Инээмсэглэл
Түүний инээмсэглэл маш хүчтэй. Зүрхийг минь нэг бол чээжийг минь нэвтэлж гартал нь догдлуулж эсвэл бүрмөсөн зогсоодог.
Түүнд гэрээс гарахаас өмнө болсон явдлыг хэлэхэд, тэр надаас уучлалт гуйсан ч дотроо инээж буй нь илт харагдаж байлаа. Түүнтэй ярих сэдэв олохыг хичээсэн ч толгойд юу ч орж ирэхгүй байгаа нь түр зуурын чимээгүй байдлыг бий болголоо. Бид чимээгүйхэн гэрэлт чимэглэлүүдийн доор алхаж байтал Тэхён усан оргилуурын хажуугаар өнгөрөхдөө: Нөгөө чи Жонгүктэй ямар харилцаатай вэ? гэж нэлээд эргэлзсэн шинжтэй асуухад нь би түүн рүү гайхан харвал тэр өөр тийшээ харна. Би: Мм бид хоёр зүгээр л найзууд л даа. Тэр надад хэцүү асуудлуудыг давахад тусалсан юм гэж инээмсэглэсээр хэлэхэд тэр сулхан дуугаар: Аан. Би зүгээр л асуусан шүү. Дахин чимээгүй байдалдаа эргэн орж надад бага зэрэг эвгүй санагдаж эхэллээ. Усан оргилуурыг тойрон алхаж байтал бидний урд нэг жоохон хүүхэд гүйж байгаад, бүдрээд унатал Тэхён ухасхийн түүнийг босгон, гарыг нь арчаад , хувцсыг нь гөвж түүн рүү харж инээхэд тэр жаал нулимсаа арчиад Тэхёнтой адил ярзайн инээв. Тэхён халааснаасаа иштэй чихэр гаргаж ирээд түүнд өгөхөд, тэр хүү инээмсэглэсээр ээжийнхээ гарнаас атган, саяхан бэлгэнд авсан чихрээ өргөөд ээждээ харуулах нь их л өхөөрдмөөр харагдана. Тэхён өндийн гараа даллахад би түүнийг нудран: Вуаа чамаас бас ийм сайхан ааш гардаг аа гээд өөрийн эрхгүй хэлэн инээчихлээ. Тэхён: Би их сайхан ааштай хүн шүү
Би урагшаа алхангаа: Тийм үү чи чинь хөмсгөө зангидаал л төв царайлаад л яваад байдаг биз дээ гэхэд Тэхён араас алхангаа: Үгүээ. Чи зүгээр л миний ууртай байгаа үед таардаг байх. Бусад үед бол би үргэлж шахуу инээж явдаг. Гэхдээ чи намайг их ажигладаг бололтой тийм үү?
Тийм шүү. Намайг заримдаа харахад тэр их сэтгэл татам бас үргэлж чанга чанга, арагшаа савах шахам инээж байдаг. Бас би түүнийг хаанаас ч хамаагүй өлөн нүдэлж байгаад л олоод харчихдаг.
Би: Заза. Санал нэгдлээ гэхдээ би чамайг ажигладаггүй гэхэд тэр инээн над руу ойртон: Бас сэтгэл татам харагддаггүй гэж үү Пак Мина.
Би чамайг мэднэ шүү.
Би хачин царайлснаа худлаа чанга чанга инээн: Юу яриад байгаан? Юу мэднэ гэж?
Тэхён урагшаа харан алхангаа: Чи үргэлж намайг ширтээд сууж байдаг шд эсвэл зогсоод ч юм уу
Миний хамаг эрхтэн цочролд орчих шиг боллоо. Үнэнийг минь хэлсэн тул нүүр минь шатаж байгаа мэт халуу дүүгж, юу гэж хэлэхээ бодон тархиа ажиллуулна.
Тэхён гэнэт тас тас инээн: Яасан бэ? Яагаад наа нүүр чинь улаан лооль шиг болчихов оо?
Би хацраа барин: Мэдкүээ гэнэт л халууцаад эхэллээ гээд гаднах хүрмээ тайлахад тэр: Аан тийм байлгүй дээ. Би чамайг ичээд байна л гэж бодлоо.
Би: Одоо болноо. Чи намайг албаар ингэж байгаа биз дээ гээд муухай харан, түрүүлэн алхаж эхлэхэд тэр араас ирэн: За уучлаарай. Зүгээр л хөгжилтэй байх гээд л
Би: Надад хөгжилтэй биш байна шдээ гээд биеэ сэгсрэхэд Тэхён нэгюм бодож байснаа миний бугуйнаас атган, нэг тийшээ алхаж эхэллээ. Өнгөрсөн охид болгон Тэхён руу харан, хоорондоо шивнэлдэн аальгүйтэж, үсээ хаялан түүн рүү нүдээ унатлаа ширтэхэд нь би Тэхёны дэргэд очин, гараас нь хөтлөөд: Хаачих гэж байгаан?
Тэхён гар луугаа харан, хэсэгхэн хугацаанд гайхсанаа нүүрэндээ зөөлөн инээмсэглэл тодруулан: Бид хоёр хоёулаа хөгжилтэй байх газар гээд дахин намайг дагуулан алхахад би арагшаа нөгөө охид руу харан, үсээ хаялан инээчхээд Тэхёнтой зэрэгцэн алхана. Нэлээд алхсаны эцэст тэр зорьсон газраа ирсэн бололтой зогсоход автомат тоглоомын газар байлаа. Би түүн рүү харахад тэр намайг чирсээр орлоо. Бид ороход ихэнх нь л хосууд байх ба олон олон сонирхолтой хөгжилтэй тоглоом харагдана. Бид машин,мотоцикл унан уралдаж, мини караокед нь орж хамтдаа далчигнан, дуулж бүжиглэн гарч ирээд, бүх тоглоомоор нь тоглон эцэст нь ганц л тоглоом дээр зөндөө их зоос үрлээ.
Би түүнийг зулгаасаар: Тэхён одоо болио.
Тэхён дахин зоосоо хийгээд, бөмбөгнүүдийг аван, шийд рүү шидэж эхэллээ. Би бас хажуунаас нь шидэн түүний хүсээд байгаа оноог нь авахад нь бага ч гэсэн туслахыг хичээнэ. Цаг дуусахад хажууд нь зогсож байсан ах: За аль бамбаруушийг нь авмаар байна гээд дээр нь зүүгдсэн том бамбаруушнуудыг заахад Тэхён ярзайсаар: Мина чи сонго гэхэд би: Үгүээ чи сонго. Чи л их хичээсэн шдээ гээд цүнхэн доторх жижиг жижиг бамбаруушнууднуудаа доош нь чихлээ.
Тэхён уруулаа унжуулан: Чамд л зориулж энэ бүхнийг хийсэн. Би сонго л доо
Би энэ төрхийг нь хараад бага зэрэг балмагдсан ч түрүүнээс хойш нүдэнд туссан бор бамбаруушийг заахад тэр ах надад авч өглөө.
Автомат тоглоомын төвөөс гарч утсаа харвал ээжээс, дуудлага болон мессеж ирсэн байлаа. Би мессэжийг нь уншвал эмээгийн тухай болон гэртээ түргэн ирэхийг хүссэн байлаа. Би Тэхёнд гэртээ харих хэрэгтэй байгаагаа хэлэхэд тэр намайг зөндөө татгалзсан ч хүргэж өгнө гэж зөрүүдлэсээр хамт явахаар боллоо. Өөртэйгөө бараг чацуу хүүхэлдэйгээ тэвэрсээр нөгөө гарандаа зайрмагаа барин амтархан идэн, Тэхёнтой дуртай дургүй зүйлсийнхээ тухай ярьсаар гэрийнхээ ойролцоо ирлээ.
Би: Би бүх төрлийн зайрмаганд дуртай. Харин хоолны хувьд вандуйд тийм ч дуртай биш
Тэхён: Би гүзээлзгэнэтэй зайрмаг иддэггүй гэхэд би зайрмагаа идэж дуусгаад түүн рүү нүдээ бүлтийлгэн үл итгэсэн царай гаргахад тэр: Үнэн шүү. Үнэхээр иддэггүй
Би: Би юу гээчгүй шдээ. Заза манай гэр энэ эсрэг талд байгаа байшин гээд гэрээ заахад тэр: Заза өнөөдөр үнэхээр сайхан байлаа.
Би бамбаруушаа дээшлүүлэн тэврээд: Надад ч бас үнэхээр хөгжилтэй байлаа бас баярлалаа гээд бамбаруушныхаа гарыг өргөн даллалаа. Тэр инээн: Зүгээр дээ. Өө энд чинь шоколад гээд уруулны минь доош хэсгийг арчиж өгөхөд, зүрх минь бөмбөр шиг нүдэж эхлэлээ. Би түүний нүд рүү харахад тэр ч бас над руу ширтэнэ. Би гацчихсан мэт эсвэл Тэхёны нүдэнд ховсдуулах мэт.. Тэхён хацарнаас минь барин ойртож эхлэхэд, миний харц түүний уруул дээр тусна. Амьсгал давхцан, гараа чангаар атгалаа. Удалгүй танил хоолой гэрийн тэндээс сонсогдлоо. Гэрийнхээ зүг харвал ачааны машин болон машиндаа хайрцаг чихэн зогсож байлаа. Гэрийн минь урд.нэг бичиг харагдана.
"Зарагдсан"
Саяхан л дэлбэрэх гэж байсан зүрх зогсох шиг л болж шууд л тийшээ гүйлээ. Би дөхөн очихдоо: Энэ юу болоод байнаа?!
Ээж: За дуусчихсан уу? Тэгвэл явцгаа даа. Мина чи хаана байв аа? Би чам руу зөндөө залгасан бас мессеж бичсэн
Би: Энэ юу болоод байнаа? Бид нүүж байгаа юм уу?
Ээж: Бид Бусан явна
Би: БУСАН?
Ээж намайг машиндаа суулган: Явах замдаа ярья гээд өөрөө суун, машинаа асаалаа. Би: Ээж! Зогс би явахгүй.
Ээж: Хонгор минь эмээ чинь өвдсөн бид очих хэрэгтэй
Би хоёр талын цонхоороо Тэхёныг хайн: Ээж! Зогс л доо түр түр зогсож бай л даа.
Ээж: Бид тэнд 2 сар л болох болно.
Би: Яагаад харанхуй шөнө явах гээд байгаа юм бэ? Би нэг хүнтэй л уулзаадхий. Бас Инёон Чаён би тэр хоёрт хэлэх хэрэгтэй ш дээ гэж хэлэхэд хоолой зангирч байлаа. Замын нөгөө талд Тэхён дээш харан алхаж байхыг хараад би ээжийг зогс гэж зөндөө гуйсан ч ээж бодлоо өөрчилсөнгүй. Тэхёноос нэлээд холдон, арын цонхоороо түүнийг харан, нулимсаа барьж дийлэлгүй унагаалаа. Хажуудаа байх бамбаруушаа тэврэн " Би дахиад л түүнийг алдчихлаа" гэж шивнэн чимээгүйхэн уйлна.
Ээж толиороо намайг харан: Бид эргэж ирнээ хонгор минь. 2,3 сар болоод л. Эмээгийн чинь бие тэнхрэнгүүт л. Бас бидний орж буй байшингийн хажууд их амттай амттаны дэлгүүр байдаг гэсэн. Үнэрийг нь авбал салж чаддаггүй гэсэн шүү. Идэж байж л санаа амардаг гэсэн. Чи амттанд дуртай шдээ.
Би цонхны шилийг хуруугаараа цохин: Та надад амлаж байна уу? Эмээгийн бие дээрдэнгүүт эргэж ирнэ гэж
Ээж: Мэдээж. Амлаж байна.
Би: Тэгвэл яагаад байшингаа зараад Бусанд байшин авч байгаа юм?!
Ээж санаа алдан: За яах уу чамд үнэнийг хэлье. Эмээгийн чинь бие зүв зүгээр. Харин чи. Сэтгэл зүйч хэлэхдээ чамайг бүх зүйлийг шинээр эхлэж, сэтгэл санааны хувьд тайван байлгах хэрэгтэй гэсэн. Энд байгаа сургууль бол чамд ихээхэн сэтгэлийн дарамт үзүүлж байгаа юм байна гэсэн. Бас чамайг дахиад хийл тоглож чадахгүй байгаа тухай хэлэхэд тэр ингэж зөвлөсөн юм. Шинэ орчин хэрэгтэй гэж тэгвэл дахин эхлэж чадна гэж
Би: Би л үүнийг шийдэж чадна шдээ. Тэр хүүхэн намайг галзуу хүн шиг л харж харьцдаг
Ээж: Тэр чамд их тус үзүүлсэн. Өмнө нь аав чинь биднийг орхиход чи хийл тоглож чадахгүй байна гэхэд тэр л чамтай ярилцаж бүхнийг засч өгсөн. Тэгээд чи дахин хийл тоглосон шдээ
Би: Тэр чинь Тэ- ахх мэдэхгүээ. Тач бас адил надтай ч зөвлөлдөж ярилцалгүй энэ бүхнийг шийдсэн байна шдээ. Би бүхэл бүтэн 17 настай. Юм ойлгох насан дээрээ ирчихсэн. Та ч намайг ойлгохгүй л дээ. Та түүнтэй адилхан намайг галзуу гэж бодож байгаа. Үзэсгэлэнтэй цагаан ертөнц, ёроол үгүй харанхуй гээд л солиотой юм яриад байгаа болохоор. Та ингэж бодохоор бусад хүмүүс ямар байх нь тодорхой л доо
Ээж: Одоо болно. Би чамтай хэрэлдмээргүй байна гэж ширүүхэн хэлэхэд би бамбаруушаа тэврэн, дахин цонх руу хараад,түрүүн Тэхёнд ядаж баяртай гэж хэлдэг байж гэж харамсана.
Өнгөрсөн ч 9 сарын 1ний мэнд хүргэе. Админийх нь сэтгэл санаа ойрд их муу байгаа тул дахин нэг sad хэсэг биччихлээ 😭😪😅Гэхдээ Бусанд Минад юу ч тохиолдох юм билээ?🤔 🤓
Дараагийн хэсгээ хурдан оруулахыг хичээнээ📝Тэгээд миний онгод хичээл дээр л орж ирдэг юм даа ер нь😁😂 📕📗📘📙📓📔📚📖Би ч бас Минатайгаа адил шинэ сургууль🏫шинэ багштай 👩🏻🏫болсон гэхдээ найзуудтайгаа л байгаа л даа👭. Харин Мина маань хэр байх бол? 💖🎻🎻