تماره....رجعت للبيت هلكانه ميته تعب كل واحد راح لغرفته ذبيت هدومي ودخلت للحمام اسبح
علي..... سبحت وطلعت نسيت الحلقه بالحمام رجعت عليه سمعت الدوش هاي تماره وره رحت لغرفتي وره شويه رجعت اشوفها خلصت لو بعدها وي موصلت فتحت بابا الحمام لافه شعرها بالمنشف ولابسه دشداشه كولش خفيفه مال نوم لون نيلي وريحتها تجنن حسيت نفسي ذبت بيها ذبت بعطرها وشوفتها لعد لو اصير بحضني شيصير بيه ...
تماره....من شفت علي متت خجل شنو اليوم كله اشلح عبالي نايم شفته سبح كلت نام ابتسمت بوجها وركضت للغرف شو هذا جرني من ايدي قبل لا ادخل للغرفه وتقرب عليه
علي......تقربت عليها وهيه رجعت ليوره لزكت بالحايط ترقبت عليها حيل بحيث كمت اسمع نفسها ....
تماره...علي شبيك
علي.....شناويه عليه تردين تخبليني
تماره....علي عفيه روح كمت تخوفني
علي....لزمت خدها ودنجت بستها قريب على شفتها ورجعت مشيت شفافي على شفايفها وهيه نفسها سريعه وعالي ...كتلها بس كلمه منج انهي كلشي بس صيري الي
تماره....تقربلي ولزمني من خدي وباسني قريب من شفتي متت ما ادري شحسيت احساس مفتقدته ما افكر بشي ولا اجه بالي شي غير عطره ونفسه القريب عليه حسيت اطرافي خدرت خله شفته على شفتي وكلي بس كلمه منج انهي كلشي اني صحيت على نفسي دفعته ورحت لغرفي لزمني من ايدي وهو واكف بمكانه
علي.....لا اشلعين كلبي
تماره.....الله يسعدك وياها انت تستاهل كل خير جريت ايدي ودخلت للغرف ابجي ....كعدت الصبح على صياح علي يدردم عدلت شعري وبدلت وطلعت لابسه تراك برموده كصيفه طلعت صار علي بوحهي مخنزر وضايج
نزلت راسي وخرت اغسل غسلت واسمعه يصيح بتلفون اني اتفقت وي الولد معليك انت بس المزيقه جيبها ياا شبي هذا عصبي طلعت من الحمام شو هذا كصني يباوع عليه
علي....روحي بدلي هاي هدومج فد شويه يجون ولد عمي مطلعين بهذني
تماره...اي دخلت بدلت لبست تراك راخي ومستور حضرت الريوك واكعدنه ناكل علي ميباوع بعيوني ابد ياكل وعصبي يهز برجله
علي.....كل ما اتعارك وي هند احقد على تماره خلتني ارتبط بهيج انسانه علمود العناد ردت اقهرها اني الشابع قهر وهذيج بس تلغي سطرتني سطر......حضرو نفسكم ب4 ونص نروح للقاعه
تماره.....كمت كملت شغلي وسبحت وكعدت امكيج وبدلت لبست بدله طويله نيلي وارضيته بيج وربع ردان .......رحنه للقاعه وناس جايه هواي كامو يركصون كلهم وعلي وهند هم ركصو ما ادري ليش درت وجهي منهم مردت اشوفهم
ضحى....تماره كومي نركص احب هاي الغنيه
تماره....لا استحي ما احب اركص
علي....كامو يركصون البنات كلهم اباوع على ضحى تتوسل بتماره تركص وياها متقبل تماره اني لازم كلبي لا تكوم تركص كوه اريد اضمها من العيون وتكوم ما اتحمل
ضحى....لج بابا كومي هسه عبالهم غيرانه وضايجه
تماره.....لا والله ما احب اركص
ضحى....رحت صحت البنات حتى نكوم ضحى ادري علي ميقبل بس احسن اريد اغث هند مكروها ومسمومه
تماره.....لج ما اكدر والله استحي
ضحى....باعي بس اوكفي لاتهزين
تماره....لحو هواي حتى اركص
مياده.... كوم يوم اركصي وي البنات على الواهس هو انتو واكفين على صفحه
علي.....شفت تماره كامت وياهم خزرتها رجعت كعدت
تماره....بس كمت صار علي عينه عليه وشفته مقابل رجعت كعدت ما اكدر
ضحى......اني اترزل معليج جريتها وكمنه نركص
تماره....ضهري على علي اخاف اباوع عليه مركصت بس وكفت اصفك واسولف وي البنات
علي.....طلعت روحي واشوف الناس تاكلها بعيونهم اباوع على اخو هند كاعد على الميز يشرب جكاير ينفخ الهوى فوك وعينه على تماره كصها من فوك ليجوه ويبتسم طفه الجكاره وكام وكف يمها وهيه وممنتبه ابد
تماره....واكفين حسيت واحد وكف يمي انسحبت على كيف ورجعت مكاني بس علي شكله مينوصف
علي.....اشرت الضحى اجتي....اليوم اشعل جد جدكم
ضحى....يمعود حير بروحك معليك بينه
تماره.....خلصت الحفله وكمنه نصعد بسيارت رحت اصعد بسيارت زوج ضحى
ضحى....لج السياره عطلت شلون بالله راح تروح علينه الزفه
تماره....ننتضره خطيه لعد شلون
ضحى....هسه اجي .....رحت ادور سياره فارغ اخو هند كال اني سيارتي فارغه تعالو صعدو ...لج تماره لكيت سياره
تماره.....بس لا وي احمد علي ميقبل
ضحى....لا مو احمد...اخو هند
تماره....استحي ما اعرفه وخاف علي ميقبل
ضحى....هسه هو علي شمدري جريتها وصعدنه بسياره
علي....صعدت هند اني اسوق والزفه لبيتنه لان الفجر نطلع نسافر صعدت هند وصعدت توني دا احرك انتبهت تماره وضحى وي ايهاب اخو هند وهو بالمرايه يابوع على تماره روحي طفرت وكفت السياره ونزلت جريت تماره صعدتها ويايه بسياره وعطت بضحى اذا رجلج يقبل انتي حره مرتي اني حر بيها لاتدخلين
ضحى...متت مستحه من عاط بيه كتلها روحي تماره اني علمودج جايه انتضر زوجي يصلح سيارته واروح وياه
تماره.....كاعده بسياره وهذا نضراته من المرايه ضوجني نوب اول مصعدنه يريد يتعرف بقيت ساكته محسيت ال الباب نفتحت وعلي جرني من ايدي صعدني بسياره مال العرس
تماره.....دفعته هد ايدي علي منا الناس ما اصعد وياك شنو صاعده وي العريس اكو سيارات هواي اروح وياهم
علي.....كتلج اصعدي بعصبيه بس مو بصياح
تماره.....علي هسه عبالهم اني مجلبه اصعد وياكم ومرتك خطيه والله ميصير
علي.....عطت بيها تمااااره صعدي
تماره....من عاط متت خوف صعدت بدون ولا كلمه
هند.....ساعة السوده شوكت اخلص منج بسيطه مدام ايهاب نعجب بيج ال اطلكج من علي وايهاب اكيد ميقصر
تماره.....بقيت الطريق كله ساكته ودموعي تنزل من الفشله كدام الناس وعلي بالمرايه يباوع ومخنزر عصبي ويمشي سريع وصلنه للبيت اول موكفت السياره نزلت وعفتهم كبل رحت لغرفتي
علي.....تماره عافتني ونزلت بعد مطلعت راسها ولا شفتها كامو يركصون ويهوسون خلصو وراحو دخلت هند للغرفه وباوعت على غرفة تماره مفتوح الضوه دخلت هند ورجعت دكيت الباب على تماره مجاوبت فتحت الباب لكيتها مقفوله ضل بالي بقيت الوب دخلت للغرفه
هند.....ناوي تبقينه بهدومنه اليوم
علي....متكومين تنزعين لازمج
هند.....كمت نزعت وفكيت التسريحه لبست سيت ابيض و وكعدت على الجربايه مطنكره اريده يحس حطني بموقف محرج ماكو يشرب صافن وجكاير....علي متبدل
علي....اي هسه كمت غسلت وبدلت شفت الضوه مالتها بعده مفتوح منايمه رجعت لغرفتي هند لابسه سيت ابيض وتدلع وتتموع اجيت نمت بصفها
هند....اني مزاعلتك
علي....هند ميت تعب مو وكت نكج
هند....تدري شكد حرجتني اني وايهاب
علي....ايباااااخ حرجتج انتي وايهاب عساس فد شخصيه اخوج
هند....تره هو مسوه شي راد يساعدنه وصلهم مابيها شي
علي.....لا بيها شي مرتي وما اقبلها بكيفي لاهو اخوها ولاهو من كرايبها بصفته شنو يوصلها
هند.....مرتك بس على الورق لاتنسه
علي....باعي هند من اول احجيها الج تماره مرتي على الورق بالحقيقه هذا شي ميخصج من البدايه تدرين بوضعي وافقتي فلاتجين هسه تنكي
هند....هسه نخرب ليلة عرسنه من وراها
علي....نامي ورانه سفر باجر ...
