هاي اسف تأخرت عليكم شوي .. اسعدوني يالكومنتات على البارت ... احبكم
البارت هذا خفيف واحداثه هادية وانتظروا البارتات الجايه قريب مرة
....
كان الكل يتجهز للاختبارات اللي بتبدا الفترة الجايه
-اجواء الاختبارات-
عند طلال كان يحب يذاكر بدري ويريح بالليل ويقضي معظم وقته يفكر ويسولف مع راكان ويروح عند راكان بعض الاحيان ويسولف معه ويذاكر ويغيرون جو الاختبارات عن بعض اكثر
وعند سليمان نفس طلال تقريبا يذاكر بدري بعدين يتفضى لنفسه .. هو اكثر واحد يهتم بشكل كامل ولادق التفاصيل .. بالاحرى يحب يكون كل شيء بيرفكت ... ويفكر ب فواز وزواجه وكيف بيكون فيه اشياء كثيرة
عند ليث كان عايش بالعسل .. يذاكر بالليل ويخلص كل شيء بدري عشان يفضى لحبيبه وبداياته معه .. ماتعمقوا للحين وماحبوا تكون بدايتهم قوية مرة
والباقي .. راكان كان شاد حيله مرة عشان يطلع لسفرته وهو فرحان مرة وحدة .. كان يجيب طلال عنده بعض الاحيان يخليه يدرس عنده بحكم انه المكان عنده حيل هادي والبيت فاضي اغلب الوقت
فهد .. كان نظامه نفس نظام حبيبه ليث .. يذاكر بالليل ويسولف معه بعد المذاكرة كان يشتاق له كثير حتى مع بداياتهم .. بس فهد قال لليث انه يركز على دراسته اكثر واكثر
اما فواز فرق عنه .. بالاخير هو دكتور كان مجهز الاختبار من زمان .. وبحكم انه شخص يحب الهدوء كان يلازمه التفكير اغلب الوقت .. كل شيء متداخل من امه ولانا وعمر .. سليمان وغيره يفكر بكل شيء ويحط حساب كل شيء مع بعض
كان جالس طلال يفكر كيف يقنع اهله بفكرة السفر .. بالاخير ابوه مستحيل يوافق ابدا .. بس ماينكر انه بالاخير بالغ ويقدر يطلع ويروح ويجي
طلال كمل مذاكرة وبيخلي السالفة بعدين مو الحين عشان يقدر يركز على الاختبارات
ليث يكلم فهد
ليث : طيب حبيبي درست ؟
فهد : انا اللي مفروض اسالك واتطمن عليك .. انت كيفك خلصت كل شيء ؟
ليث وهو يناظر الكتب المبعثره حوله : تقريبا انا مسوي لي جدول وبمشي عليه
سكتوا كلهم واستغرب ليث .. وقطع الصمت فهد بعدها بدقايق
فهد بصوت مليان دفء: ليثي
ليث زادت حرارته : هلا
فهد : اشتقتلك .. اشتقت اكون حوله .. مر اسبوعين وماشفتك
ليث : فهد خلصت مذاكرة تبي تشوفني الحين
شاف فهد الساعة وكانت 2 الليل : تبي ؟
ليث : تحسبني مااشتقت لك اجل؟
فهد : الحين بمرك اجل تجهز ياقلبي
ليث قام يتجهز لفهد
كان جالس لاول مرة وسهران مخلص كل شيء وعلى جواله ..يدور ويدور عن اي شيء يقدر يمسكه على لانا ..
سليمان فقد الامل لين لقى مقطع محذوف بس قدر يرجعه عن طريق صديق له ..
كان العنوان يتكلم عن مجموعة نساء ماتتعدى اعمارهم 22 تقريبا
دخل على المقطع وكانوا المجموعة هذي عاملات بمشعل
--راح اتكلم عن المقطع الحين--
كانوا 5 ودخلت السادسة عليهم وصاروا 6 وقتها .. تكلمت وحدة منهم
عامله : الحين جد بتسوين كذا
لانا (زوجة فواز): ايه ليش مااسوي .. انا اسوي اللي اكثر من كذا
العامله : طيب طيب اشرحي كل شيء مافهمت ولا شيء
لانا : غبييهه ركزي افف .. انا مستحيل اترك حبيبي عشان هذا اللي اسمه فواز بس .. بس لاتنسين انه دكتور وابوه بعد له منصب.. حبيبتي انتي تراهم يتنفسون فلوس .. وانا بتزوجه وماراح اترك حبيبي اللي الحين اساسا
العاملة: انتي مو طبيعية طيب يمكن الولد طيب ليش تسوين كذا فيه؟
لانا : اصلا هو رافض الزواج بس امه غاصبته عشان القرابه وكذا يع بس لاتنسين الفلوس ثم الفلوس ثم الفلوس ..
-عند سليمان-
كان مصدوم فمه انفتح لاخر شيء ... وقال بنفسه : لا لا فواز مايستاهل حقيرة وعاهرة نفس هذي !
دمعت عيون سليمان من حقارة لانا كيف تسوي كذا ..اذا هي تحب واحد تروح تتزوج ثاني عشان فلوسه وغيره ؟
للحين فيه اشخاص يعتبرون الحب فلوس وغيره .. سليمان حقد على لانا وعلى هذي الحقارة
سليمان كمل الكلام بنفسه : انا اوريك ..
..
وصل عند بيته وبدا ينتظره .. درى ليث ان فهد تحت طلع من غرفته شوي شوي وكان لابس ملابس صوف كامله وتعطر قبل يطلع وعدل شعره بيده وطلع
شاف فهد جالس ينتظره .. كان شكله جميل وبعض خصلاته اللي طايحه حول جبهته
ركب معه وسلم عليه
قفل الباب حق السيارة وجاء بيلف وجهه لفهد بس استقبلته قبله سريعه من فهد على شفايف فهد
فهد وهو ضاغط على شفايف ليث : ريحتك تجذب حبيبي
ليث وهو ذايب : اشتقت لك
فهد : الله اعلم بحالي يوم اني ماشفتك اسبوعين حبيبي
ليث ماابعد نفسه لحظة عن فهد
فهد : ماابيك تحط هذا العطر اذا انا ماكنت موجود .. ماابي احد يشمه منك
ليث بدا يحس انه غيرة فهد عليه بدت وعلاقتهم تتطور وكل مالها تروح للافضل
..
"الصباح من اليوم اللي بعده "
صحى سليمان من النوم بدري مرة وارسل لفواز
الرسالة 1 : هلا دكتور فواز ..
الرسالة 2 : عادي تشرح لي كم شغله مافهمتها بجيك بالجامعة لو تبي
سليمان قام من الفراش وكان بيتوجه لدورة المياة بس سمع تنبيهات جواله وانصدم انه رد بهذي السرعة
فواز بالرسالة : هلا سليمان .. تعال عندي بالبيت ليش نروح الجامعة وبعد وغيره .. البيت بيتك
سليمان بنفسه : بيته مرة وحدة ... طيب من بيمسكني اذا شفت لانا
سليمان بالرسالة : مدري احس الجامعة احسن وبنأخذ راحتنا اكثر
فواز اتصل على سليمان
سليمان فز يوم شاف اتصله وتردد بس رد بالاخير
فواز : صباح الخير ياحلو
لانا سمعت فواز يقول ياحلو لشخص بس ماعطته وجه .. مستحيل يقول مثلي وهو متزوج
سليمان بخجل وتوتر : ه ههلا
فواز : خلاص انا قلت لك البيت بيتك اليوم تعال خلني اشوفك
سليمان استحى يرده ويقول لا : ان شاء الله
جلسوا ساكتين ومحد تكلم فيه .. زاد خجل سليمان وقال انه يستأذن منه يقفل عشان يسوي له شغله وودعه فواز وقفل
قام سليمان وراح قدام المراية ويكب مويه على وجهه
سليمان بنفسه : لالالالا مستحيل وش هذا الشعور ياربي .. ماابي كذا .. لانا عمر مدري اساسا اذا فيه غيرهم وش هذا القلب
سليمان تنهد وانسدح مرة ثانية
..
كان جالس اليوم يدرس عند راكان .. طلال كان يراجع لراكان .. ويضحكون بينهم .. علاقتهم زادت ببعض بعد اكثر واكثر
كانوا يوميا يسولفون مع بعض وبعض الاحيان يكون نايم عند راكان بحكم ان ابوطلال
وهم يراجعون اتصلت ام طلال عليه
طلال شاف الجوال وقال لراكان انه بيطلع يرد
طلع ورد وكان ابوه
ابو طلال : اجل مافيه الا هذي الطريقة بترد فيها
طلال تنرفز : نعم نعم ابي افهم وش تبي
ابو طلال : وينك ارجع البيت ماغير نايم برا وطالع
طلال : مالك شغل تفهم
ابو طلال : خذ امك وهي تتفاهم معك
طلال : م..
قطعت امه كلامه : هلا حبيبي
طلال : هلا يمه وشلونك
ام طلال : بخير .. تعال نم ببيتك اليوم ياولدي
طلال ماحب امه تاخذ بخاطره : طيب يمه
ام طلال ابتسمت انه ولده بينام تحت السقف اللي تنام فيه عكس الايام اللي راحت بس طالع
رجع للغرفة وبدا يكمل مع راكان وقاله انه بيرجع بيتهم اليوم وبيكمل من هناك للاختبارات ..
..
بالليل رجع البيت وكان ابوه مستقبله
ابو طلال : هلا زين شفناك
طلال ماله خلق مارد ومشى
ابوه مسكه من ايده وتكلم : اذا كلمتك تجلس تناظرني وترد ماتسفه فاهم
طلال : الله متى ياخذك ؟ جد هذا اللي ابيه بس
ابو طلال قرب من طلال زيادة : تبي الله ياخذني ؟
طلال انقرف بس عجز يبعد لانه يد ابوه كانت اقوى من انه يتحرك .. بس امه جت وشافته
ام طلال : هلا طلال
ضمته وضمها .. له حول الست ايام ماشافها ولا قالهم وين يروح ووين يجي
سلم عليها وجلس شوي
وبدا يفتح موضوع السفر
ابو طلال : لا مافيه انسى
طلال : راح اسافر كل شيء مأمن لي هناك وبروح مع اخوياي
ابو طلال : لا مافيه
قام طلال وقبل يصعد لغرفته قالهم انه عمره تعدى ال18 وقانونيا مايقدرون يمنعونه
وطبعا مستحيل يخليه ابوه كذا .. ويخلي سالفة السفر تمر على خير
.....
انتهى البارت .. كان هذا البارت خفيف احداثه تتكلم عن قبل اختبارات الشخصيات ..
اغلب احداث السفر يمكن تكون بالبارت الجاي
استعدوني بكومنتاتكم
باي