طبعا انا خايفهه وبرجف من فوق لي تحت خالي ابوالقاسم طبعا مسكين شديد بس زي م بقولو اتقي شر الحليم عندما يغضب💔جيت وقفتهه قولته ليهو نعم😔😢قال لي احكي لي في شنو؟خالي حمد قال ليهو يعني حيكون في شنوو غير الحكيناهو ليكك؟خالي ابو القاسم قال ليهو انت اسكت ي حمد خليني اتفاهم معاها 😊✋قولي ي شهد في شنوو واحكي لي الحصل😊طبعا انا خايفهه يشلتني قولته ليهو ماف شي ي خالي😢ابو طالب ود خالي قال ليهو م بتقول ليك عشان عارفه نفسها عامله شنوو العفنهه دي،خالي ابو القاسم نهرو قال ليهو اسكت انت انا م سألتكك وي شهد انا تاني م اكرر ليك السؤال دة؟قولته ليهو خالي انا قبل اسبوع مشيت البحر عشان اغسل الملابس و....حكيت ليهو الحصل كلوو،ابو طالب قال لي كضاابهه ومجرمهه كمان بتكضبي ي وسخهه؟خالي ابو القاسم شاتو بي صينيه الغدا قال ليهو انت مسؤل منها؟ابوطالب قال ليهو بت عمتي كيف م مسؤل منها،خالي ابو القاسم قال ليهو م عندك بيها شغلهه لا انت لا ابووك البت دي ربيناها انا وامي وابوي ماف واحد فيكم بعرف تربيتها غيرنا ولا واحد فيكم قاعد يصرف عليها لا انت لا ابوك داير تتراجل اتراجل على اختك فاهم؟اوعى تمد يدك عليها ولا بالغلط وي حمد لو دايرين تقعدو في البيت دة بإحترامكم اهلاوسهلا م عجبكم شيل اولادك وارجع محل جيتو كل شي ولا الغلط في شهد،خالي حمد قال ليهو انت بتطردني من بيت ابوي انا😠خالي ابو القاسم قال ليهو بطردكك انت وملتكك كولها داير تقعد اقعد بي ادبك انت متين فضيت لي من السكر والفارغهه كمان ،ووانت ي زفت ابوطالب تاني م اعيد ليكم الكلام دة مرتين احترم نفسك م عندك شغلهه بالبت دي لو لقيتها في جهنم زيدها حطب وامشي شهد دي مسؤليتي انا ولوفيها غلط انا بعرف اصلحها ولو م عايزيني اتزفت معاكم اختوها ✋عاين لي قال لي وانتي بتغسلي ملابس الناس مالك في البحر؟مالك ومالهم خدامتهم انتي؟اي زول يغسل ملابسو ويشتغل شغلو براهو م عندك شغله بي زول عليك بي نفسك وبس امك زاتها م تغسلي ليها ملابسها انتي زولهه ممتحنهه فاهمهه؟طبعا انا دموعي بقيت جاريهه عن كميهه الفرحهه واحساس الأمان الحسيت بيهو وهو بتكلم معاهم كدة❤خالي حمد قال ليهو انا اخوك الكبير تتكلم معي كدة عشان دي؟قال ليهو اخوي على عيني وراسي بس اي حاجهه ليها حد وانت زاتك عندك حد لو اتجاوزتو خوة زاتو م دايرها معاك والانت بتقول عليها دي وم داير تنطق اسمها دي بت اختك وحتهه بلاش كلام فارغ ✋خالي حمد قال ليهو خلاص من اسي م تدورها معي كويس؟خالي ابوالقاسم قال ليهو احسن زاتو يلا😊✋على كدة خالي حمد وولدو طلعو مشو ،وامي مشت،خالي قال لي تعالي اقعدي هنا❤قعدتهه ،قال لي اوعى تسكتي في حقك فاهمه؟م غلطتي قولي انا م غلطتي م تخلي زول استغلك فاهمهه ولا لا؟قولته ليهو سمح،😔قال لي والولد دة انا بكلم اهلو اول وبعدين بعرف أدبو كيف عشان تاني يقل ادبو،قولته ليهو ماف داعي تمشي ليهو وحتى لو مشيتا نحن حنسكت منو وحنخلي منو؟اصلا ناس البلد ديل دي حالتهم،قال لي جهل جهل غريب ياخ الله لا جاب باقيهم،المهم اسي انتي كيف مع المدرسهه عندك مواد غالباك او كدة؟قولته ليهو الحمدلله م عندي عوجهه ،قال لي بس شدي حيلكك وانشاءالله بتتسهل اها المصاريف قاعدة تكفيك ولا قاعدين يشيلوها منك ديل كمان 😡قولته ليهو لالا الحمدلله بتكفيني❤قال لي طيب لو في زول غلط عليك اوعى تسكتي كلميني طوالي فاهمه؟قولته ليهو سمح بس ي خالي انا دايرة اسألك سؤال لكن عايزاك تجاوبني عليهو بصراحهه😢قال لي اسألي في شنوو؟سكتتهه مسافهه قولته ليهو امممم انا ابووي منوو ووين اسي هو؟وليه دايما الناس بتحاول تتكلم عني بالسؤ وماخدين الجانب المظلم من حياتي؟مع اني م حصل غلطتهه على زول ودايما بحاول اكون في حالي،،،انا بس عايزة اعرف منك انا ابوي منو ؟ووين بالضبط لو ميت قول لي ميت ،،خالي سكتت مساااافهه وم ردة لي،قولته ليهو انا قبل كدة سألته جدي وبرضو سكت نفسي سكتتك دي😢قال لي شوفي ي شهد ي بتي كلامك دة ان دل بدل على انو انتي حاليا ماشاءالله بقيتي زولهه كبيرة ،وبتعرفي الصح من الغلط صح؟قولته ليهو ايوة...قال لي انا بحكي ليك بس م عايزك تتأثري بالقصهه لأنها حصلت وانتهت...قولته ليهو اها،قال لي قبل كذا سنه فجأة امي اكتشفت انو سوسن اختي دي حامل وقتها م كانت متزوجهه كانت صغيرة عمرها عمر مراهقهه ي دووب،ابوووي الله يرحمه سلا سكينو وقال الا يضبحها ويقطعها مسكناهو وحليناهو منها بالجلالهه ،وقتها كانت قاعدة معانا حبوبهه ام امي الله يرحمها وحبوبه دي كانت بتريد سوسن اختي دي شديد المهم م رضت فيها نهائي بالرغم من غلطها م رضت فيها قامت ساقتها وسافرت بيها بلدها كانت بعيدة مننا شويه عشان ناس الحلهه م يعرفو،ابوي دة كان عمدة الحلهه وعندو كلمتو في الحله لو ناس الحلهه عرفو كان حتكون مشكلهه،المهم بعد الجوطه دي كلها ساقتها حبوبها ودتها بلدها ،ابوي قال م برتكب ءنب في الشافع الفي بطن امك لكن بعد يلدوهو م دايرنو ،يجدعوهو او يتصرفو فيهو ،حبوبه قالت ليهو م بجدعو بربيهو انا دي وبرسل ليك بتك😊✋المهم عدت الشهور وانتي اتولدتي وفي واحدة من ناس الحله عندها اهلها في بلد ناس حبوبهه نقلو ليها الخبر وهي قصرت ماشاءالله شاعت الخبر في الحلهه وبكدة اتفضحنا وعينا اتكسرت بسبب غلطهه من امكك😊بعدها استعجلنا عقلناها لي عوض ود عمتي وقدر م حاولنا نعرف العملت معاهو كدة دة منوو م عرفنا وامك ام راس كبير دي حلفت كان تعترف ،ضربناها وم خلينا شي م عملناهو معاها بس لتاريخ اللحظهه م اعترفت،😊وبعد شهر من ولادتكك حبوبهه اتوفت ،ابوي استسلم للأمر الواقع قال م بجدعكك عشان تعرفي الدم بحن كيف ❤المهم قال بكسب فيك ثواب وبربيك وم هاميهو كلام الناس وبالفعل دة الحصل ي بتي بس زي م قولته ليك دي حاجهه حصلت وانتهت ...طبعا هو بحكي وانا ببكي،يعني بعد دة كلوو طلعتهه جايبني بالحرام،علشان كدة الناس في الطالعهه والنازلهه مركزين معي يعني دة السبب😭طيب انا ذنبي شنوو في دة كلووو؟بقيت اتكلم مع نفسي مشيت رقدتهه في سريري والليل كلووو بقكر وببكي واقول اسي لو ابوي كان قاعد ومعروف زي م الناس عندهم م كان دة كلووو بحصل لد،لو م امي عملت كدة وغلطت الغلطه دي م كنت انا حأعاني من انتقادات المجتمع لي بالصورة دي ،انا ذنبي شنو في دة كلوو طيب؟واكتر شي كان بقهرني انو كانو بقولو لي شهد بت سوسن،طبعا الحاجه دي كانت بتكتلني كتل طبعا انا طالعهه نسخهه مصغرة عن امي ،في القوام والشكل كل شي ،وصراحه الحاجهه دي كانت مخلياني اكره نفسي لأني بجد م متقبلهه فكرة انو انا بشبها ابدا ولا حابه فكرة انو انا طالعهه عليها،الناس كلها بتقول لي شايلهه سماحهه امك،نفس الملامح والشبه،انا المفروض افرح زي وزي اي واحدة مشبهنها بي امها ،بالعكس كنت بتضايق والحاجه دي بتخنقني ،بحس الناس لما تقول لي انتي بتشبهي امك بقولوها لي بي خباثهه ،يعني كأنهم بقولو لي تشبهيها في الطبع م في الشكل💔نمتهه وانا دمعتي في عيني ،وانا نايمهه حلمتهه بي جدي جاني لابس جلابيه بيضاااا ،مسح على قلبي وقال لي قومي استغفري وصلي ليك ركعتين ي المبروكهه❤وبالفعل صحيت صليت لي ركعتين وكل م اسجد ابكي واقول ي ربي تتوللني بي رحمتكك ي ربي م لي غيرك😭❤المهم الايام عدت وفترة الامتحانات انا كنت مكتئبهه ونفسياتي كانت في الأرض وكرهتهه اي شي في حياتي حتى قرايهه بقيت م بقرا ومع المشاكل الكتيرة نفسي اتقفلت من اي شي في الحياة دي،المهم امتحنتهه بالبركهه والنتيجهه لما طلعت عملتهه200بالنسبهه للجو الامتحنتههه فيهو والفترة الزفتهه الكنت مارة بيها نسبتي كانت كويسهه عديل وم اتوقعتها زاتي💔نزلته اولى ثانوي في نص السنهه خالي ابو القاسم في يوم جا ناداني قال لي تعالي ي شهد عايز اتكلم معاك في موضوع،طبعا م عندو شغله بي زول من ناس البيت ولا جاييب خبرهم💔قولته ليهو نعم ي خالي❤قال لي طبعا ي شهد ي بتي م فضلنا غير انا وانتي وم لينا غير بعض وانتي زوله ماشه في المراحل الكبيرة ومحتاجهه 1600حاجهه في المراحل الكبيرة دي محتاجه تلبسي سمح وتاكلي سمح،وتتعلمي سمح زي باقي البنات ،قولته ليهو انت ي خالي اسي م مقصر مني في شي،،قال لي لالا مقصر والله والوضع زاتو صعب شويهه وانا همي في الدنيا دي كلو انتي عشان كدة انا عندي صحبي من السعوديهه اتصل علي قبيل كنت بتكلم معاهو وقال لي....
يتبع....
