Update Date: 01/15/2020
*KARISSA'S POV*
"Bakit kaya wala pa si Vince? Late na siya."
Nakakapagtaka nga na si Vince na lang ang wala pa dito sa Class 4-6. Kahit ang bakulaw na kapre naming Presidente, andito na rin. Nagtataka din ang Class 4-6 dahil birthday daw ni Vince kahapon pero hindi daw ito nag-aya para magparty-party sila. Imbes, nagsend na lang daw siya ng message na may out of town daw siya. If I know, may kasama na naman siyang ibang babae. Kawawa talaga si Ciara dahil sa isang Vince babaero siya umibig.
"Malalate daw siya ngayon. Sinundo daw kasi niya ang bagong girlfriend niya."
"JAPS!"
Tignan mo talaga ang Vince De Vera na iyon! Kapal pa talaga ng mukha niya makiusap sa akin nun isang araw para kausapin si Ciara tapos isang araw pa lang may bago na naman siyang babae.
"Hey guys!!! May good news ako!"
Dumating na pala ang taong papatayin ko ngayon. May good news ka pang nalalaman ah!
"Anong good news ka diyan?!"
Tama yan, Japs. Ikaw muna maginterrogate sa bestfriend mo bago ko pa patayin yan. Alamin mo kung paano pa siya nagpapakita ng mukha dito.
"Bago ka muna mag-good news diyan, nasaan na yung birthday celebration mo?!"
JUSKOPO JAPS!!!
"Ano ba?! Makabatok kayo?! Ulo niyo to?!"
"Teka nga, ipapakilala ko muna sa inyo yung new girlfriend ko, wait lang."
Kapal pa talaga ng mukha niya! May gana talaga siyang dalhin dito ang girlfriend. Ano para ipakita niya kay —
"Ciara?"
"My new and my only one serious girlfriend, Ciara"
Totoo ba itong nakikita ko? Bakit, Ciara? Akala ko ba ayaw mo na sa kanya? Pero dahil gulong gulo na ko sa nakikita ko at nalalaman ko. Mas mabuti na lang umalis na muna dito. Ayaw kong pagdudahan ang desisyon ng bestfriend ko pero ayaw kasi magsink in sa utak ko.
Tumakbo na lang ako papalabas ng Class 4-6. Pero sa totoo lang hindi ko alam kung saan ako papunta. Nararamdaman ko na lang na malayo-layo na rin akong tinatakbo ko.
"Karissa!"
Teka, boses ni Marion iyon ah. Mas mabuti na lang mas bilisan ko ang takbo ko. Sigurado akong papagalitan ako niyan dahil umalis ako ng Class 4-6 basta-basta.
"Tumigil ka nga!"
"AYOKO!"
Wala akong panahon sa sermon mo ngayon.
"Pag sinabi kong tumigil ka, TUMIGIL KA!"
Nagulat na lang ako dahil may kamay na pumigil sa akin at higpit pa ng hawak niya sa kamay ko.
"Ano bang problema mo?!"
"Hanggang saan ka ba tatakbo?!"
Nagulat na lang ako dahil pagtingin ko sa kanya, pagod na pagod na siya. Pakiramdam ko nga din, pagod na pagod na din ako. Nasaan na ba kami?
Hala?! Bakit nasa gate na kami ng school?! Ibig sabihin natakbo namin ang simula Class 4-4 hanggang dito sa gate, sobrang layo ng natakbo namin.
"Paano tayo nakarating dito?"
"Bakit ako ang tinatanong mo? Sino kaya yung takbo na takbo diyan?"
"Sino ba nagsabi sayo na sundan mo ko!?! Di ba nga galit ka sa akin?!"
"Sino naman nagsabi niyan sayo?!"
Tama nga naman. Sino nga ba nagsabi sayo Karissa na galit si Marion sayo? Pero hindi na naman kailangan may magsabi pa na galit siya sa akin dahil obvious na obvious naman sa mga kilos niya.
"Halika na nga, bumalik na tayo sa room."
"Ayoko makita yang pagmumukha ni Vince!"
"Maging masaya ka na lang para sa bestfriend mo."
"Maging masaya? Pagkatapos niyang saktan ang bestfriend ko, ganun na lang yun?"
"Teka? Bestfriend? Sinong bestfriend?"
Halata sa mukha ni Marion na naguguluhan siya. Tignan mo itong isa, mukhang wala naman yata alam sa nangyayari. Sa bagay, busy nga pala siya sa girlfriend niyang maldita.
"Sino pa nga ba? Malamang si Ciara!"
"Teka, hindi ikaw?"
Anong hindi ako?! Ano na naman pinagsasabi ng bakulaw na kapre na ito? Lalo na akong sigurado na wala talagang alam itong isa to.
"Anong ako?"
"Hindi ikaw yung girlfriend ni Vince?"
"Pakiulit nga?"
"Ang ayoko sa lahat yung pinapaulit yung tanong ko!"
"At ang ayoko din sa lahat yung nagtatanong ng walang kwentang tanong!"
"HOY!!! Ang iingay niyo! May nagklakla—"
Nagulat ako dahil biglang may sumigaw na guard. Pero si Manong guard yata ang mas nagulat kaysa sa akin. Patay kami nito baka madala pa kami sa office ni Head Teacher dahil nagcutting classes kami.
"Sorry po sa istorbo. Sige, ipagpatuloy niyo po ulit yung LQ niyo."
At parang bulang nawala si Manong guard. Nakita lang si Marion natakot na? Pati guard ng school takot din kay Marion.
"Hindi ka ba talaga ang girlfriend ni Vince?"
Nakakainis! Hindi pa pala siya tapos sa tanong niyang iyan. Saan ba niya napulot ang walang kwentang impormasyon na iyan. Mukha ba kong papatol kay Vince?!
"Hindi ka ba nakikinig kanina?! Di ba nga, yung girlfriend niya ay si CIARA! HINDI AKO!!! AT NEVER MANGYAYARI YUN!"
"Tsk. Japs. I'm going to kill you."
Mukhang alam ko na ang nangyayari. Si Japs na naman.
"Hindi ko alam kung paano kayo napaniwala ni Japs. Pero talagang naniniwala kayo kay Japs?!"
"I need to go back."
"Oh bakit? Saan ka naman pupunta?"
"I'm going to kill that shark."
Hindi pa nakakaalis si Marion bigla naman tumunog ang cellphone ko. Teka, bakit kaya tumatawag si Yaya? May nakalimutan ba ko sa bahay?
"Yaya, bakit ka —ANO?!"
Narinig ko ang pinakaayokong bagay na mangyari.
"Sige, Yaya. Susunod ako. Huwag mo siyang iiwan, Yaya ah. Intayin mo lang ako."
"Bakit? Ano nangyari?"
"Yung mommy ko..."
Hindi ko namalayan na umiiyak na pala ako. Sa lahat ng bagay, Mommy ko ang kahinaan ko. Kaya kapag may nangyaring masama sa kanya, masisira ang mundo ko.
"Anong nangyari sa mommy mo?"
"Isusugod ng ospital ang Mommy ko. Kailangan ko siyang puntahan."
"Teka, sasamahan kita."
"Huwag na."
"Huwag kang aalis diyan. Kukunin ko lang ang kotse ko."
Pagkaalis na pagkaalis ni Marion, umalis na din ako. Hindi dahil ayaw ko talaga siyang kasama pero every second is important when it comes to my Mommy.
Alam ko magagalit sa akin iyon pero mas iintindihin ko na lang muna ang Mommy.
Sa sobrang pagmamadali ko, kahit naka-stop un stoplight, tinatawid ko. Wala din naman mga sasakyan na dumadaan.
Pero iyon pala ang akala ko...
PRRRRRRRRRRT!!!