باسل ولا اتفاهم مع زول اول م جى طلع الغرفه فووق لحقتو لقيتو دخل الحمام بعد م طلع عاينته ليهو شكلو كان ببكي لأنو عيونو اتحولت لي شرار بس،اول م شوفتو بالحاله دي حضنتو وقعدنا نبكي،قولته ليهو حتى لو شوفتكك بتغلط قدامي حأكذب عيوني علشان انا ظني وثقتي فيك عمرها م بتخيب😭💔هو م كان قادر يتكلم اساسا كل العملو ضماني عليهو شديد ،ومسح لي دموعي ،،قال لي خلاص بطلي بكى انتي بس بسموك بكى،وهو دموعو كانت جاريه،،،قولته ليهو طيب وانت بتبكي ليه😭💔سكت م ردة علي ،قال لي تعالي ،رقد في السرير ورقدني جنبو،انا بقيت اعاين ليهو بس ،باسل كان مكسووور،م مكسور بس مكسوور شديد لأنو الطعنهه جاتو من اقرب زول ليهو ،الزول الكان معتبرو زي اخوهو واكتر اتخزل فيهو،حتى هو م كان عايز يستوعب الحاصل،وانا بعاين ليهو كدة ،خته يدو في خدي قال لي م كنت مهتمه بنفسك صح الفترة المضت دي حتى ملامحكك اتغيرت وعيونك واقعهه،💔قولته ليهو علشان انت الكنت بتهتم بي ماف حد غيرك ولما تبعد مني شي طبيعي اتبهدل،قال لي خلاص غمضي عيونك انا هنا معاك ❤شويه كدة فكرته لقيتو نام،بقيت اعاين لأثار الضرب في جسمو ،بجد عزبوهو يعني جسمو دة كلوو كان عبارة عن اثار😭💔وانا بعاين ليهو لقيت نفسي نايمه معاه،طبعا من يوم م اتحبس كنت لا بنوم كويس ولا باكل كويس حتى زمني البكون قاعدة فيهو براي كل الوقت كنت بفكر فيهو،الفترة العدت علي وهو محبوس كانت اصعب من سنين الطب العدت علي في الدراسه،واصعب من الجحيم الأنا عيشنو زمان بس الحمدلله 😭نما م صحينا الا الساعهه10مساء،بعدها جبته ليهو العشاء والعصير،بس حتى الأكل قال م عندو نفس فيهو،،،وقعد يتكلم معاي قال لي انا مصدوم في سااامي ي شهد سامي م كان كدة انتي فاهماني ؟قولته ليهو حبيبي،الشيطان شااطر وهو كان حاسب خطواتو عارف حاجه زي دي؟انا عارفه انو الموضوع صعب عليك بس دة الواقع بقول كدة حتى انا كزبته نفسي لما شكيت فيهو بس لما حصل كذا وكذا وكذا،،،،حكيت ليهو بالحصل كلوو،بعدها إتاكدته ،واااخر حاجه خلتني أتاكد لما اتصلته على جارتي وقولته ليها تسأل لي بتاع البقاله إذا في عربيه توسان لونها ابيض كانت بتقيف قدام بيت ناس هاجر وبالفعل طلع دة الحاصل،،،وم حبيت اكلمك علشان عارفاك م حتصدق ،انا عارفه انو دة موقف م بتتحسد عليهو انا معاك ي ماسل ومسكته يدو ،ابدا م حأتخلى عنكك ولا حأخزلك وحتتجاوز القصه دي ،نم تنسى انا بتقوى بيكك انت حبيبي،فكرته لقيت دموعو جاريه❤قال لي انا طالع،قولته ليهو ماشي وين؟قال لي م عارف اي مكان بس طلع مشى شال مفتاح عربيه علا ومشى،كنت مقلقه عليهو شديد بس هو كان محتاج انو يطلع ،محتاج انو يقعد مع نفسو شويه لأنو المرة بيهو م هين،،،رجع نصصصص الليل الليل لقاني صاحيه قال لي لسسه م نمتي؟قولته ليهو كنت منتظراك بس❤قال لي طيب كان تتصلي،قولته ليهو المهم انت رجعته اجهز ليك حاجه تاكلها،قال لي لا م عاوز ❤فجأة حبوبه جات داخله قالت ليهو باسل ي ود ي باسل،قال ليها نعم ي حبوبة😘قالت ليهو نعم الله عليك ي ولدي انت انشاءالله تتعلى م تدلى ي ولدي ،وانشاءالله سامي يشيلو السيل السجمان الله لا جاب عقابو،انشاءالله لا يشوف شمس بتشرق لا بتغرب المعفن المابشبه الرجال،،،باسل قال ليها هههه حبوبه انسي خلاص وقولي لي صاحيه مالك؟قالت ليهو هو انا قاعد يجيني نوم والله بجيني وقعدت تتونس معاهو❤اليوم التاني كانو عاملين ليهو كرامه وعازمين اهلو كلهم واي زول لازم يحكي ليهو القصه براه،دة غير انو قالو تاني م نرجع البيت داك ونعيش مع ناس امو في البيت ❤بعد المغرب جا داخل الغرفه قال لي اررح نمشي بيتنا،قولته ليهو باسل بس ...قاطعني قال لي م عندنا شغله بي زول نحن عايزين نرجع بيتنا يلا اللبسي نمشي،قولته ليهو حبيبي بسسس...قال لي عارف انو البيت كان مقلوب من يوم جو فتشو م تخافي انا اليوم سوقته الشغاله ومشيت معاها رتبتو ❤صراحهه انا نفسيا بعد اليوم داك م كنت جاهزة علشان امش البيت داك مرة تانيه،كنت خاااايفهه شديد،قولته ليهو طيب لبسته ونزلته،امو قالت ليهو م تقعدو اليومين دي ي ولدي،قال ليها لا والله يمة افضل نمشي،قالت ليهو سمح امشو ي ولدي الله يسدد خطاااكم ❤من اتحركنا لغايه م وصلنا انا كنت ساكته ،دخلنا البيت بالجد كان نضيف ومرتب،،،بس برضو كنت خايفه كل م اتخيل منظر كميه العساكر الكانو داخلين البيت والكلب بتاعهم جسمي بتجيني رعشهه خوف،،لما وصلنا غرفتنا باسل مسكني وجراني عليهو قال لي انتي قولتي انو انتي بتتقوي بي بس انا البتقوى بيكك ،لانو انتي الطلعتي بيك من الدنيا❤مش بيقولو ربنا ببتليك وبرميك في المشاكل لحكمهه؟يلا انا ابتلاني الإبتلاء دة عشان يوريني النوور الفي حياتي اللي هي انتي❤ضميتو قولته ليهو حبيبي م تقول كدة ياااخي اساسا نحن بنكمل بعض ❤قال لي الله م يحرمني منكك ي شهدي❤بالليل ونحن فجأة صحيت مخلوعهه لقيت الغرفهه مضضضلمهه والجو مسخن فتشته باسل م لقيتو جنبي ،وبقيت اكورك وانادي ي بااسل وببكي وبصررخ بأعلى صوتي،فجأة النور ولع ونزلته من السرير وطلعته من الغرفه ولسسسه ببكي وبصرخ على باسل،،،فجأة حسيت بيهو مسكني وبيقول لي قولي بسم الله ي شهد ،وانا لسسه بصرخ وببكي ،،قال لي شهد قعدني في الكرسي ودخل المطبخ جاب مويه رشاني بيها بعدها سكته بس بقيت ارجف من فووق لتحت ،قال لي تعالي دخلني غرفتنا قال اهدي واستغفري تمام؟قولته ليهو باسل انا خايفهه خايفهه بجد😭😭😭😭😭😭😭💔قال لي طيب تعالي مسكني من يدي قال لي نتوضأ نصلي لينا ركعتين وبعدها ننوم طيب؟قولته ليهو طيب اتوضينا وصلينا ركعتين ،بعدها قال لي تعالي رقدتهه جنبو في السرير ،قال لي لسسه خايفه؟قولته ليهو شويه بس انا اتخلعتهه 😭😢فتح الدرج طلع ليهو مصحف وقعد يقرا لي قرءان لغاية م نمتهه،يااخي صوتو وهو بقرا القرءان راحهه نفسييهه❤الصباح قال لي الخوافهه صباح السرور وباسني في راسي،قولته ليهو الزول الأنا محظوظه بتلاوة قرءانو لي صباح النور❤قال لي كيف بالله نحن كمان شيوخ😌✌😂😁قولته ليهو شيخ في عينكك يلا😂👊💔احتجنا شهر كامل علشان نرجع لحالتنا الطبيعيه من كل النواحي لانو كان في توتر بجد،،،في يوم جمعه باسل قال لي اليوم انا عازم ضيوف غداء ،قولته ليهو ضيوف ؟قال لي اااي ضيوف😁قولتع ليهو اممممممممم😢قال لي وم تخافي ي ستي بسااعدكك😴قولته ليهو ودة احلى م في الموضوع🙈❤قرب مني وقال لي بس على كل مساعدة حتدفعي ضرايب😌🙈قولته ليهو ننننننننن😴😒قعد يضحكك قال لي مالكك😂المهم بدينا نشتغل وهو م عمل شي غير انو بونسني بس الونسهه معاهو في حد زاتها غييير بحبو ياخي🙈😂💔لما جا زمن الصلاة طلع اتجهز وجا نازل قال لي ماشي الصلاة خلي بالكك من الأكل قصدي من نفسكك😁😂جا عايز يبوسني قولته ليهو ي شييييخ انت ماشي الصلاة😂👊💔قال لي احم احم استغفرالله انا مش قولته ليك لما اقوم ماشي الصلاة م اقربي مني😂قولته ليهو هاااا😨😱قال لي يلا ،،،مشى الصلاة وجا راجع لقاني جهزتهه اي شي ساعدني في تجهيز صفرة الاگل بعدها تلفونو اتصل قال ليهم طيب تمام جاي عليكم انا❤قال لي يلا وصلو اللبسي توبكك😘قولته ليهو طيب❤ شويه كدة سمعته ناس بسلمو طلعتهه ،اتفاجأتهه بي شوفه كريم ومعاهو عميد كليتنا ومعاهم مرة،طبعا ملامح وشي لمن اتغيرررت،،باسل رفع لي حاجبو وعمل لي حركهه بي يدو نظام إبتسمي،،،كرريم سلم علي قال لي مسسسترر كونان وهو بيضحكك😂❤قولته ليهو اهلييين بالمحامي الشاااااطر،المرة سلمت علي الا بالحضن كأنها بتعرفني كدة،ازيكك ي بتي انشاءالله طيبهه و...سلام النسوان المعروف داك،،لما جيت أسلم على عميد كليتنا قولته ليهو اهلين وسحبته منو يدي،فضلناهم في الهووول وقعدنا نتونس معاهم،كريم قال لي كيفكك انشاءالله تمام؟قولته ليهو الحمدلله انت كيفكك؟قال لي بخير الحمدلله❤المرة بقت تتونس معاي وباسل بتونس مع العميد ،شويه كدة اتفتح موضوع القضيه وم القضيهه،كريم قال لي طبعا في الجلسه الفاتت قبل اسبوعين طلعتهه ليهم مكالماتهم مع بعض حتى اااخر مكالمهه ليهم كانت قبل الحصل بيوم واحد،،،انشاءالله الجلسه الجايه بحكموهم،باسل حسيتو اتضايق من السيرة غيرته الموضوع ،،،شويه كدة جيت المطبخ علشان اجهز الغداء باسل جا لاحقني مسكني قال لي اسف بس لو كلمتكك م كنتي حتوافقي،،قولته ليهو م مشكلهه،قال لي يعني م زعلانهه؟؟هزيت ليهو راسي بمعنى لا،،،بنتكلم مع بعض كدة جات المرة قالت لي عايزة مساعدة ي بتي؟باسل قال ليها اتفضلي وطلع مخلوع هههه،،،قولته ليها شكرا ياخ م محتاجه مساعدة تسلمي😊قالت لي م تخجلي انا زي امكك والله❤قالت لي كدة اقعدي دايرة اتكلم معاك شويه ي بتي،كانت مرة تتشاف طيباانهه ،قالت لي طبعا انتي م عرفتيني كويس انا مرت ابووك،عاينته ليها وسكتتهه،قالت لي انا زاتي م كنت عارفه بس كلمني لما حصلت ليكم المشكلهه دي،قولته ليها اهااا😊قالت لي انا الله م اداني عيال ي بتي ،اسي انا عايشه مع ابوك لحدي الأن 20سنهه والله م رزقنا اطفال ،،،طبعا انا بقيت اعاين ليها مصدومة قولته ليها طيب وكريم م ولدك يعني؟؟قالت كريم دة نحن إتبنيناهو وهو عمرو 10سنه ،،،يعني بجد صدمني كلامها يعني بعد العمر دة كلووو ربنا م رزقو بي أولاد نهااائي سبحان الله وكمان متبني ليهو طفل💔 ،قالت لي عشان كدة ابووك فرحان بيكك فرح لكن انا فرحانه بيك اكتر عشان الله م رزقني بنيه والله ي بتي طووول عمري كنت دايرة لي بنيه بس تملى علي البيت،المرة فجأة بقت تبكي،،،م عرفته اواسيها او اقول ليها اي شي،فجأة باسل نده علي قال لي شهد لسسسه؟قولته ليهو خلاص جااهز ثواني بس،بعدها طلعنا،لما قعدنا في الغداء قعدته اعاين لي كريم وابوي والمرة،يعني بجد المرة دموعها كسرة قلبي ختيت نفسي محلها صبر معاها 20سنه 💔،،،كريم قال لي شهد منتظرك تزوريني في الكافيه بالمناسبهه ههه،قولته ليهو الشي المافهمتو في محامي بخلي شغلو وبمشي بفتح ليهو كافيه شن جاب لجاب؟قعدو يضحكو،امو قالت لي اسأليهو عليك النبي غير السهر م ورهو شي طول الليل مساهر في الكافيه البقولو دة،كريم قال لي كافيه لامي الجكس ولا محاكم لامة قضايا ندافع عن مجرمين وندخل جهنم بسببهم😂💔قولته ليهو على اساس انو الجكس م بدخلك جهنم ي سجم😂👊💔المهم اتونسنا كداا،صراحهه ارتحته في الونسه مع كريم وامو ،بالزات كريم ظريف شديد،بعد خلصنا غداء وشاي وكدة ام كريم ساعدتني م رضت تمشي لغايه م غسلت معي العدة ورجعتها رفوفها بعدها طلعو مشو،بعد م مشو باسل جا لقاني واقفه في المطبخ وسرحانهه،حضني وقال لي زعلانه مني؟اتلفته عليهو قولته ليهوو ابدا بس مصدومة💔😢قال لي من شنوو؟قولته ليهو تخيل كريم دة م ولد ابوي الحقيقي هو متبنيهو،وتخيل انو هم ربنا م رقهم اطفال نهائي؟؟قال لي انني جادة؟سبحانه الله شوفي حكمه ربنا دي كيف،قولته ليهو يمكن ربنا عاقبو على الغلط العملو مع امي ربنا حرمو من شعوور الأبوة عشان هو استغلى شافعهه وغشاها 💔قال لي ربنا ابدا م حرمو من شعور الأبوة لأنو انتي في❤قولته ليهو انا اسمي شهد احمد اللمام اسم عبدالله دة مافي في حياتي،قال لي حبيبي قبل كدة قولته ليك نفس الكلام وتاني حأعيدو م انتي البتعاقبي ابوك او امك على الغلطه دي ،وكلنا بشششر وبنغلط صح ولا م صح؟قولته ليهو خلاص اقفل على الموضوع،قال لي بالمناسبه انتي حلوة لما تزعلي😁قولته ليهو نننن انا م حلوة انا مرهقهه وعايزة زول يشيلني يوصلني لغايه سريري دي وقفه علي من الصباح😴😴قال لي بس كدة على طوول وقام شالني بقيت اصرخ ليهو باسل ي مجنون والله ترميني م ارحمكك😭😂💔في يوم باسل طلع ماشي الشغل ونسى تلفونو شلتو لحقتو ليهو في الباب ،لقيتو بتكلم مع بت الجيران وقال ليها اتفضلي اوصلك طيب،،،البت بتقرا في الرباط والنصيحهه مزززة شديد ومايعهه كدة😒قولته ليهو باسل تلفونكك وصريت ليهو وشي،رفع لي حاجبو قال لي حأوصلها بس😊😁زعلته زعل شلته تلفوني اتصلته عليهو م ردة تاني اتصلته برضو م ردة وبقيت ارسل ليهو في الرسايل واقول ليهو:توصلها لشنوو يعني من عدم العربات الفي الشارع؟
طيب فهمني يعني هي مش عندها ترحيل بوصلها يومي الليله الجدة شنوو؟😡
وبعدين انت علاقتك شنو زاتك مش عندك شغل المفروض تصل في زمنك؟ولا اهاا نسيت لازم تبقى حنييين صح😡والغريبه هو كان بفتح الرسايل زعلني زعل
بقيت اقول ليهو انت م بتصلك رسايلي ولا شنوو؟
بتفتح الرسايل وم بترد لشنوو؟؟بتسفهني ليييه؟بقيت ارسل ليهو باسل ،باسل باسل ،باسل ،انا منتظراك ترد،باسل رد،باسل رد،باسل،باسل،في النهااايهه لمن عايزة اقفل خلاص رسل لي وقال لي النبي وصى على الجاار😊حييييي يااااخ اكتر من 10رسايل ومرسل لي رساله واحدة غاظني غيظه قولته الليله بس لمن يجي،قعدته طوول اليوم على اعصابي لغايه م جا ،لما وصل فتحته ليهو الباب اول م دخل قال لي حبيبي مشتااق ليكك وربي عايز يحضني زحيت منو،قال لي في شنوو خير؟قولته ليهو وكمان بتسأل😡قال لي اهااا وضحك نفسي اعرف المزعلك شنووو؟البت طلبت اوصلها وم حبيت اكسفها بس😂قولته ليهو شغال سواق بتاع توصيلات انت،؟قال لي لأ خلاص حبيبي م تكبري الموضوع تعالي،قولته ليهو وكمان باارد ياخ م تتكلم معي،قال لي طيب حاضر م حأتكلم معاك يلا 😊،دخل غير ملابسو وقعد في الغرفه فوق وانا الهطله اتوقعتو يجي يراضيني بس خبري م جابو،طلعته فوف اشوفو بعمل في شنو لقيتو طلع ملابسو بلبس،قولته ليهو ماشي وين انت طالع😢قال لي شايفه شنو انتي؟قولته ليهو باسل انت مش اتفقته معي نحضر فيلم الرعب داك مع بعض ؟اها الليله جايبنو😢قال لي احضري براك يلا مالك م بتقدري؟😊قولته ليهو باسل حلفتك ياخي م تمشي انت مش قولته لي بجي بدري احضرو معاك هو بجيبوعو الساعهه10واسي الساعهه 9ونص😭قال لي انا طالع م بقدر ي شهد واعد اصحابي يلا سلام،طلع لمن وصل باب الشارع تاني جا راجع غير ملابسو ورقد في السرير ولا اتكلم معي حتى😂💔مشيت عملته عصير وجيت رقدته جنبو وشغلته Mbc2الفيلم كان ي دوووب باادي ومن اولو مخيف كدة ،،،بعد مسااافهه جابو لقطه كدة مخيفهه مسكته فيهو وغمضته عيوني،قال لي اهااا انتي لما م قدرو بتحضريهو ليه؟قولته ليهو العالم كلو بحضرو 😴قال لي سمح وقعدنا نحضر في الفيلم وكل شويه انا اتخلع واصرخ ليهو ،فجأة باسل قرب مني،وفكه لي شعري وبقى يقرب مني شويه شويه قال لي بالمناسبه انتي حتى غيرتكك حلوة ،وانا مركزة مع الفيلم والله،شويه كدة باسني في خدي وبقى يعمل حركات ،عاينته ليهو قولته ليهو باسل الفيلم يااخ وقعدته اضحك،،،قال لي اساسا الفيلم انا م فاهم منو شي وم قادر اركز فيهو بس مركز معاك شال الريموت وقفل التلفزيون😂🙈❤اليوم التاني مشى الشغل وجا راجع مبسوووط اول م فتحته ليهو شالني قال لي بااركي لي،قولته ليهو في شنوو؟قال لي متزكرة الاجانب الجو المعرض قبل م نتزوج؟قولته ليهو ااي مالهم؟قال لي ادوووني التوكيل بتاع شركتهم هنا في السودان ياااخي دة ااااحلى خبرر سمعتو اليوم بعد فترة انتظار طويييله ،قولته ليهو حبيبي يااااااخ مبرووووك بجد اساسا انت تستاهلها وزغرتهه ليهو😍💃قال لي اساسا وجودك في حياتي محلي اااي شي الله يديمك لي انتي❤في يوم جاتني خالتي مرام قالت لي خالك دة قال دايرين منو قروش ضروري وهو مسجون اسي ،قولته ليها خالي منو؟قالت لي خالك حامد،قولته ليها قروش كم يعني؟قالت لي 10مليون ،طبعا صدمني المبلغ اجيبو من وين م عندي انا المبلغ دة كلو،قالت لي وقال ليكي لو فكيتيهو من المشكله دي لا هو خالك لا بعرفكك،اصلا فكرة انو خالي دي انا شايلاها من دماغي خالص بس حبيت اساعدو وم ببقى زيو ابدا،مشيت طلعته ليها غبيشهه من دهبي قولته ليها م عارفه بتجيب كم بس بيعيها ورسلي ليهو القروش،،،فضلته يومين متضايقه من نفسي لاني م كلمته باسل،اليوم التالت باسل قال لي ملاحظ ليك م تمام مالك؟قولته ليهو باسل والله حصل كذا وكذا وكذا وانا اسفهه لاني شلتها وم كلمتكك😭💔قال لي ي ربي دي شنو الشافعهه دي ي بت انتي هبله؟وانا حأزعل منك عشان كدة يعني؟الدهب دة انا جايبو ليك يعني حقكك انتي ابدا م عندي حق ادخل عملتي بيهو شنو ولو زعلته منك بزعل من قصه انو انتي م حكيتي لي عن مشكله خالك لأنو انا وانتي واحد واهلي واهلك كمان واحد فهمتي؟وبعدين خالك دة انا زاتي عندي معاهو مشروع ،قولته ليهو مشروع شنوو؟؟قال لي عايزو يعرس لي😂😁🙈قولته ليهو ننننننن😒قال لي تعالي وضماني قال لي كفايه عندك كم يوم متنشنه في موضوع هاايف😂بجد باسل كل مرة بتفاجإني تصرفاتو ياخي😻😔في يوم فجاة جاني تاق منو في بوست في الفيس،كان عامل مشاركه لبوست من بوستاتي القديمهه وكاتبه فيهو:أريد رجلا بحنيه الرسول صلى الله عليه وسلم على عائشهه،اريد رجلا يحبني كحبهه للسيدة عائشهه،❤❤❤في البوست بتاعو كان كاتب:قد لا اكون بحنيه رسول الله،ولكنني ادعو الله كل يوم ان يزود حبي لكي اضعافا مضاااعفهه فحبي لكي كحب المؤمنين للكعبه،وكحب الفلسطينين للقدس كنت اراك حلما مستحيلا وها انتي اليوم شمعهه تضيئ حياتي ❤ وتحت كاتب #اميرتي وعامل لي منشن🙈❤عن كميه التشغيلهه الجاتنا من الناس😂💔خجلني ياخ م عرفته اقول ليهو شنو غير جدعته ليهو قلب😂القلب دة كان فيهو كميهه من المشاعر الماقدرتهه أعبر عنها،،، فضلته منتظراهو بي فارق الصبر ،لما جا داخل جا شايل ليهو كيس هدايا،قولته ليهو دة شنوو؟مرت علينا ايام كنا متنشنين والحاجه دي انا واثق اثرت على نفسيتكك اكتر مني ،لو كنتي شغاله جامعه كان سوقتك مشينا قضينا عمرة وجينا بس انشاءالله اول م تأجزي نسافر ❤قولته ليهو حبيبيييي يااخي من غير هدايا ومن غير اااي شي انا مبسوووطهه معااك كفايه علي الحب الماخداهو منكك😍جاب لي تلفون جديد برضو ايفون ،وعطوور وكم عبايه خليجيه وفستان وميكاب واخييرا قال لي غمضي عيونك،قولته ليهو في شنوو؟قال لي بس غمضي،غمضتهه عيوني لبسني سلسل ،فتحته عيوني ،قال لي اللبستك ليهو في شهر العسل لقيتك ناسياهو في الحمام قبل كم يوم والتاني الجبتو ليك في عيد ميلادكك لقيتو في ضلفتكك نظام محتفظهه بيهو وكدة فمشيت للصايغ قولته ليهو اعملو لي 1×2كدة احلى😻❤قولته ليهو باااسل ياااخي انا حتى لو قولته ليك كلمه بحبكك حتكون بسيييطهه عليك الله يخليك لي ي قلبي بحبكك والله 😻❤في يوم باسل جا راجع متنشن،اول م جا دخل الغرفه مسكني قعدني في السرير ورقد في رجولي،قولته ليهو باسل في شنوو؟قال لي ماف شي،قولته ليهو لا في قول لي في شنوو؟قال لي اليوم اتصلو علينا قالو لي ابوووي دة كان تعبان في مستشفى في القاهرة،واسي جابوهو السودان هنا قولته ليهو شنوو؟كيف يعني انت ابوك م متوفي ي باسل؟قال لي لا ي شهد نحن ابونا خلانا صغاار انا اكبر واحد كنت في اخواني كان عمري 10سنين ،عرس ليهو واحدة مصريه وشال ورق البيت حقنا ومشى باعو ،نحن كان لا قدامنا لا ورانا،انا كنت بمشي المدرسه وبطلع بشتغل عشان اساعد امي في المصاريف ،امي كانت استاذة واخواني كانو صغاار شديد ،نحن تعبنا ي شهد وعانينا وياما مرت علينا ايااام صعبهه ،اااي شغله في الدنيا دي انا اشتغلتها ،وبسبب عدم القروش مؤمن اخووي دة جاهو سحائي شلاهو،انا تعبته وربيت اخواني برااي ماف زول ساعدني ،كل م اتزكر حاله امي زمان بخت اللوم على ابوي،لانو ابدا م كان مسؤل واناني مخلي 5اطفال بحالهم 💔انا لما وصلته اولى جامعه المصروف كان كتيير واخواني كلهم عايزين مصاريف دراسه،وعايزين ياكلو ويشربو ويلبسو وموضوع طويل طلعته خليت الجامعه واشتلغتهه في ورشهه وشويه وشويه ربنا فتحها علي لغايه م وصلته للأنا فيهو اسي دة ،قلبي وجعني طبعا الحاجه دي اوول مرة اعرفها،قولته ليهو حبيبي انت قولته شنوو؟انو نحن م بنعاقب اهلنا على افعالهم ربنا بعاقبهم،ابوك عيان وانت واجبك تجاهو انكك تتكفل بعلاجو لأنو مرضو شي وزعلك منو شي تاني خالص،وعلى فكرة امكك اكتر حد عانى في القصه دي،قال لي انتي بتقولي في الكلام دة بالسهوله دي؟قولته ليهو ايوة لانو في النهايه دة ابووك مش دة كان كلامكك لي؟وبالفعل باسل م قصر مع ابوهو دخل معاهو المستشفى ورقد معاهو ،مع انو كان غصبا عنو بس برضو كات واجبو والدم بحن،بعدها ابوهم حالتو اتحسنت رجعوهو البيت ،كانت صعبه عليهم كلهم يتقبلوهو بسهوله لانو كانت عليهم زعلهه سنيييين بس كانو مجبورين،اما انا علاقتي كانت مسستمرة مع كريم ومرت ابووي م قاعدين يقصرو مني دايما بجوني بالذات مرت ابوي كل م لقت نفسها فاضيه بتجيني وم بتقصر بتجيب لي ارياح واحيانا ملابس بتقول لي لقيتها وعجبتني قولته اجيبها ليك هههه❤،،دان ولدت جابت ليها ولد سمتو فهد يااخي كلبووظي سمح سماحهه،😍😻قالت لي كنت عايزة امي بتي عليك بس طلع ولد😭💔قولته ليها حبيبتي م مشكله بتي تتسمى عليك طوالي😂قالت لي طيب استعجلي علشان اخطبها لي ولدي😭💔عدت علي ايام حسيت روحي م تمام نهاائي ودايما زهجانهه وم بطيق الأكل،م كلمته باسل نهائي مع انو كل يوم بسألني وبقول لي دة الارهاق انا كلمتك م تمشي تشتغلي في المستشفى،كنت بقول ليهو انا كويسهه،المهم في يوم باسل كان في الشغل وانا تعبتهه شديد طلعته مشيت الدكتورة اصلا كنت شغاله في المستشفى بس م بمشي طوالي بالمزاجات بس،بعد م عملت لي الفحوصات قالت لي متابعهه وين انتي ي شوشتي ؟قولته ليها متابعه شنوو؟قالت لي حملك طبعا اول مرة اعرف انك حامل😂طبعا انا اتصدمتهه،قولته ليها انا حامل😱😢قالت لي م عارفه يعني وداخله على الشهر التاني كمان؟؟قولته ليها شنوو وربي م عارفهه م عرفته اضحكك ولا ابكي،قالت لي مبرووك عليك البيبي الجديد طيب❤والبتحصل معاك دي مضاعفات الحمل حأكتب ليك فايتمينات تساعدك تمام؟قولته ليها طيب،وصلته البيت فرحانهه ،م فرحانه بس فرحانه بجد دة احلى خبر في حياتي وكنت خايفه في نفس الوقت م عارفه خايفه من شنو بجد،سرحته شعري ولبسته لي فستان قصير وولعته شمووع وعملته لينا عشاء رومانسي ،وشلته ورورد حمرة من حديقتنا وانتظرته باسل لمن جا اتفاجأ قال لي في شنو؟قولته ليهو عندي ليك مفاجاة🙈قال لي اها شنوو؟قعدته اتعابط فيهو واقول ليهو اقول ليك لا م بقول ليك😂😁قال لي شهد مالك حاسه بشنو انتي الليله وخته يدو في جبهتي ،شلته يدو ختيتها في بطني وقعدته اعاين ليهو،قال لي جعانهه كان تكلميني اجيب ليك عشاء وانا راجع لكن تاني م برجع لو فضلتي صاحيهه للصباح😒💔قولته ليهو باسل يااااخ افهم م جعانه انا😡😒قال لي طيب بطنك واجعاك يعني؟😂😁💔؟قولته ليهو بااااسل خلاص زح مني😭😭😭😭😭💔مسكني وجراني عليهو قال لي شهد انتي😳قولته ليهو اااي بس ياهو الفي بالك لكن م تكلم زول يقولو علينا شنوو يعني كرر علي😭💔قعد يضحكك يااخي الفرحهه م كانت سايعاه قال لي يااخي انتي جادة وشالني قال لي اقسم بالله دة اااحلى خببر سمعتو في حياتي بعدكك حبيبتي حتكون ام ولدي وشالني لفاني😍🙈قولته ليهو ولد ولا بت😒قال لي البجي من الله كلو كويس المهم الخلقه التامهه والأهم من دة كلوو انو انتي امهم😍❤ياخي عمري م اتوقعته اني حأعيش اليوم دة ولا الفرحه دي وكمان مع الزول الانا حبيتو وم اتمنيت غيرو ابدا،عدت شهور الحمل بااسل كان بهتمة بي شديد حتى اهتمامو بي غيير❤دة غييير انو انا حبيت نفسي شديد فترة الحمل نهائي م اتبهدلته واتعولقتهه زي م بحصل مع النسوان بالعكس كانت عندي طاقه ايجابيه كدة غريبه،تنزيل ومرت ابوي ومشاعل ونوف م كانو بقصرو معي،كريم كان كل يوم واليوم التاني بجي بسوقني الكافيه بتاعو علشان يفرق بي ههه،غايتو اكتر زول تعب معي باسل كل مرة لمن يقرب خلاص يحصل البيت بضرب ليهو بقول ليهو نفسي في الحاجه الفلانيهه ،برجع بجيبها لي وبجي😂💔لما دخلته في الشهر السابع امي نزلت السودان عشاني❤في شهور الحمل الأخيرة تعبته شديد وصلته لدرجه انو رقدوني المستشفى قبل الولادة بإسبوع علشان باسل عايز كدة💔احلى يوم كان في حياتي واسوا يوم في نفس الوقت يوم ولادتي،لما دخلوني الولادة قولته ليهم والله م بلد لو م دخلتو معي راجلي😭😭💔واشييل وابكي واصرخ بس عايزة راجلي دخلو لي باسل هناااا😭الدكتورة لما زهجت في النهايه قالت ليهم نادو ليها راجلها ياخ😡دخلو لي باسل،هو م عارف يعمل شنو،الدكتورة قالت ليهو خليك معاها بس،انا ببكي وبصرخ وباسل دموعو كملت بكى بكى وشغال يقول لي والله خلاص حبيبي قربتي ،شهد بطلي بكى خلاص قولنا كفايه ،وهو اصلا دموعو م ناويه تقيف لغايه م ولدته وربنا حلاني بالسلامه جبته لي بنووتهه زي القووووومر كدة شايله ملامي وملامح ابوها متخيلين معي حتكون كيف🙈❤الدكتور قالت لي انا في مهنتي دي كلها م لقيت راجل دخل مع مرتو الولادة وبكى زي البكى البكاهو راجلك دة بجد بختكك بيهو الراجل الحنين رزق الله يخليكم لبعض يااخي❤طبعا بتي سميتها دان ❤باسل كان فرحان بيها فرح وبريد بتو دي ريدة فظيعهه❤بعد سنتين من ولادة دان،طبعا خالي قاسم عقد على علا اخت بااسل شكلهم كانو مربطين مع بعض من زمن عرسي بس خالي كان خاين م كلمني😂💔اما كريم ودان بحبو بعض بس لسه م وصلو مرحلهه الخطوبه، نوف خطبها مياار اتااري كل بوستات النقاب الكان بنزلها ديك كانت عن نووف وهي م كانت عارفه😂💔 في يوم كان عيد زواجنا انا وباسل حتى انا كنت ناسياهو بجد والله ،،،فاجأني بي بوست في الفيس كاتب فيهو:تلاتهه سنين عيشتها مع بتي قبل م تكون ام بتي،في التلاته سنين دي انا ممكن اقول ليكم ي دوب عمري ابتدأ فيها،هي سعادتي،سندي مكملتي في الحياة دي حتى المكان البتكون م فيهو م بحس بالاوكسجين فيهو ،وكأنو ربنا شال شبيهاتها ال39ودمجهم في خلقتها هي بس لاني م لاقي ليها شبيهه ابدا❤هي وردتي الأنا بستنشق عطرها اول م افتح عيوني من النوم❤عيد زواج سعيد علي وعليكك وكل سنهه وانتي شمعهه مضويهه حياتي وانشاءالله نفضل مع بعض لحدي م نشيب😘❤
#بحبكك_بت_اللمام❤😊❤
ياخي هو الله يخليهو للمافجأت 😂لما كتب البوست هو كان في غرفتو مع بتو ،جريت طلعته ليهو فتحته باب الغرفه لقيتو واقف بوصل تلفونو في الشاحن،حضنتو قولته ليهو كل تصرف بطلع منكك كل مرة بتأكد انو انا اخترتهه صح بحبكك يا باسل انا محظوظهه بيييكك الله يخليك لي😍😭❤قال لي بتي حبيبتي طفلتي الانا بحبها شديد انا المحظوظ بيك م انتي ي بختي بيكك انتي 😻انشاءالله الله يقدرني ويطول عمري واعيش بس عشان اسعدكك وم اخلي البسمهه تفارقكك❤قولته ليهو انت بس خلي جنبي دايما ودة بكفيني حبيبي😍😘❤فتح الدرج طلع مفتاح قال لي الفترة المضت دي كلها كنت بخاف عليك من سواقه العربيه واسي خايف عليكك منها ومن طيششكك بس ابدا م خسارة فيك العربيه 😍😘❤قولته ليهو باااسل ...قاطعني قال لي المهم عندي تخلي بالكك من نفسكك عشان م عايز اخسركك بأي شكل من الأشكال فهمتي؟قولته ليهو بحبك ياااخي،قال لي وانا بعشقكك عشقكك حبيبي❤....
حياتي مع باسل كانت كدة👆وانشاءالله لقدام حتستمر طالما في ثقهه،وحب،وتفاهم،واتنين متمسكين ببعض معناها اكيد حيعافرو علشان يكملو مع بعض وم حتأثر عليهم المهاترات الحتمر في حياتهم❤إذا كانت مسؤليه أدم يقدم لي حواء كل شي بتتمناه في الحياة كمان مسؤليه حواء تجاه أدم انها تحفزو في كل تصرف ببدر منو،لانو الزواج م علاقه بين اتنين عايشين مع بعض في بيت واحد وخلاص ،بالعكس العلاقهه الزوجيهه اكببر من كدة ،لازم يكون فيها تفاهم اهم شي ،،واكتر شي بيضعف العلاقهه لما يكون في طرف بضحي ودايما مغلوب على امرو،الطرف دة جواهو بتكون في تراكمات يمكن يقدر يتحمل يوم او شهر او اسبوع او سنهه،او كم سنهه قدام بس كل شي ليهو حدود واكيد حيجي عليهو وقت يزهج لانو محمل نفسو فوق طاقتها،علشان كدة ااااهم شي التفاهم علشان العلاقهه تستمر وعلشان لو في اولاد في النص م يضطروو لأنو اي نوع اااي علاقهه بين اي زوجين بكون انعكاسها واثرها النفسي على الأطفال اكككتر،،،معا نحو اطفال متصالحين نفسيا❤
#الى_حواء
عزيزتي حواء كوني دايما انتي الأوله عند نفسكك وفتشي لسعادتكك برااك،الحياة قصيرة والياة دي حياتكك انتي عيشيها صح انبسطي دلعي نفسكك م تنتظري زول يجي يبسطكك اصنعي السعادة لنفسكك براك،خليك قويهه وم تخلي شي في الدنيا يكسركك او يقهركك ، انتي اتولدي علشان تمثلي نص المجتمع،مهما كانت جواك طاقهه سلبيه او حتى حواليك ناس بدوك طاقهه سلبيه اقعدي مع نفسكك وشوفي الطاقهه الايجابيهه الجواك ،حتى لو جواك طاقه سلبيهه كميهه حوليها لايجابيهه ،غيري اسلوبك ونظرتكك للحياة ،فكري ،شوفي لنفسك في المرايهه،وافتحي باب الفرح لنفسكك،كوني انتي السيناريو واعرفي انو السر فيكك ،وعدلي مسااار القصهه والواقع الانتي عايشاه،كوني وسط الضلمهه نوور وأوصلي لحلمكك ،حتلاقي كتيير يحبطوك ويقللو من قيمتك والحكايهه دي غالبا حتبدأ من بيتكم وتحديدا من أهلكك،وغاليا الوجع والإحباط والقهر دايما بجي من اقرب الأقربين ليكك 💔 بس م تستلمي ابدا لأنو دور الضحيهه م لايق عليييكك ختي بصمتكك في المجتمع الانتي عايشهه فيهو فنحن النساء لا نعرف المستحيل❤عيشتي دوما متحررة،مفكرة،متطلعهه،ناجحهه،مسرورة لا مقهورة❤
#الأدرينالين
هو عبارة عن هرمون يعمل على زيادة نبض القلب،وانقباض الأوعيه المويه،يعني في حالات الخوف والغضب ،والانفعال النفسي الغدة دي بتفرز الهرمون دة،،،وانا قصدي بالإسم دة انو الادرينالين م بس جرعهه علاجيهه بتتاخد او هرمون بتفرزو غدة ،كمان ممكن يكونو اشخاص زي الأشخاص المرو علي في حياتي من بدايتها لغايه م وصلته هنا اليوم كلهم كانو عبارة عن جرعات #ادرينالين م متساويه بالنسبه لي،منهم الكان تأثيرهم علي سلبي ومنهم الكان تأثيرهم علي ايجابي،❤منهم وصلوني لمرحلهه كرهتهه فيها نفسي وكانو عبارة عن جرعهه زايدة من الأدرينالين ،ومنهم وصلوني لمرحلهه الإتزان النفسي والعصبي❤واككتر حد وصلني لمرحلهه الإتزان النفسي والعصبي كان باسل❤✋
#سلام