#العنب_العنب_العنب
البارت1
ورود الخالدي
اني ناريمان25سنه كلية ادارة واقتصاد اني وحيدة اهلي والمدلله ابوية كان مدرس رياضيات الله يرحمة وامي مدرسة عربي تعرفوا ع بعض..بالكليه وتزوجو..جانت عائلتي اسعد عائلة قبل وفاة ابويه جنه عائلة مثالية مو زناكيل بس ممحتاجين شي عايشين احسن عيشه رغم بيتنا ايجار ابغداد بس من توفة ابويه بسكته قلبية مفاجأة اتبهذلنه اني اعرف بس اهل امي اهل ابويه ما اعرفهم ومشايفتهم لان ابويه..جانت عندة مشكلة قديمة ويه اهله وكطع علاقته بيهم قبل ما انولد واصلا ميعرفون هو عنده بنية لان امي من توفه ابويه واجوي اخوانه من الناصرية..امي دزتني لبيت خالتي وكالت ما اريدهم يشوفوج ذوله من الريف وماريد اي علاقة بيهم..امي متحبهم لان اهل ابويه جانو مرايديها جانو رايدين وحده منهم وبيهم وحسب كلام امي كالت ابويه عاندهم وعافهم ع مودها وتزوجها وعاف اهلة وعشيرته..المهم وره وفاة ابويه انتقلنا لبيت خالتي..الى هو اصلا بيت جدي ابو امي وحالتي جانت كاعده بيه ويه زوجها من زمان يعني حوالي30سنه هي ماخذه بيت جدي الها..ومن تخربطت امورنا اضطرينا نكعد وياهم بنفس البيت..خالتي عدها ولد واثنين بنات البنات متزوجات والولد هم متزوج وعندة 2ولد توم..استقربنا عدهم اني اداوم والامور عادية كولش..بس ليلة من الليالي..سمعت صياح ووعياط بغرفة سامر ابن خالتي..سمعنا مرته تصيح وتعيط..
شعندك واكف يم جربايتها نص الليل شبيك مو متزوج وعندك مرة وجهال لو اني ماتارسه عينك..حاط عينك على ناريمان..واذا رايدها ليش اخذتني؟؟
خفت هاي شبيها شصاير ياستار واسمي شجابه بالنص!!
سمعت سامر بتوسل بيها:
والله ممسوي شيء البنية مكشفة ورحت غطيتها!!
بس هي تعيط:
اي مكشفة وغطيتها عبالك اني مملاحظة تصرفاتك من جتي لليوم حالك انكلب
خفت اكثر وامي كامت ترجف..ولزمتني من شعري:
ناريمان شعنده سامر وياج؟؟
والله يوم ما ادري شبيهم..ما اعرف ليش مرته تجيب اسمي..
ناريمان اكو شي كولي
والله يوم كولشي ماكو شبيهم ما اعرف..
بس العياط مستمر..وصوتهم عالي..شفت هيام لامة ملابسها وتسحل بالجهال دفعت الباب وطبت علينا:
اتهني..بي اتهني ناريمان..
وطلعت من البيت؟؟
وانوب رجل خالتي وخالتي عياط وصريخ..يكولها..ارتاحيتي انت واختج من هجولتن بت اخويه هسه شاكل لاخوي اكله ابني عايف مرته ويركض وره بت خالته..شحجي شكول..البنيه عدها جهال تردن تهجمن بيتها!!
خالد::::
انه خالد31سنه مخلص سادس ادبي وتارك ممكمل..ابوي..شيخ معروف والناس تهابه وتتعنا..بهواي قضايا..وهو جبير خوانه ساكنين الناصريه عدنا اراضي زراعيه وبانين بيها بيوت حديثة ودواوين..ومضايف جبيرة مفتوحة طول النهار..صح مو بنص الولاية بس بيوتنا احله واكبر من بيوت الولايه وكلشي متوفر بيها حالتنا فوك الممتاز عدنا كيعان وحلال..خير من الله وفلح يشتغلون بكيعانه عايشين عيشه ملوك والحمدلله..امي عايشه الله يطول عمرها..وعند5اخوات وحدة متزوجة وعدهاجهال..ووحدة مخطوبه زواجها قريب..والباقيات بعدهن جان عندي اخ اكبر مني بس غرك..وانطاكم عمره وبقيت انه بس..ويه..ابوي بكل مكان ابوي ماحاسبني ابن وبس لا..مخاويني ويتباهة بيه وين ما اروح..يكلي انت من بعدي تلزم حلالي وادير بالك ع اخواتك ذني نثايه..وانته سندهن يبويه..عندي اربع سيارات حديثة ومسدسي جواي..ومداري روحي..مرتب وكشاخ..واني هم شخصية وجسم..ومعاني..هههه لامهن كلهن ومدوخ البنات وين ما اروح..هنه يصجمني مو اني. يردن بس حجايه..لو موضوع افتحة وياهن بس اني ثكيل وحجيي رزن ما ادور هالسوالف لان ادري تنعكس ع سمعه ابوي وابوي شيخ ومعاتب..يعني كاض
روحي من الغلط..وماشي ع الاصول..ابوي يلح يريدني اتزوج وامي اكثر منه بس العرس مو ابالي..لان ابوي صحته موهالكد بالايام الاخيرةصاير شوفه ضعيف..ويتعب بسرعة..واكثر الاحيان يوديني بداله مشيات وكعدات عشاير يعني مافارغ للعرس والمرة وشلعان الكلب..جنت نايم بغرفتي فوك وصاحوني..ابوك يريدك نزلت:
بويه خالد حضر روحك طالعين لبغداد
لبغداد خير بويه؟؟
بويه خابروني من بغداد اهل مرت عمك..حسين..ويكولون اكو شغلة ضرورية!
اي بويه نروح..بس اشوفك ماالك خلك خلي اروح وحدي..افضها واجي!!
لابويه شالقضية..همه..رادوني الي بشخصيتي..خلنا نروح ونشوف شني ماشني..
براحتك بويه..وصحت :
فاطمة..فاطمة راح اسبح وابدل حضري علاج ابوي اخذه وياي..والتفتت:
بوية بس اسبح وابدل
اي بويه استعجل حته نرد من وكت
ورحنا..لبغداد وصلنا ابوي خابر ع الرقم.كله نتلاكةبفلان مطعم استغربت:
شني بويه نتلاكة بمطعم شو ذوله مايستحون جايين من الناصرية يكلك نتلاكة بمطعم..ذوله مايعرفون الاصول
بويه شلنا غرض..خلنه نشوف السالفة شنهي..ونرد
اي بويه بكيفك
تلاكينه بمطعم..اجه بس زلمة واحد كعد يمنا وبدا يسولف:
الله بالخيرابو ماجد
الله بالخير بويه.
ابو ماجد انته متعرفني اني ابو حيدررجل اخت عواطف مرت اخوك
والنعم منك
ابو ماجد ما اريد اطول عليك السالفه ..من مات حسين الله يرحمه عواطف وبتها كعدن ابيت الحجي ابو مرتي معززات مكرمات...واني مدللهن.دلال اني كاعد بالبيت صارلي 30سنه...صح هو بيت الحجي بس كعدنا بموافقته..الله يرحمه..
اي وشني الاشكال
ابو ماجد..اني كاعد بالبيت اني ومرتي وابني حيدر وجهالة ومرته..وتعرف بت اخوك شابه وحلوة..
بت اخوي!؟عمي اخوي ماعنده بنات ولامخلف!!
لا ابو ماجد عندة بنيه وبالكليه اداوم..وكاعده ويانه بنفس البيت وتعرف ولد وبنيه
بنفس البيت مايسلمون من الشيطان.
اني كلبي كام يفور طفرت من مكاني..ولزمته من قميصه:
ولك انت منتبه لروحك شتحجي..والعباس ادفنك هنا..اذا تحجي على عرضنا..
وجريت مسدسي خليته براسه
ابوي صاح
خالد..اكعد بويه
فهو كعد وكال:
عمي لا حاجي على عرضكم ولاشي..عمي ابني شاب وبتكم هم شابه..وميصير اثنيهم ابيت واحد هسه الا اكلكم مرته زعلانه عد اهلها ماخذه جهاله وماشيه ..ابو ماجد انت شيخ وتعرف بالاصول ..يصير هذا الحجي عدكم؟؟
عمي حجيك عدل..واحنا ماندري حسين عنده بت..ولو ندري من الاول اخذنا بزرنا
اي رحمة الله والديك..اخذوهه عدكم وفضو المشكلة انتو اهلها..اول وتالي؟؟
اي عمي يجرالك..
عمي تفضلو وياي للبيت وقنعو امها واخذوها وياكم اني حك العليه سويته
اخذنا لبيتهم دخلنا استقبلتنا مرت عمي..اول مرة اشوف مرت عمي..شلون مرة تخبل..بس هي لا حجاب لا عباية لاشي استغربت ..بعدين طلعت اخته هم نفس الشي هلا..هلا ذني سافرات..عمي ماخذله سافرة..منجرمن مضيع وجهه جان ومايلفي للناصرية..كعد ابوي وياها وكلها:
ما اروح اذا ما اخذ بت اخوي وياي...واذا تردين تجين تعيشين عدنا هم هلا بيج عين غطا..وعين فراش..
كامت تبجي وتكول: اني عندي دوام وبتي هم طالبه
..وتتحجج...كلها ابوي:
وبالناصرية هم اكو كليات..ومدارس وتنقلن:
بس النقل ياخذ وقت!!
انتن تعالن وخلن الباقي علينا احنا نحل امور النقل..
لا ابو ماجد اني ما انقل بعدلي سنتين واسوي تقاعد ما اكدر انقل
براحتج..بس بتج تسوي نقل؟؟
والله ماكو داعي نأجر بيت ابغداد ونتتهي القصة
شني انتي مصدكة مجذبه اخلي نسوان كاعدات بولاية بعيده..بويه تجن ويانه ونخليجن على روسنا
حاولت مرت عمي بكل طريقة تتخلص بس ابوي ما اطاها مجال..
وقررنا ناخذهن ويانه..بس بتها المصون بعدها ماجايه ع اساس راحت
للمكتبه..صارلنا ساعتين والخاتون ماشرفت..ورة شوية انفتحت الباب..دخيلك ربي بس لا هاي بت عمي حسين...يالكعبة..هاي شني..مو بنيه عبالك لعابه..دخلت شايلة دفاتر وكتب..هاي شلابسه..تهي..بهي...برمودة كابوي ع الركبه..وتشيرت لازك ع صدرها..وجمالة نص ردن..والرجلين تكول مرمر يتلامعن..ولابسه نعال ابو الاصبع وتمشي والورك يتهزهز..هلاهلا...شني هاي بويه وين احنا كاعدين بملهى ..والجمال الشايلته يكتل كتل..العيون شهل..والشعر على متونها..هم بي شكار..والحلك.محبس والوجه متفح بوووويه هاي اذا تجي..يمنا البنات ينجلطن..
شاورت ابوي:
بويه اريدك على صفحة:
طلعنا كعدنا بالسيارة:
بويه تحجي صدك..اجذب..شني هاي ناخذها للناصرية بويه ناخذلنا وحدة مصلخة شتكول علينا الوادم..تريدنا نصير مكصة
بويه..شلون ناخذها..هيج اكيد نلبسها عبايه..
بويه هي هاي تعرف العباية
.بويه نلبسها ..ونكسر ضهرها..خو مانخليها هنا..ويصير بيها شيء ونصير مو مكصة..وبس .. نصير علج بحلك اليسوة والمايسوة
انتظروا بارت2