هروب

الجزء 16

ﺇﻳﻬﺎﺏ ﻭﺍﻣﻮ ﻣﺎ ﻗﻌﺪﻭﺍ ﻛﺘﻴﺮ ﻛﺎﻥ ﻭﺍﺿﺢ ﺍﻟﺘﻮﺗﺮ ﻓﻲ ﻋﻴﻮﻥ ﻛﻞ ﺍﻟﻤﻮﺟﻮﺩﻳﻦ ﻓﻲ ﺍﻟﺒﻴﺖ ﻋﺸﺎﻥ ﻛﺪﻩ ﺇﺳﺘﺄﺫﻧﻮﺍ ﻣﻨﻬﻢ ﻋﻠﻲ ﺍﺳﺎﺱ ﻳﺠﻮﺍ ﻣﺮﺓ ﺗﺎﻧﻴﺔ ...

ﺭﻏﺪﺓ ﻭﺇﻳﻬﺎﺏ ﺇﺗﻔﻘﻮﺍ ﺍﻟﺒﻌﺮﻑ ﻓﻴﻬﻢ ﺍﻟﻘﺼﺔ ﺷﻨﻮ ﻳﺤﻜﻲ ﻟﻠﺘﺎﻧﻲ .....

ﺃﻡ ﺭﻏﺪﺓ ﻣﻨﺘﻈﺮﺓ ﻣﺘﻴﻦ ﻳﻄﻠﻌﻮﺍ ﻋﺸﺎﻥ ﺗﻔﻬﻢ ﺍﻟﺤﺎﺻﻞ ﺷﻨﻮ ﺯﻋﻼﻧﺔ ﻣﻦ ﺭﻏﺪﺓ ﺷﺪﻳﺪ ﻭﺍﻟﻐﻀﺐ ﻇﺎﻫﺮ ﻓﻲ ﻭﺷﻬﺎ ﻭﻫﻢ ﻓﻲ ﺍﻟﺒﺎﺏ ﺑﻌﺪﻣﺎ ﻧﺎﺱ ﺇﻳﻬﺎﺏ ﺇﺗﺤﺮﻛﻮﺍ ﻣﺴﻜﺖ ﺭﻏﺪﺓ ﻣﻦ ﻳﺪﻫﺎ ﺑﻘﻮﺓ ﻭﻫﻲ ﺑﺘﻘﻮﻝ -:

- ﻳﻌﻨﻲ ﺑﺘﻤﺜﻠﻲ ﻋﻠﻴﻨﺎ ﻓﻲ ﺍﻟﻤﺴﺘﺸﻔﻲ ﻭﺑﻌﺪﻫﺎ ﺗﻬﺮﺑﻲ ﺑﻜﻞ ﺑﺴﺎﻃﺔ ﺗﺨﻠﻴﻨﺎ ﻧﻠﻒ ﻓﻲ ﺍﻟﺸﻮﺍﺭﻉ ﺯﻱ ﺍﻟﻤﺠﺎﻧﻴﻦ ﻛﻨﺘﻲ ﻭﻳﻦ ﻭﺍﻟﺠﻤﺎﻋﺔ ﺩﻳﻞ ﻣﻨﻮ؟؟ ﻋﺮﻓﺘﻴﻬﻢ ﻣﻦ ﻭﻳﻦ؟؟ ﻭﺍﺑﻮﻙ ﺍﻟﺠﺎﺑﻮﺍ ﻣﻌﺎﻙ ﺷﻨﻮ؟؟ ﻣﺎ ﺗﻌﺎﺍﻳﻨﻲ ﻟﻲ ﻛﺪﺓ ﻭﺩﻣﻮﻋﻚ ﺩﻱ ﻣﺎ ﺑﺘﻐﻴﺮ ﺷﻲ ﺭﺩﻱ ﺳﺮﻳﻊ ....

ﺭﻏﺪﺓ ﺃﺑﻮﻫﺎ ﺃﺷﺮ ﻟﻴﻬﺎ ﺑﺮﺃﺳﻮ ﻣﺎ ﺗﺘﻜﻠﻢ ﻟﻤﺎ ﺃﻣﻬﺎ ﻗﺎﻟﺖ ﺍﻟﻌﺎﻳﺰﺓ ﺗﻘﻮﻟﻮﺍ ﺩﺧﻠﺖ ﻫﻲ ﻭﺷﻬﺪ ﺟﻮﺍ ﺑﻌﺪﻫﺎ ﻗﺎﻝ :-

- ﺑﺪﻝ ﻣﺎ ﺗﻘﻮﻟﻲ ﻟﻴﻬﺎ ﺣﻤﺪﺍﻟﻠﻪ ﻋﻠﻲ ﺍﻟﺴﻼﻣﻪ ﻭﺗﺤﻤﺪﻱ ﺭﺑﻨﺎ ﺇﻧﻬﺎ ﺟﺎﺕ ﺭﺍﺟﻌﺔ ﺳﺎﻟﻤﻪ ﺟﺎﻱ ﺗﻔﺘﺤﻲ ﻣﻌﺎﻫﺎ ﺗﺤﻘﻴﻖ ﻋﻤﻠﺘﻲ ﺷﻨﻮ ﺇﻧﺘﻲ ﻟﻤﺎ ﻃﻠﻌﺖ ﻣﻦ ﺍﻟﺒﻴﺖ ﻋﺎﻗﺒﺘﻲ ﺍﻟﻜﺎﻥ ﺍﻟﺴﺒﺐ ﻓﻲ ﺍﻟﺤﺼﻞ ﻭﻻ ﻃﺒﻄﺘﻲ ﻋﻠﻴﻮ ﺯﺍﻳﺪﺓ ﻋﺸﺎﻥ ﻳﺰﻳﺪ ﻓﻲ ﻏﻠﻄﻮﺍ

- ﻣﺤﻤﺪ ﻣﺎ ﺗﺴﺎﻋﺪ ﺍﻟﺒﺖ ﻓﻲ ﺍﻟﻐﻠﻂ ﺃﻧﺖ ﻣﺎ ﻓﺎﻫﻢ ﺷﻲ

- ﺃﻛﺘﺮ ﻣﻦ 27 ﺳﻨﻪ ﻣﺎ ﻛﻨﺘﺎ ﻓﺎﻫﻢ ﺷﻲ ﺑﺲ ﻫﺴﻲ ﺧﻼﺹ ﻓﻬﻤﺖ ﺍﻟﻤﻔﺮﻭﺽ ﺍﻋﻤﻞ ﺷﻨﻮ - ﺗﻘﺼﺪ ﺷﻨﻮ ..

- ﺡ ﺗﻔﻬﻤﻲ ﺑﺮﺃﻙ ﻭﺩﺓ ﻣﺎ ﻣﻜﺎﻥ ﻧﻘﺎﺵ ... ﻓﺎﺕ ﺧﻼﻫﺎ ﻭﺍﻗﻔﺔ ﺑﺘﻔﻜﺮ ﻳﻔﺪﻗﺼﺪ ﺷﻨﻮ ﺑﻼﻣﻮﺍ ﺍﻷﺧﻴﺮ ﺩﺓ ......

ﺃﻣﺎ ﺇﻳﻬﺎﺏ ﻛﺎﻥ ﻣﺘﺸﻮﻕ ﻳﻌﺮﻑ ﺍﻟﺤﺎﺻﻞ ﺳﺄﻝ ﺃﻣﻮ ﻗﺒﻞ ﻣﺎ ﻳﺼﻠﻮﺍ ﺍﻟﺒﻴﺖ ﻗﺎﻝ :-

- ﻳﻤﺔ ﺍﻟﺰﻭﻝ ﺩﺓ ﺑﺘﻌﺮﻓﻲ ﻣﻦ ﻭﻳﻦ ﻭﺍﺿﺢ ﻣﻦ ﻧﻈﺮﺍﺗﻜﻢ ﻟﺒﻌﺾ ﻓﻲ ﺳﺮ ﻣﺪﻓﻮﻥ ..

- ﻧﻈﺮﺍﺕ ﻓﻲ ﻋﻴﻨﻚ ..

- ﺳﺤﺒﻨﺎ ﺍﻟﻜﻠﻤﻪ ﺩﻱ ﺑﺲ ﺍﻟﻤﻬﻢ ﺃﺣﻜﻲ ﻛﻨﺘﻮﺍ ﺑﺘﻌﺮﻓﻮﺍ ﺑﻌﺾ ..

- ﺇﻳﻬﺎﺏ ﺳﻮﻕ ﻭﺃﻧﺖ ﺳﺎﻛﺖ ..

- ﻋﺎﺍﺍﺍﺍﺭﻓﺎﻧﻲ ﻣﺎ ﺑﺨﻠﻴﻚ ﺇﻻ ﺗﻘﻮﻟﻲ ﻋﺸﺎﻥ ﻛﺪﺓ ﺍﺣﻜﻲ ﺳﺎﺍﻱ ..

- ﻫﻬﻬﻬﻬﻬﻪ ﻳﺎ ﻭﻟﺪ ﺃﻧﺎ ﺍﻣﻚ ﻟﻮ ﻧﺴﻴﺖ ﻣﺎ ﺻﺪﻳﻘﺘﻚ ﻭﻻ ﺃﺧﺘﻚ .

- ﻫﻬﻬﻬﻪ ﻭﺩﻱ ﺗﺘﻨﺴﻲ ﺑﺮﺿﻮ ﺑﺲ ﺇﻧﺘﻲ ﻧﺴﻴﺘﻲ ﺇﻧﻨﺎ ﺃﺻﺪﻗﺎﺀ ﻣﻦ ﺯﻣﺎﺍﺍﺍﻥ ﻭﺑﻴﻨﺎ ﺃﺳﺮﺍﺭ ..

- ﻫﻬﻬﻬﻬﻬﻪ ﻛﻨﺎ ﺩﻓﻌﻪ ﻓﻲ ﺍﻟﺠﺎﺍﻣﻌﻪ ﻭﻻ ﻛﻠﻤﻪ ﺯﻳﺎﺍﺍﺍﺍﺩﺓ ﺗﺨﺮﺹ ﺧﻼﺹ ﻣﻔﻬﻮﻡ .

- ﻫﻬﻬﻬﻬﻬﻬﻪ ﻭﺻﻠﺖ ﺑﺎﻗﻲ ﺍﻟﻘﺼﻪ

- ﺷﻨﻮﻭﻭﻭ؟؟؟ .

- ﻣﺬﻛﺮﺍﺗﻚ ﻳﺎ ﺃﻣﻲ ..

- ﺃﺣﺴﻦ ﺗﺴﻜﺖ ﻭﻻ ﺗﺪﻳﻨﻲ ﺍﻟﻤﻔﺘﺎﺡ ﺗﺸﻮﻑ ﻟﻴﻚ ﺍﻱ ﻣﺼﻴﺒﺔ ﺗﻮﺻﻠﻚ ﺍﻟﺒﻴﺖ ..

- ﺧﻼﺹ ﻳﺎ ﺳﺘﻬﻢ ﺡ ﺍﻛﻮﻥ ﻓﻲ ﺍﻟﺼﺎﺍﺍﻣﺖ ﻭﺍﻟﻠﻪ ﺑﺲ ﺧﻠﻴﻜﻲ ﺯﻱ ﻣﺎ ﺇﻧﺘﻲ ﻣﺎ ﺗﻐﻴﺮﻱ ﺍﻟﻠﻬﺠﺔ ﻣﻌﺎﻱ ..

- ﻫﻬﻬﻬﻬﻪ ﺃﺻﻠﻚ ﻣﺎ ﺑﺘﺘﻌﺪﻝ ﺇﻻ ﺑﺎﻟﻄﺮﻳﻘﺔ ﺩﻱ ﻳﻼ ﻭﺩﻳﻨﺎ ﻧﺎﺱ ﺣﺒﻮﺑﺘﻚ ..

- ﻫﺴﻲ ؟؟

- ﺍﻳﻮﺓ ﻫﺴﻲ ﻋﻨﺪﻙ ﺭﺃﻱ ..

- ﻧﻬﺎﺋﻲ ﻫﻮ ﺃﻧﺎ ﺑﻘﺪﺭ ﺃﺭﻓﺾ ﻟﻴﻚ ﻃﻠﺐ ﺇﻧﺘﻲ ﺗﺄﻣﺮﻱ ..

- ﻫﻬﻬﻬﻬﻬﻪ ﺣﺎﻓﻈﺎﻙ ﺃﻧﺎ ﻭﻋﺎﺭﻓﺔ ﻗﺼﺪﻙ ﺷﻨﻮ ﻭﺍﻭﻋﻚ ﺗﻜﺸﺮ ﻭﺷﻚ ﺩﺓ ﻫﻨﺎﻙ ﺯﻱ ﻛﻞ ﻣﺮﺓ ..

- ﺣﺎﺍﺍﺍﺿﺮ ﻳﺎ ﺳﺖ ﺍﻟﻜﻞ ......

ﺇﻳﻬﺎﺏ ﻓﻬﻢ ﺍﻟﺤﺎﺻﻞ ﺑﺪﻭﻥ ﻣﺎ ﺃﻣﻮ ﺗﺸﺮﺡ ﻟﻴﻮ ﻷﻧﻮ ﻗﺮﺃ ﻣﺬﻛﺮﺗﺎ ﻗﺒﻞ ﻛﺪﺓ ﻭﻋﺎﺭﻑ ﻛﻞ ﺗﻔﺎﺻﻴﻞ ﺣﻴﺎﺗﺎ ﺯﻣﺎﻥ ﻗﺎﻝ ﻷﺯﻡ ﻳﺰﻫﺞ ﺭﻏﺪﺓ ﺣﺘﻲ ﻳﻘﻮﻝ ﻟﻴﻬﺎ ﻋﺎﺭﻓﺎ ﻣﻨﺘﻈﺮﻭ ﻋﺸﺎﻥ ﺗﻔﻬﻢ ... ﺷﻬﺪ ﻟﺴﻪ ﻣﺎ ﻣﺼﺪﻗﺔ ﺭﻏﺪﺓ ﺟﺎﺕ ﺭﺍﺟﻌﺔ ﺑﺎﻟﺴﻼﻣﻪ ﻭﺧﻠﺺ ﺍﻟﻤﻮﺿﻮﻉ ﻋﻠﻲ ﺧﻴﺮ ﻗﺎﻟﺖ ﻟﻴﻬﺎ :-

- ﻳﺎﺑﺖ ﻛﺪﻱ ﺍﺣﻜﻲ ﻟﻲ ﺑﺎﻟﺘﻔﺼﻴﻞ ﻛﻞ ﺷﻲ ﺑﺪﻭﻥ ﻣﺎ ﺗﺤﺬﻓﻲ ﺣﺮﻑ ﻭﺃﻷﻫﻢ ﻣﻦ ﺍﻟﻤﻬﻢ ﺍﻟﺸﺎﺏ ﺍﻟﻈﺮﻳﻒ ﺍﻟﺤﻠﻮ ﺩﻩ ﻣﻨﻮﻭﻭﻭﻭ ؟؟

- ﻫﻬﻬﻬﻬﻬﻪ ﺷﺎﻳﻔﺎﻙ ﻣﺮﻛﺰﺓ ﻣﻌﺎﻫﻮ ..

- ﺑﻴﻨﻲ ﻭﺑﻴﻨﻚ ﺷﺪﻳﺪ ﻟﻮﻻ ﻭﺟﻮﺩ ﻋﺼﺎﻡ ﻛﻨﺖ ﻧﻤﺮﺗﺎ ﻫﻬﻬﻬﻬﻪ .

- ﺃﺻﻠﻚ ﻣﺎ ﺑﺘﻌﻘﻠﻲ ..

- ﺃﺣﻜﻲ ﻳﺎﺥ ﻣﺘﺤﺮﻗﻲ ﺭﻭﺣﻲ ...

- ﺧﻠﻴﻨﻲ ﺑﺲ ﺍﺭﺗﺐ ﺣﺎﺟﺎﺗﻲ ﺩﻱ ﻭﺍﺟﻲ ﺍﺣﻜﻲ ﻟﻴﻚ ﺑﻤﺰﺍﺝ ...

- ﻫﻲ ﺻﺤﻲ ﺃﻧﺘﻲ ﻃﻠﻌﺖ ﻣﻦ ﺍﻟﻤﺴﺘﺸﻔﻲ ﺑﻌﺒﺎﻳﺔ ﺍﻟﺸﻨﻄﺔ ﺩﻱ ﻛﻠﻬﺎ ﺷﻨﻮ ﻭﺷﻜﻠﻮﺍ ﻋﻤﻮ ﻣﺎ ﺟﺎﺏ ﻫﺪﺍﻳﺎ ﻛﺘﻴﺮ ﺑﺪﻳﺖ ﺍﺷﻚ ﻫﻬﻬﻬﻬﻬﻪ ..

- ﻫﻬﻬﻬﻬﻬﻪ ﺷﻜﻲ ﺑﺮﺍﺍﺣﺘﻚ ﻳﺎﻓﺮﺩﺓ ﺑﺲ ﻋﻠﻴﻚ ﺍﻟﻠﻪ ﻭﺇﻧﺘﻲ ﻓﻲ ﺩﻭﺍﻣﺔ ﺍﻟﺸﻚ ﺩﻱ ﻗﻮﻣﻲ ﺍﻋﻤﻠﻲ ﻛﺒﺎﻳﺘﻴﻦ ﺷﺎﻱ ﺳﺮﻳﻊ ﻭﺗﻌﺎﻟﻲ - ﻫﻬﻬﻬﻬﻬﻬﻪ ﻛﻮﻭﻭﻳﺲ ﺟﻴﺘﻚ ﻳﺎ ﺍﻟﻤﻄﺒﺦ ﺍﻟﺸﺎﻱ ﻓﻲ ﺳﺒﻴﻞ ﺍﻟﺸﻤﺎﺍﺍﺭ .

.... ﺭﻏﺪﺓ ﻣﺸﺖ ﻋﻤﻠﺖ ﺍﻟﺸﺎﻱ ﻭﺟﺎﺕ ﻭﻗﺘﻬﺎ ﺭﻏﺪﺓ ﺧﻠﺼﺖ ﺍﻟﺒﺘﻌﻤﻞ ﻓﻴﻮ ﻗﻌﺪﻭﺍ ﻓﻲ ﺍﻷﺭﺽ ﺯﻱ ﻣﺎ ﺃﺗﻌﻮﺩﻭﺍ ﻛﻞ ﻣﺮﺓ .....

يتبع....