<بسم الله الرحمن الرحيم>
في بيت جويرية
جويرية:موافقة بس عندي شرطين لو بن الصيرافي وافق عليهم يبقا موافقة
زينات باستغراب:و ايه هما الشرطين دول
جويرية بتوتر:ان الجواز يبقا علي الورق بس
زينات بصدمة:نعم يعني ايه الكلام ده
كرم بضحك:هههه يعني يبقوا زي المخطوبين جويرية دي عليها هزار
جويرية بثقة:مابهزرش علي فكرة انا بتكلم جد
كرم بصدمة:انتي بتتكلمي بجد
جويرية بتوتر:ايوة
زينات بعصبية:انتي عبيطة يا بت في واحدة تتشرط عليها الا هيجوزها و تقوله كدة
شريف:اهدي بس يا زينات اكيد في سبب للشرط ده صح يا جويرية
جويرية:ايوة يا بابا
جمال:و ايه هو يا بنتي
جويرية:احنا يا جدو لسة ما نعرفش بعض كويس و لسة محدش فينا يعرف حاجة عن التاني و انتم مش عايزين خطوبة و عايزين كتب كتاب علي طول فممكن يحصل ما بينا مشاكل تخلينا نضطر ننفصل فساعتها تبقا اتحسبت علينا جوازة
جمال:طيب ما هي كدة كدة هتتحسب عليكوا جوازة مش فيه فرح
جويرية بتوتر:احم لا مهو مفيش فرح
زينات بغضب:نعم ياختي ليه انشاء الله
جويرية بسرعة:يا ماما افهمي بس انا مش قصدي ان انا مش عايزة فرح خالص انا قصدي ان الفرح يتاجل شوية مش اكتر
جمال بهدوء:انا سمعتك للاخر بس انتي كلامك مش مقبول ابدا
جويرية:يا جدو عشان خاطري انا مش مستعدة للجواز دلوتي خالص عشان خاطري يتاجل بس كام شهر مش اكتر لحد ما نتعرف علي بعض
جمال:و انا اقولت لا يا جويرية شروطك مرفوضة
جويرية:يا جدو ب
جمال بصرامة:خلص الكلام يا جويرية
جويرية:لا يا جدو مينفعش الكلام يخلص كدة دي حاجة متعلقة بمستقبلي و انا مش هسمح ان حاجة تضر مستقبلي
جمال:و ايه هو الا هيضر مستقبلك
جويرية:ان انا ممكن في يوم من الايام ابقا مطلقة يا جدو الجواز السريع ده دايما بيفشل ارجوك يا جدو وافق ده هم كام شهر بس
جمال:و انا اقولت لا
جويرية بعند:تمام يا جدو يبقا بلغه ان انا مش موافقة
و دخلت اوضتها و قفلت الباب
كرم بهدوء:انا يا جدي شايف ان كلامها مقبول و مش غلط
جمال:حتي انت يا كرم طيب كلامها مقبول ليه
كرم:لان جويرية صغيرة و طبيعي متبقاش مستعدة و كان مفروض تبقا خطوبة بس لكن انتوا عايزين كتب كتاب علي طول خلاص مش مشكلة بس يقعدوا شوية يتعرفوا علي بعض و بعدين يبقا الفرح و يكونوا اقدروا يتعرفوا علي بعض صدقني يا جدي كدة احسن
شريف :و انا رايي من راي كرم يا حاج
جمال بتنهيدة:ماشي خش يا كرم اقولها ان احنا موافقين
كرم:ماشي
دخل كرم اوضة جويرية الا كانت اعدة علي السرير سرحانة
كرم:جويرية
فاقت جويرية علي صوت كرم
جويرية:نعم
كرم:انا جيت اقولك ان جدك موافق علي شروطك
جويرية:بجد
كرم:ايوة بس ممكن بقا اسألك سوال
جويرية:ايه
كرم:وافقتي علي الجواز ليه بعد ما كنتي رافضة و ايه لازمتها الشروط دي
جويرية بتوتر:عادي انا شفت ان هو شاب كويس و بابا و ماما كمان نفسهم يفرحوا بيا فوفقت
كرم:هحاول اصدقك مع اني متاكد ان في حاجة مخبيها
جويرية بتوتر:حاجة ايه لا مفيش حاجة غير الا قولتهالك
كرم:طيب و الشروط دي لازمتها ايه
جويرية:ما انا اقولتلك عشان احنا لسة مانعرفش بعض كويس
كرم:ماشي بس اتمني تكون دي الحقيقة مش يكون عدم ثقة لان صوابعك مش زي بعضها و يوسف كويس و رجل بجد و اظن بعد الا عملوه معكي المفروض علي الاقل تشكريه و تثقي فيه لان مفيش حد كان هيعمل زي ما عمل معكي فكري في كلامي كويس لان يوسف هيكون زوجك و مينفعش ما تكونيش واثقة فيه ماشي
هزت جويرية راسها بمعني ماشي اقام كرم و باسها من راسها و سابها و خرج فضلت جويرية اعدة بتفكر في كلام كرم
جويرية لنفسها:مش عارفة انا مفروض اثق فيه و لاء لا انا لحد دلوتي مش عارفة هو عايز مني ايه بس الا اعرفه ان انا فعلا لازم اشكره علي الا عمله
اقطع تفكيرها صوت الفون الا كان بيرن بصت جويرية للفون و كانت ميرنا ردت جويرية
ميرنا:السلام عليكم
جويرية:و عليكم السلام
ميرنا:مسا مسا يا عسل
جويرية ببرود:اهلا
ميرنا:بطلي رخامة بقا يا جويرية والله مكنش اقصدنا نكذب عليكي احنا كنا بنهزر معكي مش اكتر و بقالك يومين مش عايزة تتكلمي معنا و لما تردي تردي ببرود كدة
جويرية:خلاص يا ميرنا متزعليش بس انتي عارفة انا بكره الكذب قد ايه
ميرنا:عارفة بس خلاص بقا اخر مرة
جويرية:طيب خلاص
ميرنا:اخيرا ها بقا ايه الاخبار
جويرية:انا الحمد لله كويسة
ميرنا:لا انا مش بسال عليكي انتي انا عارفة انك زي القرد انا بسأل فكرتي
جويرية بغيظ:تصدقي كنت هقولك بس عشان رخامتك دي مش قايللك حاجة
ميرنا:لاااااا عشان خاطري قوللي
جويرية:لا عشان تبقي تبطلي رخامة
ميرنا:خلاص و الله معتش هرخم عليكي بس قوللي
جويرية:ماشي خلاص هقولك
ميرنا بحماس:هيييه يلا اقولي
جويرية:طيب تدفع كام
ميرنا بغيظ:شوفتي بقا مين فينا الا رخم
جويرية بضحك:ههههههه طيب خلاص هقولك
ميرنا:ها
جويرية:انا وافقت
ميرنا بفرحة:بجد لولوللللي
جويرية:اهدي يا ماما انا لسة مخلصتش كلامي
ميرنا:ايه ده هو لسة في كلام تاني
جويرية:ايوة
ميرنا:ايه
جويرية:انا صحيح وافقت بس بشروط
ميرنا باستغراب:و ايه هما الشروط دي
قالت جويرية للميرنا علي شروطها
ميرنا بصدمة:انتي بتتكلمي جد انا عايزة تقولي لليوسف الشروط دي
جويرية بثقة:ايوة
ميرنا:و الله انتي مجنونة رسمي
جويرية:ليه بقا انشاء الله
ميرنا:عشان لما انا اقولتلك ان انا اتفقت مع احمد ان جوازنا يبقا علي الورق اعدتي يومها تقوللي ان كدة غلط و ان الجواز مودة و رحمة ايه بقا الا حصل دلوتي
جويرية:لا يا ميرنا في فرق ما بين موقفي و موقفك انا عملت كدة عشان انا لسة انا و اخوكي منعرفش بعض لكن انتي تعرفي احمد كويس و عملتي مغه الاتفاق ده عشان تعنديه
ميرنا:يعني انت دلوتي عايزة تفهميني انك مش بتعملي كدة عشان تعنديه
جويرية:لا طبعا
ميرنا:لا صدقتك
جويرية:انت حرة تصدقي و لاء لا بس هي دي الحقيقة
ميرنا:ماشي يا جويرية يا خبر النهاردة بفلوس بكرة يبقا ببلاش يا مرات اخوي
جويرية بغيظ:انا مش مرات حد
ميرنا:علي اعتبار ما سوف يكون
جويرية:لما يبقا يكون ياختي و يلا غوري بقا من هنا
ميرنا بضحك:هههههه اشطا سلام
جويرية:سلام
اما بره بعد اما خرج كرم
كرم:اقولتلها و هي خلاص موافقة
جمال:كويس احنا بقا دلوتي لازم نتكلم مع يوسف الصيرافي و نقوله علي شروطها
شريف:بعد اذنك يا حاج انا عايز انا اتكلم مع يوسف و ابلغه انا
جمال:ماشي يا شريف اتصل بيه و بلغه
شريف:تمام
**********************************
في بيت عيلة الصيرافي
دخلت مرام اوضة ميرنا الا كانت اعدت بتضحك بعد ما اقفلت مع جويرية
مرام:ايه ميرنا انتي اتجننتي بتضحكي مع نفسك
ميرنا بضحك:ههههه لا كنت بتكلم مع جويرية
مرام:طيب ايه الا بيضحك في كدة هي كانت بتقولك نكت و لاء ايه
ميرنا:لا يا ظريفة كانت بتقولي رايها في جوازها من يوسف
راحت مرام بسرعة و اعدت جمبها علي السرير
مرام بحماس:ها و ايه رايها
ميرنا:وافقت بس بشروط
مرام:شروط ايه
قالت ميرنا للمرام علي شروط جويرية
مرام بصدمة:نهار اسود هي عايزة تقولي ليوسف الشروط دي
ميرنا بضحك:ههههه ايوة
مرام:و ايه يضحك في الا انتي بتقوليه ده تحدي واضح و صريح ليوسف و انتي عارفة يوسف مبيحبش الا يتحداه
ميرنا بابتسامة:لا وانتي الصادقة محدش كان بيقدر يتحداه بس دلوتي جات الا تتحداه و توقف اقصاده
مرام:انا عايزة اعرف انتي فرحانة ليه انها بتتحداه
ميرنا:لان احنا كنا خايفين ان يوسف ينتقم من جويرية بس دلوتي مش لازم نخاف لان جويرية اثبتت انها هتقدر توقف اقصاد يوسف و الحرب الا بداها يوسف جويرية هتكملها بشروطها دي
مرام:و انتي تفتكري يوسف هيوافق علي شروطها
ميرنا:انتي لسة اقايلة ان يوسف مبيحبش الا يتحداه و جويرية بتتحداه فهيوفق عشان يكمل التحدي ده لان لو موافقش يبقا كدة هو الا خسر التحدي
مرام:ده احنا شكلنا هنشوف شوية اكشن حلويين الايام الجاية
***********************************
في الفرع الرئيسي للشركات الصيرافي
كان يوسف في مكتبه و اودامه ملفات بيبص فيها بتركيز اقطعه صوت الفون بص يوسف للرقم و ابتسم بشر و رد
شريف:السلام عليكم
يوسف:و عليكم السلام
شريف:الرائد يوسف معي
يوسف:ايوة انا
شريف:انا شريف الشرقاوي
يوسف:اها اهلا يا استاذ شريف ازي حضرتك
شريف:انا تمام الحمد لله
يوسف:خير يا استاذ شريف
شريف:بصراحة انا عايز ابلغك بقرار جويرية بس الاول في حاجة لازم اقولهالك
يوسف:تمام تحب نتقبل
شريف:ياريت
يوسف:تمام بس للاسف انا دلوتي في القاهرة و مش هقدر اجي النهاردة اسكندرية بس ممكن بكرة
شريف:مفيش داعي تتعب نفسك لان انا هجي القاهرة النهاردة عشان هنقل فرع الشركة بتاعي في القاهرة ففي شوية حاجات لازم ارتبها
يوسف:خلاص تمام نتقبل النهاردة لما توصل بالسلامة سبعة مناسب
شريف:تمام مناسب بس هنتقابل فين
يوسف:تقدري تتفضل عندي هنا في الشركة
شريف:تمام سبعة هكون عندك انشاء الله سلام
يوسف:سلام
بعد ما اقفل يوسف اقعد يفكر
يوسف لنفسه:يا تري ايه الا وراكي يا بنت الشرقاوي انا متاكد انك هتوفقي بس كمان متاكد انك مش هتسلمي بسهولة كدة
الساعة 7في شركة الصيرافي و صل شريف و راح عند الاستقبال
شريف:لو سمحتي
موظفة الاستقبال:ايوة يا فندم
شريف:عايز اقبل يوسف بيه
موظفة الاستقبال:في معاد سابق
شريف:ايوة
موظفة الاستقبال:تمام اقوله مين
شريف:شريف الشرقاوي
موظفة الاستقبال:طيب ثانية واحدة
شريف:اتفضلي
راحت مواظفة الاستقبال و بلغت يوسف و بعدين رجعت لشريف
موظفة الاستقبال:اتفضل يا فندم يوسف بيه في انتظارك
شريف:متشكر
راح شريف و طلع في الاسانسير للدور الاخير و الا كان عبارة عن مكتبين مكتب يوسف و مكتب عبد الرحيم سأل شريف موظف عن مكتب يوسف
شريف:لو سمحت
الموظف:ايوة يا فندم
شريف:مكتب يوسف بيه اي مكتب
الموظف:المكتب الا علي اليمين
شريف:متشكر
راح شريف مكتب يوسف و خبط و دخل لما سمع اذن يوسف بالدخول دخل عبد الرحيم و اقام يوسف وقف لما دخل شريف
شريف:السلام عليكم
يوسف:و عليكم السلام اتفضل يا استاذ شريف
شريف:متشكر
اقعد شريف و يوسف
يوسف:شرفت
شريف:الشرف ليا
يوسف:تحب تشرب ايه
شريف:ملوش لزوم
يوسف:لا ازاي انت ضيفي لازم تشرب حاجة
شريف:تمام يبقا قهوة مظبوط
طلب يوسف القهوة و بعدين بص لشريف
يوسف:اقولتلي انك حبب تتكلمي معي و تبلغني راي الانسة جويرية اتفضل
شريف:انا جيت عشان اقولك ان جويرية موافقة بس عندها شرطين
يوسف بابتسامة ثقة:تمام و ايه هم الشروط دي
شريف:الاول ان هي مش عايزة فرح و التاني احم ان جوازكوا يفضل علي الورق لفترة لحد ما تتعرفوا علي بعض كويس
يوسف:اممم كلامها مظبوط و انا موافق علي الشروط دي معنديش مانع
شريف:تمام بس دلوتي انا عايز اتكلم معك في موضوع مهم بخصوص جويرية لانك لازم تعرف عنها كل حاجة و كمان تعرف السبب الرئيسي للشروطها دي بس قبل ما اقولك عايز اسألك سؤال مهم
يوسف:اكيد اتفضل
شريف:انت ليه عايز تتجوز جويرية
رجع يوسف و سند ضهره علي الكرسي
يوسف ببرود:اكيد حضرتك عارف ليه
شريف:ايوة عارف ليه بس ياتري هو ده السبب الوحيد
يوسف:اقصدك ايه
شريف:اقصدي ان يكون هدفك من الجواز ده الانتقام من بنتي
يوسف:و ليه انتقم منها
شريف:اكيد عارف ليه مش معقول تكون متعرفش
يوسف بثقة:اقصدك عشان هي كانت اقرب واحدة ليه
شريف:مظبوط
يوسف:استاذ شريف الماضي خلص بالنسبالي من زمان
شريف:متاكد
يوسف:ايوة و بعدين انسة جويرية هتكون مراتي و من واجبي ان انا احفظ عليها و احميها
شريف:و انا هصدقك و اثق فيك و ياريت متخيبش ثقتي فيك
يوسف:انشاء الله
شريف:و دلوتي اقدر اقولك علي الموضوع المهم الخاص بجويرية و الا هو السبب الرئيسي للشروطها دي
يوسف:و ايه هو
شريف:طبعا كرم قالي علي الا انت عملته مع جويرية قبل كدة و انا حبب اشكرك علي الا انت عملته
يوسف:مفيش داعي للشكر
شريف:بصراحة الا عايز اقولهلك ان دي مكنتش اول مرة تحصل حاجة زي دي
يوسف باستغراب:ياريت توضح كلامك
شريف:يعني جويرية حصل معها نفس الحادثة دي من اربع سنين بس كرم الا كان انقذها وقتها كانت جويرية بتثق في الناس بسهولة بس بعد الا حصل ده جويرية نفسيتها تعبت اوي و بدات تتعامل مع اي راجل ببرود و معدتش بتثق في اي راجل و بالذات قاريبنا لان الا حصلها ده حصلها من حد قريب منها انا بقولك كل الكلام ده عشان تعرف ايه سبب شروطها
يوسف:انها مش واثقة فيا
شريف:مش عايزك تفهمها غلط بس الموضوع مش شخصي لا ده كل الرجالة مش انت بس انا حبيت كمان انك تعرف الموضوع ده عشان تعرف انك للاسف هتتعب معها كتير عشان تخليها تثق فيك و دلوتي انا خلصت كلامي و في ايدك انك توافق او ترفض الجواز
يوسف بهدوء و ثقة:انا سمعت حضرتك للاخر و احب اقولك ان كلام حضرتك مغيرش حاجة في رايي و انا موافق علي جوازي من انسة جويرية و انا هقدر اخليها تثق فيا بس حبب اسألك سؤال
شريف:اتفضل
يوسف:انت اقولتلي ان حد قريب منها هو الا عمل فيها كدة ممكن اعرف مين
شريف بحزن:بن اخوي باسل
يوسف بتفهم:تمام بس انا عندي شرط صغير عشان انفذ للانسة جويرية الشرطين بتوعها
شريف:ايه هو
*********************************
تاني يوم في بيت عيلة الصيرافي طلب يوسف من الكل انهم يجمعوا عشان في خبر لازم يعرفوه
فكان الكل متجمعين عشان يعرفوا الخبر
نجوي:خير يا يوسف اقولتلنا ان في حاجة مهمة لازم نعرفها ايه هي
يوسف بهدوء:حبيت اقولك ان كتب كتابي هيبقا بعد اسبوع
الكل بصدمة:نعم
نجوي:هي جويرية وافقت
يوسف:ايوة
فاطمة:طيب و انت هتلحق تجهز للفرح في اسبوع
يوسف ببرود:مفيش فرح
حسن:يعني ايه
يوسف ببرود:ده كان شرط بنت الشرقاوي عشان توافق ان يبقا كتب كتاب بس لحد ما نعرف بعض كويس
عبد الرحيم باستغراب:و انت وافقت
يوسف ببرود:ايوة ايه الغريب في كدة
عبد الرحيم:الغريب انك موافق تسيب جويرية تكون بعيدة عنك بعد ما تبقا مرأتك
يوسف بثقة و برود:مين قال ان هسيبها تكون بعيدة عني
نجوي:اومال ايه مهو معني كلامك انكوا هتبقوا في حكم المخطوبين فطبيعي هي هتعيش في بيت اهلها و انت في القصر مش هو ده الا هيحصل
يوسف ببرود:لا مش هو ده الا هيحصل
الكل:اومال ايه
يوسف:......
**********************************
في بيت جويرية كان بيتكلموا في نفس الموضوع
فشريف بلغ الكل بموافقة يوسف علي شروط جويرية الحاجة الا زادت من غيظ و حقد جويرية علي يوسف فهي كان املها ان بعد ما يعرف شروطها يرفض الجواز بس محصلش
جويرية لنفسها بغيظ :اه ياربي اعمل ايه في الكائن البارد الرخم يارب يا تاخدوا يا اما ابعتهلك انا و اخلص(ليه ياختي بلطجية😂😂معلش علي الفصلان كملوا كملوا)
فاقت جويرية من تفكيرها علي كلام شريف
شريف:بس يوسف عنده شرط
كرم:ايه هو
شريف:احم ان جويرية تعيش معهم في القصر
جويرية بصدمة:نعععم
*********************************
في الجانب التاني عند يوسف
آسر:لا معلش واحدة واحدة كدة و فهمنا براحة منين هيبقا كتب كتاب بس و منين هتعيشوا مع بعض في بيت واحد
يوسف ببرود:ايه الا مش مفهوم في الا انا بقوله انا صحيح وافقت علي شروطها بس ده مش معناه ان انا هسيب مراتي تعيش في مكان بعيد عني عشان كدة هي هتعيش معي في القصر هي في اوضة و انا في اوضة لحد ما نتعرف علي بعض كويس
آسر:تمام
احمد:تمام يا يوسف مبروك بس انا كمان عايز اقول حاجة بما ان كلنا متجمعين
يوسف:ايه هي
احمد:احم انا عايز اكتب كتابي علي ميرنا لان بتهيلئ كفاية خطوبة لحد كدة
بصتله ميرنا بصدمة من الا اقاله و همست لمرام الا كانت واقفة جمبها
ميرنا بهمس:مرام
مرام بهمس:ايه
ميرنا:انتي سمعتي الا انا شوفته
مرام:سمعت الا انا شوفته الله يسمحك يا احمد الصدمة اثرت علي دماغ البت
ميرنا:ردي عليا الا انا سمعته ده صح
مرام بضحكة مكتومة:ايوة صح
ميرنا:اه اسنديني مش قادرة اقف
مرام:لا اجمدي يا حلوة ده انتي لسة قدامك كتير و انتي الا جبتيه لنفسك اشربي بقا
ميرنا بغيظ:اخرسي يا زفتة
و بعدين بصت لاحمد الا كان بيبصله بنظرة تحدي فردتهله بنظرة التحدي اكبر
رانيا(ام احمد) بصدمة:حتي انت يا احمد
احمد:يا امي لازمتها ايه نطول في الخطوبة ما انا و ميرنا نعرف بعض كويس يعني مفيش داعي نستنا اكتر من كدة و لاء ايه رايك يا يوسف
يوسف بهدوء:انا معنديش مانع يا احمد بس كمان راي صاحبة الشأن مهم
و بص لميرنا
يوسف:ها يا ميرنا ايه رايك
بصت ميرنا ليوسف و هي مش مستوعبة ان كل الكلام ده عليها اصلا و بعدين بصت لاحمد الا كان بيبصله بتحدي انها ترفض فبصيتله بتحدي و بعدين بصت ليوسف
ميرنا بثقة:انا موافقة
يوسف:تمام
و بعدين بص لنجوي
نجوي:انا كمان موافقة
يوسف:ماشي يا احمد يبقا كتب كتابك مع كتب كتابي بعد اسبوع
احمد:بس انا كمان عايز يبقا مع الفرح مع كتب الكتاب
يوسف:خلي كتب الكتاب معي بعد اسبوع و بعديها باسبوع الفرح
احمد:ماشي
عبد الرحيم:خلاص علي بركة الله يبقا بعد اسبوع كتب كتاب يوسف و جويرية و احمد و ميرنا
**********************************
عند جويرية
جويرية:بس انا مش موافقة نعيش مع بعض في بيت واحد
شريف:مهو لو انتي موافقتيش علي شرطه ده يبقا هو كمان مش هيوافق علي شروطك و يبقا تجهزي نفسك لكتب كتابك و فرحك الاسبوع الجاي
كرم:و بعدين مش انتي عايزة تتعرفي عليه كدة هيبقا اودمك فرصة كبيرة تتعرفي عليه و يتعرف عليكي
سكتت جويرية شوية و هي بتفكر
جويرية لنفسها:ماشي يا بن الصيرافي بتسومني طيب شوف بقا نتيجة شرطك ده
و بعدين بصت لابوها
جويرية:خلاص انا موافقة
زينات:اخيرا الف مبروك يا حبيبتي
جمال:يبقا اتصل بيوسف و بلغه ان هي موافقة علي شرطه و ان كتب كتاب الاسبوع الجاي
شريف:تمام
*********************************
في بيت عيلة الصيرافي و خاصة في اوضة ميرنا الا كانت راحة جاية في الاوضة بعصبية
ميرنا بعصبية:ماشي يا بن الحصري بتحطني اودام الامر الواقع ماشي اما خليتك تندم علي اليوم الا اتحدنتي فيه مبقش ميرنا الصيرافي
***********************************
و عدي الاسبوع ده و العيلتين بيجهزوا لكتب كتاب جويرية و يوسف و ميرنا و احمد
و جيه يوم كتب الكتاب و الا كان في بيت عيلة الصيرافي فكانت كل الستات في اوضة و الرجالة في الصالة
في الاوضة عند جويرية و ميرنا الا كانوا اعدين جمب بعض
جويرية بتفكير:ميرنا هو الا بيقتل بيخش النار
ميرنا بتفكير:مش عارفة طيب هو الا حد ولع في حد يخش السجن
جويرية بتفكير:مش عارفة
اقطع كلامهم ميادة و مرام الا كانوا اعدين جمبهم و سمعين كلامهم
ميادة بصدمة:بس يا ماما انتي و هي انا حاسة ان انا اعدة جمب رايا و سكينة
مرام:و الله انا ابتديت اخاف علي يوسف و احمد منكم
اما برا كان كتب كتاب يوسف و جويرية الاول و اخد شريف الدفتر و دخله لجويرية عشان تمضي عليه و بعد ما مضت عليه اخده و خرج و مضي عليه آسر و كرم ال كانواا شهود علي الجواز
الماذون:بارك الله لكما و بارك عليكما و جمع بينكما في خير
ردد الكل وراه:بارك الله لكما و بارك عليكما و جمع بينكما في خير
و خلص كتب كتاب يوسف و جويرية و بقيت جويرية مرات يوسف رسمي
اقام شريف و اعد احمد مكانه و حط ايده في ايد يوسف الا كان وكيل ميرنا و اخد يوسف الدفتر و اده لميرنا تمضي عليه و بعدين مضي عليه عبد الرحيم و عادل الا كانوا شهود علي الجواز
الماذون للمرة التانية:بارك الله لكما و بارك عليكما و جمع بينكم في خير
و ردد الكل وراه و انتهي كتب الكتاب و بقيت ميرنا كمان مرات احمد رسمي
في الاوضة عند البنات
زينات وهي حضنة جويرية:الف مبروك يا حبيبتي
جويرية:الله يبارك فيكي يا ماما
نجوي و هي حضنة ميرنا:الف مبروك يا بنتي
ميرنا:الله يبارك فيكي يا نوجي
و بعدين حضنت نجوي جويرية
نجوي:الف مبروك يا جوجو
جويرية:الله يبارك فيكي يا طنط
و بعدين حضنت ميرنا جويرية
ميرنا بهمس:البقاء لله
جويرية بهمس:منجلكيش في حاجة واحشة
و بعدين بركت فاطمة للبنات
فاطمة للميرنا:الف مبروك يا ميرنا
حضنتها ميرنا:الله يبارك فيكي يا تيتا
فاطمة للجويرية:الف مبروك يا بنتي
جويرية بابتسامة:الله يبارك في حضرتك
و بعدين بركوا البنات لجويرية و ميرنا و بعدين اعدوا يغنوا و يرقصوا
عند الشباب باركلهم الكل و جيه شريف و بارك لاحمد و بعدين بارك ليوسف
شريف:الف مبروك يا بني
يوسف:الله يبارك فيك يا عمي
شريف:انا دلوتي اديتك اغلي انسانة علي قلبي اتمني تخلي بالك منها
يوسف:انشاء الله
و بعدين جيه عبد الرحيم و وقف اودام يوسف
عبد الرحيم بحنان:الف مبروك يا بني
يوسف ببرود :شكر
بصله عبد الرحيم بحزن و بعدين سابه وبارك لاحمد
و بعد كدة جيه كرم و باركلهم الاتنين و مشي و بعدين جيه آسر و حضنهم الاتنين و باركلهم و بعدين وقف ما بينهم الاتنين و هو بيبصلهم
احمد:مالك بتبصلنا كدة ليه
آسر بضحك:ههههه فرحان بيكوا
احمد بغيظ:اقصدك فرحان فينا
آسر بابتسامة:بصراحة ايوة فرحان فيكوا و خصوصا الاخ ده
و شاور علي يوسف الا بصله ببرود
آسر:ايه بتبصلي كدة ليه ايوة فرحان فيك انك اخير اتجوزت انا كان ممكن اتوقعها من احمد لكن انت انا كنت فقدت الامل فيك
يوسف ببرود:طيب اسكت بقا لاخليهم يفقدوا الامل فيك انت ان يرجعوك قطعة واحدة
آسر:احم لا علي ايه انت ايدك تقيلة اسكت احسن
يوسف ببرود:احسن برده
في الاوضة عند البنات كانوا لسة بيرقصوا و يغنوا سوا بس اقطعهم صوت خبط علي الباب ففتحت رانيا و كان عبد الرحيم
رانيا:ايوة يا عبد الرحيم في حاجة
عبد الرحيم:اها ودي كل واحدة من البنات اوضة عشان الشباب عايزين يشوفهم
رانيا:ماشي
دخلت رانيا و قفلت الباب و قالت للبنات فخرجت ميرنا مع نجوي و دخلوا الاوضة
نجوي:اقعدي بقا لحد ما احمد يجي
ميرنا:ماما انتي لازم تخرجي
نجوي:بلاش دلع يا ميرنا و خليكي اعدة لحد ما جوزك يجي
ميرنا:طيب
خرجت نجوي و سابت ميرنا اعدة متوترة
ميرنا لنفسها:اهدي يا ميرنا مش لازم تباني اودامه انك متوترة اهدي خلاص مش هيحصل حاجة
و بعدين اخدت نفس عميق و اعدت
عند جويرية اخدتها زينات و دخلوا الاوضة
زينات:اديني بقولك اهو للمرة الالف بطلي لماضة يا جويرية
جويرية:خلاص و الله يا ماما حفظت
زينات:اما نشوف
و سبتها و خرجت اعدت جويرية و هي بتلعب في ايديها بتوتر
جويرية لنفسها بتوتر:اعمل ايه اعمل ايه كل الكلام الا كنت مجهزه معدتش فكرة منه و لاء كلمة بس انا لازم ابقا قوية و مابينش توتري اودامه
في الاوضة التانية عند ميرنا كانت اعدت بتفكر هتعمل ايه لما احمد يدخل و فجأة اتفتح الباب بهدوء غمضت ميرنا عنيها ثواني و فتحتهم و اقامت واقفت بثقة دخل احمد و قفل الباب و بعدين وقف اودام ميرنا و هو بيبصله بنظرات وترتها اكتر بس كان بتحاول تخفي توترها ده بقناع البرود الا كانت عمله
احمد بهدوء:مبروك
ميرنا ببرود:الله يبارك فيك عقبالك
احمد:امممم عقبالي ها تمام
قرب احمد من ميرنا فرجعت ميرنا للوراء لحد ما اعدت تاني علي الكرسي الا كانت اعدت عليه فقرب منها احمد و حط ايد علي ضهر الكرسي و الايد التانية جمبها فكان قريب منها بدرجة كبيرة فتوترت ميرنا اكتر و معدتش عارفة تخفي توترها فظهر بوضوح و كان احمد ساكت و بيبصلها باستمتاع من توترها
احمد بهدوء:بما انك بداتيها بالبرود ده يبقا نتفق من دلوتي علي طريقة التعامل ما بينا عشان نبقا حلوين مع بعض اولا لما تكوني بتتكلمي معي ما تتكلميش معي بالاسلوب ده ثانيا تبطلي طولة لسان ثالثا محدش يعرف بالاتفاق الا ما بيني و ما بينك
حست ميرنا ان هو بيامرها بالكلام ده فربعت ايدها وبصتله بتحدي و كبرياء:و ان اقولتلك اني مش هعمل و لاء حاجة من الا انت قولت عليه دي هتعمل ايه
وقف احمد عدل و بصلها بنظرة خليتها تتوتر مرة تانية
و فجأة شدها احمد من دراعها واقفها و حط ايده علي رقبتها و ايده التانية علي وسطها و باسها فضلت ميرنا واقفة مصدومة مكنتش قادرة تقومه و لا تعمل اي حاجة فضلوا علي الحال ده ثواني لحد ما بعد احمد عن ميرنا و بصلها فكانت لسة مصدومة و بعدين فاقت لما حست انه بعد عنها فضلت ساكتة ثواني و بعدين بعدت عنه
ميرنا بعصبية و كان وشها احمر من الكسوف و الغضب:ايه الا انت عملته ده و ازاي تتجرأ تقرب مني كدة
و رفعت ايدها و كانت هتضربه بالقلم بس كان احمد اسرع و مسك ايدها و لواها وراء ضهرها و شدها نحيته لحد ما خبطت في صدره
احمد بصرامة:قسم بربي يا ميرنا لو مرة تانية عملتي الا عملتيه ده لهكسرك ايدك دي فاهمة
ردت ميرنا بعند رغم خوفها منه و وجع ايديها الا كانت حاسة انها هتتتكسر في ايده
ميرنا بعند:لا مش فاهمة و هعمله تاني لو حاولت تقربلي تاني
و للمرة تانية يصدمها و يبوسها و بعدين همسلها
احمد:رابعا بقا نسيت اقولهالك انك تبطلي العند ده معي
ميرنا بعصبية:ابعد ايدك عني و انا مش هنفذ و لاء كلمة من الا انت قولتها
احمد ببرود:تمام ما تنفذيش بس اعتبري ان الاتفاق الا ما بينا ملغي
ميرنا بغيظ:انت بتمسكني من ايدي الا بتوجعني
احمد بنفس البرود:اعتبريه زي ما تعتبريه ما يفرقش معي و دلوتي القرار في ايدك
ميرنا بغيظ:موافقة
احمد:علي ايه
ميرنا:علي كل الا انت قولته
احمد:و لو في مرة ما نفذتيش حاجة من الا اقولتهالك دي فهعمل زي ما عملت من شوية تمام يا حلوة
ميرنا بغيظ:تمام
وبصوا الاتنين لبعض بتحدي
في الاوضة التانية عند جويرية كانت اعدة بتحاول تهدي نفسها و لما سمعت صوت الباب بيتفتح اخدت نفس عميق و فضلت اعدة مكانها بكل ثقة
دخل يوسف و قفل الباب و اتقدم ناحية جويرية الا حست ان قلبها هيوقف من التوتر بس فضلت اعدة مكانها بنفس الثقة اتقدم يوسف و اقعد علي طرف التربيزة الا اودام الكرسي الا كانت اعدة عليه جويرية و حط جمبه علبة قطيفة من اللون الاحمر و الا كان فيها الشبكة الا نزلت نجوي و معها جويرية و ميرنا و زينات و اختروها اما يوسف فاكتف انه يدفع تمنها بس من غير ما يروح معهم فاخترت جويرية طقم بسيط و جميل و الا كان عبارة عن سلسة رقيقة و خاتم و اسورة و اخترت دبلة بسيطة بس جميلة جدا
اخد يوسف العلبة بهدوء و فتحها و مينكرش ابدا اعجابه بذوق جويرية في اختيار الشبكة فهو اول مرة يشوفها بس خفي اعجابه ده وراء بروده و اخد دبلة و حط العلبة لجويرية ايده بصت جويرية لايده ثواني و بعدين مدت ايديها اليمين بتردد ناحية ايده بس من غير ما تلمسها بص يوسف لايدها اليمين و تجاهلها و مسك ايدها الشمال الا اول ما لمسها حست جويرية برعشة في ايدها و الا حس بيها يوسف كمان بس ما اهتمتش و لبسها الدبلة في ايدها
يوسف ببرود:بيتهيلئ انك مراتي فالحسن انها تكون في ايدك الشمال مش اليمين
هزت جويرية راسها بمعني ماشي و سحبت ايدها من ايده و بعدين اخد يوسف دبلته و لبسها في ايده الشمال و قفل العلبة و اداها لجويرية
يوسف ببرود:عايزةتلبيسها البسيها مش عايزة انت حرة
استغربت جويرية من تصرفه ده شوية بس قالت لنفسها:احسن برده
يوسف ببرود و تحذير:اهم حاجة الدبلة دي ما تتلقعش من ايدك
جويرية بعند و تحدي:و ان اقلعتها ايه الا هيحصل
يوسف ببرود:هقطعلك ايدك دي
اقامت جويرية واقفت
جويرية بعند:و انا ما بتتهددش
اقام يوسف وقف
يوسف ببرود:و انا اقولتلك قبل كدة انا ما بهددش انا بعمل علي طول
جويرية:تمام انت عايزني افضل لبسها و ما اقلعهاش ماشي بس هيجي اليوم الا اقلعها اودمك و مش هتقدر تقول حاجة و اوعدك انه هيبقا قريب
اتقدم يوسف ناحية جويرية فرجعت هي للوراء
يوسف ببرود:و ياتري هتعملي كدة ازاي يا بنت الشرقاوي
جويرية بعند رغم توترها من بروده و هدوءه:هتشوف و اومال تفتكر انا اقولت الشرطين الا قولتهم دول ليه
فضل يوسف بصصلها ببرود و هو بيتقدم و هي بترجع لوراء لحد ما خبطت في حيطة وراها فقرب يوسف منها و حط ايده الاتنين جمبها علي الحيطة فبقت محصورة ما بينه و ما بين الحيطةو بان فرق الطول ما بين يوسف و جويرية فكانت جويرية وصلة لحد كتفه
فضل يوسف يبص لجويرية ببرود و هدوء
و بعدين همسلها ببرود:هو انت فاكرة ان لما اوافق علي شروطك دي يبقا هنفذها
جويرية:يعني ايه
يوسف ببرود:يعني ممكن في اي وقت الغي شروطك دي و ساعتها محدش هيقدر يقولي حاجة لانك مراتي
جويرية بعند و تحدي:و مين هيسمحلك تلغيهم
يوسف ببرود:و مين هيوقف اقصادي
جويرية بكبرياء:انا هقف اقصادك لان مش بسهولة تقدر تعمل معي حاجة انا مش عايزها
يوسف:هايل طيب احب اشوف هتقفي اقصادي ازاي
جويرية:اقصد
ملحقتش تكمل الجملة لان يوسف شدها من وسطها ناحيته فخبطت في صدره العريض فشهقت و حطت ايديها علي كتفه تلقائي و بصت في عنيه اما يوسف اول ما بصيتله و ركز في عنيها مقدرش يقول اي حاجة لانه كان مبهور بلون عنيها الا اول مرة يركز فيها و يشوف انهار الشكولاتة الا فيها فكان لون عنين جويرية لون الشكولاتة الخالص الا اول مرة يوسف يشوف لون عنين باللون الشكولاتة ده ففضل واقف يبصلها من غير و لاء كلمة
اما جويرية فمكنش حالها يختلف عن حال يوسف فهي كمان كانت مركزة في لون عنيه الرصاصي و الا فيه سحر غريب خلاها منجذبة له و مش قادرة تشيل عنيها من عنيه و فضلوا الاتنين واقفين كدة و كأن العالم من حاوليهم وقف في اللحظة دي
مافقوش الاتنين الا علي خبط الباب فبعدوا الاتنين عن بعض فكانت جويرية وشها احمر من الكسوف لما استوعبت الوضع الا كانوا فيه اما يوسف فكان مستغرب من نفسه اوي ليه كان ساكت و مركز في عنيها اوي كدة و ليه كان نفسه اللحظة دي ما تخلصش ابدا بس سيطر علي مشاعره دي بسرعة و رد بهدوء:ادخل
فدخلت نجوي
نجوي:..........
بقلم/امنية اشرف
***********************************
انتهي البارت
مبدايا كدة الا هيضرب بالشباشب يجي كدة و الا هيضرب بالجذم يجي كدة بس براحة عليا عشان انا لسة صغيرة😂😂
ثانيا بقا انا عارفة ان انا اتاخرت جدا في تنزيل البارت ده بس و الله غصب عني لان كان عندي امتحانات شهر و كانت الامور معي ملخبطة شوية و كل اما اجي اكتب تحصل حاجة تعطلني فمتزعلوش مني و ادي بارت طويل اهو تعويضا عن المرة الا فاتت وانشاء الله البارت الجاي هينزل في معاده
و عايزة بقا رايكوا في البارت ده
و تفتكروا دلوتي بعد ما بدا التحدي ما بين احمد و ميرنا من فيهم الا هيكسب
و يوسف بعد ما اتجوز جويرية ياتري هينتقم منها ازاي
دمتم سالمين😍😍