امل: ههههه لااا هياا
عبدو : باهي شويا بس
امل وقفت ع الزيانه وقعدت تفك في شعرها ... سكت شويا وبعدها تكلم
عبدو: كبير هلبا راجل شيماء
امل شافتله من المرايا : بيناتهم 20 سنه
عبدو:😳 وعلااش شن الي خلاها توافق عليه
امل : هي تبيه
عبدو شبح للسقف: غبيه حرام فيه جمالها💓
امل وهي متعصبه : شن دخلك فيهم انت 😠
عبدو: عادي يعني وشن فاها لو عطيت رايي
امل: لا هدا مش راي 😠 .. شفتك حتى بكري ماحولتش عيونك من علاها
عبدو:😳 اانيي؟؟
امل: اي انت باالك تحسابني مانشوفش ومانعرفش 😠
عبدو: تي والله ماشفتلها عادي
امل: لا شفتلها 😠 قولها عادي متحسف انك خليتها
عبدو: تو شن جاب الدوه هده 😠
قامت فيلوها وخشت للحمام سكراته بالقوه
عبدو بصوت عالي: ايييووه بدينا في النكد من اول ليله😠
~
~
~
ركبت ماما ونساوين عمي مع عمي وطلعو ..
والبنات وقفو قدام الصاله يستنو في عمر ولؤي يجيبو السيارات .. درس لؤي سيارته ونزل
لؤي: هي من بيركب معاي
سهى: اني بنركب مع عمر
سلمى:😳
رتاج: تي شن الفرق يعني😑"وركبت مع لؤي"
لؤي غمز لي ردينه: هياا
ردينه:😳 باهي "وكيف بتفتح الباب درس عمر "
عمر: ان شاء الله الهم بتركب معاي😳
لؤي يقلد في صوتها: اني بنركب مع عمر😂
ردينه: ههههههههه😂😂
عمر: اسمعو فكونا وحق ربي ااه .. سلمى جت ماتخليهاش تركب معاك يالؤي 😳
سلمى بتفتح الباب .. عمر انخص لؤي
لؤي:😳 ااااه .. سلمى ماتركبيش
سلمى:😳 علااش
لؤي: اااا سيارتي معبيه
سلمى شافت لي ردينه : اركبي مع عمر وخليني مع لؤي
عمر: كحكحكحكحكح😳
ردينه شافتله : لالا خلااص اني ركبت "وفتحت الباب وركبت"
سلمى:😳 تي شن هدااا مصحكم 😠
لؤي: هياا ياسهى
سهى: بنركب مع عمر خلاص امشي
سلمى شافت لي عمر ونزلت راسها 💔
عمر: سيارتي معبيه اني
سهى: شن فاها اهي فاضيه
لؤي: تي خلاص افهمي عاد .. يبي سلمى بروحها
سهى تضربوها بموس ماتطلعش منها قطره دم .. فتحت السيارة وركبت من غير ماتتكلم
عمر: منور😂😂
لؤي: درهتو كبدي الزح .. تحشمتو غير في هده 😂
ردينه فتحت الروشن وكلمت سلمى بالشويا : سامحيه خلاص
سلمى: بنركب معاكم مادخليييش😢
لؤي ركب وسكر البيبان : اسفين ياسلمى مكانك مع عمر
عمر: توكل يامان خلاص ✋
لؤي بيبله ومشي ✨
سلمى: انت شن الي ادير فيه 😠
عمر: خلينا نحكو ونتفاهمو
سلمى عيونها معبيات دموع وتحاول تتمالك نفسها : عمر انت خليتني في الوقت الي محتاجاتك فيه 😢... خليتني ومشيت مع غيري في يوم عمليتي😢.. خليتني بالرغم من انه كلمتك وقتلك ماتخلينيش وانت وعدتني😢... خليتني وفيه إحتمال كبير انه مانرجعش .. بس مع هدا مشيت وخليتني ... وماكلفتش روحك حتى تتصل وتسأل عليا ...وتوا بعد ماوقفت ع رجليا ورديت صحتي .. جايني وتبي ترجعلي😢... قلبي موجوع منك وصعب ننسى الي درته ... بنطلب منك حاجه وحده بس ... خليني في حالي ياعمر ارجوك😢
مسحت دمعتها وركبت في السياره ... سكر عيونه بحرقه وركب جنبها .. طول الطريق ساكتين ومافيش ولاواحد فيهم قدر يتكلم ... درس سيارته قدام الحوش ... حطت يدها ع الباب .. وشبحتله
سلمى: تصبح ع خير💔
عمر: وانتي من اهله💓
نزلت وركبت طول ماقدرتش حتى تخش للحوش وتتكلم مع البنات 💔
~
~
~
~
#الساعه_3 ✨
نضت وحاسه راسي حايتفجر .. شفت جنبي لقيت مصطفى💔... دموعي نزلو واني نتفكر في الي صار ... خشيت للحمام وقعدت ساعه تحت الدوش واني نبكي ... حاسه روحي خنت محمد .. وخنت تقته 💔.. لبست وطلعت للصاله .. شديت فوني ومالقيتش روحي غير متصله برتاج
رتاج بصوت ناعس: الو
اني: رتاج 😭
رتاج شافت الرقم ورجعت حطت الفون ع ودنها: بسم الله شيماء😳 خيرك
اني نبكي ونشهق: كاارهه رووحي يارتاج😭 انحس في رووحي ااخي 😭 وكان نلقا نمووت
رتاج: بسم الله العظيم خيرك علاش شن صار
اني: 😭 خنت محمد يارتاج ورقدت مع غيره😢😢
رتاج بصوت عالي: نقصي صووتك تو راجلك يسمعك😠 .. محمد شنو .. علااش من خان التاني وتخلا عليه 😠.. خلاص توا انتي مراة متجوزه ومن الطبيعي الشيء هدا يصير
اني: مش قاادرة يارتاااج مش قاادرة😭
رتاج تنهدت : شيماء انتي توا على دمت راجل .وحتى التفكير بغيره حرام انتي عارفه صح
اني هزيت راسي ودموعي ينزلو
رتاج: امسحي دموعك .. ونوضي توضي وصليلك ركعتين .. وحاولي انك ترقدي
اني: باهي 😢
رتاج: انسي الي صار ولوحي الماضي ورا ضهرك وراس وخيتي
اني: خلاص ولي ارقدي
رتاج: تو غدوه نجوك
اني: الساعه كم بنمشي للمزين 😢
رتاج: مع 3 وتي روحك
اني: تمام سلام
رتاج: سلام
حطيت فوني جنبي وسكرت عيوني 💔
الناس مسميينها ليله العمر ... يحسابو كل إنسان يتجوز .. حاتكون ليله عرسه هي اسعد ليله في حياته .. مايحاسابوش فيه منهم الي يتجوز بالغصب ..او نتيجه غلطه .. او .. او .. او ... لما يشوفوها بالأبيض يحسدوها ويتمنو يكونو في مكانها ... مايندروش انه هده الي حاسدينها .. عندها تلبس الكفن اهون من الفيلو ... والمشكله هده الحاجه الوحيده الي يمكن مافيهاش رجوع ... ياما من الناس عاشو حياتهم مع غلطه عمرهم ... وهما ساكتين ومتحملين .. على اسباب تافهه.. بس في نظر الناس كبيرة وعيب الوحده تطلق ع حاجات زي هكي ... ✨
خشيت للدار وماقدرتش نرقد جنبه ... وليت للصاله وقعدت نبكي لين خدااني النوم ... ومانضتش الا ع صوت حاجه تكسرت ... قمت راسي وستغربت من مصطفى وهو متوتر ويخبي فاها تحت السرير ✨
#يتبع