🎀والاخـــ✎ـير🎀
آلُحـــٍزن
أن أگتب فَلُآ يَصلُــك آلُمعٍنئ,, ۆأن
أصرٍخـ فَلُآ يَصلُــك صۆتيَ ,, ۆأن ألُفَظً أنفَآسيَ فَلُآ أرٍآگ ,, ۆأن أمۆت فَيَصلُـــك آلُنبأ گآلُغرٍبآء
💔
ميار" ادور وشاده نقالها وتتصل وسدين مقعمزه وحاطه ايديها ع خدودها وروعه جنبها واقفه.. نزلت نقالها : اوووف مايردش
روعه: اكيد عمر مشغول مع الجرحه
ميار" بخوف: قلتله اذا محتاجين مساعده يكلمنا
ياسمين" جتهم : خيرك تحوسي ؟
ميار" بحزن: خاااايفه عليهم
ياسمين: ع من؟
روعه: الشباب ف الجبهه
ياسمين" حست بخوف داخلها: كلهم ؟
ميار: اي كلهم
ياسمين" حست برهبه كبيييره بهمس: ربي يحميهم
جمال: مياار
ميار" لفت شافاته جاي بسرعه بخوف: خير صاير شي ؟
جمال" وصل وهو يتنهد بقوة: بسرررعه عمر محتاجكم
ميار" بخوف: حدد صايرله شي الشباب بخير ؟
جمال: كلهم بخير بس محتاج مساعدات فيه جرحى واجد
روعه" مشت بسرعه: كل شي جاهز اصبرو نجيبه
ميار" بخوف: الحقينا لسيارة
ياسمين: بنمشي نساعد
ميار: اوك " مشت هي وجمال وياسمين سمعت صوت سدين لفتلها واذكرتها قربت منها"
سدين" بدموع: تخلونيش نمشي معاكم
ميار: بس احنا ماشيين ف مكان خطير
سدين: لاا نمشي معاكم
ميار" شافت لياسمين"
ياسمين" بهدوء: تو نخليها مع جدتي
سدين: لا نابيش
ياسمين: عمك احمد يزعل اذا شافك غادي خليك هنا
ميار: اي احمد يزعل اذا مشيتي معانا
سدين" نزلت راسها"
ياسمين" شداتها: تعالي نمشي لجدتي "مشت ورفعتها"
ميار وجمال مشو لسيارة واستنوا لين جت ياسمين وروعه ومشو معاهم وطوول الطريق يدعوا ان لله ينصر الشباب
...
رمزي" يسوق بقوة ومش قادر يركز كويس وهو كل شوي يلف لجواد يطمن عنه سمع صوت طلق نار وجت رصاصه ف السيارة لف بقوة وغير الطريق وانهال عليهم الرصاص وحده جت قريبه منه فاتت من كتفه وضربت ف الكرسي لفت السيارة بقوووة ووقفت عرف ان العجله صابتها رصاصه فتح الباب بسرعه ونزل وفتح الباب الخلفي وشد جواد والرصاص عليهم نزله وبسرعه فات بيه وجا خلف شجرة كبيره وعشب مغطيها والرصاص قعد ينطلق جهتهم نزل وقعمز وجواد حطه ع صدره ويتنفس بقوة ويدعي: ياااارب ياااارب نجينا منهم يااارب "شاف لقى سيارة متجهه لمكانهم خاااف اكيد بيلقوهم شاف بعيد لقى احجار كبيره محطوطه ع بعض وفيها مكان يقدرو يتخبوا فيه شاف لجواد يلي يتنفس بصعوبه همس له: ساعدني شوي بس ولا نريحو فيها " رفعه وحاول انه يمشي ببطىء ويدرق ف الشجر باش مايلاحظوش عليه لين وصل للحجار وادرقو فيهم وسمع صوت مشى وكلامهم غمض عيونه ويدعي " وجعلنا من بين ايديهم سدا ومن خلفهم سدا فاغشيناهم فهم لا يبصروه "قعد يردد فيها لين سمع صوت السيارة وفتح عيونه وشاف لقاهم مهناش شاف لجواد يلي يأن ف حضنه همس له بوجع: سامحني ياصاحب وربي ما انتبهتلك "طلع وطلع جواد وقعمز وحطه يشوفله ويبكي: كيييف الراي معش نقدرو تو نمشو ونقالي ف السيارة "اذكر نقال جواد وشاف لجيوبه ولقاه وابتسم بفرح لين دمعوا عيونه واتصل باحمد وقاله يرسله حد من الشباب وماقالاش جواد متصاوب .. نزل النقال وشاف لجواد : جواد جواد "بدا يضرب فيه ع خده يبيه ينوض "
جواد" فتح عيونه بتعب ويأن بوجع"
رمزي" مسح دموعه : جواااد تحمل شوي تو يجو يسعفوك سااامحني سااامحني
جواد" بالم ووجع: لا تقلها
رمزي: كيف؟
جواد: لا تقلها ااا ااااه ميار ااا ما تقلهاش ولا تقول ااا لحد انك السبب
رمزي" بدموع: علااش خليهم يعرفو اني السبب ؟
جواد" هز راسه بلا ويبكي: لا تقول بدات ااا بدات ميار و محموااا محمود لا تقلهم ااااا
رمزي" بالم ودموع : اسكت ماتتكلمش اسكت
جواد" غمض عيونه : ماتقلهمش ما تقوو اا لش
رمزي" ضم راس جواد لصدره ويدا يبكي ويدعي ان جواد يعيش ولا بيحمل ذنبه طول عمره"
"""""""""""
سند" بصراخ: محمووووووووووود انتبببببه
محمود" نزل راسه وتفوت رصاصه تزن فوقه تنهد بقوة وحمد لله لحق ف اللحظه الاخيره شاف لسند وابتسم"
سند" ابتسمله : انتبه مرة اخرى
محمود" شاف القدام وبدا يضرب "
سند: محموود وين جواد ورمزي؟
محمود" بصوت عالي : مشو للجهه التانية
احمد" جاهم يزحف : شباب لازم ننسحبو
محمود" بعصبيه: علااش
احمد" بحده: بنخسررروو لو استمرينا هكا
محمود: والشباب به
احمد: كلمت معاذ وياسر يطلعو من المكان السري
سند: والاسلحه والسيارات
احمد: الاسلحه مكانهم مايعرفه مخلووق اما السيارات مش اغلى من ارواح الشباب
محمود" شد سلاحه وبدا يضرب بقوة وعصبيه : لله يدمررررررركم
احمد" بعصبيه : محموووود خلااااص خلي ننسحبو ونديرو خطه للهجوم عليهم " بصوت عالي: انسحبوووووو ياشبااااب
" انسحبو كلهم بعد اوامر احمد ليهم وبالغصب قدر يسحب محمود من المعركه بس انصدموا ف مجموعه خلفهم من المستعمرين وولعت الحرب من جديد وبدا السلاح الخفيف والثقيل مستخدم ف الجبهه .. اصااابااات عديده ومتنوعه وشباب اسشهدو وكل هذا مازادهم غير اصرار ع المقاومه "
....
ف المستشفى الميداني
ميار" وهي تعالج ف جريح بصراخ: بسرررعه ياسمين البنج
ياسمين" جابتلها البنج وبدت تساعد فيها ف تبنيج المصاب و تخييط الجرح "
شاب " خش للخيمه يلي يعالجو فيها : بسررعه عندنا جريح جرحه خطيير
ميار" وهي تربط ف ايدي مصاب: دخلوه " ربطت ايده ومشت شافت رجل التاني وساعدت الممرض ف تنظيف الجرح "
ياسمين" بخوف: مياار بسرعه هذا حالته خطيره
ميار" لفت لقت شاب مرقدينه ع ظهره وكله دم قربت منه تفحص فيه: الرصاصه جاياته ع ظهره انا مانقدرش نطلعها نادو عمر او الدكتور يحيى
ممرض: عمر عنده حالات بتر والدكتور يحيى يدير ف عملية لشخص حالته خطيره
ياسمين" تسمع فيه يأن بخوف: مياار بسرعه حالته خطيره
ميار" بخوف: الرصاصه قريب من العمود الفقري مانقدرش نقلعها
الشاب" بعصبيه: شن مهمتك انتي مش دكتورة ع اساس بسرعه ديريله حل
ميار" بعصبيه: انا مش دكتورة ممرضه قعده وقعده نتعلم كيف بنغامر بحياته احتمال يموت ولا ينشل
الشاب" بعصبيه : ديري يلي عليك والباقي ع لله
ياسمين" شاده ايد الشاب وتقيس ف نبضاته بخوف: مياااار بسررعه ترببحي ولله نبضه ضعيف
ميار" بصراخ: مانقدررش حالته خطيييره نادووو عمر ولا اي دكتور اخر
الشاب" قرب منها وحط السلاح ع صدرها: بسرررعه عالجيه ولا قسم بالله نقتلك
ياسمين" شهقت بخوف والكل الجرحى الموجودين انصدموا "
ميار" بدموع: خيييرك ماتفهمش حااالته خطيييره
الشاب" بعصبيه: خطيره ولا مش خطيره عااالجيه كان مات مات المهم اقلعي الرصاصه منه ولله اذا مات قبل العملية نفرغ فيك
ميار" بصراخ: فرغ فيا اقتلني المهمم مش مدايرتها العملية
الشاب" ضغط ع السلاح استعداد للاطلاق بعصبيه: اخررر فرصه بتنقديه ولا نقتلك
شاب تاني: هييي انت البنت قالت ماتعرفش برى شوف دكتور اخر
الشاب" بعصبيه: ع قولتكم مافيش حد فاضي وهي تدير العملية غصصصب عنها وقسم بالله لو صارله شي تو نفرغ فيك المخزن كله
ياسمين" قربت منه بعصبيه: البنت ماتعرفش شن تبيها تغامر بحياته
الشاب" بعصبيه: تغامر خير مايمووت
ياسمين" لفت لميار: جربي فيه وكان مات مات ذنبه هوا
ميار" بحده: ولله مانعرف تبوني نقتله
الشاب" بعصبيه: وقسم بربي ماتتحركي تو لما نفرغ فيك انت وهي
ياسمين" بعصبيه: تبي خوك يموت ع ايد وحده مش دكتورة
الشاب "بعصبيه: تي انت وهي بتقلتوه وانتم تتمرخوو بسرررعه هيااا
ياسمين" بعصبيه: ميااار ديريله عملية كان مات ف رقبته
ميار" تنهدت بقوة: اه "مشت ودارت قوانطيات وخدت ابرة التخدير وقربت منه وضربتهاله ولفت لياسمين بجدية:نبي مساعدتك "لفت لشاب: معليش يا اطلع يا قعمز بعيد
الشاب: ديري كل جهدك "مشى وطلع "
"""""""
......
سناء" خشت لصاله لقت امها وسجى يحضرو ع النشره مشت قعمزت"
سجى" بخوف: يااارب يااارب انصرهم واحميهم يااااارب
سناء: خير شن فيه
سجى: المدينه الغربيه فيها اشتباكات
سناء" شافت لتلفزيون: ربي يستر وان شاء لله يكونو بخير كلللهم
الام : امييين
سناء: اتصلتو برمزي
الام : لا هو ولا ميار يردو
سناء: يااارب احميهم
الام: امين .. قولي انت امتى راجلك بيجي يفهمنا شن صاير بينكم ليك ايام هنا ومافهمناش خيركم وشن بينكم انت واياه من يوم رجعتوا من السفر وحذفك هنا لا قلتي شي ولا هو قال شي
سناء: مافي شيء
الام: عروس جديده وحاذفها راجلها ف حوش عيالها شن يقولوله هذا
سناء" وقفت: يقولوله حرية شخصيه ويلي بيناتنا بيناتنا يا يجي يطلق يا يجي يرد "طلعت"
الام: اختك هده مافهمتيش خير دعوتها هي وراجلها
سجى: لا مافهمتش خليها يما تو صيورها تحكي ونعرفو خيرها
"""""""""""
ميار" مسكت ادوات العملية وهي ترتعش خايفه تغلط ويموت او ينشل المصاب لان الرصاصه قريب من العمود الفقري سمت باسم لله وبدت ف عملية قلع الرصاصه وياسمين وممرض يساعدو فيها وتحس ف حرارة بجسمها خايفه وتقرا ف قران باش ماتتراجعش وتحاول تركز ف عملها كويس وصلت لرصاصه ومسكتها بالاداء المخصصه لها وبتقلعها : يااارب
: ميار
ميار" فزت ولفت وابتسمت لين دمعوا عيونها: عمر
عمر" قرب منها بسرعه: هاتي عنك "شهق بقوة: اااه علااش درتيها بروحك هدا شي خطير
ميار" تبكي: خفت يموت عمر شوفه
عمر" شاف الرصاصه وشافلها: ماقعد شي انت كملي مهمتك واقلعيها
ميار" مدت ايديها بدموع: مش قادرة ايديا يرعشو
عمر" ابتسملها مهما كان هي صغيره ف العمر وانثى : خلاص ارتاحي انا نكمل " خدا منها الادوات وبدا يقلع ف الرصاصه"
ميار" قعمزت وهي ترعش ضمت نفسها بايديها وترعش شافت كاس امية ممدود قدامها لقتها ياسمين ابتسمتلها وخدت لمية وشربت وتشوف لعمر "
عمر" قلع الرصاصه ومسح عرق ف جبينه ولفلها وابتسم : الحمد لله بخير
ميار" بدت تبكي من الفرحه انه بخير "
عمر" خيط الجرح ومشالها وحط ايده ع كتفها وابتسم: من اليوم نعطيك شهاده الدكتوراء العمل يلي عملتيه اقوى من اي عمل برافوو عليك
ميار" ضحكت وف عيونها دموع: ههه الحمد لله الحمد لله خفت ياعمر وربي خفت يموت ونكون السبب
ياسمين" بهدوء: الحمد لله
ميار" ابتسمت لياسمين: شكراااا ليك ساعدتيني
ياسمين" بهدوء: مادرت شي
عمر: نعطوها شهاده منرضه من تو ههه
ميار: هههههه
الشاب" خش : هااا شن صار
عمر: الحمد لله بخير نجحت عمليته
الشاب" بفرح: الحمد لله الحممممد لله "قرب من ميار: سامحيني يا اختي بكري عصبت عليك ولله كله من خوفي نفقدوه
ميار: ولا يهمك حقك تخاف ع خوك
الشاب" قرب من الشاب يلي مصاب بفرح: الحمممد لله ولله لو مات القناص كلنا نموتو وراه
ميار" انخلعت وفز قلبها بقوة : شن
عمر" باستغراب: القناص ؟
ياسمين" لفت ع طول لشاب المصاب: قناص شن ؟
الشاب" مسح دموعه بفرح: القناص جواد "اشر عليه"
الثلاثه شهقو بقوة" اهيييء
ميار" قربت منه ورجليها مش حاملينها : جواد؟؟؟ "قربت منه وشافت لوجها لانه راقد ع ظهره ووجها كان ف الجهه التانية حطت ايدها ع فمها تكتم شهقتها"
عمر" بخوف: جواااد " مشاله وشهق لما شاف وجها " جوااااااد "شاف لشاب : علاااش ماقلتش هذا جواد القناص
الشاب: تبيني نقول باش هده تجمد وماتنقداش كان ماهددتهم راه مات واذا قلت انه القناص من الخوف تقتله شن مانعرفش النسون انا
ياسمين" قربت منه وشداته بعصبيه: انتتتتتت هيييييي مجنووووووون علااااش ماقلتش انه جواد علاااااااااش
الشاب" دفها بغيض: تره اخطيني اعصابي ع راس خشمي بعدين هاهو بخير وباذن لله ينوض صحيح وكان عرفتو انه القناص شن بديرو مثلا
ميار" قعمزت ع ركبيها ووشدت وجها بايديها وهي ترعش وتبكي : جوااد جواااد كلمني ياجواااد كلمني تربح نووووض ياجواااد نووووض تربح نوووض ولله ماكنت نعرف انك انت ولله ااااا ياجواااااااااد
عمر" مشالها وشدها من اكتافها: ميار هدي هي تحت ثأثير المخدر نبضه كويس تطمني
ميار" دفت عمر وتبكي وتهز فيه: جواااااااد نوووووض تررربح نوووووض انا انا عالجتك انا قلعت الرصاصه نووووض ترربح لا تقعد هكا طمني عنك جواااااااااااد "انفجرت تبكي معش قدرت تسكت "
ياسمين" دمعوا عيونها قربت منها وشدتها ووقفتها :ميار خلاص هو بخير بفضلك
ميار" وقفت وحست روحها ارتخت طاحت وشدتها ياسمين"
ياسمين" بخوف: ميااار ميااار
عمر" شدها : تطمني بسبب الارهاق والتعب النفسي داخت تو تكون بخير "حطها ع السرير وقاس ضغطها لقاه هابط ركبلها التغدية " خلوها ترتاح ياسمين نبيك تعاونيني
ياسمين" مسحت دموعها العالقه ف رموشها : حاضر
عمر" طلع لقى رمزي مقعمز وحاط ايديه ع راسه : رمزي
رمزي" وقف بسرعه والدموع ف عيونه: هو بخير جواد بخير
عمر : اي الحمد لله لحد تو تمام
رمزي" مسح دموعه: ميار نقذاته صح
عمر" ابتسم: شجاعه هالبنت
رمزي" بالم ف داخله: وكان تدري اني السبب ياترى شن ادير؟
"""""""""""""""
انتهت المعركه بعد ساعه وانتصرو الشباب ع المستعمرين ف الجبهه واسرو عدد كبييير منهم ... لكن للاسف موقع الشباب خدوه المستعمرين وتمركزو فيه .. واشتهدو 11 من الشباب والجرحى لا فوق 30
رجعوا الشباب كللهم ف المستشفى الميداني
محمود" يمشوا بعصبيه: مفرووض ماخليناهم يباتو الليله فيه الموقع
احمد" بتعب: تي ياراجل لازم نديرو خطه نرجعوه باقل الخسائر
سند: معاه حق احمد
جمال" بصوت عالي: شبااب
احمد" بخوف: خير شن فيه
جمال" وصل لعندهم وهو يتنهد: واخيراا جيتوا
سند: صاير شيء
جمال" بحزن : جواد
محمود" بعصبيه: خيييره
جمال: تصاوب ف ظهره
الثلاثه شهقوا
محمود" مشى يجري: جوااااااد
.......
يتبع
مقتطفات من الاحداث القادمه
🎀ساقف معك حين يظن الجميع انك سيء واقول لهم انك تخصني بكل سيئاتك🎀
....
محمود" بعصبيه: ورب الكووون كان نعرفه هذا يلي ضرب جواد ولله نخليه يتمنى الموت ومايطقه
....
محمود" شادها بعصبيه: تعاااودي هالكلمه نعدددمك انسى دمك انسييه
....
محمود" بصدمه : نصر مستحييييييل؟
....
🎀🎀🎀🎀🎀
ياسمين " ببتسامه خبيثه: تو تشوف يامحمود يلي بنديره
...
ياسمين" تبكي: لااااااازم ندير هالشي لااازم خلييييينيييييييييي خليييينييييي
🎀🎀🎀🎀
أظنّني محظوظة، فَ لدي صديقة لآ تمل
من شَكوآي، نجلس سوياً لـ نلعن العآلم،
ثم نضحك
احمد" بهمس وهو حاضنها: انت ارووع شي صار ف حياتي
...
احمد" بصراخ وهو يجري باتجاهه: سديييييييين لاااااااا
...
احمد" لف لمعاذ بغصبيه : علاش هالدوشه كلها
معاذ: زوجتك
احمد" وقف وطيح يلي ف ايده بصدمه: سدين
...
سدين" بدموع: عمي احممد لا تموت
..
سدين " بصراخ: انا كبرررررررت لا عاد تتحكم فيا صار عمري 18 يعني ف السن القانونية ماليكش اي حكم
....
سدين" تبكي: من زوجي من هووووااا علااش ماعنديش علم بهذا الشي
...
🎀🎀🎀🎀🎀
هل سمعتم يوما .. بالحزن الراقي ؟! هو ذاك .. الحزن . الذي يحرق العيون.. دون دموع. يسكن بايسر الصدر لا احد يعلم به . لأن .. صاحبه . لايشكيه .. لايبكيه . بل .. يتعايش معه .. وفيه ..
َ
جواد" ابتسم بالم: ماعاد ينفع لو عشت مليون سنه حتى لو اعترفت بحبها ليا انا مانقدر نتزوجها اصبحت رجل عاجز
جواد" بعصبيه: علااااش قلت علاااااااش الامر سررر بيني وبينك يادكتور يحيى مانبي حد يعرررف اني موتي قريب
....
جواد" بالم حاد وهو شاد قلبه : نحس ف موتي قرب
....
جواد" وهو يوخر مصدوم: مياار وقفي ميار
...
جواد" شاد قلبه والدموع ف عيونه : نوصيك عليها هي امانتك نوصيك عليها اذا متت هي امانتك نوصيك عليها امانتك
...
كسر ألخوآطر مَ تغطيهآ ألأعذآر '
• مثل ألتعآزي مَ ترد ألمصيبھ
ميار" وخرت وهي مصدوومه: مستحيييييل مانصدقش
ميار" بدموع : كذاااااااب علاااااااش كذبت علاااااش
ميار" وهي شاده السلاح بايدها وتبتسم وتمسح ف دموعها: الالم لازم ينتهي والماضي كله يختفي تعبببت تعببببت
🎀🎀🎀🎀
ستكتشفون ماذا اخفيت عنكم فى الحياة
ستكتشفون ماذا كنت اخفى خلف تلك الابتسامة
رمزي" بالم : جواد انا السبب ف اصابته يلي يعاني منها للان
رمزي" بعصبيه حاده: خلاااااص تعببببت تعبببببت هدا يلي صار انا السببب ف كل شي انا السببببببببب
رمزي" شاف اخر نظره وابتسم بالم ومشى وهو يردد كلمه دايما يردد فيها :.......
""""
❤ سينتهي كل شيء مؤلم دات يوم❤
ميار" سمعت صوت يناديها ماما لفت وابتسمت ومدت يديها للبنت الصغيره يلي تجري وضمتها : هلااااا حبيبة ماما
البنت" ببتسامه: ماما سوفي بابا جابلي حلوة
ميار" لفت للي جاي ويبتسم : اووف منك كم مرة قلت الحلوة ممنوعه انت تبي اضيع بنتك اووف هدا باباك ماينفع لشي
ضحك عليها: ههه وماماتها شن تنفع لكل شي
انتظروووني ولا تنسوو توقعاتكم للحلقه الاخيره❤