هند....سمعت علي وتماره يحجون بصوت ناصي روحي طلعت لازم اصرف بسرعه
علي......يوم عن يوم كمت اتعلق بتماره شكد جنت احبها هسه من كامت تبدلني الحب كمت احبها اضعاف
تماره....حيل تعلقت بعلي حبيته من صدك حسيت بحبه الي حبيت حنانه وحبه الي حسيت بي كل اهلي سبحان الله ياخذ شي وينطي شي
هند....ايهاب لازم نصرف اريد اخلص منها باسرع وكت
ايهاب.....بس صبري اريد الخطه تنضبط التلفون الي عدج بي رسائل عود اني وتماره بس بعد خلي نحجي بي براحتنه حتى علي من يشوفها ويشوف التواريخ بين المكالمات يصدك لاتستعجلين وتخلين الغيره تخرب كلشي صبري
هند.....تعبت من الصبر هاي بس تحرك اعصابي ......سديت التلفون وكعدت فكر خاف بينهم علاقه لازم اخلص منها لاتاخذ كلشي ولو هيه متخلف بس المشكله عادي اسوي وياه علاقه
تماره....هند كاعده على الوحده ولاتطي مجال بس تراقبني .....
هند....كل ما اشوف علي اذب بسماره على تماره ....
علي....هند ميصير بس تماره تشتغل انتي هم لازم تساعدينها
هند....بس كدامك تشتغل نهار كله لازم التلفون
علي....بكلبي اهو هاي بس لا اسوي مشكله لتماره واضوجها ...شحدها غير اسمطها سمط
هند....علي اكولك شي بس لاتعصب ولا تزعل اني معاجبني وضع تماره لو نزوجها احسن هيه ارمله ويرادلها رجال
علي.....ليش اني شنو
هند.....انت زوجي وزوجها بس على الورق
هيه بنيه شابه عدها رغباتها ميصير هيج وهيه متكدر تتقبلك الي كلتلي متحبك ولاتتقبلك كزوج تشوفك اخوها وانت من البدايه مزوجه بس كلاوات طلكه حتى اشوف قسمتها لاجييلنه حجايه
علي.....ضحكت صفح وجريتها من ايدها سمعي زين من تحجين على تماره تحجين على عرضي وشرفي تماره مرتي وتربات ايدي اعرفها شنو ماشنو اعرف اخلاقها من الصغر كدامي ميحتاج تجين تطيني محاضره دينيه الي سمعته هسه مينعاد مره لخ خليني محترمج ......
تماره......هند كل حياتها طلعه وطبه وصديقاتها وتسحب فلوس وتتونس وكل يوم عركه وي علي تريد تطلع وهو ميحب مره تطلع يوميه ومكافش يصيرون
علي......هند حياتج بس ونسه اكويلي هدومي غسليهن
هند..... لعد بت عمك شنو شغلها مابيها اي فائده خليها باسمها زوجتك تغسلك وتكويلك خلي تحلل لكمتها بهذا البيت
تماره....فتت من يم الغرفه وسمعتهم الباب مفتوح وعلي شافني سمعت دخلت وسديت باب غرفتي
علي....شفت تماره سمعت الحجي تقربت على هند اريد حسنه وحده بيج ما اكو
هند.....علي دشوف نفسك بس ادافع الها تره هيه كلها خلك ارمله ويتيمه وانت عطفت عليها لميتها
علي......(ارحمو عزيز قوم ذل) الله لايشوفج اليتم الي تحجين عليها عدها املاك وعدها خير ولو تموت متطلب مني فلس احمر بت عمي ومرتي وحبيبتي غصبن عليج حطيها ترجيه باذنج كلمه زايده منج ما اقبلها هذا الوضع عجبج على عيني وراسي تكعدين باحترامج معجبج نكلعي لبيت اهلج
تماره....خابرني علي كتله مابيه شي لايضل بالك بس تعبانه حنام من وكت ثاني يوم الصبح معدتي موتتني تخربطت وكمت ابجي رحت للحمام ذبيت من راسي روحي رايحه مابيه حيل اشيل روحي
علي.....شبيج تماره صاير شي
تماره.....راح اموت روحي رايحه ولعبان نفس عدي
مياده....يمه بتي
هند.....😏 حجيت وسمعت علي لعبان نفس ودوخه شنو هاي الاعراض
تماره....سمعتها بس مابيه حيل وعلي خزرها
علي....ناخذج للدكتور كومي
تماره....ما اكدر والله خليها العصر بلكي ارتاح خاله اريدج بشغله
مياده.... اي خاله عيوني
علي.....اكو شي
تماره.....لا بس ردت اسال خاله على شغله....
خاله اريد اسالج واستحي كدام علي مثانتي موتتني وعدي حركه قويه ولعبان نفس
مياده.....نروح دكتوره نسائيه و ونشوف ارتاحي هسه ....بقيت للعصر ورحنه للدكتوره
علي....شو نسائي
مياده.....اي يمه احسن اني اعرف
علي....عفتهم براحتهم
تماره....رحت للدكتوره حجيتلها وضعي والوجع الي عدي
الدكتوره.....باعي لو عدج التهاب مجاري بوليه او رمل بالمثانه او مشاكل بالكله لازم تحاليل بس اول اسويلج سونر نشوف المثانه خاف بيها رمل
مياده.....دكتوره اليوم تخربطت كولش
الدكتوره....هسه نفحص ونشوف شنو انتي مزوجه حتى خاف اكو حمل نعرف شاطيج علاج
مياده....دكتوره هاي جنتي
الدكتوره.....عبالي بتج تشبهج
مياده.....هيه بت اختي
الدكتوره.....هااااا ما شاءالله صارلج شكد مزوجه لان احتمال التهابات
ومرات يصير حمل وهذا الشي مو زين على الحمل تماره....بقيت صافنه نص الحجي ممفهو التهابات شلها علاقه بزواج نداريت على خالتي
مياده.....دكتوره ما اعتقد هيه نضيفه كولش
الدكتوره....ليش كومي ماما على السرير واحجيلي وضعج بين ما افحصج
مياده....مو هيه جانت مزوجه ومات زوجها قبل سنتين وهسه ازوجة ابني بس مابينهم علاقه يعني ماكو تاثير من هاي الناحيه
الدكتوره.....هاااا لعد اوكي اسويلج فحص ونشوف
تماره.....الدكتوره تفحص بسونر وخايفه لاتفحصني وتعرف بعدني بنيه محد يعرف بيه حتى امي الله يرحمها متدري
الدكتوره....ماما عدج رمل خشن بالمثانه ونسويلج تحليل ونشوف اكيد تاثر عليج بس خلي افحصج لان احتمال التهاب من هاي السوالف
تماره....الدكتوره تريد تفحصني واني مشنجه واجر بهدومي
الدكتوره.....شبيج ماما رخي نفسج بس افحصج
تماره....نزلت دموعي
الدكتوره....شبيج بتي
تماره.....ما اعرف شكولها شجاوبها
الدكتوره....حجيه البنيه بيها شي متقبل افحصها
مياده.....هيه تستحي كولش شو تماره شبيج يا ليش تبجين بتي
تماره....كمت اباوع عليهم ما اعرف شحجي وهمه ينتضروني احجي ....دكتوره لاتفحصيني
الدكتوره....بيج شي بس فهميني لا زم اسويلج فحص
تماره....دنجت راسي ونزلت دموعي من الخجل دكتوره اني بعدني بنيه
مياده.....شنو تماره بتي انتي جنتي مزوجه بيج شي
تماره....كمت اشهك وابجي استحي احجي وعدت هاني ما افضحه وحافضة على الوعد لحد هاي الحضه شلون بيه
الدكتوره....انتي مصره متحجين وكلتي بعدج بنيه بس خلي اتاكد خاف انتي متوهمه صايره علاقه بينكم بلغلط انتي وزوجج تصير هيج حالات
تماره.....كوه خليت الدكتوره تفحصني
الدكتوره.....حجيه البنيه بعده عذراء شلون تكولين مزوجه
تماره....كعدت وعدلت هدومي
مياده..... بس فهميني شنو القصه راسي افتر تماره يمه احجي دخت
