She snapped her fingers in front of them. Natauhan naman ang tatlo dahil doon.
Yumuko si Flint bago umiling na parang ginigising ang sarili.
Bumalik muli ang tingin nito sa kaniya, naniningkit ang bilugang mata nito. "Paano mo nalaman ang tungkol don?"
"Nabanggit ni Lucia sakin kanina, kaso ayaw niyang magkwento."
Pinukol ng masamang tingin ni Roland at Flint si Lucia. Ang huli naman ay nag-iwas ng tingin. Masyadong guilty dahil nadulas.
"Alam mo kasi, pinagbabawal na ipagsabi ang bagay na iyon. Pasensiya ka na."
"Kahit kaunti lang ang sabihin mo?" Tinitigan siya nito ng maagal bago bumuntong hininga. "Sige pero may kondisyon ako."
Nakatuon lamang ang atensyon niya sa sinasbai ni Flint. "Ano yon?"
"Basta ipangako mo na ang malalaman mo ngayon ay mananatili sating apat, wala kang pagsasabihang iba."
Tumango siya . "Iyon lang pala, makasisiguro ka na hindi ko ipagsasabi." Hindi naman siya ganoong kadadal at para sa kaniya ang sikreto ay sikreto. Isa pa ay wala naman siyang ibang kaibigan bukod sa kanilang tatlo.
Nagsimula na ngang magkwento si Flint, tutok na tutok siya sa bawat sinasabi nito. Ang sabi nito bata pa daw ung prinsesa nung nawala siya. Noon daw nakikihalubilo pa ang mga wizards sa mga tao pero dahil daw sa isang pangyayari nagbago ang lahat.
"Pauwi na sana ang mahal na hari, reyna at prinsesa galing sa mundo ng mga tao pabalik sa Wizards World ng ma-aksidente ang mga ito. Nabangga ang sinasakyan nila at ang mahal na hari lang ang nakaligtas. Dinala ang bangkay ng mahal na reyna dito pero wala ang sa prinsesa. Kaya naniniwala pa kaming mga wizards na buhay siya."
"Nakakalungkot naman pala, pero hindi ba may kapangyarihan kayo? Paano mangyayari iyon?"
"Iyon ba? Pinaniniwalaan na makapangyarihang mga wizards ang gumawa noon."
Kung ganoon ay may sumabotahe sa kanila? Pinigilan niya ang sarili na magtanong pa. Siguro ay sapat na ang nalaman niya. Hindi naman siya importante sa mundo ng mga ito para alamin pa ang bawat detalye tungkol sa nawawala nilang prinsesa.
"Ganoon pala. Salamat sa pagkwento. Pasensiya na rin dahil pinilit kita, hindi pala maganda ang nangyari."
Tahimik nilang ipinagpatuloy ang pagkain. Nang matapos ay agad silang dumiretso sa Archway Market. Hindi niya mapigilang mamangha sa nakita. Para itong isang maliit na bayan, punong-puno ng mga estudyante. Nag gagandahan ang ilaw na nakasabit sa mga poste, buhay na buhay ito kahit na gabi.
Nagsisimula palang silang maglibot ng may biglang tumawag kay Flint. Napalingon agad silang dalawa doon, kahit si flint lang naman ang tinawag. Bumungad sa kaniya ang isang magandang babae. Hanggang balikat ang buhok nito, at may gray na mga mata.
"Flint! Babe!" Sigaw pa neto bago tumakbo palapit sa kanila at agarang niyakap si Flint.
Para namang natulos ang huli at hindi makagalaw dahil hinahayaan lang nito ang babaeng nakayakap dito. "Jennicah?" Di makapaniwalang saad ni Flint.
Tumingala ang babae kay Flint. "Uy! Babe kamusta ka na? Namiss kita ah."
Mukhang doon natauhan si Flint at agarang tinanggal ang braso ni Jennicah na nakapulupot dito. "I told you to stop calling me that."
Pinulupot ng babae ang braso nito sa kaliwang braso ni Flint, hindi naman umangal ang huli. "Yun ang gusto ko e."
Nagpakawala ng marahas na hininga si Flint. "Parang may magagawa naman ako." Napipilitang sabi ni Flint.
Hindi niya alam kung magsasalita ba siya o wag na lang. Minabuti niyang manahimik na lang habang nagkakamustahan ang dalawa. Si Lucia ay masama naman ang tingin kay Jennicah
"Jennicah si Zafira nga pala." Sabi ni Flint, mukha naalala na nito na may kasama ito.
Hindi sigurado kung namamalikmata lang ba siya o inirapan siya ni Jennicah pero agad din itong ngumiti.
"Hi, Panira! I'm Jennicah." Malaki ang ngiti nito sa labi habang inilalahad ang kamay sa harap niya.
Panira? Iyon ang sabi nito hindi ba? Wala pa man din ay alam niyang hindi sila magkakasundo ng babae.
"Hi! I'm ZAFIRA" Binigyang diin niya ang sariling pangalan.
Hindi siya pinansin ng babae at bumaling kay Flint. "So ano Flint gala tayo?"
"Ah, ano kasi Jennicah sasamahan ko si Zafira ngayon." Pagtanggi ng Flint. Mabuti naman.
"Edi sasama na din ako" Prisinta ni Jennicah. Sa utak niya ay binansagan niya na itong, epal na babae.
"Ay Flint kayo na lang uuwi na ako." Nagkunwari siyang humikab. "Medo inaantok na kasi ako." Kahit sa totoo lang ay kagigising niya lang. Mukha namang close silang magkaibigan o magkasintahan, at wala sa isip niya gumawa ng eskandalo dahil mukhang pag nagpumilit pa siya ay kakatayin na siya ni Jennicah.
"Ayun naman pala!" Nasisiyahang turan ni Jennicah, akala mo nanalo sa lotto. "Samahan mo na ko gumala."
Nag-alok si Flint na ihatid siya pero tinanggihan niya rin dahil sa masamang tingin na ipinupukol sa kaniya ng babaeng katabi nito. Paalis na siya ng may biglang humawak sa braso niya.
"No, I insist I'll bring you home." Si Flint iyon. "Jennicah next time na lang. Pumunta ka na lang sa tropa."
Inirapan siya ni Jennicah, hindi niya alam ang gagawin pero nagugustuhan niya ang ginagawa ni Flint. Maasar lang ang babaeng ito.
"Ano ba yan Babe, ngayon na nga lang ulit tayo nagkita e." Hindi pa rin tumitigil si Jennicah, patuloy ang pagpapacute nito kay Flint na mukhang hindi umeepekto sa huli.
"Pasensiya na pero ako ang nagdala kay Zafira dito kaya dapat ihatid ko din siya pauwi."
Binelatan naman ni Lucia si Jennicah.
"Eh may kasama naman siyang kulisap eh." Pagtataray nito marahil napansin niya ang ginawa ni Lucia.
Aba't hindi basta-bastang kulisap ang mga Fairy. Magsasalita na sana siya dahil sumosobra na ito kaso ay pinutol iyon ni Flint.
"Pasensiya na talaga." Hinila na siya ni Flint palayo doon. Tahimik silang naglagad pabalik. Hanggang sa nasa dorm na sila ay wala pa ring nagsasalita.
"Flin--" He cut her off once again. "Matulog ka na." Hindi statement iyon, mas mukhang utos.
"Ano pa nga ba?!" Inirapan niya ito at nagmamartsang bumalik ng silid niya. Naiinis siya at hindi niya alam kung bakit.
Inaya niyang matulog si Lucia dahil wala naman silang ibang gagawin at maaga din ang pasok niya bukas.
ariathatsme