تماره.....خاله بالبيت افهمج كلشي نداريت على الدكتوره ونزلت دمعتي زوجي الله يرحمه جان عاجز
الدكتوره.....لا اله الا الله .....بتي روحي سوي هاي التحاليل وتعاي حتى اطيج علاج
تماره....رحت سويت تحاليل ورجعت للدكتوره كتبتلي علاج اخذته ورجعنه للبيت خالتي الطريق كله متحجي مصدومه
علي....يمه بيج شي تماره بيكم شي الدكتوره شكلتلكم شو انتي باجيه امي مدري شبيها
تماره......مابينه اني من الوجع بجيت وخالتي تعبت تصعد وتنزل ويايه رجعنه للبيت وكلمن راح لغرفته
هند....رجعو بس وجهم ميتفسر اسالهم محد يجاوبني وعمتي وجها مدري شلونه وتماره باجيه مبين عليها بس لا حجيي طلع صح وتطلع حامل ااااي واخلص منها اني متاكد مصاير شي بين علي وتماره شوف منين هذا حملها
والي زاد الشك عمتي دزت على تماره لغرفتها وكعدو يحجون حولت اصنط بس مكدرت بس سمعت بجي تماره بكلبي فرحت
مياده....تعاي كعدي فهمين قصتج شنو
تماره.....خاله من جنه مخطوبين تذكرين هاني صار بيه حادث ماطور
مياده....اي اذكر
تماره.....هاني من صار الحادث الضربه جانت على المنطقه الحساسه وتاثرت بوكتها الدكتور كلها ماكو شي الوضع طبيعي وطبت وصرت زين وازوجنه بس من ازوجنه الوضع بقه نفس ما هوه
مياده....بتي 5سنين ليش مطلبتي الطلاك
تماره.....هاني جان محتاجني حيل وجان عدنه امل يتعالج واني جنت احبها وصغير ما افكر بسالفة زواج طبيعي او اطفال كل همي جان ابقه وي هاني
مياده.....امج جانت تدري
تماره.....محد يدري مردت هاني ينكسر لو يقل من شانه كدام الناس بس هوه حجه لامه واخو
مياده....شلون تحملتي مفكرتي بكبرتج منو الج
تماره.....مفكرت بس شلون اسعد هاني واوكف وياه بهاي المحنه جان عدي يقين هذا اختبار من رب العالمين اكثر من مره كلي اطلكي وعيشي حياتج مقبلت ..... مقبلت لان اني احبه ومن ازوجة علي كمت احس دا اخون هاني بكل حجايه وي علي حجيت لحيدر كلشي كلي الي ديصير دتخونين علي بتفكيرج بهاني انتي زوجته لعلي هاني مجرد زوج على الورق مريض ....حيدر يكول جان يوميه يتمنه الموت من يشوفج اضحكين واسولفين والوضع مهامج تمنه الموته حتى تزوجين وتستقرين لان يعرف مراح تعوفينه من حبه الج رادج تعيشين حياتج كل هذا الحب مردت اخونه
مياده.....وج يمه انتي تخوني وج انتي مفروض يسمونج وفه احمد الله عليج اريدج تصيرين سباعيه وتعيشين حياتج وي زوجج عادي
تماره.....خاله فدوه اروحلج ماريد احد يدري بالموضوع حتى لو مات لازم احافض على سره
مياده....وج علي لازم يدري وانتو اشوفكم علاقتكم جاي تقوه
تماره....خليها لوكتها
مياده....براحتج حبيبتي .....كامت تماره وكعدت ابجي عليها شكد تحملت هاي البنيه وشكد صبرت بصغرها وشافت الضيم
هند....شفتهم تاخرو كمت انك على راس علي شفت وجهم مخطوف وامك عبالك واكعه مصيبه على راسهم وفتت من يم الغرفه سمعت تماره تبجي وتتوسل بامك متحجي لا احد
علي....دفعتها باعي انتي مراح اجوزين لحد ما اكسر راسج نصمي لاتخليني امد ايدي عليج عفتها وطلعت بوجهي صارت تماره عيونها مورمه من البجي اجيت احجي وياها
تماره....بعدين علي تعبانه كولش
علي....عفتها شغلت السياره وطلعت افتر بسياره والشيطان كام يوز براسي معقوله تماره تغلط ليش هيج امي وجها مخطوف وتماره تبجي معقوله حجي هند صح ...صفنت على نفسي لعنت بليس هاي تماره تربات ايدي مسويها ومتطلع منها العيبه ابد اني زوجها مجاي اتقرب الها تروح اسوي حرام وهيه ملتزمه بصلاتها وصيامها اعوذ بالله منك يابليس ولا اعوذ بالله منج ياهند
تماره....تعبانه حيل شربت الدوه وحطيت راسي ونمت
علي.....دخلت للبيت جاي اتعشه ماكو لاتماره لا امي رحت لامي نايمه يوم شنو متتعشين
مياده....لا ما اكدر ضغطي صاعد شربت حبايه مال ضغط حنام طفي الضوه وياك
علي....رحت لتماره لكيتها مطفيه الضوه باقي بس الضوه مال تيبلام ادري بيها تخاف ومشوف زين فتحت الباب لكيتها نايمه عفتها وطلعت
هند....كعدنه نتعشه علي تدري امك ولا طلعت من الغرفه حتى تماره ابد
علي.....تدرين الكعده وياج اسد النفس دج بابا شبيج بس تنكين راسي نسطر ... عفتها وكمت
تماره...صبح الصبح وراسي يفتر بس احس الوجع اخف بقيت نايمه بفراشي
علي.....كعدت اتريك تماره موعوايده هيه تحضرلي الريوك رحتلها للغرفه لكيتها كاعده وصافنه على السكف .....شبي حبيبي صافن
تماره.....سلامتك مابيها بس تعبانه مابيه اكوم من الفراش
علي.....ولايمهج لاتكومين ابقي ارتاحي شلون صرتي بعد عدج وجع
تماره....اي والله عدي وجع بس ارحم من البارحه
علي....تماره شبيكم انتي وامي البارحه
تماره...علي ما اريد اجذب عليك اعفين من الجواب وانت راح تعرف الجواب بالوكت المناسب
علي.....براحتج ما اضغط عليج حروح محتاجه شي
تماره....لا سلامتك بس خلي اسويلك ريوك
علي....لا كعدت هند كاعده اسوي من وره خشمها
تماره.....ههههههه والله عليك سوالف دكوم لاتجي تهجم عليه واني مابيه حيل
علي....ماش يحبي بستها من راسها وطلعت لكيت هند متخوصره يم الباب شكو شبيج
هند....شسوي هنا
علي....تدرين مصختيها عفتها ومشيت بقت تلح كلت لا اضوج تماره كتلها دخلت شفتها شلون صارت وطلعت عفتها وكمت غسلت ورحت لشغلي
هند....خابرت على ايهاب فضها عاد كومه رسائل صار اي واحد يصدك هاي بزعتني اريد اخلص منها
ايهاب......من تخلصين منها ماعدها احد غيري تره اني رايد الشغله اكثر منج
هند....فضها لعد
ايهاب اليوم طلعي الجهاز وخلي بمكان يشوفه علي هسه ينتبه م مالتكم الجهاز يقره الرسائل الي من هذا الخط لرقمي يفتهم وتكب بس ديري بالج عليها هاي عزيزه
هند....دروح مبقه بس انت عليه ...بيك خير اخذها واشبع بيها ...اخذت التلفون ودخلت على تماره لكيتها نايمه خلي التلفون بصف المخده مبين
تماره...فزين هند جاي تطلع من الغرف هند رايده شي
هند...لا بس عمه رادت تسال عليج متكدر تجي ضغطها صاعد عود مريلها
تماره....اني اروحلها فد شويها ...رجعت كملت نومتي حسيت على علي يكعدني
هند....طلعت وخابرت ايهاب من ادكلك دز رساله اسال عن صحتها حتى يكون علي يمها وينتبه
علي....حبيبي شوبس نوم غير تاكلين
تماره....ماريد علي الدوه مثكل راسي مسطوره احجي وياه وعيوني ما اكدر افتحها
علي....تدرين شكد حلوه هيج انتي
تماره،......امممممم عوفني انام حباب
نكلبت على الصفحه الثانيه خليت ايدي جوه المخده اجه بيدي تلفون باوعته مو تلفوني علي هذا موتلفوني شجابه هنا
علي.....شو جيبي لعد المن هذا شجابه يمج
تماره....ما ادري اول مره اشوفه ومو مال واحد بينه غريب
علي...فتحت التلفون شفت بي مكالمات باسم ايهاب حبي ورسائل كومه باوقات مختلفه اجتي رساله وي ما اني لازم التلفون حبي شلون صرتي بعدج متوجعه اجي اخذج للطبيب ونبشت غير رسائل حجي بيها غزل وغرام وحب وحجي رومنسي وكل الرسائل نهايتها احبج تمورتي وكفت على حيلي باوعت على تماره عطت بيها هاي شنو تماره
تماره....شنو شكو
علي.....انتي كوليلي شكو شنو هاي الرسائل باسمج
تماره....وكفت واخذت التلفون تخبلت حجي مينلبس عليه ثوب خليت ايدي على حلكي باوعت بعيون علي مراح يصدكني شراح اكول ميصدكني على هذا الحجي وحده رساله مفصل جسمي تفصال شامه بجتفي يتغزل بيها واسم العطر الي استخدمه وحده يساله عليه شلون صرت بقيت مخليه ايدي على حلكي علي مراح اكلك شي بس اكولك وروح العزاز وداعت حبك وعيونك ما اعرف شنو هذا
علي...... جريت تماره من ايدها وطلعت للصاله
هند....كاعده انتضر علي يدخل وبس دخل خابرت ايهاب دز رساله شويه وطلع علي يجر بتماره اني ماي بارد نزل على كلبي واخيراً راح اطلعها من البيت
علي.....يوم تعاي
مياده....شكو يمه شبيك
علي.....بصياح اكو احد داخل بيتنه
مياده.....لا بس احنه
تماره.... كعدت مابيه اوكف بعد
علي....لعد منين هذا التلفون وبي رسائل حب وغزل لتماره
هند....مو كتلك من البدايه انت وصلتها لهيج مرحله
مياده.....تنصمين واسكتين تماره بتي تربايت ايدي اشرف من الشرف
هند.....لعد شبيكم بايكين طن هو من البارحه لليوم من وكت الدكتوره
تماره....وكفت على حيلي علي باوع بعيوني اني تماره تعقلها اني اسوي هيج اني تطلع مني انت زوجي لليوم محاجين هيج حجي
هند.....وليش متطلع ارمله وشسوين ميبين عليج