<بسم الله الرحمن الرحيم>
في قصر الصيرفي كانوا الكل اعدين علي الفطار بعد ما يوسف قالهم ان هو مسافر
نجوي:هو انت يا حبيبي ممكن تطول اد ايه في الشغل ده
يوسف ببساطة:يعني شهر او اتنين حسب ما الشغل يخلص
نجوي:ياااه مدة طويلة هتعد كل ده لوحدك
يوسف:عادي هي اول مرة
نجوي:لا بس ممكن المرة دي تاخد جويرية معاك عشان ماتباقش لوحدك و كمان تتعرفوا علي بعض زي ما انتوا عايزين
اما جويرية لما سمعت كلام يوسف ان هو مسافر رفعت عنيها و بصتله فبصلها ببرود غبصتله بالامبالاة و كان الامر ميهمش بس جواها كان العكس فكانت حاسة بحزن ان هو هيسافر و كمان هيسافر مدة طويلة مش هتشوفه فيها هي مكنتش عارفة ايه سبب الاحساس ده فهي المفروض تكون فرحانة ان هو هيسافر بس حصل العكس تماما لكن كل احساسه ده اتحول لصدمة لما سمعت كلام نجوي و الا خلاها مش قادرة تتكلم لثواني هي الا سمعته ده صح هي عايزاها تسافر مع يوسف لوحدهم يعني تبقا معه في مكان واحد لوحدها لا لا مستحيل يحصل و اخيرا قدرت جويرية تتكلم و سبقت يوسف في الرد
جويرية بتوتر و سرعة:لا لا يا ماما خليه يسافر براحته لاني لو سافرت معه هعطله عن شغله بلاش احسن
نجوي باستغراب:تعطليه ازاي مهو هيشتغل براحته انتي بس هتكوني معه عشان مايبقاش لوحده و عشان انتي كمان متفضليش هنا لوحدك هو مش انتوا الاتنين عايزين تفضلوا سوا عشان تتعرفوا علي بعض لما هو بقا يسافر شهر و لاء شهرين هتتعرفوا علي بعض امتي لكن لما تروحي معه هيبقا عندكوا وقت تعملوا الا انتوا عاوزينه و كمان هتكونوا لوحدكوا تعرفوا بعض براحتكوا لان انتوا هنا مش بتعدوا مع بعض ابدا
جويرية بتوتر:لا يا ماما بجد مش هينفع اروح معه عشان يركز في شغله و انا ممكن اسافر اسكندرية عند اهلي لحد ما هو يرجع او لحد ما بابا يخلص شغله و يجوا هنا القاهرة
اما يوسف فكان بيسمع الحوار بصمت و هو مستمتع بتوتر جويرية لما سمعت انها هتروح معه لكن خرج من صمته اول ما سمع كلام جويرية انها تروح عند اهلها
يوسف بحدة:لا
جويرية:هو ايه الا لا
يوسف:لا مفيش سفر عند اهلك
جويرية بغيظ:ليه
يوسف ببرود:عشان انا اقولت لا و اذا كنت هتسافري فهتسافري معي
جويرية:لا مش عايزة
نجوي:ليه يا حبيبتي
جويرية:يا ماما ما انا اقولت لحضرتك عشان ميتعطلش عن شغله
يوسف:اظنك مش هتكوني ادري بشغلي اكتر مني و انا اقولت انك هتيجي معي يبقا اكيد مش هتعطلني
جويرية و هي بتجز علي اسنانها:انت ادري بشغلك بس انا ادري بنفسي ان انا هعطلك لان انا مش بعرف اعد في مكان لوحدي فانت هتضطر تكون معي علي طول و كدة هعطلك
يوسف بخبث و غموض:و مين قال انك هتكوني لوحدك انا مش هسيبك لحظة لوحدك يا حلوة متقلقيش
ضيقت جويرية عنيها و هي بتبص ليوسف و حست بقلق من نبرة صوته و انه بيخطط لحاجة و ان السفرية دي فيها حاجة غلط و مش طبيعية و سؤال اتردد فجأة في دماغها ليه يوسف عايزها تسافر معه بالرغم انه لما يكون معها هنا في مكان واحد بيتجاهل وجودها او بيتخانق معها ليه هياخدها معه
اقطع تفكير جويرية صوت نجوي
نجوي:ايه يا جويرية سكتي ليه اهو يوسف قالك انه مش هيسبك لوحدك اظن كدة معتشي هتعترضي و هتسافري معه
جويرية بسرعة:لا
نجوي:ليه تاني مهو يوسف قالك اهو انك مش هتعطليه
جويرية بتوتر:اصل يعني يعني
فاطمة:يعني ايه يا بنتي ما تقولي
سكتت جويرية ثواني و هي بتفكر في اي حجة تقولهلهم لحد ما فجأة جاءت في بالها فكرة
جويرية بسرعة:اصل يعني كمان افتكرت الكلية و احنا ممكن نتاخر في السفر و انا لازم اجهز نفسي للكلية
يوسف ببرود:كليتك هتبدء بعد شهرين و اكتر يعني هنرجع قبل ما تبدء و انا لو كنت عارف انك هتتعطلي عن كليتك مكنتش هاخدك
غمضت جويرية عنيها بغيظ و بعدين فتحتهم و بصت ليوسف بغضب فهو بيفسد اي حجة تقولها فقبلتها نظرات يوسف الا بيبصلها بتحدي انها تحاول ترفض فردتله نظرة التحدي و اتكلمت بعند و هي بتبصله
جويرية بعند:و انا عايزة افضل هنا و مش عايزة اسافر
اتنهد يوسف بنفاذ صبر فهو عارف انها عنيدة و متمردة و مش هتقتنع بالكلام عشان كدة لازم يقنعها بطريقته بس مش اودام الكل مش خوفا او ضعف منه لكن محدش من عيلته يعرف الا بينه و بين جويرية فهم فاكرين انهم بس مش قادرين يقربوا من بعض لكن ميعرفوش بالخناقات الا ما بينهم دايما و ميعرفوش بالا هو نوي عليه اتجاه جويرية و لاء حتي حقيقة ان جويرية بنت عصام و ده بالنسباله كان احسن لانه مش عايز حد يتدخل ما بينه و ما بين جويرية فقام يوسف و قال للجويرية:طيب تعالي يا حبيبتي عشان عايزك شوية و نشوف كمان انت معترضة ليه
استغربت جويرية من كلمة حبيبتي هي سمعت صح و لاء غلط هو قالها حبيبتي ايوة قالها بس طبعا هي متاكدة انه قالها كدة عشان هم اودام الكل و مش لوحدهم بس رغم كدة اتمنت جواها انه يقولهلها بجد و هي مش عارفة ليه اتمنت كدة بس كان للكلمة دي تآثير غريب عليها اول مرة يحصلها
انتبهت جويرية لايد يوسف الا مسكت ايدها فاخدت بالها انها سكتت لفترة طويلة و مقامتش زي ما قالها فبصت ليوسف فكان بيبصلها بتوعد فكانت هتعترض انها تقوم معه لكن يوسف ضغط علي ايدها و بصلها بنظرة خلتها تسكت عن اي اعتراض كانت هتقوله
يوسف:تعالي يلا
هزت جويرية راسها بمعني حاضر و اقامت معه باستسلام فهي عارفة انه محدش هيقدر ينقذها من ايده لو حاولت تعترض فاخدها يوسف و مشي اما الباقين كانوا كلهم ساكتين لحد ما يوسف و جويرية اختفوا من اودامهم اقطع السكوت ده صوت مرام
مرام:هو يوسف قالها يا حبيبتي و لاء انا غلطانة
نجوي:لا قالها
مرام:و ده من امتي ده
نجوي:من امتي ايه مش مراته ميقولهاش ليه
مرام:اها مراته بس اول مرة اسمعه بيقولها كدة
فاطمة:خلاص بقا انتوا الاتنين ربنا يصلح لهم الحال
YOU ARE READING
ما بين سحر الحب وكبرياء الانسان
Romanceهي تلك العنيدة الشقية التي تعشق الحياة صاحبة القلب الطيب و لكن هذا لا يعني انها ليس لديها عقل خبيث و تصرفات مجنونة و كبرياء لا يليق الا بها وهو ذلك الرجل البارد العملي المعروف بحزمه و قسوته و لكن هذا لا يغير من...
