#نجماتك_رتبه_قلبي
البارت 1
#Rehab
#الزلمــــه البــي ثكــل
وزنــه بگلامه يصيــر !!
الذهــب مو بالشكــل ينقــاس بالمثقـــال 💞
قصة حقيقية ممزوجه بالخيال 🍃
تأخذنا وإياكم نحو عالم الإجرام والجريمه ...
مرحبا :
اني علي عمري 27 سنة ... من الناصرية ... أسمر طولي 170 ... ابوي شيخ عشيرة معروف ... وكلمته وحدة ماتصير اثنين ... اني وابوي دائما مشاكل ... عمرنه كله مامتصافين
خريج كلية التحقيقات الجنائية ... ضابط حقوقي ... ملازم أول
عندي 4 اخوان ... الجبير عمار 30 سنه ... ايد ابوي اليمنه ب الزغيرة والجبيرة ... عدنه شركة بيع سيارات بالتقسيط ... وعمار هو المسؤول عنها
والبقية 3 ( هشام ومحمد وحسين ) ... أعمارهم 12 ،15 ،16 ... حسين الزغير ومدلل عد امي وابوي ... اخواتي 2 كبار ومزوجات
علي ،، دك المنبه ب 5 الصبح ... تعبان ومابيه حيل اكوم ... جريت الموبايل طفيته ورجعت نمت
سمعت صوت امي ... يم راسي ... يمه كوم اتأخرت الساعه ب 5:30 ... مو كلت عندك دوام ... من وكت اليوم
يمه والله تعبان ... والبارحه اجيت متأخر ... جانت عدنه مهمه صعبه شويه ... ونقيب رائد كال تعال نكعد نسولف
والتهيت وياه واجيت متأخر ... فوك ال 1 بالليل ... سودة علية يمه ... جااا ارجع نام واليوم اخذ إجازة
رفعت راسي ... صباح الخير نور عيوني ... صدك تحجين يا إجازة ... اليوم يجي العميد يفتر علينه ... ولازم الكل متواجد
كمت بست رأس امي ... يلا يوم اروح اسبح وابدل
امي ،، صباح النور ... الله يحفظك أن شاء الله ... محروس من عين العدو ... علما تسبح اسويلك ريوك
علي ،، سبحت وبدلت ملابسي ... صفنت ع المرايه ... اووف ياعلي شوكت ترتاح ... لا بشغلك مرتاح ولا ويه ابوك
سمعت امي تصيح عليه ... اي يمه جاي ... لبست الزي العسكري ... مشطت شعري ... طلعت المناظر من المجر
جريت مفتاح سيارتي ... وطلعت من الغرفه ... هااا يوم اريد بس جاي ... متأخر اليوم
يمه اكل لكمه وحده ... تسند روحك بيها ... ماتشوف جسمك شصاير
ههههه يمه شبي جسمي ... غير عضلات وترى مو ضعيف اني ... جااا شتكولين ع ملازم عمر
يااا يمه شعليه اني بي ... ذاك اكيد مسلوع لو تلكه مرته مامهتمه بي
ههههههههههه والله عندج سوالف يمه ... يلا رايح في أمان الله ... بست رأس امي وطلعت
ركبت سيارتي شغلت ...المسجل طلعت زيارة أبا الفضل العباس ... ارتاح من اسمعها الصبح واني رايح لشغلي دك الموبايل ... الووو هااا عمر
عمر ،، صباح الخير وينك متأخر اليوم
علي ،، صباح النور جاي بالطريق ربع ساعة يمكم بالمركز
عمر ،، يلا مو تتأخر العميد راح يوصل ... اكلك علاوي ملف قضيه رقم 27 شصار عليه
علي ،، البارحه خلصت القضيه ... اخوها طلع القاتل ... يكول جنت مكبسل وشارب وطلعت كدامي
شفتها وعجبتني راد يعتدي عليها ... مقاومته البنية وشارده للمطبخ ... لازمه السجينة عليه
ماكدرتله جار السجينة منها وطاعنها ابطنها ... من شايف الدم شارد من البيت
عمر ،، حسبي الله ونعم الوكيل ... والله حتى الشغل كرهته من وره هيج شغلات
علي ،، ربك كريم شنسوي ... هي لو اكو دوله بيها خير ... وتصدر عقوبة على كل واحد يشرب ويكبسل ... جان الجرائم قلت
يلا عمر وصلت ... سديت الموبايل قفلت السيارة ونزلت
دخلت للمركز شفت رائد صلاح كدامي ... تحيه سيدي
رائد صلاح ،، تحيه ملازم علي ... اليوم متأخر مو من عوايدك
علي ،، اسف سيدي اوعدك ماتتكرر
رائد صلاح ،، مو مشكله يلا حضر روحك العميد راح يجي
علي ،، باوعت للساعه ب 7 ... إن شاء الله سيدي ماعدنه شي
دخلت للمكتب ... خليت المسدس ع جهه خاصرتي ولبست الحزام ... والمسدس الثاني برجلي
طلعت القناع من المجر ... واللاسلكي مال المناداة ... سمعت صوت العميد
طلعت برة غرفه مكتبي ... اصطفينه سره واحد ... نزعت البيريه من ع راسي ... لكيت النقيب والملازم والملازم اول كلها واكفه
اجه العميد .... صحنه بصوت واحد كلنه ... تحيه سيدي
العميد ،، نقيب حسين غرفه تحقيق رقم 6 الك ... ضابط رسول غرفه تحقيق رقم 8 الك
ملازم علي ... نعم سيدي ... غرفه رقم 4 الك ... حاضر سيدي ... بقى العميد يوزع غرف التحقيق على بقيه الضباط
وصلت لغرفه 4 لكيت شرطي واكف بالباب ... تحيه سيدي ...
علي ،، لبست القناع ودخلت للغرفه ... شغلنه خطر وممنوع أحد يشوف وجهنه ... لكيت ولد شاب معصبين عيونه ... والكلبشات بيده
جريت الكرسي وكعدت كدامه ... خليت المسدس يمي ... فتحت ملف القضيه
المتهم شاب عمره 22 سنه ... الاسم محمد ... من الناصرية ... قضيه خطف واعتداء جنسي
علي ،، اي محمد شلونك
منو انت ... وليش معصبين عيوني ... اني كلشي ما مسوي ... ضل يصيح طلعوني يا كلاب
علي ،، صرت عصبي الحقير ... يغلط علينه ويصيح ... جريته من ياخته ... وصفكته راشدي ... ضل يون من الألم
كلب ساقط ... شلون مامسوي شي ... والملف كدامي يحجي كلشي
محمد ،، اي كلشي مامسوي ... همه يتبلون عليه ... ابوي هسه يطيح حظكم ... بس يدري لازميني
علي ،، ههههههههه والله ضحكتني ... عوف ابوك ع جهه ... واعترف ع جريمتك
محمد ،، كتلك ما مسوي شي
حاضر ابطن عيني ... هسه نشوف شلون مامسوي شي ... شرطي علاء تعال
علاء ،، نعم سيدي
علي ،، شرطي علاء محمد يكول مامسوي شي ... خلينه نشوف شلون حجيه صح لو غلط
ههههه حاضر سيدي ادلل ... سهله هاي هسه نعرف الحقيقة
علي ،، جريت محمد من ياخه قميصه ... كعدته ع كرسي النتل ... ربطت اديه
محمد ،، عوفني هاي شتسوي ... ليش ربطت اديه هدني
شغلت الكهرباء ع الكرسي ... ضل يصيح محمد ويصرخ ... اززززز ضلينه 10 دقايق .... شويه وطفيته
اجيت يم محمد ... خليت اديه ع الكرسي ... هاااا محمد تريد بعد ... لو تعترف وترتاح وتريحني
محمد ،، آه اه اه مامسوي شي
علي،، اممم الظاهر بعد تريد ... شرطي علاء شغل الكهرباء
ازززززززز رجع محمد يصرخ ... من الوجع ... كافي كافي الله يخليك ... راح اعترف والله كافي
علي ،، طفيت الكهرباء واجيت يمه ... هاااا هسه احنه أصحاب ... شغلت التسجيل يلا محمد احجي
محمد ،، جنت طالع بسيارتي ... مريت من يم مدرسه متوسطه ... دنيا الظهر الساعه ب 1
مرت بنيه ايه من الجمال ... طول ورشاقه والصدرية مخصرة ع جسمها ... عجبتني ضليت امشي وراها
فاتت بفرع مابي أحد ... نزلت من سيارتي ... ومشيت وراها ... ياحلوة شسمج انتي
اندارت عليه ضلت تغلط وتصيح ... ماتستحي انت تتعرض لبنات الناس ... وين اخلاقك ولو انت مبين بلا أخلاق ادبسزز تربية شوارع
ضجت منها ردت الزمها ... شردت من يمي ... ركضت وراها طلعت ع الشارع ... جانوا اكو ناس عفته ومشيت
اتحلفتلها لازم اطيح حظها ... ضليت اروح فترة أسبوع ... اوكف يم باب المدرسة ماشفتها
بالاسبوع الثاني هم رحت ... وره الدوام شفتها هي وصديقتها ... مشيت وراها وصلنه لنفس الفرع ... صديقتها عافتها وراحت
بقت هي وحدها ... نزلت من سيارتي ع السريع ... ركضت وراها لزمتها ... رادت تصيح خليت ايدي ع حلكها وجريتها للسيارة
علي ،، كمل شصار لا تسكت
محمد،، اخذتها بالسيارة ربطت اديها ... وحلكها ركبت سيارتي وطلعت ... عدنه مخزن محد يدخله بمكان مهجور
اخذتها هناك ضلت يمي يوم كامل ... منعت عنها الاكل وعذبتها ... أخير شي اعتديت عليها
خليتها تنزف عفتها تون من الوجع ... اخذت شرفها ببرود أعصاب ... جنت مستمتع واني اشوف جسمها المغري
كملت منها لبست ملابسي ... باوعت بالمخزن لكيت جرجف ... تآلف وتعبان شمرته عليها
كومي ولج لفي الجرجف عليج ... خليني اخلص منج تفوو عليج يا سافله
اخذتها وشمرتها قريب ع بيتهم ... ركبت سيارتي وطلعت
علي ،، طفيت التسجيل اخذت كل أقواله واعترافاته ... جريته ودك بوكسيات ... ع بطنه ووجهه خربطت ملامح وجهه كلها
ضل يصرخ ... التوبه الله يخليك والله مااعيدها بعد ... ارحمني بداعه امك واخواتك
علي ،، انجب طايح الحظ ... لاتجيب سيرة امي واخواتي ... ع لسانك الزفر هذا
صحت شرطي علاء ... تعال اخذه لهالناقص ... كملت تحقيق وياه
طلعت من غرفه التحقيق ... نزعت القناع جريت نفس قوي ... باوعت للساعه ب 10 ... اوووف كل هذا الوقت
ويه هالناقص
رحت لغرفتي خليت الملف والتسجيل ... ع المكتب اخذت قوري الجاي ... خدرت وكملت ... خابرت ع عمر
علي ،، هااا عمر كملت شغلك
عمر ،، اي كملت من نص ساعه ... ماتجي يمي للمكتب
علي ،، مابيه حيل تعال انت ... وصيح نقيب حسين ... وملازم سيف ... اكلك وديلنه ع كعك وياك 😁جوعان
عمر ،، هههههههه لازم الحجيه ... مامنطيتك ريوك اليوم
علي ،، لا ولك خطية سوتلي ... بس تدري كعدت متأخر ... شربت جاي وطلعت
يلا يمعود هو كعك ... جيبه وتعال مو متت جوع ... لا تصير جلف
عمر ،، ههههههه ماشي حبيبي يلا جاي
ربع ساعة واجو الشباب ... ضلينه سوالف وشقه ... صارت الساعه ب 12
علي ،، شباب راح اطلع ... تعبان مابيه حيل اكمل دوام
نقيب حسين ،، براحتك اطلع روح ارتاح
طلعت من المركز ... رجعت للبيت ... صفيت السيارة بالباب ... اباوع سيارة عمي هنا
فتحت الباب ودخلت ... لكيت عمي وابوي ... وامي ورنيم بنت عمي
علي،، السلام عليكم
عمي ،، وعليكم السلام هلا بملازم علي ... لا تسأل لا تكول عمي شلونه اروح اشوفه
علي ،، ههههه هلا عمي شلونك ... صافحته وبسته براسه ... والله يا عمي ملتهي بالشغل
عمي ،، معذور وليدي اشاقه وياك
علي ،، انداريت شفت رنيم تباوعلي ... أحم شلونج رنيم شخبارج
رنيم ،، الحمد لله انت شلونك
كعدت يم امي ... بست راسها وخليت راسي ع متنها ... الحمد لله بنت عمي بخير مدامج بخير
خلوني اعرفكم بنفسي :
اسمي رنيم عمري 20 سنه ... مواصفاتي بشرتي حنطيه ... طولي 150 😒كلها تصيحلي القزمه ... لا ضعيفه ولا سمينه يعني جسمي عادي ... عيوني وساع كلش وعسلي ... خدودي مدبدبه😂
ادرس كليه تربيه ... مرحله ثالثة ... أحب ابن عمي علي 😔بس محد يدري عدا صديقتي بالجامعة تعرف
عندي اخ واحد (احمد عمره 12 سنه) ... واخت وحده 16 سنه اسمها سارة
جنت كاعده بالبيت ... ماداومت ماعدنه شي ... سمعت ابوي يكل لامي ... رايح لبيت عمي
طفرت اركض ... بابا بابا اروح وياك .. حباب انت انتظرني بس ابدل واجي
يلا بويه ع السريع ...
رنيم ،، دخلت لغرفتي فتحت ... الكنتور ضليت حايرة😟شلبس ... امممم اختاري شي حلوة رنيم ... بلكت تشوفين علي هناك
طلعت تنورة سوده ... وقميص ماروني ... وشال اسود مطعم بورد لونهن ماروني ... وحذاء كعب اسود
ومكياج خفيف ... وطلعت بسرعه ... لكيت ابوي بالصاله ... يلا بويه كملت
رحنه لبيت عمي ،، لكيت بس عمي ومرت عمي ... سلمنه وكعدت يمهم سوالف وضحك
صارت الساعه ب 12:30 ... دخل علي للبيت ... 😍هلا حبيبي ... حظج حلو اليوم رنيم
فدوة لسمارك اروح اني ... اجه علي سلم ع ابوي ... ضليت اباوعله نسيت نفسي ... اندار عليه 😶لكاني اباوعله
عزه بعينج رنيم ... خجلت ودنكت راسي ... سلم عليه وكعد يم امه
علي ،، يمه جوعان وتعبان كلش
امي ،، سودة علية يمه ... هسه انصب الغده
علي ،، فدوه لكلبج ... يلا اروح اغير ملابسي
رنيم ،، عمه جايه وياج اساعدج
كمت ويه عمتي نصب الاكل ... سويت الزلاطه ... وصبيت الدولمه بصينيه😍
عمتي صبت التمن والدجاج ... اجه علي وكف يمنه ... خرررررب حظج رنيم ... كمت مااعرف شسوي ...افتر منا ومنا ع شنو مااعرف
علي ،، ههههههههه شبيك ولج ... جنج شايفه واحد غريب ... اني مثل اخوج عوبه
رنيم ،، 😟هو كال اني مثل اخوج ... جنت شايله ماعون بيدي ... طاح وانكسر مثل ... كلبي الي انكسر 💔
يتبع ..
...................................
متابعة ممتعة 😊