أدرينالين

الجزء 30

قال لي المفروض نكون ارتحنا منك بس انا م مرتاح ابدا..قولته ليهو ههه ليه يعني م فهمتك؟قال لي قصدي كنت عامله جوو في المعرض وكدة،وعلى فكرة لو عايزة تقري وكدة ممكن في المعرض تقري يعني مثلا نخصص ليك مكان هادي للشغل والقرايه م بعض،قولته ليهو هههه باسل بقولو صاحب باللييين كذاب انا لما اشتغلته معاكم كنت مجبورة علشان تنزيل بس اسي الوضع مختلف 😂💔قال لي طيب راحتك😊على كدة قفل الخط،بس تصرفاتو كانت بتحيرني،هو ليه بعاملني كدة،وليه الاهتمام دة كلوو؟؟اليوم التاني في الجامعهه كنت قاااعدة ومتمحنهه،جات لين قعدت جنبي وهي زاتها متمحنه زي كدة،قولته ليها مالك؟قالت لي زهجانهه بس والله،قولته ليها من شنووو بس؟قالت لي ماف شي بسس كدة،قولته ليها سيبي الهبل الانتي فيهو دة واحكي مالك؟قالت لي محمد قال نازل السودان علشان يتقدم لي اهلي،قولته ليها ودة خبررر بزعل ي هبلهه😻😻😻قالت لي المشكله م هنا ي شهد المشكله في انو اهلو م شافوني لسسسهه😢💔قولته ليها حيشوفك لما يجو يتقدمو بطلي حركات،قالت لي شهد انا لو حكيت ليك م حتفهميني،قولته ليها مشكلتك شنو انت اهلك م حيوافقو مثلا؟؟قالت لي م هنا المشكله اساسا انا مكلمه ماما بالقصه بس انا لوني اسمرر ومحمد حلبي واهلو كلهم كدة،خايفه اهلو لو شافوني م يوافقو انتي فاهماني؟؟خايفاهم يكونو عنصرين 😭قولته ليها ي بت انتي متخلفهه ولا هطلهه ؟؟لين انتي اككتر واحدة عاجباني زووق ورقي وكل شي فيك مميز صدمتيني فيك صراحهه فهمتي ؟؟انتي حلوة شديييد ولونك حلووو م محتاجهه انك تتعقدي منها بالعكس انا شايفاك اكتر انسانهه واثقهه ياااخي❤قالت لي ومحمد كمان بقول نفس كلامك دة😔قولته ليها ااااهم شي انو هو اختارك بقناااااااعهه وم شاف غيرك ،ولو م جادي معاك م كان هيعشمك بالعرس صح؟قالت لي صحح😔قولته ليها بسسس ي بيبي انبسطي وخليك ايجابيه كدة ياااخي انتي ضحكتك بتررد الروح الزعل م شبهكك😻😘قالت خجلتيني م تعملي لي حركات محمد دي ياااخي بتكسرني🙈🙈🙈🙈🙈قولته ليها حيجي السودان متين؟قالت لي لسسسه منتظر مني خبر علشان ياخد اجازة هو زاتو مستعجل شديد😂😂😂😂قولته ليها ربي يسعدكم ياااخي تستاهلي كل الخير انتي 😘قالت لي شهد انا بحبكك ياااخي الله يسعدك انتي على قدر نيتكك ياااخ😻🙈قولته ليها امييييييييين حبيبتي😘وبالفعل بعد اسبوووع محمد جا كان قاعد على الهبشهه بس😂عااد ي يمه محمد الهنا والسرور ،بحبها حب كدة مبالغهه،ومدلعها دلع ،قال ليها جااي على اساس انو يعمل خطوبه وكدة لما قعد مع اخوانها قال ليهم انا عايز اعقد😂😷غايتو دبسها دبيسهه 😂💔في اللحظهه اللي شفته فيها لين ومحمد وهم مع بعض وكميه الحب الطالعهه من عيون محمد ليها،واحساس الأمان الحساااه دان وهي ماسكهه وهو ضاغط على يدها ،اتمنيت في اللحظهه دي انو ربنا يديني جزؤ ولو بسييييط من سعادتهم دي،فجأة وللحظهه جاني احساس انو انا انسانه ومن حقي اعيش وافرح زي وزي البنات واللبس فستان ابيض زيهم،كل دة كان للحظهه بس بعدها رجعتهه لواقعي وقولته لي نفسي ي شهد انتي ناسيهه نفسك حتى في الأحلام الزي دي المفروض تكفتي نفسك علشان تصحي منها هههه😊💔في يوووم اتصل علي أحمد ،طبعا بعد م عرس دان علاقتي بيهو شويه قلت بقينا م زي زمان ،هو براسلني على طووول ،بس انا الحبيت ابعد منو لأنو حسيت انو قربي منو ممكن يسبب توتر بينو وبين دان لانو دان م بتطيقني،،اتصل علي فرحاااان وطااااير من الفرح،قولته ليهو انشاءالله خييير😻قال لي كل الخييير ي شهد حتبقي خااالهه قولي لي مبروووك😻🙈قولته ليهو لا م بصدق ؟بجد؟دااان حامل انت جااااادي ي احمد كدة احلف؟قال لي ي بتي والبخليني اكذب عليك شنووو انا؟؟قولته ليهو واااي يااااخي مبروووووك بجد ما اظن في احلى من كدة خبر في الدنيا وربي😻قال لي الله يبارك فيك ياااخي اول زولهه اكلمها طبعا انتي😂❤قولته ليهو م بتتخيل حجم الفرحهه الحسيت بيها ياااخي ربي يسعدكم كمان وكمان طيب ودان كيفها هي كويسهه؟قال لي من قبيييل بتبكي ههههه حركات نسوان غلبني احنسها هاك كلميها انتي❤قولته ليهو لا لا ي احمد مااا تديني ليها يمكن تضاايق،،،فچأة اسمع ليك صوت دان وهي بتقول لي:والقال ليك منو اني حأتضايق😭طبعا سكتتته مسااافه م عرفته اقول ليها شنوو وم مصدقهه اساسا انو دان البتكلمني،قولته ليها دان؟قالت لي مشتاقاك ي سجم وربي😭😢طبعا دموعي جات جاريه من غير م أحس،قالت لي والله ي شهد راسي حيطق انا اسفهه 😭قولته ليها دان روووقي والله م حصل شي وانا م زعلانهه منك ابدا انتي اختي ي بت في اخوات بزعلو من بعض؟وقعدت تبكي وتبكي،اظن احمد قال ليها البكى م في صالحكك حبيبتي وبعدين كفايهه ياخ نحن من جينا من المستشفى بتبكي وعلى فكرة ي شهد من جينا من المستشفى شغاله تقول لي عايزة شهد اتصل لي على شهد واسي لمن اتصلته عليك قلبتها دراما😒💔قالت ليهو زحح مني ي حيوان اصلا دة كلوو بسببك شوفتي ي شهد احمد عمل فيني شنوو؟😭😭😭😭💔قعد يضحك قال ليها انا عملته شنوو بس؟😂😂😂😂😂😂😂😂😂قالت ليهو ولسه بتسأل كمان😭💔انا قعدتهه اضحك قولته ليها دان شكلو احمد م حيخليني نتكلم مع بعض شيلي التلفون وابعدي منوو،،،قالت لي طيب ماشي😔شالت التلفون وقعدت تتكلم معي ،قالت لي شهد انا خايفهه😢وبعدين انا برااي في البيت واحمد معظم الوقت في المستشفى واحيانا بشتغل لساعات متأخرة💔يعني افترضي يوووم حصل لينا شي انا والبيبي اقول ي منو انا 😢💔وبعدين انا لسسه م قدر حمل مسؤليهه بيبي بي حالو انا مسؤليتي محملاها لي احمد😢قولته ليها دان كدة قولي بسم الله واستغفري التوتر العندك دة طبيعي بحصل لي كل حامل يعني الموضوع عادي م تخافي ابدا وبعدين احمد معاك يعني اكيد م حيخليك براااك اكيد 💔قالت لي انا واثقهه انو احمد حيكون معي في كل خطوة لانو هو المالي علي حياتي وم مقصر مني في شي بالعكس وربي ،بس انا حاسه نفسي برااي وم معاي زول غير احمد😢قولته ليهو بقينا اتنين انا واحمد مع بعض م بنكفي؟؟قالت لي يعني حتتصلي علي يومي؟😢قولته ليها انشاءالله والله حأتصل،قالت لي شهد انتي م زعلانهه مني صح😢قولته ليها عايني اذا فتحتي الموضوع دة تاني حأزعل منك جدجد فهمتي؟قالت لي حاضر😢بالرغم من انو في حته جواي مكسورة من ناحيتها بس ابدا م قدرتهه افتح الموضوع واحاسبها، لأنها م ادتني فرصه حتى اشرح ليها ،بس دان كانت اقرب لي زول م كنت حابه فكرة انو اعاتبها واتناقش معاها والكلام دة خصوصا انو هي في فترة شويه صعبه عليها ومحتاجه وقت علشان تتأقلم،،،م كنت حابهه احسسها بغلطها معاي كونو انها حست انها غلطت وعرفت غلطها حتى لو م اعتزرت م ضروري ابدا ،بالنسبه لي الزول البحس بي غلطو دة زول ضميرو صاااحي وبنبهو بالغلط الارتكبو،انا ياما في ناس غلطت في حقي،ناس ضميرها كان ميت وم حسو بي حجم الوجع الأنا كنت بحسو💔م بالضرورة الزول الغلط عليك يعيش نفس الانت عيشتو علشان يفهم وجعك،كفايه جدا انو يعرف غلطو وين،انا حبيت اقفل الموضوع على كدة واتخلصتهه من التراكمات الجواي تجاها بالتفكير الايجابي والعفويه،اصلا الدنيا م مستاهله للمشاكل والمهاترات والعمر م مضمون❤

دان بقت متواصله معي اول م تصحى من النوم بتتصل علي فيديو وبتقعد تتكلم معي بالساعات احيانا بنتكلم مع بعض حتى وانا في المواصلات،م عارفه بس حسيت نفسي بفرررق عليها، وممكن اقول انو شبه رجعنا زي زمان ❤ ❤في يوم تنزيل اتصلت علي قالت لي بالمناسبه باسل حكى لي عن موضوع الشغل القالو ليك وكدة،قولته ليها ايوة وانا رفضتهه علشان الجامعهه وكدة،قالت لي حرام عليك ليه كان تجي ترافقيني،قولته ليها م بقدر والله وبعدين معاك اسراء ياخ ،قالت لي م بطيقها احيانا😒😏قولته ليها حرام عليك ياخ والبت دي سكككر بس 😂💔قالت لي اتصلتي على باسل؟قولته ليها واتصل عليهو لييييه؟قالت لي ليه انتي م عارفه؟قولته ليها شنوو؟قالت لي باسل عمل حادث بالموتر والعادم حرقو في رجلو،والله لمن قلبي عايز يطير،قولته ليها شنووو؟متين الكلام دة م كنت عارفه والله ؟قالت لي عندو يومين والله ليه هو م كلمك؟قولته ليها اساسا انا م متواصله معاه علشان يكلمني،،،قالت لي اهااا طيب على العموم كدة هو كويس بس حرقه العادم ،قولته ليها طيب عوافيهو ياخ وصلي ليهو سلامي،قالت لي شهد انتي سخيفه؟قولته ليها ليه مالي؟قالت لي بقول ليك الولد عامل حادث وطالع من موتهه محققه وانتي بتقولي لي وصلي ليهو سلامي؟؟قولته ليها اها واقول شنو يعني هههه؟؟قالت لي م تقولي شي اوك ؟يلا بااي وقفلت الخط في وشي اجيييي😳😒بالفعل رقدته علشان عايزة انووم بس ضميري م خلاني بقيت اتقلب بس عايزة اتصل ليهو واتطمن عليهو وم عايزة،قولته بس خلاص حتتصلي تقولي ليهو حمدلله على سلامتك وتقفلي الخط حأعملها ضرر اللوم بس لانو م قصر معاي لمن عملته حادث،شلته التلغون اتصلته عليهو م رد، قولته الحمدلله كدة عداني العيب اكيد حيلقى المكالمه،عايزة اقفل تلفوني كدة بس اتصل ،بقيت اقول لي نفسي أرد ولا م أرد ،لما قرررب إفصل رديت،قولته ليهو مساء الخير❤قال لي مساآ السرور كيفك؟قولته ليهو تمام الحمدلله انت كيفك؟قال لي ماشي الحال والله الحمدلله❤قولته ليهو وكمان عوافي يااااخي م كنت عارفه والله لو م كلمتني تنزيل اليوم،قال لي الله يعافيك ياخ م بتقصري م سمعتي لأنو انتي م بتسألي من حد الا يسأل منكك😊💔قولته ليهو م كدة والله بس مشغوليات وكدة 😂💔قال لي احساس انو انتي مرة متزوجه وعندك اطفال ومسؤليات فووق راسك😊قولته ليهو المهم طمني اسي رجلك كيف؟قال لي كويسه ماشه في تحسن اليوم راجعتهه الدكتور،قولته ليهو انت زاتك البخليك تسووق مووتر شنوو م بتخاف على نفسك الموتر دة اخطر شي فهمتني؟قام ضحك ضحكهه خفيفهه،قولته ليهو مالك؟؟قال لي ماف ههه❤قولته ليهو رجلك اعمل ليها حساب علشان م تلتهب او تتجرثم فهمتني؟قال لي اوكي تمام تسلمي❤قولته ليهو طيب تصبح على خير،قال لي شهد؟؟قولته ليهو ايوة😢قال لي م تقفلي الخط خليك شويه❤قولته ليهو لااازم اقفل علشان ترتاح وتنوم بدري وتبقى كويس،قال لي كلام الحاجه دة خليهو بالله ،وبعدين انا م بقيت كويس الا بعد م سمعتهه صوتك اسي ،طبعا صدمني ولخبطني م عرفته ارد ليهو بشنوو،قال لي عارف حاله اللخبطه الجاتك من كلامي ،وم عارف حتتقبلي كلامي الحأقول ليك اسي ولا لأ ،بس انا بحبك ي شهد، بحبك بجد مع اني م عارف مشاعرك تجاهي بس اتوكلته على الله وغضيت نظر عن كل شي وقولته ليك الكلام دة ،يمكن تحسيني اناني بس دة الحاصل معي تجاهك فهمتي؟طبعا بعد كلامو دة م قدرته انطق ولا بي حرف ،حسيت لساني اتربط،كل القولتو ليهو تصبح على خير وقفلته الخط،الموقف كان صعب بالنسبه لي؟معقوله باسل الواحد دة بحبني انا؟انا شهد دي؟دة شنوو الموقف الصعب الأنا فيهو دة؟وبعدين هو كان خطيب صحبتي،يعني م صح حتى افكر فيهو مجرد تفكير حتى ولو دان اتزوجت شييييينهه في حق صحبتنا اعمل كدة،واهم شي انو انا ودان ي دوووب علاقتنا اتحسنت وانا م صدقته انو دان فهمت سؤ التفاهم الحاصل بينا ،م عايزة اخرب علاقتي معاها بسبب ولد ،❤طبعا انا بفكر وم نمته للصباح،وقتها كان عندي امتحانات سمستر ،علشان انسى الموضوع كنت بضغط على نفسي في القرايه وبحاول م يكون عندي وقت فراغ ابدا علشان م افكر في الموضوع ،واول م خلصتهه ،قولته لنفسي بدل الضغط الأنا عايشاه دة افضل اسافر السعوديه لي أهلي يمكن انسى،يوم المسافرة اتصلته على تنزيل كلمتها،قالت لي م جادة؟قولته ليها المابخليني اكون جادة شنوو انا حاليا في المطار، هههه اتكلمت معي كدااا بعدها سافرت،لما سافرته وقعدته اسبوعين في يوم بتونس مع امي قولته ليها يمه بالمناسبه عميد جامعتنا طلع عندو اهل من بلدنا😻قالت لي عليك النبي وديل ناس منوو ي ربي؟؟قولتع ليها ناس عيسى مصطفى المأذوون😻خالي قال لي اهااااا عرفتهم دة ابو ناس عصام ووجدي ياخ الله يرحمو انتي مش ي سوسن ابوهم مات؟امي سكتت م ردت عليهو❤قولته ليهو اااي قال مات💔قال لي عميدكم اسمو شنوو ي سلام والله مصطفى دة كان شراني شر صحي الكبر حسنات كان بشررررك لينا في شارع البيت عشان يشبعنا دق وقعد يضحك😂😂😂😂😂😂😂😂💔قولته ليهو وااي ي خالي يحليلكم شكلو عيشكم معاناة 😂عميدنا اسمو عبدالله منو كدة م عارفه المهم هو ببقى ليهم قال،،،امي على طول قامت دخلت المطبخ فجأة اتوترت 💔بعد الكلام دة امي بقت معظم الوقت سرحانه وطفشانه ولما اسألها بتقول لي ماف شي،واظنها م بتنوم بالليل وبتصحى عيونها مورمهه بصورة غريبه،امي انا بعرفها لما تكون هامة لي شي شكلها كلوو بتغير💔في يوم جات لقتني ماسكه التلفون قالت لي انتي ي شهد العميد دة لقيتي وين لمن حكى ليك الكلام دة كلوو؟قولته ليها يمة انا مش كلمتك عن شغل تنزيل وكدة؟بس بالصدفهه جا المعرض وانا عرفتو واتونسنا مع بعض،قالت لي م تقولي لي اتونسنا مع بعض ،انتي اي زول بتتونسي معاه؟الدنيا دي م تضمني فيها زوول غير نفسك فهمتي؟م يكون قاعدة تمشي حتات تانيه غير الجامعه والداخليه؟؟حيرتني اسإلتها طبعا حسيتها غريبه بجد،قولته ليها يمة امشي وين يعني؟والله البيت الجامعه الجامعه البيت،قالت لي الدنيا دي صعبه ي بتي والضمير انعدم خلي بالك من نفسك بسس واحفظيها كووويس والبحاول يقرب منك ابعديهو الدايرك بجد بصل اهلك م بلف وبدور معاك فهمتي؟قولته ليها يمه نرفزتيني مالك في شنوو؟قالت لي مافي شي انا أمك م انصحك؟قولتن ليها نصيحتك على راسي بس انا جايه من السودان عشان اغير جو م علشان تنكدي علي يمة خلاص ياخ،،،قالت لي خلاص كويس❤بعد م عدت تلاتهه اسابيع في يوووم امي جات قالت لي تسنيم جارتنا دي اخوها وامها جوها ليهم كم يوم عشان يعمرو ،دايرة اظبط ليهم فطور بلدي ظااابط كدة ليهم❤قولته ليها طيب بساعدك بعمل معاك ملاح التقليه😻💃قالت لي كويس ارح سمح عشان نطلع ليهم الفطور بدري،بالفعل دخلنا المطبخ وجهزنا ليهم فطووور حاجهه كدة بس👌❤امي ودتو ليهم،تسنيم دي على الدوام شفق ومحمد اخوي بمشو بلعبو مع اولادها بس انا من جيت من السودان م حصل دخلته ليها مع انو امي بتحنسني تحنيس علشان امشي ليها هههه💔بعد م ودينا ليهم الفطور بتلاته يوووم في يوم اتصلت على امي قالت ليها اليوم عازماكم عشاء في بيتي❤امي جات كلمتني،قولته ليها وانا امشي لشنوو امشو انتو،شالت مني التلفون قالت لي 24ساعهه ماسكهه النصيب دة التقول مجنونه البت عازمانا كلنا يعني اسوق اخوانك الصغار وامشي ليها عيب ياخي الكلام دة منك،،،قولته ليها سمح طيب بمشي معاكم لكن اديني تلفوني💔قالت لي تلفونك دة م تستعملي الا بعد نرجع من بيت المرة فهمتي؟قولته ليها كويس،اتجهزته بي نرفزة وزهجج اخخخ بس😪😒💔مشينا بيت تسنيم سلمت علينا ،طبعا حلااااتها م كبيرة ،بعد م فضلتنا جا راجلها سلم علينا،،ي يمه انشاءالله راجل البنات كلهن ماشاءالله عليهو طيباان طيبه،تسنيم قالت لينا طبعا دي امي ي شهد وي خالتي سوسن انتي سلفا بتعرفيها هههه ❤امي سلمت عليها وقعدو يتونسو،امها م كبيرة طبعا مرة شابهه والله❤قعدت تسالني بقرا وين وكدة،قولته ليها بقرا طب جامعه ....قالت لي عااد ماشاءالله ي بتي الدراسه والشهادة هم سلاح المرة اوعى تفرطي فيهم،قولته ليها انشاءالله ❤قالت لي م تكون عندك دريبات حقت عرس وكدة😂قولته ليها لا والله ابدا 😂ظريفهه المرة سككر بس❤جا راجل تسنيم قال لينا وين ابو القاسم ي جماعه؟امي قالت ليهو في البيت جا من الشغل واظنو داير يرتاح❤قال لينا م كلمتو للعشاء دة ليه ؟امي قالت ليهو والله طلع لي من بالي😁💔قال ليها لالا ماف كلام زي دة يجي يتعشى معانا طوالي دقيقه اسي بضرب ليهو❤وطلع تلفونو واتكلم مع خالي ،،،امي قالت لي ساعدي اختك تسنيم في المطبخ ي شهد،حيييينا ياخ امي دي بتختني في مواقف بايخهه خلاص 😪😒💔مشيت ليها في المطبخ قولته ليها عايزة يساعدوك في حاجهه؟قالت لي لأ تعالي اقعدي معي ونسيني طبعا كل الوقت بكون قاعدة برااي م بصدق لما اللقى زول يونسني😂💔قولته ليها والله الغربه صعبه ياااخ ،قالت لي صعبه شديد الله،كانت بتخلط في العصير قولته ليها طيب اطلع ليك الكبابي؟قالت لي تكوني م قصرتي ❤بعدها بقيت افتح في الدراج ،وانا م عارفه كبابيها وين اساسا،فجأة وفي لحظه واحدة اتلفتهه قولته ليها الادراج وين،وفي زول قال في نفس اللحظه المويه وين ي توتهه،،،اتلفته عليهو ،كنت م مصدقه الأنا شايفاه ،باسل الجابو هنا شنو كمان😳،هو زاتو فضل رافع حاجبو ومستغرب 😳كان لابس بنطلون نوم مسطر اسود بي ابيض طويل ومعاهو فنيله سوداء،دي اقوى صدمه لاقتني ،قولته هو الزول دة محل م انا أمشي بلقاه؟؟قولته ليهو انت الجابك هنا شنووو؟؟😳قال لي ههه انتي المفرووض تسألي نفسك السؤال دة،فجأة جات تسنيم قالت ليهو باسل طلعته لي معاك الكيكهه؟؟قال ليها لا بس اللحقيها قبل م تحرق وطلع،،،قالت لي طبعا دة باسل اخوووي الكبيير❤قولته ليها اهااا، يعني اسي دة اخوووووها طلع في النهايه😳😳😳😳🤢😱قولته ليها طيب وين الكبابي حقتك م لقيتها،،،قالت لي اهااا نسيت اوصف ليك في الدرج الفوووق على شمالك مباشرة ،قولته ليها اهااا طيب ،نزلته الكبابي وانا راسي دايش عقلي دة وقف خلاص من كترة التفكير في الولد العامل زي القدر دة في اي محل بلقاه،يعني انا مخليه السودان بما فيه اجي القاه هنا في وشي غايتو ي امي الله يسامحك بس لو م جبرتيني اجي م كان الليله شوفتو ياااخ😭💔😢طبعا بعد م طلعته وقعدنا في صفرة الأكل عينو م رفعها مني ،غياااظ متعمد يعاين لي علشان يوترني😭😡 تسنيم قالت لينا نسيت المعالق دقيقه امشي اجيبهم ،امي قالت ليها وحاة النبي م بتمشي وصفيهم لشهد تمشي تجيبهم ليك حلفتك كفاك ياخ شغاله وتعبانه من الصباخ❤عليك الله شوفو امي دي بقيت احمر ليها وانا والله بالرغم من انو المكيف شغال بس جسمي معرررق💔قولته ليها خلي انا بمشي بجيبهم ليك وين هم بس؟قالت لي في الدرج الصغير بس،قمته مشيت دخلته المطبخ وانا كلي نرفزة،تسنيم قالت ليهو باسل عليك الله لو بتقدر بس ناولنا صحووون معاك من المطبخ لانو انت قريب ❤قال ليها طيب ،جا لاحقني في المطبخ انا اول م شوفتو طوالي شلته المعالق سريع سريع،عايزة اطلع مسكني من يدي قال لي حتتغبي فيني العرفهه يعني؟؟😊احساس انو انتي م بتعرفيني وم شايفاني قبل كدة صح؟؟طبعا اتفكيت منو سريع سريع وطلعتهه،لمن نفسي قام،اديتهم المعالق ،هو جا طالع قعد شكلو كان غضبان لمن ملامح وشو متغيرة وكل م ارفع عيني اعاين لي زول بلقاهو بعاين لي،خالي وراجل تسنيم قعدو يتونسو وباسل بتونس معاهم،طبعا ونسه الرجال كلها عن الشغل وم ادراك م الشغل،على سيرة الشغل باسل قال ليهو انا شغال كذا وكذا ،المهم حكى ليهو بي موضوع معارضو وكدة،خالي قال ليهو ماشاءالله والله يااخ ربنا يزيدك ويكتر خيرك انشاءالله ❤تسنيم قالت ليهم ي جماعهه بعيدا عن جو الشغل وكدة م علقتو لي على الأكل يعني😂💔امي قالت ليها ماشاءالله ماف كلام والله انشاءالله ايدك م توجعك❤خالي قال ليها والله ماشاءالله ست بيت شاطرة ياخ❤قالت ليهو اها ي باسل كيف الأكل دايما بتقول لي اكلك م حلوو😒👊💔ضحك قال ليها ولسسسه برضو بقول ليك ماااابتعرفي تطبخي😂😛راجلها قال ليهم انا دة لو اتكلمته ممكن انوم في الشارع😂😷تنزيل قالت ليهو ي باسل بعد طول لسانك دة م تجيب ليك بت حنكووووووشهه غير الإندومي مااااابتعرف شي😒قال ليها بالعكس حتكون طباااخهه شديد😊خالي هاشم قال ليهو بعد دة كلوو م متزوج؟باسل قال ليهو ابدا والله لسسسه ههههههههههه ،تسنيم قالت ليهو قدر م حنسناه يعرس اصلا الموضوع م راكب ليهو في راسو شكلو عاجباهو عيشهه العزابهه دي😂😂😂خالي ضحك قال ليهو ي زول انت جاااهز زول عرس عدييييل 😂😂😂😂😂❤باسل عاين لي في عيوني وقال ليهو فعلا زووول عرس هههه😊وكان بتكلم وبهزز في رجلو ،بعد م خلصنا أكل ،انا طبعا شوفه باسل حنضلت علي الأكل يعلم الله بس قعدته بالضحكك😪قبل م نقووم ،باسل قال ليهم لو سمحتو ي جماعهه بما انو دي لمه واظنها فرصهه م بتتعوض تاني،انا عايز اقول حاجهه،،،تسنيم رفعت ليهو حاجبها،امو قالت ليهو خيير ي ولدي؟؟قال ليها عرسو لي البت دي...😊

#كسرة

لو كنتي عايشه نفس قصهه شهد كنتي حتعملي شنوو في الحاله دي حتوافقي ؟؟

يتبع....