باسل طلع بره ضرب تلفون وقال:ي عم خليل عليك الله انا في قسم ال....محتاج لي متحري يكون شغال في القسم دة يجيني ااااسي ،اااي عااارف الزمن متأخر بس انا محتاج ليهو يصدق لي ضمانه ... جا داخل قال ليهو مش انت قولته داير متحري؟ياهو جاي عندك مشكله تاني؟الضابط قال ليهو وكيل النيابة ماف😂😊باسل قال ليهو يعني الضمانه م بتطلع الا بواسطه وكيل النيابه؟قال ليهو ايييوة،،،باسل قال ليهو شوف ي مان انا والله م بحب اللف والدوران والجرجرة دي لكن تعال داير اتفاهم معاك بره،ساقو وطلع بيهو برة شويه كدة جو داخلين،باسل قال لي يلا ارح نمشي،قولته ليهو نمشي عديل😳الضابط قال لي اااي لكن تجي راجعه يوم الأحد عشان يتحرو معاك ،،،قمنا طالعين قولته ليهو استنى،قال لي شنوو؟قولته ليهو عندي صحبي هنا😢قال لي شنوو؟وصحبك الجابو هنا شنوو كمان؟😳حكيت ليهو رجع تاني للضابط قال ليهو عندنا زول نسيناهو عندك هنا بعد مساافه طلعوهو...قولته ليهو مياار انا اسفه ياخ بسببي حصل كدة،ميار عاين للضابط عندو شنطه لابتوبو كان شايلها فتحها وطلع ليهو جواز قال ليهو شوووف؟انا ماخد الجواز الأمريكي يعني انا ممكن أدينك بالتصرف دة على فكرة فهمت؟قولته ليهو مياار خلاص يلا نمشي،،،باسل قاال ليهو ي حبيب اعصابك اعصابك❤بعد م طلعنا برة ميار قال لينا انا ماشي ،باسل قال ليهو خلي نوصلك ي مان،ميار قال ليهو لا شكرا عندي عربيه ،لما قام ماشي قال لي شهووود خلي بالك من نفسك ماشي؟قولته ليهو طيب❤بعد م مشى طلعته تلفوني من الشنطه علشان عايزة اضرب لي احمد،باسل قال لي يلا نمشي،قولته ليهو لا امشي انت انا بتصل على احمد يجي يوصلنا،قال لي نعم؟انا قاعد من الساعه 10هنا ومساهر حاليا للساعه 12ونص عشان تقولي لي احمد يجي يوصلني؟وين كان احمد من لما دخلوك الحراصه😊م ضربتي ليهو ليه؟قولته ليهو دقيقه انت عايز تحاسبني يعني؟قال لي اطلعي العربيه اوصلك لانو م عندي زمن،قولته ليهو طالما م عندك زمن الجابك شنوو كان م تجي،قال لي لو م تنزيل اتصلت علي وطلبت مني اساعدها م كنت جيت اوكيه اضافه الى ذلك المرة الجايه لما تقعي ليك وقعه زي دي م تتصلي على تنزيل اتصلي ليك على اي مخلوق لانو تنزيل على طول حتتصل لي انا فهمتي؟؟؟طبعا اتحمقته وزعلته زعل فتح لي باب العربيه قال لي يلا اركبي،بعد م اتحركنا قال لي ساكنه وين انت؟وصفته ليهو الداخليه لما وصلنا لقينا حتى عمك الغفير نايم،قال لي عارفه الساعه كم ؟1صباحا يعني مستحيل يفتحو ليك زي الزمن دة لو غيرتي اسمك😊قولته ليهو طيب حأنتظر برة هنا لمن يفتحو اصلا كلها كم ساعه وبصحو،قال لي م جادة طبعا انتي؟تعالي اركبي العربيه،قولته ليهو لشنوو؟قال لي اكيييد م ناويه تنومي في الشارع صح؟ز بطلي اسئله تمام؟؟ركبته معاهو قال لي تمشي معي بيتنا تبيتي وترجعي الصباح؟قولته ليهو بخلعهه شنووو لأ طبعا م حأمشي ابدا خليني بنتظر هنا قولته ليك ،،،قال لي م تعملي روحك شاطرة وحتنتظري سبعهه ساعات قدام الداخليه انتي فاكراها دي بلدكم؟قال لي حننتظر هنا لمن الصباح يصبح، ،رجع كرسيهو لي ورا ورقد ناام😢💔عدت الأيام لغاية م جا امتحان السمستر الأول وقبل الجلسه الأولى شنطتي اتسرقت جا بتاع موتر خطفها مني ومشى، اول جلسه جيت ،الحرص قال لي بطاقتك،حكيت ليهو قولته ليهو اتسرقت وكذاا،قال لي مدام اتسرقت ماف طريقه تدخلي،قولته ليهو عندي امتحان دخلني عليك الله😢الحرص قعد يتعصب وحلف كان يدخلني قال لي بلغتي ادارة الجامعه؟قولته ليهو بعد م اطلع من الامتحان بمشي ليهم،قال لي لالا ماف كلام زي دة✋وخلاااص زمن الامتحان قرررب،بتناقش مع الحرص كدة جا زول وقف قال في شنوو؟الحرص وقف على حيلو قاال ليهو وعليكم ي دكتور،في بنات كانو واقفات جنبي واحدة قالت للتانيهه دة العميد طبعا،قولته ليهو ي استاذ انا عندي امتحان اسي وبطاقتي امس اتسرقت في الشنطه والحرص قال م بدخلني😢💔العميد عاين لي مساافه قال لي اسمك منو انتي؟قولته ليهو شهد احمد،قال لي احمد منو؟قولته ليهو الاسم رباعي قال لي ادخلي طيب،بعد م خلصته امتحان احمد اتصل علي قال لي والله ي شهد انا بحب لي واحدة بس م عارف اعترف ليها كيف،قولته ليهو ههه اعترف ليها عااادي يمكن تكون هي زاتها بتحبك ومنتظراك تجي تقول ليها الكلام دة،قال لي ويمكن لا،قولته ليهو انت اتوكل على الله بس دي منوو؟قال لي سرررر بعد اكلمها لو وافقت خلاص بوريك هي منو ولو شوكشتني افضل م تعرفي😁 ❤بعد اسبووع في يوم جمعه احمد اتصل علي قال لي انا عقدته اليوم،قولته ليهو نعمم؟عقدته كيف يعني ومتين؟قال لي والله مشيت اخطب واتدبستهه😂😁قولته ليهو طيب دي منوو المخلياك مبسوط كدة؟؟قال لي م حتصدقي،قولته ليهو اها 😒قال لي دان🙈قولته ليهو بطل هبل وهظاار ،قال لي جد والله ي بت دة موضوع بهظرو فيهو؟،قولته ليهو تعقد على دان كيف وهي خاطبها باسل ،غبي انت،قال لي انتي م عارفه يعني؟قولته ليهو شنووو؟؟قال لي دان وباسل انفصلو حاليا تقريبا عندهم 5شهوور،قولته ليهو شنوو😳متين وكيف يعني؟؟قال لي عندهم فترررة من لما دان قطعت شراينها دة كان السبب،وانا والله ي شهد دان دي انا بحبها من زمااااان بس كنت عامل صاحبها عشان خايف اخسرها،بس لما قطعت شراينها وجات المستشفى قلبي كان مقبوووض حسيت انو م بقدر اسكت اكتر من كدة،،،قولته ليهو طيب ودان ؟يعني بتحبك؟قال لي دان طيبانه شديد وبريئهه بس محتاجهه اهتمام انا بعرفها اكتر من نفسي،،،قولته ليهو صدمتني والله م عارفه اقول ليك شنوو بسس ربي يسعدكم،يوم الأحد أحمد وصل دان الجامعه قبل م تنزل مسكها قال ليها اووول م تطلعي اتصلي علي تمام؟دان قالت ليهو طيب❤مسك ليها يدها قال ليها م ممكن تكسري حنك الجامعه اليوم ❤قالت ليهو لا طبعا عندي لكشششر مهم ،قال ليها طيب باسها في خدها قال ليها بحبك❤ضربتو في يدو قالت ليهو تاني لو م البتاع دة تم م تعملها😂قال ليها بتاع شنوو؟قالت ليهو قصدي العرس الكلمه دي شلتها من شهد😁💔😊جات الجامعه كانو راسمين ليها في يديها وبقت حلااااتها اصلا هي من يوم يومها عسل والناس بقت تبارك ليها❤انا طبعا واقفه بعيييد وبعاين ليها ،ماف اصعب من واقع انو واحدة اعتبرتيها صحبتك وفي اسعد يوم في حياتها م تكوني معاها💔انا افتكرته انو دان حتكون حزينه،وافتكرتها مجبورة على العرس دة كلوو،لكن حصل العكس دان كانت مبسوووطه شديييد وكل الوقت بتضحك،،،المهم في السمستر دة انا شبه اتغيرت عملته لي شله ميار ،ومشاعل،ولين،وهمس،ومعانا واحد كلبووظي ظرييف كدة اسمو محمد بدلعوهو بي ميشو ،احلى زول مصاحب الجامعهه كلها😂💔مشاعل وهمس ونوف ديل كانو مصاحبني علشان انا مصاحبه ميار انا متأكدة 😂كانو احلى شله ياااخ ،بعد علاقتي مع دان انتهت م كنت ضايقه للدنيا طعم الا بعد م صاحبتهم❤ميار طبعا عندو جيتار بجيبو لينا وبغني بالإنجليزي طبعا لما يبدأ يغني الجامعهه كلها بتتلمى فيهو صووت خنفشاري،ميشو بحاول يحاكيهو لما نضحك بقول لينا نفس الصوت لكن انتو بتحبو الحلب ي معفنين،😡😪ميار بضحك عليهو😂💔في يوووم نوف قالت لي شهد انا ماشه اقابل لي واحد في مطعم في شارع المطار وخايفه ،قولته ليها خايفه من شنو؟قالت لي ي بت انا اهلي صعبين شديد لو لاقوني بكتلوني،قولته ليها والحل؟قالت لي ارح معاي،قولته ليها انا ؟بررري البوديني شنووو؟قالت لي حلفتك ي شهد بس اقابلو خمسه دقايق والله واعداهو عندي زمن،طبعا نووف منقبهه❤قولته ليها طيب❤مشيت معاها اول م وصلنا المطهم كان فاااضي ومضلم ،شويه كدة الأنوار ولعت ،ميااار قال لي احلى مفاجأة لاحلى شهد في الدنيا،قولته ليهم م جادين طبعا؟؟ميشو قال لي م تتعولقي وتعملي فيها متفاجأة تعالي اطفي الشمعه عشان ناكل التورته ياخ،😒مشاعل قالت لي بيبي هااابي بيرث دااي ياخ😻قولته ليها نوووف؟؟قالت لي سبراايز😂💔دموعي خلاص عايزة تجري،ميشو قال ليهم عاينو ليها اسي بتبكي،خلاص بكت،بكت،دمعتها جات جاريه ،1،2،3😂😁ميار ضربو في راسو قال ليهو بطل تشغلها للبت😂😂😂😂قولته ليهم انتو مجانين وربي ياااخ م طبيعين،ميشو قال لي في لحظات زي دي الناس بتحضن بعض جيبي حضن🙈قولته ليهو في عينك 😛اليوم التاني مشيت الجامعه كنت قاعدة مع ميار،فجاة قال لي ماشي وجاي راجع اوكي،قولته ليهو طيب،جات اروى بي جنبي ومعاها ولد من اولاد الحناكيش الناعمين ديل،اروى كانت بتقول ليهو زي م قولته ليك خاله وشغاله وراجلها ميت انت اتوكل بس وهي بتديك العايزو م شايف اولادها كتار كيف وضحكت بخباثهه،بعد م مشت الولد جا قعد جنبي والمكان كان حق ميار انا كنت شغاله في لابتوبو،قولته ليهو معليش بس المكان دة حق ميار واسي بجي،قال لي ليه الا يقعد جنبك ميار يعني؟قولته ليهو نعم؟قال لي ابقى ليك ميار واي شي انا انتي بس وافقي،قولته ليهو في شنوو مالك؟قال لي عايني تمشي معاي وانا بديك العايزاهو ،،، شلته لابتوب ميار واتحركته من جنبو،قال لي ميار بديك كم انا بديك اكتر منو وعلى فكرة انا احسن منو بمليون مرة،قولته ليهو انت تافه شلته اللابتوب وقمته ماشه مسكني من يدي ،ختيت اللابتوب وشلته يدي وكشطتو كف قدام الناس قولته ليهو انت حيوان ولا تافه،تفاهتك دي اعملها مع اشكالك م معي انا تمام؟😡قال لي تضربيني انا وجرة مني الطرحه ،شعري ،خلاني بدون طرحه،قولته ليهو بضربك لانو انت قليل ادب ،عايز يضربني ،جا ميشو كشطو كف،قال ليهو تتراجل ليك على بت ي تيييييييت...جات مشاعل شالت الطرحه ادتني ليها،قعدو يتشاكلو ويتضاربو مسكته ميشو قولته ليهو خليهو ،الولد قال لي ميشو شكلها م مقصرة معاك انت برضو ي سمين،ميار جا مسكو قال ليهو اذا غلطته في الكلام مرة تانيه بحسب الله م خلقكك،قال ليهو فكني بالله وقعد يفلت في الكلام ،قام ميار وقع فيهو كفت وشلاليت ،،،ياخي الكلام الكان بقولو استغفر الله بس ...الحرص جا ودانا العميد،ونحن ماشين ميار قال لي ميشو الحصل شنوو؟ميشو قال لي ميار انا عارف لقيت المشكله ودخلته شمال😪💔اول م دخلنا للعميد،العميد قال ليهم شباب رجال قدر حالتكم دي بتتشاكلو ؟شفع انتو؟وانا كااعادة كنت ببكي،الولد قال ليهو والله ي دكتور البت دي ضربتني كف سااي بس م عارفها مالها مجنونه ولا شنوو،العميد عاين لي وقال ليهو احتررم نفسك انا م سألتك تمام؟قال لي تعال هاك مويه،شلته كبايه المويه شربته ،قال لي اقعدي،قولته ليهو نعم😢قال لي اتفضلي اقعدي❤قولته ليهو طيب قعدته قال لي المشكله شنو انا م عايز اسمعها من الشباب ديل عايز اسمعها منك انت،حكيت ليهو بالحصل،الولد قال ليهو كزابه والله ي دكتوور ،،،ميشو قال ليهو سمع اضاني دي وشوف عيني داير تكذب كمان،،ميار قال ليهو اساسا قبل كدة انا حزرتك م تضايق شهد دي متزكر؟؟ميشو قال ليهو حزرناك مع بعض بس انت م بتسمع الكلام قولنا ليك البت دي زي اختنا م تقرب منها بس انت عامل قليل ادب ونحن بنتمو ليك،،طبعا انا مصدومه فيهم كذابين كذب😂😂😂😂💔ميشو قال ليهو ي استاذ اسي لو كنت محلنا وزول غلط على اختك حتسكت؟العميد قال ليهم اطلعو امشو انتو ،وانت ي ولد ااي انت حتلقى قرار فصلك من الجامعهه معلق في البورت تمام؟قال ليهو ي استاذ ،العميد قال ليهو منتهي...بعد م طلعنا بي نص ساعه دخلته الاستراحه علشان اغسل وشي ومعي نوف،في بت في الاستراحه قالت لي صحبتها سمعتي قالو مؤيد ود دكتور علاء العميد فصلو من الجامعه،قالت ليها اجيييي مالو؟قالت ليها قالو اتشاكل ليهو مع اولاد عشان بت،صحبتها قالت ليها والعميد بفصل طالب عشان سبب تافه زي دة م يااااما حصلت بلاوي في الجامعه دي وم حصل في تاريخ الجامعه عمل كدة الجديد شنووو 😪قالت ليها برررري 😂💔بعد م طلعنا ميشو قال لي من حقكك تعزميني في اي مطعم اعوض السعرات الحراريه الخسرتها في الأكشن دة ،فجأة شوفته دان معاها اروى جاين ماشين مع بعض،قولته ليهم دقيقه شباب،مشيت على دان قولته ليها انتي كنتي زعلانه وشايفاني تافه بس انا حاليا مستصغراك شديد،لما اعتبرتك صحبتي واختي حكيت ليك كل اسراري علشان أمنته ليك بس انتي عملتي شنو؟حكيتي للناس عنها،عايزة اعرف كسبتي شنو؟اروى قالت لي اجيي انتي زعلانه مالك ناكرة قصه انك متزوجه وراجلك ميت؟قولته ليها انتي م حأتكلم معاك لانو حتى كلمهه تافهه كتيرة عليك واظن انتي عارفه روحك وزي م بقولو الفيك بدر بي والعليك اتناسى،،،وي دان انتي زعلانهه مني بس انا زعلانهه وشفقانهه عليك 😊 😂💔نوف جات قالت لي شهد ارح ومسكتني قالت لي م تركزي معاهم اصلا العولاق بحب العولاق الزيو ياهم شبه بعض بعد كل العملوهو معتك دة المفروض كان لقيتيهم قدامك تتوووفي في وشوهم،،، ،قولته ليها وعلى فكرة اروى الفرحانه بيها دي انشاءالله تضوي ليك😊طبعا دان دموعها لمن جات جاريه،💔ميشو جا قال لي شهد بعيدا عن الحنك الحاصل دة اعزميني انشاءالله شوربه عدس يااخ م تبقي بخيلهه😢ميار قال لينا انا عازمكم يلا😻💃ميشو قال ليهو هييييييييينا مياار رفارف قلبي انا😻 مشاعل قالت ليها اروى،اروى قالت ليها نعم،،،😏قالت ليها مؤيد اتفصل خلي بالك علشان م تروحي فيها انتي كمان😊اروى قالت ليها واسطاتنا متوووفرة م بنتهدتش ومشت😌✋😏رجعته الداخليه زهجاانه ،لقيت البنات المعي في الغرفه كلهن زهجانات،رقدته في السرير ،معانا واحدة اسمها ناديه ظريييفهه وكلبووووووظهه كدة ،قالت لينا هييي مالكن،قعدت جنب واحدة كدة لقتها بتبكي قالت ليها اووووووعى تكوني اتشاكلتي مع حبيبك البجيب لينا الباسطهه والبيتزا😳😢😭تاني ناكل من وين كرر علي😭💔قعدنا نضحك ،قالت لينا منفسنات مهمومات مالكن انا القدامكن دي حبيبي ال15اتشاكلته معاهو امس وم هاميني عشان كدة تعالن نهجج وقعدت تدق في الدرج وبتغني غنيه:
ﺭﺟﺎﻝ ﺷﻨﻮ .. ﺍﻟﺮﺟﺎﻝ ﺍﺫى ﺧﻠﻴﻨﺎ ﺍﻟﺮﻳﺪ ﻭﺍﻟﺠﻤﺠﺮﻩ .. ﺍﻭﻭﻭﻭﺏ😂💃💃💃💃 ﺍﺧﻴﺮ ﺑﻮﺭﺓ ﻣﻀﻤﻮﻧﺔ .. ﺍﻟﻔﻘﺮﺓ ﺗﻌﻤﻞ ﻓﻨﻮﻧﻬﺎ ﻭﺍﺭﺟﻊ ﺑﻴﺘﻨﺎ ﻣﺠﻨﻮﻧﺔ .. ﺭﺟﺎﻝ ﻧﺴﻮﺍﻥ ﺗﻌﺎﺑﻪ ﻣﻔﻠﺴﻴﻦ ﻭﻏﻼﺑﺔ ﺍﺧﻴﺮ ﻋﻴﺸﺔ ﺍﻟﻌﺰﺍﺑﺔ😂💃💃💃💃طبعا انا متهه ضحك قولته ليها عسسسل ياخي😂بتونس مع احمد قال لي بالمناسبه اتصلته عليك عشان اقول ليك انو انا مساافر اشتغل دبي،قولته ليهو م فهمته كيف يعني؟قال لي جاتني فرصه عمل هناك وانا م عايز افووت الفرصه عشان كدة داير اتمم العرس قبل شهر 9 واسافر،قولته ليهو طيب ودان وجامعتها ؟قال لي اتكلمته معاها ،حأسوقها معي اكيد م حأخليها وراي طبعا 🙈❤قولته ليهو طيب حلو اممم علاقتكم كيف كويسه يعني م فيها اي توتر؟؟قال لي بالعكس كمان،،،بعد شهر من الكلام دة كان عرس احمد ودان عارفه روحي م بمشي علشان كدة قررته اساافر السعوديه ،وانا في المطار رسلته رساله لي دان قولته ليها:عارفه انو انتي زعلانه مني وم طايقاني وفي سؤ تفاهم حاصل بينا ويمكن م يتحل ويمكن انا تاني م حأشوفك بعد م تسافري بس عايزة اقول ليك انو انتي طوول عمرك كنتي اختي وربي بعزك زي م بعز شفق اختي واكتر كمان،عرسك بعد بكرة وانا م بقدر اقعد هنا وم احضر احلى يوم في حياتك عشان كدة انا حاليا مسافرة السعوديه ،بس على العموم مبروووك ياااخي انا فرحانه ليك بجد ربي يسعدك وتتهنو ببعض انشاءالله ي رب❤المهم سافرته السعوديه ،امي في السعهوديه اشتغلت ليها في مشغل بتاع ملابس،يوم العرس احمد رسل لي في الواتساب،قال لي وقسمابالله ي شهد انتي حيوانه لدرجه ،وانا زعلان منك ،حالتي بقول عليك اختي وانتي بكل بساطه سافرتي عشان م تحضري عرسي؟قولته ليهو احمد كدة احسن اصلا انا ودان علاقتنا متوترة ،قال لي انتي جاي تحضري عرسي انا م عرس دااان ،قولته ليهو بس دان صحبتي❤قال لي يعني بتخافي على مشاعر دان اكتر من مشاعري صح؟قولته ليهو احمد دان طيبانه وم فيها كلام والله اي نعم هي عصبيه شويه بس بتروق سرعه خلي بالك منها وم تزعلها❤قال لي هحظرك يلا سلام،وبالفعل حظرني من الزعل😢💔اصلا انا كان عندي اجازة قعدته في السعوديه شهرين،عندنا جارتنا كدة ظريفهه بتجينا على طول وامي دايما بتحنسني علشان امشي ليها❤عندها ولد وبت حلوين لدرجه❤اول م جيت نازله السودان اتصلت علي تنزيل قالت لي شهد انا عايزة اطلب منك طلب بس م تكسفيني بليييز😢قولته ليها في شنوو مالك؟؟قالت لي انا راجعه البلد عندي إجازة واشتقته لي امي وربي طولته م شوفتها وفي نفس الوقت شغاله في محل هنا في الخرطوم وم عايزة اخليهو وامشي عشان يشغلو زول محلي ومديرنا صععب شدييد💔قولته ليها طيب شوفي ليك زول يشتغل محلك لغايه م اجي راجعهه ،قولته ليها دان بس انا شغاله جامعه وسنه تالته دي بالزات صعبه شدييد،قالت لي اصلا دوامي مسائي ومأجرة لي ترحيل بوصلني المساء لغايه البيت ممكن اخليهو يوصلك 😢حلفتك ي شهد حلفتك😢💔قولته ليها طيب تمام بتشتغلي شنوو انتي؟؟قالت لي في معرض سيارات في قسم المبيعات❤قولته وانا م لي في الكلام دة لكن،،،قالت لي هي فترة وحتعدي حاولي ياااخي💔قولته ليها طيب ❤اليوم التاني اتلاقينا ومشيت معاها المعرض،،،ي يمه جنس عرباات تلخم😂💔دخلتني للمدير بتاعها واتكلم معاي م كان كبير صغير والله حلااتو😂بعد م اتفقنا خلاص قال ليها باااسطه ي توتا😁انا استغربته طبعا عاينته ليها لانو على حسب كلامها قالت صعب وم بتفاهم،،،تنزيل قالت ليهو باسطه مرة واحدة؟😳😒ورفعت ليهو حاجبها💔قال لي المهم ي شهد اسمك شهد صح؟قولته ليهو ايوة❤قال لي طبعا دة مكتب المعارض حقتنا الرئيسي ،عشان كدة حتبدي تداومي معانا بعد م تنزيل تسافر مباشرة😊تنزيل قالت ليهو يعني من بكرة😊قولته ليها مسافرة بكرة انتي😳قال لي اليوم دة انتهى وانشاءالله بكرة تشرفينا وتنزلي شغل تمام؟قولته ليهو بس...،قال لي دوامك ببدأ من الساعهه 4مساء اقل تأخير م ينفع تمام؟قولته ليهو كويس،بعد م طلعنا عيني تقع على البنات الشغالات في المعرض عاد ي يمه منكشات ليك الشعر دة ولابسات ليك البناطلين والفنايل 😳قولته ليها انا م مطلوب مني ابقى زي ديل صح؟؟ضحكت قالت لي م فرض 😂قالت لي تعالي اعرفك عليهم ،بعد م سلمته عليهم تنزيل قالت لي طوول م انا مافي انتي مسؤله عنهم كلهن ،اقل غلطه منهم حتوصليها للمدير،واحدة منهم مايعهه ومخشلعهه كدة قالت ليها الله لا جاب اليوم دة ي بيبي،تنزيل قالت ليها شكيرا النسخه السودانيهه 😒💔تنزيل قالت لي دة المكتب الحتقعدي فيهو وحتمسكي المبيعات يعني حتتكلمي مع الزباين وحتتفاهمي معاهم ولازم تكوني حناااكهه علشان تقنعيهم يشترو فهمتي😂😁قولته ليها ودي قاعدة يعني؟؟قالت لي اااايوة 😁قولته ليها م محتاج سيد المعرض شكلو بقنع زباينو بالبنات الجايبهم ديل هو م معرض عربات وبس معرض بنات عديل😪💔قعدت تضحك قالت لي لسانك دة ابلعي😂💔👊نزلته الشغل وعديت اسبوعين مداومه فيهو،الدوام كان صعب شديد علي لأني بطلع من الجامعه وعلى بال م اصل المعرض بتأخر شديييد💔في يوووم جيت متأخرة،جو المعرض كان هااادي من ضمن الأيام كنت كل م اجي بلقاهم بتونسو وبضحكو وعاملين موضوع،احترته طبعا قولته ليهم مالكم؟اسراء قالت لي ماف شي لكن المدير قال عايزك في المكتب،من قبيل منتظرك اتأخرتي مالك؟..قولته ليها المواصلات ليه في شنوو؟نهال قالت لي اتشهودي وامشي بس كرر عليك من الحتسمعيهو من المنفسن القرض دة دة انتي هتسمعي وسخ اضاننكك😁💔خوفوني طبعا، مكتبو كان فووق في الطابق التاني ،طلعته وانا قلبي في يدي،لما وصلته قبل م ادق الباب وادخل شلته نفس عميييييق بعدها دقيت الباب،قال لي اتفضل،،،فتحته الباب ودخلته ،المدير كان بتكلم مع واحد بالتلفون وبقول ليهو شوووف لي موضوع معرض الخرطوم الدولي دة و...رفع راسو عاين لي ،وانا اتصمغته في محلي...
يتبع....