حب مدفوع الاجر

الفصل الثالث والعشرون

   وقفت مبحلقة العينين فى صدمة بعد ان فتحت باب منزلها قائلة : اي اللى عمل فيكى كدة ؟
داليا بصوت خافت : طب ادخل الاول !!
دخلت داليا سريعا الى غرفتها وهى تفرد شعرها وتمشطة بالفرشاة امام المراه
رؤى بعد ان دخلت خلفها : كنتى فين من امبارح يا داليا ؟!
تركت داليا الفرشاة لتنظر لها ف خوف قائلة : وطى صوتك والنبى .. ماما ممكن تسمع !!
رؤى : طب قولى اي اللى مشيكى من الحفلة وخرجك مع كريم ؟!
داليا مبررة : كريم هو اللى خدنى بالعافية وقالى هوريكى حاجة .. حتى انا بعتت رسالة لنرمين وقولتلها !!
رؤى : ولما هو خدك يوريكى حاجة .. اللى يخليكى تيجى تانى يوم وش المغرب ؟! وكمان جاية متبهدلة وكلك الوان
روت لها داليا ع ما حدث ليلة امس حتى صباح اليوم
اكملت قائلة : بس ياستى هو دة اللى حصل .. بليز يا رؤرؤ متقوليش لماما حاجة
رؤى بتعجب : متقلقيش مش هقولها حاجة .. بس واحدة زيك ازاى تثقى ف واحد وتركب معاه باخرة وتبات لوش الصبح ولوحدهم
داليا : متخافيش يا رؤى .. محدش يقدر يقرب لاختك اه .. ثم ان كريم طيب اوى ومايفكرش كدة خالص وانا بثق فية !!
رؤى بابتسامة : ماشى يا ستى انا هسكتلك المرادى بس وياريت ماتتكررش تانى .. وكلة عشان سى كريم !!
.......
وف اليوم التالى
بعد ان طلب منها مقابلتها ف معطم ما , ليعتذر منها مما حدث اخر مرة , فكانوا يجلسون ف المطعم ليتناولوا افطارهم وهما يتحدثون
اياد : بصراحة يارؤى كنت عايز اكلمك ف موضوع مهم !
!! رؤى وتركت الملعقة : اتفضل وانا سمعاك
اياد بتوتر : انا مش عارف ابداء من فين وازاى ؟ بس انا هدخل ف الموضوع من غير لف ودوران .. احنا هنتجوز !
رؤى بصدمة ممزوجة بفرحة : نعم !! نتجوز .. لية يا اياد .. مش احنا اتفقنا كان واضح من الاول ؟
اياد : انا عارف انك اتصدمتى .. بس انت متضطرة توافقى .. احنا هنخالف الاتفاق اللى ما بينا وكل دة عشان احميكى مش اكتر
رؤى بغضب : يعنى انت عاوز تتجوزنى بس عشان تحمينى .. طب تحمينى من مين ! ع العموم مفيش حاجة تخلينى اعمل حاجة غصب عنى !! انا مش متضطرة اوافق ولا متضطرة ارفض
اياد : اسمعينى يا رؤى ! انت حياتك ف خطر هشام مش هسيبك ف حالك
رؤى : هشام دة وراه حاجة كبيرة وانا سالتك كذا مرة وانت مكنتش بتقولى
اياد : باختصار هشام شخص وحش وزى ما وعدك بانة هيتجوزك غصب عن اى حد .. هيعملها يا رؤى
رؤى بعد ان وقفت وهى تلملم اشيائها : شكرا يا اياد بية !! متنازلين ع خدماتك و متخافش انا بعرف احافظ ع نفسى كويس ويكفى ان ربنا معايا وطول ماهو معايا .. اكيد مش هحتاج لحد يحمينى .. عن اذنك !!
........
ف الشركةة وبالتحديد ف مكتب اياد ، دخل المكتب ف غضب واضح وجلس ع مقعد مكتبة متفحصا الملفات الواضعة ع المكتب ، رفع نظرة لينظر ع الباب ، ليجد من يطرق الباب ويدخل
ادم : ابشر يا بشير ؟!
اياد : والله انا ما بخاف غير من الجملة دى !!
ادم : اسمعنى بس دة انا جايبلك خبر هيفرحك اوى اوى .. مش محتاج تتجوز رؤى دلوقتى من غير استعجال
اياد بلا مبالاة : ارغى
ادم : هشام فاكمل وهو يشير بيدية بحركة مسرحية : طاار
اياد بعدم فهم : طار ازاى يعنى ؟!
ادم : ركز معايا يا ايودة .. طار .. يعنى ساافر
اياد بتعجب ممزوج بفرحة : سافر !! قول والله
ادم بضحك : اقسم بالله
اياد : احكيلى احكيلى سافر فين ولية ؟؟
ادم : لا بص يا معلم سافر فين دى معرفهاش واللى الحكومة نفسها مش عارفاه
اياد بتساؤل : حكومة .. هو عمل اى بالظبط ؟!
ادم : لا هو انت ماقريتش جرنال النهاردة !! مش خبط بنت بالعربية امبارح وكان سكران طينة
اياد : احسن !! انت كدة طمنتنى ع نفسى فاكمل وهو يسند راسة ع المقعد وع رؤى !!
.......
ف غرفة نومها ، هناك فتاة تقف امام الشرفة وتتحدث ف الهاتف بسعادة وحب قائلة
ياسمين : مصدقتش نفسى لما لقيتك قدامى .. انا كنت افتكرتك خلاص مش جاى
ايهاب : مقدرتش يا حبيبتى .. كنت هعملها بس قلبى مطاوعنيش !
ياسمين : بس انت اتاخرت اوى
ايهاب : الواد جيمى هو اللى اخرنى .. قعدت اتحايل علية ساعتين عشان يلبس وهو رافض يجى معايا ومكنش ينفع اجى لوحدى
ياسمين : صح .. بس مش عارفة لي بحس ان جمال فية حاجة غلط
ايهاب : حاجة غلط ازاى يعنى ؟!
ياسمين : مش عارفة .. المهم شكل بابا حبك اوى وعجبتة كمان .. زى مانا بحبك يا ايهاب !
ايهاب : والله .. لا بس دة ميمنعش انى مش زعلان منك من اخر مرة كلمتينى فيها
ياسمين : بابا يرد عليك بس ونتخطب وبعدين هصالحك بنفسى !
ايهاب بتفكير : ممممم موافق
.......
ف منزل ادهم المنصورى , كانوا بانتظار عريس الغفلة , وعندما جاء رحب بة ادهم كثيرا
ادهم : اهلا اهلا اتفضل يا فتحى والله نورتنا عفت بية !!
عفت (الضابط): لاء بية اى ؟؟ احنا خلاص هنبقى نسايب !!
ادهم : هاهاها اكيد ان شاء الله
فتحى (والدة): والله فرحت جدا لما عرفت ان البنت اللى يقصد عليها دى تبقى بنتك .. قولت بس دى اكيد تربية نضيفة
ادهم : الله يخليك يا فتحى .. ودة العشم بردو !!
عفت : لاء ولسة ماشوفتهاش يا بابا .. امال لما تشوفها هتعمل اى ؟؟
جاء ادم ورحب بهم , ليجلس ع مقعدة بتفاخر واضعا رجلا ع اخرى
عفت : انا اسف ع اللى حصل يا ادم .. مش ادم بردو ؟؟
ادم بضحك : لا لا ولا يهمك دى كانت غلطة كدة .. متشغلش بالك انت !!
ادهم بامر : اطلع نادى بنت عمك يا ادم ؟؟
ادم بخبث : من عيونى يا ادهومتى !!
لتاتى اليهم ف ذاك اللحظة ف ابتسامة وعندما تنظر له , فتنصدم صدمة عمرها , وتقف ف زهول تااام
ادهم : اهى جت اهى .. تعالى يا نرمين .. وسلمى ع عريسك وعمك !!
مدت يديها لتفاحصهم ف توتر : اهلا وسهلا !!
لتجلس بجوار ادم ولا زالت بين صدمتها , ليميل عليها ويهمس ف اذنيها قائلا : اى رايك بقى ؟؟ شوفتى قمر ازاى ؟؟
نرمين بهمس : اخرس خالص واستنى بعد ما يمشو
ادم بسخرية : هاهاها هتعمليلى اى يعنى يا حرم عفت فتحى هاهاها ؟؟
نرمين بلوم : مقولتليش لية يا ادم .. حطتنى ف موقف زفت !!
ادم : تستاهلى .. ولسة يا حبيبتى .. اللى جاى احلى !!
عفت بابتسامة : شوفت نرمين يا بابا .. اى رايك فيها ؟؟
فتحى : ماشاء الله زى الامر .. يزين مااخترت يابنى !!
لتبتسم هى رغما عنها ف برود تام !!
.......
ف اليوم التالى
ف مدرج الجامعة ، تجلس داليا ف المنتصف وبجوراها كريم وع الاتجاة الاخر نرمين ، كان ممسكا بكتاب المادة الدراسية وهو يقرء بة ، فنظرت لة داليا قائلة : حتى وانت ف المدرج بتذاكر .. مابتضيغش وقت خالص ؟؟
كريم بمرح : خمسة وخماسة ف وشك .. واسكتى وخلينى اخلص الصفحة دى قبل مالدكتور يجى
ضحكت نرمين قائلة : يابنى ارحم نفسك من المذاكرة .. مش هتطير يا كيمو ويلا نخلع من ام المحاضرة دى
كريم : مستحيل طبعا بقى انا كريم يعمل كدةة
داليا بسخرية : اى كريم يعنى .. كريم نيدفيد مثلا ؟! هههههه
كريم باستفزاز : هاهاها خفة
نرمين : لا يا هبلة دة كريم فهمى
داليا ونرمين : ههههههههههه
كريم : والله !! اضحكوا اضحكوا .. هتشوفوا اللى بتتريقوا علية دة هجيب كام ف النتيجة !!
نرمين : لا ف دى نصدق فيها دة انت لو متطلعتش بامتياز زى كل سنة تنتحر
جاءت فتاة وجلست بجوار كريم قائلة : هاى يا كيمو .. بليز يا كيمو طالبة منك خدمة صغيرة !!
كريم ليستفز داليا : انت تؤمرى يا لولو !!
ولاء : ميرسى يا كيمو .. بص السؤال دة مش فاهماة
كريم : بس كدة دة انا اشرحهولك مرة ولو مفهمتيش اشرحلك تانى وتالت ورابع وعاشر كمان
داليا ترفع احدى حاجيبها : والله ؟؟ لاء معلش يا لولو اصل كيمو مش بيشرح اسئلة لحد
كريم : لى بس يا ديلو خلينى اشرحهولها حرام ليجى ف الفاينال وانت عارفة بقى الفاينال قرب
ولاء : شوفتى بقى هو موافق !!
داليا بغيظ : كريم !! انت هتقوم معايا دلوقتى حالا .. والا اقسم بالله امشى وماهتشوف وشى تانى
كريم بضحك : خلاص .. معلش يا لولو واكمل بصوت خافت هشرحهولك بعدين
جذبتة من يدة قائلة : يلا بسرعة
كريم : براحةة طاايب اخد الكتاب
داليا : سيبة نرمين تبقى تجيبة يلاا
خرجوا سويا ف ظل كركرة نرمين ع طريقتهم
خارج المدرج
كريم : انا عايز افهم هو ف اى بقى !!
داليا بنرفزة : انا اللى فى اى ولا انت كل شوية تقعد ف بنت شكل وتفضلوا تهزروا ومش عارف اى
كريم بخبث : طب وانت اى اللى مدايقك ؟؟
داليا بتوتر : ااا .. لاء مش مدايقة ولا حاجة بس..
كريم : بس اى ؟!
داليا بخجل : كريم انا .. انا...
كريم بفرحة : ها انت اى ؟
داليا : انا عايزة اكل شوكولاتة !
كريم بضحك : هههههه رخمة
.......
بعد ان قامت بتنظيف المنزل كاملا ، جلست امام التلفاز وهى ممسكة بجهاز التحكم وتغير من قناة لاخرى ف شرود ، فتحدثت والدتها قائلة
امل : كنتى فين الصبح يا رؤى ؟ بتدورى ع شغل بردو ؟!
رؤى : ايوة يا ماما
امل : طب ما تكلمى اياد يمكن يشغلك عندهم ف شركتهم دى
رؤى : حاضر يا ماما .. ان شاء الله
صمتوا قليلا ثم تحدثت امل : بقولك اى يا رؤى ؟!
رؤى : نعم يا ماما !
امل : مش من الواجب بردو نعزم اهل خطيبك عندنا زى ما عزمونا ؟!
رؤى : اللى تشوفية يا ماما .. دة راى بردو
امل : طب امسكى الموبايل اهو واتصلى بخطيبك وقوليلة
رؤى بتوتر : ها .. لا لا واتصل بية لى .. طب ماتكلميهم انت يا ماما .. تيجى منك انت الطف
امل : صح .. اتصلى بيهم طيب وانا هكلمهم
.........
كان جالسا ع الاريكة يتحدث ف هاتفة وهو يردد قائلا
ادهم : ربنا يخليكى يا ام رؤى .. والله فيكى الخير .. حاضر حاضر .. باذن الله هنكون موجودين عندكم بكرة .. ان شاء الله .. مع السلامة !
فاطمة : خير يا ادهم ؟!
ادهم : خير يا فاطمة .. ام رؤى عزمانا عندهم بكرة وبتسلم عليكى اوى
فاطمة : والله فيها الخير .. مش عارفة لي حبتهم اوى كدة .. ناس كويسين اوى
ادهم : انا مبسوط ان اياد اخيرا عرف يختار صح
فاطمة : ربنا يهديك يابنى ويبعد عنك ولاد الحرام
.........
حل النهار سريعا , ليأتى المساء , ف منزل ادهم المنصورى , هناك اثنين من المهرجين يسخرون من بعضهم بسبب تلك العريس الذى اتى بوالدة , ليطلب ايدى نرمين
ادم : هاهاهاها والمصحف مسخرة
نرمين : وانت اخر 3 حروف هاهاهاها
ادم بتفكير : مم اخر 3 حروف .. يعنى خرة !! انا خرة
نرمين : ييييع يا ادم بقيت بتقول الفاظ وحشة اوى
ادم : وبالنسبة انت اخر 3 حروف دى تبقى اى ؟!
ادهم : بس بقى يا اولاد ميصحش كدة .. دة مهما كان بنى ادم بردو ومينفعش تتريقوا علية كدة
نرمين : بقى انا اتجوز لواحد اسمة بيومى !
ادم بضحك : اسمة عفت يا هبلة هاهاها
امسكت الوسادة بين يديها وحدفتها علية حتى ضحك مرة اخرى فادمعت عيناة من شدة الضحك : انا شخصيا موافق يا عمى واكيد نرمين كمان موافقة !
نرمين : هو انت مشبعتش من اللى عملتو فيك امبارح ؟؟
ادم بسخرية : لالالالالا .. دة لسة بقى لما يجى بعد يومين وعمى يقولة انك رافضة حكاية الارتباط دلوقتى ؟؟
ادهم : بطل لعب عيال يا ادم وركز معايا
ادم : اتفضل يا ادهومتى
ادهم : ولد .. احترم نفسك .. متعرفش فين اياد ؟!
ادم : معرفش .. تلاقية مع رؤى !
نرمين : لاء مش مع رؤى .. لانى كنت بوصل داليا لبيتهم بعد الجامعة ورؤى كانت ف البيت
ادم : اعتقد راح يقابلها بعد ماجيتى من هنا
ادهم : معتقدش يا ادم .. لانة مختفى من الصبح
ادم : مختفى من الصبح ازاى ياعمى .. بقولك كان معايا ف الشركة الصبح
نرمين : بقولك اى يا بابا ماتتصل برؤى واسالها بدل ما نوجع دماغنا ع الفاضى
خرج ادهم ليجرى مكالمتة مع رؤى ، وجلس ادم يضرب ويجرى خلف نرمين ف المنزل ، دخل ادهم بعد ان انهى مكالمتة قائلا : بطلوا لعب عيال بقى واقعدوا هاديين !
اتجة ادم ناحية ادهم ووقف متسائلا
ادم : طلع مع رؤى صح ؟
ادهم : لاء .. قالت اخر مرة شافتة كان اول امبارح الصبح ومن ساعتها متعرفش عنة حاجة وموبايلة مغلق
نرمين بخوف : انا خايفة اوى .. هيكون فين يعنى يا بابا ؟
ادهم : مش عارف .. بقولكوا اى محدش يجيب سيرة قدام فاطمة .. لتقلبلنا البيت جنازة
نرمين بتردد : كنت عاوزة اقول حاجة يعنى !
ادهم : قولى يا نرمين
نرمين : انهاردة 4/27 يا بابا
ادم : اوباااااا !!
ضرب كفا بكف قائلا : لا اله الا الله !!
.......