آســـف جــــــدا

تابع البـ✎ـارت الاخـــ✎ـير

بعد اسبوعين

عنَ مٌاذَا ?
سِأبّوَحُ لُكِ يَاليل
ْعنَ قًلُبّيَ الُمٌوَجْوَْع
ـأمٌ ْعيَنَيَ الُمٌلُيَانَةِ دِمٌوَْع
ــأمٌ رَوَحُيَ الُتْائُهةِ

أمٌ ْعنَ جْرَحُ يَنَزُفَ بّصّمٌتْ

أمٌ صّوَتْ مٌبّحُوَحُ يَنَتْمٌيَ لُكِلُ مٌجْرَوَحُ
ْعنَ ألُمٌ يَذَبّحُ الُرَوَحُ

عن ماذا أبوح لك يا ليل.
💔

سجى " مقعمزه ف الصاله جنبها امها وسناء سرحت شوي وتفكر شن صار معاها اليوم "

كيف طلعت من غرفه المريض شافت حفيده واقف قرب منها وابتسم

زيد" ببتسامه: هلا دكتوره سجى

سجى: اهلين

زيد: كيف حال جدي

سجى: الحمد لله ف تحسن غير لو مايتعبش روحه لان كلما نطلعوه من هنا ترجع حالته للاسوء ضرووري تهتمو بيه

زيد: حاااضر دكتورتنا كلامك اوامر

سجى" حست بغيض من نظراته وابتساماته مشت"

زيد" مشى وقف قدامها : عفواا

سجى: نعم

زيد" بتسامه: ممكن شوي من وقتك

سجى: اعتذر مشغوله

زيد: شوي بس

سجى: خير

زيد: ممكن نتعرفوا اكثر

سجى" انصدمت وقبل ماترد حست بحد وراها لفت وانصدمت"

د فادي" بعصبيه: هنا مستشفى مش حديقه تعارف ولا شن قولتك يا دكتورة سجى

سجى" نزلت عيونها "

زيد: ماتفهمش غلط بس انا

د فادي" بغيض: رجااء احترم المكان يلي انت فيه ولا بيصير شي تندم عليه

زيد" لف وكمل طريقه"

د فادي" قرب منها وهو كاتم غيضه: لامتى اللعب هذا

سجى" بخوف: اي لعب انا مادخلنيش

د فادي" بغيض: شوفي ياسجى امرك ومصيرك ومستقبلك بايدي يا تنفدي كل شي نقوله بالحرف الوااحد وتنتبهي لعملك ودراستك يا اما كل شي بتخسريه

سجى" بخوف: دكتور تربح انا

د فادي" بعصبيه: اخر مرة نشوفك تتكلمي مع حد ف الممر او خارج نطاق العمل ولا قسمااا وعظمااا لما نفصلك من الدراسه والعمل نهائيا " دفها وفات "

سجى" تنهدت بالم وف خاطرها : ياربي من هالمشاكل يلي تجيني والسبب كله من الدكتور فادي

"انتبهت لامها تناديها : نعم

الام: هدا كله تركيز ف القراية ولا شن

سجى: ااا سرحت شوي

الام: قلتلك سحر قالت "رن نقالها استغربت ولفت لسناء: خيرك ترني عليا

سناء" باستغراب: كيف

الام: رقمك

سناء" بربكه: مش قلتلك نقالي راح

سجى: بالك حد لقاه ويبي يرجعه

سناء" قلبها بدا يدق بخووف هدا اكيد عامر يلي يتصل بيها "

الام : الوو ... من؟.. ا ا عامر اهلين يا ولدي

سناء" تحس دقات قلبها طغت ع المكان وشعور ملخبط خووف وشوق وحب و و و انتبهت لامها مادتلها النقال: شن

الام: يبي يكلمك

سناء" خدت النقال ووقفت وطلعت من الدار ومشت لدارها وخشت وصكرت الباب .. بصوت يرجف مع دقات قلبها: الوو

عامر: اهلا

سناء" قربت من السرير وقعمزت عليه ودقاتها تعلى: كيف حالك؟

عامر: بخير انت قلتي لعيالك عن يلي صار بينا

سناء" حست بانكسار داخلها حتى ماسألها كيف حالك"

عامر: نسال فيك قلتي؟

سناء: لا

عامر : تمام ماتقولي لحد

سناء " بالم: علاش مانقولش؟

عامر" بنبره جافه: خليهم ع عماهم بلاش يعرفو بنتهم شن مدايره

سناء" بعبره: مادرت شي ولله خ

عامر" قاطعها بحده: مانبي نسمع شي منك يوم الاثنين جاي غادي وبننهي كل شي

سناء" بشهقه: شن بتنهي عامر اسمعني

عامر" بالم: سمعتك هلبا ومعش نبي نسمع ولااا شي منك نهاااائيا الاثنين نجي ونجيب ورقه طلاقك سلام

سناء" بدموع: عامر عامر " حذفت النقال ع السرير وبدت تبكي خلاص مابقى غير اربع ايام وتنتهي حياتها مع عامر "

::'''''''''''''''''''"

كان سرحان ويفكر حس ايد ع كتفه رجعاته للواقع

عمر" بهدوء: فحصت جرحك خلي نساعدك ترقد ع ظهرك "ساعده بهدوء باش مايتألمش من النومه ع ظهره وغطاه وقعمز جنبه ع الكرسي ويشوفله "

جواد" ببتسامه هاديه: خيرك

عمر" بهدوء: جرحك قريب يبرى

جواد: الحمد لله معش يتعب فيا زي الايام يلي فاتو

عمر: انت مش راضي تاخد حتى المسكن

جواد: شن بيدير المسكن يهدي الوجع ساعه او اثنين ويرجع من جديد خلي هكا افضل ع الاقل نحس بشي ف جسمي

عمر" حس بالم من كلماته : ربك الشافي ومافي شيء صعب عليه

جواد: الحمد لله ع كل حال . عمر

عمر: نعم

جواد: ميار كيف حالها

عمر" تنهد: انت عارف اكيد انها تتصنع ف الابتسامه قدامك

جواد" بحزن: عارف

عمر" وقف: هي محمله روحها مسؤولية يلي يصير فيك تو

جواد: هذا قضاء لله وقدره لا هي السبب ولا حتى يلي ضربني بالرصاصه

عمر: فعلا شيء مكتوب مامنه هروب .. تبي شي تو

جواد: لا

عمر: بالشفاء ان شاء لله "طلع"

جواد" رفع روحه شوي ع السرير وحط ايده ع رجله وضغط عليها ماحس باي شعور رفع راسه لسقف: يااااارب رحمتك بيا يالله " شاف لرجليه بالم: حتى لو كنتي السبب ف يلي يصير فيا تو مستحيييل نلومك ولا نحسسك بهذا الشيء "حط ايده ع قلبه : وانت ياقلب بتقعد المده المحدده وبعدها توقف ولا حتى انت بتخدلني وتوقف قبل وقتك "تنهد: اااه ياااارب ياااارب هونها عليا يالله

"""""""
محمود" كان ماشي شاف عمر مشاله: ها كيف حاله

عمر: جرحه قريب يبرى

محمود: ورجليه

عمر" بحزن: مافيش استجابه

محمود" بعصبيه: وشن يعني اه شننن يعني بيقعد هكا طوول عمره

عمر: الامر بايد لله

محمود" بعصبيه: بايد لله اكيد بس لازم نعرضوه ع دكتور متخصص ولا هكا تسوء حالته

عمر: د يحيى عنده قريبه دكتور متخصص وهو قال بيسأله ويشرحله حاله جواد

محمود: يجيبه هنا شن يسأله من بعيد

عمر: هو ف رومانيا

محمود" بعصبيه: ان شاء لله ف المريخ لازم يشوف جواد ويفحصه

عمر: تو نديرو حل يا يجي يانرفعوله جواد

محمود" بالم: يااارب اشفيه من قادر نتحمل نشوفه ف هالوضع

عمر: يااااارب بنشوف الجرحى سلام "مشى"

محمود" مشى شاف ياسمين مقعمزه و سرحانه قرب منها وهو يختل: بخخخخ

ياسمين" وقفت مخلوعه: يمااااا

محمود: بهااااااااههههههههههههاااااههه

ياسمين" بعصبيه: شن هالبراااااده هذه

محمود: ههههههههه شفتك ههههه سرحا ههه نه قلت ههههه قلت نخلعك ههههه

ياسمين" بعصبيه: شن لعب الفروخ هذااا طيحت قلبي

محمود: هههه دلااااله هههههه تعرفي حتى وانت مخلوعه تهبلي هههه

ياسمين" بغيض: وقح "مشت"

محمود: ههههه مجنونه

سند: وانت مش اعقل منها

محمود" لفله وهو يضحك: هههه عارف

سند: هههه انا يلي مش عارف نقول ربي يديم عراككم ومشاكلكم او ربي يديم محبتكم ههههه

محمود" ابتسم: قول ربي يديمها ليا لين اخر العمر

سند" ببتسامه: اووه يا ع المشاعر الفياضه

محمود: ههههه

سند: شن صار مااعترفت

محمود: اممم لا

سند: هي باين معجبه بيك

محمود" بصدمه: معجبه بس

سند: ههههه تي به غير بان هالشي وانتم 24 ساعه تتقاتلو

محمود: هههه غير قول جد باين عليها

سند: اي

محمود: اووف منها هي ماتعترف ولا اصلا تخليلي فرصه نعبر عن مشاعري

سند: شن رايك تخطبها من جدها اكيد بيوافق حتى لو غصب عنها تزوجها

محمود: مستحيييييل اصلا عارف جدها بيوافق حتى لو هي رفضت

سند: مافيها شي بدات ان البنت واضح عليها تحبك

محمود: لوو حتى نخسرها مانساوي هالحركه

سند: اسمع مني ياصاحب هذا افضل ليك وليها لو قعدت عليها ولله بتخسرها

محمود: لا قلت لا لين هي توافق نخطبها بعدها نخطبها

سند: محمود نتكلم بجد راه معاك اخطبها من جدها وريح راسك بس تكون عندك تو تعترف

محمود: لا بعدين انا عارفها معجبه بيا تو تعترف ف يوم مش طايره مني

سند" بالم ف صوته: بطير زي ماطارت غيرها

محمود: سند خيرك انت مصر ع هالشي

سند" بالم: يقولك اسأل مجرب لا تسأل حكيم سلام "مشى"

محمود: مجرب؟؟؟؟!! شن قصده هو مجرب؟؟؟
"""""""

أظنّني محظوظ ، فَ لدي صديق لآ تمل
من شَكوآي، نجلس سوياً لـ نلعن العآلم،
ثم نضحك
💗

احمد" بهمس وهو حاضنها: انت ارووع شي صار ف حياتي

سدين: عمي احمد

احمد" غمض عيونه وغص شفايفه : قلنا ماتقوليش عمي راه نعصب

سدين: احمد

احمد" ابتسم وتنهد من قلب وفتح عيونه وشافلها : عيووووون احمد

سدين" نزلت راسها وبدت تحرك ف السلسال يلي ع رقبتها : اممم انا مانبيش هنا نعيش

احمد: وين تبي سنفورتي الغالية تعيش

سدين" شافتله: بعييد غادي وين رفعني عمي رمزي وعمتي ميار

احمد: علاش تبي غادي

سدين" بدموع: هنا ضرب وموت ومجروحين انا نخاااف نخاااف

احمد" ضمها لصدره: تخافي وانا جنبك

سدين" بدت تبكي: نخاف عليك انت نخاااف تموت زي بابا وماما وجدي وخوتي ونقعد بروحي

احمد: لا حبيبتي مش مخليك بروحك حتى كان بنموت نقتلك قبلي باه

سدين" بعدت عنه وصرخت: لاااا مانبيش نموت نخاف

احمد: هههههه ياخوانه تو قلتي مانبيش نقعد بروحي

سدين: اي لكن مانبيش نموت قبلك

احمد: ههههه به مع بعض حلوو هكا

سدين: اي

احمد" ابتسم وضم راسها بحب: نحبك

سدين" بهمس: وانا

احمد: انت شن

سدين" بهمس: نحبك

احمد" ضمها وهمس بصوت منخفض: ياترى هالكلمه من قلبك ولا بس تقلدي فيا "غمض عيونه وف خاطره: مانقدر نفكر ان هالطفله جد زوجتي او بتكون زوجتي صح نحبها وتعلقت فيها لكن كأنها بنتي او اختي مش زوجتي اااه يااارب احفظها من كل شر يااااااارب "حس فيها ارتخت فتح عيونه وشافها لقاها راقده ابتسم : نومها بسرعه

جمال" خشله: انت هنا وانا نقلب عليك

احمد" حطها ع الفراش ووقف: خير شن فيه

جمال: جواد يبينا

احمد" بخوف: هو بخير فيه شي

جمال: بخير ما تخافش

احمد: تعال نشوفوه

....

‏أجمل صديق
‏من يصنع لك أبتسامة حين يعلم أنك بحاجتها
🌸

سرحان ويفكر حس بايد قدامه رفع راسه

سند: ساعه وانا انادي وليا هلبه واقف قدامك كله وما انتبهتش

رمزي: خير شن تبي

سند" قعمز جنبه: شن قصتك ليك ايام وانت الا سرحان وخلاص فهمني شن فيك

رمزي: مافي شي بس مشغول ع عمتي وبناتها

سند: برى شوفهم

رمزي: لا مالياش هلبه كنت عندهم

سند: به كلمهم اطمن عنهم

رمزي: اي هو هذا.. انت ماحنيت لعيالك ولا للمدينه

سند: هههه لا

رمزي" بهدوء: الهروب ماينفعكش

سند" وقف : جواد يبينا تعال "جا ماشي وقف ع كلام رمزي"

رمزي: ارجع ورجع كل شي خسرته قبل مايفوت الوقت

سند" كمل طريقه بدون مايرد"

رمزي" وقف ومشى شاف ميار تمشي بسرعه : ميار

ميار" وقفت ولفتله "

رمزي" قرب منها: خيرك تجري

ميار : اا غير جواد قالو يبينا

رمزي: وانا ماشي غادي "مشو محادين بعض وهو كل شوي يشوفلها : ميار

ميار: ها

رمزي: ضعفتي هلبه علاش ماتهتميش بروحك وهاملتيها

ميار: مش هامله روحي

رمزي: لا هاملتيها

ميار: ماعندي وقت نهتم بروحي

رمزي: وشن يلي شاغل بالك

ميار" بهدوء: صحه جواد اهم من روحي كلها

رمزي" شاف القدام وكمل طريقه وهو ساكت خشوا لقوا محمود واقف ويضحك وجواد معصب"

جواد: خزي عليك يابااارد

محمود: ههههه عارف روحي صقع

ميار " قربت منهم : خير شن صاير

محمود: هههه شيء

جواد" بعصبيه: شن شيء كذاااب هذا نبي امية دارلي فيها ملح

ميار" شهقت: ملح

محمود: قلت ضغطه هابط خلي نرقيه

جواد" بغيض: انت تجي قدامي ضغطي يرقى بدون ملح

ميار" كتفت ايديها وشافت لمحمود بغيض: انت خيرك يعني كل يوم مقالب ف جواد امتى بتعقل

محمود: لتو ماطلعلي ضرس العقل شن بندير

جواد: تي انت مش عاقل حتى كان طلعلك تاكم عقل كله للاسف مافيش عقل

الكل: ههههه

محمود: مافيش احلى من الجنووون ف هالوقت

ميار: ربي يعافينا "قربت من جواد: محتاج شيء

جواد: بالله امية ربي يربحك حلقي املح

محمود: ههه تعيش وتاكل غيرها قصدي تشرب غيرها ههههه

ميار" مشت صبت امية ف طاسة وقربت من جواد : تفضل

جواد" كيف بيمد ايده هي قربتها من فمه هو من الصدمه حط ايده ع ايدها وبدا يشرب "

رمزي" بعد عيونه عنهم حس بنار داخله"

جواد" نسى نفسه وهو يشوفلها كيف قريبه منه ودقاته ترتفع"

ميار" بعدت الطاسه وشافتله وهي مبتسمه لقاته قررريب منها بعدت ع طول وتجاهلت تشوف لشباب تخاف يعقدوها بنظراتهم"

جواد" يشوفلها ومابعد عيونه عنها"

محمود" فرحان : احم كح كح

جواد" انتبه وشافله ومحمود غمزله وهو مبتسم انحرج وشاف لشباب لقاهم كلهم يشوفو ف اماكن متفرقه وكانهم مايبوش يعقدوه"

محمود: ها جوجو علاش جمعتنا

جواد" بغيض: لا تسميني جوجو دجاجه ولا قطوس عندك جوجو

محمود: ههههه لا لا اسد شرس هههه

جواد: ربي يهدي وخلاص.. بعدين هكا كسااد جمعتكم

احمد: الشباب يسلمو عليك كلهم

جواد: سلمهم شن اخبارهم

احمد: تمام كلهم ف معسكر نصر واسع وأمن ماحد يقدر يعرفه

جواد: والموقع شن صار فيه

احمد" تنهد: محشدين فيه جنودهم ماحد يقدر يطوله

جواد" تنهد: خدو الموقع يلي دفعنا عليه ارواح وااجده

محمود" بعصيبه: لازم نردوه منهم

احمد: مافيش فايده

سند: علاش؟

احمد: خلاص بدا معروف ومش ف صالحنا ناخدوه منهم

محمود" بعصبيه: تبينا نخلووولهم المكان كله

جواد: للاسف ماعندنا خيار اخر

محمود: كييييف نخلوووهووولهم كيييييف والاسلحه وقبور الشهداء

جواد" بالم: ماواجعني غير ان القبور غادي واحتمال كبير ينبشوهم

محمود" بعصبيه: يمسووهم بس وقسماا بالله مانخلي فيهم راس يشم الهواء

احمد" بحزن: هما عند لله شهداء

محمود: حتى لووو وقسمااا نلقى عفسه بس قريبه من القبر مانخلي فيهم واحد عايش هالكلاااب "حشاكم"

سند: تو الاهم هو السلاح كيف بتخلوه غادي يمكن يعرفوه

جواد: تطمن السلاح مستحيل يعرفوه ولوو قعدو ف الموقع ونبشوه مليون سنه

احمد: بس لازم باي طريقه نطلعوه لاننا بحاجه ليه ف اي وقت

جواد: مستحيييل تخاطرو بحياتكم ع خاطر سلاح

احمد: تطمن مش مخاطرين

جواد: احمد رد بالك ادير شيء بدون علمي

احمد: لا تطمن مش مداير

جواد" بجدية: احمد راني عارفك لما يدور ف راسك شي ولا مخطط لشي رد بالك هاه ادير تهور بدوون علمي

احمد: خيرك انت مش مداير شي

جواد: ولله لو ادير شي ماعاد نكلمك

احمد: اوووف جواد خيرك انت عششت

جواد: لاني عارفك متهور

احمد: مش اكثر منك

جواد: المهم حذرتك ومش تحساب كاني عاجز مانقدر نمنعك حتى لو رجليا مقطوعات لما نمنعك

ميار" لفت وطلعت"

جواد: ميااار وين ماشيه

رمزي" بهدوء: لا عاد تذكر كلمه عاجز قدامها

جواد" بهدوء: قلتها ولا ماقلتهاش هذا الواقع مافيش مهرب منه ولازم هي تتعود ع هالشيء

رمزي: انت عارف انها انثى وقلبها ضعيف بعدين عارف معزتك عندها ف بلاش تعذبها بكلامك

جواد" بجدية: بتتعود ع هالحال بتتعود لانه بيطول

محمود" بعصبيه: معش تفقد املك ف لله ربك الشافي وبايده كل شي حتى انا هالكلمه تهزني كيف بقلب بنت تحبك

جواد" شاف لمحمود بغيض من كلامه : اي انا زي خوها هدا باش خايفه تخسر اخر فرد ف عائلتها

محمود" ببرود: خوها حبيبها المهم عندها مشاعر اتجاهك يا راجل احترم مشاعرها

جواد" تأفف بغيض من حذف دوة محمود"

رمزي: كلام محمود حق مهما كان ميار حساسه

جواد: خلاص توبه معش نعاود كلمه عاجز قدام حد

احمد" بحنية: جواد باذن لله ترجع احسن من قبل وتأكد اننا مانستغنو عنك وعن مشورتك طول ما انت عايش

جواد: اي هذا يلي نبيه

"""""""""""""""

هل سمعتم يوما .. بالحزن الراقي ؟! هو ذاك .. الحزن . الذي يحرق العيون.. دون دموع. يسكن بايسر الصدر لا احد يعلم به . لأن .. صاحبه . لايشكيه .. لايبكيه . بل .. يتعايش معه .. وفيه ..
َ💔

بعد ايام غيرو الشباب مكانهم ومشوا عند نصر وجماعته.. كانوا يبو جواد يمشي للمخيم بس هو رفض وكان مصر يقعد معاهم لانه خايف يتهور وخصوصا محمود يلي دايما يهدد.. وميار كذالك رفضت ترجع للمخيم وتخلي جواد وبدورها ياسمين اصرت تقعد معاهم وتعاون عمر وهالشيء زاد من عصبيه محمود .. واحمد كذالك اصر ان سدين تقعد معاه وف حمايته حتى لو المكان خطر المهم تكون معاه وبقربه هكا يطمن اكثر

....

ف خندق تحت الارض

جواد" يشوفله وهو يحوس ماشي جاي: اووف راه دوخت راسي وانت ماشي جاي خلاص قعمز

محمود" قعمز قريب منه : اووف

جواد: خيرك تتأفف

محمود: هالبلا والمصيبه مش عارف امتى تعقل

جواد: ههه ياسمين من جديد

محمود" بغيض: انا مش عارف علاش لاصقه هنا وماترجعش للمخيم هنا شباب معبيين المكان شن يخليها تقعد هنا

جواد" ابتسم: مرات تبي تكون قريبه منك

محمود: قوول تبي تغيضني بس

جواد: هههه مش احسن تكون جنبك وقدام عينك خير ماتكون ف المخيم وانت هنا وقلبك وتفكيرك عندها

محمود" بعصبيه: كان ارحم من اني نشوفها تحوس وادور بين هالشباب وعيونهم كلهم عليها لاااا وفووق كل هذا اطيبلهم وهما زايطين بتطييبها وغسلها

جواد: هههه خلاص هدي وانت معصب ولله انها لا تغيض فيك الا بالعاني

محمود" بغيض: عاارفها و هذا يلي مجنني .. بس تو يبانلها الليله تكون ف المخيم معاد قاعدتها هنا ليله اخرى

جواد : خليها تتونس مع ميار

محمود: لا تتونس ولا شيء حتى ميار مفروض ترجع غادي هنا خطر عليهم وبعدين عييييب بنات مع شباب هذه وين صارت الحق فينا كبرنا بروسهم ونسايروا فيهم

جواد " بهدوء: صح لازم ترجع حتى ميار افضل ليها

محمود: وميار معنده اكثر منها وانت عااارف لذالك الافضل حتى انت تكون ف المخيم

جواد" بصدمه: شن تقووول

محمود" بهدوء: لصحتك قبل كل شي ياجواد لصحتك وراحتك هنا ماترتاحش و غادي تكون ف راحه وميار اكيد بتهتم بيك

جواد" جا بيتكلم بس قطع كلامه دخول ميار"

ميار" حطت الدبش وقعمزت: اووه عييت شكلهم عجبهم الوضع ولقوا من يغسللهم ويطيب يلي من قداه يشرط علينا ولله تهتكنا انا وياسمين

محمود: قلتلكم ارجعوا للمخيم بس انتم روسكم زي بعض

ميار: انا مانرجعش بدون جواد وعاد هي ادبر راسها

محمود: اي صح ع ذكر جواد راه تو قال خاطره ف عجه

جواد: امتى قلتها؟؟

محمود: تو قلتها شن نسيت

ميار" وقفت وابتسمت: ثواني بس ويلي ف خاطرك تلقاه قدامك "مشت"

جواد: ميار اصبري "لف لمحمود بغيض: انت خيرك ماتشوفش فيها تعبانه

محمود: ههههه عادي جت ف خاطري ومالقيتش غيرها

جواد" بغيض: وعلاش تقلها جواد خاطره فيها

محمود: انت تعرف انها ماترفضلك طلب وحتى لو كانت بتموت

جواد" تأفف: عارف وقول بدات تو وانا ف هالحاله

محمود" وقف وقعمز جنب جواد ع السرير : حاس يلي انا حاسه

جواد: شن حاس

محمود: ميار بدت قريبه منك وااجد وتحسها تعلقت بيك اكثر

جواد" شاف لرجليه : اكيد لاني مشلول ومحتاج من يعانيني

محمود: وعلاش ماتقولش لانها خايفه تخسرك بدات انك مرتين كنت شبه ميت وعلاش ماتقولش انها اخيرا حست بحبها ليك

جواد: مستحيل ميار ماتحبني الا كأخ لها

محمود: جواد ياصاحب فرصتك تو اعترفلها بحبك ولله هي تبادلك الشعور يمكن ماتفهم احساسها كويس وتحساب انه حب اخوة بعدين ولله بتوافق عليك لو طلبت الزواج منها بدون اي تردد

جواد" بهزوة: اي بتوافق لاني محتاجها

محمود: المهم تكون معاك حتى لو شفقه عليك مع انه ميار تحبك مش تتصنع هالاحساس عيش باقي عمرك معاها

جواد" ابتسم بالم: ماعاد ينفع لو عشت مليون سنه حتى لو اعترفت بحبها ليا انا مانقدر نتزوجها بديت رجل عاجز

محمود" بعصبيه: كم مرة قلت هالكلمه لا تكررهااا

جواد" ببتسامه: لو ماكررتها فاكيد تفكيركم يكررها دايما

محمود" وقف بغيض: مافيش فايده منك

جواد: تعال جاي والعجه

محمود" وهو ماشي باتجاه الباب: كولها انت "طلع"

جواد" تنهد : لازم نخليها تبعد عني لاااازم هكا بتنضر اكثر

"""""""""""""
سناء" كل شوي وتشوف لساعه يوم كامل وهي مثوثره وتدعي يصير شي ومايطلقها عامر"

سجى: ياهووو خيرك اليوم

سناء" انتبهت: ها شن

سجى" وقفت ومشت قعمزت جنبها: سناء احكي شن صاير بينك وبين عامر

سناء: مش صاير شيء

سجى: لا صاير شي معقول عروس يحذفك هنا ومايسأل عنك

سناء: قلتلكم هو مسافر

سجى: ع من تكذبي مسافر وهو هداك اليوم متصل برقمك يعني هنا .. شن صاير

سناء: قلتلك ولا شي

سجى: كذابه

سناء"وقفت معصبه: اوووف خيركم انتم بعدين هده حياتنا واحنا حرين فيها مافيش داعي تعرفو شي

سجى: ع الاقل ريحي امك وقوليلها ولله الا ديما تفكر فيك وشاغلتيها وماعرفت شن صايرلك

سناء" جت طالعه"

سجى" وقفت وشدت ايدها بعصبيه: قوولي شن صاير

سناء" بعدتها ببرود: اليوم بيطلقني وانتهى هذا يلي تبو تعرفوه خلاص هاهو عرفتو

سجى" شهقت: بيطلقك ؟ علاااش

سناء" ابتسمت بالم وكملت طريقها"

سجى" مصدومه: طلاق مرة وحده ؟ كييف وهما بس عاشو مع بعض اسبووع !!

::::::::::::::::::::::

محمود" طلع شاف الشباب مجتمعين قرب منهم: خير شن صاير

معاذ: لامتى بنقعدو هكا لامتى

محمود: ع شن قصدك

ياسر: جواد جريح واحنا كأننا لاجئين هنا والموقع خدوه والدخيره قريب اتم

محمد: شوف يامحمود لازم نرجعو الموقع باي تمن

عبدالرحمن: لكن احمد قال مافيش فائده لو رجعناه بعد عرفو مكانه

معاذ" بعصبيه: والسلاح نخلوهولهم وماتنسوش قبور الشباب غادي

ياسر: محمود شور علينا لله يربحك ولله مش طايق روحي وانا هنا ماساوينا شي

محمود" تنهد: تي انا يلي كاسر ظهري ضربت جواد ولله خلتني مشلوول عن التفكير

معاذ: انت فكر وشور علينا

محمد: واحنا معاك للموووت

محمود: خليكم جاهزين باذن لله يصير يلي يرضيكم "شاف ياسمين واقف ع نصر جننن جنووونه ومشى طيران عندهم"

ياسمين" ببتسامه: خلاص اتفقنا

محمود" بعصبيه: ع شن اتفقتوااا

ياسمين" لفتله ببرود: ماليكش دخل

محمود" شد ايدها ولواهالها: كم مرة قلت حسني اسلوووبك

ياسمين" صرخت بالم: اااه

محمود" بعصبيه: ع شن اتفقتووا

نصر: هدي روحك محمود ع وقت الغداء قلتلها الساعه 3 افضل وقت

محمود" دفها بعصبيه: اخر مرة نشوفكم واقفين ع بعض

ياسمين" شدت ايدها بالم وشافتله بغيض: انت خيرك همجي

محمود" كاتم غيضه: انت لازم ترجعي للمخيم قبل ماننحرك بايدي

ياسمين: مش ع كيفك

محمود" بغيض: ع كيفي ولا تو تشوفي شن بندير

ياسمين: انت يلي تو تشوف يلي بنديره

محمود: وشن بديري تره

ياسمين " ببتسامه خبيثه: تو تشوف يامحمود يلي بنديره تو تشووفه "مشت"

محمود" بعصبيه: ولله اديري شي يعصبني ماراحمك حد من ايدي "شاف وراه مالقاش نصر عصب: وانت حسابك بعدين اااخ لازم نبعدها عن هالمكان لاااازم

.......

وأحـتَـاج لـ شـيء قـَديٓـم ، لـ أشـَخـاص قـدامـى ولـ سـعَـادة قـديـمّـة .
ولـ راحـَتـي الـقـَديـمـة وأشـيـَاء يـسـتحـيل إعـَادتـهـا .

مقعمز فوق الجبل وسرحاان وهو يشوف لبعيد

" بضحكه: انتي لصقه اصلاا الواحد يفرح كان افتك منك

بزعل: خزي عليك

سند: ههههه وانت تصدقي طول نبصر

ترنيم" بضيق: سند قول ولله ماتكرهني

سند: هههه تي مجنونه انت علاش بنكرهك

ترنيم: عارفه روحي لصقه وبارده وممله وعارفه 24 ساعه مدرهتلك كبدك لكن انت عارف ماعندي حد قريب من عمري غيرك حتى صاحبات ماعندي ولا بنت قريبتي ف عمري كلهم ياكبار ومتزوجات ياصغيرات

سند : هههه ياولله حاله علاش هالاسطوانه يلي تكرري فيها كم مرة قلت انك حاجه حلوة ف حياتي اصلا بروحي ماعندي حد شوفت عينك يعني ف الهوااا سواااا هههههه

ترنيم: قولي وعد ماتكرهني ف يوم

سند" ببتسامه: وعد نحبك طووول العمر

ترنيم" بصدمه: سند شن تقول

سند" بهمس : نحبك ترنيم نحبك نعشقت

ترنيم" بربكه: صوت واحد من خوتي سلام "قفلت الخط"

سند" رجع لواقعه وحذف رشاده وتنهد بالم : مش بس كرهتك وكرهت عمري يلي فوته معاك بس وعدي اني نحبك طول العمر هذا لازم نتخلص منه لانه احيانا القلب يحن لك ياترنيم يحن لك وينبض شوووق لك

" صوت وراه: ياهوووو ساعه وانا ندور عليك

سند" لفله : خير

رمزي" قعمز جنبه : مافي شي انشغلت لما ماشفتكش

سند: هههه ماعندي وين نطير قعد هنا وين بنمشي

رمزي : يعني مثلا تمشي للمدينه

سند: ماعندي ماندير غادي

رمزي: كيف ماعندك ما ادير عندك برى ورجع كل شي

سند: ماعندي مانرجع

رمزي" بعصبيه: سند انت هكا راه تعذب ف نفسك اكثر انا لتو ساكت عنك راه بجد بيجي يوم ننهضك من بوشتك ونحطك غادي غصب

سند" وقف: اوووف انت خيرك اه باش تفهم غادي مش راااااجع وشي تاني خليك ف حالك وحل مشاكلك قبل بعدين تعال انصحني "مشى"

رمزي: مافيش فائده راسه مصكر اوووف وانا شن اندير ل راس لمصكر يلي عندها شن انديييره

'''''''''''''''

سناء" شاده هدية عامر وتشوفلها سمعت اصوات البرى طنشت وهي تفكر شافت لساعه: غريب قال بنجي خيره عطل ؟
ههههه شن نستنى ف طلاقي ونهايتي ولا شن هههههه "بدت تبكي: ياااارب مايطلعني ياااااارب "فزت لما انفتح الباب بقوة :خير

سجى" بخوف: عاامر ياسناء

سناء" وقفت بالم: خيرك مخلوعه عادي طلقني مافيها شي

سجى" تبكي: لاا اتصل بينا واحد قال ف المستشفى دار حادث وحالته خطيره

سناء" من الصدمه طيحت المنظر ف ايدها وطاااحت معش تدري ع شي"

سجى" بخوف: سناااء "مشت تجريلها ونهضتها: يمااااا

""""""""""

ﺃَﻧْﺖَ ﺟُﺰﺀ ﻣُﻦ ﻋَﻘْﻠﻲ ﻭَ ﺳَﻌﺂﺍﺩَﺗﻲ ﻭَ ﺧَﻮﻓﻲ ﻭَ ﺳَﻬَﺮﻱ ﻭ َ ﺩُﻋﺎﺋﻲ ْ ،
ﻓﺎﻟﺬّﻱ ﻓﻲْ ﺻﺪْﺭﻱ ﻟﻴﺲَ ﻗﻠﺐ ؛ ﺇﻧّﻤﺎ ﺃﻧﺖ
💖

احمد" واقف ورا سدين وشاد ايدها يلي شاده المسدس : شوفي سنفورتي هكا لازم تشديه وترفعي هذه "دار زر الاستعداد: بعدها تطلقي "طلق رصاصه وهي خافت حذفت المسدس: هههه نسيت مانبهتكش اني بنفرغ

سدين" تبكي وشاده ف صدره"

احمد" ضمها وهو يضحك: بس يالدلاله

محمود: لا تنسى راكم مباشره

احمد" بعد عن سدين وشاف لمحمود بغيض: ولا تنسى ان الكل مش عقولهم خاربه زيك

محمود: هههه ولا تنسى ان مش الكل يعرفو يلي نعرفه "غمزله"

احمد" شافله بغيض ورجع شاف لسدين ومسح ع راسها: بس سدووو خلاص ماصار شي

محمود: مش عيب عليك طفله تعلم فيها ف السلاح راه مزال صغيره

احمد: نبيها تتعلم وهي صغيره باش تكون قوية وادافع ع روحها

محمود: ماعندها ما ادافع عليه

احمد" عصب وفار الدم ف راسه بعد سدين ووقف وقرب من محمود وضربه بكس ع بطنه "

محمود" طاح وهو يتوجه : اا خيرك

احمد" قرب منه وجا فوقه وشده وضربه مرة اخرى : حقييييييير

محمود" يدف ف احمد: تي حووول عني

احمد" نهضه ودفه بقوة لين ضرب راسه ع الوطا : ولله موتك ع ايدي

الشباب جو يحزو فيهم بس ماحد قدر يهدي احمد الثاير جو سند ورمزي يحزو بس ماقدرو يهدوهم

جواد " يسمع ف الاصوات برى : شن فيه زعمه

ميار" مقعمزه : مش عارفه تو نشوف

جمال" خش: جواد زود محمود واحمد بيدبحو بعض

جواد" بصدمه: علاش شن صاير

جمال: ولله مانعرف

ميار: تو نشوفهم "طلعت وطلع جمال"

جواد " تنهد بالم: وانا ف هالحاله وين بنطولهم

..
رمزي" شد احمد : خلاص هدي

احمد" بعصبيه حاده: اطلللقني يارمزي اطلللللقني خلي نقص لسانه

محمود" شاده سند وينتهد بقوة: انت خيرك انا ماقلت شي

احمد" وهو كاتم غيضه: ماقلت شي كل هذا وماقلت شييء

معاذ: احمد هدي خلاص وفهمونا شن القصه

ميار" جتهم: خير شن صاير

رمزي" بعد عن احمد وقرب منها بغيض: مجمع شباااب انت شن جابك هناا

ميار" طنشاته: احمد شن صاير

رمزي" شد ايدها وبعدها بعييد بغيض: انت باش تفهمي مجمع شباب انت شن دخلك بينهم

ميار" بعدت ايده بغيض: انت ماليكش دخل بيا بعدين احمد ومحمود يلي هاميني مش حد غيرهم

رمزي" بعصبيه : مياار لا تستفزيني اخر مرة نشوفك هنا انت مكانك الداااخل ولا الاحسن ترجعي للمخيم

ميار: مش راجعه الا وجواد قبلي "بعدت عنه ومشت"

رمزي" بغيض: جوااد جواااد اااخ منك

محمود" بعصبيه: انا ماقصدي يلي ف راسك راه

احمد" بعصبيه وهو يبعد ف معاذ وياسر يلي شادينه: لاااا قاااصدهااا خلوووني نقتله حووولوووو

سدين" تبكي بقوة: ااااا

احمد" سمعها ولفلها بخوف: سدين ماتبكيش

سدين" تبكي : اااااااا

احمد: حولوو "طلقوه الشباب مشالها وحط ايديه ع اكتافها وبعد ايديها من عيونها : خلاص اسسس

سدين: نبي المخيم نابيش هنا ااااا

احمد" بحنان: خلاص سنفورتي نرفعك غادي

سدين" تبكي: معش تضرب عمي محمود نكره يلي يضرب

احمد" تنهد: خلاص مش ضاربه انت تو بري لعمتك ياسمين تعطيك شي تاكليه

سدين" مسحت دموعها: به "مشت"

احمد" وقف ولف لمحمود بغيض: قسم بالله مانجاك مني غيرهاا

محمود" بعصبيته: نبي نعرف شن هو يلي ضااااايقك مني

احمد" بعصبيه: داير روحك مش عااارف

سند: خلااص عااااد فكونا

محمد"جاهم : شباب يبيكم جواد

..............

ميار" خشت معصبه : مش عارفه لامتى هالتحكم

ياسمين" بهزوة: لين نندفنوا تحت التراب

ميار" بعصبيه: ماليهش حق يدخل فيااا

ياسمين" بهزوة: يدخل ف كل شي للاسف حتى الهواء قريب يقول لا تشميه

ميار: اوووف ولله انا ملييييت لازم نرتاح من هالشي

ياسمين: ماحد كثري مل من هالحاله ولازم نرتااح منه

ميار" لفتلها: محمود يحبك

ياسمين" بهزوة: ورمزي يحبك

ميار" تنهدت: يحبني بس يخنقني بغيرته

ياسمين" قربت منها: وعلاش ماتقوليش يحبني بس انا نحب غيره

ميار: انا مانحبش غيره

ياسمين: وجوااد

ميار" بربكه: مانحباش

ياسمين: هههههههههه هههههههه

ميار: خيرك تضحكي بالحق نحكي انا مانحبش جواد

ياسمين" بهزوة : بلاش كذب راك مفضوووحه وخصوصا تو اهتمامك بجواد يقول انك تموتي فيه

ميار: اايه عااد كم مرة قلت جواد خوويا خوويا نحبه زي خوي وبسس

ياسمين: اي ع راحتك كان ماتبي تعترفي بس نصيحه مني "قربت منها بهمس : خلك صادقه مع نفسك واعرفي من تحبي اكثر "بعدت عنها ومشت بتطلع"

ميار: وانت اعترفي بينك وبين نفسك ع الاقل انك تحبي محمود

ياسمين" ابتسمت بهزوة وطلعت"

ميار" قعمزت تفكر : علاش كلللهم مصرين اني نحب جواد انا مانحبش غير رمزي اما جواد " بهمس: خوي حتى لو يحبني هو ... انا نعتبره اخ لا غير

""""""

جواد" يشوفلهم بغيض وهما امنزلين روسهم: اظن عيب يلي صار بينكم

محمود" شافله: ولله انا ماندري عليه هو البادي

احمد" بعصبيه: ع اسااااس ماقلت شي يعصب

محمود" بغيض: اي ماقلت انت فكرت غلط

احمد: ولله

جواد" بعصبيه: خلاااص عاااد شن قلت انا

محمود: انا نعتذر واسسسف وسامحني مع انك الغاالط

احمد" بغيض: كلمه قوية يلي قلتها وماتنتسى

جواد: فهمووني شن يلي صااار

محمود" نزل راسه: هذا شفته يدرب ف سدين قلتله لاش ادرب فيها وهي صغيره قال باش تحمي روحها قلتلها من مني وهو عصب

احمد" بعصبيه حااده: قلت ماعندها ما ادافع عليه وتبيني نسكت ولله دبحك حلاال

محمود: انت فهمت غلط مش قصدي يلي فهمته

احمد" بعصبيه: شن قصدك اه

محمود: ولله ماقصدي بيها يلي فهمته كل قصدي انها صغيره ف العمر وماعندها قوة ولا جهد ادافع عن نفسها

احمد: لفق لفق

محمود" بعصبيه: لا تحساب اني بالوقاحه والحقارة هده لين نقصد بيها سمعتها وانت عااارف لوو ماتقدم سند الاول وخطبها لكنت سبقتك

احمد" بعصبيه: سديييين خط احمر يلي يجيب سيرتها ولا يدخل فيها ولله لما نعدمه عن الوجوووود ولله

جواد: احمد خلاص سوء فهم صار مافيش داعي للعصبيه

احمد" تنهد: السموحه منكم لكن ورب العزه فار دمي لما سمعت كلمته

محمود: ولله ماقصدي شي ولله

احمد" تنهد: ماعليش انا هالنقطه بالذات نبي ننساها معش نبي نذكرها كلياا يلي صار فيها زمان مش شوي

جواد: معاك حق يا احمد وربي يعينها هي لو تعرف

احمد" بعصبيه: ماحد يقلهاا ولله يلي يدكر حرف يعرف انه اخر يوم ليه

جواد" تأفف: من جاب سيره ان بنقولولها بعدين طفله شن تفهم هي نحكي مستقبلا الا ماتعرف

احمد: مش رح تعرف ابدا ونعرف نتصرف انا

جواد: وزواجك منها امتى تبي تخليها تعرفه

احمد" تنهد: مش وقته تو لما تكبر تو تعرف بس ااخ امتى تكبر

محمود: اممم لهذه الدرجه متشوق لما تكبر وتقلها

جواد: هههه

احمد" عصصصب وحذف المخده عليه: تااافه

محمود" شدها وهو يضحك : ههههههه

جواد: هههههه "شد قلبه وبدا يكح بقوة: ككح كحححح كححححح

محمود واحمد قربو منه بخوف
محمود: بسم لله جواد شن صابك

جواد" شد قلبه ووقف من الكح وحاس نفسه بينقطع"

احمد" بخوف: جواد جواااد

محمود" بخوف: جواااااد

احمد" وقف : بنادي الدكتور يحيى "طلع بسرعه"

محمود" دمعوا عيونه : جواد بسم لله جوااااد

جواد" يتنفس بصعوبه وشاد ايد محمود"

محمود" خاف اكثر "بصراخ : احمممممممد عمررررررررررر

""""""

بعد ساعات

فتح عيونه ببطيء شافها قدامه والدموع ف عيونها ابتسم بتعب لها ومد ايده ومسح دموعها وهي شدت ايده وباستها وزاد بكاها حط ايده ع راسها وقربها من صدره خلاها تبكي اكثر همس لها : سامحيني "بعدت عنه ومسحت دموعها وابتسمت وهو ابتسم وهمس: سامحيني سوسو

سناء" بعبره: انت سامحني ع كل شي لكن ولله ماخنتك لما تزوجنا ولله

عامر" بتعب: خلاص انسي

سناء" تبكي: ولله ماعندي نقال ولا كلمت حد

عامر" حط ايده ع فمها: اسس لا تبرري انا اسف صار سوء فهم

سناء" مسحت دموعها وبعدت ايده عن فمها: المهم سامحتني

عامر" بحنان: سامحتك واعتذر منك لاني شكيت فيك خالتي كانت تحكي وقالت كلمتني سناء انا فاااار الدم ف راسي قلت كيف تكلم والنقال عندي

سناء" بصدمه: انا ولا مرة  كلمت خالتك

عامر" ابتسم: عارف هي ماتزبط اسماءكم كويس سامحيني تو كيف عرفت لانها كانت تكلم فيا وقالت سناء اخت زوجتك كلمتني وانا سألتها من تقصد يلي كلمتها قالت سناء اخت زوجتك وهكا عرفت انها غالطه ف الاسم ومن الصدمه ماركزت و درت حادت

سناء: الف سلامه عليك

عامر: لله يسلمك ياااارب

سناء: الدكتور قال بس تنوض يفحصك ويديرلك خروج لان الحمد لله الحادث مش قوي

عامر: الحمد لله

سناء " وقفت: نمشي اناديه

عامر" شدها "

سناء" شافتله"

عامر" بهمس: نحبك

سناء" ابتسمت بخجل وبعدت ايده مشت طلعت"

"""""""""

الكل واقفين برى ويستنوا

محمود: اوووف عطل وهو الداخل

احمد : هدي بادن لله يكون بخير

محمود: يااارب سترك ياااارب

رمزي: ياااارب

طلع الدكتور يحيى والكل قربو منه

محمود: ها طمنا كيف حاله

د يحيى: تمام بخير

احمد : به شن سبب يلي صارله

د يحيى: بسبب الجرح

محمود: هذه مش اول مرة يوجعه قلبه قول الصدق شن فيه

د يحيى: مافي شي قلتلك مرة برده ع قلبه بعدين لا تنسو هو مجروح  وتعب عليه سوى العصبيه ولا حتى الضحك

محمود" شد الدكتور يحيى وبعده عن الشباب : قول الصدق شن فيه وانا مانقول لحد

د يحيى: مافي شيء قلتلك

محمود: مش مصدقك

د يحيى: ع راحتك واسأل جواد كان مش مصدق

محمود" بغيض: ماقلت انت بيقول جوااد "مشى وخش "

جواد: مافيا شي شرقه من الضحك

محمود" كتف ايديه بغيض: هفف هفف علينا انت ودكتورك بس بيجي يوم نعرف من شن قلبك ديما يوجع فيك

جواد" بتأفف: مافي شي قلتها كم مرة مجرد لحمه جاية ع قلبي

محمود: انت تقول لحمه ودكتورك يقول برده ايهم الاصح

جواد: برده ولحمه شن ماتجيش

محمود:مش مصدق

جواد: تفاوللي بمرض ولا شن انت

محمود: بعيد السو عنك انا خايف يكون عندك مرض وماتقلي

جواد: تطمن ماعندي شي

محمود: ان شااء لله

احمد: تو خلوه يرتاح وتعالو ندربو المجموعه الجديده

......

بعد ايام💗

‏يكسّرون فيك ألف خاطر ويقولون لك إنت متغيّر علينا
💔

ليلا

جواد" بعصبيه حاااااده : كيييييييف كييييف خليتوووهم يطلعووووا بدووون علمكم كييييييف

عبد المعين" بخوف: ولله ماشفناهم

جواد" بعصبيه: عمييي عمييي انتم ماتشووفووش ولا تنتبهووووو

نصر: وسع بالك ياجواد

جواد" بعصبيه: كييف نوووسع بااالي كييييييف وهما ف خطر كييييف

جمال" بخوف: انا ولله لما سمعت كلامهم جيت بنقلك بس هما شافوني وربطوني وحذفوني بعيد

رمزي: لوو بالصدفه مارقيت فوق وانتبهت لحد محذوف بعيد كان ماعرفنا لين رجعوا

جواد" بعصبيه: وشن الفاايده عرفتووو ولتووو ماتحركتوو .. علي

علي: نعم

جواد" بعصبيه: ينعم عليك شن واقف ومكتف ايديك جمع الشباب والحقووهم بسرررعه

علي : مافيش فايده ليهم اكثر من ساعه طالعين تو وصلو غادي

جواد" بعصبيه: حتى كان طالعين من عشر ساعات لاااازم تلحقووووهم لاااازم

نصر: جواد مافيش فايده نلحقوهم ولا لا الشباب اكيد مخططين لكل شي مستحيل بيخاطرو بحياتهم هكا

جواد" بحده: اااااااخ اااااخ منهم ولله كنت عااارف ولله كنت عااااارف بيتهووورووو ولله ااااخ يستغفلووووني اناااا يستغفلوووووني ويطلعووو بدووون شوري ولا عجزت خلااااص حتى المشاوره مستخصرينها فياااا ااااااااخ محموووووووووود احممممممممد ولله لما نوريكم ولله

جمال" بخوف: هدي يالقناص هدي مش باه لصحتك

جواد " بعصبيه حاده : صحتيييي لووو مهتمين بصحتي ماكانوا دارو شي بدوووون علمي ماكااانو طلعو بدووون شوري " حذف البطانية وحاول ينزل"

نصر" قرب منه بخوف: جواد لا

جواد" دفه: حووووول "وقف وطلق ايده من السرير طاح بسرعه وظهره ضرب السرير صرخ بوجع: ااااااااخ

الكل جوه يجرو بسرعه ووقفوه وهو يأن من الوجع

ميار" كيف خاشه وشاده طاسه امية شافاته شهقت وطيحت الطاسه وقربت منه وهما حطوه ع السرير وهو يتوجع .. بخوف: جوااااااد جواااااد " لفاته شوي وشافت ظهره دم صرخت: عمررررر نادووو عمرررر "شافت لجواد كيف يأن بدت تبكي: جواد علاش هكا درت جوااااد

جواد" يأن بوجع: اه ااه

''''''''

الشباب منبطحين قريب من الموقع

معاذ" بهمس: منتشرين ف كل مكان

احمد: وجهه اليمين

ياسر: فيها عدد بسيط

محمود: شن ف راسك قول

احمد: فيه باب سري من جهه اليمين فيه سرداب طويل يدخل للموقع

محمود" بفرح : مليح بكل هيا نمشو

احمد: اصبر انا مانعرفش الباب بالزبط

محمود" بعصبيه: كييف ماتعرفش

احمد: اسسسس يسمعونا مانعرفش لان مرة حسان سمعته يقول فيه باب وماخطرش ف بالي نساله وينه ولا وين يفتح

سند: به شن انديرو تو

احمد: نمشو غادي وندورو ع باب ندكر قال بحداه شعاله

محمود" بغيض: فيه شعال واجد انت مفروض عرفت وينه

احمد: ماخطر ف بالي ان نحتاجوه

سند: مش وقت المناقشات لازم نتحركو

احمد: هو بعيد عن الموقع بحوالي 4 ك/م
لكن لازم ننتبهو كويس "تحركو الشباب لجهه اليمين وكانوا يحتمو بالرشاد والسدر باش ماينتبهوش عليهم المستعمرين مشو لجهه اليمين وبدو يدورو ع الباب السري يلي يوصل للموقع
ومعاذ خلوه يراقب ف تحركات المستعمرين

"""""""""""

عمر" غطاه وتنهد: علاش درت هكا خليك جرحك ينفتح بعد مابرى

ميار" تبكي: جواد خيرك هكا هامل روحك

رمزي: الشباب بيكونو بخير تطمن

جواد" بهدوء: اطلعوا

ميار" بصدمه: نطلعوا ؟

عمر" وقف: خلوه يرتاح

ميار" وقفت بحزن ع حال جواد ومشو بيطلعوا"

جواد: عمر

عمر" لفله: نعم

جواد: نبي سياره وحد يكون فاضي

ميار" بصدمه: بتلحقهم؟

................

محمود" بعصبيه: ويين تو بنلقووه لينا نص ساعه واحنا ندورو

احمد" حط ايده ع راسه: اووف مش عارف

معاذ" بصراخ: شباااب انتبهووو

الكل لفوله وهو جاي يجري

سند: خير شن صاير

معاذ" وصل وهو ينتهد بتعب: فيه دورية من المستعمرين

احمد: شباب لازم ننسحبو

محمود: مستحيييل بعد وصلنا هنا ننسحبوا

سند: مدام فيه دورية اكيد بيشوفونا

محمود: انتم برو وانا تو ندرق عنهم لين يمشو

احمد" بغيض: مش وقت شجاعتك

محمود" وهو ماشي: مش متحرك لين نلقاه البااا "عثر ف شيء وطاح "

احمد" قرب منه: بسم لله خيرك

محمود" شد رجله : ااح مش عارف شي عثرني

احمد" ضوى بنقاله مكان رجل محمود شاف حديده مزروعه ف الوطاء قرب ولمسحها"

سند: خير شن طلع

احمد" ابتسم: الباب

محمود" لف ولمس الوطا: هنا متأكد

احمد: اي

معاذ: شباب الضي امتع المستعمرين قرب منا

ياسر: بسرعه افتحو الباب

احمد: تعالو ساعدوني نقلعو التراب من عليه
"قلعوا التراب وفتحوه ودخلو فيه ونزلو من الدروج لقو الممر ضاوي "

سند: ماشاء لله وااسع وضاوي

احمد: جدودنا ساووه والشباب دايما يصينو فيه

محمود: به تو هو ماشي مستقيم ولا كيف

احمد: مش عارف نمشو لوين مايودينا الممر

" مشو لنهاية الممر لقو سلوم وفيه فتحه فوق

ياسر: من بيرقى يشوف

محمود: انا تو نشوف

احمد: رد بالك مرات تفتح تلقاهم ف وجهك

محمود: به "رقى من السلوم وفتح الباب بهدوء ودار صوت الكل خافو ومحمود غمض عيونه ويدعي ان ربي ينجيهم لين يتمو مهمتهم .. قعد فترة بعدها فتحه بالقوية متجاهل صوته القوي واستنى شوي بعدها رقى وشاف "

احمد: ها وين يفتح

محمود: ف ممر يلي جنب مخزن السلاح

احمد: ممتااااز

سند: هيا نرقو

احمد: محمد وياسر خليكم هنا احنا نمدولكم السلاح وانت يامعاذ خليك فوق راقي ف السلوم

معاذ: حاضر

محمود" رقى: هيا

رقو واحمد فتح المكان السري لسلاح

سند: محمود وين ماشي

محمود: لازم نتأكدو ان مافي حد قدام الباب " فتح الباب شاف ف الممر التاني ولقو فيه جنود
محمود" تقدم بشوي لين وصل للجندي الواقف وضربه ع راسه بالكلاش طاح ولف الجندي التاني وع طول سند ضربه من بطنه وطاح وضربه من راسه وكروهم لنهاية الممر وربطوهم ودخلوهم للمستودع امتع الاسلحه "

احمد "رافع السلاح: مافيش غيرهم

سند: اي

محمود" بعصبيه وهو يشوف للمخزن امتع السلاح : مافيش ولا سلاح الكلاب خدو كل الاسلحه

احمد: المهم يلي مدسوس ماحد يقربه هيا

وبدا يطلعو ف الاسلحه ويمدو لمعاذ وهو يمد لياسر ومحمد قعدو ينقلو ف الاسلحه وصناديق الرصاص والقنابل ويحاولو مايديرو ضجه باش ماحد ينتبه

معاذ: شن مازال

محمود: صندوق واحد بس

احمد: اسس ف حركه

محمود" مشى بسرعه وادرق ورا الباب واحمد وسند ادرقو ورى الدولاب بعد ماصكرو باب السري و امتع السلاح .. فتح الباب وخش جندي شاف يمينه وكيف بيلف ع يسار تجيه ضربه ع راسه من محمود كره الداخل وصكر الباب ولف لشباب : بسرعه

احمد" مشى بسرعه ونهض الصندوق مع سند وعطوه لمعاذ .. لف لمحمود وانصدم: شن اديير؟

محمود" يسلب ف لبسه الجندي: نبي نلبس لبسته

احمد" قرب منه : علاش

محمود" لفله وابتسم بخبث ورفع ايده"

احمد" شهق: بتفجر

محمود" بحقد: ورب الكون كان نلقى نفجر المكان كله ومانخليهم تانية فيه

احمد: بلا تهور تو مرات يشدوك

محمود" بدا يلبس ف السورية : تطمن مش صاير شي

احمد" لف لسند: ساعد الشباب ف نقل السلاح لسيارات

محمود: وانت ساعدهم

احمد: مش مخليك بروحك

محمود" حط ايده ع كتف احمد بجدية تامه: واحد يموت افضل من اثنين لا تنسى انت اساسي عند الشباب لا تعرض حياتك للخطر

احمد" بغيض: شن تقوول انت

محمود" بعد عنه: لا تخاف وخليك هنا ثواني ونرجع " كمل لبسه وفتح الباب وطلع"

سند: علاش خليته

احمد: محمود احرف من جواد ف التهور والعناد واكيد راسم خطه كويسه وبادن لله مايصيبه شي
محمود" طلع وهو شاد السلاح والقنبلتين نوعهم (رمانه) حاطهم ف جيوبه ونزل الطاقيه ع راسه وشال يلي ع رقبته غطى بيه نص وجهه باش ماينتبهوش ليه لانه بشرته تختلف عنهم فات ع الجنود يمشو ونزل راسه باش ماحد ينتبه ومشى سمع ضحك وهدرزه وقف ع باب الصاله يلي كانو يجتمعوا فيها ويحضرو ف الاخبار لقاهم يحضرو ف فلم وقدامهم انواع من السكير عصصصب وجا بيحذف القنبله فيهم لكن تراجع مهما كان لازم مايدير اي تصرف يهدم الموقع مشى وطلع برى شاف الجنود منتشرين ف كل مكان لف ومشى لمكان مدرق ماحد ينتبهله استعد وطلع القنابل وسحب الخيط منهم وحذفهم وع طول لف ومشى بسرعه قبل ينفجرو وبالغلط كب ف جندي قدامه وقبل ما يتكلم الجندي انفجر المكان وهو ع طول هرب بسرعه وخش داخل ويشوف ف المستعمرين يمشو عكس اتجاهه طالعين مشى بسرعه قبل ماينتبهو عليه وشاف احمد واقف ف الفم بسرعه خش وسكر الباب"

احمد: خفت عليك

محمود: بسرعه مش وقت الكلام لازم نلحقو الشباب ونبعدو من هنا قبل ماحد ينتبه لسيارات
احمد : هيا

محمود: خلي نحذف هالعفن عني " سلب بدله الجندي وحذفها وخش لباب ونزل وصكروه وبسرعه مشو شافو سند ف نهاية الممر طلعو برى وع طول صكرو الباب وركبو ف السيارات "

احمد: مافيش داعي لضوء امتع السياره انا خابر الطريق وضوء القمر كافي باش ماينتبهوش لين نبعدو ونولعوه .. "انطلقوو بالسيارات باقسى سرعه "

'""""""""""

رمزي" شاد نقاله ويتصل مافي رد نزله بعصبيه: بس يجي حسابي معاه

نصر: بادن لله يكونو جميعا بخير

رمزي: ياااااااارب

علي" جا صوبهم بصوت عالي: الشبااب وصلوو

رمزي" مشى يجري باتجاههم ووقف يستنى فيهم لين نزلوا"

احمد" نزل من السياره: شباب نزلو السلاح "مشى باتحاه رمزي"

رمزي: الحمد لله ع سلامتكم

احمد: لله يسلمكم

محمود" يحرك ف ايديه لين وصلهم: اخ يا اكتافي وجعوني

سند : ان

رمزي" مشاله بسرعه وماخلاه يكمل وشد رقبته بقوة وغيض: انتتتتت كيف تمشي بدووون علمي

سند" يتألم: ااي اي صار فيسع ومشيت

رمزي " بعصبيه: ف اختراع اسمه اتصال

سند: احلف

رمزي" ضربه ع راسه: بلا عبط "طلقه: شن صار معاكم

محمود" بغل: خدينا السلاح وريتنا خدينا ارواحهم

احمد: مش شوي يلي درته فيهم

محمود" بحقد: مايكفيني غير موتهم كلللهم .. بنشوف جواد

رمزي: جواد مهناش

محمود" كان ماشي وقف بصدمه: وين مشى

احمد" بخوف: وييينه

...

عمر" ساعده لين رقده ع السرير وغطى رجليه وشافله: تبي شي

جواد: لا

عمر: بنشوف المستوصف اذا تبي شي قولي تصبح ع خير "طلع"

جواد" تنهد"

ميار" ف المستوصف مع روعه: اكيد لانه زعلان من الشباب قرر يرجع هنا للمخيم

عمر" خش: افضل ليه رجوعه هنا

ميار: اي صح يلا تصبحو ع خير بنشوف سدين "طلعت"

عمر" قرب منها بحب : رايفتلك

روعه" بخجل: وانا

عمر" بهمس يدوب: مشتااااق وكان خااطري اول مانرجع نتزوجوا لكن تو الحال مايسر ومش وقته لين يصح جواد بعدها نتزوجو ولا شن رايك

روعه" بخجل: ع راحتك

عمر" بحب: راحتي قربك

روعه" تتهرب: نعست بنرقد سلام "طلعت"

عمر: هههه اااخ يارب امتى تكون جنبي امتى
...
•

•••••••

محمود: افضل خلي يرجع للمخيم

احمد: سدين معاهم

رمزي: اي وراه مشى لانه زعلان منكم ومعصب لانكم ماخبرتوه

احمد" تنهد: معاه حق

محمود" بعصبيه: هو بدا يتحسس من لما انضرب

رمزي" بغيض: معاه حق ياجماعه انتم كانكم معش درتوله اعتبار نهائيا

محمود" ببرود: الامر بينا احنا وقائدنا بلاش تدخل

احمد: محمود شن تقول انت

محمود" بعصبيه: جواد بدا معش ينطاق لما انصاب كل امر يتحسس منه احنا نبوو نريحوووه نريحووه وانا عارف لو سمع بينا ولله مايخلينا نطلعو من هنا ولا يمشي معانا مجنووون وانت تعرفه

احمد: مهما كان غلطنا مفروض قلناله هكا بيتحسس اكثر ساد ضربته يلي ماخلاته انسان طبيعي

محمود" بعصبيه: ورب الكووون كان نعرفه هذا يلي ضرب جواد ولله نخليه يتمنى الموت ومايطقه

رمزي" حس بالم من كلام محمود ومشى "

.......

بعد مرور شهر وايام

جواد مزال ماتحينش بدات قلبه يلي يحسه يضعف كل يوم عن يلي قبله ..

رمزي حاول كم مرة يكلم ميار ويعترفلها بس قبل ماينطق يتراجع خايف يقلها ويخسرها كليا

احمد رجع للمخيم مع باقي الشباب وكان يمشي يوم بعد يوم للموقع يلي فيه الشباب ويطمن عنهم واغلب وقته مع سدين ولما يمشي للموقع يرفعها معاه يدربها يبيها تتعلم استخدام السلاح من صغرها باش تقدر ادافع عن نفسها

محمود بدا يتجاهل ف ياسمين يبيها تحس انه معش يدور فيها يمكن يلين راسها وتبدا تحبه

عمر وروعه قررو عرسهم بعد اسبوعين

سجى تحس انها مخنووقه من الدكتور فادي يلي 24 ساعه يراقب ف كل تحركاتها ويهزبها ع اتفه الاسباب وهي ماسكه اعصابها بالسيف لانها عارفه لو قالت حرف ماعنده مشكله ع طول يديرلها فضل من الكلية

سناء وعامر عايشين ف سعاده ويعوضو كل الايام يلي فاتو

سند مابين ذكرى الماضي والم الحاضر عايش بين الاثنين

....

ﺇﻟﻰ ﺻﺪيقي :
ﺇﻥ ﺷﻌﺮﺕ ﺑﺎﻟﻮﺟﻊ ﻭﺑﻜﻴﺖ ﻳﻮﻣﺎ
ﻓﻼ تنسى ﻧﺼﻴﺒﻲ ﻣﻤﺎ ﻳﺆﻟﻤﻚ ﻓﻠﻴﺲ ﻣﻦ ﺍﻟﻌﺪﻝ ﺃﻥ ﻧﻀﺤﻚ ﺳﻮﻳﺎ ﻭﺗﺒﻜﻲ ﺑﻤﻔﺮﺩﻙ
💗

صباحا 💕
ف اطلاله المدينه

مقعمز وحاس بكتمه ف صدره حس بحد قعمز جنبه لف

رمزي: نبي نفهم لما تضايق علاش نلقاك ف مكان مرتفع

سند: هههه هكا نبي نشوف ان همي مش اكبر من مساحه الارض يلي مقابلتني

رمزي" بجدية: نكررها للمليون ارجع ورجع كل شي

سند" بعصبيه: ونقلك للمليوون مافي شي يرجع فات الاوان خلاص

رمزي: مافات شي لاتخلي يفوت وتندم بعدين

سند: بديلي راح مش رح يرجع

رمزي: لا تنكر تحبها ولو كنت ماتحبهاش ما انقلب حالك لما سمعت انها

سند" قاطعه بعصبيه: رمزي الهى بروحك وخليني ف حالي "وقف ومشى"

رمزي" بصوت عالي: البنت تستنى فيك لا تخليها اضيع زي المرة الاولى

سند" ابتسم بسخرية وهو يهمس: ما استنتني المرة الاولى تو بتستنى

.......

جواد " لمس رجله وهو يسمع ف عمر معصب وهمس ف خاطره : باقي عمري بيفوت وانا عاجز

عمر" بعصبيه: لازم يكون فيه حل لااازم

د يحيى: الشفاء بايد لله

ميار" خشت تبكي: قلتلكم انا السبب قلتلكم

جواد" شافلها مصدووم"

د يحيى: السبب من الضربه مش منك

ميار" بصراخ: تحسابني ماسمعش ان السبب من العملية وان لو كان دكتور مختص لما انشل جواد

عمر: ميار هدي هذا شي مقدر ومكتوب

ميار" تبكي: انا السبب قلتلكم لو صابه شي مستحيل نسامح روحي جواااد سامحني يالغالي سامحني ريت الشلل فيا ولا فيك

جواد" بعتب: ميار خلاص عاد هذا قضاء لله وقدره

ميار" تبكي: سامحني لولا غلطي وتهوري لما صابك يلي صاب ياارب نموووت يااارب نموووووت

جواد" بعصبيه: مياااار

ميار"طلعت بسرعه وصوت شهقاته تنسمع من بعيد"

عمر: تو نشوفها ونهديها "طلع"

جواد" سند راسه ع السرير وحط ايده ع قلبه يلي بدا يوجع فيه : اااه

د يحيى" قرب منه: بسم لله شن صابك

جواد" بالم حاد وهو شاد قلبه : نحس ف موتي قرب

د يحيى" بعتب: علاش هالعناد دير العملية وارتاح

جواد" بتعب: لا ماتنفعش خلاص

د يحيى: كيف ماتنفعش قلتلك ديرها تو قبل ماتسوء حالتك

جواد: دكتور يحيى مانبي حد يعرف بمرضي حتى لو متت

د يحيى: علاش هالعناد

جواد: اوعدني

د يحيى" وقف: مانقدر نوعدك وانت فكر كويس قبل ماتسوء حالتك "طلعت"

جواد" بهمس وهو شاد قلبه: الا العملية لو غدوة قالو درها او تموت مستعد نموت ولا نديرها

....

محمود" كان ماشي شافها تلعب ف الصغار قرب منها: مافيش فائده دلالك الدوشه وتصديع راس البشر

ياسمين" رفعت حاجبها: اظن بعاااد عن مكان نومتك

محمود : صح بعاد لكن دوشتكم توصل

ياسمين" لفت لصغار: كملوو لعب "لفت لمحمود .. وكتفت ايديها: انت خير دعوتك نبي نفهم شن تبي مني شنن

محمود: نبيك تتغيري خالطي الناس يلي من جيلك وانت ديما مع الصغار

ياسمين"بهزوة: علاش نخالطهم وهما يفرقو بين بعض ف اتفه الاسباب لبال ف الدم

محمود" بغيض: انت شن قصتك تمشي تمشي وترجعي لقصه الدم

ياسمين"بهزوة: ف حد يقدر ينسى دمه الفاسد

محمود" شادها بعصبيه: تعاااودي هالكلمه نعدددمك انسى دمك انسييه " دفها بقوة ومشى"

ياسمين" ابتسمت بهزوه : حتى انت مش ناسيه لبال انا يلي يجري ف عروقي بس نوووعدك ماعاد يجري دم فاسد ف عروقي اصبر عليا كم يوم اصبر

.....

سجى" شافت لساعه وتنهدت انتهى دوامها ف المستشفى بدت تتعب ف اليومين يلي 24 ساعه تشتغل فيهم لان الدكتور فادي مش مخليلها مجال ترتاح ولو ثواني .. سلبت البالطو وخدت شنطتها وطلعت مشت للاصنصيل وفتحاته ونزلت لتحت فتح الاصنصيل ورن نقالها شافت المتصل و ردت بفرح : هلااااا ولله عاش من سمع هالصوت

رمزي: هلا فيك كيف حالكم

سجى: تمام وانت وميار؟

رمزي: بخير

سجى: رموز بعدين نكلمك تو ف الطريق

رمزي: تم ونبي نكلم حتى عمتي

سجى: اوك سلام تو نوصل ونكلمك "صكرت النقال وكملت طريقها وطلعت من سور المستشفى سمعت حد يناديها لفت

زيد" ببتسامه: كيف حالك دكتورتنا

سجى: تمام

زيد: اعتذر لو وقفتك هنا لكن مالقيت مكان نكلمك فيه والدكتور ملاحقك ومهددك

سجى: عفوا اعتذر منك انا مانقدر نكلم هنا ف الشارع

زيد: وين تبي نتلاقو انا موافق

سجى" بصدمه: انا قصدي

بغضب شديد: سجىىى

سجى" انخلعت لفت شافت ف عيون الدكتور فادي غضب شديييد خاااااافت "

د فادي" بعصبيه حاده : دكتوره سجى انت من هاللحظه مفصوله من القراية والخدمه هنا

سجى" بصدمه: دكتور اصبر

د فادي" يشوفلها باستحقار: خلي ينفعك هذا وامثاله "لف ورجع للمستشفى"

سجى" حست الدنيا ادوور بها سندت ايدها ع الحيط"

زيد: بسم لله

سجى" دفت ايده الممدوده اتجاهه : معليش بعد عني

زيد: اعتذر كان سببتلك شي لكن انا تو نتفاهم معاه مهما كان هو ماليهش دخل بحياتك الخاصه

سجى" تحاول تشد دموعها: رجاااء لا تكلمه ولا عاد تجي ف طريقي

زيد: انا اسف لكن ولله انا قصدي شريف ونبي نتقدملك ونخطبك

سجى: اعتذر هالمواضيع مش ف بالي رجاااء اطلع من كل حياتي "لفت تمشي ببطىء وانكسار تحطم حلمها تبدا دكتورة وتساعد الناس وكله من المغرور فادي بدت تدعي عليه كرهاااته كرهت حتى اسمه وملامحه وظنه السيء بيها حطم كل شي حتى المشاعر يلي انولدت ف قلبها💔

"""""""""""

ف الموقع

احمد" يشوفلها وهي تلعب وتجري ورى فراشه"

معاذ: نبي نفهم شن قصتك مع هالبنت لو بنتك ماساريتها وعاملتها زي تو

احمد: البنت امانه عندي ويتيمه كيف تبي تعاملها

معاذ: قصدي وين ماتمشي معاك انت تخاف عليها حتى وهي ف المخيم مش شي غريب

ياسر: تعلقها بيك هو الغريب

احمد: البنت ماعندها حد كل اهلها ماتو يعني بالطبيعي بتتعلق باي حد يحن عليها "وقف: اذا صار شي قولولي بنرجع للمخيم تو

معاذ: لامتى بنقعدو هنا نحس كاننا ف ضيافتهم

ياسر: نبو مكان لينا بروحنا

احمد: تو نشوف جواد ونقررو " لف : سدين هيا " قرب منها وهي مقعمزه وضحك: اخيرا شديتي الفراشه " اول مالفتله انصدم لما شافها رافه مسدس وموجهاته باتجاهها : سدييين

سدين " ابتسمت"

احمد" بصراخ وهو يجري باتجاهه: سديييييييين لاااااااا

معاذ وياسر مشو بتجاهها وهو خايفين

احمد" بصراخ وهو يجري: لوحيه من ايدك راك تطلقي سديييييييين

انطلقــت رصاصـــــه خلت كل من ف الموقع يجروو جهه الصـــوت

""""""""""""""""""""""""""""

بعض الفضفضه تريح القلب💗
و
بعضها يفتح جروحا تدمي القلب💔

رمزي" يمشي ويتصل ف سجى نقالها مقفل نزلت النقال: اكيد تم شحنه "خش للمطعم ووقف: نبي كوب نسكافيه كبير "لف وشاف ميار مقعمزه وتشوف للكوب يلي قدامها .. خدا النسكافيه ومشالها قعمز قدامها ع الكرسي : هلا

ميار: اهلا

رمزي" لحظ الدموع ف عيونها: خيرك بروحك؟

ميار: ومن تبي يكون معايا ياسمين يلي رجعت اسوء من قبل ولا محمود يلي صاير عصبي ومايطيق حد ولا "بالم: جواد العاجز عن الحركه

رمزي: اها سبب حزنك انك بروحك

ميار" هزت راسها بلا: جواد

رمزي" بحزن: تطمني تو يتعالج ويرجع احسن من قبل

ميار" نزلت دمعه حارة ع خدها تتبعها دمووع: مش راجع ولا متعالج

رمزي: ماتقوليش هكا ف طب ودكاترة مختصين اكييد هما يقدرو يعالجوه

ميار" تمسح ف دموعها : سمعت الدكاترة يقولو مافي امل وان سبب الحاله يلي هو فيه العملية مش الضربه

رمزي: هما شن عرفهم بعدين مش بسبب العملية اكيد الضربه هي السبب

ميار" تبدعي: حسبي لله ونعم الوكيل فيه يلي ضرب جواد لله لو نحصل عليه لنقطعه ونخليه هو العاجز بدل جواد .. مش حرااام هكا انسان طموح وبشوش وحركي ومتفاعل زي جواد اخرها يبدا عاجز حتى انه تغير تغير مش زي قبل وكله من الضربه كله من يلي ضربه بالرصاصه ..

رمزي" يسمع فيها ويحس ف سكاكين ف قلبه "

ميار" تبكي : تصدق تمنيت جواد مات ولا صابه الشلل

رمزي" بصدمه: تمنيتيه يموت

ميار: اي يموت افضل من هالحاله يلي هو فيها عاجز مشلول انا مانتحمل هالشيء كيف هو يتحمل

رمزي: جواد راجل واكيد بيتحمل اي شيء يصيبه

ميار" تبكي: اذا هو بيتحمل انا مانتحملش .. ربي ينتقم من يلي ضربه ربي يشل افكاره وجسمه ربي يفجعه باغلى غالي عنده ربي يجازيه بكل الم ذاقه جواد مضاعف

رمزي" حااس بالم حاد داخله كان خاطره يسكتها بس كيف بيبرر تسكيتها وكل ظنها انه من المستعمرين يلي ضرب جواد"

ميار" تبكي: هو سبب كل شي لو ما انصاب جواد وما كان فيه غيري يدير عملية لماصابه الشلل

رمزي: كله بقضاء لله ياميار

ميار" تبكي: عارفه بس ولله مانسامح يلي ضربه لووو شن ماصار ولا نسامح روحي لاني كنت السبب ف اعاقته "مسحت دموعها ووقفت: صحيت لما حكيت معاك ارتحت اكثر بنمشي للمستوصف "مشت"

رمزي" تنهد بالم: انت ارتحتي وانا حملت هم فووق همي

************

سدين "مقعمزه قدامه وهو منبطح ع ظهره وشاد قلبه وهي تبكي : لا تمووووت

احمد" فتح عيونه وهو يتنهد بقوة: سدين

سدين" بدموع: عمي احممد لا تموت

احمد" مسح دموعها: تخافي عليا

سدين" شدت ايده وتبكي: لا تمووت

معاذ: نوض ياراجل خوفت البنت عليك

احمد: اسكت ولله رجليا مش شايليني من الخوف

ياسر: ولله لما طحت خفنا تكون الرصاصه جت فيك

احمد" قعمز وحك راسه: ماقدرت نتحمل خفت

معاذ: هههه اسكت يسمعوك جماعتك يقولو قائدنا يخاف

احمد" شافله بربع عين: خفت عليها هي مش من الرصاصه

سدين" تبكي: عمي احمد

احمد" شدها وضمها لصدره: سدوو خلاص لا تبكي مافيا شي وعد معش نخليك تحملي سلاح ولا تقربي مكان فيه سلاح وخطر عليك لين تكبري

معاذ: معجزه ان الرصاصه خطتها

احمد: الحمد لله الحمد لله ولله لو صابتها ولله نموت طول بعدها

ياسر: مافهمنا هالتعلق الغريب وانت ف اليوم تفقد اشخاص تعرفهم ومقربين منك

احمد: هذه طفله شن تقارن فيها بالثوار يلي يستشهدو بعدين ماعندها حد غيري

معاذ: عشنا وشفناك متعلق بطفل وانت ديما تقول مستحييل نتزوج وندير اطفال

احمد" بعد سدين ومسح دموعها بهمس: هي سحرتني وغيرت كل شي فيا

معاذ: شن قلت

احمد" وقف وشد ايد سدين: لو تبي شي ولا صار شيء قولولي "جا يمشي حس رجليه مش شايلينه: ولله ياجماعه تكرفست من الخلعه

معاذ: هههه صوره ياسر صوره مشيته زي البطريق هههه

ياسر: ههههه ونكتبو ع الهشتاق البطريق قائد الثوار

احمد" بغيض: بلا سخافاتكم يلا سنفورتي خلي نمشو قبل مانعصب ونعدمهم

معاذ: لا تنسى يلي اتفقنا عليه ولما تجي تعال بدون سنفورتك باش تقعد فكرك معانا مش معاها

ياسر: تي هي كان تبدا بعيده عنه هذا وين يبدا فريسته معانا وعقله وتفكيره فيها

الاتنين: ههههه

احمد" فار دمعه : هيا سدو خلينا نمشو ولله حاس موتهم اليوم ع ايدي "مشى معاها"

معاذ" بصوت عالي: سدووو رد بالك من حميده

ياسر:حميده تو نبعثلك رساله بطلباتنا يلي نبوها عارفك صابك الزهايمر بعد قابلت سنفورتك

معاذ" بصوت عالي: هذه طفله ودارت فيه هكا لوو قابل بنت وحبها شن يصير فيه ههههه

ياسر: ينسى اسمه ههههه

احمد" لفلهم بعصبيه: هذه مش طفله هذه زوجتي وخليكم تضحكو يجي يوم ونردها فيكم " لف وكمل طريقه"

معاذ وياسر علامات الاستفهام فوق روسهم؟؟

معاذ" لف لياسر بصدمه: زوحته؟

ياسر: يبصر علينا

معاذ: لا لا تعرف احمد مايبصر ف هالامور بعدين وهو معصب ما اظن بصاره اكيد حق

ياسر: زوجته زوجته كيف وهي صغيره

معاذ: مش عااااارف

"""""""""""""

سجى" ف دارها وتبكي : ياااااارب يااااارب مايفصلني يااااارب انا شن درت لين يفصلني شن دخلني علااااش حاط دابه دووبي شن يبي مني شنننن؟ ولله لو فصلني ننجنننن اضيع قرايتي كلهااا ومستقبلي كله اااااه ياااارب ساعدني يااااارب هذا متجبر ماحد يقدر يخليه يتراجع عن قراراته والكل بيوافقوه عليها شن اندييير شننننن اااااه

"""""""""""""""""""

أحب أن أنسى ولكن ... أين بائع النسيان؟

سند"ف اطلاله المدينه مقعمز يشوف للخاتم يلي ف ايده ويتفكر"

.....
سند" يشوف فيها ادور ف الجنان امتعهم ابتسم ومشالها: ادوري ع نمل ولا شن من بكري مدنكسه راسك

ترنيم" بحزن: راح

سند: ههه شن هو ولا فارس النمل

ترنيم" بزعل: ولله انك باارد نحكي ع خاتمي

سند: اي خاتم

ترنيم: يلي تضحك عليه ديما وتقول شن عاجبك فيه ديما لابستيه

سند: اووه راح واخيرا

ترنيم" بضيق: انا مضايقه وانت فرحان

سند: هههه غريب كيف راح منك وانت ماتسلبيش فيه بكل

ترنيم: امس كنت هنا مع خواتك وامك مش عارفه سلبته نبي نغسل ايديا ونسيته

سند: وعلاش ادوري فيه اشري جديد

ترنيم: لااا نبيه هو نبييه

سند: تو نشريلك جديد اسكتي صدعتي راسي

ترنيم: مانبييش نبيه هو عاجبني

سند: اووف خيرك تعششي زي الصغار خلااص راااح انسيه " لف وابتسم وفتح ايده وشاف للخاتم ودسه ف جيبه وكمل طريقه وهو شاد ضحكته"

نعوووود للواقع:-

سند" ضغط عليه بقوووة وقربه منه بهمس: فرحت لما شفته محطوط ع الطاوله وقدرت ناخده و نحتفظ بيه ونجيبلك خاتم خطبه ع مقاسه لكن لا استنيتي لين نشريلك خاتم ولا لين نردلك يلي خديته "مد ايده وحذف الخاتم بعييد و وقف ومشى: لازم نمحيك من الذاكرة لااازم

""""""""""""
بعد يومين

يشوفلهم وهما يجربو ف الكرسي المتحرك يلي وصل اليوم خصيصا ليه ومش عارف من يلي وصى عليه والكل مش عارفين ..؟؟؟،
حس بالم ف قلبه وهو يتخايل ان باقي حياته كلها بتكوون هنا ع هالكرسي المتحرك .. حتى انه مايقدر يكمل مشواره ف تحرير مدينته حس بالم وهو يتخايل انه بينحرم حتى من ابسط الاشياء وهي حرية الحركه لان بهذا الكرسي بتتقيد حركته كلهااا .. شاف لميار لقاها تشوف لكرسي والدمعه ف عيونها وعارف انها تو تلوم ف نفسها لانها هي السبب لف لرمزي يلي مش احسن منها حال يلي هو اصلا السبب ف اصابته ..،
.. تنهد وشكر ربه داخله مهما كان لا اعتراض ع حكم لله واصلا هو السبب لو ماتهور ونقز من الشجرة لما صاباته الرصاصه "

عمر" قرب منه: هيا جربه

جواد" شد ايد عمر ساعده لين قعمز ع الكرسي لمح ميار طلعت عارف ماتقدر تتحمل تشوفه ع الكرسي لف لرمزي يلي لحقها ع طول ابتسم بالم .. عارف ان ماغيره يريحها وعارف ان لو كان له مكانه ف قلب ميار تو بتتلاشى بسبب عجزه حتى لو تحبه هو مستحيييل بيربطها بيه وهو ف هالحاله "

عمر: شفت هدول " اشر ع البطم: تقدر تتحكم بيهم توماتيكيا

محمود:عاد تو بدا عندك شي تتحرك بيه تحرك مش الا راقد والمخيم فوق راسي ولا ناسي الحسابات يلي متراكمات ومافي غيري يحسب لين عيوني احوالو

جواد" ضحك عارف ان محمود يخاول يغير جوه مع انه داخله مثأثر اكثر واحد بوضعه الحالي"

""""""""""""

لــم أعــرف أحــداً فـي حيـآتي
مثلـكِ و لــم اقتـرب مـن أحــد
كمــآ اقتربـــتُ منـــكِ
❤

ميار" مقعمزه ف المستوصف ع السرير وتمسح ف دموعها عمرها ماتصورت تشوف جواد او اي حد من احباءها واصدقاءها ف هالوضع حست بحركه مسحت دموعها ووقفت : ماقدرت ياعمر لا تلومني

رمزي : ماحد يلومك وانا ماتحملت

ميار" مسحت دمعه نزلت منها: عمر ديما يعارك فيا يقول انت دكتورة لا تضعفي قدام اي مريض وبدات جواد لازم نكون قوية قدامه بس مانقدر مانقدر هذا جواااد مش زي اي مريض كيف تبوني نتحمل نشوفه ع كرسي متحرك كيييف ؛ انا السبب كله مني كله مني " غطت وجها بايديها وبدت تبكي"

رمزي" قرب منها وبعد ايديها وشدهم ومسح دمعتها وتنهد بحزن: معش تحاسبي روحك انت مش السبب

ميار" حست دقات قلبها تزيد وتعلى "

رمزي" شد ايديها بتملك: ميار نبي نعترفلك بشيء

ميار" دقاتها تعلى: شن

رمزي" غمض عيونه واستنشق هواء بقوة وفتح عيونه مستعد : انا ا

قاطعه دخول مرا بولدها : يابنتي بسرعه حرارته مرتفعه ركبيله خافض حراره

ميار" مشت للمرا: هاتيه "رفعاته وحطاته ع السرير لفت لرمزي لقاته طالع "

رمزي" طلع وهو يتمتم: مجنوون كنت نبي نعترف مجنوووون مش وقته مش وقته

""""""""

‏يا بايع الوصل .. ماني راجي وصالك
‏و لاني بحاجة غلاك اللي .. تصنعته
‏.
‏على طريق الفراق .. المظلم الهالك
‏بعثرت كل الغلا اللي لك .. جمعته
💔

سجى" مقعمزه ف القاعه ف الكلية اليوم عندهم كالعاده محاضرات ف الكلية مش عملي ف المستشفى وتفكر شن الدكتور فادي ماجاش امس واليوم ماعندهمش محاضره ليه بس خااايفه خاااايفه منه لانه ولا مرة تراجع .. حست قلبها وقف لما انفتح باب القاعه وخش منه الدكتور فادي

د فادي: السلام عليكم

جميع الطلبه والدكتور يلي معاهم عدا سجى: وعليك السلام

د فادي: اعتذر عن المقاطعه دكتور محمد

د محمد: خود راحتك

د فادي : بس نبي الطالبه سجى

سجى" زااااد خوفها اكثر لما شافلها بنظرات تخوف "

د محمد: سجى اطلعي

سجى" وقفت ببطىء"

د فادي: ماتنسيش تجيبي حاجاتك معاك لانه مش راجعه هنا نهائيا

سجى" انجلطت: ك كيف

د فادي" بغيض: يعني يادكتورة سجى مطروده من الكلية كلها

الطلبه والدكتور انصدموا زي صدمتها

د محمد: علاش شن صار سجى طالبه ممتازه

د فادي" ببرود: الامتياز مايخليها تسرح وتمرح ع كيفها

د محمد: فهمنا شن صار

د فادي: مش مهم المهم ماليهاش رجعه هنا كليا ولا للمستشفى "لفلها : يلا يا دكتورة

سجى" حاولت ماتضعف و بدت تنهض ف كتباها ومذكراته تسمع ف همس الطلاب وضحك بعض الطالبات يلي غايرات من مستواها نهضت شنطتها ومشت خطمت عليه وهي تحاول ماتشوفله كليا وما ادير اي تصرف قدامه "

د فادي: راه ماليكش رجعه كليا هنا

سجى" كملت طريقها وماكلماته"

د محمد : فادي

د فادي: الامر ماليكش علاقه بيه يادكتور "طلع ولحقها شافها تمشي وتمسح ف دموعها سرع وحاداها: حذرتك بس ماعبرتي وظنيتي ان ككل مرة نسامحك بس لا هالمرة مافيش سماح

سجى" شافتله والدموع ف عيونها والعبره خانقتها: حرااام عليك ولله حراام واقسم بالله مافي شي من يلي ف بالك ولله العظيم انت ظلمتني ظلمتني حسبي لله ونعم الوكيل فيك "مشت بسرعه وهي تمسح ف دموعها"

د فادي" حس بالم داخله حس للحظه انه فعلاا ظلمها دموعها خلاته يضعف شاف لجهه يلي مشت منها وحس سكاكين داخله: ظلمتها !! "مشى بسرعه وهو نااادم على سواه فيها وقدام الطلبه ويمكن ظلمها صح وهي ماساوت شيء طلع برى من مبنى الكلية وقف يدور عليها مشى باتجاه باب الكلية اكيد طلعت من الكلية وقف منشل مصدوووم حس الدم وصل لراسه وماعاد شاف قدامه قرب منها بيحاول يمسك غضبه : ياماشااااء لله

سجى" لفت وسحبت ايدها من يد يلي ماسكها"

د فادي" بعصبيه حاده: انا المجنووون نسحاب روحي ظلمتك لكن بعد يلي شفته وربي ماراجعتيها للكلية طول مافيا نفس مايشرفنا طالبه من شاكلتك من شخص لشخص يلا بلا مطرود خارج الكلية ولا تحلمي رجلك تعتب عتبتها بعد اليوم برى "لف ومشى"

سجى" حست بوجع حااد داخلها اهانه فوق اهانته ليها داخل وتو قدام طلبه الكلية كلهم لفت لشاب يلي يكلم فيها ويلي قبل شوي من دموعها ماحست الا وهي طابه فيه وهو شدها قبل لا يطيحو وشد ايدها يلي انحرقت بكوب القهوة يلي كان شاده "

الشاب" باسف: اعتذر لو سببتلك احراج انا خفت ع ايدك لما انقجت عليها القهوة ومش قصدي شيء عندي خوات ونخاف عليهم ومستحيل نضر بنت ناس واكيد الدكتور فهم غلط بنمشي نكلمه

سجى" حاولت ماتبكي: لا تهتم هو اصلا كان طاردني وزاد كملها قدام الكلية كلها

الشاب: لكن لازم نفهمه ان يلي شافه مش

سجى" قاطعاته: حتى لو طلب اني نرجع مانرجع بعد اهاناته ليا لوو نموت كثر لله خيرك "مشت"

الشاب: لحظه برى للمسعفات يشوفو ايدك

سجى" كملت طريقها بدون ماتكلمه وف داخلها: الحرق يلي ف ايدي مش اقوى من يلي ف قلبي حسبي لله عليك يا فادي ربي يوريني فيك يوم ربي يوريني فيك يوم ظلمتني ظلمتني

""""""""
بعد اسبوع

‏بصوتْ الكبرِياء انَا بخِير
‏وَ بصوت الاختنَاق اكتمْ
‏ شِي بـ ِقلبي اوجعنِي بِشده .!
💔

كل المخيم يجهز لعرس جماعي كبير ومن بينهم عمر وروعه كانت السعاده تغمر الجمييع لان ولاول مرة يكون ف المخيم عرس جماعي لاغلب الشباب والبنات العزاب

محمود" حذف يلي ف ايده ع الطاوله : وووك خلاااص عييييت

جواد: مزال وين عييت

محمود" بعصبيه: شن تبي تاني راه من اسبوع وانا نشتغل خلاص عييت بعدين لا عندي ناقه فيه العرس ولا جمل يعني شن العرسان يتعرسو وانا نتهرس يجو هما يعاونو ولا يبو الحج ويبو السلامه شووووف انا خلاااص اعتزلت مش مداير شي نهائيا نخدم نخدم بلا فايده لا من يقدر ولا من يشكر

جواد: شوي شوي خيرك ولعت

سند: ههه خليه حامق يبي يتزوج

جواد: ههه قلت كان هذا خطبنالك

محمود" برجاء: كلمهاا جواد كلمها نابيها نابيها

سند" شهق: اهيىىء استحي ع وجهك عيييب

محمود" بربع عين شافله: خليك ف حالك جوجووو حبيبي تربح تربح قلها نحبها ولله نحبهاا

جواد: هههه خيرها مشاعرك مفرطه اليوم ماتقدر تتحكم فيها

محمود" بزعل: عاجبك يلي اصغر مني بيتزوجو وانا لا

سند: قول نخطبولك اي وحده مش ضروري هي وتتزوج معاهم

محمود: اكيد مانبيش غيرها جواااااد

جواد: ههه شن بنديرلك مثلا نمشيلها ونقلها رجاااء اقبلي بصاحبي

محمود: اي اي

جواد: ماينفعش انت يلي لازم تكلمها

محمود: راسها مصكر ماتفهم مني وانا واياها كلمه بكلمه انت قلها راني نحبك ونبيك نبي نتزوجك ومستعد ننسيك العاالم كله قلها عبرلها واكيد هي تفهمك اكيد وتوافق

: من يلي بتوافق

لفو لصوت

ميار" قربت ببتسامه ومعاها رمزي وياسمين : من هي

رمزي" حط الصندوق وشافلهم"

محمود" ارتبك: اا نحكي مع جواد

ياسمين: شن قررت تتزوج معاهم

جواد" انصدم وشاف ع طول لميار يلي مصدووومه"

محمود: وشن مايجيش عليه يتزوج

ياسمين" شافتله ببرود: ماقلتش هكا انا نسأل فيه من بيتزوج ولله لو بيتزوج ليكون اروع عرس وينوره كله مش زي غيره لو دخل ف شيء يفسده

محمود: كانك تقصديني

ياسمين: ولله صاحب العله كمل

محمود" بغيض: شفت قلتلك كلمه بكلمه هده ماتسمع مني

ميار" بهدوء: من بتتزوج ياجواد

جواد" شاف لميار لمح شيء غرييب ف عيونها لف وشاف لرمزي يلي مصدوووم لفلها وابتسم: انت اقترحي عليا لاني مالقيتش عروس

ميار" بهدوء وشي غريب يسري داخلها : مانعرفش انت اختارها

جواد: واذا اخترتك انت

صـدمـــة شلت الجميـــع
هـــدوء خيم ع المكان مافيش غير انفاس خايفه... وانفاس مطربه... وانفاس غاضبه ... وانفاس منقطعه... وانفاس هادءة عكس الضجيج يلي داخل عقل صاحبها...

نظـــرات متبادله بين جميع من في المكــان كل نظرة تختلف عن الثانية

ميار: ا

جواد: هههههههههههههههه

الكل" انصدموا من ضحكه الغريب"

جواد: هههه خيركم مصدمين هههه صدقتوها نبصر راه هههه قال نتزوج قال هههه غير يتزوجو يلي قبلي بعدين مش متزوج لين نزوج محمود يلي قابض ع الزواج وخايف يخسر العروس

ياسمين" شافت لمحمود لقاته يشوفلها طنشت عليه وومشت طلعت"

جواد: ههه عرفت انها المقصوده هربت يلا نستأذنكم بناخد دوايا "حرك الكرسي ومشى"

ميار" شافت لقت الكل يشوفولها زادت دقاتها من نظرات رمزي الغريبه : اا بنمشي للمستوصف اكيد عمر وروعه مشغولين ف عرسهم "طلعت"

محمود" وقف : ايييه انا تعبت من التقعميز خلي نمشي نرتاح "طلع"

رمزي" ضرب الصندوق يلي ع الطاولة وطاح كل يلي فيه"

سند" انصدم ووقف وقرب منه: رمزي

رمزي" شاف لسند: علاااش!

سند: علاش شن

رمزي" كاتم غيضه: علاش جواد تراجع علاش تراجع وانا متأكد انه يتكلم بجديات مش مزحه

سند: مش عارف

رمزي" ماسك اعصابه: لانه ف هالحاله ميار مش رح تقول لا لان ف هالحاله بتوافق حتى لو تحبني بتوافق عليه شفقه وحزن لكن علاااش تراجع علاااش وشوي كنا بنسمعو موافقتها

سند: يمكن مزحه بجد

رمزي" بهزوة: مزحه! مزحه وهو يحبها مزحه وكانت عيونه متشوقه تسمع جوابها مزحه وهو متأكد ان ميار بتوافق لو اسثنى شوي

سند: وانت مفروض تفرح لانه قال مزحه مش جد

رمزي: علاااش قال مزحه علااااااش هالشي نبي نعرفه

سند: مش عارف يمكن لانه مشلول خاف يورط ميار معاه لانها بتوافق لانها تحساب انها السبب ف اصابته

رمزي" بالم : جواد انا السبب ف اصابته يلي يعاني منها للان

سند: اي هذا " سكت بصدمه: كييييف ؟

رمزي" قعمز وحط ايده ع راسه بحزن: انا يلي ضربت جواد

سند" قعمز قدامه مصدوم: انت ؟ كيف

.......****......

محمود" قب الباب وخش معصب: علااش مااستنيتها تجاوب علاااش

جواد" حرك الكرسي وفتح الدرس وخدا الدواء ولفله: وشن بنسثنى اصلا كنت نبصر مش جد كلامي

محمود" قرب منه بعصبيه: كان فاتت عليهم كذبتك ماتفوتني انا

جواد" خدا المية وخدا حبه وشرب وحطها: ماكنتش جاد

محمود" شد كرسي جواد بايديه وقعمز قدامه ع ركبيه : جواد علاش تراجعت وانا يلي فرحت لانك اشجعت وقررت تقولها علاش اخر لحظه تراجعت

جواد" بهدوء: خفت

محمود: خفت؟ من شن ؟ متأكد هي بتوافق

جواد" بالم داخله: خفت توافق خفت توافق ونظلمها معاي لان قلبها مش ليا

محمود : من قالك

جواد" بالم: تحب رمزي وانا عارف انك عارف هالشي وماتبيش تقولي

محمود" بحزن: المهم تكون ليك ياجواد المهم تكون ليك حتى لو ماتحبكش متأكد انها بتحبك مستقبلا

جواد: ونكسر قلبها وقلب رمزي

محمود" بغيض : لا تفكر بغيرك لا تفكر بيه هو الدخيل بينكم متأكد لو ماطلع ف حياة ميار راه كنت انت حبيبها .. وانا نعرف ان سبب يلي فيك كله هي كنت عارف اسباب تهورك هي بس ماكنتش عارف انك تعرف هي تحبه ويحبها

جواد" نزلت دمعه حارة ع خده: تحبه هي قالتلي انها تحبه اعترفتلي قبل ماتعترفله بحبها ماشفتهاش وقت تتكلم عليه وعن شعورها اتجاهه كيف تبيني نغصبها عليا كييف وانت عارف ان ميار ماترفضلي طلب مانقدرش

محمود" بألم ع حال صاحبه: وعلاش قلتها

جواد" مسح دمعه من عينه: ماندري كيف قلتها بروحي انصدمت من روحي كيف قلتها

محمود: قداش متحمل ف داخلك ياصاحب

جواد" ابتسم بالم: تعودت خلاص ومش رح نطول كل شيء بينتهي قريب

محمود: شن قصدك بينتهي

جواد" ابتسم وحط ايده ع كتف محمود: انت فكر ف روحك وف ياسمين ولا تشغل بالك عليا

محمود: انت الاهم انا مش مهم حتى لو ماتزوجت ياسمينه ف غيرها بس انت وميار

جواد" بحنان: لا تهتم وقلتلك قريب ينتهي كل شي .. يلا ارتاح تو انا بنطلع

محمود" وقف وتنهد: بندعيلك دايما ان ميار تحس بيك وتحبك وهي تطلب منك تتزوجها

جواد" ابتسم وحرك الكرسي ومشى وف خاطره: حياتي بتنتهي قبل مايستجيب دعاك يمكن بعد نموت تحبني ميار يمكن بعد نموت مش تو

""""""""""

سند" بحزن: عنده الحق يقلك لا تقول ولله لو قلت لمحمود يقتلك

رمزي: ولا ميار

سند: هذا قضاء لله وقدره ف النهاية مش بالعاني ضربته

رمزي: المهم بسلاحي انشل

سند: لله يعين وربي يشفيه

رمزي: اميين وتو حملت سر ثاني ومش عارف امتى نبوح بيه لميار

سند" بصدمه: تبوح

رمزي: لازم نعترفلها اقل شي باللي صار زمان حتى لو ماقلتش ع جواد لازم نقول ع الحادث واني السبب ف كل يلي صارلها

سند: بتخسرها لو قلت وخصوصا ع جواد

رمزي" تنهد ووقف: الا ماتعرف لامتى بنخفي عنها "مشى"

سند" تنهد : صح لامتى بتخفي عنها الا ماتعرف

"'"""""""""""""""""""

سجى" خشت لصاله لقت امها تكلم قعمزت"

الام: به سلامتكم توصلو بالسلامه.. وصل بسلامه " صكرت الخط ولفت لسجى: اختك سناء مسافره اليوم هي وعامر وخوته

سجى : به تغير جوها

الام: خيرك مامشيتيش للكلية ليك قداش يوم

سجى: بطلت

الام" بصدمه: شن بطلتي علااش ؟

سجى: هكا معش نبي نقرا

الام: هبلتي!! كيييف تبطلي من القراية كيييف

سجى" وقفت: هبلت ولا ماهبلتش المهم معش نبيها القراية ولا الكلية ولا المستشفى بنشد الحوش ونقعمز "طلعت ومشت لدارها صكرت الباب وبدت تبكي خسرت حلم حياتها والسبب دكتور شكاك وظالم

""""""""""""""""""

ميار" تشوف للمراية وايدها ع قلبها : كان يتكلم جد ولا يبصر "غمضت عيونها واذكرت الكلمه يلي مكتوبه ف السجن( نحبــ ـك ميــ ـار) "فتحت عيونها ودقاتها ارتفعت: يحبني متأكده من هالشيء ويلي متأكده منه اكثر انه مايبي يعترف باش مانوافقش عليه وانا مانحباش "مشت قعمزت ع السرير : وانا انا شن كنت بنقول كنت بنوافق؟ نوافق بدون حتى مانفكر ؟ حتى مافكرت ف رمزي لحظتها جواد قدامي ونسيت كل الموجودين وكنت نبي نوافق . لا مستحيل نخون رمزي مستحيل .. بس جواد بحاجتي اكثر من رمزي .. لكن انا نحب رمزي نحبه .. وجواد.... جواد شن ياميار جواد تحبيه شوفي روحك كيف متعلقه بيه هذا دليل انك تحبيه .. لا لا رمزي نحبه اكثر رمزي نحبه وجواد مجرد صديق " وقفت وقررت تلهي روحها ف المستوصف احسن من هالافكار يلي بضيعها"

"""""""""

🎉يـــوم العـرس الجماعــي🎉

الكل فرحان والمخيم مزين من جميع النواحي كل شي جاهز ف ساحه المخيم .. خيمه ضخمه وصلت للمخيم قبل ايام ولم يعرف صاحبها المجهول .. كما لم يعرف من صاحب الهداية للعرسان والعرائس .؟؟. توصلهم هالاشياء عن طريق جمعيات خيرية .. ومعروف ف الجمعيات لايعرف صاحب الصدقه من ؟؟؟

نصبت الخيمه لنساء والرجال كانو ف الساحه .. الليله بيعم الفرح ويدخل لقلب الكبير قبل الصغير ..

ف الساحه

جواد: ماعرفتو من يلي يرسل ف هالمعونات للمخيم

احمد" وعينه ع سدين : لا موزعوا الجمعية قالو حتى هما مايعرفوش من يلي يبعتلهم ف الفلوس والاشياء ومكتوب (للمخيم الحياة) يعني خصيصا لينا

محمود: اكيد ف شخص عارف كل شيء هنا لان مانقصنا شي والا الجمعية جاباته

احمد: وحتى شوفو القفطان يلي جا باسم سدين ع مقاسها تماما

سند: يمكن وحده من خالاتها المسافرات

احمد: لا ماظنيش لو كانت وحده منهم لبدل ماتجيبلها ملابس باسمها تجي وترفعها معاها بعدين شن عرفهم بعمر سدين وطولها وحجمها كل شي ع مقاسها بالتمام

رمزي: فعلا امر يحير

جواد" لف لرمزي وحس انه هو ورى كل هالمعونات والصدقات وحتى هو يلي جابله الكرسي المتحرك لانه زمان ساله ع طريقه التبرع للمخيم وكيف توصل"

سدين" جت تجي : عمي احمد احمد

احمد" ابتسم: نعم سنفورتي

سدين: نبي نلبس الفيلو يلي جبتهولي

احمد: بعدين ف الليل

سدين" بزعل: نبي تو

احمد: سدوو بعدين تلبسيه لان تو بيتمسخ ويفسد وتطلعي مش حلوة ف العرس بعدين كل العرائس بيكونو الابسين زيك نبي فيلوك يطلع احلى واحد فيهم ونظيف وكلهم يقولو وااو فيلوها حلو فيلوها يجنن.. به سنفورتي

سدين: به

احمد: خلاص برى تو العبي

سدين" مشت وولت: عمي احمد

احمد: نعم

سدين: علاش انا مش عروس زيهم وعندي فيلو نبي نكون عروس معاهم

محمود: خلاص هي قررت الليله عرسكم

الكل: هههههه

احمد" لفله وهو كاتم غيضه: الهى ف روحك انت "لف لسدين: انت صغيره ومافيش عروس صغيره لما تكبري نديرولك عرس

سدين: عرس كبير؟

احمد: اي كبييير وانت العروس الوحيده فيه والكل يبدو يقولو محلاها سدون

سدين: لما نكبر نتزوج صح

احمد: اي نديرولك عرس وتتزوجي

سدين" ببتسامه: به "مشت"

سند: به يلي ماقالتلكش نتزوج فلان ولا فلان

محمود: مرات لما تكبر تقولهاله هههه مش هو عمها

الكل: هههه

احمد" بعصبيه حاده: الحق مش فيكم الحق فيا لاني قلتلكم اني زوجها

سند: لا تنسى انا خطبتها قبلك

احمد" شافله بنظره خلت سند ينشل عن الحركه والتنفس: لو كررتها بيكون اخر يوم ليك "مشى"

محمود: يما يخوف

سند: اي خفت مفاصلي يرعشو

جواد: هههه ماتعرفوش احمد لما يعصب شن يدير

سند: لا لا مانبيش نعرف ولا نبي نشوفه معصب تاني

جواد" ضحك وحرك الكرسي : يلا كملو شغل قريب الليل راه

محمود" بحزن: امتى نشوفه واقف امتى

سند: ان شاء لله قريب

محمود: اميييييين "مشى"

رمزي: ااخ

سند: لاتلوم روحك كله بقضاء لله وقدره

رمزي: يااارب اشفيه وعافيه ياااااارب

"""""""""""""""""""""""

ميار: ههههه وكأنك اول مرة بتقابلي عمر

روعه" ضربتها: حماره لا تضحكي جد مثوثره وبنموت من الثوثر والخووف

ميار: هههه كله يفوت انت بس هدي روحك بعدين عمر يحبك واكيد بيدللك ويسعدك

روعه: ان شاء لله عقبالكم

ميار" جت ف بالها كلمه جواد ( انت ) حست قلبها ينبض بقوة "

روعه: خيركم ولا ماتبوش تتزوجو

ميار: ههه مزال صغيرات ع الزواج

روعه: حسستيني عزوز وانا اكبر منك بسنه

ميار: ههه انا مزاااال اما ياسمين فاكيد قريب تتزوج

ياسمين" رفعت حاجبها: ومن قالك

ميار" غمزتلها: العريس مستعجل مايستناكش لين تكبري

ياسمين" حذفت الزينه بغيض : انت الهي ف عمرك وفكري ف روحك لان العرسان مايستنوك لين تقرري من فيهم تختاري لان واحد شبه بيموت بسببك والثاني بيرجع لاهله ويخليك وعاد دوري ع من يقبل بوحده مريضه نفسيا زيك "قربعت الكرسي يلي قدمها وطلعت وقربعت الباب وراها بقوة"

روعه" مش فاهمه شيء: هذه خيرها

ميار" تنهدت ولفت لروعه وابتسمت: عارفتيها لما تعصب تبدا الا ترفس انا بنشوف سدين اكيد احمد مش فاضي بيها وانت لا تثوثري "مشت فتحت الباب وطلعت وكلمات ياسمين ف بالها (واحد شبه ميت والثاني يرجع لاهله ويخليك) يارب ريح قلبي ودلني ع من نختار بينهم عجزت نفهم احساسي نحب رمزي بس نحتاج جواد نبيهم ومانبي نخسر واحد فيهم كيف اندير كييييييف؟؟

،،،،،،،،،،،،،،،،،،،،،،،

🎀ساقف معك حين يظن الجميع انك سيء واقول لهم انك تخصني بكل سيئاتك🎀

محمود" يتكلم بالنقال: اي جيب السلوم باش نعلقو بيه السراب " وقف مصدوووم ولف جهه اليمين قرب من الصوت وهو يتأكد من يلي سمعه وزادت صدمته لما شافه معاها هذا شن قصته وشن علاقته بيها بس مش هذا المهم تو المهم يلي سمعه قرب منها وبعصبيه حاااده: ولله ماتساويها وانا حي

ياسمين" لفت وانصدمت من وجوده "

نصر" انصدم زيها "

محمود" قرب منها ووقف قريب منها وبصوت يزلزل المكان: وقسماا وعظما اديريها تعرفي شن ندير فيك

ياسمين: انت ماليكش دخل بيا

محمود" بعصبيه: ليااا دخل بيك وهاللي تفكري فيه مستحييييييل نخليك اديريه

ياسمين" بعصبيه: انت مش ولي امري مش ولى امري ماليكش دخل

محمود" شد ايدها ولواهالها لين صرخت : ليا دخل بيك ومستحييييييل نخليك انت مجنوونه بديري عملية تغيير دم كامل مجنوووونه

ياسمين" بغيض : مافيها شي بعدين ساهله لا تخاف مش ميته وبنقعد طول عمري غصه ف حلقك بعدين دمي الفاسد بنتخلص منه بهذه الطريقه

محمود" بعصبيه حاده: كم مرة قلتلك انسى دمك كم مرة امتى انت بتفهمي امتى

ياسمين" ادف فيه بغيض: حوووول عني

محمود" بعصبيه حاده: مش محول عنك لين تحولي هالفكرة الغبيه من راسك مجنووونه انت تغيري دمك مجنوووونه

نصر: محمود

محمود" بعصبيه: انت لا تدخل وافضلك تبعد عنها كليا ولا وقسم بدين لله نعدمك معاها "لفلها: وانت تعالي معاي " مشى وهو شاد ايدها لين بعدو بعيد ف مكان خالي من الناس دفها بقوة "

ياسمين" شدت ايدها يلي كان شادها وتحس بالم : انت هييي مش دابه عندك تتحكم فيا وتكر فيا من مكان لمكان

محمود" بعصبيه حاده: اسمعي ياسمينه راني لين تو مابينت ليك عصبيتي الحقيقيه

ياسمين" بعناد: انا بنديرهااا بنديررررهااا وانت ماليكش اي دخل بيا ماليكش دخل اخطاااني اطلع من حياتي فدييييت منك فدييييييت نكرررهك باش تفهم والعملية بنديرها غضب عن خشمك اووف شن هالحصله هذا "مشت"

محمود" شد ايدها ولفها بقوة وضربها كف بكل قوته لين طاحت.. بعصبيه حاده: وربي لو عاودتي كلامك هذا لسانك نقصه .. ساااااامعه وربي اديريها العملية تعرفي شن يصير فيك انت مجنوووووونه علاش بتغامري بحياتك وتغيري دمك بعدين من عارف بقصه دمك غيري انا وجدودك ومستحيييل حد فينا يقووول واحنا راضيين بيك بدمك لاااش تغااامري وتغيريه لااااااش انت كيف تفكري كييف

ياسمين" وقفت وهي شاده خدها بهدوء: انت مش رح تفهم مش رح تفهمني والعملية بنديرها لو كلفتني حياتي المهم هالدم مانبيهش

محمود" شد اكتافها بعصبيه: انت باش تفهمي باااش ع موتي ما اديريها ع موووتي ما اديريها فاهمه

ياسمين" تبكي: لااااااازم ندير هالشي لااازم خلييييينيييييييييي خليييينييييي

محمود" بعصبيه: مش مخليك انت خيرك راسك مصكر انا نحبك نحبببببك نحبببببك " دفها وتنهد بالم: مستحيل تفهمي مشاعري حتى لو غيرتي قلبك مش دمك للاسف مش رح تفهمي مشاعري نحبك ريتك بس تقدري هالكلمه "مشى "

ياسمين" قعمزت ع الوطا تبكي بالم: وانا نحبك بس مستحيل نعترفلك انت تستاهل وحده افضل مني انا ماننفع مع الدم يلي يجري فيا .. اااخ لو تعرف اني بسببك قررت نغير دمي ويبدا كله عربي صاافي مش ملوث بدم حثاله من البشر "زاد بكاها: ياااربي علااااش علااااش جيت لهنا ياريت متت ف القصف ولا طلعنا من المدينه او تأسرنا كان افضلي من نقابل شخص زي محمود انا مجرد غلطه غلطوها بوي وامي بزواجهم الفاشل ويلي مادام حتى شهر وكل واحد راه لسبيل حاله وانا قعدت نعاني بروحي ونتحمل قرارهم الغلط

""""""""""""

لنْ أمُوت بسبب
قِلة أكْلي وَعدْم #اهتَمامي بنومي
رُبمَا سـَ أمُوتْ قَهرا عِنْدمَا
يَنْهش الكْتَمانَ#قَلبيْ بِبُطء!
مـتعب‏‏ جدآ💔

مساء

الكل مبتهجين ف العرس وصوت الاغاني والزغاريت ملت المخيم وفرحت كل القلوب

ميار" لابسه قفطان طويل لونه احمر وفوقه شيفون ابيض ومنفوخ شوي ومن خصره مشدود بشريط فيه ورده ع جنب ومن فوق كم تام ..شراته لما مشت للمدينه وقبل بنلبسه ف عرس سناء لكن لبست واحد اخر .. قربت من العرائس وتباركلهم ووصل لروعه وضمتها: مباااارك

روعه: لله يبارك فيك عقبااال عندك

ميار" ابتسمت : نسيت هديتك خلي نمشي نجيبهالك

روعه: سلمك مافيش داعي للهدايا

ميار: اسس ولا كلمه احنا خوات ومش من قدك الهدية بس هدا يلي تقدر نحصله تو نحطهالك ف شنطتك "مشت لبست وشاحها وطلعت وبما انها لابسه طويل وكم تام مالبستش عبايتها وخيمه النساء بعيده عن مكان الرجال ..طلعت ومشت لتريلتهم شافت ياسمين واقفه ع الدولاب ولما سمعت حركه سكراته طول وبان الارتباك عليها.. ابتسمت: هلا ياسمين خيرك هنا وقعده مالبستيش

ياسمين" خدت منشف ومشت جهه الحمام (حشاكم ) وخشت"

ميار: ربي يهدي هالبنت ويصلح حالها " مشت خدت الهدية وطعت لقت خيال واقف وقفت وهو قرب منها حست دقات قلبها ترتفع"

رمزي" قرب وهو يشوفلها من فوق لين لوطا : مساء الخير

ميار" ارتبكت من نظراته: مساء النور

رمزي: شن اديري هنا

ميار: جيت ناخد هدية روعه

رمزي: اها " شاف لقفطانها: حلوو قفطانك

ميار" بخجل: سلمك

رمزي" قرب منها بهمس: بس انت احلى ومحليتيه

ميار" دقاتها تعلى: اا بنمشي

رمزي: بدون عباية طالعه هكا

ميار: مافيش حد كلهم ف الساحه

رمزي" بعصبيه: وهاني جيت وشفت انا وكان ف حد غيري شافك

ميار" نزلت عيونها بخوف منه"

رمزي: ميار نبيك ديما تحافظي ع نفسك حتى من عيون الناس راني نخاف عليك من عيونهم انت حلوة كيف لو لبستي شي يظهر حلاوتك اكثر فهميني

ميار" هزت راسها بنعم"

رمزي: هي "مشى وهو محديها لين وصلها قريب الخيمه ووقف : ميار

ميار" لفتله"

رمزي" نظرات حب: عقبالنا "لف ومشى"

ميار" انصدمت ودقاتها ارتفعت حست بفرحه داخلها قال عقبالنا معناها يحبها رمزي يحبهاا يحبهاا "

.....

جواد " حط ايده ع قلبه حاس بالم فضييييع "

احمد" جنبه مقعمز لفله بخوف: جواد خيرك

جواد" بالم : خطيني من هنا بسرعه احمد

احمد" وقف بخوف وجا خلف جواد وسحب الكرسي"

محمود" شافهم: وين ماشيين

احمد: جواد يبي دواه " بسرعه رفعه للمستوصف واتصل ب دكتور يحيى يلحقهم حطه ع السرير ويشوفله كيف يتألم .. خاف عليه: جوااد خيرك شن صابك

جواد" بالم حاد وايده ع قلبه ويحس بسكاكين يطعن فيه: مافي شيء

احمد" دمعوا عيونه: ماتكذبش ماتكذبش

د يحيى" خش ولما شاف جواد قرب منه بخوف : جواد شن صابك

جواد" غمض عيونه بالم: شوي تعب

د يحيى" مشى خدا جهاز التنصت وقرب من جواد وفتح ازرار قميصه من فوق وبدا يقيس ف نبض قلبه"

احمد" بخوف: جواد لازم تهتم بنفسك

د يحيى: كم مرة نبهتك لا عاد تفكر ف شيء يضايقك " بعد السماعات عنه خدا ابره وضربها له : لازم تهتم بصحتك ياجواد

احمد" يشوف لجواد كيف ارتخى : ها شن تحس تو

د يحيى: الابرة فيها مفعول فعال .. ها جواد كيف تحس

جواد" فتح عيونه بهمس: بخير

احمد" بعصبيه: لااش لعناد تو لاااش نبي نفهم انت شن بتستفاد لو قعدت هكا تعذب ف روحك وحالتك كل يوم تتراجع للاسوء امتى بتفكر ف مصلحتك امتى

جواد: احمد

احمد" بعصبيه: اسس ولا كلمه انت لازم ادير العملية قبل ماتسوء حالتك لااازم تو اديرها قبل ماتمووت

جواد" انصدم وشاف ل د يحيى"

احمد: شن منصدم تحساب مانعرفش عن مرضك الخطييير نعرف غير ساكت مانبيش نضغط عليك بس وانت ف هالحاله كل يوم تتراجع للاسوء ولله مانخليك لين اديرها وتو ف هالاسبوع

جواد" بعصبيه: علااااش قلت علاااااااش الامر سررر بيني وبينك يادكتور يحيى مانبي حد يعرررف اني موتي قريب

احمد" بعصبيه حاده: مش هو قالي لقيت اوراق تقرير طبي يشرح حالتك وهو بروحه مايعرف اني عرفت بعدين شن ادس ف الامر عنا تبي لين تموت ونسمعو بيك .. ونبي نفهم علااااش ماتبيش ادير العملية علاااااااش

جواد" بحده: هكا انا حررر ومش مدايرها

احمد" بحده وصراخ: غبي طوول عمرك بتقعد غبي انت بتمووووت سااامع بتموووووت من شن خايف العملية مش صعبه لازم اديرها ف اقرب وقت

د يحيى : قلتله الف مرة وقلتله عندي صاحبي دكتور قلب ومتخصص وهو مستعد يديرلك العملية بس انت سافر لكن هو معند

احمد" قرب من جواد والدموع ف عيونه: انت بتمووووت خيرك هكا حالتك خطيره ثقبين ف القلب مع تصلب شريينه يعني اي حركه فيها تعب ولو بسيط تموووت تمووووت ياجواد تموووووت

جواد: الاعمار بيد لله

احمد" بعصبيه: بهيم انت غبي مجقجق مجنوون شن بنوصفك قال تعالى:"( ﻭَﻟَﺎ ﺗُﻠْﻘُﻮﺍ ﺑِﺄَﻳْﺪِﻳﻜُﻢْ ﺇِﻟَﻰ ﺍﻟﺘَّﻬْﻠُﻜَﺔِ ‏) وانت شن مداير انت بتلقي نفسك للموووووت للمووووووت ياجواد هي عملية مش صعبه ع دكتور متخصص علاش تبي تخلي روحك هكا تعرف انك لو قعدت ومادرت العملية بتمووووت لانك ماتقدر تتحمل اكثر وقلبك يضعف يضعف ياجوااااد سامعني

جواد: اووووف خلاص صدعت راسي

احمد" بغيض: خليك هكا وعذب روحك وقلبك لين تموت "قرب منه وبهمس: لو هي عرفت وربي لما تموت قلبك "بعد عنه"

جواد" بغيض: لا تقول شي لحد نهائيا ولا تكون اخر لحظت صداقه بينا

احمد: عندي نخسر صداقتك ولا نخسرك "مشى"

جواد" بعصبيه: احمممممد تعااال وربي لو قلت ماتشوفني طول عمرك احمممد

د يحيى: جواد هدي روحك

جواد" شد قلبه بالم: ااخ منه هذا واحمد العاقل دار هكا لو محمود شن دار

د يحيى: كلام احمد حق

جواد" قعمز: ساعدني

د يحيى: خليك مرتاح

جواد: مانبي حد يفقدني ف العرس ومانوصيكش مانبيش حد يسمع بمرضي

د يحيى: اظن احمد مش ساكت

جواد" تنهد: اه

""""""""""""""""""""
بعد انتهاء العرس

جواد" يحرك ف كرسيه : ان شاء لله ابو حامد وعدني يأمن مكان لشباب

احمد" يمشي جنبه: اي كويس يلا انا بنرقد تصبحو ع خير

محمود: نساعدك

جواد: لا انا مزال مش جايني نوم

محمود" يتاوب: مانعستش

جواد: لا

محمود: مالا تصبح ع خير "مشى وهو يتكاسل"

جواد" لف بكرسيه ومشى لاطلاله المدينه كان صعب عليه الوصول غادي بسبب الرشاد الموجود بكثره وصل وحس بانتعاش يدخل داخله ابتسم وهو يشوف لمدينته: ان شاء لله قبل مانموت نشوفك متحرره ان شااااء لله نشوفك من جديد منورة يااارب " طلع صورة ميار وشافلها: لا تخافي مش ميت لين نشبع من شوفتك لكن مش مودعك سامحيني مانقدر نودعك لاني مانبي نشوف الدموع ف عيونك والحزن اسسسسف حبيبتي اسسسف سامحيني ع كل شيء نحبك لاخر نبضه ف قلبي❤

""""""""

صباحااا

ف المطعم
محمود: ولله تعباااااان وخااااطري ف نومه

سند: وعلاش نايض بكري

محمود" يشوف لجواد: اسأل جواد شوره ماجا الا الصبح ولما خش نضت طار النوم

رمزي: خيرك مارقدتش ولا شن؟

جواد: ماجانيش نوم

رمزي" بخوف: تحس بشيء تعبان؟

جواد" ابتسم: لا مافيا شيء تطمن بس هكا طاير النوم

احمد: اكيد مافيك شيء

جواد: اي اكيد

ميار" جتهم وشاده سدين: صباح الخير

الكل : صباح النور

سدين: صباح الخير عمي احمد احمد

احمد" ببتسامه: ياصباح الفلللل ومعش تقولي عمي

سدين: نسييييت

احمد: ههه يالله المهم صلحتيها طول تعالي قعمزي افطري

ميار: شباب شفتو ياسمين؟

محمود: علاش تسألي عليها؟

ميار: ماشفتهاش من امس

محمود: تو تلقيها اندرى وين هي وجيشها يلعبو

ميار: لا هي حتى العرس امس ماحضراتاش

محمود: هذه وجها وجه اعراس اكيد ماتبيش تحضره

جواد: علاش خايفه عليها

ميار: ماشفتهاش من امس نقلكم وحتى دبشها مهناش ف الدولاب

رمزي: مرات رجعت لجدودها

ميار" هزت راسها بلا: جدتها بروحها سألت عليها اليوم

محمود" وقف لين طاح الكرسي وراه بعصبيه: ولله لو دارتها لنعدمهاا "مشى بسرعه "

احمد: خيره وشن يلي بديره ياسمين

جواد: الحقووه اكيد صاير شي بينهم

............

سجى" ف الكوجينه تكلم ف سناء: اووه منك انت الثانية كم مرة بالله عليك بنقووووولك كم مرة راه انا معش نبي نقرا كرهتهاااا القراية خلاااص قررت نشد الحوش للابد

سناء: وطموحك وحلمك

سجى: طلع طموح صعب وحلم مستحيل خلاص فكوني عاد مانبيش نقرا معش تكلموني عليها القراية

سناء: ربي يهديك

سجى: امين وجميع المسلمين المهم شن اوضاعك انت وعامر

سناء" بفرح: الحمد لله ف خير ونعمه

سجى: الحمد لله ربي يديمها عليكم

سناء: امييين نخليك تو بنشوف خوه الصغير يبي شيء ياكله

سجى: بسلامه " صكرت الخط ونزلت دمعه منها مستحها: انت قوية ياسجى مش يأثر فيك دكتور مريض زي فادي لا تخليه يأثر ع حياتك بنكمل مشوار حياتي حتى لو ماطلعت دكتورة المهم بنساعد الناس وبنمشي نخدم ف مركز العجزه والمسنين ولا الايتام خيرلي ع الاقل نكسب ثوابهم

........

محمود" بعصبيه: كيييييف اختفت كييييييييف

سند" بخوف وهو يشوف ف محمود معصب: هدي تو نلقوها

محمود" بعصبيه حاده: وهدم هددددم شن موضعهم مش حرااااس للمخيم كيف تطلع بدووون مايشوفوهااا كيييف

ميار: محمود هدي تربح

محمود: تبوووو تجننوني انتم نهدي وهي هاااربه هااااااربه من المخيم

جواد: من قالك هاربه مرات

محمود" قاطعه: انا عاارفها وانا الغبي مفروض لما عرفت باللي تفكر فيه ربطتها هنا

احمد: بشن تفكر؟

محمود: اوووه مش فاااهمين شي انتم مش فاهمين

رمزي: فهمنا

محمود: انا مش قاعد هنا لااااازم ندورهااا لازم نلقاها قبل ما ادير يلي ف راسها "جا ماشي وقف قدامه ولد صغير"

الولد: عمي محمود

محمود: اخطاني مش وقتك "دفه ومشى"

الولد: عمتي ياسمين ت

محمود" رجعله بسرعه: خيرهاا وينها

الولد" مدله ورقه: هده قالت نعطيهالك

محمود" خدا الورقه وبسرعه فتحها وقراها وصرخ بقوة : مستحيييييييييييييل ولله لاني جايبك ولو من تحت الارض ياسميييييييييييين "مشى بسرعه والكل مستغربين شن صابه "

جواد: احمد تربح شوفه هدا متهور مرات يلقاها يقتلها

احمد: تم تو نلحقه " لحقه "

ميار: مش فاهمه خيرهم وشن القصه

جواد: اكيد الرساله فيها شي

...........

ليلااا

مقعمزين جنب النار وحاطين الشاهي ع النار

جواد" مقعمز ع كرسيه ويتصل : ها احمد وينكم . اي سند ويلي معاه ورمزي ويلي معاه رجعو قبل شوي.. وانتم ارجعوا....عارفه مستحيل يرجع بدونها بس قله لو من امس الليل فأكيد برى المدينه ومرات برى البلاد بكل ... اوك حاول معاه ولازم ترجعو المكان خطر عليكم... سلام " صكر الخط"

رمزي: ها شن صار

جواد: مالقوهاش ف كل مكان

سند: دورنا عليها ومالقيناهاش وهما دورو ومالقوهاش ماعندها وين بتختفي

جواد: لله اعلم وين مشت

ميار: محمود مستحيل يرجع بدونها

جواد: اااه ولله حاله وين مشت البنت

.....

احمد" لف لمحمود يلي جنبه ف السيارة: مالقوهاش

محمود" ضرب الدومان بغضب : وييييييينهاااا ويييين اختفتتت

احمد: اكيد طلعت برى المدينه

محمود" بغيض: لازم نلحقها ونجيبها

احمد: وين بنلقاها واي مدينه بدور عليها صعب الامر راه مش ساهل

محمود" ضغط ع الورقه ف ايده وحرك السيارة ومشى "

"""""""""""""""""""

ميار" سرحانه ف النار يلي قدامها"

جواد: ياهوووو وين سرحتي

ميار" شافتله وابتسمت: ولا مكان

سدين: نبي احمد

ميار: حبيبتي شوي ويجي

سند: ان شاء لله بس يلقوها

رمزي: ما اظن هاهم جو

الكل لفولهم

محمود" كمل طريقه ومامشالهمش"

احمد: السلام

الكل : وعليك السلام

سدين" وقفت وقربت منه: احمد

احمد" حط ايده ع راسها وقعمز وقعمزها جنبه "

جواد: مالقيتوهاش

احمد: لا

سند: زعمه وين راحت

احمد: اكيد برى المدينه بس وين لله اعلم .. شن صار ف جدودها سمعوا؟

جواد: سمعو وجدتها الا تبكي

رمزي: ماعندهاش اقارب ؟

جواد: للاسف كلهم مسافرين برى

ميار: مرة ندكر قالت عندها عم

جواد: اي عندها واتصلت بيه جدتها وقال ماجاتاش والكل اتصلت بيهم وماحد يعتقد انها بتجيه ومافهمتش علاش قالت جدتها انها مستحيل تمشيلهم وماعندهاش اقارب

رمزي: وخوالها مرات تمشيلهم

جواد: سألتها بس قالت لا لا الا خوالها مستحيل تمشيلهم

ميار: ان شاء لله ترجع

......

محمود" مقعمز ع سريره ويشوف للورقه يلي عطاهاله الولد من ياسمين "
" السلااام سيد بطريق اووه قصدي محمود باش ماتعصبش عليا هههاااااه اسمع زين وافهم كويس لانه راسك مصكر وماتفهمش من اول حرف.. انا قررت وقلتلك مش متراجعه عن قراري دمي فااااسد يانقلعه من جسمي يانموت خيرلي .. انت ماكش حاس بيا مش حاس بيا واني منبووذه من الجميع ماعشتش يلي عشته زمان ف صغري والكل يعايرني بدمي واصل امي الفاسد .. صح ماحد هنا غيرك يعرف هالشي وهذا يكفيني اني نغيره نغيره ع خاطرك قبل خاطر حد تاني.. سامحني لاني عصيتك ولا ادور عليا ارجووووك لو تحبني لا ادور عليا تو نرجع ف يوم لو كتب لنا لله اللقاء سلام محمود "مكتوب اخر الورقه" نحبك)
ضم الورقه وصرخ " مجنوووووووونه تحبيني وتخليني ااااااه منك اااااه تمنيت نسمعها منك مش نقراها وانت هاربه مني ااااه منك اااه عذبتيني معاك وعذبتي قلبي وتعذبي ف نفسك اااه

"""""""

ا

ليوم الثالي

ﻻ ﺷَﻲﺀ ﺗَﻐﻴَﺮ
ﺇﻻ ﺃﻥ ﻏِﻴﺂﺑﻚ ، ﺟَﻌﻞَ ﻭَﺟﻬﻲْ
ﺷﺂﺣِﺒﺎً ، ﻭﺑﺂﺋﺴﺎً ﺃﻛﺜﺮْ
💔

سند " مقعمز ف المطعم وقدامه كوب قهوة وتشوفله رفع عيونه علي جلس قدامه"

رمزي: يلي واخد عقلك يتهنى

سند" ببرود: لله لا يهنيها

رمزي" شهق: عيييب عليك تدعي ع البنت وكأنها قاتلتك حد

سند: قتلت قلبي مايكفيش

رمزي" بغيض: الغلط غلطك من اساسه ولازم انت تصلحه

سند" اتكيء ع الكرسي ببرود: مافيش شي ينكسر يتصلح

رمزي" بعصبيه: انت انسحبت ع طول وتو منسحب جرب ماتخسر شي رجااااء ارجع ورجع كل شي ولا يا راجل انسى معش تفكر فيها مادام ماتبيهاش خلاااص دور ع خيرها

سند" وقف "

رمزي" بغيض: تتهرب كعادتك

سند" حط ايديه ف جيوبه ومشى"

رمزي: اوووف منه وانت يارمزي لامتى بتتهرب لامتى ؟لازم تعترف لاااااازم

"""""

محمود" مقعمز ف نص الساحه وكان هموم الدنيا فوق راسه سمع عجلات كرسي جواد لفله"

جواد" قرب منه : وينك نقلب عليك من بكري

محمود: اه

جواد: انت تعاركت معاها قبلها

محمود: لا

جواد: به شن فيها رسالتها قالتلك سبب هروبها من المخيم

محمود" تنهد: اه

جواد: شكلها قالتلك

محمود" وقف ومشى"

جواد: محموود

محمود" كمل طريقه وخطم ع جمال يتكلم بالنقال فاته بس وقت ولفله بسرعه قرب منه وخدا نقاله وتكلم بعصبيه : نصررررر وينهاااا وين رفعتهااا عارفها معاك عااارف ماتطلع بدون مساعده قووووووول ويييينهااااا .. كنتو تخططو من قبل انك اطلعهاااا من هناااا صح تكللللم

نصر" بهدوء: هدي روحك

محمود" بعصبيه: قوووول وينهاااا

نصر: برى المدينه طلعتها ومش مقايل ع مكانها وبدات ليك انت

محمود" بعصبيه: جاااايك جااايك ولله وقاااتلك انت باي صفه اطلعهااااا وباي صفه تتفق معاها اه

نصر: مش مهم الصفه عمل انساني

محمود" صار ع ضروسه: عمل انسانييي هاللي تبي اديره اسمه عمل انساااانييي

نصر: مش فاضيلك تو سلام ع فكرة انا معاها تو

محمود" بعصبيه: نصصصر نصرررر " حذف النقال ع جمال بغيض"

جمال" شده بخوف: شوي شوي نقالي

محمود" بعصبيه حاده: اخطاااني قبل مانفجر المكان عليك انت وصاحبك التاااافه ولله ولله موته ع ايدي " دفه ومشى"

جمال: نصر خالها

محمود" جمممممد كل شي فيه جمد لفله : شن قلت

جمال: قلتلك نصر خالها يعني مامشتش مع غريب

محمود" بصدمه : نصر مستحييييييل

جمال: مافيش شي مستحيل وانت عارف انه من المستعمرين وهي امها منهم

محمود: انت من قالك

جمال: نعرف كل شي ويمكن حتى قبلك نعرف هالشيء عنها وتطمن سر زي ماكنت محافظ عليه قبل بنحافظ عليه تو وليك رساله من نصر يقولك فيها لا ادور ع ياسمين لانها بتسافر برى البلاد كلها "مشى وخلى محمود مصدووووووم من يلي سمعه"

محمود" بالم داخله: سيبتيني سافرتي وسيبتيني
" شد نقاله واتصل برقمها يلي من امس يتصل عليه وهي ماتردش دعى انه ترد هالمرة رن ورن ورن لين فقد الامل انها ترد عليه ضغط ع نقاله بقوة وغيض ومشى... رن نقاله رفعه وانصدم باتصالها وع طول رد: ياسمينه

ياسمين: اتصلت نقولك تنسى هالرقم نهائيا وتنسى صاحبته

محمود" بالم: ارجعي ولله ولله ماحد عارف بدمك واطمني انا راااضي بيه

ياسمين: حلفت مانرجع لين نغيره

محمود" بالم: علااش لعنااااد علااااش

ياسمين" بهمس: من صغري نحلم بهذا الشي نحلم ان دمي كله صافي خليني نحقق هالحلم تربح

محمود: انت تو ع اساس تاخدي ف رايي وتترجي فيا تي خلاص هربتي وبديري يلي ف راسك

ياسمين" سكتت "

محمود" قعمز ع اقرب كرسي بالم وحزن: ارجعي ياسمينه ع خاطري

ياسمين: لا

محمود: نترجااااك ياسمينه تربحييي

ياسمين: ماطلعت الا بقناعه ومانولي الا ومحققه ماتمنيته

محمود: نحبك

ياسمين: بسلامه محمود

محمود: نحبك تسمعي نحبك ولله نحبك ومانهتم بدمك وكم مرة قلتها تربحييي عارف انك تحبيني لله يربحك ارجعي وخلينا نتزوجو وماحد ليه دخل بيك

ياسمين: سامحني

محمود" بعصبيه: مش مساااامحك لووو مارجعتيش

ياسمين: سامحني

محمود: مش مسااااااااااامح لو مارجعتيش سامعه

ياسمين: ارجوووك سامحني

محمود: قلت مش مسااامح مش مسااااامح

ياسمين: نحبك

محمود" جمد كل شي فيه جمد الا دقات قلبه ارتفعت : ش ش ن

ياسمين: اسفه وسامحني ولله لاني نحبك "صكرت الخط"

محمود: ياسمييييينه ياسمييييييين " حذف النقال بقوة ع الوطا تكسر وكل قطعه طارت ف جيهه: مش مساااااامحك مش مسااامح "بالم: ولله نحبك ياسمينه

""""""""""""""""""

بعد ايام

ستكتشفون ماذا اخفيت عنكم فى الحياة
ستكتشفون ماذا كنت اخفى خلف تلك الابتسامة
💔

رمزي" يمشي ف الساحه ويتكلم بالنقال: جد كويس تسافرو للخارج تغيرو جو

سجى: انا مانبيش بس بوك معند وخصوصا بعد بطلت من قرايتي

رمزي: مش ناوية ترجعي للقراية

سجى: لا

رمزي: اقري برى

سجى: اممم ما ظنيش نقرا تحطم طموحي

رمزي: من حطمه؟؟

سجى: ههه بروحه المهم قلنا بنسافرو نهاية الاسبوع تقدر تجي انت وميار نودعوكم بما انك يعني مش مسافر معانا ولا اظن ف يوم بتسافر

رمزي" تجاهل تلميحاتها: امم ان شاء لله

سجى: ماقلتلها لتو

رمزي: لا

سجى : اعترف افضل ماتعرف بروحها وانت تندم

رمزي: ان شاء لله يلا سلمي ع عمتي

سجى : وصل سلام تو وسلم ع ميورتك

رمزي : وصل بسلامه " صكر الخط شاف جواد شاد قلبه ويحرك ف كرسيه بتعب مشاله يجري: جواد خيرك شن فيك

جواد" يحاول مايبين ألمه: مافيا شيء

رمزي" بخوف: لا فيك قووول خيرك خيره قلبك لاحظت انك تشكي منه هلبه

جواد" بالم: مافي شيء بس ارفعني للمستوصف ونادي الدكتور يحيى

رمزي" ساعده لين دخله للمستوصف وساعده لين رقد ع السرير واتصل ب دكتور يحيى : الوو وينك ؟؟ ..... برى المخيم؟؟...جواد قلبه وجعه ويبيك .... مانعرفش انا ..... عارف عمر وروعه برى المدينه طلعو اليوم الفجر .... اوك اوك سلام " صكر الخط: برى المخيم وقالي نكلم ميار تضربلك الابرة

جواد: لا لا كل شي ولا ميار

رمزي: علاش؟

جواد" بالم: هكا عارفها هي توهق واجد هات انا نضربها

رمزي: لا انا تو نضربهالك " قرب منه"

جواد" صرخ بالم: اااااااه

رمزي" بخوف: جواااااد

جواد" يتنفس بصعوبه: قربت

رمزي: ماتتكلمش ريح روحك تربح

جواد" شاد قلبه والدموع ف عيونه : نوصيك عليها هي امانتك نوصيك عليها اذا متت هي امانتك نوصيك عليها امانتك

رمزي" دمعو عيونه : جوااااد شن تقووول وع من توصي انت مش صايرلك شي لا تخافك

جواد" بالم: ميار يارمزي ميار

رمزي" مشى يجري خدا الابره من الدرج وين قالله الدكتور يحيى وقرب من جواد وضربها ف ايده وهو ايديه يرعشو : ما تتكلمش ريح روحك

جواد" بالم ومغمض عيونه ودمعه نازله من عينه: امانتك ميار

رمزي" بعصبيه: خلييييك ساااكت لا تتكلم تربح جواد "خلاه لين حس انه ملامحه استريحت قرب منه وقعمز ع كرسي جنبه واستناه لين حسه متريح  : شن مرضك؟؟؟؟

جواد" فتح عيونه وقعمز يعدل ف كمه وينزل فيه: مافيش شي مجرد شد عضلي

رمزي: صح مش دكتور انا بس نعرف ان الشد العضلي مش هكا

جواد "سكت"

رمزي: خطير مرضك؟؟

جواد: مش واجد خمس ست شهور او اقل

رمزي: الحمد لله تتحملهم هالشهور المهم ماتنساش الدوا

جواد" ابتسم بهدوء"

رمزي: بس علاش وصيتني ع ميار وكأنك بتموت

جواد: ههه مش عارف كان قلبي بكل يوجع فيا

رمزي" بهدوء: علاش وصيتني عليها

جواد" ابتسم: لانها تحبك ... و .. وانت تحبها

رمزي" بجدية : وانت تحبها

جواد " شاف لرمزي بصدمه ورمزي يشوفله قعدو فترة يشوفو لبعض بملامح خالية عن التعبير .. لف جواد ع جنب وهو يتحسس ع قلبه : ست شهور ويوقف قلبي

رمزي" شهق: كيييف ؟

جواد" ابتسم بهدوء : خيرك مخلوع قلتلك كلها ست شهور او اظن اقلل وقلبي يوقف مافيش علاج لحالتي

رمزي" وقف مصدوم: جوااد تحكي بالحق انت

جواد: اي جد

رمزي: لاازم تعاالج لااازم ياجواد

جواد: مافيش امل فيا

رمزي" قعمز ع الكرسي بصدمه: مافيش امل علااش شن مرضك؟؟

جواد: مش مهم الشرح المهم لو صارلي شي ميار امانتك

رمزي" بالم : انا السبب ف كل شي حتى وجع قلبك انا سببه

جواد" ابتسم : انت شن دخلك اصلا

رمزي: كيف شن دخلني كيييف وسبب عجزك من منننن انا يلي نشتك بالسلاح وتو تعااااااني مشلوووول بسببي حتى قلبك سببه انا

جواد: كله قضاء لله وقدره بعدين علاش قلبي انت سببه

رمزي" بحزن: لانك تحبها وانا اناني مافكرت فيك

جواد" ببتسامه: هي تحبك وهذا الاهم

رمزي" بالم: تحبني لانها مخدوعه فيا

جواد: لا تحبك لانها بجد تحبك وانت تنحب يارمزي

رمزي" هز راسه بالم: لا لو تعرف يلي خافيه عنها مستحيل تسامحني

جواد" باستغراب: شن داس عليها؟؟

رمزي" ضحك بهزوة: وشن يلي مادسيته  واولهم اني السبب فاللي صارلك مش هي السبب

جواد: اصابتي وشللي قضاء وقدر لا انت ولا هي

رمزي: انا السبب عرضت اوراقك ع دكتور مختص واكد ان الرصاصه هي يلي قطعت الاعصاب المتصله برجليك مش العملية كما قال قريب الدكتور يحيى

جواد: مش مهم حاليا وانت وهي تكبرو ف الموضوع

رمزي: الموضوع كبيير انا سامع من مده بهدا الشي بس ماااقدرتش حتى نصارحها ان السبب من الرصاصه مش من العملية لووو تسمع بهذا الشي ولله ماعاد تشوف وجهي كيف لو تسمع بالباقي

جواد" بخوف: شن فيه باقي؟

رمزي: الحادث انا سببه مش بوي انا يلي ضربت ميار بالسيارة وفقدت الذاكرة بسببي

جواد" بصدمه: انت

رمزي: اي انا

جواد: علاش ماقلتلهاش

رمزي: قصه طويله المهم اني السبب وماقدرتش نقلها خفت

جواد: من شن خفت

رمزي: خفت تكرهني خفت تتغير معاملتها ليا انت ماتعرفش لما سمعت بان بوي هو يلي ضربها كيف صار فيها

جواد" بحزن: عارف ميار لا يمكن تغفر لحد يغلط معاها هي طيبه بس كل شي ولا كرامتها او حد يكذب عليها

رمزي: هذا يلي خايف منه وعارفه ميار ماتسامح ولا تغفر وجربتها ف كم موقف لكن لازم نقلها لازم

جواد: لاااا ما تقلهاش

رمزي: علاش هي لازم تعرف

جواد: تكرهك بعدها لااا ماتقلهااش

رمزي" وقف: وانا خايف من هالشي لكن بنصبر لين يجي الوقت المناسب ونقلها معش نتحمل نكذب عليها ... هي نساعدك " ساعده قعمز ع كرسيه ودف بيه "

جواد: اصابتي لا تقلها عليها والاهم من هذا مرضي

رمزي" طلعوا من المستوصف : مرضك اي بس الاصابه ه " جمد وهو يشوف ف ميار واقفه "

جواد" شافلها وانصدم "

ميار" واقفه وشاده الباب بايدها ودموعها ينزلو

رمزي" تنهد بقوة عرفت اكيد من منظرها "

جواد: ميار

ميار " تبكي : كذب يلي قلتوه كذبببب تمزحو مع بعض وله

رمزي: ميار

ميار" بعصبيه: كذذذب كذذذذذب كذااابين كل واحد فيكم يكذب ع الثاااني

جواد" بهدوء: ميار هدي

ميار"بصراخ: اسسسس ماتكذبش تاني انتم حاليا وكل شي قلتووه كذب قووولووو كذب

رمزي: ياميار

ميار: كذاااااابين " ببكاء: جواد قول انه يكذب قووول  كذب قووول مافيك شي انت كذبت عليه وكذب عليك قووووله قوووله انك عمرك ماكذبت عليا قووول انه مش هو السبب ف الحادث انا مانصدقاااش هو ديما يبصر ولله يبصبر عليك

رمزي" بتعب: ميار

ميار" بصراخ: ولاااا حرررف انت واحد كذاااااااب علاااش تفلم ع جواد وتقوله انك السبب ف الحادث وف الم عشته زماان علاااااااش

رمزي" بعصبيه حاده: خلاااااص تعببببت تعبببببت هدا يلي صار انا السببب ف كل شي انا السببببببببب

ميار" وخرت وهي مصدوومه: مستحيييييل مانصدقش

رمزي" بالم : صدقي ولله واقسم بالله وربي اني السبب ف كل شي وكل شي سمعتيه حقيقه

ميار" بدموع : كذاااااااب علاااااااش كذبت علاااااش

رمزي: خفت خفت نخسرك ولله خفت

ميار" بالم وهي تمسح ف دموعها يلي مش قادرة توقفهم: خسرتني للابد يارمزي خسرتني "لفت ومشت وهي تبكي"

رمزي" حس بالم ف قلبه وهي عرفت بدون ماهو يعترف وكانت صادقه سجى لو سمعت ميار من غيره اكيد ماتسامحه"

جواد: تو نهديها  "لحقها وهو يحس بالم فضيع ف قلبه ولا كانه قبل شوي خدا ابره مسكن سمعت كل شي وسمعت بمرضه بس كل يلي همها رمزي وانه كذب عليها وما اهتمت بمرضه وانه بيموت مع انها سمعت كل شي حاول يتحمل الم قلبه ومشى لتريلا امتعها كيف بيخش انصدمم : ميار

ميار" وقفت وشافتله"

جواد" بصدمه : شن يلي عندك

ميار" وهي شاده السلاح بايدها وتبتسم وتمسح ف دموعها: الالم لازم ينتهي والماضي كله يختفي تعبببت تعببببت

جواد" بصدمه: شن بديري ولاش هالسلاح

ميار" ابتسمت بالم ونظره غريبه "

جواد" وهو يوخر مصدوم: مياار وقفي ميار لا تساوي شي تندمي عليه

ميار" فاتت عليه ومشت"

جواد" لف كرسيه بصراخ: مياااااااار لاااااااااااااااااا

كسر ألخوآطر مَ تغطيهآ ألأعذآر '
• ‏مثل ألتعآزي مَ ترد ألمصيبھ
💔

يتبع.....

مقتطفات

رمزي" شاف اخر نظره وابتسم بالم ومشى وهو يردد كلمه دايما يردد فيها :.......

💔💔💔💔

احمد" لف لمعاذ بغصبيه : علاش هالدوشه كلها

معاذ: زوجتك

احمد" وقف وطيح يلي ف ايده بصدمه: سدين

...

سدين" بدموع: عمي احممد لا تموت

..
سدين " بصراخ: انا كبرررررررت لا عاد تتحكم فيا صار عمري 18 يعني ف السن القانونية ماليكش اي حكم
....

سدين" تبكي: من زوجي من هووووااا علااش ماعنديش علم بهذا الشي

...

🎀🎀🎀🎀🎀
محمود" بصدمه وقف وطيح كل شي من ايده : جواد لااا " يجري بسرعه وصراخ: جواااااااااااااااااد

....

سند " بهزوة : ماتوقعتي شوفتي بعد هالسنين يا " بهزوة اكبر: ترنيم

...

سند" بعصبيه حاده: جبااااااان طووول عمرك تقعد نفس ما انت ماتحارب تستسلم طوول كيف ماصارلك قبل قعد يصير

❤ سينتهي كل شيء مؤلم دات يوم❤

انصدم من شوفتها تغيرت كل شي فيها تغير ماتوقع شوفتها بعد هالسنييين ماتوقع وف هالظرف وهالمكان ؟؟

.....

ميار" سمعت صوت يناديها ماما لفت وابتسمت ومدت يديها للبنت الصغيره يلي تجري وضمتها : هلااااا حبيبة ماما

البنت" ببتسامه: ماما سوفي بابا جابلي حلوة

ميار" لفت للي جاي ويبتسم : اووف منك كم مرة قلت الحلوة ممنوعه انت تبي اضيع بنتك اووف هدا باباك ماينفع لشي

ضحك عليها: ههه وماماتها شن تنفع لكل شي

......

نزل من السيارة وهو يشوف التغير ف المكان 6 سنوات كفيله بادن تغير بلاد بكلامها مش مكان صغير ابتسم وهو يتذكر كيف كان هنا عايش غمض عونه وشم الهواء اااااه ياتره هي قعده هنا وتذكر فيه ولا شن صار فيها؟

....

ميار" ببتسامه وحب وهي تهمس : نحبك لاخر نبضه ف قلبي

بصراخ: مياااااار اســـف اســف جداا

توقعاتكم للاحدات الاخيرة

انتظرووووووني غدا او بعد غد

الكـ✎ـاتبة وميـض اللـيــل💕