Class 4-6 - Book 1 (PUBLISHED ON POP FICTION 2018)

CHAPTER 60 (EDITED)

Update Date: 01/15/2020

*THIRD'S POV*

"Marami pa din ang nagmamahal sa kanya."

Nagtataka si Vince kung ano ang ibig sabihin ng sinabi ni Ciara. Kasalukuyan silang nasa sasakyan niya ng ma-stranded sila sa isang traffic na hindi niya maintindihan kung bakit ang daming tao sa kalsada.

Bago pa siya makapagtanong kay Ciara, napansin niya ang isa sa mga taong nakatayo sa kalsada na may hawak na isang picture. Doon niya napagtanto kung bakit maraming tao sa lugar na iyon.

Gusto niyang batukan ang sarili niya dahil nakalimutan niya kung anong araw iyon.

"Kahit sino naman, mamahalin ang taong iyan."

Mahina niyang banggit.

"Siguro kung nakikita ni Karissa ito, iiyak iyon ng sobra."

"Bakit naman?"

"Super fan kasi siya ni Karissa."

Gusto sana sabihin ni Ciara ang totoo kay Vince tungkol sa Kuya ni Karissa pero mas mabuti na lang na walang alam ang kanyang boyfriend.

Ganoon din si Vince, gusto din niyang sabihin kay Ciara tungkol sa connection niya sa sinasabi nitong iniidolo ni Karissa. Gusto niyang sabihin na tatlong taon na ang nakakalipas ng mawalan siya ng isang bestfriend.

*FLASHBACK*

Nasa Cloud Bar 9 na naman si Vince. Sa totoo lang, wala siyang balak pumunta dito sa bar niya pero ng dahil sa tawag ng isa niyang tauhan dito, napadaan siya ng wala sa plano.

"Sir Vince, kanina pa po siya at lasing na lasing na po siya."

"Mayroon bang nakakita sa kanya?"

"Wala po."

Laking pasalamat ni Vince dahil sa sinabi ng tauhan niya. Nagmadali na siyang pumunta sa VIP Room kung nasaan ang kaibigan niya. At doon bumungad ang kaibigan niyang wala sa sarili at dahil sa itsura nito, hindi niya nakilala ang kanyang kaibigan.

"Burg! Ano naman ba ito?"

Nagulat na lang siya dahil pagtingin ng kaibigan niya, umiiyak ito.

"Vince, bakit niya ko iniwan? Seryoso naman ako sa kanya at pinakita ko na naman na mahal ko siya."

"Wala kang kasalanan, Burg. Hindi mo kasalanan na may ganyang mga babae."

Awang awa si Vince sa kanyang kaibigan. Alam niyang hindi dapat maramdaman ng kaibigan niya ang ganito lalo na isang mabuting tao ang kaibigan niya. Hindi niya maintindihan bakit kailangan pang saktan ng ganito ang kaibigan niya.

At dahil din dito sa pangyayaring ito, naisip ni Vince na dapat hindi sineseryeso ang mga babae. Para sa kanya dapat maglaan lang siya ng kaunting oras para sa mga babae at dapat hindi niya ibigay ang puso niya sa mga ito para hindi siya matulad sa kanyang kaibigan.

Sinusumpa niya ang mga babaeng nag-aaral sa Xavier Girl School dahil ang babaeng nananakit sa kanyang kaibigan ay nanggaling sa school na ito. Oo, kilala niya ang babaeng nananakit sa kanyang kaibigan.

"Korj, kalimutan mo na lang siya. Saka tama na iyan, siguradong naghihintay sayo ang kapatid mo."

Alam din ni Vince na may nakakabatang kapatid si Korj ngunit never niyang na-met ito o nakita ang picture dahil walang nakakaalam na kahit sino na silang dalawa ay matalik na magkaibigan. Mas nagustuhan na lang nila na naging meet-up place na lang itong bar ni Vince. Alam din ni Vince ang sikreto ni Korj na siya ang anak ng may-ari ng KAKO Ent.

"Sir Vince, may problema po tayo."

"Ano iyon?"

"Nasa labas po ang mga kaibigan mo."

Nagulat si Vince dahil hindi niya alam na pupunta dito ang Class 4-6. Hindi nila puwedeng makitang magkasama silang dalawa ni Korj at lalo ng makitang ganito ang kalagayan ni Korj. Nagmadali siyang gisingin si Korj pero mukhang hindi kaya bumangon ng kanyang kaibigan.

"Nasaan na ang cellphone niya?"

"Ito po, Sir. Marami na pong tumatawag sa kanya."

Kinuha ni Vince at sakto may tumatawag sa cellphone ni Korj ngayon. Hindi na niya tinignan kung sino ito dahil wala na din siyang panahon para malaman kasi wala din naman siyang kilala sa mga kamag-anak nito o kaibigan.

"Hello, Kuya Korj!"

Boses babae ang nasa kabilang linya. Ito na siguro ang kapatid ni Korj.

"Hello, kaibigan ako ni Korj."

"Nasaan po siya ngayon? Hinahanap na kasi siya ng kapatid niya."

"Andito siya sa bar ko. Pero sa ngayon, hindi na niya kakayanin umuwi mag-isa."

"Teka, tatawagan ko ang kapatid niya at kami na lang susundo kay Kuya Korj."

Napagtanto ni Vince, hindi rin magandang oras para sa mga babae ang lumabas ngayon at naisip niya rin mas lalong magtatagal si Korj dito sa bar niya kung hihintayin niya pa dumating ang kapatid nito.

"Ipapahatid ko na lang siya sa driver ko sa bahay nila. Puwede ko bang malaman kung ano ang address nila?"

Naramdaman ni Vince na nagaalinlangan ang babaeng kausap niya.

"Huwag kang mag-alala, kaibigan niya ko at mapagkakatiwalaan niyo ko."

Hindi rin nagtagal, binigay na rin ng babae ang address ng bahay nila Korj at saka niya ito binigay sa driver niya.

Mabuti na lang naisakay na sa sasakyan niya si Korj bago pa siya makita ng Class 4-6.

>>END OF FLASHBACK<<

Naalala na naman ni Vince ang mga panahon kung kailan kitang kita niya ang kaibigan niyang nasasaktan at nahihirapan. Gusto niya man balikan ang mga oras na iyon pero alam niyang impossible na ito.

Nagpapasalamat pa din siya dahil naging parte ng buhay niya si Vince.

"Diyan lang ako sa tabi, Vince."

Bago pa bumaba si Ciara, pinigilan siya ni Vince.

"May kailangan ka pa ba, Vince?"

"Oo naman. Nasaan ang kiss ko?"

Ngumiti lang si Ciara at hinalikan si Vince sa pisngi. Pero mukhang hindi iyon ang inaasahan ni Vince kaya napasimangot ito.

"Bakit ganyan ang mukha mo?"

"Anong klaseng kiss yun? Gusto ko sa lips."

Gustong matawa ni Ciara sa inaasal ni Vince.

"Sige na, papasok na ko ng bahay."

Bago bumaba si Ciara ng sasakyan ni Vince, binigyan niya ng halik sa labi si Vince. Masaya siya dahil naging maayos na ang problema nila ni Vince. Hinihiling na lang niya, sana maging maayos din ang buhay-pagibig ng kanyang kaibigan na si Karissa at ni Marion.

Ganoon din naman si Vince, masaya siya ngayon dahil natutunan na niya ulit maniwala sa pag-ibig dahil iyon kay Ciara. Alam niyang masaya ang kanyang kaibigan na si Korj dahil sa nangyayari sa kanya ngayon.