#نجماتك_رتبه_قلبي
البارت 5
#Rehab
رنيم،، عيوني غوركت بالدموع ... واحس كلبي كام يأذيني ... اصعب شعور من الشخص الي تحبه ... مايبادلك نفس الشعور
كمت ع السريع ... ركضت للمطبخ ... ابجي دموعي عشرة عشرة تنزل ... اجت وراي فاطمه
لكتني ابجي وكاعده بالكاع ... ولج رنومه شبيج تبجين ... شبيج حبيبتي شجاج ... شو رفعي راسج خليني اشوفج شبيج
رنيم ،، رفعت راسي فاطمه ... شبكتها وضليت انحب وابجي
فاطمه،، يمه اسم الله ... خابه شبيج خليني افهم ... شو كافي حبابه يلا بس ... وخرتها ومسحت دموعها ... كافي حبابه
كافي بجي ... واحجيلي شبيج ... شو باعيلي ... رنيم انتي تحبين علي ... وهذا البجي علموده
رنيم،، زدت بالبجي ... ضليت اناشغ واحجي وياها ... اهىء اهىء بس هو مايحبني ... شنو الفايدة وهو مايفكر بيه
فاطمه،، والله ادري بيج ... من زمان تحبين علاوي ... لا تحجين هيج وتكولين مايفكر بيج ... بس هو ملتهي بشغله وحاير بالجرائم العنده
رنيم،، مسحت دموعي بديه ... اي ادري بس هو يفكر بيه كأخت ... ماتسمعين كل حجايه والثانية وكال اختي واختي
فاطمه،، طكيته ع متنها ... ولج قابل شيكول ... يعني كدام اهلج واهلي ... شي اكيد يكول مثل اختي
وكافي بجي عابت ... شوف الخشم شلون صار احمر ... 😉والله وطلع عليوان مو هين
خلاج توكعين بحبه ... وهو مرتاح 😂😂😂
رنيم،، ههههههه عابتلج ... لا تحجين عليه ... مااقبل كلشي ولا ملازمي
فاطمه،، 😉😉أحم أحم محد كدج
رنيم،، كمت غسلت وجهي ... وبقينه بالمطبخ اني وفاطمه ... نضحك ونشاقه
اجت سارة ... هااااي شنو هالخيانه ... كاعدات وحدجن 😒 ... ليش ماصحتني اجي يمجن
فاطمه،، ههههههه نسينه عابتلج ... تعاي كعدي يلا
سارة،، لا ماريد بعد ... زعلت وإصلا احنه رايحين ... اجيت اصيح رنيم ... يلا كومي الساعة فوك ال 11
رنيم،، يلا جايه ... انداريت ع فاطمه ... عود نتخابر بيناتنه ... اكلج صدك شوكت العقد
فاطمه،، اي ان شاء الله ... الخميس الجاي ... تعاي من وكت احتاجج هنااا بالبيت
سارة،، 😒اني مااجي
رنيم،، اي احسن لا تجين ... مانحتاج جهال ويانه 😂
فاطمه،، ههههههه لا ماعليج تعاي ... الحفله تحلى بوجودج
سارة،، 😒😒
رنيم،، يمه باع النظرة ... صارت تخوف ... خلي اكوم احسن
طلعنه نضحك ... صار مقابيلي علي ... دنكت ومشيت ... كام ابوي كال يلا نعست اريد اروح انام
علي،، عمي اوصلك بسيارتي ... انتظر بس اجيب السويج واجيك
عمي،، لا بويه مايحتاج ... اني جاي بسيارتي
فاطمه،، علاوي طلعنه شويه ... ونأخذ ويانه رنيم وسارة واحمد ... وعمي وخالتي يرجعون وحدهم ... حباب حباب
عمار،، 😒واني محد حسبني ... بطلت مااروح وياكم
فاطمه،، ههههههه لا خويه ... لا تزعل انت عريس ... مانطلع بدونك ... شمرتله بوسه بالهوه
علي،، ههههههههه هسه انتم تخططون ... وعمي بعده مامنطي الموافقة
سارة،، بابا حبيبي انت ... حباب خلي نطلع ... ضليت ابوسه بخده منا ومنا ... وذوله يضحكون عليه ... يلا بابا لا تشمتهم بيه وافق حباب
عمار،، ههههههه والله انتي وحده لوكيه
سارة،، اسكت عمار ... خلي بابا يوافق ... واتعارك وياك ... وإلا اخسرك بس خلي نطلع
ابوي،، يلا روحوا ... بس مو تتأخرون ... بابا رنيم هاج المفتاح ... من توصلون قفلي البيبان وياج
رنيم ،، ماشي بابا أن شاء الله
طلعنه كلنه بسيارة علي ... عمار كاعد بالصدر ... وسارة واحمد كدام ... واني وفاطمه وره
وصلنه يم السبورماركت ... سارة كالت خلي ننزل ... اريد اقط عمار 😂
ههههههه خطيه لان عريس ... اشترالنه حلويات واجباس ... نزلنه اشترينه موطا 😂كل هذا ع حساب عمار ... ابتلى خطب خطيه
فاطمه،، علاوي اجه دورك ... يلا نزلنه يم مطعم ... جوعانه
رنيم،، اي عفيه اني هم جوعانه😶
علي،، ههههههههه صار تدللون ... نزلنه يم مطعم ... طلبنا كص وعصاير ... والولد طلبوا كباب .... بقينه سوالف وضحك
علي،، يلا ولكم تأخرنه ... هسه ب 1 ... وباجر وراي دوام ... وعمي كال لا تتأخرون
احمد،، 😂😂😂 الحمد لله ابوي نايم هسه ... يعني من نرجع مانحصل رزاله
عمار،، افاااا انت بس كله جنت ويه عمار ... وهسه شوفه شلون يسكت 😌 ... لو بس ويه علي جان طردكم من البيت
علي،، 😒😒 يلا كوموا خلي نمشي ... اتأخرنه هواي
سارة،، فديت ابن عمي الضايج ههههههه ... لاتزعل ملازمنا ماعليك بحجي عمار
عمار،، هاااا ولج خلصت ... مصلحتج يمي درتي ع علاوي
رنيم ،، ههههههه سارة وكت المصلحه ... ماتعرفها تبقى تمدح بيك إلا أن تكلها ... كافي لخاطر الله ... احجي شتردين
عمار،، هنااا السالفه ... اكيد عندج شي ... يم علاوي ومن هيج ... صفيتي يمه
علي،، تعاي ولج ... جريتها من خدودها ... كولي شتردين ام المصلحه
سارة،، اي أي خدودي ولك ... خرررررب روح اكرص ... خدود رنيم مدبدبات ... أكثر مني
علي،، رفعت راسي ع رنيم ... شفتها مصدومه وخجلانه ... من حجي سارة ... هاااي ألعوبة تجفص ... بدون ماتدري
أول مرة انتبه ... لرنيم من تخجل ... خدودها تصير طماطه ... بقيت صافن عليها ... فزيت ع صوت عمار
عمار،، يلا ولكم كافي ... خلي نرجع اتأخرنه صدك
علي،، ركبنا بالسيارة ... شغلتها باوعت بالمرايه ... صارت كبالي رنيم ... باوعتلي ودنكت
سارة،، علاوي حباب انت ... تعال وصلني يوم الأحد ... اريد اكشخ بيك كدام البنات
فاطمه،، ههههههه ولج شني تكشخين بي
سارة،، اي اريد البنات يشوفونه ... انداريت احجي ويه علاوي ... هااا حباب شكلت
عمار،، درت وجهي عليها ... كفختها ع راسها ... ولج شوكت تكبرين انتي
سارة،، اي عمار راسي ... خليت ايدي ع راسي ... افرك بي ... وهمه يضحكون عليه
علي،، ان شاء الله ... اخذج انتي ورنيم ... بطريقي باوعت بالمرايه ... احجي ويه رنيم ... هااا رنومه خابري السايق لا يجيج
رنيم،، جنه نضحك ع سوالف سارة ... حجه وياي علي ... لكيته يباوعلي من المرايه ... أحم اي ماشي
احمد،، 😒واني محد حسبني وياكم
عمار،، 😜اي انت ابن البطه السوده ... محد يحبك ههههههه
علي،، ههههههههه حمودي ... والله مدرستك مو بطريقي ... لو بطريقي بعيني اوصلك
يلا وصلنه طفيت السيارة ... ونزلت وياهم دخلوا للبيت ... رجعت لسيارتي ... شغلتها وطلعت لبيتنه
وصلنه للبيت الساعه ب 2 ... دخلت لغرفتي بدلت ملابسي ... شمرت روحي ع الفراش تعبان ... وقتت الجهاز ونمت
لل 5 دك المنبه ... كمت غسلت وجهي ... صليت الفجر ... قريت شويه قرآن ... بدلت ملابسي وطلعت ... لكيت امي كاعده
صباح الخير يمه
امي،، صباح النور ... يلا تعال اتريك ... تريكت وكمت اخذت السويج وطلعت
وصلت للمركز ... دخلت للمكتب ... اندك الباب ... صحت تفضل ... دخل عمر
عمر،، هلا علاوي شلونك
علي،، هلا عمر الحمد لله وانت شلونك
عمر ،، تمام اكلك شرايك نسافر ... للشمال كم يوم
علي،، والدوام شلون ... والله واحد محتاج هيج سفرة ... شويه راحه ناخذ
عمر،، اي سفرة شبابيه ... اني وياك وشوف عمار اذا يروح ... ونشوف نقيب حسين
علي،، ماشي بس خليها ع الاسبوع الجاي ... الخميس عقد عمار ... مو تنسى تعال
عمر،، هههههههه وأخيرا عمار ... راح يترك العزوبيه
علي،، ههههههههه اي والله
اندك الباب دخل ... الشرطي تحيه سيدي ... اكو جريمه قتل ومطلوب منك تروح تحضر لمكان الجريمه
علي،، تمام هسه اجي ... يلا عمر اروح اني
ركبنه بالسيارة وطلعنه ... لمكان الجريمه وصلنه ... لمكان كله نفايات ... طوقنه المكان حتى محد يدخل من الناس
الجثه لبنيه تقريبا عمرها 30 سنه ... مقتوله أثر ضربه ع راسها ... بشي قوي وميته ع أثر الضربه
لكينه ويه الجثه ... مستمسكاتها الجنسيه وشهادة الجنسيه ... حصلنه عنوان اهلها ... رحنه نحقق وياهم
علي،، وصلت لبيتهم ... دكيت الباب طلعت بنيه ... السلام عليكم
وعليكم السلام خير شكو شصاير
علي،، منو موجود بالبيت ... ابو البيت وين
انت منو شتريد ... ابوي ماموجود
علي،، طلعت صورة الجثه ... شتقربلج هاي البنت
هااي اختي شبيها شصاير
علي،، اختج لكيناها اليوم الصبح ... مقتوله ومشمورة بالحاويات مال النفايات
كامت اختها تبجي وتصيح ... هديتها بلكوه سكتت ... بديت أحقق وياها
الي عرفته ومن أقوال اختها ... المغدورة مطلقه وعايشه يم اهلها ... من البارحه طالعه تبيع ذهبها ... ومأجرة ولد المغدورة تعرفه يوصلها ... وابوها مختفي من البارحه ... سجلت أقوالها كلها
رحنه لمحل الذهب الي تتعامل وياه المغدورة ... حسب وصف اختها ... راجعنه كاميرات المراقبة ... بعد ماحققنه ويه صاحب المحل
بعد ماباعت المغدورة ... ذهبها رجعت ركبت ... بنفس السيارة الي وصلتها
راجعنا رقم لوحه السيارة ... كدرنه نحصل على عنوان السايق ... صدر أمر إلقاء القبض عليه بأعتباره هو المتهم الوحيد
علي،، اخذت دورية ثانيه ... وطلعت لعنوان السايق ... وصلنه لبيتهم القينه القبض عليه ... اخذناه للمركز نحقق وياه
دخلت لغرفه التحقيق ... جنه معصبين عيونه ... جريت الكرسي وكعدت كدامه ... اي مرتضى احجيلي ... تعرف رجاء
مرتضى،، لا مااعرفها منو هاي
علي،، البنيه الي اخذتها ... لمحلات الذهب تبيع ذهبها
مرتضى،، اي اذكرت وصلتها وعفتها ... مااعرف وين راحت بعد
علي،، هاااا ماتعرف ... شو كاميرات المراقبة تحجي غير شكل ... زمخت عليه بصوت تعتتتتترف لو استخدم غير أسلوب وياك
مرتضى،، مااعرف وين راحت كتلك مااعرف
علي،، سحبت كيبل الكهرباء ... وبديت اعذبه ... بكل مكان بجسمه ... اضربه وهو يصرخ
انتهى بيدي من الدك عليه والتعذيب ... كام يصرخ كااافي والله راح احجي كااافي ااااااخ
علي،، يلا احجي شغلت التسجيل
مرتضى،، رجاء مطلقه ابوها رجل سكير ... وصديقي هي عدها ذهب هواي ... اتفقنا اني وابوها نخليها تبيع الذهب ونأخذ فلوسها النه
سويت وياها علاقه بعلم ابوها ... وبتخطيطه قنعتها تبيع ذهبها ... اتفقنا ع البارحه اخذها واوديها للمحلات
بعد ما وصلتها ... نزلت وحدها باعتهن وكملت ... رجعت للسيارة اخذتها ومشيت ... نص الطريق وكفت
اجه ابوها فتح باب السيارة وركب ... بقت صافنه ومصدومه ... حركت السيارة لمكان معزول
بأمر ابوها نزل ... هو وياها جراها من ايدها ... جان بيده حديدة ... اتعارك وياها وطكاها ع راسها ... طاحت كدامي
والمكان صار كله دم من راسها ... اخذنه الفلوس مالتها ... وشمرناها بالحاويات وانهزمنا
علي،، وابوها وين اختفى ... اكيد تندل مكانه
مرتضى،، ابوها بعد ماارتكب الجريمه ... شرد وختل حتى محد يلزمه
علي،، اخذت عنوان الي بي الأب ... كملت تحقيق طفيت التسجيل ... جريته ودك بوكسيات طاح من الكتل
طلعت من الغرفه ... انطيت العنوان لرائد صلاح ... أمر دورية تروح تلقي القبض على الأب
رجعت للمكتب تعبان ... جانت الساعة ب 3 العصر ... خدرت جاي اجه يمي نقيب حسين
بقينه سوالف وضحك ... للساعه ب 5 العصر ... كملت دوامي طلعت ... شغلت سيارتي ورجعت للبيت
دخلت للبيت ... لكيت اهلي كلهم بالصاله ... كعدت يمهم شويه وكمت لغرفتي ... بدلت ملابسي ونمت
كعدت ب 9 بالليل ... اتعشيت خابرني عمر ... طلعنه نتمشى ... ل 12 رجعت
رحت لغرفتي كنكت ... طلعت مقاطع فيديو اتابعهن ... دك موبايلي رساله ع الماسنجر
فتحته لكيته رساله من سارة ... هلا ملازمنا الورد ... شلونك 😁حباب مو تنسى ... باجر تعال وصلني للمدرسه
ماكتلك غير كلت لصديقاتي ... 😂😂ماصدكن راح يشوفن ... ابن عمي الضابط ... 😕خبلات هنه مو ... ماادري شلون باقيه وياهن
شتكول اروح اتعالج ... قبل لا انعدي منهن لو ماينخاف عليه ... 😒ادري بيك هسه تضحك عليهن ... مو اكلك خبلات هنه
ههههههه المهم تعال ... باجر وصلني اني ورنيم ... والبس الزي العسكري حباب حباب
كانت معك سارونه الحلوه ... ملازم أول في المستقبل 😍فديتني فدي ... بأي
علي،، أقره رساله سارة ... وميت من الضحك ههههههه ... خبله هاي البنيه ... سوالفها تموت ضحك هههههههه
دزيتلها رساله ... اوك حضرت الملازم ... جهزي نفسج من وكت ... امرلج اوصلج واوصل رنيم بطريقي
وحاضر راح البس الزي ... وانزل وياج حتى يشوفني صديقاتج ... بعد حضرت الملازم أمر خدمه تردين
كان معك ملازم أول علي ... ابن عم الخبله سارونه ... 😐نصيحه روحي اتعالجي ... قبل لا تعديني وياج هههههه
متت ضحك عليها وعلى سوالفها ... سديت الموبايل ونمت
رنيم ،، جنت أقره بغرفتي ... اجت سارة تركض ... وهي خربانه من الضحك
سارة،، هههههههه ولج رنومه الحكي ... ههههههه خبلت علاوي وياي ... خليته يحجي مثلي 😂😂😂
رنيم،، عزة بعينج شسويتي ... شبي علي
سارة،، هاااج موبايلي ... اقري الرسائل ... الي بيني وبين علي
رنيم،، أخذت جهازها ... قريت الرسائل ... انتهيت من الضحك هههههههه لج هاي شمسويه ... ههههههه خليتي الولد يحجي مثلج 😂😂😂
سارة،، ههههههه اي ... المهم باجر حضري روحج يجي يوصلنه ... يلا باي تصبحين ع خير
رنيم،، طلعت سارة واني بعدني اضحك ... ع حجي علي ... شلون يحجي ويه سارة
كمت فتحت الكنتور ... طلعت تنورة نيلي وقميص ابيض ... وشال وردي وجنطه وردي ... كويتهن وحضرتهن
رحت فتحت الجرار ... طلعت صورة علي ... بستها حضنتها ونمت
دك المنبه ب 6 الصبح ... كمت ع السريع ... شفت صورة علي بحضني ... بستها ورجعتها لمكانها
طلعت غسلت وجهي ... صليت الفجر ... قريت قرآن شويه
كملت بدلت ملابسي ... خليت مكياج خفيف ... لبست ساعه وردي ... ورحت للصاله ... لكيت امي وسارة كاعدات
رنيم،، صباح الخير
امي،، صباح النور ... تعاي يمه اتريكي يلا
تريكت وكمت ... سمعت صوت الهورن مال سيارة علي ... يلا سارة بسرعه اجه علي
طلعنه نركض ... لكينه علي واكف يم السيارة ... ولابس الزي العسكري ... 😍فدوه طالع يخبل
سارة،، هلا هلا والله ... هااي شنو عمي ... شطالع اليوم ... كيكه 😂حضر روحك للتصجيم
علي،، ههههههههه خرررررب ولج والله مو صاحية انتي ... صباح الخير رنومه شلونج
رنيم،، هلا علي ... صباح النور ... اسفه يمكن اتأخرت من ورانه
علي،، لا يمعوده عادي والله ... يلا ركبوا خليني اوصلكم
رنيم،، ركبنا بالسيارة ... وسارة ماسكتت ... تضحك وتصنف على هذا وذاك ... وعلي ميت ضحك عليها
وصلنه لمدرستها ... اي هنااا اوكف علاوي ... ويلا انزل وياي ... 😁😉خلي اكشخ بيك كدام البنات
علي،، ههههههههه خبله والله ... يلا نزلي
رنيم،، نزلوا اثنينهم ... واني ميته من العصبيه ... والغيرة واشوف شلون البنات ... صافنات عليه وصديقات سارة يضحكن وياه
طاح حظج سارة ... حقيرة ادبسزز ... المن خلته ينزل وياها ... شوف البنات عبالك ماشايفات ولد ... شلون يباوعن عليه 😡😡
اجه علي صعد بالسيارة ... ويضحك ع سوالفهن ... شافني عصبيه وضايجه
علي،، شبيج رنيم ... ليش احسج ضايجه
رنيم،، ماكو شي ... بس اتأخرت وصلني بسرعه حباب
علي،، اوك شغلت السيارة وطلعت للكليه ..
يتبع
.............