Kanina pa ako nakatulala sa direksyong pinuntahan ni Merielle. Hindi ko alam kung tama ba yung ginawa ko.
Tama bang binigay ko ang regalo ni Sean sakin? Pero kasi kailangan nyang umattend sa ball.
Yun ang paraan para maacomplish ko ang next part ng libro.
Pero bakit ganito? Nalulungkot ako! Waaahh!!
Naglakad nalang ako papunta sa bahay kahit madilim na. Wala akong magagawa dahil wala narin akong gagawin dito.
Nang nasa daan ay napatigil ako at napatingin sa maliwanag na palasyo na tanaw na tanaw mula dito.
Siguro ngayon ay nagkakasiyahan na sila at.... at.... baka umamin na si Sean.
napayuko ako sa thought na yun.
sighed.. ayoko na mag isip.
"Ano pang tinatayo tayo mo dyan? bakit hindi ka nakabihis?"
napaangat ang tingin ko sa lalaking nasa harap ko ngayon. Hala isang gwapo na naman? Bakit ba napakadaming gwapo dito?
"Titignan mo lang ba ako?"taas kilay nyang sabi.
Tinaasan ko sya ng kilay. Sino ba to?
"Magkakilala ba tayo?"takang tanong ko.
Hindi ko naman kasi sya kilala bakit kinakausap nya ako? At saan sya galing?
Hindi naman sya sumagot imbes ay umismid lang sya.
"Kailangan mo ring pumunta ng ball. Napakatanga."sambit nya na nagpakunot sa noo ko.
"Makatanga ka ah! sino ka ba!?" inis na sabi ko.
"Manahimik ka. Sumunod ka nalang at sinasayang mo ang oras"hinila nya ako at isinakay sa kabayo.
Huminto kami sa isang mall at agad agad syang bumili ng gown para sakin.
"Oh isuot mo na"sabi nya at binigay sakin ang gown.
"sino ka ba talaga? bakit mo ko binilihan ng gown?friends ba tayo? bakit alam mong hindi ako makakaattend?"nagtataka kong tanong.
"napakadaldal mo talaga, isuot mo na yan!!"masungit nyang sabi at tinulak pa ako papuntang fitting room.
Isinuot ko nalang yung binili nyang gown para sakin. Hindi ko maintindihan kung bakit bigla syang sumulpot para bilihan ako ng gown.
Honestly speaking ngayon ko lang sya nakita pero may parte sakin na nagsasabi na pakiramdam ko kilala ko sya.
Pero sino ba talaga sya?
Lumabas ako ng fitting room at pinakita kay kuya Pogi yung suot ko.
Infairness maganda rin tong binili nya. May taste din pala sya.
Isang up shoulder gown na color red na may pagka maroon ang suot ko, may lining syang gold tapos may gold lace pa sya na niribbon ko sa bewang.Parang princess gown din.
Hindi kasing ganda ng binili ni Sean pero okay na sya sakin.
"Ano?okay ba?"tanong ko sa kanya.
tinitigan nya ako kaya napatingin din ako sa sarili ko.
"bakit pangit ba---"
napatigil ako ng makitang wala na sya sa harap ko. Asan na yun? Napakawalang hiya naman ng lalaking yun. parang walang manners. =.=
"Oy"biglang may kumalabit sakin. Oh? si kuya Pogi pala, akala ko umalis na eh.
Inabot nya sakin yung earrings, necklace at bracelet.
"ano yan?"
"Sapalagay mo ano? Bakit ba napakatanga mo? isuot mo na nga!!"iritable nyang sagot.
napapout naman ako at isinuot na nga ang mga accessories. Grabe sya!! Kanina nya pa ako tinatanga ng tinatanga!!
Nagulat ako ng ilugay nya ang buhok ko na kanina ay maayos na nakabraid.
"Mas bagay.."sabi nya.
"t..thank you"sabi ko. feeling ko nahiya ako nun. hehe.
"Tss.." hinila na nya ako palabas ng mall at tumigil sa tapat ng kabayong sinakyan namin kanina.
"Sakay"maawtoridad nyang utos.
Ako naman tong si sumunod din. Yung totoo? bakit ko ba sya sinusunod sa kanya??Eh hindi ko nga sya kilala diba??
Hindi ko alam kung bakit ganito sya pero pakiramdam ko obligado akong sundin sya.
"Gawin mo ang dapat mong gawin sa ball. Isuot mo tong coat, wag kang magpakita kay Sean, Gawin mo lang ang nakalagay sa libro"diretsong sabi nya at pinatong sakin ang coat na may hood na halos masakop ang buong katawan ko.
Nagulat ako sa sinabi nya. Paano nya nalaman ang tungkol sa libro?
"Paano mo---"
"Binabantayan kita. gawin mo ang eksakto Chichi, Kailangan umamin ni Sean kay Merielle"seryosong sabi nya at biglang pinalo ang kabayo kaya bigla itong umandar..
"Waahh!!!" sa gulat ko ay napakapit ako sa kabayo. muli kong binaling ang tingin sa lalaking gwapo kanina pero wala na sya sa pwesto nya.
Sino kaya sya? Si Fairy godfather?Pero saan sya galing? At bakit alam nya ang tungkol sa libro?
Hindi ko maiwasang ma imagine ang mangyayari mamaya. Nalulungkot ako dahil aamin na si Sean kay Merielle ng pagmamahal nya.
Sana talaga hindi na ako pumunta. Ano ba kasing ginawa sakin ni kuya Pogi at napasunod ako ng ganun kadali eh?
Nakarating ako sa palasyo. At dinig ko agad yung tugtugan mula sa loob.
Tahimik lang akong pumasok sa loob. Napaka engrande at elegante.. Ang daming tao, may tugtugan, ang daming pagkain sa gilid, may tables and chairs at may malaking space sa gitna para sa dance floor.
Kanina pa nagsisimula dahil nagsasayawan at nagkakainan na sila.
Ginawa ko ang sinabi ni Kuya Pogi kanina.
Nagcoat ako at hindi nagpakita sa mga tao. Nawiwirdohan sakin ang iba pero hindi naman na nila ako pinansin.
Bumaba ako sa hagdan papuntang grand hall at nakihalo sa mga tao.
"Sorry!" sabi ko sa babaeng nabunggo ko. Pagtingin ko ay si tintin pala pero mukhang hindi naman nya ako napansin dahil nagmamadali sya.
"Hoy babae! where do you you're going!?"narinig ko ang boses ni Prince Charlie na lumapit kay Tintin.
"Ah..eh..h..hinahanap din kaya kita!!hehe"kinakabahang sabi ni Tin.
"Tss..You stupid maid! c'mmon, lolo wants me to dance, let's dance!"inis na utos nya at hinila bigla si tintin sa dance floor.
Hindi ko alam kung paanong nangyari na parang hindi sila magkaaway at hindi na ata lumalaban si Tintin kay Prince Charlie. At Kailan sila naging close?
Pinagmasdan ko sila, namumula si Tintin habang si Charlie parang..... wala lang? Haha. >.<
"Grabe kanina pa hindi binibitawan ng prinsipe yung babaeng nakablue na yun oh.."
"Oo nga kanina pa sila nagsasayaw.."
"Ang ganda naman nya kasi.. tingnan mo parang mamahalin pa ang damit nya, siguradong isa syang prinsesa."
Napatingin ako sa tinuro ng isang babaeng katabi ko at nakita ko sa gitna sina Sean at Merielle na nagsasayaw ng waltz.
Parang may tumarak sa puso ko ng makita silang magkalapit at nagsasayaw.
Bagay na bagay sila...
"Baka sya na ang piliing mapapangasawa ni prince Sean. Tingnan mo kanina pa yan.."bitter na sabi ng isa.
"Okay lang, may Prince Khallie pa oh"
Napatingin ako kay Prince Khallie na nakaupo at parang hindi mapakali. Parang may hinahanap sya.
Muntik na syang mapatingin sakin kaya yumuko agad ako at nagtago sa mga taong kumakain.
haist. muntik na ko.
Napatingin ako sa cp ko ng makitang nagtext si Belle sakin.
[hoy asan ka? at ano tong nakikita ko? bakit suot ni Merielle ang gown mo!?]
(Nandito din ako sa ball, basta may nangyari kasi) reply ko.
[dito ako malapit sa musicians.. punta ka dito]
Nakipagsiksikan ako sa mga tao hanggang sa makarating sa mga musician.
Nakita ko si Belle na mukhang hinahanap din ako hanggang sa magtama ang mata namin.
"Ano ba yang itsura mo!?"
"Sshh!!"
nilagay ko ang hintuturo ko sa labi ko at pinatahimik sya.
"Wag ka ngang agaw atensyon.."
"Eh bakit kasi ganyan ang suot mo!? mukha kang ermitanyo!"bulong nya.
"Nakagown ako sa loob! basta.. hindi ako pwede magpakita kay Sean.."
"At bakit aber?! kanina ka pa nya hinahanap sakin!!"
"basta sabi nung lalaking hindi ko kilala na feeling ko kilala ko.."
"Ano? hindi mo kilala pero kilala mo? Ano bang kinain mo bago mapunta dito?"
"Haist.basta Belle, s..sabi kasi sa libro na ngayon na magtatapat si Sean kay Merielle, nandito lang ako para siguraduhing mangyayari yun.."mahinang sabi ko.
"Aamin na sya?"medyo shock na sabi ni Belle.
tumungo tungo nalang ako. Naramdaman kong tinap ni Belle ang balikat ko kaya napatingin ako sa kanya.
"kasayaw ni Dre yung kapatid nya, gusto mo pagkatapos isayaw ka nya?"sabi nya at ngumiti ng maliit.
Alam kong sinusubukan nya lang na wag akong malungkot. Kasi naman hindi ka ba malulungkot kung malaman mong aamin na ang taong gusto mo sa taong mahal nya?
Biglang naging slow yung music na kanina ay waltz. Pinagmasdan ko sina Sean at Merielle na nagsasayaw parin.
Nakayakap si Merielle kay Sean, Tapos parang naguusap silang dalawa pero hindi ko lang alam kung tungkol saan dahil hindi ko dinig.
Ano kayang pinaguusapan nila? Umamin na kaya si Sean?
"Wag ka nalang tumingin kung nasasaktan ka"bulong ni Belle sakin.
Ganun nga ang ginawa ko at tumingin nalang sa babaeng kumakanta malapit samin.
"Shane magiingat ka!" nagulat ako ng may batang nadapa sa harap ko.
Pagtingin ko si Shane pala na nakasuot ng pang royal suit. Waahhh!! Napaka cute at napaka gwapo ng anak ko!!!
tumayo sya pero hindi naman umiyak at nagpagpag lang.
"Ayos ka lang baby?"tanong ko at nag squat sa harap nya para magpantay kami.
Nanlaki ang mata nya ng makita ako at ngumiti ng malaki.
^______________^
"MAAMMAA!!!!!!" niyakap nya ako bigla ng sobrang higpit.
Napatingin tuloy ako sa mga tao na nakatingin na samin. Ang ingay kasi ni Shane eh!
Natutuwa ako kasi mukhang sobrang namiss nya ako, kaso ang dami ng nakapansin sakin.
hala pano yan?
"hala sya yung nanay? akala ko yung babaeng kasayaw ni prinsipe Sean?"takang tanong ng isa sa kasama nya.
"Sya nga tinawag na Mama diba? so sya yun. Engot mo"
"Eh malay ko ba? siya kasi yung kasayaw ni Prince Sean kanina pa"
Kumalas si Shane sa pagkakayakap sakin at nagulat ako ng agawin nya ang microphone sa singer.
"PAPA!! ANDITO SI MAMA PO!!!"
Nanlaki ang mata ko ng isigaw nya yun sa mic kaya napatigil yung iba at napatingin sa kanya.
"S..shane! Bumaba ka nga dyan!" pinababa ko sya sa mini stage ng singer.
"Sorry po ate"paumanhin ko dun sa singer.
"Sandali po Mama!!" ayaw nya pa paawat kaya hinawakan ko pa sya ng mabuti.
"Wag mo ng gagawin yun! nakakahiya!"sabi ko.
"Hehe sorry po.."nakangiting sabi nya at nagpeace sign pa.
"Chi, si Sean!" bulong ni Belle.
Napatingin ako kay Sean na ngayon ay nakatingin na sakin. Ibinaba ko pa ang hood ko at tumayo.
"Aalis na ako"
"Eh? Mama saan pupunta ka po---"
"Sorry baby, alis muna si Mama"
"Bilis alis na!"si Belle. napasulyap ako kay Sean na ngayon ay papunta na sa direksyon ko.
"Pero Mama---"Tumalikod agad ako at naglakad ng mabilis.
"Wait!" Pero napatigil ako ng marinig ko ang boses nya.
Gusto kong igalaw ang mga paa ko pero hindi ko magawa.
Arghh!! tinatraydor na naman ako ng sarili ko.
"Chi.."
Kinilabutan ako ng bumulong sya sa tenga ko. Nasa likod ko na pala sya!!
>\\<
"Akala ko hindi ka na pupunta, sinabi sakin ni Merielle ang nangyari.."sabi nya.
Nakatingin na samin yung ibang mga tao. Napapikit ako sa sobrang ilang kaya humugot ako ng lakas at naglakad ulit ng mabilis.
"W..wait! Where are you going?!"hinawakan nya ang kamay ko at hinarap sa kanya pero yumuko agad ako para hindi nya ako makita.
"I..I'm not Chichi.."sinubukan kong ibahin ang boses ko pero natawa lang sya sakin.
"You're funny! Haha.. ikaw talaga... You're trying to avoid me I guess? Well I won't let that happen.."sabi nya.
"P..pano mo nasabi?"sabi ko habang nakayuko parin.
Ang dami kasing taong nakatingin kaya ayoko magpakita ng mukha.
"Hindi sa pagmamayabang pero.... Kabisadong kabisado na kita.."bulong nya.
Inangat ko ang mukha ko at bumilis ang tibok ng puso ko ng makita ang malapit nyang mukha sakin.
Napangiti sya at dahan-dahan niyang tinanggal ang pagkakatali ng hood sa bandang leeg ko.
Para akong nakuryente ng dumampi ang balat nya sakin.
Wahhh~
"take off your hood"sabi nya.
Para akong na-hypnotize sa ganda ng mga mata nya kaya ako din itong si sumunod at tinanggal nga ang hood ko at hinayaang mahulog sa sahig.
Hinintay kong magsalita si Sean pero hindi sya kumikibo habang nakatitig sa akin at nakaawang ng kaunti ang bibig nya.
Sabi ko na nga ba... baka ang pangit ng itsura ko!!!
T^T
Hindi ko pa naman nakita ang itsura ko kanina!!
>\\<
"Uhm..Sean?"alanganing sabi ko.
Napablink ang mata nya at napangiti tapos biglang natawa.
"Uhh..Haha sorry.."Natatawang sabi nya at napakamot sa batok nya.
Napatigil ako ng nilapit nya ang mukha nya sakin para bumulong.
"You look stunning..."bulong nya.
Nahiya ako sa sinabi nya pero hindi ko mapigilan ang pagngiti.
Umiinit pa ang mukha ko!!
hindi ako pwedeng kiligin!
>\\<
"And..so gorgeous, Everyone's looking at you.."sabi pa nya.
Lalo pa akong nahiya ng makitang ang dami na palang nakatingin saming dalawa. Wahh!! Nakakahiya!
Naramdaman ko ang paghawak nya sa kamay ko at pinag intertwined.
"Dance with me"
At dahil dun nakalimutan ko na naman na wala akong papel sa storyang to.
-.-
*****