Chapter
**YURI's POV**
"Bzzzzzzzz!!! (tunog ng buzzer) 1 apple pie for table number 7, ready!" anunsyo pa ni Ric, isa sa mga assigned sa kusina, matapos pindutin ang buzzer.
Nagmamadali naman akong pumunta sa counter para kunin ang order.
Pangalawang araw na nga pala ng School Festival namin. Fortunately, maayos at maganda pa rin ang takbo ng cafe namin. At iyon ay dahil sa kasikatan ni Jin Ren ko. Hanggang ngayon ay nagseserve pa rin siya bilang isang butler upang mapadami ang mga customers namin. Ngunit hindi gaya nung kahapon, hindi na siya nagpapa-picture pa, at tanging pagse-serve at konting smile na lamang ang ginagawa niya.
Syempre, nangako yata siya sa akin kahapon na hindi na niya uulitin iyon. At syempre, tutuparin ko rin ang pangako ko sa kanya. Kaya hindi na rin ako makikipag-usap at makikipagtawanan pa sa ibang lalake.
"Here's your order ma'am, one apple pie." sabi ko dun sa customer naming babae na abalang nakatitig kay Jin Ren ko, habang inilalapag ang kanyang order sa lamesa. Ni hindi man lang niya ako pinansin at patuloy pa rin siya sa katititig kay Jin Ren ko. Alam kong wala nang lunas ang pagkatama niya kay Jin Ren ko, kaya lumayas na lamang ako at nag-serve ng ibang customers.
Hayyy... ang lakas talaga ng tama ng mga babae kay Jin Ren ko.
"Sows! parang ikaw hindi!" singit pa ng konsensya ko.
Out of the blue na lamang akong napangiti dahil guilty rin naman ako.
"Panigurado, maaga na naman tayong matatapos neto." masayang sabi sa akin ni Heina sabay kinodohan ako.
"Oo nga eh." sagot ko pa at saka tumingin sa direksyon ni Jin Ren ko.
"Ang lakas talaga ng boyfriend mo!" kinikilig pa niyang sabi.
Kinilig naman ako nang dahil sa salitang "boyfriend". Everytime na iisipin kong boyfriend ko na nga si Jin Ren ko, hindi ko maiwasang hindi kiligin. Minsan pa nga eh, iniisip ko na panaginip lamang ang lahat ng iyon.
"Siya nga pala bestfriend..." pag-iiba pa ng usapan ni Heina.
"Ha? Ano yun?" tanong ko naman.
"San ka nga pala nagpunta kahapon at nagmamadali ka pang umalis?" tanong pa niya.
"Ahh... nagp----" napatigil ako sa mga pagsasalita nang biglang nag-ring ang cafe bell namin, hudyat na magsasara na ang aming cafe. Panigurado, naubos na ang mga bentahan namin kaya magsasara na kami.
"Yahoo! Magsasara na tayo." masayang wika ni Heina. Nginitian ko rin siya at pagkatapos ay nag-high five kami. Successful na naman kasi ang business namin sa araw na ito.
"Pasensya na po sa mga customers namin na hindi nakapag-order. Ngunit magsasara na po ang aming cafe sa araw na ito. Ubos na po kasi ang lahat ng mga bentahan namin. Kung gusto po ninyong tikman ang mga benta namin, maaari po kayong bumalik na lamang bukas." pag-aanunsyo pa ni Aisha sa mga customers namin na kakapasok pa lamang ng cafe at hindi pa nakapag-order.
Tumingin ako sa labas nang aming cafe at marami pang mga estudyante ang nakapila. Nakita ko sina Darlene na nag-a-announce din yata na bumalik na lamang sila bukas dahil ubos na ang aming paninda.
Sari't saring mga komento at reklamo naman ang narinig namin mula sa aming ga customers. Syempre, ikaw ba naman sana. Nakakapagod kayang pumila at maghintay para lang makapasok dito sa cafe namin, tapos pagpasok mo ay bigla ka ba namang sasabihan na magsasara na ang cafe. Oh diba, nasayang na nga ang oras mo kakahintay ay napagod ka pa sa kakapila.
Ngunit kahit na nakokonsensya kami ay wala na rin naman kaming ibang magagawa kundi ang humingi ng tawad. Pero sigurado naman ako na hindi susuko itong mga fan girls ni Jin Ren ko, tiyak na babalik pa rin yan sila bukas.
Matapos ang anunsyo ni Aisha ay dahan-dahan nang nagsialisan ang mga customers namin. Yung iba ay malungkot at nakasimagot na umalis, pero may iilan din namang masayang umalis, marahil ay iniisip nila na may chance pa namin sila bukas upang makita si Jin Ren ko.
Nang umalis na ang lahat ng mga customers namin ay agad naman kaming tinawag ni Aisha.
"Good job everyone. Another success na naman ito para sa cafe namin. Thank you for all of your efforts. Huwag kayong mag-alala. After ng school fest, lahat ng perang nalikom natin ay gagamitin natin para sa class outing!" ani niya.
Naghiyawan naman ang mga kaklase ko dahil dun sa huling sinabi ni Aisha. Syempre, sino ba naman ang hindi excited sa isang class outing?
"Okay guys, maglinis na muna tayo at pagkatapos ay dismiss na kayo! Maraming salamat!" sabi pa niya ulit at pagkatapos nun ay nagsimula na kami sa paglilinis.
"Ah Yuri." tawag pa sa akin ni Aisha.
"Yes?" balik na tanong ko pa.
"Hayaan mo na yang trabaho mo. Kami nang bahala rito. Bakit hindi mo na lang yayain si Ren na maglibot-libot muna sa school." sabi pa niya sabay kuha nung walis na hawak-hawak ko.
"Oo nga bestfriend! Kami nang bahala rito. Yakang-yaka namin to. Tsaka, mukhang badtrip nga yun kahapon kasi bigla kang umalis nang hindi nagpapaalam." sabi naman ni Heina.
"Kaya bilang pambawi, ay yayain mo na yun. Marami mga magagandang booth na inihanda yung taga ibang klase. Chance niyo na to para mag-lovey dovey."dagdag pa niya.
Ay patay! Oo nga pala! Supposedly ay magkikita nga pala kami sana kahapon after magsara ng cafe namin. Pero dahil sa may kailangan akong gawin kahapon ay nauna na akong umalis nang cafe nang hindi man lang nakapagpaalam.
"Ahmm.. talaga bang ayos lang sa inyo?" tanong ko pa. Baka mamaya niyan may hard feelings pala silang nararamdaman eh.
"Oo. Ayos lang. No hard feelings." sabi pa nang iba ko pang mga kaklase.
"Sige na. Dali! Puntahan mo na ang palalabs mo. Andun siya sa likod ng building."excited na sabi ni Darlene.
"Make sure na papasok kayo sa Horror House na inihanda ng Class III-C ah. Alam mo na, chance mo na yun para makipag-holding hands sa kanya. Kyaaaaah!" Kinikilig na paalala ni Daphney.
"Tsaka umarte ka na parang takot para magka-moment kayo. O sige na. Layas na't puntahan mo na ang iyong Prince charming." dagdag pa niya sabay tinulak ako palabas ng room.
Pagdating ko sa may likod ng building, naabutan ko si Jin Ren ko na nakahiga sa may damuhan habang nakapikit pa ang kanyang mga mata.
Natutulog ba siya? Siguro masyado siyang napagod sa pagse-serve ng napakaraming customers kanina.
Dahan-dahan akong lumapit at saka umupo sa tabi niya.
Tulog ba to o nagkukunwari lang?
Pinagmasdan ko nang mabuti ang kanyang mukha at saka iniwagayway ang aking kamay sa harap nang kanyang mukha para ma-confirm ko kung natutulog nga ba siya.
Nagulat na lamang ako ng bigla niyang hawakan ang kamay 'ko sabay hinila ako papalapit sa kanya.
"Annoying". bulong pa niya na siyang ikinatindig nang mga balahibo ko dahil naramdaman ko ang kanyang paghinga.
"Y-yo! Jin Ren ko! Gising ka na pala. Gusto mong maglibot-libot muna tayo?"pangingibang topic ko pa sabay layo sa kanya.
"Ayoko."mabilis na sagot niya na siyang ikinayuko ko.
O.U.C.H! Ni-reject ako agad.
"Ayoko."ulit pa niya.
"Pag sinabi kong ayoko, sisimangot ka na naman."sabi pa niya sabay tayo.
Napatingin ako dun sa sinabi niya.
Ehhhh?
"Tara?"yaya pa niya sabay alok ng kanyang kanang kamay.
Ngumiti lang ako sabay kuha ng kanyang kamay.
----------------------------
To be continued....