عشقت فصليتي

الجزء العاشر،، عشقت فصليتي

#عشقت_فصليتي

البارت ال 10

بقلمي #ميديا_الفهد

مازن.. اووف شوكت اخلص منج دمرتيني الله ياخذج ويخلصني منج 😠 بسببج خسرت الي احبها ،،

قبل كم يوم تعاركت ويه منار مثل كل مرة بس هل مرة غلقت خطها وحظرتني من كل البرامج ، كلت عادي يومين وترجع ، مر 3 ايام وهيه ماكو ، دخلت للبيت وسمعت امي معصبة وتحجي بالتلفون

📞ام مازن.. شلون تنطيها الابن عمها مو تدرين اني اريدها لمازن ، شنو لعب جهال

📞ام منار.. حجية شغلة الفصلية طولت وشكلها بعد مطوله اكثر والبنيه دتجيها قسم زينه وابوها انطاها الابن عمها مابيدي شي اكدر اسوي

📞ام مازن.. اني لو بيدي من اول يوم اطردها وماخليها تبقى بيتي ، بس شسوي الحجي ماكدر احجي وياه ، هسه شلون شكول لمازن والله يتخبل اذا عرف

مازن.. يمه شكو شصاير شبيها منار، هاي خالتي تحجي وياج مو؟؟

📞ام مازن.. روحي هسه ماكدر احجي بعدين نتخابر

مازن يمه ترة كلشي قسمه ونصيب ومنار مو قسمتك انخطبت لابن عمها

مازن.. شنو يمه شتحجين أكيد تشاقين ، مستحيل منار تتزوج واحد غيري ادري بيها تحبني وتسوي هيج تريد تضوجني وبس، كل هذا جذب

ام مازن.. لا يمه مو جذب ، والخميس العقد مالتها ، لاتسويلنه مشاكل تره ابوك يتخبل واني مريضه مالي خلك،، والله ازوجك اغاتها بس انت اشرلي ومعليك

مازن.. امي تحجي واني عقل مابقه براسي ، بعد كل شي بينه كل هل السنين وعادي بكل سهوله تروح لغير واحد مدا اجمع راسي راح يطك ،،

دمرتوا حياتي كلكم ابويه وانتي ونهى وهاي الفوك ، صعدت بدون وعي ع الدرج سويته خطوتين

ملك.. اول مدخل وشفته معصب خفت اول مرة اشوفه بهل حاله ،، يصيح ويعيط يكولي بسببج خسرت حبيبتي ، بقلمي ميديا الفهد

مازن.. تعرفين شنو حب حياتي تروح بحضن واحد غيري ، كله بسببج 😠

ملك.. شنو شصاير ، اني ماسويت شي والله

مازن.. لج انتي سبب كل المصايب ، منار انخطبت ، كعدت ع التخم وخليت ايدي ع راسي 

ملك.. بس لو هيه صدك تحبك جان ماقبلت بغيرك ، ماكو داعي قاهر نفسك ع الفاضي ،، بعدني ممخلصه الحجاية جان يكوم عليه

مازن.. من حجت ملك هيج تخبلت ردت اضربها رفعت ايدي ، انوب عفتها وطلعت

ملك.. من كام عليه راسا غمضت وضميت راسي كلت خلص راح يموتني اليوم 😖 ، انوب سمعت الباب انركع رفعت راسي لكيته ماكو ، يمه الحمد لله ماسوالي شي