مازلت طفلة

بارت 25

هلو حبايب شلونكم يااروع قرآء . 
شفتوني شلون اتلوگ . حتى اراضيكم لان البارحه مانزلت اعذروني حبايب .
بس تعرفون جايه الامتحانات واني دوام ومشغوله .
مالحگت .. بس اليوم راح اعوضكم .
ب 3 بارتات ..

….البارت الخامس والعشرون ….
       {#مازلت_طفلة}
     #بقلم_الكاتبة_شمس

مرت الاشهر وحياتي صارت احلى بدخول لؤي الها . انطاها نكهه خاصه صرت مااگدر استغنى عنه .
هو اولادي صاروا كلشي بحياتي ..

بقى ناقصني طفل من لؤي .. شگد جنت مااريد من الحجي اطفال . واشوفهه صعبه عليه مسؤوليتهم .
بس هسا اريد طفل .
لان لؤي شال الحمل كله من عليه .
وراعى حتى اولادي . ويستاهل اجيبله طفل يشيل اسمه وخاصه من اشوف گلبه محروگ على ابنه .
ومايعرف طريقه ..

ومرات هو بالشقه .. يگلي يله ماكو شي بالطريق .
اضوج وانقهر .. وفعلا مااعرف ليش مايصير عندي .
رغم اني مااخذت اي موانع .
من يوم وفاة الحجي .

قررت اروح للدكتوره واشوف شنو السبب .
بس لؤي گال اذا علمود الطفل . لاترحين . كلشي بقسمة الله .
بس گتله لا هيج مراجعه روتينيه . واصيل هم تروح وياي ياخذنا مرتضى بالگوه اقتنع .

اخذنا مرتضى ورحنا . دخلت للدكتوره وسوتلي تحاليل .
وفحصتني .
گالت عندج قرحة والتهابات .
كوتلي وانطتني علاجات . بيومها متت من الوجع .
بس اتحمل كلشي الخاطر حبيبي ..

رجعت مالي خلگ . واني بطبعي مااتحمل الم .
اجه لؤي . وسألني گتله ماكو شي بس التهابات وانطتني علاج .
بس اني مالي خلگ من الطريق دخت ..

گال حاجيت الشيخ على امج واختج ..
وگال هاي گيعان الله شگدها .
خلي يبنون ويگعدون ..

لؤي ..
من اشترى جدي هاي الگيعان .
گال كل واحد يريد يبني ويگعد . خلي يبني .
اريدها قريه تصير الاولاد اولادي ..
وصدگ اخوته وولده وبناته .
كل الي عنده امكانيه يبني يبني ويگعد .
وصارت قريه وداير مدايرها البساتين .
زرعنا ومحصولنا . النا نبيع وناكل منه .
لحد ماصعد صيته .
وصار شيخ على عشيرته .
وگام مو بس الاهله .. لا كل واحد من عشيرته محتاج وماعنده بيت .
يگله ابني واگعد ومحد يطلعك منها للموت ..

من توفى ابو هدى . ردنا نجيب امها واختها يمنا .
گالتلها لا يمه .. اني هنا بيتي اتقييد عند واحد .
شگد اصرينا وماقبلت .
وهذا الحجي بعد ماخلصت عدتها ..

بس من حجيت وي الشيخ . وگتله عمي . عيب نسوان وحدهن عايشات وبهذا الوكت .
وخاصه عمامهن ماعدهم غيره ونخوه عليهن .

اقترح الشيخ تبني حتى اذا غرفه ومطبخ على امكانيتها وتگعد .

اني اقترحت على هدى . اني ابني البيت . ويبقى النا للمستقبل والجهالنا . وهم اختج وامج مايتقيدن وقريبات علينا .