Kabanata 1
My Type
Pagka-labas na pagka-labas ko naman ng club ay nadatnan ko na kaagad ang apat kong pinsan at si Kuya Daffin na nakapa-meywang sa labas ng sasakyan habang nasa loob na sina Val at iba ko pang mga pinsan.
"Why?" I asked confidently.
"Not that boy, Daff."
My forehead creased at what Terrence just said. "Ha? Boy?" I asked. Sino bang boy?
"Si Darlin. Chic magnet 'yun, kaibigan namin siya kaya kilala namin siya," ani Lincoln.
Well, no wonder, kaibigan nga nila 'yun. Pare-parehas naman silang mga chic magnet!
Kaagad naman akong kumontra. "He's not my type!" I told them.
"From what I've observed, ngayon ka lang naging ganito ka-interesado kausapin ang mga lalaki," Kuya Daffin said while his arms were crossed.
"Well, kuya, kinausap niya ako kaya kinausap ko rin siya 'cause it will be rude if hindi ko siya pansinin dahil kaibigan niyo siya, right?" I defended, because oh-no-never ko magiging type ang chinitong 'yun!
"Binabalaan ka lang namin, okay?" he said.
"Well, if hanggang friends lang naman talaga, edi sige! Tara na nga!" sabi ni Vellix sabay pasok na sa sasakyan, pumasok na rin tuloy ako. Ang weird nila? Mga feeling tatay. Mga chic magnet din naman sila and chic boy!
Well, mga pinsan and kuya alam nyo naman na wala akong romantic blood na dumadaloy sa aking katawan, so why bother pa na balaan ako?
Pagka-uwi namin sa bahay ay sumalampak na agad ako sa kama ko. Ah! Heaven! Tipsy na ako at medyo masakit ang ulo ko kaya naman kaagad akong nakatulog.
Nagising ako sa ring ng telepono ko. Tiningnan ko ang digital clock sa tabi ng kama ko. It's only 6:30 in the morning!
Too early! Sino ba ito at ang aga aga pa binubulabog na kaagad ako at ang mahimbing kong tulog! Tamad kong kinapa kung nasaan ang phone ko.
I answered the call with my eyes still closed.
"What?" bungad ko. Siguraduhin niyang importante ito ha! Kung sino man 'to. Gosh.
"Good morning!" masiglang boses na bati nung lalaki sa akin. Sino 'yun? Napamulat tuloy ako ng wala sa oras.
Tiningnan ko ang cellphone ko.
Unknown Number
"Sino 'to?" I asked.
"Aw! You already forgot about me, Daff?" the guy asked.
Nagtaka lalo ako. Sino ba 'to?
"Huh?" I asked.
"Seems like you really forgot about me," he said then I heard a chuckle from the other line. Tss, ka-badtrip.
"Sino ba 'to? Kung nangti-trip ka 'wag ako ha! Binulabog mo ang tulog ko!"
"Aw, Dadaff! Hindi mo na ba ako maalala? Kasi ako buong gabi ikaw lang ang tanging iniisip ko!" he said.
"Dadaff?! What the fu—?"
Nakakainis ha! Ang landi nito ah, agang-aga oh!
"Oh, agang-aga, Dadaff! Don't curse me. This is your Darling!" he said as he laughed.
"Darling? Oh?" I tried to think of someone, then after a few seconds, I finally realized who he was. "Ah! Darlin! Sorry, unknown number ka kasi dito e," I said upon realization.
"Ang aga ha?"
"Namimiss na kita e!" sinabi niya 'yon na para bang sanay na sanay siya na palagi niyang sinasabi sa akin iyon, samantalang kagabi lang naman kami nagkakilala.
Maya-maya pa'y narinig ko nang humalakhak siya sa kabilang linya.
Damn that chuckle!
Ramdam ko namang uminit ang pisngi ko. "H-Huh?" I stuttered. "Bahala ka na nga d'yan! Bye na, antok pa ako! Maya na! Ciao!" I said as I ended the call.
In-end ko na baka maubusan pa akong dugo! First time ko kaya na makipag-tawagan sa ewan... sa a guy I met last night! Hindi na tuloy ako nakatulog dahil sa tawag niya kaya naligo na lang ako.
Naalala ko kasi 'yung sinabi nina kuya, mukha ngang chic boy itong isang 'to sa mga salitain pa lang niya, halatang-halata ko na.
I've decided that I'm going to be productive for today. Four days na lang pasukan na ulit! Tapos, college na ako!
New school! I'm really excited!
Pagka-ligo ko bumaba na ako at nagpunta sa dining room. Nandoon na si ate Dexan, si Mommy at Daddy. "Good morning!" bati ko sa kanila nang masigla habang naupo sa tabi ni ate.
"Wow! Mukhang may blooming dito ngayon ah. Agang-aga ligo na kaagad. That's new," Daddy teased.
"Dad, gusto ko kasing sulitin ang bakasyon. Mahirap na daw sa college! But I'm excited!" I told them. Sobrang excited na talaga ako. "Sina kuya?"
"Tulog pa, they're wasted," Mommy said. Ang cool lang talaga ng parents namin dahil pinagkaka-tiwalaan nila kami at sinusuportahan sa kung ano mang gusto namin.
Pagkatapos kong kumain ay lumabas na ako. Naka-floral sleeveless dress naman ako at sandals para presko lang. "Manong Jun, sa Argon Mall lang po."
Habang sakay sa sasakyan ay pinagmasdan ko ang kagandahan ng view dito sa lugar namin sa Florencia. I'll never get tired of looking at this view.
My Dad told me na dito na daw sila lumaki. At maging ang mga ninuno namin, kaya kilala rin talaga ang aming pamilya dito sa probinsya namin.
Malawak at marami kaming pagmamay-ari na mga lupain. May farm kasi kami at barn. Marami kaming business, maging sa ibang bansa na pinamamahalaan naman nina Tito Cleo na tatay nina Kenshin at Chino. Tulong tulong din kasi ang magkakapatid na Levanidez sa pagpapatakbo ng mga businesses nila at kompanya.
Nakikita ko na ang mga nagtatayugang buildings na ibig sabihin ay nandito na kami sa katabing syudad ng Florencia, ang Arcen City – isa ito sa pinaka-maunlad na siyudad sa bansa.
Isang oras din halos ang layo nito mula sa Florencia. Dito rin kami magka-college dahil wala namang college doon sa Florencia. Marami rin naman kaming business dito kaya madalas na rin ako nakakapunta dito.
"Manong, text ko na lang po kayo kapag uuwi na ako, mamasyal na lang din po muna kayo," I told manong.
Nagpunta ako sa isang bookstore at bumili roon ng binder at mga ballpen. Namili rin ako ng technical pen at mga sketchbook. Tumingin din ako ng mga bagong mga libro, mahilig din kasi ako magbasa. Bumili ako ng isang libro na sa tingin ko ay maganda ang storya.
As I was walking on the grounds of Argon Mall, natigilan ako nang may tumawag sa akin mula sa likuran.
"Daff?"
I turned around only to see Isaac. Ngayon ko lang napansin na gwapo nga rin talaga siya. Well, buong circle of friends naman ata ni kuya, parang walang tapon sa kanila.
"Oh, hi! Isaac!" I said while waving my hand.
"Wow, you remembered!" aniya na para bang nakaka-amazed na nakakaalala ako ng pangalan.
"Sina Daffin? Are you alone?" tanong niya sakin habang nililingon-lingon pa ang likuran ko para i-check kung wala nga akong kasama.
"Yup," I said before I smiled.
"Sama ka sa akin. Nandoon lang kami, nakain sa Laysie," alok pa niya sa akin.
"Nako, baka nakakahiya. Puro yata pati kayo lalaki?" I concluded. Sanay naman ako sa mga lalaki, but the difference is that hindi ko naman sila ka-close masyado.
"Ah, hindi naman. Kasama ko nga kapatid kong babae, kami kami lang din kagabi sa bar. Tine-text ko nga si Daffin e, hindi naman nasagot," aniya.
Naglalakad na kami ngayon papuntang Laysie at pinagbitbit niya rin naman ako ng mga paper bags ko. Gentleman.
"Nako, tulog pa nung umalis ako. Nalasing atang mainam," sabi ko at bahagya namang natawa si Isaac.
Pumasok na kami sa Laysie at kaagad kong namukhaan si Chan. Nasa pa-round table kasi sila. Kumaway sa akin si Chan, namukhaan ko rin si Ira, kaibigan kasi 'yon nina ate Dexan at Taylor.
Kumaway ako sa kanila at lumingon silang lahat na parang nagtataka na magkasama kami ni Isaac. May isang nakatalikod at nang makitang may tinitingnan ang mga kasamahan niya ay napalingon na rin siya sa amin.
Si Darling ko! Ay... bakit nga ba hindi ko naisip na nandito rin siya? Medyo seryoso siyang nakatingin sa akin. Kinawayan ko nga, sarap niyang asarin, pero poker face pa rin siya sa akin. Ano'ng problema nito?
Wait—ano rin ang problema ko?
Darling ko, Daff?
Really?
Nang nakarating na kami sa table nila ay kaagad naman akong pinakilala ni Isaac. "Guys, this is Daff, kapatid siya ni Daffin."
"Uhm, Daff ito nga pala ang kapatid ko si Ira," Isaac said. I didn't know na magkapatid pala sila.
"Ito naman si Chienna, kapatid siya ni Chan. Then, this is Deninn, nakababatang kapatid nitong si Darlin, actually kabatch mo siya at saka si Chie."
I smiled back at them. Maganda rin si Chienna. Tama lang ang height niya at morena naman siya katulad lang ni Val.
Umupo ako sa tabihan ni Deninn, dahil siya kasi ang nasa bukana. "Hey, can I ask? Ano ang course mo?" bahagya naman akong nagulat sa pagka-usap niya sa akin.
Mostly kasi ng mga lalaki, snobber.
"Uhm, Architecture."
"Really?" gulat niyang tanong sa akin. "Ako rin!" he suddenly exclaimed.
I smiled at his genuine reaction. "I hope maging block mate kita," aniya.
Chinito rin itong si Deninn, magkahawig sila ni Darling pero mas gwapo si Darling dahil mas manly at mature siyang tingnan. Halata mo talagang magkapatid silang dalawa.
Pinaninindigan ko na ang pagtawag sa kanya ng Darling! What the hell, Daffney?
"I hope so too, Deninn."
Um-order na kami dahil hindi pa rin pala sila kumakain. Naka-close ko kaagad si Deninn at Chienna, madaldal din kasi sila katulad ko. Sayang nga lang at BS Psychology itong si Chienna, kaya hindi ko siya magiging kaklase at medyo malayo raw ang building nila sa building ng CEA.
Hindi naman ako nililingon ni Darling, siguro ay dahil hindi rin naman kami makakapagusap dahil nasa pagitan naming dalawa si Deninn.
Nagtawanan at kwentuhan pa kami ni Deninn nang matagal. Masarap din pala siyang kausap kagaya ng kuya niya.
Nang natapos na kaming kumain ay nagpaalam na ako sa kanila kasi puro pala sila taga rito sa Arcen. Pwera kay Chienna at Chan na magkapatid at kay Deninn at Darling, dahil taga-Florencia rin pala sila. Nagtataka nga ako bigla kung bakit hindi ko sila nakikita 'yon pala ay dito na kasi sila nag-highschool sa Arcen.
Nasa labas na kami ng Laysie at busy ako pakikipagusap kay Deninn nang biglang may umimik.
"Sinong maghahatid sa 'yo?" si Darling.
Nilingon ko siya at hinarap. "Ah, nandyan driver ko," sabi ko sa kaniya. Tumango-tango lang naman siya at nilagpasan na ako. Hala? May pagtawag pa siya diyan, tapos ganoon na lang bigla?
Nag-offer naman si Isaac na ihahatid niya ako hanggang makalabas, madami raw kasi akong dala. Tumanggi naman ako dahil nakakahiya na rin sa kaniya at may mga kasama siya. Na-text ko na rin naman si Manong Jun kaya paparating na rin 'yon.
Mabilis lang ang naging byahe namin pauwi. Mabuti na lang at walang traffic. Pagka-dating ko naman sa bahay ay bumungad kaagad sa akin sina Tori at Val.
"At saan ka galing?" tanong ni Tori habang nakahalukipkip.
"Sa mall."
"Ang daya mo!" sabi sa akin ni Val habang nakahalukipkip na rin.
"Ha? Bakit?" takang-taka kong tanong sa kanya.
"Kasama mo sina Isaac!" sabay pakita sa akin ni Val ng phone niya.
Isaac Lendin Coranel posted a photo.
At iyon ay picture naming lahat na magkakasama kanina. Nag-groufie kasi sila kanina, alangan namang hindi ako sumama. Ni hindi ko nga alam na may Facebook pala ang mga iyon? Hindi pa kasi ako nakakapag-open ulit tapos, friend na kaagad nitong sina Val? Ang gagaling talaga nila.
"Nakita ko lang sila sa mall," paliwanag ko. "Tunay!" depensa ko pa, dahil mukhang ayaw maniwala ng dalawa.
"Hay, nako, Valentina! Hindi ko naman type si Isaac e, I have my eyes for somebody else already," sabi ko kay Val sabay kindat sa kanya.
"In love na nga itong si Val!" singit ni Tori.
"Eh ikaw naman kay Chan!" pabalik na sagot ni Val sa kaniya.
Tingnan mo 'tong dalawang 'to.
"Ikaw ba? Kanino ka in love, ha? Daff?" tanong sa akin ni Val.
Kanino nga ba, Daff?
"Eh... sinong type mo?" pang-aasar na tanong sa akin ni Rienne na galing yata sa kitchen.
"Wala!" natatawa kong sabi sa kaniya kaya ayun mas lalong lumawak ang ngisi niya.
"Ano ba ang ginagawa niyo rito?" tanong ko sa kanilang tatlo at pag-iiba na rin ng usapan.
"Hmm, wala naman, movie marathon na lang tayo," she suggested.
"At basta, ha? Sabay-sabay tayo nina Leon ha? Sa pasukan!" sabi sa akin ni Tori na mukhang nakalimutan na rin naman ang pinag-uusapan kanina.
Tumango naman ako sa kanya.
Excited na akong pumasok!