أنا أسفه جدا لأنى مش هكتب بالفصحى هكتب مصرى كده هقدر اتكلم براحتى
طبعا قبل اى حاجه نفسى اشكر كل اللى قرأ القصه حتى لو مكنش بيعمل فوت وكومنت كان نفسى اكتب اساميكم و اشكركم واحد واحد بس للأسف خايفه انسى أحد
طبعا انا كنت متردده فى البدايه انشر حاجه على الواتباد و طبعا اسف لو القصه فى ناس تابعوها و معجبتهومش هى كانت اول تجربه ليا انا مكنتش هزعل من اى نقد بالعكس كمان انا طريقه سردى وحشه و معرفتش اوصل كل اللى عاوزاه من خلال القصه دى
انا و الله كنت ببقى مكسوفه و انا بكتب مثلا كلمه " يقبلها " او " يعانقها " أو " فودكا " بس انا كتبتها غصب عنى
طريقه سردى كانت وحشه لأنى كنت مختاره وقت غلط للكتابه انا القصه دى كنت بعيط و أنا بكتب النهايه لأنى كنت ببقى مستنيه الفوت و الكومنت بتاعكم كان بيدينى طاقة ايجابيه
القصه دى كتبتها و أنا فى أسوأ حالاتى النفسيه خسرت ناس كنت بحبها و صحتى كانت تعبانه و كمان خسرت حاجه تانيه كتير بس ربنا كريم و هيعوضنى أنا أسفه لو دخلتكم فى حياتى الشخصيه
من بدايه فتره مراهقتى بحب جدا اشوف فيلم رومانسى او اقرأ رومانسى بحب خصوصا لما يكون البطل و البطله لايقين على بعض " جولز " بيكملوا بعض حتى لو كل حاجه بينهم مختلفه هى الماء و هو النار هى التراب و هو الهواء بس ميقدروش يبعدوا كل واحد بيسعد التانى بطريقته
من اكتر العلاقات اللى عجبتنى
زين 💜بيرى
لوى 💜إلينور
ليام 💜شيريل
ده بالنسبه لون دايركشن انا فى الحقيقه بحب المسلسلات و الأفلام التركى من العلاقات اللى حبتها
يامان و ميرا من مسلسل المد و الجزر
باريش و فتون من فيلم delibal
حياه و مراد من مسلسل الحب لا يفهم من الكلام
هاندا و كوراى من مسلسل فريحه
أمير و فريحه من مسلسل فريحه
غير كمان الأفلام المصريه القديمه الرومانسيه
أسفه جدا والله ! ممكن اكون ممله دلوقت و بتكلم عن نفسى كتير
كل شخصيه فى القصة كان بطل بالنسبه ليا عاوزه أوصل منها مغزى معين انا كمان بعتذر عن النهايه انا كنت راسمه فى خيالى تكون احسن
بس سبتها لخيالكم انتم حبيت انهيها بطريقة سعيده يعنى كل واحد عاش مع اللى بيحبه
سارا وزين / بيرى و مايكل / إلينور ولوى/ جايد و هارى / سيلينا و جاستن
فى شخصيات اهملتها معرفتش اوصل كل اللى كنت عاوزاه بس زين و سارا مش هم بطل القصه بس !
هتكلم دلوقت عن شخصيه شخصيه
سارا :
غلطها انها حبت زين بجنون نساها انها انسانه من حقها تعيش حتى لو زين مش معاها ربطت حياتهابه لوحده ! حتى شكلها اهتمت به عشانه بس غالبا الحب بتاع سارا مش غلط اوى كده بالذات لو بتحب حد يستحق
زين :
غلطه انه مهتمش بسارا محسسهاش بوجودها حتى لما سامحته كانت بتأكد انها دايما هتقارن نفسها ببيرى ! زين يقدر يصلح ده لو عبر عن حبه لها بجد كمان غلط لما اتسرع و ارتبط بسارا بعد انفصاله عن بيرى
ومع اول فرصه باع سارا !
لوى :
لوى كان الشخصيه المرحه بالقصه اكتر رجل رومانسى ممكن يهتم بالبنت للى بيحبها كان بيحاول ميجرحش إلينور و كان بيحاول يحسسها بالأمان و السعاده و الدفء اللى اى بنت بتحتاجه
إلينور :
دى واحده من بنات كتير بيعانوا من نفس المشكلة و هى عدم اهتمام الاهل بيهم هى كبرت محدش بيسأل عنها كان عندها حريه زايده ممكن كانت تقلب غلط
ودى كانت مشكله نفسى ميبقاش فيه بنت عندها نفس المشكله
غلطها الكبير انها حكمت على لوى حكم بشع معرفتش تثق فيه كويس عشان تجاربها الوحشه بالحياه و باعت لوى و كانت ممكن تخسره
بس أى واحده مكان إلينور هتكون أم كويسه بتحاول تعطى لإبنها أو بنتها كل اللى تقدر عليه
علاقه سارا ب إلينور :
كانت أكتر علاقه صداقه ناجحه ممكن نشوفها كمان أكتر من الأخوه
الاتنين معتبروش بعض صحاب بس ! لا أكتر طبعا كل واحده حست بالأمان جنب التانيه يكاد يكون كل واحده حست انها ام للتانيه
أى بنت محتاجه واحده زى سارا أو إلينور
بيرى :
بيرى ماكنتش شريره اوى كده هو الانتقام عماها هى استغلت شخص و ظلمته و اكبر جريمه انك تخدع حد و توهمه انك بتحبه
مايكل :
كان شخص سلبى فى الأول ساب البنت اللى بيحبها تكون مع غيره عشان فلوس ممكن تخسرها حاجات كتير و ضحى بها بس صدمته انه ممكن يفقدها خلته يفوق
جايد:
جايد كانت مثال لعمله نادره و طيبه يعنى مهماش علاقتها بأختها انها ممكن تدهور بس كان همها تمنع الأذى عن زين و عن أختها
جايد نموذج لطفل ممكن يتولد ضحيه مالوش ذنب يتعامل بطريقه وحشه زى ما أمها كانت بتعاملها لمجرد انها ضحيه علاقات حب فاشله بالرغم من كده جايد مبقتش شريره و حبت أختها رغم انها ممكن تغير منها و غلطها الكبير انها نست كل حاجه جميله عملهاهارى و صدقت الخيانه كان ممكن هو ميسمحاش بس أى بنت فى موقف خيانه خصوصا لو بتحب اوى هتصدق
هارى :
ده مثال لنوع ثانى من شاب بنحتاجه بحياتنا بيدعمنا فى ظروفنا الصعبه زى ما عمل مع جايد حتى فى غيابها كان مصمم يحتفظ بحبها و ذكرياتهم مكانش أنانى رغم انها ظلمته
انا عملت النهايه سعيده عشان محدش يزعل .. بس كان ممكن سارا مترجعش لزين او مثلا بيرى تكون مع مايكل
خلاصه كلامى حاول تكون محبوب فى حياتك اعمل حاجه خلى الناس تفتكرك بيها اهم حاجه اهتم بالناس اللى حواليك حسسهم دايما بمشاعرك اوعى تخبى مشاعرك دى جريمه ! تعرف ممكن ترجع لحد الحياه تانى بمجرد انك متخبيش مشاعرك مش قصدى فى علاقات الحب بس لا فى كل علاقتنا بالناس
اوعى تتسرع فى الحكم على حد ... انت متعرفش هو جواه ايه ناحيتك متضحيش بحبك لحد بسهوله و تفرط به
اى علاقه سواء حب او صداقه بتستحق اننا نتعب و نعافر عشان تكبر و تكمل ... اكتر حاجه مؤلمه تكون فى علاقه طرف فيها بيتعب عشان يخليها تستمر و طرف خايف يتعب او خايف العلاقه تستمر ..وقتها الطرف التعبان بيحس انه ملوش لازمه عندك و بيبعد وهو مجروح
انا مش ناضجه كفايه عشان اتكلم عن الحب ... و الحب ده حاجه بتخلينا عايشين مش شرط حب يعنى اتنين مرتبطين لأ ممكن اتنين صحاب حب بين أفراد العائله كده يعنى ... الحب ده صعب يتوصف شئ لو اتعاش صح بيخلى حياتك جنه
بيكون محظوظ كل واحد فينا لو حس انه محبوب ... او مهم فى حياه حد او يوم شخص مش بيكمل الا بيه ... الشعور ده بتمنى اوصل ليه عندى امل اكون مهمه فعلا فى حياه اى حد
كل واحد فينا محتاج حد يحسسه بأمان يحتويه يدعمه يسانده و يشجعه يأخد اصعب قرارات
اوعى الانتقام يسيطر على شخصيتك لأن الانتقام لما بيسيطر بيحول الإنسان شيطان لو فى ايدك تسامح حد و حاسس من قلبك انه ندمان سامحه
آخر حاجه كنت مبسوطه انه كان ليا التجربه دى على الواتباد حتى لو هى فاشله .. بس فخر ليا انى عبرت عن نفسى ... لو فى ناس حبتنى و حبت القصه
استنوا قصه جديده قريب احسن من دى لأنى بحاول اطور نفسى اسمها amnesia هارى البطل فيها و معاه كاثرين بطلة مسلسل 13reasons why و معاهم لوسى هيل و لوى و زين و نايل
حاجه بسيطه معلش قصتى لما بيرى فيها كانت شريره بالأول مش معناه انى مش بحبها بالعكس بحبها جدا بس شوفتها مناسبه للدور
أسفه لو كنت تقيله انا وقصتى...
Always love you all ❤❤