#نجماتك_رتبه_قلبي
البارت 4
#Rehab
علي ،، كعدت من النوم ... باوعت للساعه ب 11 ... كمت غسلت وجهي ... ورحت للصاله لكيت ابوي كاعد
صباح الخير بويه ... صباح النور ... كعدت يمه ... اجت امي من المطبخ
امي،، صباح الخير يمه ... تريد اسويلك ريوك
علي ،، لا مااريد مااشتهي ... انفتح الباب دخل عمار
عمار ،، السلام عليكم
الكل وعليكم السلام
يلا بويه بس ابدل ... ملابسي واطلع وياك ... ماعندي شي
علي ،، غمزلي عمار ... واجه وكف بصفي ... كول لابوي تجي ويانه ... خلي تخف المشاكل بينكم
علي ،، بويه اجي وياكم
ابوي ،، جنت اشرب جاي ... سمعت علي يكلي ... اجي وياكم ... عرفت هاي فكرة عمار ... باوعتله وسكتت ماحجيت شي
عمار ،، اي علي يلا كوم بدل ملابسك ... انت ابن الشيخ ... ولازم تحضر هيج كعدات
كمت بدلت ملابسي ... كملت وطلعت لكيتهم مكملين ... طلعنه ابوي كال نروح ... بسيارة عمار كلنه سوه
كعدت ورة وابوي ... بالصدر وعمار يسوق ... ربع ساعه ووصلنه للديوان
تلكونه شيوخ ... وزلم معكله وكلها تصيح ... حي الله شيخ راضي ... هلا بشيخ راضي
بقيت صافن اول مرة احضر ... هيج بديوان كله شيوخ كبار ... ندسني عمار بيدي
عمار ،، شبيك صافن يمعود ... فضحتنا تعال يلا ندخل للديوان
علي ،، أول مرة ادري ابوك ... الناس كلها تهابه هيج هههههه
عمار ،، ههههههه هو انت شتعرف ... ملتهي بجرائمك وتحقيقاتك ... يلا خلي نسكت عيب من العالم
علي ،، كعدنه بالديوان ... جابوا الكهوه صبولنه ... بدوا يسولفون ع شغله الطلابه ... يردون ابوي يحكم بينهم ... ويصير محضر خير بين العشيرتين
الي فهمته واحد من عدهم هو وابن عمه ... طالعين بسيارتهم ومعتدين عليهم ومسلبيهم جماعه من عشيرة ثانيه ... مسلبينهم حلالهم وسيارتهم وشامرينهم بالجول
من راجعين لديرتهم ... مخبر عشيرتهم عليهم ... ثاني يوم بالليل هاجم ابن عمه عليهم ... ورامي طلق ع بيتهم
كبت بين العشيرتين ... كل واحد يكول ... انت البديت ... وهسه يردون ابوي يصلح بينهم
اجت العشيرة الثانيه ... كعدوا بدوا يسولفون ... صارت هوسه محد يرضى يتنازل عن الثاني
شيخ راضي ،، من رخصة الحاضرين ... راح انطيكم حل ... ومن رأيي حل يفيد الطرفين
كول شيخ راضي ... انت جبيرنا وحجايتك ... غصبا ع الكل تمشي علينه
شيخ راضي ... لا مااريد غصب ... اريد صلح والكل يكون ...راضي ع اقتراحي ... بدون غصب أو جبر
الكل ... كلنه راضين بحجايتك ... وحكمك يمشي علينه
شيخ راضي ،، عمي هادي انت مو الجماعه يطلبوك فلوس ... وانت مامسددهم حكهم ... وهمه يردون حلالهم
من دروا عندك انت وابن عمك ... عدكم حلال وجايبينه ... طلعوا عليكم بالطريق وسلبوكم
هنااا يطيح الهم الحك وياهم ... بس بقى ابن عمك الي أخذوا حقه ... بدون ذنب ولا يم السالفه
هنااا انت راح تخسر ... وتنطي فلوسه الي خسرهن ... بهالحاله محد من العشيرتين راح يخسر شي
بس لو أحد منكم راح بعدين ... وتهجم عليهم العشيرة مراح توكف وياه ... راح تبقى انت وأبو المشكله
لان العشيرة انطت حلها ... ومراح توكف بصفك ... مرة ثانيه ... كلامي واضح اضن وماكو خسارة ... واذا أحد عنده اعتراض يكول
الكل ... كلنه موافقين شيخنا وحكمك ماشي علينه
علي ،، همست لعمار .. يول ابوك حلها ... والكل قبل ع كلامه
عمار ،، ههههه اي جااا شعبالك ... هذا شيخ راضي ... مو أي شيخ ... 😁اتعلم منه يمكن باجر عكبه انت تصير شيخ
علي ،، أحمد ربك كاعدين ... بنص الزلم ... جاان شيخلصك مني 😒 ويني ووين الشيوخ اني
فضت المشكله ... ابوي كال يلا خلي نطلع ... كمنه سلمنه عليهم وطلعنه
عمار ،، نرجع للبيت لو عندك شي بويه
ابوي،، لا ماكو شي رجعنه للبيت ... وأخذ بدربك فواكه وحلويات ... اخواتك يجن اليوم
علي،، لا ياالله اليوم ... اكو غزو عدنه بالبيت ... وغرفتي تصير قاعده الهم
عمار ،،ههههههه اي والله ... حالتك صعبه وينبجي عليها ههههههه
ابوي،، شهالحجي قابل اطرد بناتي ... حتى انتو ترتاحون
عمار،، لا حجي مو هيج السالفه ... بس جنه نشاقه
علي،، نزلنه اني وعمار ... اخذنه فاكهة وحلويات ... اخذنه كم لعبه للجهال ورجعنه للسيارة
وصلنه للبيت ... نزلنا الغراض ... كامت امي سوت الغده
صارت الساعه ب 2:30 ... اندك الباب ... راح حسين فتحه ... اجت اختي ورجلها وجهالها
فاطمه،، السلام عليكم ... شلونك بويه شخبارك ... اجيت بست رأس ابوي ... واخذت ايدة بستها
وراها رحت سلمت ع امي ... بستها من راسها ... رحت سلمت ع عمار ... اجه علي بأس راسي
ابو محمد،، شلونك عمي شخبارك ... باس رأس ابوي ... سلم ع عمار تصافحوا ... كمت سلمت عليه تصافحنه اني وياه
علي،، شلونج إم محمد ... شكو ماكو هالايام مختفيه ... ماتبينين
فاطمه،، والله ملتهيه بيت وجهال ... ودراستهم وتدري بيهم يدوخون كلش ... مايخافون مني ... بس من يجي ابوهم يسكتون
ابوهم ماموجود يتخبلون عليه ... تعال شوف صوتي مبحوح من وراهم
ابوي،، بويه عوفيهم جهال ... شتردين منهم .. خلي يلعبون براحتهم
فاطمه،، لا بويه والله عايفتهم ... بس متعبين كلش ... انداريت ع عمار
اي عموري ماناوي تزوج ... خلي نفرح بيك ... يمه اخطبيله كافي عزوبيه
عمار،، ههههه ماتحاجين امج ... يوميه اكلها شوكت تشوفين ... جهالي وهي مغلسه ع الوضعية 😒
امي،، 😱ولك شوكت كتلي اريد ازوج ... وكتلك لا هااا ماتحجي
عمار،،😒اي مو شكم مرة ... لمحتلج كتلج أن شاء الله ... تشوفين جهالي 😒هااا هاي شنو معناها
معناها اريد ازوج ... اسألي علي شكم مرة كتلج بيها .. وانتي تغلسين
علي،، 😐اي يمه صح ... انتي ليش ماتردين تزوجين عمار ... خطيه صار شايب ... زوجوا يلا
امي،، يمه اسم الله ... دارو عليه اثنينهم ... متفقين عليه انتو الاثنين
فاطمه،، ههههههه الله يعينج يمه عليهم ... لا صدك يمه خلي نخطب لعمار
ابوي،، شنو رأيكم بت صديقي كاظم... شايفها مرة وحده حبابه واخلاق ... وأهلها نعرفهم احسن من الغريب والمانعرفه
عمار،، حجي شسوي بالأخلاق ... كلي حلوة لو تشبه ابوها ... اسم الله تالي تطلع كرعه مثل حجي كاظم
علي،،هههههههههههههههه
فاطمه،، 😂😂😂😂
عمار،، اي اضحكوا اضحكوا ...بويه الله عليك بس لا تشبه حجي كاظم
آبوي،، ولك هاي انت الجبير ... هيج تحجي شخليت لحسين ... وحجي كاظم شبي تحجي عليه
عمار،، لا حجي ماحاجي عليه ... اي غير اريد مرتي حلوة ... يعني بالليل من اريد احضنها احضن أخلاقها
الكل ... هههههههههههه
امي،، لا يمه اني شايفتها ... البنيه تخبل جمال وأدب واخلاق
عمار،، طفرت من مكاني ... كعدت بصف امي ... يمه بربج تحجين صدك ... زين شسمها
علي،،😂😂😂😂تخبل الولد ... اثكل يمعود فضحتنا
عمار،، اسكت انت ... غير اريد اشوف مرتي ... اعرف اسمها
امي،، اسمها آيات واسم ع مسمى
عمار ،، هاي هي حجية ... توكلنه بالله ..😁روحي خابريهم هسه
ابوي،، اني اخابر آبوها ... طلع جهازها خابر ع حجي كاظم
الووو هلا بالحجي شلونك ... والله الحمد لله ... حجي عندي يمك طلب ... وأتمنى ماتردني
تسلم والله ... تعرف عمار ابني الجبير ... ويشتغل بشركتنا ... ومو لان ابني وامدحه كدامك ... بس صدك خلق واخلاق
والنعم منك ... اي حجي اريد اخطبله مرة ... وشي اكيد ماالكه احسن من بتكم
الشرف النه حجي ... اي والله اريد اخطب ... آيات لعمار
هههههه لا يمعود ... شنو كبعها واخذها اسألها ... واحنه منتظرين منك خبر
يلا حجي اترخص ... ومنتظرين جوابكم ... وأي شي تردونه ... احنه حاضرين اذا صار نصيب ... مع السلامة
عمار،، هاااا بوية بشر ... شوكت العقد
علي،، ههههههههه
فاطمه،، ههههههه كول يالله ... خويه خلي يسألون ... البنية وبعدين انت ماتريد تشوفها
آبوي،، خلي يوافقون وان شاء الله يشوفها
عمار،، اي طبعا لازم اشوفها ... من حقي مو يمه
امي،، اي يمه من حقك
ورة يومين ... رجعولنه خبر الموافقة ... وحددوا يوم الجمعه يروح بي عمار يشوفها وتشوفه
عمار،، جنت ابدل ملابسي ... نروح لبيت حجي كاظم ... لبست بنطرون اسود ... وبدي رصاصي وساعه سوده ...اندك الباب دخل علاوي
علي،، هااا ابو الشباب ... شلون المعنويات ... اكيد عال العال 😉😉
عمار،، ههههههه اي عال العال ... رايح اشوف خطيبتي
علي،، العب عمي ... هنيالها التاخذك
عمار،، هااا هذا هو شلوني ... حلووو مو
علي،، ههههههههه اي حلوو ... يلا روح امي وابوي ... منتظريك
عمار،، اي كملت ... رشيت عطر وطلعت ... ركبنه بالسيارة ورحنه الهم ... وصلنه لكينه حجي كاظم منتظرنه
دخلنه للبيت كعدنه ويه ابوها واخوها حسين ... ربع ساعة وكالي حسين ... كوم عمار تعال هنا بالاستقبال
كمت وياه دخلنه بالاستقبال كعدت ... طلع حسين شويه وسمعت صوت الكعب ... رفعت راسي اباوع ... شفت حسين ووياه بنيه
لابسه فستان زيتوني مخصر عليها ... وشال بيجي وحذاء زيتوني ... دخلت سلمت صوتها يخبل ناعم
حسين،، اخليكم ع راحتكم شويه واجي
عمار،، طلع حسين بقيت اني وياها ... صفنت عليها بنوته نازكه حيل ... بشرتها بيضه وعدها شامه بخدها ... وعيونها عسليه
أحم شلونج آيات شخبارج
آيات ،، جنت خجلانه كلش من عمار ... الكلمه بالكوه تطلع ... أحم الحمد لله زينه ... دنكت راسي وسكتت
ضل يسولف عمار عن نفسه ... ويسألني ع كليتي ودوامي ... مبين عليه مثقف وحباب وسبورتي
ربع ساعة واجه حسين ... سلم عليه وطلع ... رحت يم النسوان امي وامه وخالتي واخواتي
سألوني خجلت ودنكت كتلهم براحتكم ... ماعندي اعتراض عليه ... هلهلت امه وبدن يتفقن ع سوالف الخطبه
رنيم،، اجه ابوي كال اليوم ... عمار راح يشوف ... بت حجي كاظم ... يريد يزوج وهمه موافقين
سارة،،😍😍الله وأخيرا راح يصير ... عدنه عرس واردح ردح 💃💃💃 ماصاير
احمد،، اي والله اني هم مشتهي اركص
ابوي،، ولك عيب انت رجال ... عوف الركص للنسوان
رنيم،، بابا ملابس نريد للعقد
سارة،، اي بابا حباب ... طفرت يمه ابوس بيه ... بيدة وبراسه ... حباب حباب اريد فلوس اشتري ملابس
ابوي،، اي كافي ولج انطيج والله ... هو أني اكدر ع لسانج
رنيم،، بابا خلي نروح الهم ... اليوم بالليل نشوف ع شنو اتفقوا
ابوي،، اي حضروا روحكم ورة العشه ونطلع
رنيم،، اذن الاذان صلينه ... صبينه العشه كملنه ... رحنه بدلنه ملابسنه وطلعنه لبيت عمي
وصلنه للبيت دكينه الباب ... طلع علي ... هلا عمي شلونك ... تفضل أدخل ابوي جوه
هلا عمي شلونك ابو حسين ... الحمد لله عمي ... فوت جوه فوت
هلا عمه شلونج ... عاش من شافج ... هلا بيك يمه الحمدلله ... انت شلونك
علي،، الحمد لله تمام ... تفضلي جوه ... حي الله بأبن عمي وبنات عمي
سارة ،، حي الله ملازمنا ... وكفت كباله طكيت رجلي بالكاع ... تحية سيدي ... جندي سارة بخدمتك
علي،، ههههههههه ... كرصتها من خدها ... ولج تردين تصيرين جندي
سارة،، ههههههه اي علاوي خدودي عوفهن ... لا أريد اصير مثلك ملازم أول
احمد ،، طكيتها ع متنها ... ولج هذا شغل زلم ... مو نسوان انتن شغلجن بالمطبخ 😂
سارة،، وجع ولك ... شنو شغلنه بالمطبخ
علي،، اضحك ع سوالف ... سارة واحمد درت وجهي ... لكيت رنيم واكفه وساكته
علي،، شلونج رنيم ... تعاي ادخلي اخوانج يبقون ... يتعاركون بينهم هههههه
رنيم ،، من كال ابوي نروح لبيت عمي ... كلبي كام يكمز ... احس كلهم سمعوا ... دكاته الفرحه ماواسعتني
كمت لغرفتي طلعت ... صورة علي بستها ورجعتها ... فتحت الكنتور طلعت ... فستان بيجي طويل ... نازك كلش بي فيونكه من ورة الظهر
وشال تفاحي وجنطه تفاحي ... خليت مكياج خفيف وطلعت
وصلنه لبيت عمي ... فتحلنه الباب علي ... سلم ع ابوي وامي ودخلهم ... وبقى يضحك ويشاقه ويه احمد وسارة
جنت صافنه عليه ... حسيت ع صوت علي ... يسلم عليه ... خجلت من عنده
هلا علي الحمد لله ... انت شلونك
علي،، الحمد لله تمام ... يلا تعالوا دخلوا جوه ... كافي واكفين بالباب
دخلنه سلمنه عليهم ... كعدنه سوالف وضحك
سارة،، كمت كعدت بين عمار وعلاوي ... عموري اني بت عمك واختك ... جايتك بطلب حباب انت
عمار،، ههههههه كولي سارة ... بلا هاي المقدمه ... شتردين
سارة،، اريد اشوف صورة ايه حباب حباب
علي،، ههههههههه والله عرفتها
عمار،، هاج هاي الصورة ... شوفيها وانطيني رأيج
سارة،، أخذت موبايل عمار ... اشوف الصورة ... 😍اويلي لك شنو هاي تخبل فدوه ... 😁بس انت أحلى منها
عمار،، لا ولج هي أحلى ... شوفيها شلون بيضه
سارة،، خااب شبيك ... غير سمارك يكتل كتل ... وملامحك تجنن ... مع الاسف انت أكبر مني بهواي ... وإلا جان اخذتك إليه 😂😂
علي،، ههههههههه هاي شنو ولج ... منو كدك بعد عمار ... طلع الك معجبين هواي
عمار،، ولج غير تعترفين من البدايه ... جان اخذتج وازوجتج 😂
سارة،، ههههههه لا يااابه اشاقه ... انت خطبت مااريدك بعد ... درت وجهي ع علي ... أحم ملازمنا 😂احول عليك شتكول
علي،، ههههههههه لا ولج انتي ورنيم اخواتي ... اني اخذ وحدة غريبه مثل عمار
رنيم ،، جنت كاعده يمهم ... واسولف ويه فاطمه ... اسمعهم يسولفون ويشاقون ... وراها سارة بدت تشاقه ويه علاوي
كالها لا اني اخذ وحده غريبه ... انتي ورنيم اخواتي ... درت وجهي عليه ... مثل المصدومه 💔ودموعي بطرف عيني ... جان يضحك باوعلي وبقى صافن عليه
يتبع
.......................................
متابعة ممتعة 😊