#عشقت_فصليتي
البارت ال 14
بقلمي #ميديا_الفهد
مازن..ملك وتاليتها وياج فهميني شبيج كله صافنه و ضايجة صاير شي ثاني غير سالفه امي ومنار ؟
ملك.. هااا اي 😔😔
اريداحجي جان يندك الباب مال غرفه
مازن.. منو؟؟
ام مازن.. اني يمه تعال اريد احجي وياك
ملك.. صخام فدوة مازن لاتروح اكيد تريد تحجي وياك بموضوع منار 😭
مازن.. 😂 لج خبله شبيج من كل عقلج كاعده تبجين على هل موضوع ، امني امني وداعتج ميصير شي لا تخافين ،، اروح اشوف امي ولو ماكملنه حجي يلا اروح وارجعلج 😙 قصص من حياتنا M&T
ملك.. هو طلع لو طلعت روحي وياه اويلي اريد اصدك حجيه بس مو بيدي ادري بأمه راسها يابس وكويه ،، دك تلفوني مسج اووف اكيد من نائل ربي راح اموت شيخلص هل حياة تعبت وحق الله ،، رحت ع موبايل فتحت المسج ومثل متوقعت نائل 😞 بس بي مصايب المسج مو مصيبة
💬ملوكه ادري بيج خايفه منهم ومتردين ع مسجاتي بس صدكي بلله بس جاوبيني واني افهمج شلون نخلص منهم واني هاي ريم ممتحملها اريد بس اخلص منها ،، صار هواي افكر بحل ومالكيت غير اجي اخذج وننهزم سوه ويطبهم مرض اخوتج همه يتجازون ويه اهل مرت محمد ، والله اعوضج عن كلشي شفتي ويايه وبعدي يانور عيوني انتي
ملك.. بلا هذا شحجي وياه والنبي اذا عرف مازن يتخبل ادري بي يغار حيل هو من التلفزيون يغار ويتخبل اذا كلت ع ممثل حلو ، اذا يشوف مسج نائل لو يدري بيه جنت احبه شلون شيسوي
مازن..هااا يمه امريني يا الغاليه
ام مازن.. ميأمر عليك ظالم وليدي ،، اني اريد اكولك ع سالفه، بيج قصص من حياتنا M&T
مازن.. يمه من هسه اذا شي يخص منار رحمه الاهلج لا تفتحي ولاتحجين تره گلبي خلصان
ام مازن.. اي اكيد هاي ام السحورة كالتلك كلشي مو ؟؟
مازن..كالتلي او لا اني موضوع منار سكرت عليه من زمان من اول يوم خانتني
ام مازن.. يمه هاي بنت خالتك وهسه صارت ذليله ومكسورة وهيه تحبك وانت هم اتحبها ، اريد اشوف بزرتك قبل مااموت
مازن.. يمه شتحجين منو كالج بعدني احبها ،، ومنار مكسورة ومذلوله هههههه والله ضحكتيني هاي ملعبة لاتخافين عليها،، وبعدين شلون تريدين ابنج يتزوج وحده خاينه وزعطوطه ويخلف منها وهيه من اول مشكله بينه عافتني وراحت تزوجت ، اذا تزوجتها وصار عدنه جهال شلون تربيهم وهيه متقلبه ومتعرف شتريد ، والله لو تبقى اخر مرة بالعالم هم مااخذها ومافكر اباوع بخلقتها
ام مازن.. بعدها صغيرة وانت ربيها ع ايدك ، اني بعد حجيت ويه خالتك عيب منها ، والله ازعل عليك طول عمري
مازن.. جان رباها رجلها وابن عمها والله يمه مالي دخل لابيج ولا بخالتي انتي اعتذري منها مثل ماحجيتي وياها بدون علمي ، واذا ع زعلج سهلة يمه اني اعرف اراضيج
ام مازن.. ولك تالي وكت هيج تحجي ويايه انت الي متردلي طلب جنت هيج صاير ولك مازن صار زعلي سهل عندك ،، ولك شمشربتك هااي المصخمه وگالبتك گلب عليه ،، لو تزوج منار لو اتبرى منك واخلي ابوك يعاقبك
مازن.. يمه تره مليت والله وحق اهل البيت روحي طلعت راح اتخبل كافي الا اموت يلا ترتاحين ،، والله اهج وبعد محد يندل طريقي ، لو اعرف انام بالشارع واجدي واموت من الجوع هم مااتزوج منار ، وانتي بكيفج تريدين تختارين ابنج لو بنت اختج
ملك.. بقيت افتر بالغرفه اروح واجي مااعرف شسوي احس راسي راح ينفجر من التفكير ، مادري شلون اجتي ع بالي مسك ،، راسا خابرتها
📞الوو هلو مسك شلونج
📞هلو ملك الحمد لله زينه،، شبي صوتج ، احد مسويلج شي
📞😭ولج مسك مصايب حلت ع اختج ولج منين ما اندار سوده ومصخمه ومسدوده بوجهي
📞ولج شبيج فهميني كلبي راح يوكف
📞وائل يمج كاعد لولا ؟؟
📞لا مو يمي ،، ولج دمي نشف شصاير وياج
📞ولج هذا نائل من الصبح لهسه يدك عليه ويدز مسجات ولج راح اتخبل والله اذا درة مازن يلعب جوله
📞وهسه وينه مازن خما بالبيت؟؟
📞اي ولج بالبيت بس يم امه وهاي هم سالفه بعدين احجيلج ، بس فهميني شسوي ولج هذا نائل واحد ادب سزز خاف يفضحني يم اهل مازن ولج دبريني ،، اني كلت احجي المازن ع كلشي
📞ديري بالج تحجين وتفتحين حلكج بكلمة ولج تصير مذابح ،، هسه اكول لوائل اخلي يشك حلكه والله ، مسحي الرسائل وصيري طبيعية لا تخلين مازن يحس بشي ، وسوي سكرين للمسج ودزيلياه ع الفايبر حته اشوفه لوائل
📞ولج خايفه انوب خاف يعاند ويسكر ويجي علينه للبيت لان يندل البيت هيج كالي
📞شكد ساقط هذا نائل مكفاه الي سواه بيج بيش طالبج بعد ، لو تشوفي هنا شمسوي ملعب نفسنه يوميه عمي يتعارك وياه ويطرده وتكعد ريم تبوس الرجلين حته يبقيهم عمي ،، ويوميه يجي سكران يكطع الحزام ع ريم وجهالها ، همزين الله خلصج منه
📞ولج ميهمني لا هو ولا ريم ولا اي واحد المهم مازن ميعرف والله شايله هم لان قبل كم شهر سألني عن حياتي مكدرت احجيله ع نائل صعب
📞سوي مثل ماكلتلج ولا تبينين شي ، واليوم اخلي وائل يطيح حظه واذا كلش اكول لاخوتي يشبعوه كتل هو يخاف من احمد هل جبان السكيير
ملك.. سديته من مسك ودزيتلها سكرين للمسج مال القندرة نائل ،، وبقيت كاعده ع نار شو هذا مازن طول يم امه بس لا قنعته ،بقلمي ميديا الفهد
مازن.. وينه الحب مالتي بس لا بعده ضايج وزعلان اموت منار وعشيرتها ارميهم بل بي كي سي 😂
ملك.. والله الك خلك تحشش وتشاقه واني گلبي واكع بلب....
مازن.. بربج كمليها ليش سكتي وين واكع گلبج 😂
ملك.. مازن دخيل ربك مالي خلك كولي شتريد منك امك ؟ شصار كولي بداعة الله
مازن.. كلشي متريد هيج وصتني ع كم شغله من السوك ،، طبعا حجيت هيج حته لاضوج ملوكتي واضل تفكر ،بيج قصص من حياتنا M&T
ملك.. والله جذب خطبتلك منار وراح تزوجها بس متريد تكولي مو 😭
مازن.. 😂 بلا هاي شلون تقنعها هسه ،،لج بابا ماكو هيج حجي ولج امي حجت وياج هيج تريد تغثج لان رديتي عليها البارحه بالليل
ملك.. مازن الله عليك لاضم عليه ،اذا راح تزوج منار كولي من هسه لا تخليني انصدم بعدين ويصير بيه شي
مازن.. ولج والله ماتزوج شلون اوكف بالشارع واذيع بالسماعه ، بالأول خلي اتزوج فصليتي وبعدين عود يصير خير
ملك.. يعني راح تتزوجها مو مبين من حجيك
مازن.. شو تعاي اني اعرف شلون اسكتج ،، حضنتها حيل ، عاد صدك سكتت،،
صدك ملوكتي شردتي تحجين قبل لا امي ادك الباب
ملك.. هنا اني وجهي كام ينطي الوان الطيف السبعه يمكن بوكتها ازركيت من الخوف والارتباك ،،
هاا لا ماكو شي بس امي شويه مريضه اليوم مسك خابرتني وكلتلي ،،
مازن.. ماعندها غير العافية ،، من يصير عندي وقت اوديج عليها تشوفيها
ملك.. تسلم حبيبي ربي ما يحرمني منك ،،
نرجع لبيت ابو ابراهيم …………
مسك.. وائل اليوم عندي موضوع اريد احجي وياك
وائل.. كولي حبيبتي خما بيج شي ؟
مسك.. لا مابيه شي اصلا الموضوع ميخصني يخص ملك،، مو تدري بيها من راحت لبيت اهل نهى وتزوجت اخوها والحمد لله هسه وضعها صار زين ورجلها يحبها
وائل.. الله يجعلها ان شاء الله دوم بسعادة تستاهل ملك هواي تعذبت بحياتها ، بقلمي ميديا الفهد
مسك.. بس اختي حظها اعوج وما يدوملها شي زين ،
وائل.. ليش شصاير
مسك.. اخوك يتصل عليها ويدزلها مسجات وهذا اخر مسج شوف شكاتب ، وهسه هيه حيل خايفه ليشرب ويروح لبيت عيالها يسويلها مشكله
وائل.. ولج كوليلي شسويله اذبحة اخلص عليه كله منورة امي الله يرحمها دللته وهذا نتيجة الدلال ،، ومنين جاب رقمها مو كلتي رقمها جديد
مسك.. غير قبل كم يوم يمكن سامعني احجي وياها ، واجى كالي اريد اخابر وائل ودك عليك بوقتها تتذكر مو؟ يمكن اخذه من جهازي
وائل.. الله يطيح حظك يا الاغبر انوب اتريد تمشكلنه ويه الناس الغربة ، اوف يابة مو 100 مرة كلتلك انذبه بالسجن هذا كلشي ميفيد وياه
مسك.. المهم اني كلتلها لادكولين الرجلج اني اخلي وائل يحلها ،،هسه شراح تسوي فهمني
وائل.. هسه اشوفج شسوي
مسك.. وائل احجي وياه ع كيفك فهمه انو ملك تحب رجلها من تجي بعصبيه خاف يعاند بالزايد وهذا مخبل ،، لو تدري شمسوي بعد،، قبل كم اسبوع لاحك رجلها وماخذ وياه 3 زلم متلثمين ومكسرين رجلها موتي كتل
وائل.. شمدريج هو ؟؟
مسك.. هم دزلها مسج وكللها اني هيج سويت
وائل.. بالقرآن الكريم راح انجن شسوي فهميني اذا كلت لابويه لو يموته خلاص لو يصير بي شي هو هم رجال جبير شيتحمل من مصايب
مسك.. احجي ويا والله كريم بلكي ربك يهدي ويفك ياخة من ملك ، بيج قصص من حياتنا M&T
وائل.. تعال نائل اريدك بسالفة
نائل.. احجي بسرعه متواعد اريد اطلع
وائل.. لك بابا اعقل شويه تعال بالاستقبال نحجي موضوع مهم
نائل.. يلا وهاي كعدة شتريد خلصني ، واذا ع سالفه الشرب من هسه اكولك ماكدر اعوفه يمشي بدمي
وائل.. من طيح آلله حظك وحظ الشرب ولك اني وين وانت وين ،، اريد احجي وياك بغير موضوع،،
نائل عوف ملك بحالها اليوم حجت ويايه وتبجي ودكول خلي اخوك يعوفني بحالي ،اني احب رجلي وماريد اخوك يخابر بعد ،،
بس اسألك انت ماعندك كرامه ولك لو اني منك لو روحي بيها هم بعد تطلع من نفسي لان صارت بحضن غير واحد شلون هيج عندك نفس وتريدها ترجعلك ،
نائل.. والله احبها ومتندم لان خنتها 😭
وائل.. ولك عيب عليك رجال شكبرك وشكدك تبجي ع مرة ولك لعد شخليت للنسوان ، امسح دموعك وجيب تلفونك خلي امسح رقمها وطلعها من حياتك صار عندك طفل يخبل يسوه الدنيا دير بالك عليه ولك حته ماشوفك تلاعبة وتشيله
مسك.. هااي شسوين هنا مو عيب عليج تتسمعين منورة الباب ،بقلمي ميديا الفهد
ريم.. هاا لا مااسمع قابل شكو ، وخري خلي افوت
مسك.. الله يستر منج يالملعبة كلج مشاكل تفوو 💦
نرجع لأبطال قصتنا الحلوين ……………
ملك.. صح مسك طمنتني بس بقيت يومين عايشه بقلق وخوف ، ام مازن بعد محجت ويايه بموضوع منار ، ونائل ماكو بعد متصل الحمد لله مسك كالت وائل مسح رقمج والمسجات بيده ، ومسك خلت رمز لتلفونها وخلت ع رقمي غير اسم حته خاف يلزم تلفونها ميعرف رقمي ،، شويه اشتميت هوه بعد هذا حجيها ،، مازن فدوة العمره مو بشر نسمة وعايش ويايه مرت الايام وهو ع نفس حبه الي
مازن.. امي بقت تلح عليه ومرات تبقه زعلانه تريدني بس ارضخ الها واتزوج منار بس اني معاند من شافتني مصر ع رأي بعد ماحجت وهم التهو هيه وابويه يحضرون لسفرهم ،، منار من مكالماتها المستمرة وملحتها اجتها فترة اختفت هم الحمد لله خلصت منها ،، شكد جنت احبها قبل بكد الحب كمت اكرها هسه وماطيقها ،، قصص من حياتنا M&T
فصليتي الحلوة يوم بعد يوم تحلو بعيني واحبها اكثر بسبب اسلوبها ومعاملتها الي تحسها مرة ناضجة ينشد الظهر بيها ،، رحمة الله ع روحك عمي كاظم ع تربيتك ،، اووف مجنت متخيل احبها اااااه صدك ياحظي وعشقت فصليتي 😌
ملك.. تقريبا كل وقتي اقضي بالغرفه احس غرفتي هيه عالمي الوردي مكضيه بيها كل الوقت الحلو ويه مازن وأحلامنه الي ننتظر نكملها ،، الي جنت متخيله اكملها 😔
مازن.. وين مرتي الفصلية ،،،
ملك.. هياتني بالحمام إغسل ملابس
مازن.. ولج ليش تغسلين بيدج وبعد كم يوم عرسنا ماريد ايدج الحلوة تخرب اكو غسالتين بالبيت فوك وجوة ليش متستخدميهن
ملك.. اهووو مازن لاتسويها سالفه هنه كم قطعه اغسلهن وتفض ماكو داعي اشغل غساله
مازن.. هااي شنو بيدي
ملك.. شنو مااعرف ؟؟
مازن.. جوازات سفر امي وابويه خلصتهن اليوم يعني بعد يومين باي باي يسافرون ،، ويحلالي الجو
ملك.. صدك الله عليك 😊 واخيرا والله مليت الانتظار ، قصص من حياتنا M&T
مازن.. اويلي هيج مستعجل الحلو ؟ لعد باجر الصبح حظري نفسج انطاني المحامي موعد حته نعقد محكمة ، شلونها الاخبار اليوم ما استاهل بوسه عليهن
ملك.. 😳😳 صدك تحجي شو مكلتلي انت مقدم ع عقد الزواج
مازن.. سويتلج مفاجئة ،، ضبطت ويه المحامي ودهنته بكم ورقه وسواها بسرعه،، لعد ليش ذاك اليوم اخذتج للمستشفى وسوينه تحاليل
ملك.. يااا يعني مو لان تريد نجيك ع مود هاي الجرثومه الي مدري شسمها ؟
مازن .. 😂😂 لا جذبت عليج لعد شلون تصير المفاجئة اذا كلتلج ،، صدك شو غلستي
ملك.. شنو ع شنو غلست
مازن.. ع البوسه عيوني اليوم ماروح اذا ما انتي تنطيني بوسه ، كل هاي الاخبار الحلوة وكلشي مااحصل 😢
ملك.. مابقه شي اتحمل
مازن.. ولج شتحمل صارن مو شهرين عليه سنتين والله ولج بس بوسه وحده تصبيرة بداعت مازن عليج
ملك.. اوك بس ع خدك من هسه نتفق
مازن.. اي موافق اهم شي احصل بوسه ،، تقربت عليه وغدرت بيها وبستها من 😘
ملك.. من باسني حسيت نفسي بغير عالم اريد اوخرة بس ماكدرت ،،
مازن.. اويلي هسه يلا ارتاحيت 😌 ولج مو مرة انتي غضب اموت عليج ملوكتي العسوله
مرت الايام طبعا عقدنه محكمه اني وحبيبتي ،، واجة موعد سفرة امي وابويه وصلتهم للمطار واني الفرحة مسايعتني اويلي باجر اودي ملك لاهلها 😍
داسوق واجاني مسج ماكدر اقراه وصلت للبيت ،، فتحت المسجات واشوف صور ملك ويه واحد وكومه محادثات ملك وهذا الولد 😨😨😨
………………………………………………………
يلا حبايب توقعاتكم للبارت الجديد ومنو تتوقعون دز المسجات لمازن ؟ وشنو راح يسوي بعد مشاف صور ملك ونائل ؟ وشراح يصير بملك ؟ اتمنى تشاركوني توقعاتكم ،، قراءة ممتعة
الكاتبة #ميديا_الفهد
بيج #قصص_من_حياتناM& T
https://www.facebook.com/%D9%82%D8%B5%D8%B5-%D9%85%D9%86-%D8%AD%D9%8A%D8%A7%D8%AA%D9%86%D8%A7-MT-859386160886548/