ﻛﻞ ﻳﻮﻡ ﺑﻌﺪﻱ ﺳﻴﻒ ﺣﺎﻟﺘﻮ ﺑﺘﺴﻮﺀ ﺍﻛﺘﺮ ﺷﻬﺪ ﻣﺎ ﻋﺠﺒﺎ ﺍﻟﻮﺿﻊ ﺍﻟﻮﺻﻞ ﻟﻴﻪ ﺳﻴﻒ ﻣﺎﺷﻲ ﻓﻲ ﺳﻜﺔ ﻣﻤﻜﻦ ﺗﻀﻴﻌﻮ ﻟﻼﺑﺪ ﺇﺗﻜﻠﻤﺖ ﻣﻌﺎﻫﻮ ﻟﻤﺎ ﻻﻗﺘﻮ ﺻﺪﻓﺔ ﻗﺮﻳﺐ ﻟﻠﻤﻮﻗﻒ ﻭﻫﻲ ﺟﺎﻳﺔ ﻋﻠﻲ ﺍﻟﺠﺎﻣﻌﺔ ﺣﺎﻭﻟﺖ ﻣﻌﺎﻭ ﻳﺘﺮﺍﺟﻊ ﻋﻦ ﺍﻓﻜﺎﺭﻭ ﻭﻳﻨﺘﺒﻪ ﻋﻠﻲ ﺩﺭﺍﺳﺘﻮ ﺯﻱ ﺍﺍﻻﻭﻝ ﻗﺎﻝ :
_ ﺷﻬﺪ ﻣﺎ ﺗﺘﺒﻌﻲ ﺭﻭﺣﻚ ﻣﻌﺎﻱ ﺍﻧﺎ ﻛﺪﺓ ﻛﻮﻭﻳﺲ .
_. ﻛﻮﻳﺲ ﻋﻠﻴﻚ ﺍﻟﻠﻪ ﺍﺭﺟﻊ ﺍﻟﺒﻴﺖ ﻭﺷﻮﻑ ﻭﺷﻚ ﺑﺎﻟﻤﺮﺍﻳﺔ ﻭﺍﻟﻠﻪ ﻣﺎ ﺡ ﺗﻌﺮﻑ ﻧﻔﺴﻚ ﺳﻴﻒ ﻣﺎ ﻭﻗﻔﺖ ﺍﻟﺪﻧﻴﺎ ﻋﻠﻲ ﺭﻏﺪﺓ ﺑﻜﺮﺓ ﺗﺤﺐ ﻭﺣﺪﺓ ﺗﺎﺍﻧﻴﺔ ﻭﺗﻜﻮﻥ ﻟﻴﻚ ..
_. ﺍﻧﺎ ﻟﻲ ﻳﻮﻣﻴﻦ ﻣﻦ ﺍﻟﺒﻴﺖ . ﻭﻣﺎﺍﺍﺍﻓﻲ ﻭﺣﺪﺓ ﺗﺎﺍﻧﻴﺔ ﻏﻴﺮ ﺭﻏﺪﺓ ﻟﻮ ﺍﺭﺗﻜﺐ ﺟﺮﻳﻤﺔ ﺡ ﺗﻜﻮﻥ ﻣﻦ ﻧﺼﻴﺒﻲ .
_. ﺃﻧﺖ ﻣﺎ ﺑﺮﺍﻙ ﻳﺎﺍ ﺳﻴﻒ ﺷﺎﺍﺭﺏ ﺷﻨﻮﻭ ...
_ ﻭﻻ ﺷﻲ ﻃﺒﻴﻌﻲ ..
_ ﻃﻴﺐ ﻗﻮﻡ ﺍﻭﺻﻠﻚ ﺍﻟﺒﻴﺖ ﺑﻌﺪ ﺗﺮﺟﻊ ﻟﻮﻋﻴﻚ ﻧﺘﻜﻠﻢ ...
_ ﻻ ﺍﻧﺎ ﺗﻤﺎﻡ ﺟﺎﻳﻨﻲ ﺻﺪﻳﻘﻲ ﻣﺆﻣﻦ ﺑﻌﺪ ﺷﻮﻳﺔ ﻃﺎﻟﺐ ﻣﻨﻮ ﺷﻲ ﻣﻬﻢ ...
_ ﻣﺆﻣﻦ ؟؟ﻣﺘﻘﻮﻝ ﻟﻲ ﻣﺆﻣﻦ ﺍﻟﻮﺩ ﺍﻟﻔﻲ ﺍﻟﺠﺎﻣﻌﻪ ﺩﺓ ...
_ ﺍﻱ ﻳﺎﺍﻫﻮ ﺯﻭﻝ ﻛﻮﻭﻳﺲ ﻋﻜﺲ ﺍﻟﻨﺎﺍﺱ ﺍﻟﻌﺮﻓﺘﻢ ﻛﻠﻬﻢ ﺷﻴﻄﺎﻥ ﺍﻱ ﺑﺲ . ﻭﺍﺿﺢ ﻭﻋﻨﺪﻱ ﻣﻌﺎﻫﻮ ﺷﻐﻞ ﻻﺯﻡ ﺍﺗﻤﻮ ﺍﻣﺸﻲ ﺇﻧﺘﻲ .... ﺷﻬﺪ ﻣﺎ ﻋﻨﺪﻫﺎ ﺣﻞ ﻏﻴﺮ ﺗﻤﺸﻲ ﻻﻧﻬﻢ . ﺳﻂ ﺍﻟﺴﻮﻕ ﻭﺳﻴﻒ ﺷﻜﻠﻮ ﺷﺮﺍﺏ ﺣﺎﺟﻪ ﻣﺎ ﻳﻔﻬﻢ ﻛﻼﻣﺎ .. ﺳﻴﻒ ﻋﻨﺪﻭ ﺑﺖ ﺍﻫﻠﻮ ﺑﺘﻘﺮﺍ ﻓﻲ ﺍﻟﺪﻓﻌﺔ ﺍﻟﻘﺒﻴﻠﻬﻮ ﺷﻬﺪ ﻣﺸﻴﺖ ﻟﻴﻬﺎﺍ ﻋﺸﺎﻥ ﺗﻌﺮﻑ ﻋﻨﻮﺍﻥ ﺑﻴﺖ ﻧﺎﺉ ﺳﻴﻒ ﺗﻤﺸﻲ ﺗﺘﻜﻠﻢ ﻣﻊ ﺍﻣﻮ ﺍﻭ ﻭﺍﺣﺪﺓ ﻣﻦ ﺍﺧﻮﺍﺗﻮ ﻳﺘﺼﺮﻓﻮﺍ ﻣﻌﺎﻫﻮﻭ ﻗﺒﻞ ﺍﻟﺰﻣﻦ ﻳﺎ ﻳﻔﻮﺕ ﺍﻭ ﺗﺤﺼﻞ ﻣﺼﻴﺒﺔ ..... ﺑﻌﺪ ﺷﻬﺪ ﻣﺸﺖ ﺑﺪﻗﻴﻘﺘﻴﻦ ﻣﺆﻣﻦ ﻭﺻﻞ ..
_. ﺍﺑﺸﺮ ﻳﺎ ﻣﺎﻥ ﺍﻫﺎ ﺟﺒﺖ ﻟﻲ ﺍﻟﻤﻄﻠﻮﺏ ..
_ ﻣﺎ ﺍﺟﻴﺒﻮ ﻟﻴﻚ ﺇﻻ ﺍﻧﺎ ﻳﺎ ﺻﺪﻳﻖ ..
_ ﻗﻮﻭﻭﻭﻝ .
_ ﺍﻟﻮﻭﺭﻕ ﺩﻱ ﺷﺎﻳﻔﻪ ﻣﺎﺗﻨﺪﻫﺶ ﺻﻐﻴﺮﻩ ﺑﺲ ﻓﻴﻬﺎ ﻛﻞ ﺍﻟﺘﻔﺎﺻﻴﻞ ﻋﻦ ﺧﺎﻃﻒ ﺣﺒﻴﺒﺘﻚ _ ﺍﺩﻳﻨﻲ ﺍﻟﻤﻔﻴﺪ ..
_ ﺍﻟﻤﻔﻴﺪ ﺯﻭﻟﻚ ﺩﻩ ﻣﻬﻨﺪﺱ ﻛﺎﻥ ﺷﻐﺎﻝ ﻓﻲ ﺷﺮﻛﺔ ﻭﻫﺴﻲ ﻋﻤﻞ ﻟﻲ ﻣﻜﺘﺐ ﻛﺪﺓ ﺷﻐﻞ ﺧﺎﺍﺹ ..
_ ﺍﻫﺎ ﺍﻫﻠﻮ ﺍﻣﻮ ﺍﺧﻮﺍﺗﻮ ﺍﻱ ﺷﻲ ﻣﻦ ﺍﻟﻨﻮﻉ ﺩﻩ ..
_ ﺯﻭﻝ ﻏﺮﻳﺐ ﺟﺎﻱ ﻓﻲ ﺍﻟﺪﻧﻴﺎ ﺑﺮﺍﻭﻭ _ ﻛﻴﻒ ? ??
_ ﻣﺎ ﻋﻨﺪﻭ ﺍﺧﻮ ﺗﺼﺪﻕ ﻫﺴﻲ ﻣﻌﺎﻫﻮ ﺣﺠﺘﻮ ﺑﺲ ﻓﻲ ﺍﻟﺒﻴﺖ ﺍﻟﻜﺒﻴﺮ ﺍﻻﻧﺖ ﺷﺎﻳﻔﻮ ﺩﻩ _ ﻛﺪﻱ ﻛﺒﺮ ﺍﻟﺼﻮﺭﺓ ﻭﺍﺩﻳﻨﻲ ﺍﻟﺘﻠﻔﻮﻭﻥ ﺍﺷﻮﻑ ﺑﻴﺘﻮﻭ ﻻﻧﻲ ﻧﺎﻭﻱ ﺍﺑﻘﻲ ﻟﻴﻮ ﺳﻮﺍﺩ ﻗﺮﻳﺐ ..
_ ﻳﺎ ﺻﺪﻳﻖ ﺣﺒﺔ ﺣﺒﺔ ﺑﺘﺠﻨﻨﻮ ﻛﺪﺓ ..
_ ﺟﻨﻴﺖ ﻗﺒﻴﻠﻮ ﻣﺎﻟﻮ ﻳﺠﻦ ﻧﻤﺸﻲ ﺍﻟﻤﺼﺤﻪ ﺳﻮﺍ ﻭﺭﻏﺪﺓ ﺗﺠﻲ ﺗﺰﻭﺭﻧﺎ ..
_ ﺷﻜﻠﻮ ﺩﻣﺎﻏﻚ ﻋﺎﻟﻲ ﻳﺎ ﺻﺪﻳﻖ ..
_ ﻋﺎﻟﻲ ﺷﺪﻳﺪ ﻳﺎﺥ ﻳﻼ ﻭﺩﻋﺘﻚ ﺍﻟﻠﻪ _ ﺗﻠﻔﻮﻧﻲ ﻭﺗﻤﻦ ﺍﻟﻤﻌﻠﻮﻣﺎﺕ ﺩﻱ ..
_ ﺍﻣﺴﻚ .....
ﻣﺆﻣﻦ ﻫﻮ ﻣﺴﺎﻋﺪ . ﺍﻭ ﻣﺪﻣﺮ ﺳﻴﻒ ﺍﻻﻭﻝ ﻫﻤﻮ ﺍﻟﻘﺮﻭﺵ ﻭﺑﻌﺮﻑ ﻛﻴﻒ ﻳﺴﺘﻐﻞ ﺿﻌﻒ ﺍﻟﻨﺎﺱ ﻟﺼﺎﻟﺤﻮ ﺑﻘﻲ ﻳﺴﺎﻋﺪ ﻓﻲ ﻛﻞ ﺧﻄﻮﺍﺕ ﺍﻭﻝ ﻣﺨﻄﻂ ﻟﻴﻬﻢ ﻳﺤﺮﻗﻮﺍ ﺷﺮﻛﺔ ﺇﻳﻬﺎﺏ
يتبع....