….البارت الرابع….
{#مازلت_طفلة}
#بقلم_الكاتبة_شمس
واني افكر ببنيتي وشلون منعتني اروح وياها ..
تگلي احنه موجودين يمها ماكو داعي ترحين ..
اعرف بنتي ماتگدر بدوني وعلى فراگي ..
بعدهي صغيره ع المسؤوليه والزواج ..
بس هاي قسمتها ومااگدر اعترض ..
اندگت الباب دخل الحجي ..
شلونج ام هدى ان شاء الله زينه ..
هلا بيك حجي الحمد لله بخير اذا هداوي بخير .
باوعتلي وابتسمت ..
التفت عليه . وانتي هدى شلونج اليوم .
هزيت راسي زينه ..
دزيت الولد جابوا العلاج .. اتريگي واخذيه والتزمي بي .
جاوبته ب اي ..
هو اخذ كم حاجه من الكنتور .. وترخص وطلع ..
باوعتلي امي .. مبين خوش رجال بلكي يصونج ويحافظ عليج ..
سكتت ماجاوبتها ..
اجت توته جايبه الريوگ ..
گعدنا اني وامي تريگنا . گيمر عرب ومربى وخبز حار .
امي اكلت شويه . گالت هاي الخاطرج اكلت مااگدر معدتي تهيج عليه .
خلصت اخذت علاجي . وتذكرت العلاگة مال فواكه .
گمزت من مكاني جبتهن واجيت .
هاج يمه ذني ..
شنو ذني ..
هاي فواكه الاخواتي اخذيهن . بحياتنا ماضايگيهن طيبات .
لا يمه لا .. شيگولون عليه من يشوفوني ماشايفه وجاي ابوگ منهم اكل ..
-ليش تگولين هيج يمه هاي حصتي وضميتهه الهن ..
بالگوه اقتنعت تاخذهن .. وضمتهن وهي خايفه وتتلفت خاف واحد يشوفها عبالك صدگ بايگه منهم ..
بعدين گالت .. راح اروح اخواتج وحدهن ..
حضنتها اريد اشبع منها ..
يمه حبابه ابقي اليوم يمي .
عيب يمه ناس غربه شيگولون عليه ..
يمه جا شلون تعوفيني وحدي عند ناس غربه ماتخافين عليه .
ولج يمه هذا صار بيت رجلج . يعني بيتج . لاتخافين وشفت البنات شلون يحبنج .
اي صحيح هن حبابات بس عمه نضال مو مثلهن اخاف منها .
لاتخافين هداوي صيري سباعيه وارفعي راسي بيج لاتخلين زله عليج ويحجون علينا الي ماعلمناج .
گامت توصيني وتنصحني . صار الظهر اترخصت وراحت .
الحجيه ام رضا اخرتها ع الغدا بس هي ماقبلت .
راحت امي واخذت روحي وياها .. اخذت الهوا الي اتنفسه بروحتها ..
امي ماتشبه اي ام . امي جبيره بالعمر والزمن ماكل عمرها وحيلها واديها مجرحه ومحروگه من الخبز والشغل .
بس رغم كل هذا بلمساتها الحنيه والدفو .
ابد ماحسستنا ببعدها عنا مثل الصديقه ويانا ..
رجعت ابجي الغرفتي .. اجت يمي توته .
گالت كسرتي خاطري من شفتج تبجين .
-احنه بيتنا قريب يمكم اذا توضجين تعالي يمنا او دزي عليه واجي يمج .
-هااا اي حبابه اني مااعرف احد هنا
سمعنا هوسه .. گالت اوكفي هسا اجي .
طلعت بعد نص ساعه رجعت ..
-هاي شبيج توته ليش تبجين .
-خالو لؤي سافر
-وين سافر
-للاردن .هسا ودعناه وراح .
-شيسوي هناك
-يشتغل صارله خمس سنوات بالاردن .
-وحده
-اي وحده
-شيشتغل .
-ماادري . هو يشتغل بالاردن . يجي بالسنه كم يوم ويرجع . وهسا اجه علمود زواج خالو رضا ورجع .
-انتي كم خال عندج .
-اني عندي ثلاث خوال .
خالو رضا اكبرهم وبعدين اجت امي وخالتي رجاء وخالو لؤي وخالو مرتضى اصغرهم يدرس اعداديه ..
-هدى. . اي بس شفت ولد هواي البارحه عندكم .
-اوووه احنه عائلتنا هوسه ناس ماخذه من ناس .
والبارحه ولد عم ماما كلهم هنا .
واخوان خاله نضال هم موجودين يصيرون ولد عم كلهم .
لتخافين بعدين تعرفيهم كلهم ..
-دوختني توته بسوالفها . وعرفتهم هواي وكلهم گرايب .
شگد حلو هيج .
احنه ابويه مانعنا نختلط بواحد . يگول بس تروحون الخوالكم لو العمامكم يرجعون يجونا وتعال سوي غدا وعشا واني ماعندي .
لهذا جان حارمنا من اللمه والگرايب .
… مر كم يوم وحسيت حالي صرت احسن .
والناس خفت وبعد مو هواي يجون بس بناتهم . باجي ام ايات وام علي وبناتهم واولادهم . بس مو دائما يجون
لان دوامات وميلحگون .
اوووف كلما اذكر الدووام اضوج واتحسر .
عمة نضال گالت صرتي زينه گومي نزلي للمطبخ .
همه عندهم وحده تجي تنضف البيت وتمسح وتغسل ملابس .. لان امي بطلت منهم بعد ماخطبوني.
بس گالتلي انتي هم وياها تعلمي الطبخ وساعديها .
هدى .. اي عمه صار . بقلمي الكاتبة شمس
نضال .. وعمامه شنو عمه هازة كاروكج اني .
گولي باجي .
ميخالف باجي ..
كنت اسوي العشا واغسل مواعين وانضف .. من العصر لليل .
والمريه عليها الصبح طبخ وغسل ملابس .
الحجي مو دوووم بالبيت . اكثر الاحيان ببيت عمه الشيخ هو هم قريب عليهم . بس هناك الزلم تتجمع .
للان اني ماطالعه ولاشايفه احد . واشتاقيت الامي والاخواتي ..
اريد اروح اشوفهم بس اخاف احجي .
مرات اگعد وي امي الحجيه .تسولفلي عن ايام قبل .
بيتهم مايخلى من النسوان والخطار .
وكل التجي من النسوان ويگلولها هاي مرت الحجي يتعجبن ويصفنن بوجهي بس مايحجن .
حصلت فلوس وهدايا هواي .
وجنت اصفن عليهن اگول امي واخواتي ماعدهن خلي اضمهن الهن خطيه .
من اروحلهم انطيهن . بس شلون بعمه نضال كل ساعه تجيني شگد صارن لو شحصلتي .
سجليهن بالورقه حتى نحفظ الواجبات ونردهن من يصير عندهم شي .
مافهمت شي بس گمت اسجل اسأل امي الحجيه عليهن واكتب اسمائهن .
الحجي جان حنين عليه . حسيته ابوي الي انحرمت من حنيته . مااشوفه رجلي مثل مايگلولي .
اني اشوفه ابو اليه ..
مرات يشتريلي حلويات وجبس بعلاگه يلفهن وينطيهن الي من غير ماتدري عمة نضال .
لان گدامها مايحجي وياي ماادري ليش ..
#بقلمي_الكاتبة_شمس
……………………………………………
عمه نضال تحسبلي يوم يوم لما خلصت العشر ايام .
تذكرت الدكتوره گالت ارجعيلي بعد العشر ايام .
بس ماقبلت اروح .
گالت هاهي طبتي مابيج شي .
طول هاي الفترة اني انام وحدي والليل كله افز من الخوف لان مامتعوده ومشتاقه الامي واخواتي جنه نتحاضن وتنام من ابوي يضربها وتزعل تنام يمنا بالصاله .
من بعد هاي الفترة اجت عمه نضال . طلعتلي ثوب مخلع گالت هذا البسي وحظري روحج الحجي يجي يمج بالليل
هدى . عمه استحي البسه خلي البس دشداشه .
نضال . اسمعي كلامي هو بلا كلشي ماطايق يتقربلج دور تلبسين دشداشه .
لبست الثوب يا عزا والله لو يشوفني ابوي يموتني .
مفتوح من صدره واديه كلها طالعه .
كعدت هواي ومحد اجه . جعت طلعت حلويات وگعدت اكل .
اندگت الباب عبالي توته . دوم تجي بالليل يمي هي وجنان اختها ونور بنت خالتهن .
گلتها ادخلي توته . بقت الباب تندگ .
يا تذكرت اني قفلتها من بدلت . ركضت فتحتها وصار الحجي گبالي .
استحيت كلش . وهو يعاين عليه من فوگ لجوه .
اني صح صغيره بس رفيعه وطويله .
دخل واني دخلت وراه . نزع العگال والعبايه صفطهن .
گال هاي شتاكلين .
گتله نساتل وجبس تاكل وياي .
ضحك . گال بيه سكر مااگدر اكل حلويات . بس الخاطرج راح اكل شويه ..
فتحتله النستله .. لزم ايدي وقرب النستله الايده واكلها وعيونه تريد تاكلني .
استحيت كلش .
گمت اريد اجيب شي استر روحي بي استحي من عيونه تعايني ..
لزم ايدي وين رايحه .
گتله بردانه اريد البس شي ..
گال اني ادفيج . وسحبني حيل ع الجربايه وصار فوگايه .
اني گلبي يدگ حيل من الخوف .
ومااگدر احجي اخاف ..
وهو يسوي حركات بجسمي خلتني ارتعش .
بعد مااگدر اتنفس . احس روحي اختنگت .
گام ونزع دشداشته .. ورجع فوگاي يتلمس بأيد وأيد ينزعني . واني اتوسل بي .
لا حباب حجي لا . اجت ببالي يوم العرس من عورني واذاني .
گمت ابجي وخايفه . وهو يتوسل بيه مثل الطفل .
يگلي والله مااذيج بس لاتبجين وخليني على راحتي .
واستمر يسوي حركات بأيده ويشم بيه . الى ان گنت احس بالم وخايفه .
بس ماگدرت احجي .
بقى هواي . وبعده گام يتنفس حيل ودور گام عني .
اني بين الوجع والخوف والرعشه مااعرف شنو الي صار .
ردت اگوم استر روحي .
گال لا خليج نايمه لاتگومين . واني راح اجيبلج غطا واغطيج .
گام اني غمضت من منظره يخوف .
غطاني وگلي ارتاحي . اروح اسبح واجي موتگومين .
اني هم بعد ماراح يسبح . حسيت بالنعاس . وغفيت ماادري بروح گعدت لگيت الحجي حاضني ونايم .
باوعتله .. شكله حلو احلى من ابوي وحنين وحباب يشترلي ومايصيح عليه مو مثل ابوي .
بس لو مايسوي هاي الشغلات . هم عيب وهم استحي من ينزع وينزعني .
رجعت نمت واني مفتقده الحظن ابوي الي حارمنا منه .
معقوله هيج يصير حنان الابو .
گعدت الصبح لگيت الحجي ماهو .
گمت سبحت . علمتني امي شلون اسبح اذا سوينا شي وخلصنا .
ونضفت الغرفه . وطلعت .
لگيت الحجي وعمه نضال يتريگون .
گلتلهم صباح الخير .
باوعلي الحجي . وابتسم وگلي صباح الانوار .
بعدين خزرته عمه نضال ودنگ ياكل ماباوعلي .
اني هم رحت للمطبخ صبيت جاي وسويت لفه وگعدت اكل .
وبعدين لگيت ام محمد الي تنضف الهم جاي تطبخ .
گعدت اساعدها .
ورحت الامي الحجيه بستها وگعدت يمها شويه .
گلتلها يمه يصير اروح اشوف اهلي . اشتاقيت لخواتي والامي .
الحجيه .. اي يمه حقج هسا اگول الواحد من الولد ياخذوج .
سمعت عمه نضال . بعد ماگدرت تحجي . بس گالت قبل العصر انتي هنا مو تتأخرين .
گلتلها اي .
( قابله لو حتى ساعه بس اشوف امي واخواتي واشمنهن )
رحت بدلت وكملت . گالت مرتضى يوصلج .
صعدت وياه. سلم عليه بس عينه طول الطريق ماشالها عني ويعاين عليه ويبتسم .
بعدين گال انتي حلوه وصغيره شعجب قبلتي بواحد جبير
سكتت ماحجيت .
گال انتي المفروض تاخذين واحد صغير يحبج ويدللج .
گتله الحجي حباب مامقصر وياي .
التفت وعظ اشفه . حقه يعمي يصير حباب اذا الله رزقه بوحده مثلج . احسن من جهرة نضال الي مااعرف شنو شاف منها وحبها .
ماعجبني حجيه ونضراته . التفتت على الشباك وبقيت اشوف الشوارع ..
الى ان وصلت البيتنا .
وركضت دگيت الباب فتحتلي امي وصاحت يمه هديوه بنيتي .
حضنتها وابجي واجن اخواتي يتراكضن وهم يبجن وحضنني .
اني جايبتلهن حلويات مني وفواكه . فرحن من انطيتهن .
وگمت. شلت فلوس الي حصلتهن اخذت نصهن انطيتهن الامي .
گالت . شنو ذني يمه .
هدى .. يمه هاي فلوسي انطونياها واجب واني مااحتاجهن اخذيهن واشتري الاخواتي بيهن هدوم وغراض .
امي .. لا يمه مايصير هاي فلوسج ولازم تشورين رجلج يله مو بكيفج تاخذيهن ..
توسلت بيها ماقبلت .
بهاي الاثناء . اجه ابوي سمعني .
گال جيبيهن امج مو وجه نعمه . اخذهن مني .
بقيت صافنه عليه . لاباسني لا حضني لاگال مشتاقلج
صدگ حزت بروحي وضجت ساعتها شوف حنيه الحجي وحنيته.
امي بقت تحجي وتلط . رجع الفلوس عيب شتگول علينا العالم اذا دروا .
بس هو گام يسب بيها ويگلي . دور كلما تحصلين جيبيلي اني مطلوب من ورى امج وطلباتجن .
#بقلمي_الكاتبة_شمس
يتبع…
……………… ..
هلو حبايب ..
اعذروني لان ماارد ع التعليقات لان مشغوله حيل .
بس وقت فراغي اقراهن وارد عليكم ان شاء الله
وبخصوص القصه . هي قصه حقيقيه لكن اكيد بيها اضافات وسرد مني .
والقصه طويله واحداثها هواي وان شاء الله تعجبكم .
احبكم كومااااات 😘😘
الكاتبة شمس