"يوم الاحد"
صحى الكل من النوم الصبح بعضهم يستعدون لحياتهم الجامعية الجديدة ولأول يوم فيها
والبعض كان متعود على الجامعة ويستعد لها
-عند طلال-
قام طلال على صوت المنبة اللي كان موقتة بدري عشان يتجهز
ماكان يبي يكون شكله مو زين بأول يوم بالجامعة
غسل وجهه وفرش اسنانه ولقى ملابسه مجهزه بالدولاب من امس
لبس ونزل يفطر
-عند ليث-
قام بعد من رسايل طلال عشان مايبيه يتأخر باليوم الاول لهم
قام وماله خلق احد لانه يكره قومه الصبح
غسل وجهه ورجع يتمدد 5 دقايق في السرير وبعدين جلس على الجوال ويشرب موية
-عند سليمان-
سليمان كان قاعد بدري بعد وماخذ شور وحاط المنشفة على خصره
كان قدام المرايه يرتب نفسه ومشغل اغنية هادية وكان يحرك جسمه على الحانها
نزل المطبخ واخذ تفاحة وبدا يسولف مع طلال وليث بالقروب
..
-بالقروب-
ليث : عيال بمركم الحين عشان نروح تعرفون مانبي احد يضيع ونجيب العيد من البداية
طلال + سليمان : طيب
لبسوا احذيتهم وتعطروا والكل ينتظر ليث
"معلومة ليث الوحيد اللي يسوق بينهم"
-عند راكان-
قام من النوم وكان بس عليه البوكسر مع جو غرفته البارد
غسل وجهه وفرش اسنانه ولبس ورتب نفسه ونزل
لقى امه مجهز له الفطور وكل شيء
ام راكان : هلا حبيب امك صباح الخير ياقلبي
راكان : هلا يمه صباح النور
ام راكان : كيف حماسك للجامعة ياوليدي اول اليوم ؟
راكان : نفس كل مرة احس مافيه تغيير ونفس الروتين اتنمى تصير اشياء تحسن السنة هذي
ام راكان : ان شاء الله يلا لاتتأخر على الجامعة
-عند فهد-
قام من النوم بأيجابيه كامله ومستعد تجهز واخذ معه ساندويش من المطبخ وطلع عشان مايتأخر
..
وصل ليث لطلال وسليمان وراحوا للجامعة
وصلوا الجامعة طبعا ماضيعوا شوي وبدوا يحوسون لين وصلوا زين
"عند البوابة"
طلال : ياربي مااتخيل خلصنا الثانوي
ليث بضحكة خفيفة : عيال تدرون وين المفروض نروح الحين ؟
سليمان : خلونا بالامر الواقع ترانا ضايعين وماندري وش السالفة
بدوا يمشون ويشوفون الطلاب الاكبر منهم ويتكلمون عنهم (يحشون فيهم) لين وصلوا عند مكان
كانوا ملتفتين لين طلال صدم شخص قدامه
طلال : -يحك راسه- م-معليش ماشفتك
راكان : -لف عليه بأستغراب-دقيقة شكلك مضيع بين الثانوي والجامعه كم عمرك ؟
طلال : -رفع راسه وحط عينه بعين راكان-لا مو مضيع عمري 19 واسف مرة ثانية
راكان : عادي بس انتبه مرة ثانية
ليث : ماابي ازعجكم بس عادي اسالكم وين مكان الطلاب الجديدين اللي بالتحضيري ؟
فهد : اها تحضيري عشان كذا اول مرة اشوفكم تعالوا معنا ندلكم
"بدون اي زيادة كان راكان وفهد جميلين واشكالهم تجذب والجامعة كلها تتمنى انهم يكونون قريبين منهم"
وصلوا بعد 3دقايق لقسم التحضيري
فهد : هذا قسم التحضيري لاتضيعونه والكافاتيرا تمشون سيده اخر شيء وبعدين تلقونها يمين
ليث مد يده لفهد : ليث شكرا
فهد : اوه ليث اسمك حلو على فكرة فهد معك فهد
والباقي ماتعرفوا على بعض بس راكان مانزلت عينه عن طلال ابد وماكان يعرف السبب
دخلوا القاعة وجلسوا اماكنهم وكان باقي 5 دقايق على الكلاس وبدوا يسولفون لين يوصل الدكتور
سليمان : يارب الدكتور يكون طيب معنا ماابي اجيب العيد السنة هذي
طلال : ماعليك انت ادرس وماراح تجيب العيد
سليمان : ابشر
-ليث كان سرحان ومو معاهم-
طلال : ياحلو وين وصلت وش تفكر فيه
ليث : ه-ها لا بس افكر بالجامعة وكذا
طلال : -غمز له- الجامعة ولا شفت لك احد ياوصخ ومن سوالفك هذي انت وسليمان اعترف هههههههه
ليث : ولد انت فاضي صح بيجي الدكتور اسكتوا خلاص خلونا نكون كويسين عنده
بعد دقايق معدودة
فتح الباب شوي شوي والريحة الثقيله والفخمة اللي ملت المكان كامل دخلت قبله
دخل الدكتور فواز بشعره المبعثر شوي وكانت نفسيته شوي مو زينه
يمشي بكل هدوء لين وماالتفت على الطلاب لين وصل مكتبه
سليمان بهمس : ليث معليش وش ذا يجنن ماشاء الله عليه
الدكتور فواز بطرف عين : -رفع اصبعه واشر على سليمان- اوقف ياطالب
سليمان دخله الخوف من اليوم الاول ويصير له موقف نفس كذا
سليمان وقف : ه-هلا استاذ
فواز : دكتور انا دكتور مو استاذ قلي ليش تكلمت ابي اعرف السالفة اللي قلتها لخويك
وترك فواز كتبه على الطاولة وراح من بين الطلاب لين وصل حول سليمان
فواز : مااحب احد يتكلم كثير طيب
سليمان : ا-اسف
فواز: اجلس
سليمان مصدوم وماتكلم ابدا ابدا بالحصة هذي
كمل فواز بالتعريف عن نفسه اولا : معكم الدكتور فواز راح اكون المشرف الاساسي على هذا الكلاس وكل شيء اي سوال اي اقتراح او من هذي النواحي انا موجود طيب
فواز بصوت مسموع للقاعة : اليوم مافيه درس اكيد بس ابي اتعرف عليكم ونأخذ ونعطي معاكم
بدا يتعرف عليهم وكان فواز سريع الحفظ ويمشي بالادوار
وصل لطلال
وقف طلال : انا طلال وعمري ١٩ يعرف عن نفسه
بعد راكان كان ليث : انا ليث عمري بعد 19 وبدا يعرف عن نفسه نفس الباقي
وقف سليمان بعدهم : انا سليمان عمري 18 -ابتسم-باقي لي 11 يوم تقريبا واصير 19 نفس العيال
الدكتور فواز ضحك داخله : العيال ؟
سليمان : اعتذر للمرة الثانية نسيت والله قصدي انه بيصير عمري19 نفس راكان وليث بس
فواز : اها ذكرني ابارك لك اجل
سليمان بحماس : طيب
جلس سليمان وبدا الدكتور يتعرف ويأخذ ويعطي مع الباقيين والى اخره
بعد وقت مر بسرعة وكان الجو حق الحصة جميل وممتع
-انتهت الوقت-
فواز :يلا اطلعوا للبريك
وبدوا يطلعون الطلاب وكانوا العيال ينتظرونهم يخلصون عشان الزحمه اللي حول الباب
مشوا بالترتيب طلال ليث وسليمان وقبل يطلعون زلق سليمان من تشابك رجلينه ببعض
كان بيطيح بس حس بشد شخص على يده ومايخلاه يطيح
فواز : يومك الاول كذا كيف الباقي
سليمان : متوتر مدري جامعة وكذا
فواز : مااحب احد من طلابي كذا خلك احسن وغير شوي من نفسك بهذي الحاله
سليمان : طيب شكرا دكتور
فواز : يلا لاتتاخرون عن بريككم
طلعوا وبدوا يسولفون عن الدكتور وكيف كذا والاحداث الغبيه اللي صارت لهم بالصف
ووصلوا الكافاتيرا وجلس طلال وسليمان
ليث : تبون اجيبلكم شيء ؟
طلال : لا
سليمان :موية ريقي نشف بعد اللي صار
وصل وكان بيشتري وصادف فهد
ماانتبه لفهد
بس بعد ثواني انتبه فهد له
فهد : هلا ليث صح ؟
ليث حس قلبه يدق بدون سبب : ا-ااي هلا فهد ماشفتك
فهد :-حط يده على كتف ليث-كيف اول يوم للحين معك ؟
ليث : كويس قاعد نعرف المكان زين وكل شيء
فهد : تبي اطلب لك شيء ؟
ليث : لا عادي بس كنت بأخذ اي شيء خفيف وموية لخويي
فهد : طيب
طلب فهد له ولراكان وليث اخذ له شيء خفيف وموية
فهد : تعال اجلس معنا اذا تبي
ليث قبل يروح : ا-اا معي اخوياي اللي شفتهم قبل شوي ليش ماتجي انت وراكان معنا اذا تبي ؟
فهد : ماراح نضايقكم ؟
ليث : فهد لاتقول كذا ترا عادي مافيها شيء واصلا حنا نفس السوالف تعالوا منها نتعرف زين على بعض
فهد : طيب بقول لراكان واجي
مشى ليث بحركة سريعة ووصل لطاولة العيال
ليث : هيه انتم اسمعوا بسرررعة
طلال : -رفع عينه لليث- ها يأزعاج وش تبي
ليث : تذكرون اللي وصلونا للقاعة الصبح
طلال تذكر راكان : اي وش فيهم
ليث : عزمتهم وبيجون يجلسون معنا
طلال عدل جلسته وتزين
ليث :لاتفشلوننا عيال طيب
سليمان : انا مالي شغل مو مرة مهتم من البداية ف بكون ساكت كل الوقت
طلال كان ينتظرهم وكان بخاطره يتعرف عليهم
-عند فهد وراكان-
فهد : راكان امش
راكان : وين بعد ؟
فهد : انا اقولك بس تعال
بدوا يمشون لين وصلوا طاولة العيال الباقي
كان راكان عينه بجواله مو منتبه ورفع راسه
راكان : -طاحت عينه بعين طلال- ه-هلا والله
جلسوا وبدوا يسولفون
حب يبدا راكان الكلام : انا راكان اتوقع اني اكبر منك بكم سنة
طلال بنفسه :راكان اجل
ليث :انا قلت عن نفسي قبل كم ساعات .. هذا طلال وهذا سليمان
طلال : هلا معليش ماتكلمت قبل شوي انا طلال
راكان كان مايدري وش فيه ووش الاحساس اللي داخله وكان يحس بشعور غريب وحلو وثقيل بس مافهمه
بدوا يسولفون واخذهم الوقت والكلام والضحك بأستثناء سليمان كان عادي ويفكر
انتهى البريك والكل رجعت وكملوا يومهم عادي وانتهى الدوام ورجعوا لبيوتهم
"الساعة 11:30"
الكل نايم
كان طلال يدور له اكل ف اخذ له بسكويت اشتهاه وراح لغرفته
وانسدح وبدا ياكل ويفكر بالجامعة احداث اليوم والطلاب والدكتور وفهد وبالاخير راكان
مستغرب من التوتر والسكوت اللي يجيه اذا شافه مع انها اول مرة وبالاخير مايعرف وش يقول
ليش كذا ووش معنى اللي صار اليوم
--------------
انتهى البارت الاول
كان اليوم الاول بالجامعة
البارت مو قصير ولا طويل مرة اتمنى انه اعجبكم
الاحداث بتكون بالبارتات الجاية
البداية هذي ولاتتركون الرواية عشان البداية لانه بالاخير هذي المقدمة
انتظروا البارتات الجايه قريب
سنابي : m.grn1
Love you guys ...