" ﺍﻟﺼّﺪﻳﻖُ ﻓﻲ ﻛُﻞّ ﺍﻷﻭﻗﺂﺕ ، ﻟﻴﺲ ﻋﻨﺪ ﺍﻟﻀِّﻴﻖ ﻓﻘﻂ !"
(♡)----------------------•♫•----------------------(♡)
ﻓﻲ ﺑﺤـﺮﻱ - ﺷﻤﺒـﺎﺍﺕ : ﻓﻲ ﺍﻟﺼّﺒﺎﺡ , ﻭ ﻳﺎ
ﺟﻤﺎﻝ ﺻﺒﺎﺡ ﺷﻤﺒﺎﺕ , ﺍﻟﺸﻤﺲ ﺑﺪﺕ ﺗﻄﻠﻊ ﺑﺨﺠﻞ ,
ﻭﺍﻟﻌﺼﺎﻓﻴﺮ ﺑﺘﻐﻨﻲ ﻋﻠﻰ ﺃﻟﺤﺎﻥ ﺍﻟﻨﺴﻤﺎﺕ ﺍﻟﺼﺒﺎﺣﻴﺔ
ﺍﻟﺒﺎﺭﺩﺓ , ﻭﺍﻟﻨِّﻴـﻢ ﺑﺘﺮﺍﻗﺺ ﻋﻠﻴﻬﺎﺍ .. ﺍﻷﻃﻔﺎﻝ ﻃﺎﻟﻌﻴﻦ ﻋﻠﻰ
ﺍﻟﻤﺪﺍﺭﺱ ﻭﺍﻟﺮﻭﺿﺔ .. ﻭﺍﻟﻨﺎﺱ ﻣﺠﺘﻤﻌﺔ ﻓﻲ ﺩﻛّﺎﻥ ﺍﻟﻌﻢ
ﺳﻌﻴـﺪ ﺩﺍﻳﺮﻳﻦ ﻟﺒﻦ ﺍﻟﺒُﺪﺭﺓ ﻭﺍﻟﺴﻜﺮ .. ﻗﺪﺍﻡ ﺑﻴﺖ ﺳُﻠﻄﺎﻥ
ﺍﻟﻔﺎﺗﺢ ﻋﻠﻰ ﺑﻴﺖ ﻋﻤﺎﺩ , ﻛﺎﻥ ﻭﻟﻴﺪ ﻭﺳﻠﻄﺎﻥ ﺑﺸﺮﺑﻮﺍ ﻓﻲ
ﺍﻟﺸّﺎﻱ ﻭﻗﺎﻋﺪﻳﻦ ﻓﻲ ﻓﺮﺷﺔ ﻳﻌﺎﻳﻨﻮﺍ ﻓﻲ ﺍﻟﻤﺎﺷﻲ ﻭﺍﻟﺠﺎﻱ
.. ﻭﻟﻴـﺪ : ﻭ ﺣﻀﺮﺗﻚ ﻣﺎ ﻋﻨﺪﻙ ﺩﻭﺍﻡ ؟ ﺳُﻠﻄﺎﻥ ﻭﺷﺮﺏ ﻣﻦ
ﻛﺒﺎﻳﺔ ﺍﻟﺸﺎﻱ ﻭﻧﺰّﻟﻬﺎ : ﺍﻟﻠﻪ ﻳﺴﺪ ﻧﻔﺴﻚ ﺯﻱ ﻣﺎ ﺳﺪﻳﺖ
ﻧﻔﺴﻲ ,. ﺇﻳﻪ ﻋﻨﺪﻱ ﺩﻭﺍﻡ ﺑﺲ ﻣﺎﻟﻲ ﻧﻔﺲ ﺃﺩﺍﻭﻡ ﻭﻟﻴﺪ
ﺑﻤﺰﺡ : ﻟﻴﻪ ﻣُﺪِّﻳﻨﻲ ﺍﺣﺴﺎﺱ ﺍﻧﻚ ﻛﻞ ﻳﻮﻡ ﺑﺘﺪﻭﺍﻡ , ﺍﻧﺖ
ﻓﻲ ﺍﻟﺸﻬﺮ ﺑﺘﺪﺍﻭﻡ ﻣﺮﺗﻴﻦ ﻭﻻ ﺗﻼﺗﺔ .. ﺳُﻠﻄﺎﻥ :
ﻫﻬﻬﻬﻬﻬﻬﻬﻬﻬﻬﻪ ﺍﻟﻨﻔﺲ ﻭﻣﺎ ﺗﻬﻮﻯ ﻳﺎ ﻭﺍﺩ .. ﻭﻟﻴﺪ : ﺣﺮّﻡ
ﺗﻤﺸﻲ ﻭﺭﺍ ﻫﻮﺍﻙ ﺗﻀﻴِّﻊ ﻣﺴﺘﻘﺒﻠﻚ .. ﺳُﻠﻄﺎﻥ : ﺇﻳﻪ ﺇﻳﻪ
ﻭﺃﻧﺎﺍ ﺃﻗﻮﻝ ﺇﺷﺒﻮ ﻣﺴﺘﻘﺒﻠﻚ ﺿﺎﻳﻊ ! ﻫﻬﻬﻬﻬﻬﻬﻬﻬﻬﻪ ﻭﻟﻴـﺪ :
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻪ , ﺑﻘﻮﻟﻮ ﺍﺑﺘﺴﻢ ﻟﻠﺪﻧﻴﺎ ﺗﻀﺤﻚ ﻟﻚ ,
ﺃﻫﻮ ﻧﺤﻦ ﻣﺒﺘﺴﻤﻴﻦ ﻭﻣﻨﺘﻈﺮﻳﻨﻬﺎ ﺗﻀﺤﻚ .. ﺳُﻠﻄﺎﻥ ﺧﺖّ
ﻛﺒﺎﻳﺔ ﺍﻟﺸﺎﻱ ﻗﺪﺍﻣﻮ : ﺑﺘﻨﺘﻈﺮﻫﺎ ﺗﻀﺤﻚ ﻟﻚ ؟ ﻋﺰّ ﺍﻟﻠﻪ
ﺿﻴّﻌﺖ ﺣﻴﺎﺗﻚ !! ﻭﻟﻴﺪ : ﻫﻬﻬﻬﻬﻬﻪ ﻟﻴﻪ ؟ ﺳُﻠﻄﺎﻥ : ﻳﺎ
ﻭﺍﺍﺍﺩ ﻭﺍﻟﻠﻪ ﺗﺸﺪّﻗﺖ ﻭﺗﺒﺴّﻤﺖ ﻟﻴﻦ ﺗﺸﻘﻘﺖ ﺷﻔﺎﻳﻔﻲ , ﻣﺎ
ﻏﻴﺮ ﺗﻜﺸِّﺮ ﺑﻮﺟﻬﻲ ﺑﺲ .. ﻭﻟﻴـﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻫﻬﻬﻬﻬﻬﻬﻬﻪ ﺳُﻠﻄﺎﻥ : ﻭﺍﻟﻠﻪ ﻣﻨﺠﺪ !! ﻭﻟﻴﺪ : ﺯﻱ ﻋﻤﺎﺩ ﺇﻧﺖ
, ﻣﻦ ﺯﻣﺎﻥ ﻳﻀﺤﻚ ﻟﻠﺪﻧﻴﺎ ﻭﻫﻲ ﻣﻄﻨِّﺸﺎﻫﻮ , ﻟﻤﺎ ﻗﻔﻠﺖ
ﻣﻌﺎﻫﻮ ﺑﻘﻰ ﺑﺲ ﻳﻜﺸِّﺮ ﻟﻴﻬﺎ .. ﺃﺳﺎﺳﺎً ﻣﺎ ﻓﺎﺭﻗﺔ ﻣﻌﺎﻫﻮ
ﺑﻘﺖ .. ﺳُﻠﻄﺎﻥ : ﺇﻳﻮﻭﻭﺍ ﻋﻠﻰ ﻃﺎﺭﻱ ﻋﻤﺎﺩ , ﺃﻣﺲ ﻗﺎﻋﺪ
ﺃﻛﻠﻤﻪ ﻭﺣﻜﺎﻟﻲ ﺳﺎﻟﻔﺔ ﺣﻴﺎﺗﻪ ﻛﻠﻬﺎﺍ , ﺍﻟﻤﻬﻢ ﻳﺎ ﻭﺍﺩ ﻗﻠﺘﻠّﻮ
ﺇﺫﺍ ﺗﺤﺘﺎﺝ ﺃﻱ ﺷﻲ ﻗﻮﻟّﻲ ﻭﺃﻧﺎ ﺃﺧﻮﻙ .. ﻣﺪﺭﻱ ﺍﺵ ﺍﻟﻠﻲ
ﺻﺎﺭ ﻭﻋﺼّﺐ ﻭﺭﺍﺡ !! ﻭﻟﻴﺪ : ﻫﻬﻬﻬﻬﻬﻬﻬﻬﻬﻬﻬﻬﻬﻪ
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻬﻬﻬﻬﻪ ﺳُﻠﻄﺎﻥ
ﺑﺎﺳﺘﻐﺮﺍﺏ : ﺍﻳﺶ ﺑﻚ ؟ ﻻ ﻳﻜﻮﻥ ﻗﺎﻳﻞ ﻧﻜﺘﺔ ﻭﺃﻧﺎ ﻣﺎ
ﺃﺩﺭﻱ ؟ ﻭﻟﻴﺪ : ﻗﻠﺖ ﻟﻌﻤﺎﺩ ﻛﺪﺍ ؟ ﻭﺭﺟﻊ ﻳﻀﺤﻚ ﺳﻠﻄﺎﻥ
: ﻫﻴﻴﻴﻪ , ﻗﻮﻟّﻲ ﻋﻠﻰ ﺍﻳﺶ ﺗﻀﺤﻚ ؟ ﻭﻟﻴـﺪ ﻭﻣﺴﺢ
ﺍﻟﺪﻣﻮﻉ ﺍﻻﺗﺠﻤﻌﺖ ﻓﻲ ﻋﻴﻮﻧﻮ ﻣﻦ ﻛﺘﺮ ﺍﻟﻀﺤﻚ : ﻋﻤﺎﺩ
ﻣﻦ ﻳﻮﻡ ﻋﺮﻓﺘﻮ ﻭﻫﻮ ﻛﺪﺍ , ﺑﻴﺮﻓﺾ ﺃﻱ ﻣﺴﺎﻋﺪﺓ ﻭﻟﻮ ﻛﺎﻥ
ﻣﻦ ﺃﺑﻮﻫﻮ ! ﺑﻴﻜﺮﻩ ﺍﻧﻮ ﺍﻟﻨﺎﺍﺱ ﺗﻌﺎﻳﻦ ﻟﻴﻬﻮ ﺑﺸﻔﻘﺔ ﻭﻋﺎﻳﻨﻮ
ﺩﺍ ﺍﻟﻮﻟﺪ ﺍﻷﻣﻮ ﻣﺎﺗﺖ ﻭﺃﺑﻮﻫﻮ ﻫﺮﺏ ! ﻳﺎﺧﻲ ﺧﻠﻴﻚ ﻣﻦ
ﺍﻟﻤﺴﺎﻋﺪﺍﺕ , ﻣﺶ ﺃﻧﺎ ﺳﺎﻛﻦ ﻣﻌﺎﻫﻮ ﻓﻲ ﺍﻟﻨﺺ ﺍﻟﺘﺎﻧﻲ ﻣﻦ
ﺑﻴﺘﻮ ؟ ﺑﻴﺮﻓﺾ ﻳﺸﻴﻞ ﺍﻹﻳﺠﺎﺭ ﻣﻨﻲ , ﻭﺑﻴﺰﻋﻞ ﻟﻤﺎ ﺃﺟﻲ
ﺃﺩﻳﻬﻮ ﺍﻹﻳﺠﺎﺭ .. ﺳُﻠﻄﺎﻥ ﺑﺘﻔﻬُّﻢ : ﺃﺛﺮ ﺍﻟﺴﺎﻟﻔﺔ ﻛﺬﺍﺍﺍ ! ﻳﺤﺮُﻡ
ﻟﺴﺎﻧﻲ ﻗﻮﻟﺔ " ﺗﺒﻲ ﺷﻲ ؟ " ﻋﻠﻰ ﻋﻤﺎﺩ .. ﻭﻟﻴﺪ ﺧﺖّ ﻳﺪﻭ
ﻋﻠﻰ ﺿﻬﺮ ﺳﻠﻄﺎﻥ : ﻗﻮﻡ ﻗﻮﻡ ﺷﻮﻑ ﺟﺎﻣﻌﺘﻚ ﻭﻳﻦ ..
ﺧﻠﻴﻚ ﻣﻦ ﻋﻤﺎﺩ ﺳُﻠﻄﺎﻥ ﺑﺘﺄﻓﻒ : ﻳﺎﺍﺍ ﻟﻴـﻞ ﺍﻧﺖ ﻭﺍﻟﺠﺎﻣﻌﺔ
ﺫﻱ .. " ﻭﻟﻴـﺪ : ﺻﺎﺣﺐ ﻋﻤﺎﺩ ﻣﻦ ﺃﻳﺎﻡ ﺍﻟﺠﺎﻣﻌﺔ , ﺃﺻﻐﺮ
ﻣﻨﻮ ﺑﺴﻨﺔ ﻋﻤﺮﻭ 23 ﺳﻨـﺔ , ﺩﺭﺱ ﺇﺩﺍﺭﺓ ﺃﻋﻤﺎﻝ , ﻋﻠﻰ
ﻋﻜﺲ ﻋﻤﺎﺩ ؛ ﺧﻔﻴﻒ ﺩﻡ ﻭﻇﺮﻳﻒ ﻭﻣﺎ ﺷﺎﻳﻞ ﻫﻢ ﻷﻱ ﺷﻲ
.. ﻋﺎﻳﺶ ﻓﻲ ﺍﻟﻨﺺ ﺍﻟﺘﺎﻧﻲ ﻣﻦ ﺑﻴﺖ ﻋﻤﺎﺩ , ﺃﻫﻠﻮ ﻛﻠﻬﻢ
ﻓﻲ ﺍﻟﺒﻠﺪ , ﺇﻻ ﻫﻮ ﻓﻲ ﺷﻤﺒﺎﺕ ﻣﻦ ﺃﻳﺎﻡ ﺍﻟﺠﺎﺍﻣﻌﺔ ﻭﺑﺴﺎﻓﺮ
ﺃﺣﻴﺎﻧﺎً ﻷﻫﻠﻮ , ﻃﻮﻟﻮ ﻣﻌﺘﺪﻝ , ﺑﺸﺮﺗﻮ ﺳﻤﺮﺍﺀ , ﺷﻌﺮﻭ
ﺃﺳﻮﺩ , ﺟﺴﻤﻮ ﻣﻤﺸﻮﻕ . "
( .............................•○•............................. )
ﻓﻲ ﺑﻴﺖ ﻋﻤﺎﺩ : ﻗﺎﻋﺪ ﻓﻲ ﺍﻟﺴّﺮﻳﺮ ﻣُﻨﺘﻈﺮ
ﻣﺎﺯﻥ ﻳﺠﻬﺰ ﻋﺸﺎﻥ ﻳﻮﺩِّﻳﻪ ﺍﻟﺮّﻭﺿﺔ , ﺟﺎﻫﻮ ﻣﺎﺯﻥ ﻭﻋﻠﻰ
ﻭﺷﻮ ﻧﻈﺮﺍﺕ ﺑﺮﻳﺌﺔ ﻏﺎﺿﺒﺔ ﻭﻋﺎﻗﺪ ﺣﻮﺍﺟﺒﻮ , ﻋﻤﺎﺩ ﺍﺑﺘﺴﻢ
ﻟﻤﺎ ﺷﺎﻓﻮ ﻣﺎﺷﻲ ﻋﻠﻴﻬﻮ ﺑﺎﻟﺸﻜﻞ ﺍﻟﺒﺮﻱﺀ ﺩﺍ ﻭﻗﺎﻝ
ﺑﺎﺳﺘﻐﺮﺍﺏ : ﻓﻲ ﺷﻨﻮ ﻳﺎ ﻣﺎﺯﻥ ؟ ﻣﺎﺯﻥ : ﻋﻤﺎﺩ , ﺗﺎﻧﻲ ﺡ
ﻧﻤﺸﻲ ﺑﺮﺟﻼﺗﻨﺎ ؟ ﻋﻤﺎﺩ ﺑﺎﺑﺘﺴﺎﻣﺔ : ﺃﻳﻮﺍ ﺡ ﻧﻤﺸﻲ
ﺑﺮﺟﻠﻴﻨّﺎ .. ﻣﺎﺯﻥ ﺑﻌﺼﺒﻴﺔ ﺭﻣـﻰ ﺍﻟﻤﺨﺪﺓ ﺍﻟﻜﺎﻧﺖ ﻓﻲ
ﺍﻟﺴﺮﻳﺮ ﺟﻨﺒﻮ : ﻣﺎ ﺩﺍﻳﺮ ﻣﺎ ﺩﺍﻳﺮ .. ﻟﻴﻪ ﺍﻻﻭﻻﺩ ﻳﺠﻮﺍ
ﺑﻌﺮﺑﻴﺘﻬﻢ ﻭﻻ ﺑﺎﻟﺘﺮﺣﻴﻞ ﻭﺃﻧﺎ ﺃﺟﻲ ﺑﺮﺟﻠﻲ ؟ ﻋﻤﺎﺩ : ﻷﻧﻮ
ﻫﻢ ﺃﺑﻮﻫﻢ ﻗﺎﻋﺪ ﻭ ﺍﺷﺘﺮﻯ ﻟﻴﻬﻢ ﻋﺮﺑﻴﺔ .. ﻟﻜﻦ ﻧﺤﻦ ﻋﺸﺎﻥ
ﺑﺎﺑﺎ ﻣُﺴﺎﻓﺮ , ﻟﻤﺎ ﻳﺮﺟﻊ ﺑﻨﻤﺸﻲ ﺑﺎﻟﻌﺮﺑﻴﺔ .. ﻣﺎﺯﻥ : ﻛُﻞ ﻳﻮﻡ
ﺗﻘﻮﻝ ﻛﺪﺍ ؟ ﺑﺎﺑﺎ ﺩﺍ ﺑﺠﻴﺐ ﻣﺘﻴﻦ ﻳﺎﺧﻲ ! * ﻭﻓﻲ ﺣﺮﻛﺔ
ﻃﻔﻮﻟﻴﺔ ﺧﺖّ ﻛﻔﻮﻓﻮ ﻋﻠﻰ ﺧﺪﻭﺩﻭ * ﻳﺎ ﺍﻟﻠﻪ ! ﻋﻤﺎﺩ :
ﻫﻬﻬﻬﻬﻬﻬﻬﻬﻬﻬﻬﻬﻬﻪﻫﻬﻪ ﻣﺎﺯﻥ : ﺍﺳﻤﻮ ﻣﻨﻮ ﺑﺎﺑﺎ ؟ ﻋﻤﺎﺩ :
ﺍﺳﻤﻮ ﻣﺼﻄﻔﻰ .. ﻣﺎﺯﻥ ﺑﺎﺳﺘﻐﺮﺍﺏ : ﻣﺼﻄﻔﻰ ؟ ﺍﻧﺖ
ﺍﺳﻤﻚ ﻋﻤﺎﺩ ﻣﻨﺼﻮﺭ .. ﻳﻌﻨﻲ ﺑﺎﺑﺎ ﺇﺳﻤﻮ ﻣﻨﺼﻮﺭ ﻣﺼﻄﻔﻰ
ﺍﺑﻮ ﻣﻨﻮ ؟ ﻋﻤﺎﺩ : ﻻﻻ ﻣﻨﺼﻮﺭ ﻣﺎ ﺃﺑﻮﻱ , ﺃﺑﻮﻙ ﺍﺳﻤﻮ
ﻣﺼﻄﻔﻰ .. ﻣﺎﺯﻥ ﺑﺎﺳﺘﻐﺮﺍﺏ : ﻛﻴﻒ ﻳﻌﻨﻲ ؟ ﻋﻤﺎﺩ ﻣﺎ
ﻋﺮﻑ ﻳﺮُﺩ : ﺍﻧﺖ ﺃﺳﺄﻟﺘﻚ ﻛﺘﻴﺮﺓ ﻛﺪﺍ ﻟﻴﻪ ؟ ﻣﺎﺯﻥ ﻭﺧﺖّ
ﻳﺪﻭ ﻋﻠﻰ ﺧﺸﻤﻮ ﻭﺿﺤﻚ ﺿﺤﻜﺔ ﺧﺒﻴﺜﺔ : ﻫﻬﻬﻬﻬﻪ , ﺍﻧﺎ
ﻗﻠﺖ ﻷﺻﺤﺎﺑﻲ ﺍﺑﻮﻱ ﺍﺳﻤﻮ ﻋﻤﺎﺩ .. ﻋﻤﺎﺩ ﺑﻌﺼﺒﻴﺔ ﺑﺎﺭﺩﺓ
ﻭﻧﻈﺮﺍﺕ ﺣﺎﺩّﺓ : ﺍﻧﺎ ﻛﻢ ﻣﺮﺓ ﻗﻠﺖ ﻟﻴﻚ ﺍﻧﺎ ﺃﺧﻮﻙ ؟ ﻣﺎ
ﺑﺘﻔﻬﻢ ﺇﻧﺖ ؟ ﻣﺎﺯﻥ ﻭ ﺍﺗﻘﻮّﺱ ﻓﻤﻮ ﻟﺘﺤﺖ ﻭﻋﻴﻮﻧﻮ ﺍﺗﻤﻠﺖ
ﺑﺎﻟﺪﻣﻮﻉ : ﻟﻜﻦ ﻟﻤﺎ ﺃﻗﻮﻝ ﻟﻴﻬﻢ ﺍﺑﻮﻱ ﺍﺳﻤﻮ ﻣﻨﺼﻮﺭ ﺑﻘﻮﻟﻮﺍ
ﻟﻲ ﻣﺎ ﻋﻨﺪﻙ ﺃﺑﻮ .. ﻫﻮ ﺑﺎﺑﺎ ﺩﺍ ﻣﻦ ﺯﻣﺎﻥ ﻣُﺴﺎﻓﺮ ﻟﻴﻪ ؟
ﻋﻤﺎﺩ ﺍﻟﻤﺎ ﻗﺪﺭ ﻳﻔﻬِّﻢ ﻣﺎﺯﻥ ﺍﻷﺳﺌﻠﺘﻮ ﺑﺘﻜﺘﺮ ﻳﻮﻣﻴّﺎً ﻋﻦ
ﺃﺑﻮﻫﻮ , ﺿﻤّﺎﻫﻮ ﻟﺼﺪﺭﻭ ﻭﻣﺴﺢ ﻋﻠﻰ ﺷﻌﺮﻭ : ﺑﺎﺑﺎ ﺡ ﻳﺮﺟﻊ
ﺇﻥ ﺷﺎﺀ ﺍﻟﻠﻪ , ﻭﻟﻮ ﺩﺍﻳﺮ ﺧﻼﺹ ﺃﻧﺎﺍ ﺑﺎﺑﺎ !.. ﻭﺯﺡّ ﻣﻨﻮ
ﻭﻣﺴﺢ ﺩﻣﻮﻋﻮ ﺍﻟﻨﺰﻟﺖ ﻋﻠﻰ ﺧﺪﻭ , ﻭﻃﺒﻊ ﺑﻮﺳﺔ ﻋﻠﻰ
ﺧﺪﻭ ﻭﻗﺎﻝ ﺑﺎﺑﺘﺴﺎﻣﺔ : ﺃﻣﺸﻲ ﺃﻟﺒﺲ ﺷﻨﻄﺘﻚ ﻋﺸﺎﻥ ﻣﺎ
ﻧﺘﺄﺧﺮ ﻋﻠﻰ ﺍﻟﺮﻭﺿﺔ ..
(♪)-----------*-----------•♫•-----------*-----------(♪)
ﺍﻟﺨﺮﻃﻮﻡ ﺷﺮﻕ - ﺣﻲَّﺍﻟﺮﻳﺎﺽ : ﻓﻲ ﺑﻴﺖ ﺭﻳﻢ : ﺍﺗﻘﻠّﺒﺖ ﻓﻲ ﻓُﺮﺍﺷﻬﺎ ﺑﻤﻠﻞ .. ﻣﺎ
ﻋﺎﺭﻓﺔ ﻫﻲ ﺻﺎﺣﻴﺔ ﻣﻦ ﻣﺘﻴـﻦ , ﻟﻜﻦ ﺍﻟﻌﺎﺭﻓﺎﻫﻮ ﺇﻧﻬﺎ
ﻃﻮّﻟﺖ ﻭﻫﻲ ﻓﻲ ﺍﻟﺴّﺮﻳﺮ .. ﻧﺎﺩﺕ ﻟﻠﺤﺒﺸﻴﺔ ﺃﻛـﺘﺮ ﻣﻦ ﻣﺮّﺓ
ﻟﻜﻦ ﻣﺎ ﺳﻤﻌﺖ ﺭﺩ , ﺇﺗﻮﻗﻌﺖ ﺇﻧﻬﺎ ﻟﺴﻪ ﻧﺎﻳﻤـﺔ , ﺍﺗﺤﺴّﺴﺖ
ﻓُﺮﺍﺷﻬﺎ ﺑﻠﻤﺴﺎﺕ ﻣﺒﻌﺜـﺮﺓ .. ﻗﻌـﺪﺕ ﻋﻠﻰ ﻃﺮﻑ ﺍﻟﺴّﺮﻳﺮ ..
ﻧﺰّﻟﺖ ﺭﺟﻠﻴﻨﻬﺎ ﻭﺑﻜﻞ ﻫـﺪﻭﺀ ﻭﺣﺬﺭ ﻗﺎﻣﺖ ﻣﻦ ﻣﻜﺎﻧﻬﺎ ,
ﺑﺨﻄﻮﺍﺕ ﻣﺘﺮﺩِّﺩﺓ ﻭﻣﺸﺘّﺘﺔ ﻣﺸﺖ ﺑﺘﻔﺘِّﺶ ﻋﻠﻰ ﺍﻟﺒﺎﺏ ..
ﺇﻻ ﺇﻧﻬﺎ ﺑﺪﻭﻥ ﺍﺣﺴﺎﺱ ﻣﻨّﻬﺎ ﺍﻧﺰﻟﻘﺖ ﻋﻠﻰ ﺍﻟﺴﻴﺮﺍﻣﻴﻚ
ﺍﻟﻨّﺎﻋﻢ ﻭ ﺿﺮﺑﺖ ﺭﺍﺳﻬﺎ ﺑﺎﻟﺤﻴﻄﺔ ﻭﻭﻗﻌـﺖ .. ﺍﺗﻜَﺖ ﻋﻠﻰ
ﻳﺪﻫﺎ ﻭﻗﻌﺪﺕ ﻣﻜﺎﻧﻬﺎ .. ﺟﺎﻫﺎ ﺃﻟﻢ ﻓﻈﻴﻊ ﻓﻲ ﺭﺍﺳﻬﺎ
ﺑﺴﺒﺐ ﺍﻟﻀﺮﺑﺔ ﻭﺣﺴﺖ ﺑﺤﺎﺟﺔ ﺳﺎﻳﻠﺔ ﻋﻠﻰ ﺟﺒﻬﺘﻬﺎ ,
ﺍﻧﺘﺒﻬﺖ ﻟﺼﻮﺕ ﺍﻟﺒﺎﺏ ﺑﻴﻨﻔﺘﺢ , ﺍﻓﺘﻜﺮﺗﻬﺎ ﺍﻟﺤﺒﺸﻴﺔ "
ﺳﻤﻴﺮﺓ " ﻗﺎﻟﺖ ﻭﻫﻲ ﺑﺘﺴﺄﻝ : ﺳﻤﻴﺮﺓ ؟ ﺇﻻ ﺇﻧﻮ ﺗﻮﻗُّﻌﻬﺎ
ﺧﺎﺏ ﻟﻤﺎ ﺟﺎﻫﺎ ﺻﻮﺕ ﻳﺎﺳﺮ ﻗﺎﻝ ﻭﻫﻮ ﺑﻔﺘِّﺶ ﻋﻨﻬﺎ ﻓﻲ
ﺍﻟﻐُﺮﻓﺔ : ﺩﺍ ﺃﻧﺎ ﻳﺎ ﺭﻳﻢ , ﻛُﻨﺖ ﺩﺍﻳﺮ ﺃﻗﻮﻝ ﻟﻴـ ....... ﺍﺗﺨﻠﻊ
ﻟﻤّﺎ ﺷﺎﻑ ﺭﻳﻢ ﻓﻲ ﺍﻷﺭﺽ ﻭﻓﻲ ﺩﻡ ﻓﻲ ﺟﺒﻬﺘﻬﺎ , ﺻﺮﺥ
ﺑﺄﻋﻠﻰ ﺻﻮﺗﻮ : ﺭﻳـﻢ !! ﺍﻟﺘﻔﺖ ﻳﻤﻴﻨﻮ ﻟﻘﻰ ﻛﺮﺗﻮﻧﺔ ﻣﻨﺎﺩﻳﻞ ,
ﺷﺎﻟﻬﺎ ﻭﻣﺸﻰ ﻋﻠﻴﻬﺎ ﺑﺴﺮﻋﺔ , ﺷﺎﻝ ﻛﻤﻴﺔ ﻣﻦ ﺍﻟﻤﻨﺎﺩﻳﻞ
ﻭﺑﻘﻰ ﻳﻤﺴﺢ ﻓﻲ ﺍﻟﺪﻡ ﺭﻳﻢ ﺑﺎﺳﺘﻔﺴﺎﺭ : ﻓﻲ ﺷﻨﻮ ﻳﺎ
ﻳﺎﺳﺮ ؟ ﻳﺎﺳﺮ ﻭﻫﻮ ﻣﺴﺘﻤﺮ ﻳﻤﺴﺢ ﻓﻲ ﺍﻟﺪّﻡ : ﺍﻟﺪّﻡ ﺍﻟﻔﻲ
ﺭﺍﺳﻚ ﺩﺍ ﺟﺎ ﻣﻦ ﻭﻳﻦ ؟ ﺭﻳﻢ ﻭﺭﺟﻊ ﻟﻴﻬﺎ ﺃﻟﻢ ﺭﺍﺳﻬﺎ ﻣﺮﺓ
ﺗﺎﻧﻴﺔ : ﺷﻜﻠﻮ ﻟﻤﺎ ﺿﺮﺑﺖ ﺭﺍﺳﻲ ﺑﺎﻟﺤﻴﻄﺔ .. ﺁﺁﻱ ﺭﺍﺳﻲ !
ﻳﺎﺳﺮ ﻣﺴﻜﻬﺎ ﻣﻦ ﻳﺪّﻫﺎ ﻭﻗﻮّﻣﻬﺎ ﻓﻲ ﺍﻟﺴﺮﻳﺮ : ﺗﻌﺎﻟﻲ
ﺃﻗﻌُﺪﻱ ﻫﻨﺎ , ﻛُﻨﺖِ ﻣﺎﺷﺔ ﻭﻳﻦ ؟ ﺭﻳﻢ : ﻛﻨﺖ ﻃﺎﻟﻌﺔ ﻋﻠﻰ
ﺍﻟﺤﻤّﺎﻡ , ﻧﺎﺩﻳﺖ ﺳﻤﻴﺮﺓ ﻟﻜﻦ ﻣﺎ ﺳﻤﻌﺘﻨﻲ .. ﻳﺎﺳﺮ ﻭﻫﻮ
ﻣﺨﻠﻮﻉ ﻣﻦ ﻛﻤﻴّﺔ ﺍﻟﺪﻡ ﺍﻟﻨّﺰﻓﺘﻬﺎ : ﺃﻳﻮﺓ ﺃﻧﺎ ﻛُﻨﺖ ﺟﺎﻳﻴﻚ
ﺑﺨﺼﻮﺹ ﺳﻤﻴـﺮﺓ .. ﺭﻳﻢ : ﻣﺎﻟﻬﺎ ﺳﻤﻴﺮﺓ ؟ ﻳﺎﺳﺮ : ﺃﺑـﻮﻱ
ﺧﻼﺹ ﻣﺸّﺎﻫﺎ .. ﺭﻳﻢ ﺑﺎﻧﺪﻫﺎﺵ : ﻣﺸّﺎﻫﺎ ؟ ﻣﺘﻴﻦ ؟
ﻭﻟﻴـﻪ ؟ ﻳﺎﺳﺮ : ﻋﺸﺎﻥ ﻛِـﺪﺍ ﻛُﻨﺖ ﺟﺎﻱ ﺃﻧﺎﺩﻳﻚ ﺃﺑﻮﻱ ﻗﺎﻝ
ﺩﺍﻳﺮِﻙ ﻓﻲ ﺍﻟﺨﺼﻮﺹ ﺩﺍ .. ﺭﻳﻢ : ﻃﻴﺐ ﺩﻗﻴﻘﺔ ﺑﺲ ﺃﻏﻴِّـﺮ
ﻣﻼﺑﺴﻲ .. ﻳﺎﺳﺮ ﻭﻗﺎﻡ ﻣﻦ ﻣﻜﺎﻧﻮ ﻋﺸﺎﻥ ﻳﺮﻣﻲ ﺍﻟﻤﻨﺎﺩﻳﻞ
ﺍﻟﻤُﺴﺘﻌﻤﻠﺔ ﻓﻲ ﺍﻟﺰِّﺑﺎﻟﺔ : ﻻﻻ ﺃﺑﻮﻱ ﻗﺎﻝ ﻟﻴﻚ ﺩﺍﻳﺮﻙ ﺳﺮﻳﻊ ,
ﻗﺒﻞ ﻣﺎ ﻳﻄﻠﻊ ﻋﻠﻰ ﺩﻭﺍﻣﻮ .. ﺭﻳﻢ ﺑﺤﺮﺝ : ﺑَـ .. ﺑﺲ ﺃﻧﺎ
ﻻﺑﺴﺔ ﺑﺠﺎﻣﺔ .. * ﻛﺎﻧﺖ ﻻﺑﺴﺔ ﺑﺠﺎﻣﺔ ﻭﺭﺩﻳّﺔ ﺍﻟﺒﻨﻄﻠﻮﻥ
ﺑﺮﻣﻮﺩﺍ ﺗﺤﺖ ﺍﻟﺮُّﻛﺒﺔ ﺑﺸﻮﻳﺔ ﻭ ﻋﻠﻴﻬﻮ ﺑﻮﺩﻱ ﺑﺮﺑﻊ ﻛُﻢ *
ﻳﺎﺳﺮ ﺍﺑﺘﺴـﻢ : ﻣﺎﻟﻮ ؟ ﻣُـﺶ ﻋﻤِّﻚ ؟ ﺭﻳﻢ ﺳﻜﺘﺖ .. ﻳﺎﺳﺮ :
ﻋﻠـﻰ ﺍﻟﻌﻤﻮﻡ ﺃﺑﻮﻱ ﺭﺳّﻠـﻨﻲ ﺃﺟﻴﺒﻚ ﻟﻴﻬﻮ ﺍﻵﻥ .. ﺗﺠﻲ
ﻣﻌﺎﻱ ؟ ﻭﻻ ﺃﻋﺘـﺬﺭ ﻟﻴﻬﻮ ؟ ﺭﻳﻢ ﺑﺨﻮﻑ : ﻻﻻ ﺧﻼﺹ ﺑﺲ
ﺃﺩﻳﻨﻲ ﺣﺎﺟﺔ ﺃﻟﺒﺴﻬﺎ ﻓﻲ ﺭﺟﻠﻲ .. ﻳﺎﺳﺮ ﻗﺎﻡ ﻋﻠﻰ ﺣﻴﻠـﻮ :
ﺃﻭﻛﻲ ﻳﺎ ﺳﺖ ﺍﻟﻜُﻞ , ﺗﺄﻣُﺮﻱ ﻛﺎﻧﺖ ﻣﺘﻌﻮِّﺩﺓ ﻋﻠﻰ ﻛﻼﻡ
ﻳﺎﺳﺮ ﻭﻣﻐﺎﺯﻟﺘﻮ ﻟﻴﻬﺎ , ﻷﻧﻮ ﻣﻦ ﺍﻟﻄﻔﻮﻟﺔ ﻛﺪﺍ .. ﻛﺎﻥ ﺑﻴﻨﻬﻢ
ﺣُﺐ ﺃﺧﻮﻱ ﻏﺮﻳﺐ ﺟﺎﻣﻌﻬﻢ .. ﺍﻟﺒﺸﻮﻓﻬﻢ ﺑﻔﺘﻜﺮُﻫﻢ ﺃﺧﻮﺍﻥ
.. " ﻳﺎﺳِـﺮ : ﺃﺥ ﻫﻴﻔﺎﺀ ﻭﻏﻴـﺪﺍﺀ , ﻭﺍﺑﻦ ﺍﻟﻌـﻢ ﺳﻴﻒ ,
ﺑﺪﺭﺱ ﻫﻨﺪﺳﺔ ﻣﻌﻤﺎﺭ ﻓﻲ ﺍﻟﺴّـﻨﺔ ﺍﻟﺮﺍﺑﻌﺔ ﻋﻤﺮﻩ 22 ﺳﻨـﺔ ,
ﻣﺸﺎﻛﺲ ﻭﺷﻘـﻲ ﻭ ﻇـﺮﻳﻒ , ﻟﻜﻦ ﻃﻴِّﺐ ﻭ ﺑﻬﺘـﻢ ﺑﺎﻟﻨﺎﺱ ,
ﺑﺸﺮﺗﻮ ﻗﻤﺤﻴّـﺔ , ﺷﻌﺮﻭ ﺃﺳﻮﺩ ﻧﺎﻋﻢ ﺑﻴﻮﺻﻞ ﻟﺒﺪﺍﻳﺔ ﺭﻗﺒﺘـﻮ
.. ﻋﻴﻮﻧﻮ ﺿﺎﺣﻜﺔ ﻭﻓﻴﻬﺎ ﻟﻤﻌﺔ ﻃِﻴﺒـﺔ "
يتبع....