سنابي للي يبي : m.grn1
-
نزل طلال من سيارة راكان وقبل يدخل البيت ودعه بأبتسامة
مشى راكان ووقف بجنب الطريق وكان قلبه يرفرف من ابتسامة طلال .. كان وده يرجع بس كمل طريقه بالاخير بيشوفه الليله
دخل طلال وهو يفكر براكان ودخل البيت
ام طلال : هلا بقلبي الغداء جاهز تعال
طلال حب راس امه : مشكوره بس ماابي
ام طلال : طيب بس كل شيء لاتوجع نفسك
طلال : ان شاء الله
كان بيرقى بالدرج بس لف : ترا بطلع اليوم ومدري لو كنت بتأخر
ام طلال :طيب
صعد لغرفته وانسدح وعلى طول فتح جواله ولقى رسايل من ليث وسليمانن
-في رسايل الجوال-
سليمان : اسمعوا انتم بتجون عندي العصر بدري عشان نتجهز ابي الطلعة هذي تكون بيرفكت
ليث : دقيقة دقيقة من العصر !! بنات حنا بنتمكيج ؟
سليمان : ليثوه ياغثيث انت تعال العصر انت وطلال وبس
ليث : ابي سبب مقنع ليش العصر بدري كذا وحنا بنطلع الساعة 8 ؟
سليمان : ماتبي تطلع حلو قدام راكان وفهد وفواز ياغبي
ليث بدا يناظر الجدار وجاه طيف فهد قدامه
ليث : طيب العصر انا عندك بس طلال وينه الحين
طلال: انا موجود بجيكم العصر
سليمان : طيب
"عند راكان وفهد"
اتصل راكان على فهد
راكان : فهد وين نطلع اليوم
فهد :اممم شفت الكوفي الجديد اللي توه انفتح
راكان : اللي مكانه بعيد شوي
فهد : اي يمدحونه
راكان : اوك بسالهم بعد شوي واشوف بس انت اسال فواز لو بيجي
فهد : طيب
من قفل راكان فهد بوقتها اتصل على فواز
فهد : هلا فواز
فواز بصوت ثقيل: هلا
فهد : احح قومتك من النوم ؟
فواز : لالا وش كنت تبي ؟
فهد : لاتنسى اليوم بنطلع انا وراكان والباقي
فواز : مدري بس قولي المكان والوقت وانا اشوف لو كنت بيجي او لا بالاخير متزوج انا مو كل الوقت فاضي .
فهد : اوك
فهد قال لفواز المكان وكل شيء وقفل منه وحب يستريح شوي ويأخذ قيلولة
مر الظهر عادي كان فواز وفهد وليث نايمين
سليمان يرتب المكان لاخوياه
راكان وطلال جالسين على الجوال بس محد كلم الثانيه
"العصر"
طلع طلال و ليث متجهين لبيت سليمان وبس كان مشوار الطريق ووصلوا عنده
سليمان : هلا اخيرا وصلتوا امشوا غرفتي بسرعة
صعدوا غرفة سليمان
ولقوا على الارض ماسكات كثيرة
ليث : سلوم تستهبل صح
سليمان : اقول اجلسوا على السجادة بالارض دقيقة
جلسوا وبدوا يشوفون الاغراض يعرفون سوالف سليمان الغبيه هذي بس ماينكرون انه يفهم واجد فيها ف بيسنعهم
رجع سليمان
سليمان : طيب نبي نحط من هذا وهذا وهذا مع بعض -كان يأشر على الاغراض-ونخلطهم
طلال مستسلم للامر الواقع وسلم وجهه لسليمان وبدا سليمان يحط له اول
شوي ولا وصل مسج طلال ونزل عيونه وشافه من راكان
صرخ طلال :دقيييقه
سليمان :عمى مو كذا
طلال : لا برد راكان
سليمان يغمز لطلال :ها من متى يكلم راكان
طلال : اسكت بس
طلال فتح الرساله
راكان بالرسالة : هلا طلال
طلال : هلا ركون
راكان : جاهز ؟
طلال قاعد يشوف سليمان قاعد يكمل الماسك على وجهه
طلال : لا بس بجهز قريب
راكان : طيب ترا بنروح للمكان ....نقابلكم هناك طيب
طلال :طيب
قفل جواله وبدا يكمل سليمان عليه
سليمان : الحمدلله والشكر وش فيها ابتسامتك شاقه وجهك
طلال بفهاوة : ه-ها؟ مافيني شيء
سليمان : خلصت اللي بوجهك يلا الحين قلي وش تسولف فيه مع راكان ؟
طلال : شوفوا بقولكم كل شيء .. انا ماعندي خرابيط وكذا مثلك
سليمان : حبيبي كل خرا هذي مو خرابيط الحب مو خرابيط حتى لو كان بين رجل ورجل
طلال: طيب مدري ليش راكان كل ماشفته كل ماكلمني قلبي يرفرف على طول احس كذا ب دفاء وكذا استانس ومدري ايش
قاطعه ليث : لا انت شكلك طايح على وجهك بقوة
طلال : اقول اسكت بس مدري وش مشاعري للحين
لف سليمان على ليث وبدا يحط له
كملوا كل شيء وبدوا يتجهزون
الساعة 7:30 طلعوا الكل بأستثناء فواز
كان المكان شوي بعيد
وبعد فترة وصل راكان وفهد قبل الكل وكانوا جالسين ينتظرون الباقي
صارت الساعة 8:10 ..كان الكوفي للافراد وكان شوي مزحوم
بعدها ب 5دقايق انفتح الباب ودخلوا الثلاثي وهم متأخرين عليهم حول 15 دقيقة
كان طلال لابس بلوزة سوداء مع جاكيت زيتي وجينز اسود مشقق من النص وجزمه مايله شوي للبيج
وكان ليث لابس بلوزة بيضاء مع جاكيت جلد اسود وجينز شوي ماسك وجزمة مخمل عنابيه
حب سليمان يغير مع انه الجوو شوي بارد ولبس شورت اسود قصير لنص الفخذ ولبلوزة ورديه شويه طويله من ورا وقصيرة من قدام لو رفع يدينه بيبين بطنه وجزمة بيضاء
دخلوا الكوفي وبدون اي مبالغه كانت اغلب الاعين عليهم
منها نظرات الاعجاب ومنها نظرات شهوانيه غريبه متلهفه لاجسامهم
راكان بصوت مسموع : طلول هنا
طلال شاف راكان واتجه له : هه-هلا
راكان +فهد : هلا والله اجلسوا
راكان بنفسه مستحيل ينكر ان طلال جميل اكثر بلبس غير لبس الجامعة
(الجامعة تفرض عليهم لبس)
راكان : طالع حلو
طلال انحرج ووجه صار احمر : عيونك الحلوة ..شكلك احلى عن الجامعة اكيد
بدوا يسولفون راكان ماشال عينه عن طلال
فهد: ليث ليش ساكت
ليث : ماعندي شيء اقوله
فهد انتبه لنظرات الناس لهم
فهد : ليث تعال اجلس بجنبي
ليث انحرج : ل-ليه
فهد : لاتسال بس تعال عندي
قام ليث وجلس بجنب فهد
فهد بهمس : ابيكم تنتبهون لانفسكم الناس صاير وضعها بالحضيض الايام هذي
ليث : ان شاء الله
فهد بأبتسامه : واساسا من اليوم ورايح بنكون حولكم ف لاتخافون واجد
ليث قلبه يدق بقوة من كلام فهد الحلو : ششكرا وانا بعد بنتبه زيادة
وقتها كان سليمان يلتفت يدور فواز
مر الوقت حول 20 دقيقة
سليمان : الدكتور فواز وينه ؟
فهد : قال يمكن مايجي عاد ماندري
سليمان حس بضيقه : طيب بطلع اخذ هواء
ليث: سلوم انتبه لنفسك طيب
سليمان : اوك
كان سليمان منزله راسه ويمشي مايبي يشوف الاشكال اللي كانت بالكوفي ووصل عند الباب وفتحه وهو منزل راسه وكمل طريقه
بس ضرب بصدر شخص كانت تفوح منه ريحة ثقيله فخمة وجميله كافيه انها تخدر اي شخص
رفع سليمان راسه وشاف فواز
سليمان ابتسم : ه-هلا دكتور فواز
قبل مايكمل سليمان كلامه قاطعه الدكتور بضمه دافيه خلك سليمان ينصدم وكمل بالضمه حول الدقيقة
وبعد
فواز : ليش كذا سليمان ؟
سليمان بأحراج غير طبيعي : و..وش ؟
فواز : ليش لابس شورت .. عطيتك ضمه عشان يدفى جسمك شوي
سليمان سكت وماعرف يرد بعد الضمه
فواز مسك خد سليمان اللي صار لونه مايله للوردي : ابيك تقولي فواز برا الجامعة
سليمان : بس
فواز : لاتقولي بس برا الجامعة قلي فواز
سليمان : طيب
فواز : يلا ندخل
دخلوا وسليمان حب شعور الاعتناء من فواز
فواز : اوه الكل هنا انا اللي متخر اجل
فهد : متاخر وبس
طلال : سليمان وشفيه وجهه قلب وردي ؟
فواز لف على سليمان : من البرد اكيد
جلسوا وطلب فواز قهوة له بما ان الجميع شرب وخلص بس طلب وحده اضافيه لسليمان يبي جسمه يدفى مايبيه يمرض
كملوا سواليفهم وطلعوا بعدها جميعهم بسيارة فواز الكبيرة
كان راكان جالس مع فواز قدام والباقي ورا
كانوا مرات يدخلون بجوو الاغاني والطرب ومرات يسولفون
كانوا مشغلين اغنية وكان طلال يعرفها ف كان يغنيها
انتبه عليه راكان وانصدم من جمال صوته
قفل المسجل ولف راكان على طلال :غن لنا
طلال : صوتي خايس
سليمان : ننننننننننننعمممممممممممممم من اللي صوته خايس لاتكذب بس
طلال ضرب سليمان على بطنه
راكان يحاول ب طلال
وبعد محاولات نجحوا انهم يخلون طلال يغني واول مابدا وقف فواز على جنب يبي يركز معهم
لف راكان جسمه كامل يبي يشوف طلال وهو يغني
طلال عمض عيونه وغنى
Your touch, your skin
(لمستك, بشرتك)
Where do I begin
(من اين ابدا)
No words can explain
(لاتوجد كلمات تستطيع تفسير)
The way I'm missing you ..baby
(الطريقة التي افتقدتك بها عزيزي)
فتح عينه ولقا الكل مندمج معه ومع صوته
راكان : تكفى لاتوقف اسويلك اللي تبيه بس لاتوقف
Can I lay by your side?
(هل استطيع ان استلقي بجانبك ؟)
And make sure you're alright
(واتاكد انك بخير)
I'll take care of you
(سأهتم بك)
I don't want to be here if I can't be with you tonight
(لا اريد ان اكون هنا ان لم اكن معك الليلة)
وقف طلال من الغناء وكان ليث منسدح على كتف يستمع زين
راكان كان اكثر شخص مندمج ومنصت له ..طاح بغرام صوته
فهد : صوته مو طبيعي
راكان : مو طبيعي .. قاعد اسمع احسن صوت يمر على اذني وتقولي مو طبيعي
طلال نزل راسه : شكرا
كملوا طريقهم وهم يسولفون بسوالفهم اللي ماتخلص
كان فواز وسليمان اعينهم على بعض من المرايا الموجوده بالسيارة وكل شوي يخجل سليمان اكثر
فواز: وش تبون عشاء ؟
الجميع بدا يقترح اشياء
واخر صوت لسليمان : مشتهي بيتزا وشرايكم
فواز : بس قلي مطعم تبيه وطلباتك اوامر سلوم
سليمان حرفيا وجهه صار احمر من كلام فواز : اللي تبيه
راح فواز مطعم وطلبوا ووصلهم الاكل وبدوا ياكلون
وبعد 15 دقيقة تقريبا
فهد + ليث : الحمدلله
فهد دق قلبه : خلصت ليث ؟
ليث : ايه
فهد : طيب تعال نروح دورة المياة نغسل
ليث : يلا
كانوا يمشون لين وصلوا دورة المياة الموجوده اخر المطعم ومعزوله شوي
دخلوا يغسلون ماينكرون انه كلهم شوي ويميلون لبعض
بعد دقيقتين من الصمت عند المغاسل كسر الصمت فهد
مسك فهد كتف ليث وحطاه على الجدار
ليث انصدم من حركة فهد
فهد : ليث انا مااميل للرجال بس مدري وش سويت فيني باسبوع واحد يامجنون...ماعمري كلمت احد ابدا بسالفة الحب بس انت غير ليش كل ماشفتك قلبي يوجعني ابي اكون قريب منك اكثر بس كنت اخاف اتعلق بشخص مايفكر كذا
فهد قرب من ليث لين حسوا بأنفاسهم الحاره على بعض ولصق شفايفه بشفايف ليث
---------
وخلص البارت الثالث اعجبكم ؟
الشخصيات كويسه ؟
اي اقتراح .. استفسار تعالوا بسنابي : m.grn1
احبكم