P R O L O G U E
What is Love?
Love is painful.
Pinapasaya ka, pero hindi mo alam na luluha ka rin sa huli. Hindi mo alam kung bakit kahit anong gawin mo para kalimutan siya, hindi mo pa rin magawa. Hindi mo rin alam kung bakit sa kabila ng lahat ng mga bagay na nagawa mo sa kanya, nakuha ka pa niyang saktan at ipagpalit sa iba. At higit sa lahat, hindi mo alam kung bakit patuloy mo parin siyang minamahal kahit na sinisigaw na ng buong mundo ang katotohanang hindi siya para sa iyo.
Love is playful.
Hindi dahil ginagawa kang tanga, kundi dahil hinahayaan mong magpatalo at magmukhang tanga. Kung alam mong pinaglalaruan ka lang, bakit hindi ka makipaglaro? Hindi naman ibig sabihin nun ay matatalo ka, diba? Kasi kung mahal mo talaga ang isang tao, you’ll take the risk. Hindi natin alam ang mangyayari kung hindi ka lalaban. At mas lalong walang mangyayari kung hindi mo ipaglalaban. Pero paano na lamang kung hindi ka pa nga lumalaban, pero talo ka na?
Love is happiness.
Sa kabila ng lahat ng sakit ay nakuha mo pang ngumiti. Nakuha mo pang maging masaya basta kasama mo siya. Hindi mo alam kung bakit, pero kapag nanjan siya, sobrang saya na ng puso mo. Hindi mo alam kung bakit kahit anong gawin mo, ngumingiti pa rin ang puso mo at tumitibok parin ito dahil sa kanya.
Love is a wishful thinking.
Kung pwede lang sanang humiling na mahalin ka rin niya, matagal mo ng ginawa. Kaso hindi, at yun ang masakit na katotohanan. Humihiling tayo pero wala namang kasiguraduhan na matutupad iyon. Pero paano na lamang kung maging okay ang lahat?
Paano kung ang matagal mo nang hinihiling ay biglang natupad?
Masaya na kayong dalawa dahil mahal niyo ang isa’t isa. Pero paano na lamang kung mahal mo, mahal ka, pero hindi pwedeng maging kayo? Paano kung ang tanging sisira sa inyong masayang pagsasama ay ang kanyang huling kahilingan? Magagawa mo bang tuparin iyon kahit na alam mong ikaw ay masasaktan?
Wishes do come true
I know because you said you love me too.
But wishes do break us.
I know because in the first place,
There’s no really ‘us’
But still...
Can I wish for a happy ever after with you?