قال لي وكمان معليش ياخ لأني كترتها معاك في العربيهه،قولته ليهو لا عادي ماف مشكله😊،قال لي وكمان عايز اقول ليك انو انا م بتهمني العربيه او ،قولته ضررها ابدا فهمتي؟😊انا كل خوووفي كان عليك،بعد م قال كدة اتلخبط😂💔قال لي قصدي لو حصلت ليكم حاجه انتي واسراء كانت حتكون مسؤليهه ،،،قولته ليهو الحمدلله م حصلت حاجه،بعدها حصلت بيناتنا حاله من الصمت انا منتظراهو يقول حاجه،وهو منتظرني اقول حاجهه😂💔قال لي طيب تصبحي على خيير واذا حسيتي بأي وجع م تترددي اتصلي علي تمام؟قولته ليهو طيب تلاقي الخير❤بعد م قفل قولته لي نفسي دة مالو عامل فيها حنييين اجشششش😪😒💔اليوم التاني باسل في المكتب كل شويه يطلع ويدخل،اسراء قالت للبنات باسل دة مالو الليله😂💔قالو ليها بررري م عارفين عندو عدم استقرار😷شويه كدة نادى اسراء قال ليها تعالي لي في المكتب فووق،😊مشت قال ليها شهد م اتصلت عليك اليوم؟قالت ليهو لا،قال ليها طيب اتصلي عليها عشان ،،،المهم اتصلي عليها،وقتها الساعهه كانت 10صباحا ،اتصلت علي اسراء انا شايفهه مكالماتها بس م عايزة أرد لاني كنت قريبهه من المعرض💔بعد م وصلته قولته ليهم اسراء دي وين؟قالو لي انتي الجابك شنوو؟؟قولته ليهم جيت اشتغل الجابني شنوو يعني😂💔اسراء جات نازله من المكتب قعدت تضحك قالت لي الجابك شنو ي مجنونه امس انتي طلعتي من موتهه محققهه😂قولته ليها عمر الشقي بقي ههه لقيت مكالماتك خيير؟قالت لي ماف شي بس باسل قال اتصل عليك،قولته ليها ليه مالو؟؟قالت لي ساااي كدة بس 😂💔قالت لي عايزة شااي اسي كنت بعمل فيهو❤قولته ليها جبتي معاك بسكويت رويال😻قالت لي هو انا بقدر انساهو دة العشقق ياخ😻💃عملت الشاي اول م قعدنا نشرب باسل جا نازل،طبعا اتخلع لما شاافني😷جا قال لي صباح الخير❤قولته ليهو صباح النور😊قال لي الجابك شنوو؟؟؟قولته ليهو جايه اشتغل حيكون لشنوو؟؟قال لي متين بقيتي كويسه؟مش قولنا ليك ارتاحي عشان م تقومي تقعي لينا هنا ؟قولته ليهو م تخاف م بقع ليكم هنا لو حسيت نفسي عايزة اقع بطلع الشارع😊ااااخخخخخ بس اتغااظ غيييظ ومشى رجع مكتبو😷اسراء قالت لي شهد انتي جادة بتتكلمي مع باسل كدة؟والغريبه هو م بسألك 😳انتي عارفه انو باسل دة كان لما يجي المكتب ولا صووت م بكون طالع مننا،اساسا هو الفترة دي بس بقى يجي كتيييير،زمان حتى لو جى بقعد ليهو ساعتين وبطلع😂قولته ليها هههه لقاكم مساكين بس😪💔بعد الفطوور جالقاني مرقدة راسي في الدرج،قال لي هاااك دة بندول إكسترا لو راسك واجعك،قولته ليهو شكرا❤المساء لماقمنا طالعين الترحيل البوصلني الداخليه م جا،واتصلته عليهو م برد،باسل جا طالع قال لي انا بوصلك اليوم لانو السواق اتصل واعتزر،قولته ليهو خلاص م مشكله بمشي بالمواصلات انا،قال لي لا انا بوصلك تعالي،ونحن في الطريق قال لي اختك الصغيرة كيف؟قولته ليهو كويسه الحمدلله❤قال لي انتي ساكنه في داخليه ليه اهلك وين مش كانو هنا ولا رجعو البلد؟قولته ليهو لا في السعوديهه عايشين هناك مع خالي،قال لي اهااا كويس طيب😊هو عايز يفتح ليهو موضوع بس😂👊💔بعد اسبوووع بدو يجهزو المعرض عشان الضيووف الجاين يزوروهو وكدة،طبعا غير فيهو اي شي وحتى العربات نزل المعروضات وعرض واحدات جداد😂فرض عليهم الألوان المفروض يلبسوها ،قال ليهم البنات كلهم يلبسو بناطلين سوداء،وأقمصه كبديه،واسبورتات كبديه،،،طبعا انا من ضمن البنات ديل😒والفترة دي باسل كان مشغوول ،كل م اقول اتكلم معاهو م بلقى فرصه وبقى م بجي المعرض كتير،يوووم الضيوف جاين اتصل على رامي قال ليهو:ي رمي خلي الشباب يكونو جاهزين تمام لانو بعد ساعتين كدة الناس دي حتجي انا جاي في الشارع م عايز اجي القى شي م جاهز تمام؟وغرفهه العرض التقديمي م تنساها شوفوها إذا ناقصها شي تمام؟💔رامي قال لينا ي جماعهه باسل دة قال ليكم الناس ديل قربو يجو م عايز يجي يلقاكم م جاهزين ،قولته ليهو رامي اتصل لي على باسل دة انا عايزاه،قال لي طيب،اتصل عليهو قال ليهو ي باسل شهد دي قالت عايزاك،قال ليهو مشغول انا اسي لمن أجي هناك وقفل الخط،،رامي قال لي شايفه قال مشغووول،اسراء جات قالت لي شهد ندخل الحمامات عشان نجهز،مشيت معاها قولته ليها ي اسراء انا م بقدر اللبس بنطلون والاه،قالت لي م جادة طبعا ليه😡قولته ليها كدة بس م بحبو💔قالت لي بطلي ي بت باسل دة لو جا ولقى اي غلط حيقوم الدنيا وم حيقعدها،واساسا نحن م حنطلع بره المعرض ،واول م الضيوف يمشو غيري ملابسك الموضوع بسيط،بطلي واللبسي سرعهه،لكن قبل م تلبسي تعالي اظبط ليك حواجبك ووشك دة شويه،وقفته ليها بعد خمسه دقايق كدة قالت لي كدة تمام ااااخ من اللاينر فيك،عملت لي روووج حلو حلا🙈قالت لي هاتي بوسهه ي بت😌😘💃قولته ليها ههه بطلي حركات ي قليله ادب😂بعدها لبسنا والله البنطلون طلع فيني ضيييق والقميص م طويل قصير😢💔قولته ليها اسراء انا م بقدر اطلع كدة،فكت لي شعري وصلحتو لي قالت لي كلها دقايق والموضوع بخلص م تكبري الموضوع سااي😏💔وبعدين تعالي اخد لي معاك سيلفي لاول مرة كدة 😻اتصورت معاها كم صورة ،اثناء م نحن قاعدين في الاستراحه كدة جات هبه،طبعا وقفت متفاجأة قالت لي شهد😳قولته ليها مالك اللبسه كعبه وم حلوة صح انا زاتي متضايقهه منها😢😭💔قالت لي واااي ياخ شينه شنوو حلوة شديييد عثل دة😂اسراء قالت ليها وانا 😒هبه قالت ليها اصلا انتي انا متعودة على شكلك الواحد دة أمز مزة في المزاميز،😻😒😘قالت لينا المهم بعيدا عن الإنبراش شهد رامي قال ليك راجعي غرفهه الإجتماع الحيعمل فيها باسل العرض التقديمي،وي اسراء رامي قال عايزك برة سرييييع لانو باسل قرب يصل،،،اسراء قالت ليها الليه وووب طيب ارح شهد انتي زاتك اطلعي،قولته ليهم امشو انا بطلع اسي،فضلته واقفه واعاين لنفسي في المرايه واقول واااي ي شهد حتطلعي كدة كررر عليك امشي وين وأقبل على وين انا وأاي ياخ الله يسامحك ي تنزيل😢😭💔طلعتهه وانا ماشهه واتلفت برااااحهه واجرجر في القميص واحاول اغطي نفسي،قبل م يشوفني زول دخلته غرفه الاجتماعات،وقعدته ارتب في الحجات المجهزنها ليهم،فجأة اسمع ليك الباب فتح ،اتلفتهه لقيتو باااسل😢واااي من المنظرر ومن الإحراج ،حاسهه نفسي م لابسهه شي😭هو زاتو اتخلع م عرف يقول لي شنوو،قال لي شهد؟؟دة شنوو اللابساه دة😳؟؟طبعا انا بقيت متلخبطه م عارفه اقول ليهو شنوو؟قولته ليهو رامي قال انت قولته كلنا لازم نلبس كدة،قال لي بس انا م فرضتهه عليك تلبسي كدة انتي بالزات ،كنت عارف انو انتي م حتلبسي كدة عشان كدة ختيت ليك إحتياط،،،اياااك تطلعي كدة فاهمهه؟؟صراحهه صدمني وخلاني صغيرة قدام نفسي💔قال لي في كيس انا اديتو لي اسراء شيليهو منها وامشي غيري اللابساه دة قال الكلام دة بي نرفزة كدة💔قولته ليهو طيب،😢💔طبعا م قدرته اتحرك من مكاني الا بعد م هو كلع ،مشيت دخلته الاستراحه لقيت اسراء مخليه لي الكيس فيها،فتحته الكيس لقيتو جايب لي اسكيرت زي اسكيرتات سندريلا فيهو تشكيلات كدة وارضيتو سوداء❤ومعاهو قميص اسوود وطرحه كبديه ،وجزمه كبديهه😻يااااخ لما لبستهم طلعو فظيعااات لمن حسيت بالراحه النفسيهه،لميت شعري واحدة فوق وكوزتهه الطرحهه تكويزة السعوديات ديك🙈بعدها طلعته،اسراء قالت لي شهد😻😷هبه قالت لي فظيعهه ورربي جابها ليك باسل😳اسراء قالت لي اجششششش والله باسل دة عندو زوق بناااتي تحفهه👌م شافني الا بعد م الضيوف جو واستقبلناهم وكدة،طبعا بقى يعاين لي سااي،كل م ارفع عيني اعاين ليهو بلقاهو مركز معاي ،طبعا بتكلم انجليزي كانو اجنبي 😷😂💔،ومعاهم بت اجنبيه صااااروخ لابسه ليك حاجه كدة م مفهومهه وشعرها اشقر،رامي اول م شافها قال لينا عاينو المستورد دة كيف شي طبي يااخ😢💔بعد م خلصو،،والضيووف طلعو قولته ليهم اخيييرا يااخ والله فترانهه فتر،اسراء قالت لي اخخخخ م بتلحقيني فتر وبس عايزة اتجدع انوووووم بس💔قولته ليها وجعانهه كمان الليله من الصباح م اكلته شي،قالت لي م جادة طبعا طيب ارح نمشي ناكل لينا شي بعدها نمشي البيت💔قولته ليها فترانهه ياخ م بقدر اكل تاني💔بعد م قمنا طالعين باسل وقنا قال ليهم انتو امشو انا بوصل شهد لانو داخليتها في طريقي،هبه رفعت لي حاجبها وعملت لي حركات كدة غريبه وقالت لي اسراء اشيييي😁😷قولته ليهو ماف داعي انا برااي بمشي😊قال لي لأ خلي انا بوصلك،❤اتحركنا ماشين قولته ليهو ممكن سؤال؟؟قال لي اتفضلي،قولته ليهو الناس ديل شغالين هنا في السودان؟قال لي لأ بس عندهم شركهه سيارات ماركتها معروفهه ،وانا عندي صحبي إماراتي عرفني بيهم في الامارات هو زاتو عندو معارض سيارات وحبيت اتعامل معاهم💔قولته ليهو اهاااا😊قولته ليهو يعني اسي هم جو من بلدهم علشان يزورو معارضك بس؟قال لي لا في كذا منافسين لي حيزورو معارضهم وبعد م يتفقو حيقررو هم حيتعاملو مع منو بالظبط على حسب الكفاءة،وبعدين انا بعرف كارولين اتعاملته معاها وعندي فترة متواصل معاها وادتني تفاصيل عن شروطهم المفروض تكون متوفرة عند الناس العايزنهم ،قولته ليهو دي اللابسه مخشلع دي😏💔قال لي هههه ايوة قصتك شنو انتي مع اللبس؟قولته ليهو ولا شي بس كدة م بحب التحرر الزايد في اللبس،قال لي عشان كدة انا م خليتك تطلعي بالملابس الانتي كنتي لابساها قبيل حسيت انو انتي حتكوني متضايقهه😊قولته ليهو بس قبل م أللبسهم انا حاولته اتكلم معاك واشرح ليك الحاصل بس انت كنت مشغوول😢قال لي حتى ولو كان ترسلي لي رسالهه كنت حألقاها وحأفهمك انو انا حسبتهه حساابك وملابسك معاي،انا عارف انو انتي م متعودة تلبسي كدة وانا اكيد م حأسمح ليك تلبسي كدة مدامك م متعودة فهمتي؟قولته ليهو هههه بالمناسبه عرفته مقاسي كيف بالزات في الجزمهه😂😁👊💔قال لي هههه خمنته تخمين وبالنسبه للجزمهه كنت عايز اجيبها 39😂بس الحمدلله جبتها 38بالله طلعت قدرك؟دي رجلك ولا رجل اختك الصغيرة😂😂😂😂😷😁قولته ليهو هههه ننننننن ظريف😒دايرها تكون من شدة م كبيرة لمن مصنع الاحذيهه م يقدر يصنع مقاسي😒قال لي م كدة ياااخ 😂😷فجأة وقف العربيه قال لي ندخل المطعم ناكل مع بعض ولا تحبي اجيبو ليك دليغري؟قولته ليهو انا م عايزة شي والله💔قال لي معناها عايزة دليفري ؟؟متعودة طبعا على الحركات دي 😊قولته ليهو حركات شنووو م فهمتك؟قال لي اوكي انسي تمام؟نزل وقفل الباب،حسيتو اتضايق ،بعد نص ساعهه كدة راجع،قال لي غالبا البنات بحبو البيتزا م عارف زوقك كيف بس انشاءالله تكوني بتحبيها،قولته ليهو عشششق ياخ البيتزا دي😂😻💃قال لي هههه معناها احساسي ظبط بالهنا عليك❤قولته ليهو طيب وانت؟قال لي لا انا م جعان ولا شي،قولته ليهو يعني اسي انت وقفتنا نص ساعهه كامله علشان تجيب لي انا عشاء؟قال لي سمعتك بتتكلمي مع اسراء في قصه انو من الصباح م أكلتي شي،والسبب كان في انو انتو من الصباح شغالين وبتجهزو 💔فتحته البيتزا قولته ليهو خلاص خلينا ناكل مع بعض 😊قال لي قولته ليك م عايز والله،قولته ليهو طيب وفرتهه😒قعد يضحك قال لي انتي م عندك حاجه بتدسيها على طول بترمي كلامك كدة😂😂😂😂😂😂😂💔بعد م وصلنا قال لي تصبحي على خير،قولته ليهو وانت من اهلو❤قال لي بكرة لو حاسه روحك م بتقدري تجي خليك لانو اليوم كان مرهق بالنسبه لينا❤قولته ليهو لا انشاءالله حأجي انشاءالله،قال لي طيب خلي بالك من نفسك تمام؟قولته ليهو تمام،،اليوم التاني قاعدين مع اسراء وبنتكلم ،جا نازل من مكتبو،قال ليها اسراء😊قالت ليهو ايوة،قال ليها الصور الأمس رفعتيها في الفيس والأنستغرام دي احزفيهم اوكي؟قالت ليهو ليه مالهم ؟قال ليها راجعي الكومنتات وحتعرفي احزفيهم من غير نقاش اوكي؟؟قالت ليهو طيب ،بعد م مشى هبه جات قالت ليها دة مالو معاك؟قالت لي دة نفسيهه سااي انا زاتي غلطانه البخليني اضيفو في الفيس واعمل ليهو فلوو في الأنستغرام شنوو دقيقهه اسي بحظرو مع اني بقشششر بي صورو وبوستاتو مع اصحابي نظام هو صاحبي وكدة😪هبه قالت ليها م انتي عااادي بتنزلي صورك مخشلعهه م حصل سألك الجدة شنوو منزله صورة شاذة؟؟قالت ليها بري منزله صورنا انا وشهد اتصورناهم امس في الحمام😪قالت ليها اجششش شهد لكن 😂😷😁قولته ليها انتي نزلتي صورتي ي اسراء😳قالت لي ليه مالك عندك مشكله كمان؟😒قولته ليها اكييد عندي مشكله م بحب الحجات دي وم متعودة وم حصل عملتها فهمتي؟قالت لي اها ي باسل 2😒✋اااي نعم على قولتك ي اسراء دة منفسن سااي بس صوورتي ي سجم م تنزليها 😂👊💔 بعد م نزلته الجامعه في يووم وانا نازله من السلم حسيت ببت مسكتني من ورا وضغطت على كتفي،اتلفته عليها لقيتها اروى ،قالت لي شهد معليش بس راسي لافي،قولته ليها ليه مالك؟قالت لي م عارفه حاسه الأرض دي لافه بي ،مسكتها وقعت لي في يدي،جو اولاد ساعدوني طلعناها بره الجامعه،واحد قال لي دي مش اروى انا بعرفها خلي نوديها المستشفى،وانا خوفته شديد البت كأنها ميته وم عرفته اتصرف كيف،وصلنا المستشفى دخلناها الدكتورة قالت لينا فاقدة سوائل شديد،ادوها دربين جلكوز،قال لينا بعد تصحى خلوها تعمل لي فحص البول دة،،،بعد م صحت عملت الفحص،الدكتورة قالت ليها انتي متزوجه؟قالت ليها حامل عندك شهر اعملي حسابك واكلي كويس ❤طبعا انا بقيت مقلعهه عيوني،واروى دي م قدرت تنطق بحرف ودموعها جاريه،بعد م طلعنا ،قولته ليها اروى انتي متزوجهه؟سكتت واصلا هي م فيها حيل تمشي بيهو وانا ماسكاها،،والبت دي منهارة تمام بتبكي بكى ،طلعنا من المستشفى أجرنا أمجاد ،قولته ليها عاقدين عليك ولا شنوو؟قالت لي ايوة عاقدين علي،قولته ليها اهااا طيب مبرووك،بس كانت غريبه ابدا م احساس واحدة متزوجه وجايها بيبي😢💔بعد م وصلتها بيتهم وماشه على المعرض اتصل علي باسل قال لي وين انتي إتأخرتي ليه؟قولته ليهو في الطريق كنت مع صحبتي في المستشفى،قال لي خير انشاءالله؟؟قولته ليهو خير شويه وأصل 😊وصلته المعرض قعدته شويه كدة جا راجل كبير داخل ،شكلو اصلا م غريب علي ،وهو بعاين لي سااي،شغاله اقول لي نفسي ي ربي شوفتو وين الزول دة،جا سلم علي قال لي سلام عليك ي بتي❤قولته ليهو اهلين ي ابوي اتفضل،طبعا اي زول كبير بقول ليهو ابوي❤فجأة اتزكرته دة عميد جامعتنا الجابو هنا شنووو😳قال لي جيتكم وانشاءالله اللقى طلبي،قولته ليهو انت مش عميد جامعهه...قال لي ايوة انشاءالله تكوني طالبتنا ؟قولته ليهو هههه ااايوة❤قال لي عظيم الشرف والله،ياخي زووول راااقي وهاااادي وماشاءالله ظريف ووشو بشوووش كدة ،قولته ليهو الا تشررب حاجه ،قعد اتونس معاي كدااا،قال لي من وانتي ي بتي؟قولته ليهو من النيل الأبيض حته اسمها،،،قال لي يااااخي انا زاتي عندي اهل في بلدكم دي انتي بتنا عدييييل م طالبتنا بس❤قولته ليهو يااااخي اهلك ناس منو يمكن اعرفهم؟قال عيسى مصطفى المأذون الله برحمو بتعرفيهو؟؟قولته ليهو م بعرفهم والله لكن يمكن سمعته بيهم هههه،قال لي انتي صغيرة لو سألتي ناس بيتكم بعرفوهم ،المهم عيسى مصطفى دة خالي اخو امي طواااالي❤قولته ليهو اهاااا،قال لي وانتي اهلك ناس منو هناك؟قولته ليهو انا جدي أحمد اللمام❤الراجل فجأة اتشرق وقعد يكح ؟قولته ليهو بتعرفهم؟قال لي م سمعته بيهم والله عشان نحن زياراتنا للبلد ديك قليلهه،قولته ليهو اهااا😊قال لي وساكنين هنا ولا جيتي عشان الجامعه الجامعه؟؟قولته ليهو كنا عايشين هناك لكن اسي امي وخالي في السعوديه وانا اتجبرته اسكن في داخليهه 😂💔قال لي خالك دة اسمو منو يمكن اعرفو ؟قولته ليهو خالي اسمو ابوالقاسم ،قال لي وامك؟قولته ليهو امي اسمها سوسن،طبعا فجأة الراجل وشو اتلووون وم عارفه مالو،قال لي ي بتي انا طالع جاني مشوار ضروري امشيهو والعربيه بجيها فيما بعد تمام؟حيرني طبعا قولته ليهو اوك حسيتو م طبيعي ابدا،،،،،عدت فترة تنزيل جات من السفر وبعد م هي جات انا وقفته بقيت م بمشي لأنها رجعت مكانها،بعد اسبووع في يووم باسل اتصل علي باليل حوالي الساعهه12كدة،قال لي مساء السرور😊قولته ليهو مساء الخير كيفك؟قال لي تمام الحمدلله وانتي خبراتك؟قولته ليهو تمام ،قال لي اتصلت في وقت متأخر م يكون ازعجتك وصحيتك من نومك؟ 💔قولته ليهو ابدا كنت بزاكر وخلاص على وشك اني انوم💔قال لي اتصلته عليك عشان اقول ليك إذا عايزة ممكن تجي تنزلي تشتغلي معانا❤ضحكته قولته ليهو اها حأنزل في مكان منو المرة دي؟😂😷قال لي جادي معاك انا م حتنزلي في مكان زول حتجي تشتغلي شغل ثابت بي مرتبك وحوافزك ❤قولته ليهو ههههه لا والله م عايزة اشتغل والله لانو مضغوطهه في الجامعهه وكدة وبعدين انتو زاتكم ارتحتو مني تاني بتفتشو علي مالكم المفروض تقولو بلا وانجلا😂😂😂😂😂😂😂💔قال لي المفروض نكون ارتحنا منك بس انا م مرتاح ابدا....
يتبع....
