#العنب_العنب_العنب
البارت5
ورود الخالدي
ناريمان ::
ثاني يوم عمي صاحني كلي راح ننتقل للمشتمل بحجة اخذ راحتي وما اتقيد وخالد هم ولد شاب وياخذ راحته عند اهله كتله: بكيفك عمي
طلعت من يمه كعدت بغرفتي وحدهن دموعي يجرن اعرف ليش همه ميردوني وياهم بالبيت لان خالد من اجيت لليوم يزمخ عليه وينتر واني ماعاجبته ويكرهني..ويكلي انت عندج استهتار وسوالف تعبانه ويسمعني حجي مثل السم..وزينب دخلت عليه للغرفة تكولي انتي مو شريفة..هم يعتبروني مثل العار عليهم يردون يشمروني بالمشتمل الزغير ويخلصون مني..ويرتاحون ..العصر..امي جتي من بغداد حجيت وياها سولفت الها كولشي صاربيه فكالت:
ماما مو كتلج ذولي اهل ريف.بس ولا يهمج اني اصلا مسويت الج نقل متشوفيني تأخرت اتفقت ويه ادارة الكلية والاساتذة تاخذين اجازة طول الفصل الاول ادرسين وبوكت الامتحان ترحين وياي البغداد بس تمتحنين وترجعين؟؟
اي يوم وشنو الفائدة؟؟
ماما شلون شنو الفائدة اني ما اريدج تنقلين للناصرية لا اذا انقلتي راح تثبتين هنا..بس اذا اجازة اكدر ارجعج لبغداد؟؟
شلون ترجعيني البغداد عمي ميقبل ؟؟
انتي معليج لتفكرين بس اصبري شهرين 3واني الكالج حل..بعدين همزين راح ننقل للمشتمل نخلص من وجوههم العكرة وانتي ترتاحين تلبسين ملابسج العاديه وتعتنين بشعرج وبشرتج مثل قبل مو لابستلي دشاديش...
بس يوم اخاف اضل وحدي من ترحين لبغداد
يااا..ماما شبيج تخافين زغيرة انتي؟؟ بالعكس خلصيها دراسه لو نتخابر بالليل لو تحجين وي صديقاتج ع الفيس ..يوم تخلص وتصير سوالف بس اصبري
اي يوم بكيفج..
بقينا ليلة وحدة بغرفتنا وثاني يوم اجه عمي كال :
اخذن هدومجن وغراضجن خالد كمل المشتمل صار جاهزاديرن بي؟؟
فكرت شوف خالد شكد مستعجل بيوم واحد كمل المشتمل وخله
اثاث بس يريد يخلص مني؟؟
المهم انقلنا للمشتمل هو كولش زغير غرفة وصاله وحمام ومرافق مبي مطبخ..بس كال عمي الحجية ادزلنا اكل على اساس..اول يومين جانت امي وياي عادي مرتاحة ماكو شي..بس امي ثالث يوم رجعت لدوامها لبغداد..بقيت وحدي حسيت وحشه علية..المشتمل مقفل..ويخنك..بس كلت اتحمل بقيت اربع ايام بالمشتمل خابرت امي كالت تجي بعد3ايام..يوووه شيخلصها حيل ضجت واشتاقيت للبنات رقيه وزهراء وبتول جنه نكعد نسولف هسه انحبست هنا..رابع يوم بالليل الدنيا موت برد ومغيمة اني شغلت صوبه كهربائية صارت الغرفة دافية..لبست برمودة قصيرة وبدي ربع ردن كلت حتى ارتاح بنومتي تمددت ع الجرباية ام نفر..وتغطيت ابطانية ثخينه ونمت..
خالد::
جنت..بالكوت..عدنا واحد من كرايبنا..مريض ويريد يسافر لايران يسوي عمليه خابرنه رحتله نوادعه ونتباره الذمه..وبالرجعة تقريب الساعة بالعشرة بالليل..طلعت من الكوت لان جلبو بيه ع العشه وسوالف وضحك وتأخرت يمهم..الدنيا تزخ مطر وباردة ثلج..واني اسوق ع كيفي لان مطر قوي واخاف تزلك سيارتي ويصير حادث..وصلت للبيت تقريب 12الاربع..قبل ما ادخل للبيت انتبهت المشتمل اظلم هندس والدنيا تصب مطر..بس اهلي.ضواهم مشتعل..شني السالفة شعجب هاي مطفيه الضوة يوميه ضواهم مشعول للصبح..كلت خلي اروح اشوف شني سالفت الضوه اخاف الدكمة نزلت وهاي ماتعرف تسويها...رحت دكيت الباب محد جاوب..
نريمان...عمه عواطف..وينجن..شو محد اجاوب شني صاير عدهن شي..اخاف يم اهلي..بايتات..مشيت لباب اهلي المطر دك راسي تبلل بس هدومي ما تبللن لابس عبايه ثخينه فوكاهن دخلت لاهلي كلهم نايمين رحت دكيت باب الغرفة الجانن ينامن بيها محد جاوب فتحت الباب ماموجودات..قلقت..رحت لغرفة اخواتي..هم تلاثتهن نايمات..وهنه ماكو خميت البيت كله.مالكيتهن قلقت..كلت
ذني وين راحن زعم صاير عدهن شي..كسرت باب المشتمل ومافتحنه..تذكرت عندي نسخة من مفتاح المشتمل..اخذت المفتاح ورحت فتحت الباب ضويت ع الكهرباء بضوة موبايلي لكيت الدكمه كلها مايعة..اهووو الكهرباء ضاربة ومايعة لازم تتبدل كلها..صحت؟؟
عمة عواطف..نريمان وينجن..
ورة شويه انفتحت باب الغرفة طلعتلي نريمان لازمة موبايلها وتضوي بيه خرة بالحظ هاي شلابسه..برمودة ضيكة وكصيره وفوكاها بدي ..صلوخ درت وجهي..
امشي ولج..لبسي هدومج الغسل يغسلج؟؟
شوهاي ماطبت بقت واكفة والموبايل يضوي..حيل عصبت..التفتت:
انه مو احجي وياج لو ماتسمعين فوتي لبسي هدومج هسه اذا مايهمج العيب والمستحة..ع الاقل الدنيا موت من البرد شني مابردانه واكفة مصلخة!!
انته شعليك بيه..وشعندك جاي بهالليل..
شو بعدج ماراضية لا وصوتج عالي هم..فوك ما جاي اشوف الكهرباء شبيها؟؟
محد داز عليك..عوفنا بحالنا..منريد منك شي!!
هاااا هيج صارت طلعلج لسان وتصيحين..ولج ..تسودنتي..
شو هاي رأسا بجت..وكالت:
اي اني مسودنه..اني مستهترة..اني..عندي سوالف تعبانه ..اني موشريفه..بعد شتريد؟؟
هاي شبيها خطيه تحجي وتبجي بحركة؟؟
دروحي لبسي هدوم خلي نسولف مثل الاوادم؟؟
ما البس ولا انت مسموحلك تتحكم بيه بعد لتتدخل بيه اني مو شريفة البس بكيفي واتصرف بكيفي..معليك انت..
بعد ما اتحمل عصبت كلش..خليت موبالي ع الشباج..وادنيت يمها
لا تعيديها..لاتكولين مو شريفة والله هسه افرغ مسدسي براسج..
شو ماخافت رفعت راسها تباوع بعيوني صوتها مكسر كله عبرات..اشتعلو اهلي كسرت كلبي اسمعها تكول:
يالله خالد منو مانعك فرغ مسدسك براسي اذبحني مثل الدجاجة..ادفني بالكاع ..كسر عظامي..من اجيت لليوم انت تهدد بيه..يالله نفذ تهديدك شمنتظر؟مو انتو حاسبيني عار ومو شريفة ليش متكتلوني فد مرة
اختنكت بالبجي طبت للغرفة تبجي كلبي انمرد عليها اخذت موبايلي لكيتها كاعدة ع الجرباية..خليت الموبايل يضويلنا كعدت كبالها:
نريمان مني كلج انتي مو شريفة..مني كلج انتي عار..
انته..انته خالد مو تكلي عندج استهتار وسوالف تعبانه..واختك تكلي انتي مو شريفة..ليش حبستوني هنا مو حته تخلصون من عاري؟؟
استغفر..الله شني عار شني مو شريفة يعني انتي لو مو شريفةجا شني حسبالج..اخليج عدله!
لعد ليش شمرتوني هنا..ليش محسيني اني مو خوش بنية.
لا اله الا الله مني كال مو خوش بنيه؟؟
رجعت تبجي اوف دموعها يصبن يجرن من خدها وعلى حنجها ويوكعن ع البدي..اخ كلبي..والزنود بيض وناعمات..والركبه مرمر..بووويه سودنتني..تشع بت الكلب تشع بضوه الموبايل..اخ تحجي وتشهك من البجي..والصدر يصعد وينزل اعوذ بالله منك ياشيطان:
خالد..انتو عبالكم بنات بغداد مو زينات كلهن لان سافرات..والله داومت بالكليه شفت كومة شباب وبنات وعلاقات بينهم وروح بابا..محد لمس شعره مني..وحتى موبايلي الضايج منه اخذه عندك كلبه كوله بس امي وصديقاتي..بي..وعمري مفكرت باي شاب..ولا عندي هيج شغلات..ملتهيه بس بدراستي..واذا لبسي ماعجبكم..ترة من طفولتي هيج البس..ووو
وماكدرت تكمل..خطيه مختنكة حسبالك كلبها مورم وجاي تشكيلي اخ..هي تسولف وانه بغير عالم..غركان بعيونها وشعرها الناعم..راحت روحي كلبي احسه شرد مني..ردت اكوم بعد ما اتحمل..خاف اهجم عليها وتعال يعمي شيلني؟؟..كبل ما اكوم لزمت ايدي..هاي هيه جانت عايزة التمت اسمعها تكول:
خالد..بداعة ابوك خليني اروح يم البنات اختنكت هنا والله؟؟
هي تتوسل بيه واني كلبي انشلع لازمة ايدي..صعدت..الحماوة فول ماتحملت بعد فقدت الدنيا ليل..وبس ضوة الموبايل بعيونها..كلش همت بيها..قابل..هي روح لو خشبه..ما ادري بروحي شسوي بعد
بلحظة هجمت عليها تكول ذيب وكضله شاة..كمت..حضنتها..كامت تصيح بس هي صوتها ناعم مو كلش عالي..
خالد شبيك..شبيك..يااااوخر..وخر..عني هدني..هدني...
جني ما اسمع..شتكول..ضيعت صوتها..بشفايفي خليت حلكي بحلها تريد تصرخ ماتكدر..لا ن شفايفها جوة شفايفي كلش جنت مندفع كلبي مفحم..نسيت كلشي العيب والناس..وكلشي نسيت بس هي اريدها..هي تفرفر بيدي مثل الحمامه حتى النفس كطعته عليها امص بشفايفها واعضعض بيهن..نزلت لركبتها..ابوس واشمشم اخ ريحتها ترد الروح وهي ادفع بيه وتصيح؟؟
خالد عوفني..عوفني..خالد
ما عفتها رجعت لشفايفها ..دموعها يصبن..على وجهي وعلى شواربي وعلى لحيتي بس ما انكسر خاطري على دموعها كل همي هي اريدها وبس..بكل قوتها ادفع بيه وتتحرك بس تريد تخلص من ايدي بس هي ناعمه..وطريه ما تكدرتوخر ايدي..طرحتها ع..الجرباية ابوس بركبتها..اخ البدي مغطي صدرها اريد اشوفه..شكيت البدي هي صرخت حيل بس اني فوكاها..اشتعلووواشتعلووو اهلها بت الكلب تملخ لابسه ستيان اسود الصدر تفاح..ضليت اشمشم وابوس ..شو هدت وبعد ما ادفع بيه بس سمعتها تكول:
خالد..هي هاي مروتك وغيرتك تريد تصخم وجهي وانه عرضك!!!!!
من سمعت حجاياتها وخرت عنها حسبالك جنت نايم وصحيت..
اخ شبيه تسودنت..شبيه هجمت ع البت وهي ترفس جواي لعنه الله عليك ياشيطان..همزين ما كسرتها وصخمت وجهها همزين هديتها شفتها مخليه..ايدها علي صدرها ..اخذت عبايتي ثخينه لفيتها بيها..ترجف مثل السعفة ..خطيه..هاي انه شسويت لو ما تكلي هذيج الحجايات ماجان هديتها..صدك جذب شلو هيج سويت..يابووويه..لوميت احسلي..ولا هيج مخوفها الله ستر...الله ستر وهديتها..هي تبجي..واسمع سنونها يطكن من الرجيف..
ادنيت خليت ايدي على متونها فزت؛
وخرر..و...وخر عني ..وخر
اي اوخر بس اسكتي لخاطر الله كافي
لاتبجين..الله ستر..ماصار شي؟؟
ش..ش.شنو ماصار شيء خالد
والله ماصار شي شوفيني بهدومي ما سويتلج شي..ما جازي عليج؟؟
طكت من البجي بالزايد شلون بيه هسه شكلها حتى تسكت.
نريمان سكتي..سكتي لاتبجين..ولج ما بيج شي..ماسويت شي..همزين الله ستر وعفتج
الله ستر مو خالد لو مصخم وجهي..وين اروح..وين انطي وجهي..لو عادي تذبحني وتدفني من غير ما احد يعرف..
لا..لا تكولين هيج..لو جازي عليج ما اعوفج وراي من الصبح اخذج مرة الي..
رفعت ايديها ضلت تضرب بوجهها..
عززززة...عزززة..تاخذني وانت كاسرني قبل الزواج..عزززة عزززة..
لزمت ايديها:
اي اخذج شني عجيبة نريمان انه ابن عمج سترج وغطاح شلون اكسرج واعوفج؟؟..انه مو رجال اذا اعوفج وراي
وانت هسه حاسب نفسك رجال انت مو رجال..الرجال ما يتهجم على عرضة وبعدين يكول اذا اكسره اخذه..هاي مو شيمه رجال ولامروة..
بوويه كتلني حجيها كله صدك اطم روحي احسلي..جريت مسدسي وسحبته..ردت اكتل روحي..والله ما اتردد لحظة انه تكلي مو رجال..بس كبل ما ارفعة هي اسرع لزمت ايدي؟؟
خالد...خالد.عوف المسدس خالد..عليك الله عوف المسدس ..دفعتها..
وخرري..ولج صدك مو رجال واستاهل الموت..بس بسرعة هي شبكتني حيل:
خالد..لا..بداعة ابوك..لا..انطيني المسد مو قصدي والله انطينيا
وتلزم بيدي حتى العباية وكعت من على متونها..ما ادري شلون اتصرف حاضنتي وتتوسل انطيها المسدس ردت اوخرهاجلبت بيه اكثر
بس نزل المسدس خالد بس نزله..
نزلت ايد خليتها ورة ضهري
هي ادنت..لوره صدرها وبطنها طالعات البدي مشكك..كلت:
غطي جسمج نريمان..غطي جسمج لخاطر ربج نزلته المسدس
دنكت..لفت روحها بالعباية ردود
غطيت نفسي خالدرجع المسدس لمكانه خالد كلبي راح يوكف من الخوف رجع..المسدس
رجعت المسدس كتلها؟؟
ماترديني اكتل روحي..ولج صدك
انه مورجال واستاهل الموت:
اسم الله عليك خالد..العفو..والله لو ادري هيج تسوي ما حجيت..انت رجال..والله..مو بيك الصوج..بيه الصوج..كتلي..لبسي ملابس وتحشمي واني عاندت
اسكتي..تردين تخففين عليه ولج انه..مطي..لا والله..اروح فدوة للمطي انتي عرضي حتى المطي..مايسوي سوايتي.
لا حشاك خالد والله بيه..الصوج البنية لو متغري الرجال ميسوي هيج..حته رب العالمين بالقرآن يكول الزانية والزاني..قدم الزانية لان هي السبب..اني ما محتشمة وملابسي مكشوفة..وجبرتك..سودة بوجهي..سودة بوجهي..
اباوع عليها لازمةالعباية بيدها تحجي وترجف وتذب الصوج بيها ادري هيه تهدي عليه لان طلعت المسدس تخاف خاف..اكتل روحي بسببها..انه مو غشيم خطية فوك الخوفة..الاكلتها تبررلي تخاف عليه..
يعني هسه ماتكرهيني ماترديني اموت:
لا اسم الله على شبابك خالد اشفت من الدنيا بركبتك امك وخواتك وابوك الله عليك خلي المسدس عندي..لا تفكر تكتل روحك
اخ..تخاف عليه شكد حلو حجيها..شلون تسطر الحجايات..
نريمان يعني تنسين..الصار..وما تكرهيني
اي انسه والله انسه بس انطيني المسدس..
طلعت المسدس انطيته الها؟
هاج هذا مسدسي..نريمان عذريني بروح..ابوج..انتي ..انتي كلش حلوة والله سودني جمالج..فقدت عليج..بس الله ستر..اوعدج..وعد زلم..والله ما ارفع عيني بيج ولا افكر غير تفكير..واذا تردين تجين يم البنات تعالي..شوكت ماتردين..اني رايح هسه لاتشيلين بكلبج عليه..
هزت راسها ادنيت بستها بكصتها
وطلعت
انتظروا بارت6♡♡♡♡