#روان
أنا : لا هتقعدي تعيطيلي تطلعي برا احسن انتي فاهمة 😡 ؟!
زعقت لـ رنيم و هيا سكتت كدة شوية .. لو مازن فاكر نفسه هيعرف يلعب عليا ،، لا دة كدة دماغه ودته في حتة هو مش قدها وان شاء الله دماغه دي هتتكسر :)
عمر : مش المفروض كدة بقى مكان واحد ،، يعني مش هنتقسم ؟!
أنا : لا يا عمر الخطة هتمشي زي ما هيا من غير اي تغيير و هنتقسم .. بس المشكلة الوحيدة ان مازن مش في المكان اللي مخبي فيه مريم !!
رامي : المكان اللي فيه مريم هعرف اوصفهولكوا !! بس أنا سمعت ان مازن عنده مكان تاني يستخبوا فيه ..
غالي : انت شوفت جثث سليم و محمود ؟!
رامي : لا ..
أنا و غالي بصينا لبعض و عارفين ان احنا بنفكر نفس التفكير ..
أنا : يبقى احنا لازم نراقب مازن !!
شخص : و تراقبوه ليه ؟!
بصيت ورايا لقينا رحمة قريبت رامي داخلة علينا ،، طبعا كلهم عمرهم ما شافوها قبل كدة .. بس عمر طلع يعرفها ..
عمر : رحمة !!
رحمة : ايوة ،، انا كنت مخطوبة لـ مازن .. واعرف كل حاجة عنه .. وعارفة كل الاماكن اللي ممكن يكون مستخبي فيها !!
أنا : طب تمام اوي .. هتيجي معانا ؟!
عمر : يبقى رامي وهاني وحسين وسما وأنا نجيب مريم ،، وروان ورنيم وغالي وآسر ومعاهم رحمة يجيبوا الولاد ..
رنيم : هو ممكن يقتل !؟
رنيم سألت رحمة وهيا ضحكتلها ..
رحمة : مازن جبان !! استحالة يقتل .. يفهمك انه قتل اةة .. لكن مبيبقاش حقيقي
غالي : قصدك تقولي ان ولادي ممكم يكونوا عايشين ؟!
رحمة : اكيد !!
عمر : شكرا بجد يا رحمة ❤
رحمة : العفو على ايه ..
بصيت على رحمة وعمر وحسيت اني عايزة انط عليها اجبها من شعرها 😒 !! منسجمة اوي مع عمر ..
(حبيبتي 😂😂❤ Rahma_Mahran )
رامي : روان ،، ممكن اتكلم معاكي؟
أنا : اتفضل ..
ودخلنا أنا وهو البلكونة عشان نعرف نتكلم براحتنا.
###
#رامي_ربيعة
لازم اقولها ،، لو صبرت اكتر من كدة مش هلاقي وقت عشان اقولها تاني وساعتها مش هيبقى نافع ..
أنا : روان أنا .. أنا ..
روان : ايه يا رامي ما تقول !!
يأما دلوقتي يأما مستحيل ..
أنا : روان ،، أنا آسف على كل اللي عملته ،، واسف اني سبتك تمشي ومحاربتش عشانك زي ما كنتي عايزة .. واسف على كل حاجة وحشة اتسببتلك فيها .. بس اللي أنا عارفه أني عايز ارجعلك .. ❤
روان : جات متأخر يا رامي :") 💔 *ضحكت بكسرة*
أنا : قصدك ايه ؟!
روان : عمر طلب ايدي ،، وأنا واقفت ..
ثبت مكاني متحركتش .. حسيت ان الدنيا بتلف بيا فجأة وان قلبي هيقف من كتر ما هو بيدق بسرعة !!
أنا : بالسهولة دي ؟!
روان : أنا اللي اسفة .. فعلا لو كان الزمن رجع بيا تاني كان ممكن اختارك .. انت عارف غلاوتك عندي عاملة ازاي يا رامي 💙
أنا : لو كنت غالي فعلا مكنتيش عملتي كدة .. عموما ربنا يسعدك ..
وقربت منها ومسكت راسها وبوستها وحضنتها .. لآخر مرة في حياتي 💔
###
#مريم
أنا : لازم تساعدني يا آدم !!
آدم : مش هعرف يا مريم صدقيني !! انتي عارفة اني عايز اساعدك ،، بس للآسف مازن ممكن يعمل فيكي حاجة ..
أنا : بس لازم اعرف ايه اللي حصل لـ محمود وسليم !! هما ماتوا بجد !؟
آدم : مكدبش عليكي يا مريم بس فعلا أنا معرفش حصلهم ايه 💔💔
فضلت ساكتة وبعدها جاتلي حتت فكرة !! تودي مازن وعيلته كلها في ستين داهية 💃💃
(وضعك 😂😂💃 merorady )
أنا : طب بص ،، هقولك على حاجة بس لازم تساعدني .. موافق !؟
آدم : موافق !!
وحكيتله عالفكرة الجُهنمية بتاعتي 😎
###
#عمر
كنت بجهز الحاجة لـ المأمورية بتاعت مازن دي ،، جبت مسدساتي وكل حاجة ظبطها وبقت جاهزة .. الباب خبط ..
أنا : ادخل !!
مبصتش حتى مين اللي دخل ولبست واقي الرصاص تحت اللبس بتاعي .. حسيت بدراعات بتتلف حولين وسطي وحد ريح راسه على ضهري ..
روان : انت ليه مينفعش تبدل انت وآسر !؟
أنا : انتي عارفة يا حبيبتي ،، لازم اكون أنا مع حسين ورامي لازم يبقى معانا عشان نعرف مكان مريم ❤
روان : بمناسبة رامي ،، جيه اتكلم معايا النهاردة ..
أنا : وقالك ايه ؟! *صوتي كان باين فيه الغيرة*
روان : كان عايز يرجعلي واسامحه على كل اللي اتسببلي فيه وكدة ..
أنا : وانتي قولتيله ايه !؟
روان : قولتله انه اتأخر واني اختارتك انت ❤❤
اتبسط اوي لما سمعت الجملة دي منها 💜 بس مضايق لـ رامي عشان هو مكنش قصده انه يحصل كل دة .. لفيت وقامت روان شبت كدة وحطت ايدها على كتفي ..
روان : هو انت عايز تعمل فرح .. ؟
أنا : لا مش شرط ،، كفاية علينا كتب الكتاب وخلاص بقيتي مراتي ملهاش لازمة التكاليف بقى 😂😂💔
روان : انت جلدة 😒💔 المهم خلي بالك من نفسك ماشي .. ؟ مش عايزة ارجع الاقيك متعور والا اقسم بالله ان انا اللي هكمل عليك 😡 !!
أنا : حاضر وانتي كمان وافضلي جمب آسر ومتسيبيهوش خالص .. انتي بتعرفي تستخدمي المسدسات صح !؟
روان : يعني شغالة 😂💔
روحت جبت مسدس وادتهولها ..
روان : دة تقيل اوي 😭💔
أنا : انشفي شوية 😒 خلي دة معاكي احمي نفسك بيه ماشي ؟!
روان : ماشي .. عمر !؟
أنا : نعم ؟!
روان : بـحـبـك 💖
____________________________________
شابتر صغنون عشان مستعجلة ورايا خطوبة 😂💃
اسفة لو البارت معجبش حد بس مكنش في حاجة في دماغي وكنت مصممة اكتب 😂❤❤
والتفاعل قل تاني :")
مش هطول عليكم ..
فوت/كومنت
سلام 👋❤