عشقت فصليتي

الجزء الحادي عشر،، عشقت فصليتي

#عشقت_فصليتي

البارت ال 11

بقلمي #ميديا_الفهد

ملك.. سويت مثل ما كال مازن نزلت وهو يباوع عليه من بعيد دكيت الباب وجان ينفتح الباب بقيت جامده  ودموعي تجري لو تدرون منو فتح الباب ،، نهى اي نهى الي منوراها اني عفت دراستي الي منوراها صرت خدامه 😭

نهى.. تفضلي منو رايدة ؟؟

ملك .. معرفتيني مو بس اني عرفتج من الصور الموجوده بيت اهلج

نهى..انتي ملك 😦

ملك.. لا اني الفصلية الي ضاع مستقبلها ، الفصلية الي انتي وزوجج ضحيتوا بيها ، حسبي الله ونعم الوكيل عليج وعليه ،ربي ياخذ حقي منكم

نهى.. دخلي ،،الله عليج امي وابويه شلونهم واخوتي وخواتي شلون صحتهم

ملك.. كعدت بكل وقاحة وصلافة تسألني وكأنه كلشي مصاير ،
انتي هيج هاميج اهلج ، تضحكين عليه لو ع نفسج ، وخري لعبتي نفسي مجايه حته اشوف خلقتج ،دفعتها وفتت

ام ملك.. يمه بنتي ملوكه ، هاي انتي كبالي لو كبرت وخرفيت وكمت اتخيل صورتج

ملك.. لا ماما هاي اني ملك مدتخيلين ، ركضت عليها وحضنتها وكعدنه نبجي اريد اشبع منها ، خابرت مسك جابت جهالها وورد ومنى يبوسن بيه الكل فرح بيه ،، جان العصر فاخواني مموجودين ، احسن ماريد اشوف اي واحد منهن شالوني وشمروني مهميتهم رجعوا عاشو حياتهم وكأنه مجنت اختهم وعايشه وياهم ،

ورد.. ولج ملوكه شلون عايشه وياهم شلون يعاملوج اكيد حالهم حال الحية لهنا

ملك.. لا زينين محد عليه بيه ومازن ميقبل احد يتجاوز عليه، #قصص_من_حياتناM& T

مسك.. ولج شلونه هذا مازن اكيد شاب يموت  مو ؟ ماعندج صورة اله

ملك.. بعدج ع خبالاتج متغيرتي ولج مو جهالج راح يصيرون بطولج هههههه،، لا ماعندي صورة اله ، طبعا كعدنه بغرفة امي ونهى مقبلت تفوت اصلا بدي اشرب من دمها ، منى غثتني وقهرتني بعدها ع طبعها

منى.. هم سوولج عرس وزفه لو ع السكيتي، لان محمد سوة عرس النهى عزم بي كل الناس ع كولتهم عرس رناني

ملك.. لا ماسوو وحته لو يسوون اني ماريد لان مو اختياري وبرضاتي اتزوجت مثل محمد ونهى

ام ملك.. منى شهل حجي اسكتي يلا

منى.. ع كيفج عمة قابل شحجيت بالي يمها وسألتها ، صدك منى من حجي نهى عرفت انو اهلها اغنياء حيل وبيتهم مثل القصر صح مو ، عمي عندج بخت يهز جبال

ام ملك.. وتالي وياج انتي ميفيد وياج الحجي يلا امشي كومي روحي الغرفتج

منى .. اووو واني شحجيت هو اني المكروها بهل البيت محد يتحملي كلمه وحده ، تحسبني غريبه مو مرت ابنج