أخافُ عليك مني، أعرفني لا أُطاق
❤في عنادي وغيرتي وحُزني وخوفي❤
محمود" جن جنونه لما سمع عيطتها حس قلبه وقف من الخوف عليها مشى بسرعة باتجاه صوتها لقاها مقعمزة وشاده رجلها وتصرخ بقوة خااااف اكثر عليها قرب منها بخوف : ياسمين
ياسمين" شاده رجلها وتصرخ بقوة: اااااااااااااااااه
محمود" قعمز قدامها بخوف: ياسمين خير شن صرلك
ياسمين" فتحت عيونها وشافتله وهي تبكي "
محمود" بخوف: فيك شيء خيرها رجلك
ياسمين" حست من نظراته الخوف عليها بعدت عيونها عنه"
محمود" شاف لرجلها وشهق لما شاف الدم ف باطن رجلها "يعني من تحت " قرب وشد رجلها بخوف: هذا شن جرحك "رفع عيونه وشافلها"
ياسمين" شافتله ودموعها ماقدرت توقفهم"
محمود" شاف لرجلها ورفعها شوي وشهق لما شاف حديدة تحت رجلها وباين انها قطعة من صاروخ متفجر شافلها بخوف , ف خاطره (يا رب ماتكون اتسممت )بخوف: ياسمين لا تخافي "خدا شاله يلي ع رقبته وبدا يمسح ف الدم يلي مش قادر يوقف ضغط ع الجرح بقوة باش يخفف نزف الدم
ياسمين" صرخت بقوة: اااااااييييييييي
محمود" خاف وشافلها: اسف وجعتك
ياسمين" شدت ايده بقوة يلي حاطها ع الجرح وغمضت عيونها , من بين اسنونها : محمود حار
محمود" حس قلبه يدق بقوة من قربها و من صوتها هي اول مرة تقول اسمه , ياعمر محمود انتي : اسف بس نبي نوقف الدم
ياسمين" فتحت عيونها ومسحت دموعها وشافتله "
محمود" ابتسم : اطمني بتكوني بخير بس نبي نوقف الدم يلي ينزف خايف تنزفي واجد وتنضري , انا بنحاول انوقفه بدون ماتتألمي انت شدي ف كتفي اذا حسيتي بالم اضغطي ع كتفي وانا نوقف اوكي
ياسمين" هزت راسها بالموافقة وقربت شدت كتفه"
محمود" جمد من قربها وحس قلبه ينبض بقوة"
ياسمين" بصوت رايح: عجل
محمود" انتبه وقرب ايده من الجرح وحاول ينظفه بهدوء ويتجاهل قربها منه يلي يربكه"
ياسمين" كانت تحس بألم بس تكابر ولما يزيد الالم تضغط ع كتف محمود ويخفف من ضغطه "
محمود" حس ان الجرح ماكف عن النزف خاف اكثر لفلها لقاها مغمضة عيونها وتعصر فيهم من شدة الالم خاف اكثر عليها"
ياسمين" لما حست ان محمود بعد ايديه عن جرحها فتحت عيونها ولقاته يشوفلها ارتبكت اكثر"
محمود" ارتبك اكثر : ااه بس نبي نقلك ماقدرت وقفه
ياسمين" بالم : خلاص خليني ننزف ونموت
محمود" بأسى : الموت ف عدوك مش فيك ان شاء الله
ياسمين" بعبرة: خليني نموت الله يخليك
محمود" بحزن: جعل يومي قبل يومك
ياسمين" سكتت وحاسة قلبها يدق بقوة"
محمود" بضيق: ياسمين مانقدر نتحمل نشوفك تتألمي كيف تبيني نتحمل موتك لا عاد تذكري الموت قدامي , انا نبي شيء يوقف دمك الشال تعبى دم نبي شيء نربط بيه الجرح باش يكف عندك شيء نقدر نستعمله
ياسمين" هزت راسها بلا"
محمود" مد ايده وقربها من وجها"
ياسمين" ارتبكت اكثر"
محمود" بهدوء: ممكن ناخد وشاحك ونربط بيه الجرح
ياسمين" فتحت عيونها ع وسعهم من الصدمة: شن؟؟ شن قلت
محمود" بربكة: بس نبي نكف الدم وماعندي شيء نربط بيه فممكن ناخد وشاحك
ياسمين" قعدت تشوفله وهي مصدوووومة"
محمود" بخجل: لازم نكف دمك
ياسمين" بصوت رايح من الخجل: بعد عيونك عني
محمود" قبل وجها ف الجهة الثانية وحاس قلبه يدق بقوة"
ياسمين" مدتله وشاحها"
محمود" شد وشاحها ولفلها ببطئ وحاس قلبه يدق بقوة , لقاها حاطة ع شعرها طربوش توتتها يلي تحت العباية ارتاح انه مااحرجها قرب وشد رجلها وخدا الوشاح وربطه بقوة"
ياسمين" تألمت وغمضت عيونها "
محمود" بعد ماربط رجلها شافلها لقاها مغمضة عيونها بقوة "
ياسمين" حست انه انتهى من الربط فتحت عيونها ببطئ تلاقوا عيونه مع عيونها بدا قلبها ينبض بقوة "
محمود" حاس صوت قلبه طاغي ع كل المكان "
قعدوا فترة يشوفوا لبعض
ياسمين" انتبهت ع نفسها بعدت عيونها عنه وبعدت عنه وهي حاسة قلبها يدق بقوة"
محمود" ارتبك : اه كيف حاسة تو
ياسمين" شافتله"
محمود" بربكة: انت بخير
ياسمين" بصوت رايح : اي
محمود" ابتسم: الحمد لله احنا لازم نرجعوا للمخيم وتعالجي جرحك بسرعة لأنه مرات يلتهب
ياسمين" وقفت بصعوبة "
محمود" وقف ومد ايده: خليني نساعدك
ياسمين" لفت عنه ومشت بصعوبة"
محمود" لحقها وحاداها : المخيم مش من هذا الاتجاه
ياسمين" تمشي بصعوبة بدون ماترد"
محمود" شد ايدها ووقفها: قلتلك المخيم مش من هذا الاتجاه
ياسمين" بهدوء: ومن قال بنمشي للمخيم
محمود" بصدمة: وين تبي تمشي
ياسمين" بعدت عنه ومشت"
محمود" لحقها وحاداها: وين تبي تمشي
ياسمين" بحدة: مادخلكش
محمود" شدها ووقفها بحدة: كيف مادخلنيش انت وين ناوية تمشي واليل قريب يجي
ياسمين" دفاته بغيض: مادخلكش بيا تبي ترجع ارجع بروحك وخليني ف حالي"مشت"
محمود" عصب لحقها وشد ايدها ولفها ليه بقوة"
ياسمين" شهقت والتألمت من رجلها وطاحت ع كتف محمود"
محمود" جمــــــــــــــــــد وقلبه صار يدق بقـــــــــوة"
ياسمين" خجلت وبعدت عنه بسرعة وقلبها يدق بقوة شافتله وخدودها حمر"
محمود" بهدوء: اسف
ياسمين" تنهدت تهدي ف روحها "
محمود" بهدوء: ياسمين رجلك مجروحة والجرح يمكن يكون خطير لا تنسي ان الحديدة يلي خشت فيك من صاروخ ومرات يسببلك تسمم لازم تتعالجي بسرعة
ياسمين" بعناد: مانبيش
محمود" بحدة : كيف ماتبيش انتي تبي تموتي
ياسمين" بعصبية: اي نبي نموت انت شن علاقتك بيا
محمود" بحدة: ياسمين بلا تصرفات اطفال نقلك الجرح مرات يلتهب أو يتسمم
ياسمين" بعناد: خلي يتسمم ونموت احسن من هالعيشة
محمود" بعصبية حادة: خلاص عاد لا تكبري الموضوع اذا كان ع الكف فانا اسف اسف اسف واذا ع جدك فهو يبي مصلحتك وكل الجدود يعاركوا مافيها شيء
ياسمين" بعصبية: انت لاعاد تدخل ف امور ماليكش علاقة بيها ولو سمحت حول عني "مشت"
محمود" عصب وجاء قدامها بعصبية: انت مجنونة وين بتمشي وانتي مجروحة
ياسمين" بعصبية: مادخلكش خليني نمشي ف حالي احسن لك خليييييني
محمود" بعصبية: انت ماتفهمي "سكت لما حس بحركة "
ياسمين" بعصبية: حول عن
محمود" حط ايده ع فمها بسرعة"
ياسمين" انصدمت وسكتت"
محمود" بهمس: اسسسس في صوت "لف عيونه لمح مستعمرين جايين باتجاههم لف لياسمين بخوف: مستعمرين هنا
ياسمين" فتحت عيونها ع وسعهم بصدمة"
محمود" بعد ايده عن فمها وشد ايدها : تعالي وانتي ساكتة "مشى وهو شاد ايدها وهي تمشي وراه "
ياسمين" تألمت من رجلها لأنه كان يسرع بيها صرخت: اااه
محمود" فز وحط ايده بسرعة ع فمها : قلتلك اس
ياسمين" تتألم اشرت ع رجلها"
محمود" انتبه لرجلها وماعرف يتصرف نسى ان رجلها مجروحة لف وشاف لجهة المستعمرين لمحهم من بعيد قرب من ياسمين وبهمس: اسف بس لازم نتحركوا من هنا قبل مايشدونا
ياسمين" هزت راسها بنعم وهي تحاول تتماسك"
محمود" مشى بيها ببطئ شاف عشب كثيف مشى باتجاهه "
ياسمين" ماعاد قدرت تستحمل تمسكت ف كثف محمود وهي تحاول ماتصرخ"
محمود" لفلها وخاااف لما شافها عاضة شفاتها بقوة وتعتصر من الالم والدموع ف عيونها : ياسمين انتي بخير
ياسمين" مش قادرة تتكلم كان تفتح فمها بتصرخ بقوة اشرت براسها لا"
محمود" خاف عليها قرب منها بهمس: ماتقدري تمشي اكثر
ياسمين" اشرت بنعم"
محمود" شاف المستعمرين قربوا قرب ياسمين منه ونزل راسها وتخبوا ف العشب "
ياسمين" حست بالم فضيع: اااي
محمود" بسرعة حط ايده ع فمها يكتم صراخها"
مستعمر: هناك صوت ما هل سمعته؟
الثاني: اجل احس ان احد ما هنا
مستعمر: دعنا نبحت عنه
محمود" قرب ياسمين منه وايده قعدة ع فمها بهمس: اهدي شوي وحاولي تتماسكي
ياسمين" هزت راسها بنعم وهي مش قادرة تتحمل الم رجلها"
مستعمر: ليس هناك احد
الثاني: اظننا نتخايل
مستعمر: دعنا ندهب ربما القائد يبحث عنا
الثاني: ياللهول اذا اكتشف غيابنا سوف يعاقبنا
مستعمر: دعنا ندهب "مشوا"
محمود" تنهد براحة لف لياسمين حس بدموع ع كفه بعد ايده عنها بخوف: انتي بخير
ياسمين" حطت ايدها ع رجلها بالم: اي
محمود" شاف رجلها بخوف: لازم نسرعوا للمخيم
ياسمين" بالم: مانبيش نرجع
محمود" شافلها بحدة: بترجعي غصب عنك فاهمة "وقف ووقفها معاه: تبي تقعدي هنا ويجوا المستعمرين ويشدوك
ياسمين" نزلت راسها"
محمود" بحدة: هيا وانا نساعدك باش تصلي
ياسمين" شافتله"
محمود" ابتسم: هيا ولا تعاندي انا ارجوك
ياسمين" ماقدرت تعترض عليها وحنيته حسستها بالامان حست انها ماعمرها اهتم حد بيها زي مامحمود يهتم بيها
محمود" قرب منها وحط ايدها ع كتفه وايده حطها ع خصرها رفع عيونه وشافلها: تو تقدري تمشي
ياسمين" خدودها بدوا حمر وقلبها يدق بقوة من قربه نزلت راسها"
محمود" حس قلبه ينبض بقوة بعد عيونه عنها وبدا يمشي هو واياها وكل واحد مايسمع الا ف دقات قلبه"
""""""""""""""""""""""""""""""""""""""""""""""""""""""""""""""""""""
جواد وحسان مقعمزين تحت شجرة
جواد" متكي ع كتف حسان بصوت مخنوق ودموعه تنزل: نحبها ياحسان والله نحبها
حسان" شد ايد جواد بضيق: والله مكتوبلك ياصاحب تعيش ف الشقى طول عمرك
جواد" بعد عن حسان ومسح دموعه وشافله بصوت مخنوق: راضي نعيش ف الشقى والله راضي بس نبيها تكون معي نبيها تكون بجنبي طول عمري مانبي نفقدها والله مانقدر نعيش بلاها
حسان" بحزن ع صاحبه: جواد مش عارف كيف نواسيك والا شن نقلك بس حاول تنساها حتى شوي
جواد" بصراخ: مـــــــانقدر والله مانقـــــــــدر بس نفكر ف يوم نبعد عنها نضايق ونموت كيف ننساها قلي كيــــــــف هذه سنين يلي عشناها مع بعض سنين مش يوم والا يومين انت عارف الشي يلي متعلق بيه ف هذه الحياة هي ميار لولا ميار ووجودها ف حياتي لمتت من زمان
حسان: عارف والله عارف بس شن بدير هي اختارت رمزي وخلاتك
جواد" دمعوا عيونه: ماهذه المصيبة اختارت رمزي تعرف لو اختارت حد ثاني يمكن كان اهون عليا من رمزي
حسان" باستغراب: علاش؟
جواد" سند راسه ع الشجرة وبدموع: اولا لان رمزي بدا صاحبي ومانقدر نكرها لأنه راجل ونص وثانيا لان رمزي مش من مدينتنا لو تزوجوا هو وميار بيرفعها معاه لمدينته ونفقدها وننحرم حتى من ريحة عطرها ثالثا رمزي غير مناسب لميار لأنه عصبي وطبعه حاد حاس انه فيه شيء داسه عن ميار
حسان: شيء شن هو
جواد" شاف لحسان: ماندري بس حاس ان رمزي يحاول يبعد ميار عنه ويحط حاجز بينه وبينها مع اني متأكد انه يعشقها بس ف شيء يخليه يبعد عن ميار "تنهد بقوة: اه حاس اني ميت جواب ميار قتلني
حسان" بحزن : مدامك متأكد من انها تحبه علاش سألتها وانت عارف انها بتجاوب بنعم
جواد" ضرب راسه ع الشجرة بصراخ: لأني غبي غبي
حسان" شد جواد و بصراخ: جوااااااااااد خلاص وقفففف
جواد" دف حسان بقوة وصراخ: كان عندي امل بسيط انها تطلع ماتحبه كنت بس نبي نتأكد انها تحبني أو ع الاقل تقدر شعوري ماتوقعت تجاوبني وهي تبتسم بخجل وكأنها بتصرفها هذا تحاول تغيضني وتقتلني ماتوقعت انها ماتحس بيا وبشعوري تحب رمزي اوكي بس ماتقدر شعوري ولا حتى حست اني نميل لها هذا يلي قتلني هذا يلي دمرني "بدموع: قلي علاش هي ماحست بيا قلي يعني كانت تتوقع اني نحبها زي اختي أو كانت تتوقع اني صاحبها بس اصلا الكل عرف اني نحبها الا هي ماعرفت قلي علاش ماتحس بيا قلي علاش قلي
حسان" بضيق: مش عارف والله بس انت المفروض تعترف لها بحبك يمكن وقتها تختارك وتخلي رمزي لأنك تستاهلها اكثر من اي واحد
جواد: لا خلاص فات الاوان للاعتراف تو ماعاد ينفعني "اتكئ ع الشجرة وغمض عيونه: حسان انا من اليوم ميت بنعيش جسد بلا روح لاحد فيكم يقلي علاش تغيرت ولا حد يغصبني ع شيء ولا حد يقلي عيش حياتك ولا حد يقلي انساها انا من اليوم بنعيش بقربها الا ان تتزوج رمزي وبعدها بنتركها ونترك هالحياة بكبرها
حسان" بخوف: بتنتحر
جواد" ابتسم وهو مغمض عيونه وماجاوب حسان"
حسان" تنهد ف خاطره الله يعينك ياجواد قداش بتتحمل : جواد مش ناوي ترجع للمخيم
جواد" وهو مغمض عيونه : انا جيعان دورلنا صيد ناكلوه
حسان" ابتسم: ابشر ياطيب "وقف: ثواني ويكون الصيد مشوي وقدامك "مشى"
جواد" فتح عيونه وشاف حسان ماشي يصطاد ابتسم: الله لا يحرمني منك "تنهد بقوة: ننتحر ؟؟ فكرة اخ بس لو نقدر ننتحر لتو انتحرت "رفع راسه لسماء: يا رب موتني وريحني يا رب والله معاد نقدر نتحمل اكثر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ياسمين" حست بتعب ليهم هلبة يمشوا وماوقفوا لفت تبي تقله يوقف بس لما شافت لوجها القريب منها حست قلبها يدق بقوة "
محمود" حس بانظارها اتجاهه لف وتلاقوا عيونهم حس بشعور غريب يسري داخله"
ياسمين" ارتبكت اكثر وبعدت عيونه بهمس: تعبت
محمود" سمعها : اوكي خلينا نرتاحوا "اتجه لشجرة ووقف قدامها"
ياسمين" سندت ايدها ع الشجرة وبعدت ايدها يلي ع تكف محمود"
محمود" بعد عنها وهي بسرعة قعمزت ع الوطاء وشدت رجلها وتتألم"
محمود" نزل لمستواها وشافلها بخوف: انتي بخير
ياسمن" شافتله وهي تتألم : اي
محمود" قرب ايده وشد رجلها وشاف الجرح بعدين شافلها : اتحملي نرتاحوا هنا شوي بعدين نمشوا للمخيم "رفع راسه وشاف للمكان : يمكن قريب نصلوا "شافلها وابتسم يبي يغير جو: ماحسيت وانا نجري وراك اننا بعدنا والله وطلعتي سريعة ف الهروب
ياسمين" بغيض: حد قلك الحقني
محمود" ابتسم: لولايا لمتي أو تأسرتي
ياسمين" بغيض: احسن من اني نكون تو معاك
محمود" حس بغضب: يعني مضايقة من وجودي
ياسمين" بغيض: اي مضاااايقة من قربك مني
محمود" عصب ووقف : الحق عليا جاي نساعد فيك والحق عليا خفت عليك وانتي وحدة ناكرة للجميل
ياسمين" بعصبية: الجميل يلي يجي منك مانبيه بكل
محمود" عصب : كان ندري عليك هكا وحدة لئيمة لخليتك تموتي وافتكيت منك
ياسمين" بعصبية حادة: انت واحد مجنون كان تكرهني لهذه الدرجة علاش جاي تلحق فيا وعلاش ساعدتني وعلاش انقضت حياتي مدامك تكرهني علاش
محمود" بعصبية: لأني غبي وحمااار وبهيم مانفهم نحسابك ابنادم يحس ويقدر شعور الناس بس للاسف يلي زيك مايستاهل يعيش يلي زيك المفروض يندفن وهو حي يعني جدك وجدتك يلي ربوك نكرتي فيهم الجميل تو انا يلي بس ساعدتك بتذكري جميلي صدق وحدة ماتستاهل حد يعطف عليها "لف عنها وهو معصب منها"
ياسمين" بصراخ: اي مانستاهل مــــــانستاهل حد يعطف عليا مـانـــــسـتاهل شفقة من حد
محمود" لف عليها وشافلها"
ياسمين" بعصبية وصراخ: انا وحدة مانستاهل حد يعطف ولا يحن عليا انا وحدة بلا ترباية دمي فاسد وحدة مانستاهل الحياة اذا الكل يكرهوني علاش تجملوا عليا بافضلكم اذا انت تكرهني علاش ماتخلينيش نموت " بصراخ: انا نبي نموووووووووت نبي نمووووووت يا رب ارفعني يا رب تعبت منهم ارفعني وريحني "قربت ايدها من رجلها وحلت وشاحها يلي رابطاته بيه وحذفاته بعيد وشدت ع رجلها وضغطت ع الجرح بقوة وصرخت من الالم: ااااااييييييييييييييييييييييييييييييييييييييييييييييئ
محمود" فز وقرب منها ونزل لمستواها وبعد ايديها عن الجرح بعصبية حادة: يامجنونة كيف وقفنا الدم تبي تخليه ينزف من جديد
ياسمين" دفاته بقوة لين طاح , بصراخ: نبي نموت بعد عني نبي نموت خليني ننزف لين نموت
محمود" عدل جسمه بعصبية حادة: شن مجنونة تقتلي روحك
ياسمين" بعصبية وصراخ: مش انت تبيني نموت مش قلت حرام فيا العيشة مش قلت يلي زي مايستاهل يعيش ويلي زي يندفن وهو حي خليني نموت خليني"بدت تضرب ف رجلها المجروحة"
محمود" شد ايديها بغضب وعصبية: وقفي يالهبلة وقفي انت شني ماتعرفي ان الانتحار حرام هذا يلي تساويه ف روحك يشبه الانتحار انت كفرتي والا شن
ياسمين" دفاته ووقفت بعصبية: اي كفرت وخليني نساوي يلي ف راسي "مشت"
محمود" لحقها وجاء قدمها بصدمة: وين ماشية وجرحك بدا ينزف
ياسمين" دفاته وفاتت: خليني نبي نمشي للمستعمرين
محمود" لحقها وشد ايدها ووقفها بصدمة: تمشي للمستعمرين؟
ياسمين" ادف ف ايده بغضب: اي نمشي حول عني
محمود" شد ع ايديها بقوة لين تألمت بعصبية حادة: مجنونة تمشي للمستعمرين عارفة لو شدوك شن بيصير فيك
ياسمين" تتألم وحاول تفك ايدها عن ايده بغيض: احسن مانكون معاك
محمود" عصب وقربها منه من بين اسنونه: اقسم بربي انك وحدة مجنونة لو ماتمشي معايا وانتي ساكتة لاقسم بربي نحذفك هنا وخلي المستعمرين ينفعوك ترى مليت من تصرفاتك الطفولية
ياسمين" بدت تشهق ودموعها ينزلوا بقوة"
محمود" تنهد وترك ايدها ومشى خدا وشاحها ورجع لعندها ونزل ومسك رجلها بدون مايشوفلها: ارفعي رجلك
ياسمين" تمسح ف دموعها يلي مش قادرة توقفهم رفعت رجلها شوي وسندت ايدها ع الشجرة"
محمود" ربط الجرح ووقف وشافلها
ياسمين" بعدت نظرها عنه وهي تمسح ف دموعها"
محمود" اخد غصن شجرة ومدهولها: حاولي تستندي عليه
ياسمين" شدت الغصن واستندت عليه "
محمود" قرب وشد ايدها"
ياسمين" فزت وقلبها صار يدق بقوة"
محمود" بهدوء: هيا خلينا نرجعوا للمخيم "مشى وهو شاد ايدها وتمشي معاه وتستند ع غصن الشجرة ....وصلوا للمخيم محمود لف لياسمين بهدوء: انتي بخير
ياسمين" لفت عنه ماتبي تكلمه"
محمود" تنهد وبهدوء: اسف علي صار والله اسف بس تصرفاتك خلتني نعصب
ياسمين" بغيض: انت شن تبي مني علاش تبيني نعيش وتبي ترجعني ليهم
محمود" بهدوء ونبرة حنان: انا نبيك تعيشي وترضي بعيشتك كلنا ملينا من عيشتنا بس مجبورين نتحملوها
ياسمين" بضيق: بس انا مانبي نتحملها انا مانبي نعيش هنا خلاص مليت من العيشة مع هالعجايز المخرفين
محمود" بهدوء: ياسمين عيب هدولا جدودك
ياسمين" بعصبية: بس هما مش معتبرين اني بنت ولدهم هما يكرهوني انا مانبي نعيش معاهم مانبي "بصراخ: خليني نموت خليني نمووووووووووت
محمود" بضيق: علاش تموتي
ياسمين" بصراخ: لان ماحد يحبني ف هذه الحياة ماحد يهتم بيا وبشعوري انا منكدة حياة كل الناس وخصوصا انت , والكل يتمنوا ف موتي ويستنوا امتى نموت حتى انت تستنى فيا امتى نموت وبسرعة
محمود" بحنان: لا والله مانبي تموتي اصلا انتي شيء حلو ف حياتي
ياسمين" دفاته عنها وبعدت ايده يلي شاده ايدها: كذاااااب انت تكرهني تكرهني يمكن اكثر واحد تكرهني خليني نموت وترتاح مني خليني نمووووت
محمود" شد ايديها بايديه الاثنين وبتملك: لا مانكرهك ولا نتمنى موتك صدقيني
ياسمين" بغيض: حول عني اطلق ايدي "دفاته ومشت بصعوبة"
محمود" تنهد بقوة ولحقها وحاداها : ياسمين
ياسمين" بغيض: بعد عني
محمود: باهي خليني نساعدك لين تصلي للمستوصف
ياسمين" بغيض: مانبي مستوصف
محمود" شد ايدها بقوة وغضب: بتمشي غضب عنك فاهمة "مشى وهو شاد ايدها وهي تمشي وراه وتتألم من رجلها ومن ايدها يلي شاد فيها بقوة "
ياسمين" بتالم: اي اطلقني
محمود" بغضب: بنت ماتمشي الا بالغضب "وصل للمستوصف وخش وهي وراه :السلام
عمر وميار : وعليك السلام
ميار" استغربت ان محمود شاد ايد ياسمين : خير شن صاير
محمود" مشى وهو يتل فيها لين السرير ولفلها بغيض: قعمزي هنا
ياسمين" بعصبية: حول اطلقني مانبي نقعمز
محمود" بعصبية: انت لازم تتعالجي
ياسمين" بغضب: مانبي نتعالج
محمود" بعصبية: غضب عنك تتعالجي
ياسمين" بغضب: ومن بيغصبني انت
محمود: اي انا
ياسمين" بهزوة: يا مامي خفت منك
محمود" بعصبية حادة: يلى بلا عناد اطفال
ميار وعمر مصدومين منهم
عمر: خير خير شن فيه
محمود" بغضب: رجلها انجرحت ونزف منها الدم واجد وهي ماتبي تعالجه
ياسمين" بغضب: اي مانبي
محمود" بعصبية: شن تبيه ينزف وتموتي
ياسمين" بغضب: اي نبي نموت
ميار" قربت من ياسمين وشافت لرجلها كانت كلها دم لفت لعمر بخوف: نزفت دم واجد لازم نخيطوا الجرح
ياسمين" بغضب: انتي لا تقربيني ولا تدخلي انا نبي ننزف
محمود" قرب منها بغضب: بلا عناد وتسكير راس وخليك ف مكانك
ياسمين" بعصبية: انت لا تدخل فيا
محمود" طنشها ولف لعمر: بسرعة لازم توقفوا النزيف
عمر: ميار هاتي المعقم والمخدر
ياسمين" بغضب: انا مانبيش
محمود" صار ع سنونه: عنادك هذا بلاه والا اقسم بربي تشوفي شيء مايعجبكش
ياسمين" عصبت: تره وريني شن بدير
عمر: محمود اطلع برى وخلينا نتصرفوا اذا بتقعد هنا وتتناقروا مارح نقدروا نساوو شيء
محمود" شافلها بغضب: اذا عندت نادوني بس "مشى "
ياسمين" بصوت عالي: يا ماما خوفتني
ميار: هيا ارقدي ع السرير
ياسمين" بغضب: مش راقدة
عمر" بهدوء: بس جرحك بيلتهب ودمك بيتم كان قعدتي هكا
ياسمين" بغضب: انا نبي نموت انتم شن علاقتكم بيا
ميار: احنا هنا دكاترة ومهمتنا نساعدوا المريض مهما كان صفته
ياسمين" بغيضك انا مش مريضة
ميار" ابتسمت: بس مجروحة
ياسمين" مشت بغضب: انا مانبيش منكم جميل
عمر: هذا مش جميل هذا واجبنا
ياسمين" وهي تمشي : مانبي حد يساعدني "طلعت لقت محمود ف وجها بغضب: حول من خلقتي
محمود" عصب وشد ايدها ودخلها للمستوصف"
ياسمين" اتل ف ايدها : حول عني اطلقني
محمود" حدفها ع السرير بغضب: اقسم بالله تتحركي نعدمك "لف لميار وعمر: بسرعة وقفوا النزيف
ياسمين" قعمزت بغضب: انت يا هي كيف تسمح لنفسك تعاملني هكا
محمود" لفلها وهو مش قادر يمسك اعصابه : انت وحدة مجنوووووونة وانا اجن منك "شد اكتافها وتبتها ع السرير لف لعمر: عمر بسرعة وقف النزيف
عمر" لف لميار المصدومة: ميار ساعديني
ميار" وهي مصدومة من عصبية محمود: حاضر
محمود" لف لياسمين وشافلها"
ياسمين" راقدة ع السرير وتشوف لمحمود وقلبها يدق بقوة من قربه شاد اكتافها وقربه منها اربكها وخلاها تجمد وماتقدر تتحرك"
محمود" حاول يتبتها اكثر ويتجاهل صوت قلبه يلي ينبض بقوة"
عمر" حل ع الجرح وانصدم لما شافه جرح عميق لف لمحمود: من شن هالجرح؟
محمود" كان سارح ف بحر عيونها وناسي وين هو ومايسمع الا ف نبض قلبه"
عمر" لف لميار وهو مستغرب"
ميار" شدت ضحكتها : كمل كمل المهم نوقفوا النزيف قبل ماتوقض بروحها
عمر" فهم ميار وابتسم وكمل وقف النزيف وعقمه وحط المخدر باش ماتتألمش بعدين خيط الجرح وربط عليه بمساعدة ميار انتهوا من الربط لفوا لمحمود وياسمين كانوا الاثنين يشوفوا لبعض وسرحانين بعيد"
ميار" شدت ضحكتها عليهم قربت من محمود وضربت كتفه بخفة: هي
محمود" فز ولفلها "
ميار" ابتسمت: كملنا
محمود" بربكة وخجل: كملتوا
ميار" شدت ضحكتها: ومن زمان
محمود" ارتبك اكثر وبعد نظره عن ميار ولف لياسمين وارتبك اكثر "
ياسمين" وقظت بروحها دفت محمود عنها وقعمزت"
محمود" شد روحه قبل مايطيح"
ياسمين" حست بخجل وعصبت: انت هي كيف تشدني هكا اه بعدين انا مانبي نعقم الجرح نبيه ينزف ونموت
ميار" ماقدرت تشد ضحكتها: هههههههه
ياسمين" لفت لميار بغضب: وانت شن يضحك فيك
ميار" شدت ضحكتها وابتسمت: يا ماما من زمان عقمنا الجرح وحتى ربطناه
ياسمين" لفت بسرعة لرجلها وشافت ان الجرح مربوط ماااتت من الاحراج شافت لمحمود بخجل"
محمود" حاس دقات قلبه تزيد كلما شافتله"
ياسمين" وقفت ومشت بصعوبة"
عمر: خليك شوي ارتاحي
ياسمين" وهي تمشي بغضب: مانبي نقعد ثانية مع هذا الغبي ولا مع هذه يلي دار روحها دكتورة
ميار" بضحكة: لا تنسي كل يوم تجي نعقمولك الجرح
ياسمين" بدون ماتوقف بغيض: تحلمي نخشلك هنا مرة تانية "طلعت وهي معصبة"
ميار: هههههههههههه هالبنت نكتة
عمر: هههههههههه اي والله
ميار" لفت لمحمود بخبث: ماتندري علينا عقمناهولك وانت يا محمود تندري علينا انا كملنا والا حتى انت زيها
محمود" شافلها بربكة: اه اي اكيد ندري عليكم ا انا ما ماشي سلا سلام "مشى"
ميار: ههههههههههههه والله الاثنين احرف من بعض
عمر: ههههههههه صدقتي
محمود" يمشي وهو ميت احراج لان الموقف صار قدام ميار وعمر وفضح نفسه انه كان يشوف لياسمين بحب شافها تمشي تبعها لوين مشت شافها خشت للمكان يلي تسكن فيه هي وجدودها ابتسم : الان اطمنت عليها "مشى"
""""""""""""""""""""""""""""""""""""""""""""""""""""""""""""""""""""""""""
ليلا
حسان" مقعمز يشوي ف الارنب يلي شدها : شوي واطيب
جواد: انا شوي ونموت جوع من العشية وانا نستنا فيك وانت جايب هالارنب المسلولة
حسان: الله غالب مالقيت غيرها
جواد" ابتسم: مالقيت غيرها والا ماقدرت تشد غيرها ؟
حسان" حك راسه: هو ماقدرت نشد غيرها
جواد: ههههههههه اشك انها مريضة هذا باش قدرت تشدها
حسان: هههه مرات بس تعرف اني صياد محترف بس نسيت الصيد
جواد: ههه اي عارف
حسان: المفروض انت اصطدتلنا لأنك قناص محترف
جواد: قناص المستعمرين مش الارانب
حسان: هههههههههه المهم قناص ومدامك تصطاد ف المستعمرين اكيد تعرف تصطاد الارانب والغزل بعد
جواد" ابتسم: يمكن " بعد عيونه عن حسان وشاف لسماء وتنهد بقوة: ااااه
حسان" بهدوء: جواد
جواد" لف لحسان وف عيونه الدموع: مانقدر ننساها لحظة
حسان" بضيق: عارف انك متعلق بيها بس هذا قدرك اقل شيء خليك مبتسم حتى لو ف قلبك مليون جرح
جواد" ابتسم: الله لا يحرمني منك
حسان" ابتسم: ولا منك
جواد: تعرف لولاك لما عرفت شن اندير بوجودك معي حاس ان الحمل يلي ع اكتافي ينزاح انت اغلى حد ف حياتي
حسان" ابتسم: اكثر من ميار
جواد" ابتسم: ميار ماحد زيها ابدا بس انت ومحمود واحمد كل حياتي الله لا يفرقنا
حسان: امين , هاه طابت
جواد" ابتسم: هات والله متت جوع
حسان: بترجع للمخيم
جواد" بتنهيدة: اكيد مانبيها تنشغل عني
حسان: كول وبعدين نرفعك
××××××××××××××××××××××××××××××××××××××××××××
ميار "تمشي ف الساحة وادور ع جواد: هذا وين اختفى من امبكري ماشفته "شافت محمود ورمزي وسند يمشوا ف الساحة مشتلهم: مساء الخير شباب
الكل: مساء النور
رمزي" ابتسملها: كيف حالك تو
ميار" بعجلة: بخير وين جواد
رمزي" عصب منها"
محمود" باستغراب: وين جواد
ميار: انا يلي نسال فيكم وين جواد
محمود: والله من امبكري ماشفته
ميار" لفت لسند ورمزي : وانتم شفتوه
سند: لا
رمزي" بغيض: لا وعلاش انتي ادوري عليه
ميار" بخوف: ماشفته من امبكري وين مشى
رمزي" بحدة: وشن تبي منه
ميار: ولا شيء بس خايفة يكون مشى لمكان
رمزي" بغيض: ماعنده وين بيمشي
ميار" لفت لمحمود: قلي الصدق جواد مشى لمكان
محمود: والله ماندري عليه اتصلتي بيه
ميار: اي ونقاله خارج التغطية
رمزي" بغيض: مرات مشي للموقع
ميار" بشهقة: للموقع وبدون علمي
رمزي" بغيض: وشن ضروري يقلك
ميار" طلعت نقالها: اي ضروري "حطت ع رقم جواد واتصلت : ها يرن
رمزي" عصب منها"
جواد" رن نقاله طلعه من جيبه وشاف اسمها رفع راسه وشاف لحسان: هي
حسان: رد عليها
جواد" رد عليها وحاس قلبه يدق بقوة : الو
ميار" بخوف: جواد انت وين فيك شيء صرلك شيء انت بخير قلي
جواد" حط ايده ع قلبه يبيه يوقف عن الدق: اي بخير
ميار: انت وين قلي وين مشيت
جواد" بتنهيدة من قلبه: انا بخير شوي ونجي
ميار" بخوف: انت وين قلي ومع من
جواد" يحاول يوقف قلبه عن الدق بتنهيدة: مع حسان شوي وجاي لا تخافي سلام "سكر ونزل نقاله وحطه ع قلبه وغمض عيونه"
حسان" يشوف لجواد وحاس بضيق ع خاطره "
ميار" اضايقت لأنه سكر عليها "
محمود: ها وين قالك
ميار" لفتلهم بضيق: مع حسان
محمود: ف الموقع
ميار" بضيق: ماندري
رمزي" يحاول يمسك اعصابه: وعلاش مضايقة هاهو كلمك
ميار" شافتله بضيق: بس ماقلي بيمشي كيف يمشي بدون علمي
رمزي" بحدة: انتي تبي كل الناس ياخذوا اذنك لما بيمشوا لمكان تبي تعرفي تحركاتهم وانت تمشي وادوري بدون ماتخبري حد شن هالانانية لي عندك
ميار" لفت عنه بضيق ومشت بسرعة"
محمود" عصب ولفله: انت خيرك معاها اضايقت
رمزي" مشى بدون مايرد"
محمود" بعصبية: هذا صاحبك خيره
سند" تنهد: ماندري
محمود" بعصبية: لا تدري وتدري انه يغار ع ميار من جواد بس مش لهذه الدرجة انت تعرف ان ميار متعودة ان جواد يقلها ع كل شيء واصلا جواد عمره مامشى لمكان من دون علمي حتى انا بس ماندري شن صابه هاليومين حاسه متغير والله واقسم بالله لو طلع سبب تغير جواد من هذا صاحبك رمزي لنعدمه فاهم قله هالكلام "مشى"
سند" بخوف: ربي يستر
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
جواد" فتح عيونه وبعد النقال ودسه ف جيبه لف لقى حسان يشوفله بضيق: نبض قلبي بدل مايخف عن النبض لأ نها تحب رمزي حاسه انه زاد اكثر من الاول يمكن من اهتمامها وخوفها الزايد عليا قلبي صاير متعلق بيها اكثر "وقف: هيا نمشوا
حسان: كمل ماكلتك قبل
جواد: مانقدر نتاخر عليها اكثر
حسان" وقف: ع راحتك
جواد" مشى: الحقني انا بنركب ف السيارة "مشى وركب ف السيارة وسند راسه ع الكرسي وغمض عيونه : شن اندير وانا بديت متعلق بيها اكثر شن اندير وانا كل يوم نزيد نتعلق بيها وهي تزيد تبعد عني
حسان" ركب لف لجواد لقاه مغمض عيونه ولع السيارة ومشى للمخيم ... وصل ولف لجواد : جواد وصلنا
جواد" فتح عيونه ولف لحسان: صحيت تصبح ع خير وشكرا لكل شيء
حسان" ابتسم: العفوا انت صاحبي وانت بألف خير
جواد" ابتسم لحسان ونزل ومشى"
حسان: الله يصبرك ويقويك "حرك السيارة ومشى"
ميار" ادور وتستنا ف جواد,,, شافت جواد جاي مشت باتجاهه بسرعة: جواد
جواد" وقف لما شافها وحس قلبه يدق بقوة "
ميار" ابتسمت : الحمد لله انك بخير وين كنت
جواد" بهدوء: مع حسان
ميار" بضيق: مشيت للموقع بدون علمي
جواد" بهدوء: لا كنت انا وحسان هنا قريب من المخيم نهدرزوا
ميار" ابتسمت: المهم انك بخير
جواد"بهدوء: تصبحي ع خير "مشى"
ميار" استغربت منه : وانت بخير "شافتله وهو يمشي: وجهه متغير وكأنه كان يبكي بس المهم انه بخير تو "لفت ومشت"
جواد" خش لقى محمود مقعمز اتجه بسرعة لحمام"
محمود" استغرب منه حتى السلام ماقال : جواد فيك شيء
جواد" وقف ولفله : لا
محمود: وين كنت
جواد" بدون مايشوف لمحمود: حسان جاني وكنا هنا مش بعيد عن المخيم هدرزنا وجيت "لف وخش للحمام اتجه لشيشمة وبدا يغسل ف وجها "
محمود: والله امره غريب "اتكئ ع السرير وحط ايديه خلف راسه وغمض عيونه وهو يذكر ف ياسمين : والله نحبها والله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في اليـــــوم التالي
محمود" طلع من الحمام ولف لجواد يلي راقد ع السرير : غريب هذه اول مرة ماينوض بكري حاس فيه شيء "مشى طلع وشاف لسماء وابتسم: الجو حلو اليوم "لمح ياسمين شاده شنطة وتمشي ف الساحة استغرب منها ومشالها : يا هو يابنت انتي
ياسمين" وقفت ولفتله"
محمود" قرب منها باستغراب: هي وين ماشية شن ناوية تسافري
ياسمين" رفعت حاجبها: وانت شن دخلك بيا
محمود" بعناد: دخلني قولي وين ماشية
ياسمين" شافتله من فوق للوطاء بستحقار وفاتت"
محمود" عصب ولحقها وحاداها بغضب: خيرك هكا تشوفيلي
ياسمين" شافتله بربع عين: لو سمحت اخطاني
محمود: بس قوليلي وين ماشية
ياسمين" بغضب: مادخلكش
محمود: باهي كيف حال رجلك اليوم
ياسمين" بغيض: باهي غير انتلف عني
محمود" وقف وقعد يشوفلها وهي تمشي لف ومشى للمكان يلي تسكن فيه هي وجدودها لقى جدتها البرى مشالها: صباح الخير جتي
الجدة" بضيق: خير يا ولدي
محمود: جتي ياسمينة قصدي ياسمين وين ماشية
الجدة: قالت معش تبي تعيش هنا
محمود" بصدمة: بتخلي المخيم
الجدة: لا ماتبي تعيش معانا انا وجدها
محمود: اها ووين بتقعد
الجدة: ماندري عليها المهم قالت ماتبي تقعد معانا , يا ولدي كلمها هو صح احنا قسينا عليها بس احنا جدودها كيف تمشي وتخلينا شن بيقولوا الناس علينا وهي بنت بروحها وين بتقعد
محمود: تو نشوفها "مشى : هذه عنيدة وين تو بتمشي مجنونة هالبنت
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
احمد" طلع من المعسكر شاف حسان واقف ع حافة الصخرة مشاله: صباح الخير
حسان" لفله: صباح النور
احمد: شن كان يبي منك جواد امس
حسان" تنهد : كان مضايق
احمد: اها بسبب ميار
حسان" بحزن: اي
احمد: الله يعينه
حسان" شاف لبعيد: قول ربي يستر وماينتحر
احمد" بصدمة: شن قلت ينتحر
حسان" لف لاحمد: اي حالته امس ماعجبتني خايف يساوي ف روحه شيء
احمد: كله ع خاطر ميار
حسان: انت ماشفته امس كانت حالته بكل صعبة
احمد: وشن السبب
حسان: ميار قالته انها تحب رمزي
احمد: ماهو عارف انها تحبه
حسان: بس هي قالتله يعني هو كان عنده امل بسيط انها تطلع تحبه بس للاسف امس انهت كل شيء وجواد انهار , كان منهار نفس الانهيار يلي صابه يوم سمع ان ميار ماتت وبدا يدعي ع روحه
احمد" بحزن: الله غالب مافي حل ولا دواء لحالته
حسان" تنهد وشاف بعيد: جواد امانة ف رقبتك يا احمد
احمد" باستغراب: شن يعني امانة
حسان" لفله: انا ماشي برى من المدينة بنشوف عيالي انت لازم تطمن ع جواد وتكون معاه مانبي يحس انه بروحه
احمد: بس هو ما اظن يحكيلي زي ماانت يحكيلك
حسان: بس هو يعتبرك من اقرب اصحابه
احمد: اذا احتاجني اكيد يلقاني بجنبه
حسان" لف وشاف لبعيد: الله يفرج همك وكربه
احمد: اميــــــــــــــــن
حسان: انا بنمشي نوتي دبشي مرات اليوم نمشي شوفلي كان فيه حاجة ناقصة
احمد: اوكي
""""""""""""""""""""""""""""""""""""""""""""""""""""""""""""""""""""""""""
محمود" شافها مقعمزة ع كرسي مشالها وقعمز جنبها بسرعة ولفلها حس انها سرحانة وماانتبهت انه قعمز جنبها قرب منها وشاف انها حاطة ايدها ع رجلها وتحرك فيها : رجلك توجع فيك
ياسمين" فزت بقوة ولفتله بفزع : اهيئئئ
محمود" ابتسم: اسم الله عليك
ياسمين" بعصبية: انت امتى قعمزت هنا اه
محمود" ابتسم : من وقت وانتي سرحانة
ياسمين" بعصبية: نوض اوقف
محمود" حط رجل ع رجل بتكيف: واذا مانضت
ياسمين" وقفت معصبة: ارقد فيها وتمسمر هنا باهي "مشت بصعوبة"
محمود" وقف ومشى حاداها : خيرك معصبة
ياسمين"بدون ماتشوفله بغضب : اخطاني احسن لك
محمود" شاف لرجلها: باين رجلك قعدة توجع فيك خلينا نمشوا لعمر يشوفها
ياسمين" وقفت ولفتله بغضب: قلت اخطاني
محمود" بهدوء: قوليلي وين بتمشي وانتي تعبانة ووين بتسكني
ياسمين" بغيض: مادخلكش
محمود" بهدوء: لا دخلني
ياسمين" بعصبية: انت علاش تدخل فيا وشن علاقتك اصلا بيا باش تدخل
محمود" بتنهيدة: انتي علاش معاندية ماتخسري شيء اذا قلتيلي وين بتقعدي
ياسمين" بعصبية: مادخلكش بيا "مشت"
محمود" لحقها : عارف ان ماعندك مكان تمشيله اذا تحبي انا نساعدك
ياسمين" بغيض: شكرا مانبي افضالك
محمود: انتي علاش هكا
ياسمين" وقفت ولفتله بغضب: انا هكا انت شن تبي فيا انا هكا حرررة ولا تدخل مرة ثانية سامع
محمود" بهدوء: ياسمين لا تخلي الحقد والكره يعموا قلبك وعيونك عن اشياء مهمة ف حياتك انتي لازم تقدري الناس لازم تحترميهم فيه ناس يبوا مصلحتك وناس يحبوك وناس يهتموا بيك
ياسمين" بغيض: وناس يكرهوني وناس يحقدوا عليا وناس يتمنوا موتي
محمود" بتنهيدة: بس انا من النوع الاول من الناس
ياسمين" بهزوة: صدقتك
محمود" بضيق: يا ياسمينة انتي علاش هكا
ياسمين" بغيض: انا هكا ارتحت , شن تبي مني
محمود: بس قوليلي وين بتمشي
ياسمين: مش طالعة من المخيم ارتحت بنعيش هنا طول عمري ومش طالعة وتو ندور وين نسكن مانبي لا افضال هذوك الشيبن ولا افضالك "مشت"
محمود" بضيق: يا ربي هالبنت جننتني علاش ماتحس بيا علاش؟؟
ميار" من وراه: صباح الخير
محمود" لفلها: صباح النور
ميار: كيف حالها اليوم "اشرت براسها ع ياسمين"
محمود" بتنهيدة: معصبة وماندري ع حال رجلها
ميار: وين رافعة دبشها
محمود: ماتبي تسكن مع جدودها
ميار" باستغراب: علاش
محمود: امس تعاركت هي واياهم وعصبت وطلعت برى من المخيم وانا لحقتها وجرحت رجلها ورجعتها بسيف وتو قالت ماتبي تسكن معاهم
ميار: والله هالبنت امرها غريب ف وحدة تعارك اجدودها
محمود" بضيق: هي كلها غريبة عجيبة ماعاد فهمتها
ميار: وتو وين بتقعد
محمود: ماندري
ميار: خليها شوي ترتاح وبعدين نكلموها
محمود: اوكي
ميار: وين جواد
محمود: راقد
ميار" باستغراب: راقد ولين تو
محمود: اي
ميار: غريب عمره مارقد لهذا الوقت شن قصته متغير
محمود: علمي علمك نتلاقوا بعدين "مشى"
ميار: حاسة ان فيه شيء متغير جواد وااااجد
(((((((((((((((((((((((((((((((((((؛))))))))))))))))))))))))))))))))))))))
جواد" فتح عيونه وطلع صورة ميار من جيبه وشافلها بضيق: صباح الورد وردتي حاولت نرقد ونحلم حلم بعيد عن واقعي بس للاسف ماقدر لا نرقد وحتى لو رقدت ما اظن حلمي برجعك ليا " قعمز ع السرير بتنهيدة: صباح جديد وانتي بعيدة عني يا ريد "قرب الصورة وباسها بقوة وبعدها: احبك احبك احبك لنهاية عمري "حط الصورة ف جيبه ووقف ومشى خدا دبشه وخش للحمام"
<<<<<<<<<<<<<<<<<<<<<<<<<<<<<<<
سجى" خشت للمستشفى ورقت بالمصعد لدور الثالث شافت قروبها واقفين مشتلهم: صباح الخير
الكل: صباح النور
مريم: كيف حالك
سجى: بخير
مريم: المفروض قعدتي ف الحوش اليوم لين تصحي زين
سجى: مانبي يفوتني ولا درس
د فادي" طلع من غرفته مصعب: بسرعة كل واحد فيكم يمشي لمكانه شن متجمعين هنا و "سكت لما شاف سجى"
سجى" حست قلبها يدق بقوة من الخوف عصبيته كانت حادة وكل يلي كانوا واقفين مشوا الا هي ومريم "
مريم" بهمس: سجى هيا نمشوا عن يفش غله فينا
سجى" تشوف لدكتور فادي يلي يشوفلها وحاسة بخوف وماتقدر تتحرك"
مريم" بهمس: سجى هي تحركي
سجى" نزلت عيونها ولفت ومشت"
د فادي" بصوت عالي: ســـــــــجى
سجى" غمضت عيونها من الخوف وحاسة قلبها بيطلع من مكانه "
مريم" بخوف: انا ماشية الحقي "مشت"
سجى" بسرعة فتحت عيونها تبي تقول لمريم تقعد معاها بس اختفت فجأة من قدمها زاد خوفها وخصوصا لما حست ان الدكتور فادي يقرب منها"
د فادي" جا قدامها"
سجى" فزت ووخرت شوي"
د فادي" رفع حاجبه مستغرب منها"
سجى" نزلت عيونها بخوف"
د فادي" باستغراب: خيرك
سجى" رفعت عيونها وشافتله بدون ماتتكلم"
د فادي" باستغراب: خيرك
سجى" بخوف: و ولا شيء
د فادي: كيف حالك اليوم
سجى: ب بخير
د فادي" رفع حاجبه: متأكدة انك بخير
سجى" هزت راسها بنعم"
د فادي: اوكي بري لمكانك
سجى" لفت ببطئ ومشت وحاسة قلبها يدق من الخوف : بسم الله شن صابني علاش هكا خايفة!! "
د فادي" رفع حاجبه: خيرها باين خايفة مني بس علاش خايفة انا شن درتلها؟؟؟
"""""""""""""""""""""""""""""""""""""""""""""""""""""""""""""""""""""""""
في المخيم
ميار" مقعمزة ف المطعم وتشوف لطاسة فيها لمية وسرحانة : زعمة جواد خيره متغير ؟ خاطري نعرف شن فيه مانقدر نرتاح لين نعرف خيره
: ف شن سرحانة
ميار" فزت بقوة ورفعت عيونها بفزع"
رمزي: ههههههههه خيرك
ميار" كشمت: هذا انت؟
رمزي: هههههههه لا غولتي "خدا الكرسي وقعمز: هههه في من كنتي تفكري
ميار" ارتبكت: ولا حد
رمزي" بخبث: اها صدقتك لو ماكنتي سرحانة لحسيتي بيا لما وقفت قدامك اعترفي ف من كنتي تفكري
ميار: ولا حد بس سرحت شوي
رمزي: اوكي ماتبي تحكي ع راحتك بس علاش مافطرتيش "شاف للفطور يلي قدامها: ماكليتي شيء
ميار" ابتسمت: ماباش يتعدى وانا بروحي
رمزي" ابتسم: واذا كنت انا معاك
ميار" ابتسمت بخجل: اذا كنت معايا اكيد ناكل
رمزي" ابتسم ووقف: تواني نجيب فطوري ونجي ناكلوا "ابتسم ومشى"
ميار" ابتسمت وقعدت تشوفله لين رجعلها "
رمزي" حط فطوره ع الطاولة وقعمز وابتسم: يلى كولي
ميار" ابتسمت بخجل وبدت تأكل "
رمزي" ابتسم وبدا يأكل وكل شوي يشوفلها"
جواد" خش للمطعم واتجه طول لجهة يلي يقدموا ف الفطور: السلام
شاب: وعليك السلام كيف حالك ؟
جواد: بخير
الشاب: تبي فطورك كالعادة؟
جواد: لا اليوم نبي بس طاسة شاهي وطاسة نسكافيه
الشاب: بدون شيء؟
جواد" هز راسه بنعم"
الشاب: بس بروحهم وع الفطور ضارات
جواد: انت جيبهم ولا تهتم
الشاب: اوكي ع راحتك " مشى ووتاله فطوره ع السريع وجابه مدهوله بابتسامة: جبتله معاهم حليب وتمر
جواد" ابتسم لشاب: الله يعطيك الصحة "مشى خدا فطوره واتجه لطاولة وحط الصفرة و قعمز و خدا طاسة الشاهي وبدا يشرب رفع راسه وانصدم لما شاف ميار مع رمزي مقابلينه ويفطروا ويهدرزوا ويضحكوا حس بنااااار داخله حط طاسة الشاهي يلي ف ايده و خدا طاسة الحليب شربها ف مرة وحدة يبي يطفي النار يلي داخله بس حس ان النار زادت اكثر وهو يشوف لميار يلي تتبسم لرمزي بخجل ورمزي يلي يشوفلها بنظرات هيام و يهدرز معاها , ف خاطره: خيرك يا جواد ما انت عارف انهم يحبوا بعض علاش مضايق وعلاش تشعل ف النار ف داخلك وانت عارف انهم يحبوا بعض لازم تتعود ع وجودهم دايما ف وجهك ومع بعض وهذا قليل فلي بيصير مستقبلا "قعد يشوفلهم بس حاس بناااار كل شوي تقوى وتزيد وحس انه مخنوق وقف ومشى طلع , وتنفس بقــــــــــــــــــوة : ااااه
محمود" بخوف: جواد فيك شيء
جواد" لفله ببرود: لا
محمود" تغاضى عن الموضوع وابتسم: صباح الخير
جواد" بهدوء: صباح النور
محمود: غريبة اليوم راقد لين تو فيك شيء
جواد" بهدوء: لا
محمود: شن فطرت
جواد: اي وتو بنمشي عندي شغل "مشى بدون مايخلي فرصة لمحمود يرد"
محمود" باستغراب: هذا خيره "خش للمطعم ومشى لجهة يلي الموظفين: صبحوا
شاب: هلا صباح النور
محمود: وتيلي فطوري وكالعادة
شاب: اوكي
محمود" لف وشاف ميار ورمزي عصب : اها فهمت علاش جواد متغير اكيد اكيد شافهم واضايق "لف لشاب : اسمع جيبلي فطوري غادي "مشى لميار ورمزي : السلام
الاثنين: وعليك السلام
محمود" خدا كرسي وقعمز وشافلهم : الجو حلو اليوم
ميار" ابتسمت: اي
رمزي" ف داخله: يا ربي هذا شن جابه تو مانتهنوا بروحنا ولو شوي "
محمود" ف داخله: والله مانخليك تتهنى بكل: مالا وين سند مخليه وانت مقعمز هنا
رمزي: قال تو نفطر بعدين
محمود: اها " جاء الشاب وحط فطور محمود : صحيت
الشاب: الله يسلمك "مشى"
محمود: بعدين نبيك يا ميار
رمزي" رفع حاجبه: وشن تبي منها
محمود" رفع حاجبه: وانت شن دخلك
رمزي" عصب بس سكت"
ميار" شافت لرمزي وعرفت انه معصب شافت لمحمود: وشن تبي مني
محمود: سر بيني وبينك
ميار" شافت لرمزي : اها
رمزي" حاول يمسك اعصابه لا تفلت"
سند" جاهم: هلو صباحو شنجو شبابو
الكل: هههههههههههههههه
سند" قعمز ع الكرسي: شبوكو قلتو شيو انو باشو تضحكوا
محمود: ههه ل ههه لا ما هههه قلت ههه ش هههه شيء ههه يضحك ههههه بس ههههههه انت ههههه نكتة هههههه
الكل: ههههههههههه
سند" ابتسم ابتسامة عرضة: هههه عارف روحي انا بهارات تحلي ف جوكم
رمزي: هههه اي والله
سند: الله يخليني ليكم ولا يحرمكم مني والله يحفظني وشكرا يا انا
الكل: هههههههههه
"""""""""""""""""""""""""؛؛؛؛؛؛؛؛؛؛؛؛؛؛؛؛؛؛؛؛؛؛"""""""""""""""""""""""""""
سجى" شاده ملف وادور ع المرضى تطمن عليهم خشت لحجرة مريض وابتسمت: كيف حالك اليوم عمي
الرجل: بخير يا دكتورة احسن من الايام يلي فاتت
سجى: اها كويس
: السلام
سجى" دق قلبها لفت للباب طول"
د فادي" خش وتجاهل يشوفلها قرب من المريض بابتسامة: كيف حالك اليوم
الرجل: بخير
د فادي" بابتسامة: ان شاء الله بعد يومين نعطوك ورقة خروج
الرجل: ان شاء الله
د فادي: هات نقيس ضغطك
سجى" تشوفله وهو يقيس ف ضغط المريض ويطمن فيه وهو يبتسم حست انها تشوف لانسان غير الانسان يلي تكرها وتخاف منه
د فادي" كمل وابتسم: لا صحتك تمام التمام وان شاء الله ف تحسن
المريض : الله يبارك فيك يا دكتور
د فادي " ابتسم للمريض : ويبارك فيك ويطول ف عمرك " لف لسجى جت عينه ف عينها "
سجى" رجع قلبها دق من الخوف"
د فادي " بعد عيونه بسرعة عنها: اذا تعبتي ارتاحي ولا ترهقي نفسك اكثر لا تنسي انتي مريضة " لف وطلع"
سجى" انصدمت : هذا شن قال ؟؟ قال لا ترهقي نفسك ؟؟"لفت لباب لقاته طلع: هذا واحد اكيد مش طبيعي مش عارفه شن يلي غيره؟؟؟؟
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛""""""""""""""؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
طلعوا من المطعم وهما يضحكوا
ميار: هههههههه والله خلاص عييت من الضحك
رمزي: ههههه وربي سند نكتة
سند: احم احم باش تعرفوا انا جوهرة ثمينة
محمود: وسمينة بعد
الكل: ههههههههههههههه
سند" بزعل: ماني سمين انت اسمن مني " ابتسم وغمزله: يا بطريق
محمود" سكت من الضحك"
سند: شن زعلت
محمود" لف لميار: تعالي نبيك "مشى"
رمزي" لف لميار بغيض: شن يبي منك
ميار" ابتسمت: موضوع
رمزي" بغيض: وشن هالموضوع اه
ميار" باستغراب: خيرك معصب
رمزي: قوليلي شن يبي منك
ميار" وهي قعدة مستغربة منه : اكيد ع ياسمين
رمزي: ومن قلك عليها
ميار: لان تكلمنا الصبح عليها وهو قلي نتلاقوا ونكملوا
رمزي: اها وشن القصة
ميار: ياسمين معش تبي تسكن مع جدودها قال تعاركوا ومش عارفة شن القصة المهم يبيني ندورله ع مكان تقعد فيه
رمزي: اها
ميار: انا ماشية "مشت"
رمزي" بغيض: وشن مالقاش الا هي
سند" باستغراب: علاش انت معصب
رمزي" لفله بعصبية: وتسأل ثاني علاش معصب
سند: هاك عرفت شن يبي منها
رمزي" بغيض: ماندري هالشباب يلي مصاحبتهم مايلقوا ف غيرها لين تساعدهم والا عمدا يبوها اربعة وعشرين ساعة بجنبهم "مشى وهو معصب"
سند: يا ربي هذا شن صابه صارت غيرته لا تطاق
""""""""""""""""""""""""""""""""""""""""""""""""""""""""""""""""""""""""""
ميار " تمشي: مرات طلعت برى من المخيم
محمود" يمشي ويتلفت: لا هي اكيد قعدة هنا "لمحها من بعيد مقعمزة ع كرسي: هاه هاهي
ميار" لفت وشافتها: اها
محمود" لف لميار : كيف نخلوها تقعد هنا ونلقولها مكان تعيش فيه
ميار" ابتسمت: ف مكان تعيش فيه
محمود: وين ؟
ميار" ابتسمت: معايا
محمود" ابتسم: اي والله فكرة حلوة تكون معاك
ميار" ابتسمت: اي وانا من زمان نبي من يشاركني
محمود: بس ان شاء الله تقبل هذه راسها كاسح
ميار: هههه وانا راسي اكسح منها
محمود: ههههههههه صدقتي
ميار" بزعل: والله
محمود" ابتسم : انتي قلتي
ميار" بزعل: اذا هكا برى دبر راسك معاها
محمود: يوووه زعلتي
ميار" ابتسمت: اكيد لا اسمع خليني انا نمشي نكلمها وانت خليك هنا
محمود: اوكي بس اذا احتجتي دعم ناديني
ميار" غمزتله: اكيد "مشت"
محمود: يا رب تقتنع يا رب
ياسمين" تفكر وحااااسة روحها مضاااايقة ومخنووووقة حست ان حد قعمز جنبها لفت بسرعة كانت تتوقع محمود بس لما شافت لميار عصبت" انتي هي شن مقعمزة هنا ضاقت الدنيا
ميار" ابتسمت: صباح الخير كيف حالك ياسمين
ياسمين" بغيض: انتي جاية لتقولي صباح الخير
ميار" ابتسمت: وفي شيء احلى من الواحد يصبح ع الناس يلي يحبهم
ياسمين" بغيض : ومن قال انا نحبك
ميار" بابتسامة: مش ضروري تحبيني بس انا نحبك
ياسمين" بهزوة: يا روحي انتي ترى بلا رومنسية زايدة انا مانحبها
ميار: يعني ماتصدقي اني نحبك
ياسمين" بغيض: بس انا نكرهك ومايهمني تحبي ولا جعلتك لا تحبي
ميار" ابتسمت ولفت عنها وشافت القدام: شوفي لناس قدامك كلهم ليهم من يحبهم ومن يكرههم " شافت لياسمين: ومن بين هالناس فيه اكثار يحبوك ويبوا مصلحتك
ياسمين" بهزوة: والله بس انا يلي شايفاته ان فيه اكثار ناس يحبوك ويبوا رضاك بريلهم احسن من القعدة قدامي "لفت وجهه"
ميار: بس انا من بين كل هالناس نبيك انتي
ياسمين" شافتلها بربع عين: وشن تبي مني يا انسة
ميار" ابتسمت: نبي نصاحبك
ياسمين: ههههههههههههه
ميار" باستغراب: علاش تضحكي
ياسمين: ههههه انتي تصاحبيني
ميار: اي اذا تحبي
ياسمين" شافتلها من فوق للوطى ووقفت ومشت"
ميار" استغربت ولفت لمحمود يلي واقف بعيد"
محمود" اشر براسه تلحقها"
ميار" وقفت ولحقت ياسمين وحادتها : ياسمين
ياسمين" بغضب: شن تبي مني
ميار: قولي وين ماشية وسايقة دبشك
ياسمين" وقفت ولفتلها: وانتي شن علاقتك
ميار: شوفي تبي الصراحة انا عارفة يلي صار وانتي تعاركتي مع جدودك و تبي تمشي وتخليهم
ياسمين" كتفت ايديها: ياسلام باين قصتي انتشرت بين الناس
ميار: انا ماسمعتها من الناس
ياسمين" رفعت حاجبها: ومن مني سمعتيها
ميار: من محمود
ياسمين" بعصبية: وعلاش حضرته يقلك اه انتي من ليقتلك على مشاكلي وشن مافي سيرة غير قصتي يحكيهالك ويفوت فيه الوقت معاك
ميار" باستغراب: اسم الله اسم الله خيرك عصبتي
ياسمين" بعصبية حادة: والله وتسألي ثاني علاش عصبت قولي قولي شن بققلك ثاني عني
ميار: ماقال شيء غير انه يبيك تقعدي هنا ف المخيم
ياسمين" رفعت حاجبها: وشن يبي ثاني حضرته
ميار: ياسمين محمود مشغول عليك واجد وخايف تطلعي من المخيم وتمشي بعيد
ياسمين" بهزوة : اها وقلك برى يا ميورة اقنعي هالصغيورة تقعد وماتمشي بعيد لأنها ماليها حد وماتقدر تتصرف بروحها
ميار: لا بس قلي لا تخليها تمشي لان المخيم بلاها مايسوى
ياسمين" سكتت وسرحت بعيد"
ميار" ابتسمت: شن رايك تعيشي معايا
ياسمين" عقدت حواجبها: معاك
ميار" ابتسمت: اي فكرة تعيشي معايا لأني بروحي يعني انا وانتي بنات بروحنا وع راحتنا صدقيني مرح ضايقك ابدا ولا مدخلا ف شيء يعنيك وكل وحدة تتصرف ع راحتها ها اتفقنا
ياسمين"رفعت حاجبها: لا حبيبتي انا مانبي افضالك وجمايلك
ميار: هذه مش افضال ولا جمايل بعدين انا مش مستقبلاتك ف حوشي لين نجمل عليك المخيم للكل وملك للكل مافي مكان محدد لحد
ياسمين" رفعت حاجبها: اسمعي يا هيه انتي انا مايشرفني نقعد معاك ف نفس المخيم تبيني نقعد معاك ف نفس الدار لا عيوني
ميار: باهي وين بتقعدي
ياسمين: انتي ماليكش دخل بيا
محمود" جاهم : انتي هنا وانا ندور عليك
الاثنين" لفوله"
محمود" يشوف لميار: وينك من امبكري ندور عليك
ميار" مستغربة: خير شن تبي
محمود" ابتسم: نبيك ف موضوع هام
ميار" شافت لياسمين: بعدين شوي
محمود" شاف لياسمين : لا تو ضروري ضروري
ياسمين" بغيض: بري معاه باين الموضوع مهم لين يدور عليك من الصبح
ميار: بس اصبر شوي "لفت لياسمين: قولي بتقعدي اعمايا ولا لا
ياسمين: قلت تـــ
محمود" قاطعها: شن شن قلتي تقعد معاك
ميار" شافت لمحمود باستغراب"
محمود" شاف لياسمين بربع عين: هذه المشردة تبيها تقعد معاك
ياسمين" بغضب: احترم نفسك ومافي غيرك مشرد
محمود" لف لميار: تبدي بهلولة كان تخليها تعيش معاك هذه وحدة ماتعاشرش بكل
ياسمين" بغيض: ع اساس انت التعاشر
محمود" رفع حاجبه: اي نتعاشر والا ناسية اني عايش مع جواد وعندي اصحاب وعندي ناس يحبوني "شاف لميار وابتسم : صح ميورة
ياسمين" بعصبية: تسحاب روحك شخصية هما اصلا مش طايقينك لكن بسييييف
محمود" ابتسم ولف لميار: ها ميورة تحبوني والا لا
ميار" مستغربة منه هزت راسها بنعم"
محمود" لف لياسمين بابتسامة: شفتي شفتي يحبوني مش زيك ماتنطاقي
ياسمين" بعصبية حادة: ومن قلك ماعندي حد يحبني والا ماننطاقش
محمود" رفع اكتافه: والله واضح عليك "لف لميار: ميورة فكك من تصديع الراس خليها ادبر روحها وين ماتتخد تتخد خليك مرتاااحة وياخدة حريتك بعدين باش يواتينا نتلاقوا ديما "غمزلها"
ميار" ابتسمت حست انها بدت تفهم"
ياسمين" بعصبية حادة : اذا كان هكا بااااهي تو تشوف
محمود" بهزوة: نشوف شن ؟
ياسمين" قربت من ميار بغضب ومدت ايدها بغيض: هاتي المفتاح
محمود: لا لا لا ميورة لا تعطيها المفتاح والله بعدين تندمي
ياسمين" بعصبية: قلت هاتي المفتاح مش ليك ساعة تقوليلي تعالي اسكني اعمايا
ميار" طلعت المفتاح ومدتهولها وهي تحاول تكون هادية وتشد روحها عن تضحك"
ياسمين" خدت المفتاح بغضب ولفت لمحمود: تو تشوف من اليوم بنكد عليك حياتك وحياة كل يلي تحبهم "مشت"
محمود و ميار انفجروا ضحك: ههههههههههههههههههههههههههههههههههه
ميار: هههههههههههههه والله اخطر منك ماشفت
محمود" غمزلها: باش تعرفي عندي افكار جهنمية
ميار: هههههههه اي والله بس تعرف والله من الاول مافهمت عليك بس ف الاخير فهمت ههههههه
محمود" ابتسم: نعجبك انا , بعدين مافي حد يعرف يتصرف مع هالمجنونة غيري
ميار" ابتسمت: اي والله "شافت جواد من بعيد , بصوت عالي: جــــــــــــــــــواد
جواد" لفلهم"
ميار" اشرتله: تعال
جواد" مشالهم . يا ربي هذه شن تبي مني ما اقدر سيطر ع مشاعري وانا قريب منها وما نقدر نوقف قلبي عن الدق لما نكون قريب منها . وصللهم : صباح الخير
ميار" بابتسامة: صباح الورد شن اخبارك
جواد" بهدوء: بخير وانتي؟
ميار" بابتسامة: انا راااايقة اليوم وجوي تمام
جواد" اكيد لأنك فطرتي مع حبيب القلب"
محمود" ابتسم: شكرا يا ميار ع معاونتك والله يصبرك عليها
ميار" بابتسامة: هذا واجبي ولو بعدين انا نحبها
جواد: ع من تتكلموا
ميار: ياسمين متعاركة مع جدودها ونهضت دبشها وماتبي تولي قلت نخليها تسكن معايا
جواد" بهدوء: اها "سرح بعيد"
ميار" باستغراب: جواد فيك شيء
جواد: لا
ميار: حاسة انك متغير
جواد: مافيا شيء سلام "مشى . لك اااخ فيا وفيا وفيا اشيااااااء مش شيء واحد بس لو تحسي"
ميار" تشوف لجواد: مش طبيعي انا متأكدة
محمود: اي والله وانا حاس انه متغير
ميار" لفت لمحمود: ماقلك شيء
محمود: لا , خليه ايام ويولي لطبيعته تو بنمشي سلام "مشى"
ميار" تنهدت: يا رب مايكون صاير معاه شيء خطير "لفت ومشت للمستوصف"
))))))))))))))))))))))))))))))))))))))))))))))))))))))))))))))))))))))))))
في الكلية
سناء" واقفة مع سعد في قاعة : تمام
سعد: ماعندك شيء تو
سناء: لا عندي محاضرة
سعد: فوتيها وخليك اعمايا
سناء: بس مانقدر نفوتها محاضرة مهمة
سعد: حياتي مافي شيء اهم من اللحظات يلي نكونوا فيها سوى وبعدين انتي بتخلي القراية بتخليها
سناء: ومن قال بنخليها
سعد: اكيد بتخليها اصلا لما نخطبك بتبطلي طول
سناء" حست بغضب بس ما قدرت تتكلم"
سعد: تعرفي يا حياتي اليوم طالعة حلوة "قرب ايده وحطها ع خدها"
سناء" فتحت عيونها بصدمة وبسرعة بعدت عنه شوي"
سعد: حياتي خيرك بعدتي
سناء" بربكة: سعد انا لازم نمشي المحاضرة بدت
سعد" قرب منها: بس انا ماشبعت من شوفتك
سناء" بربكة: ااه بعدين نتلاقوا "مشت بس سعد شد ايدها فزت ولفتله "
سعد" بابتسامة: مافي روحه الا بشرط
سناء" بخوف : شن هو
سعد" قرب منها: بوسة هنا " اشر ع خده"
سناء" فتحت عيونها بصدمة "
سعد: يلى حبيبي عطيني بوسة وبري
سناء: سعد انا ما ما نقدر
سعد" قرب منها بابتسامة: بس انا نقدر "وقف قريييب منها وحط ايديه ع وجهها "
سناء" انشلت من الصدمة "
فــــــجـــــــــــــــــــأة
انفتح الباب
الاثنين لفوا للباب
سناء" شهقت بقوة لما لقاته عمار"
عمار" شلاته الصدمة من المنظر يلي قدامه"
سناء" عيونها ع عمار وحاسة بخوف غير طبيعي"
عمار" شافلها بنظرة كره واستحقار ولف ومشى"
سعد" لف لسناء: الزفت قطع علينا "ابتسم: وين وصلنا حبيبي
سناء" لفت لسعد ودفاته بقوة وعصبية: حول لا تقرب مني "مشت وطلعت بسرعة ادور على عمار وحاسة قلبها يدق بقوة : لا يا عمار لا تفهم غلط ارجوك لازم تسمعني "شافاته يمشي طالع برى من الكلية بسرعة مشت لحقاته وطلعت وراه لقاته كيف بيركب ف السيارة مشتله وشدت الباب قبل مايسكره"
عمار" لفلها وفي عيونه الدموع لما شافها عصـــــــب" شن تبي
سناء" بدموع: عمار اسمعني
عمار" بكره: انتي وحدة حقيرة تااافه "تفل عليها" اتفووووووه عليك وتفوووه ع قلبي يلي حبك
سناء" انشلت من الصدمة"
عمار "دفها وسكر الباب بقوة ومشى بسرعة"
سناء" بدت تبكي بــــــــقـوة ومشت بعيد عن الكلية وتبكي وماقدرت توقف دموعها كيف عمار شافها بهذا المنظر وكيف شك فيها وكيف يشوفلها بنظرات استحقار وكيف تفل عليها بدت تمشي بدون وعي وماتدري ع روحها وين تمشي
عمار" يسوق ف السيارة بسرعة جنونة ومنظر سناء والشاب يلي شادها بين عيونه .... ضرب الدومان بغضب: كييييييف خانتني كييييف انا نحبك كيف تخوووووووني وبهذه الطريقة كييييييف
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
في الموقع
احمد: تو بتمشوا
حسان: اي انتبه زين للموقع ولشباب وانت من اليوم لنروح المسؤول عن الموقع والمواقع يلي تابعتنا ولازم تحذروا ما نوصيك واذا صار شيء اتصل بيا بسرعة
احمد: ان شاء الله ما يصير شيء
حسان: امانة كان صار شيء تتصل بيا اول واحد
احمد: ان شاء الله
حسان" لف للمكان كله : هالمكان معلقة فيه روحي هذه اول مرة بنمشي ونطول وانا بعيد عنه
احمد: كم بتقعد يوم
حسان: اسبوع
احمد: اسبوع وتقول امطول
حسان" شاف لاحمد: حتى لو يوم انا مانطمن الا لما نكون بينكم وانت عارف الاحداث يلي صارت قبل خايف عليكم
احمد" ابتسم: اطمن احنا نقدروا ندبروا روسنا ولا تنسى محمود وجواد معانا
حسان" حط ايده ع كثف احمد: مانوصيك بجواد اذا جاء مضايق لازم تقعد معاه وتسمعه ولازم تكون مسانده
احمد: ان شاء الله
حسان: انا بنشوف الشباب ونسلم عليهم قبل ما نمشي وبنشوف بالك عندهم نواقص نجيبوهم انا والشباب
احمد" ضم حسان: الله يرجعكم سالمين
حسان: ان شاء الله وربي يرعاكم ويحفظكم "بعد عنه : يلى سلام "مشى"
احمد: وانا تعودت عليه "شاف للموقع: كيف بنشرف ع الموقع والمواقع الثانية بروحي
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ
ميار"خشت لقت ياسمين متكية ع السرير ابتسمت: ها عجبك المكان
ياسمين" قعمزت : امم يعني مقبول بس ياحلوة وين انا بنرقد والا ناوية ترقديني ع الوطاء
ميار" انتبهت انها مافكرت ف وين بترقد ياسمين: ااه اكيد لا بس ف تو نديروا حل
ياسمين" وقفت : تو اديري حل قبل اليل والا انتي بتطلعي من هذا المكان ودوري وين ترقدي "قربت من ميار بحقد: والا قولي لصاحبك البطريق يدورلك "مشت طلعت"
ميار" ابتسمت : ههه هالبنت فضيعة "طلعت ومشت للمستودع خشت لقت جواد ورمزي منهمكين يحسبوا بابتسامة : الله يعاون
محمود: الله يسلمك
جواد" حاس قلبه بدا يدق بقوة تجاهل يشوفلها مايبي يضعف اكثر"
ميار" قربت منهم : شن كل يوم لازم تحصوا
محمود" بتنهيدة: اي والله كل يوم ميار قولي لجواد يريحني شوي
ميار" ابتسمت: لا جواد زيد دق عليه
محمود" بزعل: صار هكا صار بدل ما تصخفي عليا تقولي زيده
ميار: ههههههه لا تزعل هو عارفه انك تعبت بس اذا ارتحت فبيقعد جواد بروحه ويتعب
محمود" شاف لجواد بابتسامة: يا عيني يا عيني ماتبيه يتعب وانا عادي نيالك والله يا جوجو ليك من يهتم بيك
ميار" ابتسمت ولفت لجواد تبي تشوف ردت فعله بس كان يحسب ولا كأنه سمع شيء حست بضيق"
محمود" لف لميار وشاف الضيق يلي ع وجها حب يغير الموضوع: ودكتورتنا جت هنا باش ترتاح يلى يلي بري لشغلك تو عمر مسكين حاصل بروحه
ميار" ابتسمت: عمر اليوم ماعنده حد وقلي ارتاحي
محمود: اها وجيتي هنا تعاوني فينا
ميار: لا بس جيت نبيك
محمود" رفع حاجبه : تبيني انا "اشر ع روحه"
ميار" هزت راسها بنعم "
محمود" ابتسم: وشن تبي مني
ميار: قبل كل شيء ماتبي تقلي ع الاقل قعمزي
محمود: لا لا قعمزي ع طول
ميار" مشت خدت كرسي وحطاته جنب جواد وقعمزت"
جواد" حس بشي يسري داخله وتنفسه زاد استنشق الهواء بقوة يبي يرجع تنفسه الطبيعي لمكانه بس ماقدر مع قرب ميار منه حاول يتماسك ومايفضح روحه قدامهم"
محمود: يلى يليى بسرعة شن تبي مني راني فضولي
ميار: مش ياسمين قبلت تسكن معايا
محمود: اي وشن صار تو عارضت
ميار: لا خشيت لقيتها قعدة بس نسينا مافكرنا وين بترقد ومافي غير سرير واحد ف المكان
محمود" ضرب جبهته: اووه والله نسيت
ميار: كيف انديروا
محمود" وقف : تو انا نتصرف "مشى شوي ووقف لفلهم : جواد عادي نمشي ترى مطر
جواد" شاف لمحمود ومش قادر يتكلم حاس لو فتح فمه بيتنفس بصوت عالي يفضحه اشر بايده لمحمود يمشي "
محمود" ابتسم: تنكيوا يا صاحب "مشى بسرعة"
ميار" ابتسمت ولفت لجواد: والله محمود ما في زيه
محمود" رجع بسرعة"
ميار: خيرك رجعت
محمود" بدهشة: نسيت اه اه مفتاحك
ميار" ابتسمت: الباب مفتوح فوت طول
محمود" مشى ووقف ورجع"
ميار: شن نسيت ثاني
محمود: الافضل تجي اعمايا تساعديني
ميار" وقفت: اوكي "لفت لجواد: بعدين نتلاقوا "مشت مع محمود"
جواد" اول ما طلعوا تنفس بقوة حاس انه كان كابس ع نفسه حط ايده ع قلبه وضغط عليه : اهدى يا قلبي اهدى ولا تنبض لوحدة ماتندري عليك اهدى ولا عاد ادق لقلب ناكرك " حط ايده ف جيبه وطلع صورة ميار وشافلها : اطلعي من قلبي وارتاحي وريحيني ارجوك اطلعي من قلبي ماعاد نقدر نتحمل اكثر تعبت والله تعبــــــت
^^^^^^^^^^^^^^^^^^^^^^^^^^^^^^^^^^^^^^^^^^^^
ميار ومحمود يمشوا ف الساحة
ميار: يعني نفضيلها مكان
محمود: انا تو ندير كل شيء بس انتي ساعديني بس اول شيء نبيك تلهيها شوي عنا
ميار: كيف
محمود: دوري الصغار يلي تلعب ديما اعماهم ف الكورة وخليهم يمشوا يقولولها نبوا نلعبوا باش تلعبهم وتلهى معاهم واحنا نكملوا كل شيء
ميار: اوكي
محمود" شاف حسان جاي استغرب: حسان شن جابه هنا
ميار: الله اعلم
حسان" قرب منهم بابتسامة: السلام
الاثنين: وعليك السلام
حسان" سلم ع محمود: كيف حالك
محمود: بخير وانت
حسان: تمام "لف لميار وابتسم ومد ايده: كيف حالك
ميار" سلمت عليه بابتسامة: بخير وانت
حسان" بعد ايده: وانا بخير شن اخباركم
محمود: الحمد لله كل شيء تمام انتم شن اخباركم وشن سبب زيارتك
حسان: كلنا تمام , والله جاي بنقلكم بسلامة لأني طالع اسبوع برى من المدينة ونبي منكم النواقص كان فيه
محمود: اه والله بتطلع
حسان: اي نبي نشوف عيالي ونجي
ميار: الله يرجهك سالم
حسان: ان شاء الله
محمود: بتمشي بروحك
حسان: لا عمايا اثنين من الشباب سبقوني جيت بنسلم عليكم وين الشباب
محمود: جواد ف المستودع ولخرين الله اعلم
ميار: هاهم سند ورمزي
رمزي وسند: السلام
الثلاثة: وعليكم السلام
رمزي" سلم ع حسان: هلا والله حسان نور المخيم
حسان: منور بيكم شن جوك
رمزي: تمام التمام
حسان" سلم ع سند: اهلا سند كيف حالك
سند: الحمد لله بخير وانت
حسان: بشوفتكم صرت بخير , انا مطر نمشي بس بنشوف جواد
رمزي: خيرك مستعجل خليك شوي
حسان: والله نبي نطلع برى من المدينة بس جيت نسلم عليكم بنشوف جواد ونبمشي "لف لمحمود : قلت ف المستودع
محمود: اي
حسان: سلام شباب " سلم ع محمود وضمه: بسلامة
محمود: بسلامة ورد بالك من روحك
حسان" بعد عنه : ان شاء الله وانتم انتبهوا زين "سلم ع سند وضمه: بسلامة
سند: الله يحميكم وبسلامة "بعد عنه: لا تنسى تسلم ع مدينتي شبر شبر حارة حارة بيت بيت دار دار رشادة رشادة نملة نملة
الكل: ههههههههههههه
حسان: هههه امرك واذا حاب نرفعك اعمايا احسن
سند: لا لا هنا انا مرتاح اكثر
حسان" لف لرمزي وابتسم وقرب منه وضمه: بسلامة نتلاقوا ع خير
رمزي: ان شاء الله مانوصيك رد بالك زين انت والشباب يلي معاك ع الحدود "بعد عنه: وكان تحب تو نرسل شباب يستقبلوكم برى من الحدود
حسان: لا مافي داعي بس نطلعوا ندبروا روسنا "لف لميار وابتسم: ميار
ميار" قربت منه بضيق : مانحب لحظات الوداع
حسان" مد ايده وسلم عليها وابتسم: ماحد يحبها بس مطرين
ميار" ابتسمت: الله يرجعكم سالمين انتبه زين لنفسك لا تنسى انت شخص مطلوب
حسان" ابتسم: اطمني ومانوصيك ردي بالك من روحك واهتمي بالشباب كلهم
ميار: اكيد انت اطمن
حسان" بعد ايده عنها ولف لمحمود: انا بنشوف جواد قول لعمر يكتبلي بسرعة النواقص شوي وندهم عليه
محمود: حاضر
حسان: بسلامة شباب "مشى"
محمود: انا بنكلم عمر ميار بعدين نتلاقوا ديري يلي قلتلك عليه "مشى"
رمزي" بغيض: شن يبي منك هالمحمود
ميار" لفت لرمزي وانصدمت من ملامح وجها يلي باين معصب لدرجة كبيرة "
رمزي" بعصبية: قلت شن يبي منك اه ومن الصبح وانتم مع بعض
ميار" بخوف: قلتلك ع موضوع ياسمين
رمزي" بغيض: وماتم هالموضوع
ميار" هزت راسها بلا" نبوا نديرولها سرير معايا
رمزي" لف بغيض ومشى وهو معصب: جواد وديما معاها ومحمود والنهار كله وهما مع بعض وحسان وسلمت عليه شن ناقص ادير جننتني هالبنت"
ميار" تنهدت بضيق وشافت لسند ولفت ومشت"
سند: اخ الله يهديه ويخفف من هالغيرة
{{{{{{{{{{{{{{{{{{{{{{{{{{{{{{{{{{{{{{{{{{{
جواد" يلهي ف روحه بالاحصاء باش مايفكرش ف ميار سمع طق الباب رفع عيونه: يا رب ماتكون هي
حسان" خش بابتسامة: السلام الله يعاون
جواد" وقف بابتسامة: وعليك السلام والله يسلمك "وصل لعنده وسلم عليه : كيف حالك
حسان: الحمد لله وانت
جواد: بخير تعال تعال قعمز
حسان: والله مستعجل جيت بنسلم عليك ونمشي
جواد: وين بتمشي
حسان: شن نسيت اني بنمشي برى من المدينة
جواد: اها اي اذكرت وتو بتمشي
حسان: اي والله الشباب تو يستنوا فيا شن كتبتلي النواقص
جواد: اي "طلع ورقة من جيبه: هاهم كل النواقص
حسان" حط الورقة ف جيبه: قلي شن اخبارك
جواد" بتنهيدة: والله يا صاحب مضاااايق
حسان: مالقيت حل لمشكلتك
جواد" هز راسه بلا"
حسان: انت لازم ادير حل ماتقدر تعيش طول عمرك تتعذب
جواد: وشن الحل كان عندك حل قلي وريحني
حسان" حط ايده ع كتف جواد: الحل الوحيد انك تخلي ميار هي يلي تختار هكا هي تكون مرتاحة مع من تختار
جواد" بضيق: هي خلاص اختاراته هو
حسان: مرات تغير رايها ف لحظة وتختارك , انت اهم شيء عندك تكون ميار مرتاحة صح؟
جواد: اكيد انا يلي يهمني ميار تكون مرتاحة حتى لو على حساب حياتي
حسان: خلاص خلي القدر يقرر وانت خليك تحبها ولا تحرم روحك من حبها لين يكتب النصيب وتكون معاك أو مع رمزي وانت تحبها حاول تبتعد عنها شوي لحتى تتعود ع بعدها هذه احسن طريقة
جواد" بتنهيدة: ان شاء الله نحاول
حسان" ابتسم: انا ماشي مانقدر نطول اكثر من هكا
جواد" ضم حسان : الله يحميك رد بالك من روحك
حسان: وانت انتبه زين "بعد عنه: مانوصيك كل فترة مر ع احمد وشوف شن يحتاج
جواد: اكيد اطمن
حسان: وكان فيه مواجهه اتصل بيا نجيكم طول
جواد: ان شاء الله مايصير شيء
حسان: هي سلام
جواد: ف حفظ الله
حسان" ابتسم: الله يحفظكم ويحميكم بسلامة
جواد: بسلامة نتلاقوا ع خير
حسان" ابتسم ومشى "
جواد" قعمز ع الكرسي وتنهد: اه احسن شيء اندير يلي قاله حسان نترك الاختيار لميار يمكن مستقبلا تختارني ويمكن الافضل لها تكون مع رمزي
**************************************************************
سناء" روحت للحوش وع طول خشت لدارها حذفت شنطتها واتكت ع السرير وانفجرت بكا : اااااااااااااااااااااااه يا عمار كيف تقلي هالكلام وكيف تشك فيا كيـــــــــــف والله ماساويت شيء والله ااااااااه بس لو خلاني نشرحله بس لو خلاني نقله شن صار ااااااااااااه يا عمار كيف تظلمني كيـــــــف ؟؟؟؟
============================================
فــــــــي الـــــيــــل
محمود" خش لقى جواد مقعمز وشاد اوراق: السلام
جواد" وعيونه ع الاوراق: و عليك السلام
محمود" قرب وخدا كرسي وقعمز قدام جواد: شن ادير ؟
جواد: كالعادة احصاءيات "رفع عيونه: وانت وين مشيت من الصبح
محمود" ابتسم: كنت مع ميار
جواد" حس بغضب: شن كنت ادير معاها بعدين علاش هالابتسامة شن صار بينكم لين تبتسم
محمود" بخبث: والله كنا ف موعد غرامي وانبسطنا اوي اوي
جواد" حذف الاوراق ع الطاولة بعصبية: شن شن قلت
محمود: ههههههههههههه شوي شوي ع اعصابك يا حلو هههه ما كنا لا ف موعد ولا بينا اصلا شن
جواد" بغيض: وشن كنت ادير معاها نهار اكله
محمود: ههههههه شن نسيت اني مشيت معاها نبي نساوو سرير لـــ " بصوت ناعم وخجل: لياسمينة
جواد" ماقدر يشد ضحكته: هههههههههه
محمود: خيرك تضحك
جواد" بضحكة: خيرك تقول فيها هكا " بتقليد لصوته: لياسمينة
محمود" بربكة: اه ولا شيء
جواد" ابتسم: اي قلي هذا كله وانت تساوويلها ف سرير
محمود" ابتسم : اي ودولاب وكل شيء تحتاجه باش تكون راضية ومرتاحة
جواد: يا عيني يا عيني والله نيالها ع هيك اهتمام
محمود" بهمس: اخ بس لو تحس فيا
جواد" سمعه ابتسم: شن قلت
محمود" بربكة: قلت اخ قداش تعبت " وقف: بنمشي نرقد ع طول تصبح ع خير حبيبي
جواد" ابتسم: وانت بخير حبيبي "ههه ان شاء الله بس تحس بيك"
::::::::::::::::::::::::::::::::::::::::::::::::::::::::::::::::::::::::::
ميار" متكية ع السرير وشاده كتاب من الكتب يلي عطاهملها رمزي وتقرى فزت بقوة لما انفتح الباب"
ياسمين" خشت وقربعة الباب وراها ومشت ووقفت ف نص الدار ولفت عيونها لدار وهي مصدووومة"
ميار" ابتسمت لما شافت صدمتها : مساء الخير
ياسمين" شافت لميار ورفعت حاجبها: هذا المكان يلي جيته الصبح والا انا غلطانة
ميار" ابتسمت: لا نفسه وانتي مش غلطانة
ياسمين" لفت لدار كانت كلها معلقة زينة وبالونات "نفاخة " وفيه سرير معلقة عليه الزينة ودولاب بجنب السرير ولون ع الوردي كان ديكور الغرفة كله متغير شافت لميار: من ساوواه
ميار" ابتسمت: عجبك
ياسمين" رفعت حاجبها : بايخ
ميار" ابتسمت: ترى هذا دوق محمود
ياسمين" لفت عيونها للغرفة تتمعن النظر فيها حست بشي من الفرح يسري داخلها ابتسمت ابتسامة بسيطة"
ميار" حاولت تخفي ابتسامتها ولفت عن ياسمين باش ماتعقدهاش"
ياسمين" بسرعة لفت لميار خافت تكون شافت ابتسامتها لما شافتها لاهية ف الكتاب اتجهت لسرير واتكت عليه , بنبرة حادة: اسمعي يا بنت انا نبي نرقد طفي هالضياي
ميار" لفتلها وابتسمت: حاضر من عيوني "طفت الضياي وخلت سهارة تقرى عليها "
ياسمين" تغطت وابتسمت من تحت البطانية وغمضت عيونها وهي تذكر ف محمود"
""""""""""""""""""""""""""""""""""""""""""""""""""""""""""""""""""""""""""
صــبـــاح يوم جــــديـــد
محمود" طلع من الحمام لقى جواد واقف ع المراية ويخلس ف شعره ويغني ابتسم واتكئ ع الباب ويسمع فيه"
جواد" مندمج ف الاغنية : انت ومعي بحبك انا قد المدى ,, انت ومعي مابدي من بعدك حدا,, انت ومعي قلبي ع الحب اهتدي,, عايش معك احلى دني..انت ومعي بشعر انا بشمس الدفئ,, انت ومعي خوف يلي ماليني اختفى,,انت ومعي ايدك عطف قلبك وفاء.. جنت ورود مزيني ااااه
محمود" صفر "
جواد" انخلع و لف لمحمود: من امتى واقف هنا
محمود" قرب منه بابتسامة: اييه من وقت طالع من الحمام شن هالرواق ع الصبح
جواد" ابتسم: ولا شيء
محمود" ابتسم: ولا شيء وانت تقول "بدا يغني": انت ومعي بحبك انا قد المدى ,, انت ومعي مابدي من بعدك حدا ,, قول قول شن عندك ع الصبح
جواد" ابتسم: هكا زاهيتلي اليوم
محمود: دووووووووووم يا رب تكون زاهيتلك قلي هالغنية لميار صح
جواد" ابتسم: لا
محمود" رفع حاجبه بنظرة خبث: امم اذا ماكانت لميار فاكيد اكيد بتكون لميورة
جواد" ابتسم: هيا انا طالع
محمود: برى اطلع تو نلحقك
جواد" لف وطلع وهو مبتسم استنشق الهواء بقوة: ااااه من اليوم بنبدا حياة جديدة "مشى "
:::::::::::::::::::::::::::::::::::::::::::::::::::::::::::::::::::::
سجى" خشت لدار سناء لقتها راقدة : سناء سناء
سناء" من تحت البطانية: شن تبي
سجى: وقت ع الكلية
سناء: مش ماشية
سجى: علاش مش ماشية
سناء" حذفت البطانية بعصبية: مش ماشية هكا كساد انت شن دخلك بيا
سجى" انصدمت من عصبية سناء: بسم الله خيرك
سناء" بعصبية: مادخلكش بري وخليني ف حالي "رجعت تغطت"
سجى" استغربة منها طلعت وخدت شنطتها ومشت لامها ف الكوجينا : يما انا ماشية
الام: وسناء شن ناضت
سجى: لا قالت مش ماشية
الام: خيرها شن مريضة
سجى: ماندري عليها بسلامة "طلعت"
+++++++++++++++++++++++++++++++++++++++++++
ميار" تلبس ف وشاحها بعد ما انتهت لفت لياسمين يلي مقعمزة ع السرير ابتسمتلها: ها ان شاء الله بس ارتحتي ف النومة
ياسمين" وقفت ورفعت حاجبها: يعني
ميار" قربت منها: له له شن السرير ماريحكش
ياسمين: لا والله النوم معاك هو يلي ماريحنيش "طنشت واتجهت للحمام"
ميار" انصدمت : هذه خيرها بلا اسلوب "ابتسمت: الله يعين محمود عليها "لبست شلاكتها "حذائها" وطلعت شافت جواد ماشي ابتسمت : صباحو
جواد" لفلها وحس قلبه يدق بقوة "
ميار" قربت منه: قلنا صباحو
جواد" ابتسم: صباح الورد
ميار" ابتسمت بحب: واخيرا شفت ابتسامتك والله رايفت عليها
جواد" بابتسامة: الله يخليك
ميار" قعدت تشوفله وهي مبتسمة"
جواد" حس بحرارته ترتفع ودقات قلبه تزيد اكثر فاكثر , بربكة: ميار خيرك
ميار" بابتسامة: انحبك
جواد" انشل من الصدمة حس كل الدنيا وقفت فجأة عدا قلبه يلي يدق بقوة بــــــــــــقوة بــــــقوة حس حتى تفكيره وقف من بعد كلمتها يشوفلها يبي يتأكد من الكلام يلي قالاته والا لا "
ميار" ابتسمت" جواد
جواد" حاول يطلع الكلام بسيف: نـــعم
ميار" ابتسمت: خيرك مصدوم ماتوقعت اني نحبك
جواد" بربكة: هو عارف بس
ميار" ابتسمت: انا نحبك والله العظيم انت اغلى شخص ف حياتي انا حياتي بدونك ماتسوى شيء انت الشخص الوحيد يلي يخليني نتمسك بحياتي الله يخليك ليا ومايفرق بينا
جواد "قعد حاس دقات قلبه ما انخفضت بتنهيدة: ميار وانا
انــــــحــــبــــــــ ــك
ميار" قربت وحطت ايدها ع كتف جواد وابتسمت"
جواد" بدا يتنفس بقوة , لااااا ما نقدر نتحمل اكثر قلبي بيطلع من مكانه ارجوك بعدي شوي "
ميار" بنبرة حب: اوعدني ماتخليني ولا يوم اوعدني نكونوا مع بعض طول حياتنا
جواد" ابتسم , يا ريـــــــــت والله يا ريت : بادن الله ما يفرقنا غير الموت "تهنى يلي فيك انمــــــــــــــوت"
ميار" ابتسمت شوي وفزت وبعدت ايدها عن جواد"
جواد" انصدم منها"
ميار" وهي تشوف بعيد: رمزي جاي
جواد" لف وشاف لقى رمزي رجع شاف لميار"
ميار" شافتله بخوف: يا رب مايكون شافني وانا حاطة ايدي ع كتفك
جواد" استغرب: علاش خايفة منه
ميار" وعيونها على رمزي : لأنه بيزعل ويضايق مني ويفكر بينا شيء "شافت لجواد: مانبيه يزعل ابدا "شافت لرمزي"
جواد" حاس انه انهااااار كليا بنبرة يأس: ما فهمت
ميار" وعيونها ع رمزي : رمزي عصبي وغيور وشكاك خايفة يكون شك ان بينا شيء "شافت لجواد بخوف: وانت عارف مابينا غير الصداقة والاخوة "شافت لرمزي يلي بدا يقرب: ما نبي نخسر الشخص يلي نحبه
جواد" حاس بطعنات داخل قلبه حاول يتماسك وما يبكي قدامها قرب منهم رمزي وهو مبتسم وصبح عليهم وبدا يتكلم هو وميار اما جواد فيشوفلهم وهو سرحااااان بعيـــــــد وحاس بجرح عميق داخل قلبه وهو يشوف لرمزي كيف يبتسم لميار وميار كيف تبتسم بخجل لرمزي بدون ما يستأذن منهم لف ومشى وكان يحاول يسرع ف مشيته باش يبعد عنهم قد ما يقدر بس رجليه حاسهم انشلوا ولبسيف يحرك فيهم"
ميار" استغربت: خيره مشى وما قال شيء
رمزي" ابتسم: بينه قولي شن حابة تفطري اليوم
ميار" ابتسمت: يلي تحب
رمزي" ابتسم: هيا "مشوا للمطعم"
جواد" وصل لاطلالة المدينة وقعمز بسرعة ع الكرسي وحط ايديه ع راسه دمعوا عيونه بسرعة طلع صورة ميار وشافلها: علاش يا ميار ساويتي هكا علاش قلتي نحبك مدامك تحبي رمزي علاش ساوويتي هكا قوليلي علاااااش حراااام عليك حرااام تبيني نقعد طول عمري معاك وانت تحبي رمزي اذا كنت بالنسبة ليك بس خو أو صاحب فانت بالنسبة ليا عمري وروحي ونبض قلبي يلي لو وقف نمووووووووت
**********************************************************
محمود" يمشي ف الساحة ويدور ع جواد: زعمة هذا وين مشى لمح ياسمين من بعيد ابتسم ومشالها : صباح الخير
ياسمين" لفتله وطنشت عليه ومشت"
محمود" لحقها وحاداها : قلنا صباح الخير
ياسمين" تمشي بدون ماتشوفله: لو سمحت انتلف عني
محمود: له خيرك معصبة ع الصبح ليكون بس المكان يلي رقدتي فيه ماعجبكش
ياسمين" وقفت وشافتله"
محمود" ابتسم: ان شاء الله بس عجبك المكان؟
ياسمين" رفعت حاجبها: يهمك يعني اذا عجبني والا لا
محمود" ابتسم بحب: اكيد يهمني عجبك صح
ياسمين" شافتله من فوق للوطاء وطنشت: قليل ذوووق الصراحة "طنشت عليه ومشت"
محمود" طووووووووووووووووط ... قعد واقف ف مكانه ويشوف للمكان يلي كانت واقفة فيه ياسمين يعني ف الفراغ ويراجع فلي قلاته لف ومالقاهاش تنهد بغضب وفار الدم لراسه : بنت الذين قالت قليل ذوق قالت هي يلي قليله ادب و قليله ذوووق " شاف جواد ماشي مشاله وهو معصب : تعرف الحق فيا انا
جواد" لف لمحمود وحاول يكون طبيعي وابتسم غصب : خيرك
محمود" بعصبية: تعرف تعرف قالت قليل ذوق قالت وانا يلي امس كله نساوو ونفتلك وفي النهاية تقلي قليل ذوق هي يلي قليلة نظر والله ثم والله بيجيها يوم ونقص لسانها الطويل
جواد" ابتسم: قصدك ياسمين
محمود" بعصبية وحرقة: قصدي السمينة المجنونة يلي مافيها عقل انا تقلي قليل ذوق انا
جواد" حاول يشد ضحكته: شن رايك نمشوا نفطروا باش تهدي شوي
محمود" بعصبية: لا طارت النية ف الفطور هي هذه تسكرلك النية ف الحياة مش ف الفطور "مشى"
جواد: وين ماشي
محمود" لف لجواد: للمطعم بنبل ريقي بشي حسني فورت "مشى"
جواد" هههههه هذا اذا ماكلى المطعم قله مانكون جواد ههههههههه "لحقه ووصل للمطعم وخش ورى محمود لمح ميار ورمزي حس بضيق اتجه لمحمود يلي واقف ع الشاب يلي يشتغل ف المطعم : صباح الخير
الشاب: صباح النور
محمود" بغيض: اسمع نبي عصير فراولا وعصير ليمون باش ينزل ضغطي ونبي طاسة نسكافيه وشاهي ونبي نص بالكبدة ونص بالمفروم وبيتزا وتست ويلي عندك كله نبي منه باهي
جواد" ماقدر يشد ضحكته: بهههههههههههههههههههههههههههاااااااااي
محمود" بعصبية: سكر فمك عن نقتلك
جواد" حط ايده ع فمه باش مايضحكش"
محمود" بعصبية: تو ماتقليش شن يضحك فيك
جواد" شد ضحكته وبعد ايده : اطلب مرة وحدة الغداء والعشاء والسحور كان تبي
محمود" بعصبية: انت تو تتمسخر عليا وانا ترى فيا معصب تو وقت مسخرتك
جواد" شد ضحكته: لا مانتمسخرش بس اشوي وتجي تطلب شيء ثاني فقلت نختصر عليك
محمود" بعصبية: ريح روحك انت "لف لشاب : لا تنسى يلي وصيتلك عليه فاهم "مشى "
جواد: هههههههه
الشاب" بصوت منخفظ: باين معصب صح كلما يعصب يطلب المطعم كله ويفش غله ف الماكلة
جواد: ههههههه اي والله معصب , وانا جيبلي نفس الفطوري كل يوم "مشى لقى محمود مقعمز مع ميار ورمزي تنهد بقوة يشجع ف روحه واتجه لعندهم : السلام
ميار ورمزي : وعليك السلام
جواد" قعمز"
ميار: وين مشيت امبكري
جواد: اذكرت شيء ومشيت قبل ماننساه
ميار: اها
جواد" لف لمحمود وشد ضحكته: خلاص يا هو هدي
محمود" بغيض: انت لا تتكلم فاهم قاعد تتمسخر عليا وانا معصب
ميار: خيرك معصب
محمود" بغيض: بعد كل التعب يلي امس تجي تقلي قليل ذوق هي يلي قليلة ذوق وقليلة ادب والحق عليا انا يلي اهتميت بيها ومانبيهاش تمشي لبرى والله كان ندري عليها هكا ناكرة للجميل لخليتها تنتلف وتفكني
ميار"لفت لجواد: قصده ع ياسمين
محمود" بعصبية: لا تذكري اسمها قدامي هالمكروها بعد كل شيء تقلي قليل ذوق
ميار" باستغراب: غريب امس ابتسمت لما شافت المكان
محمود" بصدمة: ابتسمت
ميار" بابتسامة: اي ولما قلتلها ذوق محمود ابتسمت اكثر
محمود" تنهد بقوة وبابتسامة عريضة: قولي والله
ميار" بابتسامة: والله
محمود" بصوت عالي: يس يس يس
جواد" شد ضحكته: خفض صوتك الناس يشوفولنا
محمود" ارتبك : ااه انا ماقلت شيء قصدي كويس انها رضت بيه
جواد" بخبث: بس كويس يعني مش فرحان
محمود" بربكة: فرحان ولاش بنفرح بس مستغرب علاش قالت قليل ذوق
ميار" بابتسامة: مرات حابة بس تغيظك لا غير وترقي ضغطت
الشاب " هو وشباب اخرين جاب يلي طلبه منه محمود"
رمزي" باستغراب: هذا شن ف ناس عازمينهم معانا
جواد" شد ضحكته: لا هذا لمحمود
رمزي" باستغراب: كله محمود
محمود" انتبه عليهم : شن هو لمحمود
جواد" شد ضحكته واشر ع الماكلة"
محمود" باستغراب: شن هذا "شاف للشاب: لمن هذا كله
الشاب" باستغراب: مش انت طلبته
محمود" اشر ع روحه: انا طلبت كل هذا
الشاب: اي
محمود" باستغراب: امتى صار؟
جواد" ماقدر يشد ضحكته: ب بههههههه
محمود" لفله : خيرك تضحك
جواد: ههههههه شن هههههههه نسيت ههه انك ههه قبل شوي ههه قلتله ههه يجيبلك هذا ههه كله
محمود" حك راسه : نسيت كنت معصب وطلبته
ميار: ههه وشن تو ماصارش
محمود" بربكة: لا شبعت
جواد" بهمس لميار: شبع من الفرحة
ميار" شدت ضحكتها"
محمود" لف لشاب: ارفعه من قدامي ترى فيا جمل بناكله كله
الشاب"شاف لجواد باستغراب"
جواد" شاد ضحكته واشرله يمشي"
الشاب" مشى ولحقوه يلي معاه"
محمود" لفلهم لقاهم شادين ضحكتهم عصب: خلاص عاد كنت معصب وماندري شن نقول
رمزي" بضحكة: انت كلما تعصب تطلب هكا
جواد: هههههه ومرات اكثر
ميار: ههه يفش ف غله ف الماكلة
رمزي: ههههه هذا باش سمين
سند" من وراهم: قول هذا باش بطريق
الكل: هههههههههههه
محمود" عصب: سكروا افامكم بلا مسخرة "لف لسند بغضب: وانت امتى جيت
سند" خدا كرسي وقعمز: من لما جابلك الشاب الفطور يلي يوكل قبيلة قصدي جمل
الكل: ههههههههههه
محمود" وقف بعصبية: ارقدوا فيها "مشى"
جواد" بصوت عالي: ماتبي تفطر
محمود" بعصبية: لا طااارت النية منكم "مشى"
جواد: ههههههههه والله نكتة
ميار: ليكون زعل بس
جواد" بابتسامة: متأكد ماشي يدور ع ياسمين بس مداير سبلة بانه زعل منا
سند: وشن دخل ياسمينة
ميار: ههههه هذا ياسيدي امس.......
*************************************************************
سجى" وصلت للمستشفى ونزلت من الباص شافت الدكتور فادي نازل من سيارته حست دقات قلبها زادت : يا ربي خيرني هذا كله خوف منه "مشت وماتبي ينتبهلها حست بحد ضرب كتفها وقفت جاااامدة لين نقز شيء قدامها فزت وحطت ايدها ع قلبها من الخوف
مريم" باستغراب: بسم الله شن صابك
سجى" عصبت :هذا انتي
مريم: ههه مالا من كنتي تتوقعي شبح مثلا
سجى" بغيض: لا
مريم" ابتسمت: صباح الورد
سجى: صباح النور "مشت"
مريم" لحقتها: خيرك معصبة ع الصبح
سجى: منك ومن تصرفاتك
مريم: معقولا بس لأني ضربت كتفك
سجى" وقفت : لا بس ماندري ماعندي جو اليوم "سكتت لما شافت الدكتور فادي خلف مريم"
مريم: اي عندك الحق هو الواحد لما يكون مع دكتور زي دكتورنا يكون اصلا عنده جو يجي
سجى" شافت لمريم وتأشرلها تسكت"
مريم: تعرفي من يوم جيت ف مجموعة الدكتور فادي كرهت عيشتي مش بس القراية وهو كل يوم فالح يكشخ ويتجكتر علينا
سجى" شافت لدكتور فادي بخووووف وطاح قلبها لما لقاته معصب "
مريم" استغربة من سجى يلي تشوف خلفها وخااايفة : خيرك شن فيه ورايا "لفت وشهقت لما شافت الدكتور فادي : اهئئ د دكتور
دكتور فادي" بغضب: كملي كملي انت واياها شن تبوا تقولوا
مريم" شافت لسجى بخوف"
سجى" بلعت ريقها من الخوف"
د فادي" الحقوني ف حجرتي "مشى"
مريم" لفت لسجى بخوف: يما يخوف شن بنديروا
سجى" بخوف: ماندري اهم شيء مايفصلنا
مريم: يفصلنا احسن من يعاقبنا
سجى: هيا هيا خلينا نشوفوا شن بيدي رويا رب مايفصلنا ماصدقنا وصلنا لهنا "مشوا وهما خاييفين وصلوا لحجرت الدكتور فادي ووقفوا , سجى لفت لمريم: خايفة
مريم: وانا رجليا انشلوا , سجى خلينا نهربوا بجلودنا
سجى : لا وين نهربوا خلينا نخشوا وامرنا لله
مريم: مالا خشي قبلي
سجى" طقت الباب"
د فادي" من الداخل : تفضلوا
سجى" فتحت الباب ببطئ وخشت ووراها مريم لقوه مقبل لروشن ويشوف البرى , لفت لمريم بخوف"
مريم" لفت بتطلع بس سجى شدت ايدها بهمس: يما خايفة
د فادي" بدون مايلفلهم: شن الكلام يلي حضراتكم تقولوا فيه اه
الاثنين سكتوا
د فادي" لفلهم بغضب وقرب منهم ووقف خلف طاولته بعصبية: شن الكلام يلي تقولوا فيه تكلموا
الاثنين شافوا لبعض بخوف
د فادي" ضرب الطاولة بايده بقوة خلتهم الاثنين يطيروا من الخوف , بحدة وهو يشوف لسجى : مالين مني وماعندكم جو , انتم دكتورات انتم كيف تقولوا ماعندنا جو شن معاينة المريض هي بالجو اذا كنتوا تتعاملوا بالجو فمن تو بطلوا احسنلكم غدوة تبدوا دكتورات يقولولكم تعالوا عندكم عملية تقولوا ماعندنا جو أو ف نص العملية يطير منكم الجو هذه اول مرة نسمع دكاترة يقولوا ماعندنا جو
سجى" بخوف: هو بس قصــ
د فادي" بعصبية: لا بس ولا شيء يلى انت وهي متـــــــ
سجى" قاطعاته بخوف: لا دكتور ارجوك لا تفصلنا الله يخليك دكتور تربح "بدت تبكي : لا تفصلنا والله ماقصدنا
د فادي" انصدم منها "
مريم" بخوف: دكتور هي مادخلهاش انا يلي تكلمت دكتور تبي تفصل افصلني انا مش هي
د فادي " وعيونه ع سجى: بس
سجى" تبكي : تربح يادكتور تربح اقسم بربي مستعدة نداوم ف المستشفى ليل نهار وتحت امرتك وطاعتك بس لا تفصلني ارجوك لا تفصلني "ماقدرت توقف وهي تبكي قعمزت ع الكرسي وبدت تمسح ف دموعها"
مريم: تربح يا دكتور افصلني انا بس سجى لا تفصلها
سجى" بدموع وعبرة: تربح يا دكتور لا تفصل ولا وحدة فينا تربح
د فادي" سكت ويشوف لسجى يلي تبكي وتمسح ف دموعها حس انه غلط مع انه قصده بس يهددهم مش يفصلهم شاف لمريم واشرلها تطلع"
مريم" لفت وطلعت"
د فادي " قرب من سجى وقعمز ع الكرسي يلي قدامها"
سجى" حست بيه رفعت راسها وبسرعة وقفت ولفت ع المكان يلي كانت واقفة فيه مريم شافت لدكتور فادي بربكة: وينها
د فادي" ماقدر يخفي ابتسامته : طلعت
سجى" بشهقة: بتفصلها؟
د فادي" هز راسه بلا وهو راسم ع وجها ابتسامة "
سجى" ارتبكت اكثر من ابتسامته الغريبة "
د فادي " اخفى ابتسامته بهدوء : تفضلي قعمزي
سجى" مسحت دموعها وقعدت واقفة"
د فادي " اشرلها : قلت قعمزي
سجى" قعمزت وهي تمسح ف اثار دموعها"
د فادي " بهدوء: سجى انتي دكتورة عارفة شن يعني دكتورة يعني مسؤولة ع حياة ناس مافي شيء ف الطب اسمه ماعندي جو
سجى" نزلت عيونها : عارفة يا دكتور والله عارفة
د فادي" بتنهيدة: مانبي هالشي يتكرر اوكي
سجى" رفعت عيونها وشافتله " نوعدك اني نكون مخلصة ف قرايتي وف عملي كله
د فادي: تقدري تو تمشي
سجى" وقفت: بارك الله فيك يا دكتور "لفت بتطلع"
د فادي" وقف: سجى
سجى" لفتله"
د فادي: هي اخر مرة سماح والله ثم والله يتكرر هالتصرف والا تصرف غيره رح تكون اخر يوم ليكم هنا انت وصاحبتك فاهمة
سجى" هزت راسها بنعم ولفت وطلعت "
دفادي" قعمز ع الكرسي وتنهد بقوة: اوووه الحمد لله قدرت نسيطر ع عصبيتي شوي مع ان كلامي الاخير كان قاسي بس ثاني مرة لا تسمح لحد يتكلم عندي هكا
سجى" لقت مريم مقعمزة ف الممر مشتلها وقعمزت جنبها"
مريم" لفت بخوف لسجى: شن قال
سجى" بضيق: انفصلنا
مريم" بصدمة: انا وانتي
سجى: اي انا وانتي يعني خلاص
مريم" تبكي: كيف يفصلنا كيف
سجى" ماقدرت تشد روحها : هههههه
مريم: خيرك شن هبلتي تضحكي واحنا بننفصلوا
سجى: ههه نبصر عليك
مريم: كيف يعني شن قصدك مش فاصلنا
سجى" ابتسمت: اي
مريم" بصوت عالي: يااااي
سجى: اس خفظي صوتك
مريم" بابتسامة: والله فرحت
سجى: مش ع اساس عادي تنفصلي
مريم: ههه لا ماصارش غيرت رايي
سجى: ههه قولي الحمد لله هو يلي غير رايه من بعد ماسمع كلامك
د فادي" بصوت عالي: قعدين انتم هنا
الاثنين وقفوا بسرعة
د فادي" بعصبية: يلى انت وهو بسرعة ع اماكنكم
الاثنين" بسرعة مشوا "
د فادي" تنهد وابتسم ولف ورجع لمكتبه"
"""""""""""""""""""""""""""""""""""""""""""""""""""""""""""""""""""""""
محمود" مشى باتجاه الملعب شاف ياسمين ومعاها الصغار واقفين ابتسم وقرب منهم واخفى ابتسامته ودار روحه معصب: هي يا بنت
ياسمين "لفتله ورفعت حاجبها : خير يا طير شن تبي جايني
محمود" حط ايديه ف جيوبه :ممكن كلمتين ع انفراد
ياسمين" بهزوة: ع انفراد شن امر سري
محمود: لا بس مانبي مشاكلنا تصل لصغار
ياسمين" لفت لصغار: قسموا ارواحكم شوي ونجي "بعد مامشوا الصغار لفت لمحمود وهي رافعة حاجبها : يلى تكلم بسرعة ماني فاضيتلك
محمود" بنبرة فيها الغضب: انتي كيف تقولي بلا ذوق اه
ياسمين "شهقت: اه وانت شن يعني مش قليل ذوق
محمود: والله يا حلوة انا يلي نعرفه انك قليلة احترام وتقدير
ياسمين" بعصبية: انت يلي قليل احترام بس نبي نفهم شيء واحد انت خيرك اعميا وين مانفر نلقاك وين مانطير تلحقني واي تصرف انديره نلقاك معارضه نبي نفهم شن قصتك يا اخي ترى مليييت منك خليني شوي ع راحتي
محمود" بهدوء: انا نبي مصلحتك سبق وقلتلك انك تهميني
ياسمين" ضحكت بهزوة: نهمك ؟ بس انت ماتهمني ابدا ولا في حد في هذه الحياة يهمني
محمود" بهدوء: علاش انتي هكا
ياسمين" بغضب: انا هكا من يوم يومي
محمود" تنهد : بس انا نبيك تتغيري
ياسمين: والله يا سيد بطريق انا عاجبتني روحي وشخصيتي مانبي نغيرها
محمود: ياسمينة ارجوك تفهمي انت لازم تتعودي تتعايشي مع الناس ولازم تحسني من اسلوبك باش يحبوك الناس مابتقعدي طول عمرك مع الصغار وبس الانسان يبي حد من سنه يتعامل معاه
ياسمين" بعصبية: انا هكا حرة نتصرف يلي نبيه ونساوي يلي نبيه بعدين مانبي حب من حد وانتلف عني قبل مانفش غلي فيك "لفت عنه"
محمود" تنهد بقوة : اه ياسمينة اسف كان ضايقتك بس والله نبي مصلحتك
ياسمين" بغضب: قلتلك انتلف قبل مانعدمك
محمود: حاضر بس تعرفي اهم شيء عندي انك قعدتي هنا والاهم الاهم ان ذوقي عجبك ياصغنونة هههه"لف ومشى وهو يضحك: ههههههه
ياسمين" عصبت ولفتله بصوت عالي: يالواثق انت تسحاب روحك بكل مبدع ترى ذوقك زفت زيك قليل ذووووووق "تنهدت بغضب: اه تااافه
:::::::::::::::::::::::::::::::::::::::::::::::::::::::::::::::::::::::::
💔عــنــدمـــا يبــكـــي الـرجــــال💔
فــأعــلــم أن الهـمــوم فــاقــت قــمــم
الجــبــال💔
::::::::::::::::::::::::::::::::::::::::::::::::::::::::::::::::::::::::::
بعد مرور اربعة ايام
ميار وياسمين عايشين ف نفس المكان بس مايتلاقوا دائما حتى لو تلاقوا مايكون بينهم كلام لان ياسمين ماتحب تتكلم مع حد وخصوصا ميار وانتوا عارفين ^_^
اما جواد فكان يحاول يتأقلم مع الوضع يلي اختاره ويحاول يتجاعل مشاعر ميار لرمزي ويتخايلها تحبه لحتى ما يصير حساسية بينه وبين رمزي
اما محمود حاول انه يبعد شوي عن ياسمين ويتجاهلها بعض الاحيان لحتى يحسسها انه بدا معش يهتم بيها يمكن تحس بقيمته يوم من الايام
وسناء معش مشت للكلية كانت تبي فترة ترتاح ومش طايقة تشوف حد وخصوصا سعد
سجى كل همها انها (تبيض وش) زي مايقولوا قدام الدكتور فادي بعد يلي صار كانت تحاول انها تركز اكثر على قرايتها وشغلها وتسمع كلام الدكتور فادي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صباحــــــا
جواد "مقعمز ف المطعم وحاط طاست العصير ويحرك فيها وسرحان ماحس الا بايد على كتفه فز ولف خلفه"
ميار" ابتسمت : صباح الخير يا حلو
جواد" حس دقات قلبه زادت وارتبك شوي : صباح الخير
ميار" خدت كرسي وقعمزت مقابلاته وابتسمت : في من سرحان
جواد" ابتسم: ولا حد
ميار" شافتله بنظرة تفحص: امم اعترف ليكون سرحان ف وحدة
جواد" ابتسم ف داخله مانسرح بغيرك وحياتك : لا ماني سرحان ف وحدة
ميار: قول انك ماتبي تقلي
جواد" ابتسم: مش قصة مانبي نقلك بس ماني سرحان ف وحدة , الحق ماندري باس متخلقن اليوم
ميار: خير فيك شيء انت مريض
جواد" ابتسم: لا لا تخافي بس يعني ما ارتحت ف النومة
ميار: سلامتك
جواد: الله يسلمك , شن اخبار ياسمين معاك
ميار: هالبنت مافهمتها دايما معصبة وماتبي تتكلم معايا حتى السلام ماترد فيه
جواد: هههه بس البنت طيبة وتنحب الصراحة مع ان خلوقها ماتنطاق
ميار" ابتسمت: اي والله وانا نحبها بس خاطري تتحسن لأني مليت وانا نحاول نحسنها ومافي فايدة
جواد: اصبري ومع الايام تتحسن للافضل
ميار: ان شاء الله
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
في المستشفى
د فادي"مجتمع بطلبته ف مكتبه : اليوم عندي عملية قلب ونبي ثلاثة بس يحضروا العملية
طالب: من هالثلاثة يا دكتور
د فادي "شاف لسجى"
سجى" ابتسمت يا رب يختارني"
د فادي" بعد عيونه عن سجى : بندير قرعة وبنختار ثلاثة بس
سجى" بهمس لمريم: يا رب يختارني يا رب
مريم: يا رب ماتجي القرعة فيا مانبي نحضر عملية
د فادي" دار اسماء الطلبة ف ورق واختار مكنهم ثلاث اوراق: الاسم الاول مروان
مروان: حاضر دكتور
الاسم الثاني : يسري
يسري: نعم دكتور
الاسم الثالث : مريم
مريم" بصوت عالي: اوولي
د فادي" رفع حاجبه: نعم
مريم" بخوف: صحة دكتور اختار غيري انا مانبي نحضر العملية نخاف
د فادي" بعصبية: انتي بعد ما اتخرجي بتطلعي دكتورة شن تخافي
مريم" بخوف: دكتور تربح والله نخاف والله مانقدر نحضر عملية بعدين انا بنتخرج ونقعمز ف الحوش اصلا مانبي نكون لا دكتورة ولا غيرها تربح اختار غيري
د فادي: لا مافي انتي بتحضري العملية يعني بتحضريها جهزوا ارواحكم بعد نص ساعة العملية "طلع"
مريم " تأففت: اووف سجى صحة كلميه
سجى: انتي عارفة مستحيل يقتنع مني
مريم: صحة حاولي وانتي خودي مكاني مش تبي تحضريها
سجى: تو نحاول بس خايفة يعصب عليا
مريم: صحة ع خاطري
سجى: امرك تو نكلمه "طلعت ادور عليه شافاته واقف مع ممرضة حست قلبها يدق بقوة من الخوف تنهدت تشجع ف روحها وقربت منه : دكتور
د فادي" لفلها"
سجى" بربكة: نبيك شوي
د فادي" لف للممرضة: ساوي يلي قلتلك عليه " لف لسجى : نعم
سجى" بتوتر: دكتور مريم صاحبتي
د فادي" قاطعها : لا تقولي ماتبي تحضر العملية
سجى: دكتور هي والله تخاف من العمليات
د فادي: حد قاللها تخش طب يلي بيخش طب يعرف روحه بيحضر عمليات وبيدير عمليات
سجى: هي عيالها غصبوها
د فادي" بعصبية: انا مادخلني بيها وهذا القرار بتحضر غصب عنها
سجى" بخوف: باهي يا دكتور خليني انا نحضر بدلها
د فادي: لا والله مافي وغصب عنها هي تحضر مافي مجال لنقاش "لف ومشى"
سجى: اوف عارفة انه راسه يابس "لفت ومشت لمريم "
مريم: ها شن صار
سجى: ماوافقش
مريم: اووووف
سجى: الله يعينك بتتحملي وخلاص
د فادي" خش لمكتب الدكتور غيث : السلام
د غيث" وقف : وعليك السلام "قرب منه وسلم عليه: كيف حالك
د فادي: تمام وانت
د غيث: بخير تعال قعمز
د فادي: لا بعد شوي عندي عملية
د غيث: اها اي نسيت اليوم عمليتك صعبة
د فادي: اي الله يستر,
د غيث: خيرك مضايق هي مش اول مرة تساوي عملية زي هذه
د فادي: اي عارف بس نسبة النجاح عشرة ف المية
د غيث: توكل ع الله
د فادي: ان شاء الله تنجح
د غيث: بتخلي سجى تحضرها
د فادي: لا مستحيل العملية احتمال كبير ماتنجح تبيني ندخلها باش تشهد ع موت شخص
د غيث: يعني ما اخترتها
د فادي: ما كتبت اسمها اصلا ف يلي قرعت عليهم لأني كنت خايف القرعة تجي عليها بس تو جتني تبي تاخد مكان صاحبتها بس انا ماسمحت لها مانبي تحضر عملية فاشلة
د غيث: تخاف عليها
د فادي" بتنهيدة من القلب: اكيييد مانبي شيء يأثر فيها
د غيث: نيالها والله تحبها لدرجة ماتبي شيء يخليها تضايق
د فادي" تنهد : بس يا ريت تحس
د غيث: وعلاش ماتقلهاش وترتاح
د فادي: مانقدر والله مانقدر خليها هي تحس
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
ميار وجواد " طلعوا من المطعم لقوا سند ورمزي كيف بيخشوا"
رمزي" حس بغضب"
سند" بابتسامة: صباح الخير يا اهل الخير
جواد وميار" ابتسموا: صباح النور
رمزي" حاول مايبين غضبه: صباح الخير
جواد:صباح النور
ميار" ابتسمت: صباح النور كيف حالك؟
رمزي: بخير وانتي
ميار" ابتسمت: تمام التمام
سند: ها سبقتونا ع الفطور
جواد: اي فطرنا امبكري وقعدنا نهدرزوا
رمزي" بفضول: ع شن كنتوا تهدرزوا
جواد" شافله : كل شوي موضوع "شاف لميار : تعالي نبيك شوي "لف لشباب: بعدين نتلاقوا
ميار: سلام شباب "مشت هي وجواد"
رمزي" بغيض: شن يبي منها هذا
سند: انت خيرك معصب
رمزي" بعصبية: نشوفهم مع بعض وماتبيني نكون معصب فعلا انك غبي
سند" بغضب: هيا انا جيعان كان تبي تلحق الحق "مشى"
رمزي" لحقه: سند خيرك غضبت
سند" يمشي ومعصب: كان تبي تعرف خيرهم الحقهم ونكد عليهم وع حياتك بهذه الافكار "قعمز ع كرسي وشاف لرمزي بغيض: واذا كنت انا غبي فأنت مجنووون ميار تحبك وانت تبي تفسد العلاقة يلي بينكم بهذه الافكار
رمزي" قعمز: عارف انها تحبني بس جواد علاش ديما لاصق فيها
سند: لأنه صاحبها زي خوها فهمت خلينا نفطروا ومانبي ولا كلمة فاهم
رمزي" تنهد : امرك بس انت هدي
جواد" وقف ولف لميار "
ميار" ابتسمت: نعم شن تبي مني
جواد" ارتبك هو بس كان يبي يغيض رمزي: ااه هو انا الحق نبي نمشي للموقع
ميار" بضيق: امتى
جواد: خيرك اضايقتي
ميار: بطول صح
جواد: اي ثلاث ايام بنقعد
ميار" تنهدت وبعدت عيونها عنه"
جواد: قولي خيرك مضايقة
ميار" شافتله: جواد انا نبيك طول الوقت قدام عيني وانا عارفة كان مشيت للموقع تقعد غادي ايام وتخليني هنا
جواد" حس بفرح داخله": تبيني نقعد معاك
ميار" نزلت عيونها وبدت تحرك ف ايديها بثوثر: هو الحق انت عارف لما تكون انت بعيد عني تجيني الحالة "شافتله بضيق: مانبي الحالة تجيني وانت ب بعيد
جواد" ابتسم بضيق: بس انا ما بنقعدلك طول عمرك
ميار" بخوف: لا تموت كان تبي تموت خليني يا نموت معاك يا قبلك
جواد: مش قصة موت حتى وانا حي مابنقعدلك
ميار" نزلت راسها بحزن: بتتخلى عني
جواد" بنبرة ألم: انتي يلي يمكن تتخلي عني
ميار" بسرعة رفعت راسها : مستحيل نتخلى عنك
جواد" بهدوء: بس يمكن القدر يفرق بينا
ميار" عقدت حواجبها: كيف القدر يفرق بينا
جواد" بعد عيونه عنها وشاف لبعيد: حتى الخوت والخوات يتفرقوا حتى الام واولادها يتفرقوا كل واحد ليه حياته الخاصة "شافلها: وانتي ليك حياتك الخاصة يلي بتعيشيها مع من قلبك اختاره
ميار" نزلت راسها بضيق: وانت بتعيش مع من يختارها قلبك وتخليني
جواد" سكت ويشوفلها ماعرف يقلها انها الوحيدة يلي اختارها قلبه وهو متمني ان قلبها اختاره كان كلام واجد يجول ف خاطره بس مايقدر يقوله "
ميار" رفعت راسها وشافتله بحزن وضيق : يعني ف النهاية رح نتفرقوا صح
جواد" سكت ماعرف يقوللها القرار بيدها هي مش بايده "
ميار" شافتله بحزن ولفت عنه بنبرة ضيق: برى كان تبي تمشي والله يحميك "مشت "
جواد" تنهد بضيق: لو عني نقعد معاك طول العمر بس الموضوع مش بايدي بايدك انتي "لف ومشى"
::::::::::::::::::::::::::::::::::::::::::::::::::::::::::::::::::::::::::
ياسمين" فتحت الباب وطلعت شافت محمود يمشي وقفت تشوفله"
محمود" لف وجت عينه ف عينها بعد عيونه بسرعة عنه كأنه يطنش عليها وفاتها "
ياسمين" حست بضيق هالايام كلها وهو مش مستحمل يشوف لوجها حتى بالصدفة تنهدت بقوة ومشت تشوف ف جدها وجدتها ,,تحسنت اوضاعها معاهم وبدت تمشي تطمن عليهم كل فترة وتلبيلهم طلباتهم بس السكنة قعدة ساكنة مع ميار "
""""""""""""""""""""""""""""""""""""""""""""""""""""""""""""""""""""""""""
سجى هي وبعض من قروبها مقعمزين قدام غرفة العمليات يستنوا ف الدكتور فادي امتى يطلع من العملية
سجى" وقفت وبدت ادور بثوثر: ليهم اكثر من ساعتين يا رب استر
مرام: سمعت ان العملية صعبة واحتمال تفشل
سجى "شافتلها بخوف: من قلك
سلسبيل: وانا سمعت ان العملية صعبة
سجى" بخوف: الله يستر وان شاء الله بس تنجح
""""""""""""""""""""""""""""""""""""""""""""""""""""""""""""""""""""""""""
محمود "ف الغرفة مقعمز ع السرير ويشوف لجواد يلي يوتي ف روحه: خليني نمشي معاك والله فاد وانا هنا
جواد" لفله: لا خليك هنا اهتم بالشغل
محمود" بملل: يا اخي نقلك فاد تقلي شغل تربح خليني نمشي وانت كان تبي تقعد اقعد
جواد" قرب من محمود: لا لازم نمشي حسان موصيني نشوف الشباب وماشفتهم وانت خليك هنا وكان تبي برى يوم ثاني
محمود" بملل: اوكي بس غدوة راني لاحقك
جواد: حاضر غدوة الحقني "لف ومشى خدا سلاحه ودسه ف صاكوه ولف لمحمود : يلى بسلامة
محمود" اتكى ع السرير وحط ايديه خلف راسه: سلام
جواد: زعلان
محمود" شافله: يهمك
جواد" قرب منه وابتسم: طبعا يهمني والا ناسي انك صاحبي
محمود" بعد عيونه عنه: اكويس انك اذكرت اخيرا اني صاحبك
جواد: خيرك تتكلم هكا امتى انا نسيت انك صاحبي
محمود" قعمز وشافله : من فترة طويلة
جواد: محمود اذا عندك شيء قوله بصراحة لأني مستعجل
محمود: انا نبي نمشي معاك
جواد" بملل: وانا قلت لا خليك هنا وغدوة الحقني
محمود: والله انا خايف عليك
جواد" ضحك: من شن
محمود: هكا حاس بيصيرلك شيء
جواد" ابتسم: اطمن مش صاير شيء
محمود: لا تكون متأكد
جواد" ابتسم: مايصير الا يلي كاتبه ربك هي سلام "لف ومشى وصل للباب ولف لمحمود وابتسم : لا تزعل ولا تخاف عليا اوكي يا صاحب
محمود" ابتسم ابتسامة جافة : لو يكون معاك جنود الارض كلهم بنخاف عليك بنخاف
جواد" ابتسم: الله يخليك ليا يلى عطلت سلام "طلع"
محمود" بتنهيدة: الله يحميك
جواد" لقى ميار البرى استغرب: انت هنا
ميار" بضيق : ولو يكون معاك العالم كله ولو ندخلك داخل قلبي بنخاف عليك انخاف
جواد" استغرب منها وحس دقات قلبه زادت"
ميار" بضيق: لو محمود يخاف عليك انا شن بنقول عن احساسي
جواد" ابتسم: انتم خيركم اليوم شن اول مرة نمشي للموقع بروحي
ميار: ما يحقلي نخاف عليك
جواد" ابتسم: لا يحقلك بس انا ماشي للموقع مش ماشي لجبهة
ميار: عارفة بس انا "سكتت ونزلت راسها"
جواد" قرب منها وحط ايده ع كتفها: ميار
ميار "رفعت راسها "
جواد" ابتسم: مانبي نشوفك مضايقة ابدا ونبيك دايما مبتسمة
ميار: بوجودك نكون مبتسمة
جواد" بعد ايده عن كتفها وقعد يشوفلها وقبل مايتكلم نادى عليه سند لف "
سند ومعاه رمزي قربوا منهم
رمزي: سمعنا انك ماشي للموقع
جواد: اي بنمشي نشوف الشباب
سند: سلملنا عليهم
جواد: يوصل سلامكم يلى سلام شباب"سلم ع رمزي وسند ولف لميار ومد ايده وابتسم: نشوفك ع خير
ميار" سلمت عليه بضيق: رد بالك من روحك زين
جواد" بعد ايده وابتسم: اطمني يلى سلام "لف ومشى"
ميار" بصوت منخفظ: الله يحميك
رمزي: خيرك مضايقة
ميار" لفتلهم وشافت لرمزي : مانبيش يمشي
رمزي" رفع حاجبه وحاول يهدي شوي: والواه ماتبيهش يمشي
ميار: نخاف عليه
رمزي "حط ايديه ف جيوبه: وعلاش تخافي عليه
ميار" باستغراب: كيف يعني علاش نخاف عليه نخاف عليه لأنه يهمني
رمزي" بغيض: كيف يهمك
ميار: يهمني يعني يهمني لأنه صاحبي ونخاف عليه انه ينضر أو يصيبه شيء
رمزي" بغيض: اها
ميار: بنمشي للمستوصف يلى سلام "مشت"
سند: كملت تحقيق معاها
رمزي" لفله بغيض: لا ما كملت لان اجابتها كانت غير مفيدة ليا "لف ومشى وهو معصب"
سند: الله يهديك بس
::::::::::::::::::::::::::::::::::::::::::::::::::::::::::::::::::::::::::
سجى" شافت لساعة وتأففت : اف امتى هالعملية بتم "شافت باب غرفة العمليات ينفتح وطلع منه الدكتور فادي "
د فادي" حذف الكمامة من ع فمه وسلب بالطوه وحذفه وفات "
سجى " انصدمت فات عليها من دون مايشوفلها كان وجها مايتفسر حست بخوف لفت شافت صاحبتها مريم طالعة مشتلها بسرعة : شن صار ف العملية
مريم" قعمزت ع الكرسي وبدت تبكي بقوة"
سجى" خافت وقعمزت جنبها : خير شن صاير
مريم" بعبرة: مااات
سجى" انشلت من الصدمة : قصدك العملية فشلت
مريم" ببكاء: اي فشلت فشلت
سجى" وقفت ومشت طلعت خطمت ع اهل المريض لقتهم يبكوا حست بانها مخنوقة مشت بسرعة لغرفة الدكتور فادي وطقت الباب وخشت مالقت فيها حد مشت ادور عليه لقت ممرضة ف الممر سألتها عليه قالت شافاته راكب ف الاصنصيل ونازل لدور الاول بسرعة اتجهت للاصنصيل وصعدت فيه وضغطت الزر لدور الاول وحاسة قلبها يدق بقوة وبخوف ع حالة الدكتور فادي يلي شافاته فيها وصلت لدور الاول ومشت ادور عليه سألت قسم الاستقبال قالوا شافوه طلع بسرعة طلعت ادور عليه : يارب نلقاه يا رب "شافاته مقعمز ع احد مقاعد ومنزل راسه قربت منه وجت قدامه : دكتور
د فادي" رفع راسه وتفأجئ فيها "
سجى" انصدمت لما شافت الدموع ف عيونه"
د فادي" بسرعة مسح اثار دموعه ونزل راسه "
سجى" بضيق: هذا قضاء الله وقدره وانت درت يلي عليك وربي شاء ان المريض يموت وانت دكتور وعارف هالحالات احتمال كبير تموت تحت العملية
د فادي" تنهد بقوة " ااااه
سجى" بضيق: دكتور فادي انت كنت دائما تقلنا خلوا تقتكم بربي كبيرة ولازم تأمنوا بقضاء الله وقدره لان في يوم من الايام بتواجهوا مواقف كثيرة وبيموتوا تحت ايديكم ناس مع انكم تساوو اي شيء باش يعيشوا بس كل شيء بايد ربنا وماحد فينا يغير القضاء والقدر
د فادي" رفع راسه وشافلها"
سجى" ابتسمت: دكتور انت قدوتنا لو شافوك الطلبة كيف منهار هكا نفسياتهم تنهار ومرح يتقوا ف انفسهم وبيكون الفشل حليفهم والخوف رفيقهم ومستقبلهم ينتهي
د فادي" وقف وشافلها بهدوء : و لو انتي مش ف حياتي لحياتي من زمان انتهت "لف ومشى "
سجى: ؟؟؟؟؟؟ " قعدت تشوفله لين اختفى وهي تردد ف كلماته الغير مفهومة : شن قصده بهالكلام شن يعني لو ماكنت ف حياته لحياته من زمان انتهت ؟؟؟
::::::::::::::::::::::::::::::::::::::::::::::::::::::::::::::::::::::::::
في المستوصف
عمر" يعالج ف مريض: ميار ميار "لفلها لقاها مقعمزة ع كرسي وسرحانة : ميـــــــــــار
ميارط فزت ولفتله: اه شن
عمر: خيرك سرحانة
ميار: ولا شيء
عمر: اذا ممكن جيبيلي التغدية من المستودع
ميار" وقفت :حاضر "طلعت متجهة للمستودع وقفت مصدومة لما شافت جواد ماشي بسرعة لحقاته , بصوت عالي: جـــــــــــــــــواد
جواد" وقف ولفلها"
ميار"مشت بسرعة باتجاهه :خير خير شن صار مش كنت ماشي
جواد: هو الحق
محمود" جاهم يجري: خير جواد صار شيء
جواد"لف لمحمود:بسرعة جيب سلاحك وتعالا معايا
محمود وميار بخوف: شن صار
جواد" بعجلة: احمد والشباب محاصرين
ميار"طاح قلبها :كيف
محمود"بخوف:ف الموقع
جواد"لا قريب من الموقع تو كلمني احمد كان يبي دعم لانهم محاصرين من ثلاث جهات وهم عددهم بيسط بسرعة جيب سلاحك والحقني وانا تو نكلم الشباب يلي ف الموقع يستعدوا
محمود: اوكي اوكي "مشى بسرعة"
جواد" مشى بس شدات ايده ميار لفلها"
ميار"بخوف: بتمشي
جواد: اكيد نقلك الشباب ف خطر
ميار" بعدت عنه بخوف: انا خايفة
جواد: لا تخافي باذن الله مايصيرلنا شيء
سند: جواد
جواد "لفله"
سند: تو لقيت محمود يجري وقالي ان فيه جبهة
جواد: اي احمد ويلي معاه محاصرين
سند: احنا بنمشوا معاك انا ورمزي
جواد: انا مانبي ندخلكم ف خطر
رمزي" جاهم: شن قصدك الخطر بس يجي عليكم انتم
جواد: بس
رمزي" قاطعه: لا بس ولا شيء اسلاح وعندنا ونعرفوا نحاربوا لا تنسى احنا شرطة وهذا واجبنا كلها بلادنا
جواد: والله ع راحتكم
ميار: وانا نبي نمشي
جواد ورمزي: شن
ميار" نزلت راسها : نبي نمشي
رمزي" بعصبية: وين وين بيها
جواد" بعصبية: لا اديرلنا زي كل مرة مافي مشي من تو
ميار" رفعت راسها بعبرة: بس نبي نكون معاكم
رمزي" بعصبية: ماعندنا بنوت يمشوا لمعارك قعمزي هنا
جواد" بعصبية: انتي مكانك هنا ولا تتحركي منه ورد بالك تجي تلحقينا نعدمك غادي فاهمة " لف لشباب : هيا شباب
محمود" جاهم: يلى شباب استعجلوا
رمزي" شاف لميار"
ميار" شافتله والدموع ف عيونها "
رمزي" لف عنها ومشى"
ميار" لفت لجواد "
جواد" بنبرة حادة: لا اظني اني بنسمحلك والله تم والله تلحقينا زي عوايدك لتشوفي شن بيصير فيك فاهمة "مشى "
محمود: لا تخافي ميورة بنكونوا كلنا بخير
سند: انتي ادعيلنا بس
محمود: يلى سند "مشوا"
ميار" قعدت تشوفلهم وحاسة بخوف غير طبيعي عليهم "
: وين مشوا ؟
ميار" فزت ولفت لصوت "
ياسمين" بنبرة هدوء: وين مشوا؟
ميار" بضيق: للجبهة
ياسمين" بخوف: جبهة ؟
ميار" هزت راسها بنعم: الله يستر ومايصيبهم شيء
ياسمين" لفت ومشت"
ميار" تنهدت : يا رب صبرني لين يجوا
""""""""""""""""""""""""""""""""""""""""""""""""""""""""""""""""""""""""""
في الكلية
سناء" مقعمزة ف قاعة هي وصاحباتها وتكتب ف الدروس يلي فايتاتها"
اسماء : هيا انا بنطلع
منال :وانا طالعة معاك "طلعوا"
خلود: سناء شن مزال
سناء: اي مزال هلبة كان مليتي اطلعي تو نلحقك
خلود: شوي وتو نجيك "طلعت"
سناء" حطت البيرو وتنهدت وشافت لروشن وسرحت بعيد: اخ يا عمار زعمة تو تكرهني وتحقد عليا بعد يلي شفته بس والله ماكان ذنبي والله مش انا السبب انت يلي خليتني ..حست بحد واقف لفت بسرعة"
سعد" ابتسم: هلا حبيبتي
سناء" من دون نفس: اهلا
سعد: وينك ليا ايام وانا نتصل بيك ماترديش وماتجيش للكلية
سناء" شدت البيروا وبدت تكتب: كنت مريضة
سعد: والله اشتقتلك
سناء" رفعت راسها وشافتله : ممكن تطلع
سعد" انصدم: نعم
سناء: مرات يجي حد ويشوفنا
سعد: وشن كان شافنا
سناء: سعد مانبي مشاكل ياسري يلي صار هذاك اليوم
سعد: قصدك اليوم يلي شافنا فيه الولد.؟ ليكون قريبك
سناء" رجعت تكتب: لا مش قريبي ولا نعرفه بس الموقف كان بايخ
سعد: اها كل هذا مستحية مني
سناء" شافتله بعصبية: سعد كم مرة انا نبهتك لا تتمادى معايا سعد مهما كان احنا لا مخطوبين ولا متزوجين يعني هالشي حراااام "سكرت المدكرة ووقفت بعصبية: انا ما اسمحلك تتجاوز حدودك معايا فاهم , الا بعد ماتخطبني ع الاقل الناس بعدين ماتتكلم علينا
سعد: ههههههههههههههههه
سناء" استغربت"
سعد: هههههه ياحلوة انتي مصدقة اني بنخطبك
سناء" انصدمت: شن قصدك
سعد: ههه قصدي يا عمري انا مستحيل نخطب ولا نرتبط بوحدة مستواها زي مستواك
سناء" بصدمة: كيف
سعد" قرب منها وابتسم بخبث: قصدي يا حلوة كل الموضوع بما فيه كنت نفوت في وقتي معاك لا نحبك ولا شيء يعني مجرد تسلايا يا عمري
سناء" قعمزت من الصدمة: انت شن تقول
سعد" قرب منها وحط ايديه ع الطاولة : نقول انك مش من ذوقي بنت متعقدة وانطوائية نونو نو ماتمشي معايا هالشكالات يلى بالتوفيق حياتي "ابتسم ولف ومشى"
سناء" مصدووووووووووووووووومة وقفت وخدت ادواتها وشنطتها وطلعت وبدت تمشي بدون وعي مش عارفة وين اتجاهها طلعت برى من الكلية وبدت تمشي وتمشي ودموعها ينزلوا وحاسة انها مخنوووووقة كل شيء تحطم خسرت ف النهاية كل شيء عمار بدا يكرها وتخلى عليها وسعد طلع كذاب ورمزي يلي تعتبره خوها وافضل اقاربها لحق ميار وتركها تعاني بروحها .. من وين تبدى ومن وين تنتهي ووين اصلا بتلجئ لتخفف المها واداوي جروحها ... فجأة لقت روحها قدام الورشة يلي يخدم فيها عمار وقفت قريبة منها وتشوف الداخل تبي تلمح عمار ولو لمحة بسيطة وحاسة قلبها يدق بقوة وزادت دقات قلبها لما شافت عمار واقف مع رجل ويكلم فيه
عمار: اسمع افحص السيارة لازم نتأكدوا منها قبل مانسلموها لصاحبها اوكي
العامل: حازر معلم
عمار: بسرعة تو تفحصها "انتبه ان العامل سارح ويشوف لشي : خير وين تشوف
العامل: معلم من ذي "اشر براسه"
عمار" لف وقلبها بدا يدق بقوة "
سناء" زادت نبضات قلبها كانت تبي تمشي بس حست روحها جاااامدة "
العامل: واي ذي بنت حلوة اوي
عامر" لف للعامل بعصبية: بسرعة برى لشغلك "لف ومشى لسناء وهو معصب "
سناء" كلما يقرب منها عامر تزيد دقات قلبها حست رجليها مش شايلتها لما وقف عمار قريب منها "
عمار" بعصبية حادة : هي انت شن جابك هنا وشن تبي مني
سناء" انصدمت من اسلوبه ودمعوا عيونها وماقدرت توقفهم "
عمار" رق قلبه عليها مايقدر يتحمل دموعها بصوت حنون: سناء لا تبكي
سناء" مسحت دموعها بصوت مخنوق: عمار اسمعني انا والله ما ما
عمار" قاطعها : مانبي نسمع منك شيء
سناء" بدموع: الله يخليك اسمعني
عمار" لف عنها وهو كابس ع مشاعره : الله يخليك بري مانبي نسمع منك شيء
سناء" بدموع: عمار ارجوك
عمار" لفلها بعصبية حادة : سناء خلاص مانبي نسمع شيء رجاء خاص بري ماعاد نبي نشوفك ولا نسمع حتى صوتك بري خلاااااص يلي بينا انتهى من زماااان
سناء" لفت بسرعة ومشت قبل ماتنهار قدامه"
عمار" تنهد بقوة : اسف حبيبي بس انت يلي بديتي بالاول والله نحبك بس انت تخليتي عني "لف ورجع للورشة "
::::::::::::::::::::::::::::::::::::::::::::::::::::::::::::::::::::::::::
في الجبهة
الشباب وصلوا مع الدعم لاحمد ويلي معاه وحمت المعركة
جواد" منبطح ع الوطاء ويضرب بالقناصة بصوت عالي: محمود اتصل باحمد
محمود" منبطح بجنب جواد : اوكي "خدا نقاله واتصل : الو احمد .. اي تمام وانتم ... اوكي فيه مخرج ... لفوا من الجهة الثانية الشباب يستنوا فيكم غادي ... اوكي اوكي تمام ف رعاية الله "صكر"
جواد: ها شن قال
محمود: قال كل شيء تمام وبيتراجعوا باش يلتحموا مع الشباب
جواد: اوكي محمود غطي عليا انا بنرقى فوق الشجرة
محمود" بشهقة: وين بترقى
جواد: فوق الشجرة بنضرب من فوق
محمود" بخوف: لا المكان خطير شن فوق الشجرة
جواد: لا تخاف غادي نقدر نصطادهم كلهم
محمود" بخوف: لا لا والله المكان خطير
جواد: انت غطي عليا شوي وانا تو ندبر راسي "مشى يزحف "
محمود" بصوت عالي: انتبه زين
جواد: لا تخاف " مشى يزحف لين وصل لشجرة وصعد فيها بسرعة وقعمز ع عرف وبدا يقنص عليهم "
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ميار " ادور ف المستوصف وحاسة بتوتر"
عمر: ميار ارتاحي شوي دوختيني
ميار" وقفت ولفتله: خايفة يا عمر والله خايفة
عمر: اطمني بيكونوا بخير
ميار: بس لو خلوني نمشي معاهم
عمر: ماخلوني انا لين يخلوك انتي
ميار: صح علاش ماخلوكش
عمر: معاهم ادكاترة الثانيين هما افضل مني ومنك
ميار" قعمزت : بس والله مانرتاح لين يجوا
عمر: انت لا اشتغلتي ولا خليتيني نشتغل
ميار: اسفة بس والله قلقانة
عمر: بري ارتاحي
ميار" وقفت : سلام " سلبت بالطوها وطلعت وهي تمشي لمحت ياسمين مقعمزة ع كرسي مشتلها : كيف الحال
ياسمين" رفعت راسها وشافت لميار من دون ماترد"
ميار" قعمزت : ممكن نتكلموا شوي
ياسمين" بغيض: مانبي نتكلم مع شكالاتك
ميار" بتنهيدة : بس محتاجة حد نتكلم معاه
ياسمين" بهزوة : يا روحي كسدتي بلا جماعتك
ميار" لفت عنها وشافت القدام وتنهدت بقوة : الله يحميهم وماينضر ولا واحد فيهم "دمعوا عيونها"
ياسمين" انصدمت : علاش تبكي
ميار" شافت لياسمين ودموعها ينزلوا ماقدرت توقفهم : مانبي حد فيهم ينضر خايفة نخسر واحد منهم والله مانقدر نتحمل واحد فيهم ينخدش ولو خدش بسيط
ياسمين" لتشوف ميار و حاسة بألم داخلها وهي ماتبي تخسر ولا واحد فيهم"
ميار" مسحت دموعها انا ماعندي حد غيرهم لا عندي اب ولا ام ولا جدود ولا عيلة ولا اصحاب غيرهم ماعندي حد الا هما هما كل حياتي جواد ومحمود ورمزي وسند واحمد كلهم اصحابي مانبي حد فيهم ينضر
ياسمين " من دون ماتحس دمعوا عيونها "
ميار" بضيق: ياسمين شن اندير لو مات واحد منهم قوليلي شن اندير
ياسمين" وقفت قبل ماتبكي ومشت "
ميار" تنهدت بقوة : اخ بس لو تقدري تتكلمي معايا ع الاقل نرتاح وانتي ترتاحي لاش المكابرة نعرف انك تحبيهم زي ما انا نحبهم "شافت لسماء: يا رب احميهم لي يا رب
::::::::::::::::::::::::::::::::::::::::::::::::::::::::::::::::::::::::::
في اليل
انتهت الجبهة وانتصروا الشباب وتجمعوا ف مكان واحد
جواد" وصل لعندهم هو ومحمود ويلي معاهم وسلم ع احمد : الحمد لله انك بخير
احمد" ابتسم: هذا بفضلكم
محمود" ابتسم: ولو هذا واجبنا يا صاحب واذا بتشكر اشكر القناص جواد
جواد: ماساويت شيء
محمود: راقي فوق شجرة ومخاطر بروحك وتقول ماساويت شيء
جواد: هذا واجبي ومهمتي
رمزي: شن مافي اضرار
احمد: بعض من الشباب انجرحوا بس الحمد لله مافي حد منهم مخطر
سند: الحمد لله
محمود" شاف بعيد : شباب من هذا يلي جاي
جواد" شهق: هذا ياسر مش ماشي مع حسان
ياسر" بصوت عالي :شــــــــبـــــــــاب بسرعة تعالوا
الكل مشوله بسرعة
جواد" بخوف: خير خير شن صاير
محمود: مش مشيت مع حسان شن جابك هنا
احمد: تكلم قول
ياسر" نزل راسه : حسان اســـــتــــــشـــهـــد
الكل انـــصـــــــــدمــــوا
جواد" بصدمة: شن شن قلت كيف
ياسر : حسان استشهد
محمود: ههههههه تخرف يا راجل شن حسان استشهد تهو وينه هو برى من المدينة
ياسر " بدموع: بس جاء واستشهد
محمود" شد ياسر بعصبية : كيف جاء واستشهد انت شن ترفس قول انك تكذب قوووول
احمد" شد ايد محمود يبي يبعده عن ياسر : محمود حول عن الراجل
محمود" دف احمد وشد ياسر بقوة : قول قووولي انت شن ترفس شن حسان استشهد هو اصلا امتى جاء وامتى استشهد
ياسر " بدموع: اتصل بينا واحد من الشباب وقال ان احمد والشباب محاصرين حسان بسرعة قلنا بنمشوا وجينا هنا وحضرنا المعركة وف نص المعركة جاته طلقة واستشهد
محمود" بدا يهز فيه بغضب وعصبية حادة : انت تكذب تكذب حسان مايموت حسان مايموت
رمزي" شد محمود وبعده عن ياسر بعصبية : محمود خلاص
محمود" شد رمزي بغضب وعصبية : انت لا تدخل عن نقتلك هذا يكذب ويقول حسان مات بس حسان ماماتش حسان قعد برى من المدينة هو حي
رمزي" بعصبية : خلاص قلك مات شن هو يكذب
محمود" بعصبية وهو شاد ف رمزي : اي يكذب هو يكذب كذااااب حسان ماماتش
رمزي" بعصبية: تبي تتأكد خلينا نشوفوا حسان وين ونتأكدوا
محمود" دف رمزي لين طيحه بعصبية جنونية : حسان مايموتش مستحيل يكون مات مستحيييييييل
سند" قرب من محمود يبي يهديه : محمود
محمود" دف سند بقوة وعصبية : حسان مستحيل يموت مستحيل لا تصدق لا تصدقهم حسان مايموتش
احمد" قرب من محمود وضربه كف بقوة وعصبية : خلاااااص اسكت
محمود" حط ايده ع خده وسكت من الصدمة"
احمد" بعصبية : خلينا نتأكدوا مات والا لا "لف لياسر : هو وين
ياسر : الحقوني "مشى ولحقوه الشباب "
رمزي" لف وراه شاف جواد واقف جامد بروحه من دون حركة رجعله ووقف قريب منه بخوف عليه: جواد
جواد" مشى بسرعة خلف الشباب "
رمزي" لحقهم بسرعة "
وصلوا الشباب ولقوا معاذ شاد حسان وحاطه ع ركبته ويبكي"
محمود" دف الشباب وقرب وقعمز ع ركبيه مصدوووم : هذا حسان ؟ "رفع راسه لمعاذ : هذا حسان صح ؟ انت كنت معاهم برى من المدينة صح ؟ يعني هذا هو حسان بالحق وله ؟ "بعصبية: هذا حسان قوووول والا انا نتخايل
معاذ" هز راسه بنعم "
محمود" بصوت زلزل الدنيا : لااااااااااااااااااااااااااااااااا مستحيــــــــــل حسااااااااااان "انهار يبكي بصوت عالي "
احمد وسند ورمزي قعمزوا يبكوا ماقدروا يتحملوا
جواد" واقف جااامد قرب منهم ونزل ع ركبتيه وقعمز وقرب من راس حسان ومسكه بايديه وحطه ع ركبته وشاف لوجها بعدين شاف لصدره لقى كل جسمه دم والطلقة جاية ع قلبه طول قرب منه وضم وجه حسان لصدره وغمض عيونه وهو يذكر ف كل ذكرياته مع حسان . ودموعه تنزل بغزارة "
محمود" قرب من جواد وحضنه بقوة وبصراخ: جواااااااااااد مات حسان مااااات الغالي مات الطيب مااااات صاحبنا ماااااات قولي كيف بنديروا بلاه قولي يا جواد كيف بنتصرفوا من دوووونه قووووول
جواد " بعد عن حسان ولف لمحمود وحضنه بقوة من دون ما يتكلم ويبكي بدون صوت"
محمود " انهار ع صدر جواد وبدا يبكي بقوة كأنه طفل فاقد لامه صوته وبكاه بكى كل الشباب "
اودعـــــــــ💔ـــــكــــــــم
اودعكم بدمعات العيون اودعكم وانتم لي عيوني *** اودعكم بدمعات العيون اودعكم وانتم لي عيوني *** اودعكم اودعكم *** اودعكم وفي قلبي لهيب تجود به من الشوق شجوني اراكم ذاهبين ولن تعودوا اكاد اصيح اخواني خدوني *** اودعكم اودعكم *** اودعكم بدمعات العيون اودعكم وانتم لي عيوني*** فلست اطيق عيشاً لا تراكم به عيني وقد فارقتموني *** الا يا اخوةً في الله كنتم على المأساة لي خير معين*** اودعكم اودعكم *** اودعكم بدمعات العيون اودعكم وانتم لي عيوني *** اودعكم اودعكم *** وكنتم ف طريق الشوك وردا يفوح شداه عطرا من غصون فإن لم نلتقي ف الارض يوما وفرق بيننا كأس المنون *** اودعكم اودعكم *** اودعكم بدمعات العيون اودعكم وانتم لي عيوني *** اودعكم اودعكم *** فموعدنا غدا ف دار خلد بها يحيى الحنون مع الحنون *** اودعكم اودعكم *** اودعكم بدمعات العيون اودعكم وانتم لي عيوني *** اودعكم اودعكم
يا رحلين عن الحياة وساكنين بأضلعي هل تسمعون توجعي هل تسمعون توجعي وتوجع الدنيا معي
💔اودعكم💔
انتهى البارت
هذا البارت بكيت عليه لين لين دهشت وتو نرسل فيه والدموع شادتهم بالسيف ومانبي نعاود نقراه لانه يذكرني باشياااء صارتلي 💔
لله يرحم كل من مات دفاع عن وطنه
حسان كان جزء مهم ف الرواية يمكن الاكثر ماركز عليه بس نقولكم يلي زي حسان كثيييير يضحي من اجل الوطن ويموت ولا حد يعبر او يثأثر بموته 💔
بجد انا هالبارت لما كنت نكتب فيه قعدت اكثر من ثلاث ايام نفتح الابتوب نحط ع الرواية ونبكي نبكي ونسكره وقعدت بعدها اكثر من اسبوع باش قدرت نعاود نكتب
صح تقولو خيالية الرواية وكيف تبكي عليها بس وقسم ان الخيال لا يختلف عن الواااقع فهذا الشي مرينا بيه قبل مده 💔
ربي يرحم الجميييع ويصبر من مات له شخص زي حسان بفقدانه انكسر دراع مهم ف البلاد💔