_اذا حاب انت تدخل للحمام وتبدل انت رووح
....باوعلي بغضب .....كانما يكووول خلص صبري وياج .....
_روووحي طبي للحمام....حجايهة وهو صاك على سنونة ....
جانت اعيونة اتخووف ....ومتحملت ابقى ركضت للحمام اخذت هدوومي الي محضرتهة ...
ودخلت....
سديت الباب.....وغمضت اعيووني واول مااشفت نظراتة ...الي مااكدر اواجههة..
نزعت بدلتي واني خايفة .....مااعرف شلوون اقاومة ....
باووعت على نفسي بالمراية بجيت ....لان مو هذا الي جنت احلم بي طول عمري....
فتحت....المي وكلت يجوز ارتاح .....من اسبح...
كعدت بالبانيوووو....استرخيبت....وجنت خايفة لايدخل لان طولت كمت بدلت اهدوومي عبارة عن بجامة وتشيرت ....
وطلعت....
.....حسيت بيهة طلعت من الحمام ....شفتهة لابسة بجامة ....انصدمت ومجنت متوقع راح تلبس هيج .....
...ابتسمت من شفتة ضاج من شافني ملابسة سيت النوم الي رادني البسة
شفتة ضحك بصوت عالي...استغربت
_ههههههه اي هي هاي الناقصة لابسة بجامة وبيهة توم وجيري.....علمود تكمل ....
مشة وهو يضري بيدة كف بكف ....ويكوول خوش ليلة ....وطب للحمام
...طبيت للحمام ...نزعت هدوومي على التعلاكة ...واشووف البدلة....باووعت وابتسمت ...يلة هي زواجة وتخلص ....
كملت سبح ....وطلعت....والكاهة نايمة على الكرويتة ....ومغطية نفسهة من فوووك ليجوة
عووج.حلكة بسخرية ....
همزين عرفت نفسهة وين مكانهة بنت سلمان
....رخت مشطت شعري وشفت الصينية الي بيهة اكل....
صدك جعت....رحت وخرت ...الغطة عنهة واشووف اشكال اتخبل من الاكل ..
نزلتة بالكاع....وكعدت اكل بس اتذكرت ....بنت سلمان مماكلة شي وعيب علية ....
صحت
_كووومي اكلي ...
مجاووبت سوت نفسهة نايمة
...ولج اني من اصيح وكول كومي اتكومين ....مااريد اعيد الحجاية مرتين فهمتي .....بزجرة
_مااريد مامشتهية
_لا حتى لو ما تشتهين ...تكعدين تاكلين ...
...كمت من مكاني ونزلت اكل ...كعدت اكبالة واخذت الخاشووكة واني ادية ترجف ...
وبطني متقلصة من الخووف...
ونضراتة الي متنزل ....جان يعرف بية كاعد اكل من ورة خشمي واسوي نفسي اكل .....
شفتة كام ....راح يغسل ايدة ....هسة يالة كدرت اتنفس ...
اشوية وامووت...كمت وراهة غسلت ...وركضت على الكرويتة ....ورجعت اغطي راسي مااريد اشووفة ...ولا اشووف نظراتة ..الي
حسيت بي طفة الضوة .....وسمت نفسة وهو بدة يستسلم للنووم وناام....
حمدت ربي على هذا الشي ....وبدة النووم يجيني لانام ...وادخل للاحلام ...مااعرف ان كانت احلام لوو كوابيس....
.....وبعد ساعات......والفجر يهل علينة ....ليعلن بداية يوم جديد....فزيت على صووت قووي ....
الصووت الي كعد البيت كلة بهذا الوكت
...فركت عيني وكمت اريد اطلع واشوووف وحدة دتكلب بالكاع عرفت هاي عروستي.....
فزيت علية اجيتة ركض....
_هاااا اشبيج ...حجيتة بلهفة
_مااعرف بس بطني توجعني حيييل ....
...شلتهة وصارت قريبة الي بحضني .....ورحت خليتة على الجرباية ....
وردت اطلع واشوف الحجية ...ورؤى....صاعدات مفزوعات من الصووت
_هااا وليدي ....اشبيهة عروستك
_حجية مااعرف شمالهة ...
رحت ركضت جوة وكلت لام شاكر تعالي شوفيلي بنت سلمان اشبية ....دتوجع...
_ماشي شيخنة هسة اصعد
رجعت للغرفة واشووف ....بعدهة تتلوة من الوجع ...ورؤى يمة حاضنتة
بس الي شفتة واتعجبت ....والي ثار فضوولي امي الحجية فرحة الي اكثر وحدة لازم اتكوون قاسية علية ووتشفة بيهة ....
اشوفة كاعدة يمهة وتقرة عليهة ايات....واتكوول هاي عين صابتج
...جنت مذهووول ...مااصدك ولا راح اصدك
تعابير وجي اتيبست .....
.......
جنت اتلوة حييل وحاولت اضم صرخاتي من استحيت الكل اجة يمي ....بس مكدرت جان الالم اقوة من اضم ...الاه....
صعدت ام شاكر....شافتهة ....وكالت ...لتخاف _شيخنة هاي بنت الولاية ممتعلمة على اكلنة الدسم ...يجوز البارحة متحملتة ....
لتخاف ....شيخنة هسة اسويلهة شراب اتشربة وترتاح علية ...
_نزلت جوة ....اصلي وسويت اموري الخاصة بالسغل وصعدت فووك واشووف امي حاضنة شهد ....ورؤى ...اتباوع علية وهي ضايجة ...
اتقدمت رؤى....وهي اتكول ...لتخاف خوية هسة اتصير زينة
...باوعت عليهة وكلت
_ان شاء الله ...واني غير مهتم
...اني الي جان محيرني امي .....شنو الي غيرة والي اتعاملة مثل بتة وخايفة عليهة .....
...بهاي اللحظة نصعد ام شاكر وتكول ...حجية اجني النسووان ..يريدن يباركن للعرووس
_يبوووو جا هسة وكتة ...مايكدرن يلوهة للعصر ويجن ...هسة اشلون تنزل هاي الامسجينة ..
....جنت اباوع على امي ....لا والله ...مو هاي امي الي جان كل همة اخذ ثارهة من سلمان ...
.....شفت نظرات ابني الى ...وعرفت متعجب من معاملتي لشهد
_تعال جهاد.....تعال اكعد ابمكاني ...خلني انزل للنسوان استقبلهن ...
وانتي ام شاكر روحي قدميلهن جاي ...واني حاية وراج ..
مكدرت احجي كلمة ...رحت كعدت ابمكانة ....وطلعت امي....
شفتة اشلوون صارت صفرة وجهة ذابل ....جان صوجي ...اني الي ضغطت عليهة وخلينة تاكل ...
سحبت ادية من جوة راسهة ابطىء....وخاولت مااخليهة تكعد ....
وسمعتة اتمتم....بكلمات....ممفهومة ...
بس الي سمعتة ....كلمة ...الي خليتني اكطع انفاسي وابتعد عنهة .....اكرهك.....
كمت ولبست العباية والعكال....ولبست المحزم.....وردت ابتعد ...
ابتعد بعيد ...وانسى كلشي ...واكون بابعد مسافة عنهة....
...................
ورة ساعة ...كعدتني رؤى .....وكلتلي اكعدي شهد النسوان جوة يريدون يباركولج
....كعدت شفت نفسي صرت زينة ....عدلت نفسي ....ونزلت
مريت من عدة غرف وشفت الغرفة الي انحبست بيهة .....شفتهة وجتني الرهبة من هذا المكان ...
اول مطبيت للغرفة الجبيرة ...
بدت الهلاهل تتكاثر....حسيت بالخجل ....
اول مرة احس اني علية كل هاي العيوون
صاحتلي الحجية وكالت تعاي شهد اكعدي هنا ....كمشتني وكعدتني وهي اتحاول اتخفف مني الخجل ....
وبدت تتعرفني على نسوان العشيرة وحدة وحدة ....ومن بين نظرات الكل اكو نظرات احس بيهة ...ممرتاحة لوجودي وهي نظرات رقية وامهة ...الي يصيروون بيت عمهم....
_والله موحلوة....مااعرف اشلون اتزوجهة ....وشلون كاعد كبالهة ...جانت كلماتة وهي تهمس باذن امهة
_اي والله اشجابهة عليج ....لو على ابن عمج الي عقلة يوزن العشيرة ....بس هي احظوظ ....مااعرف اشوكت شافة ...وانتي كدامة سنين ....ولا فكر يفاتح اخوج ..وياخذج
_للتخافين يمة .....شوفي بتج سراح اتسوي .....جانت نظراتة كلهة حقد على شهد
....ظلت حجية فرحة ..اتابع رقية وامهة وهنة يسولفن ...وعرفت ...شعورهن.....لان تدري ام محمد جان كل همة اتزوج بته من جهاد ....ومحمد من رؤى ....بس هذا من سابع المستحيلات .....
فصاحت بصووت عالي هااا ام محمد مكلتي سنو رأيج بعروستنه ....
_اتخبل ....ماشاء الله ....حجيتة واني مفزوزة ....وعرفت اتريد اكووم ابارك الهة وانطيهة البياض...
...كامت ام محمد ....وهي اتباوس شهد ولبستة كلادة ....
انحرجت شهد ورادت ....اتردة....
بس الحجية نظرت بعينة ....وكالت لا ..ميصير هاي عيب رد الهدية عدنة ...
فسكتت....جاوبتة الحجية ....الله يفرحج برقية واردلج الهدية ....بزواجهة عن قريب...
....بدت النسووان اتقدم الهداية واكثر شي ذهب بحيث انترست ...ومن راحن النسوان ....اني طلعت بالكوة امشي من الذهب الي لبستة
...فضحكت علية رؤى ....وكالت ...اني لو منج افتح محل ذهب ....
فضحكت ....وكتلة ليش هيج هداياكم ....
_مو احنة ..هداياتنة ننطيهة هيج ...وهواية فلازم يقدمون نفسهة ....وامي ممقصرة وي نسوان عشيرتنة ولتنسين احنة الشيخ ابنة...وكلشي انقدم اضعاف...للناس
...ابتسمت ...وكلت صح ...كلشي عدكم اضعاف وخاصتا الكرة والثارات ....
حجيتة ....ومااحس الة جهاد وراية واكف وسمع احجايتي .....فزيت ...
_اشلونج هسة ....حجاهة بترهي
_الحمد لله تعبتكم ....وياي
...مهتم لحجايتي .....بس رؤى علاوي
_ليش تحجين هيج انتي مرت اخوية....وصرتي منة بعد...
...ارتاحيت من سمعت كلماتهة الية فعلا حمدت ربي لكيت من يحبني ويسلني هنا.....
جاوبني جهاد وكال ...
_تعاي شهد ...ابوية يريد يسلم عليج ...
صعد الدرج واني وراه ....
جان ابو جهاد كاعد على فراشة ميتحرك منة ابد .....
.....دخل جهاد ....وجان ابوة كمل صلاتة....والتفت علية وشافة وضحك ..
_هلا بالعريس....اشلوونك....ها....راد يكمل ضحكة وتصنيفة وي ابنة بس ...
شاف ابنية طلعت وراه ....سكت وجفل ...مكدر يحجي بس طلعت كلمة وحدة..."زهرة"...
...ضليت صافن عليهة ...هواي مكدرت تحجي ولا حرف ...لحد ما بدء الكلام جهااد ...وكال
__هاي بنت سلمان الاحمدي ....الدكتورة شهد
جاوبة ابوة
_اي اعرف هاي مرتك....اشمالك...عبالك مااعرف...لو كبرت وكمت مااميز ...
_لا العفووو..حجي...بي ردت اوضح...
_انت رووج جهاد هسة اريد ةكعد يم عروستك اشوية
_هااااا جاوبة ..وهو مستغرب...ليش
_شنو ليش.....جاوبة بكل حزم....
.....شفت جهاد...لاول مرة يسمع كلام احد ....اول مرة اشوف هذا الجبار ..المتعالي يسمع كلام ...بس اثنين .امة وابوة....
طلع...جهااد...مكدر يحجي غير ينفذ الامر
شفت الرجال الجبير ....مبتسم ...وكال..
تعالي ..شهددد..اكعدي هنا
...جنت خجلانة ...جانت ملامحة تشبة ملامح جهااد نفس العيوون ...بس عين الحجي ...جانت حنونة وتوحي بالطيبة عكس ابنة ....
الي جانت نضراتة كلهة حقد وغل...
اتقدمت الة واني افرك بادية ....ومستحية كعدت يمة ..
..عرف بية متوترة ....ومستحية....ابتسم ابتسامة حلوة الي وكال
_اشلونج بنتي .....زينة مرتاحة
....هزيت راسي ....دليل على النعم ..
_اني اعرف اني ...اتوجتي عصب وانتي كاعد ادفعينن ثمن شخص ....ضرب العادات والتقاليد بالحايط....ومهتم لاكبر واحد ....هذا العاشك ...الي عشك بجنون....
اتعرفبن منو هذا .....ابوج...
_بابا!!!!؟؟؟؟
_ شنسوي هي هاي العادات والتقاليد .....
...ضليت اباوع بوجهة...واتذكر هذاك الماضي ....
_مااريدج ...اتخقدين على جهاد وتكرهينة ...لو ودعين علية .....انتي متصورتة مثل واحد همحي او وحش ...
بس صدكي هو وي خبايبة واهلة وناسة ...كلبة طيب...وراح اتشوفين بعينج...
واذا زعلج لو اذاج بكلمة ...بس تعالي وكوليلي...
اني كاعد بهذا مكاني مااتحرك...
....من حجة وياي هيج ...اشكد ارتاحيت....كانما اتنفست الهوة .....
رغم الي شفتة من ابنهم ...بس حمدت ربي لكيت من واكف بصفي ويهتم لامري......حيل فرحت بكلماتة....
_اريدج اتكومين اتفتخين هذيج الجرارة ....اذا متصير زحمة
_لا بالعكس كمت فتحتة ....لكيت بي صندوك قديم ...
كال جيبي هذا ..
_جبتة الة ....فتحة وطلع منة كلادة عمري مشايفة مثلة من جمالهة....
_كال هاي الكلادة عزيزة علية ....وهاي لمرت ابني الغالي ....هاي جانت لامي الله يرحمة
وهسة هاي الج هدية عرسج ....اريدج اتخافضين عليهة..
والغالي للغالي كمس خدي ....بهاي اللحظة دمعت عيني اتذكرت بابا وحنيتة ...وتعجبت اشلون هذا الرحل عندة ابن قاسي ...ظالم مايهمة بس الانتقام ...وابوة عقلة متفتح ...غير ظالم
بست ايدة وكتلة شكرا عمووو...
كال يلة بنتي كوومي روحي لزوجج.....واسمعي من هاي الكلمات ...وخليهة ابالج زين يجوز منتشاوف بعد ...
لتستسلمي ابد.....وخليج نجمه عالية ....راح تبقين غالية للابد
لحد ماتحن الكلوب....سمعتيني ....لحد ماتحن الكلووب
وبهاي اللحظة راح اكلج انتي بنت امج صحيح...
....اتعجبت من كلماتة الي مفهمت منة شي ....مثل اللغز ...حيىتني ردت احجي بس شفتة تعب ودخلت الحجية فرحة شافت الكلادة بيدي البتسمت ...
فكتلهة من رخصتكم ...
طلعت...شهد....
واجيت الحجية كعدت يم الحجي....وتكلة هي مو ...
_نفسة سبحان الله ....لو مااعرف هي ماتت لكلت هاي زهرة اختج...
....دمعت اعيووني واني اكوول ليش لعد سلمان كال مات الطفل مالتة ...ليش حرمني من من بنت اختي ...
..._هذا السؤال مااعرف جوابة ...
_بس اني اعرف ....ومنو راح يكول الي هذا الشي ....سعدية...هي الوحيدة الي راح اتفهمني
يتبع ...
(¯´•._.• لينه سعد •._.•´¯)