بعد مرور 3 ايام
ف الشركة , ف مكتب اياد
ادم : انت اي اللى جابك انهاردة؟؟
اياد : الله!! هو مش المفروض انا شريك هنا؟؟
ادم : مقصدش .. بس مستغربك شوية!!
اياد : لا مش عايزك تستغرب خالص .. المهم انهاردة اخر يوم امتحانات لنرمين واعتقد زمانها خلصت .. ماتروح تاخدها من هناك
ادم بتعجب : واشمعنا انهاردة يعنى؟؟
اياد : يعنى .. بالمرة تطمن عليها ليكون حد لاعب ف دماغها كدة ولا كدة وانت عارف الجامعة بقى وكدة
ادم : اه تقصد ولاد يعنى؟؟ لا لا متقلقش ف دى بالذات تحط رجل ع رجل وتطمن عالاخر
اياد : واشمعنا يعنى ف دى بالذات؟؟
ادم بتوتر : ها؟؟ لا لا واي ياعم الروشنة دى وجاى الشغل رايق ومبسوط وبتضحك وتتكلم فاكمل بغمزة : هو ف اي بالظبط؟؟
اياد : ولا حاجة .. قررت .. ولا اقولك بلاش .. ويلا اطلع برة خلينى اركز ف اللى انا فية
ادم : الله الله .. بقى كدة ياسى اياد .. عالعموم انا طالع .. سلام يا بيبى!!
اياد : امشى يابن ال***
......
رؤى : السلام عليكم
الموظفة : وعليم السلام .. اؤمرى حضرتك
رؤى بتردد : انا .. كنت جاية بخصوص الاعلان اللى ف الجرنال دة
الموظفة : اها اهلا بيكى .. ممكن اعرف اسمك؟؟
رؤى : اسمى رؤى
الموظفة : اها انت رؤى بقى؟؟
رؤى : هو حضرتك تعرفينى؟؟
الموظفة : لا لا ابدا .. خلينا ف الموضوع .. اتفضلى الورقة دى واملى فيها كل البيانات اللى مطلوبة منك هنا وبعدها اوريكى مكتبك عشان هتبداى شغل من انهاردة!!
رؤى بتعجب : بالسرعة دى .. يعنى مفيش مقابلات ولا ال cvv والكلام دة؟؟
الموظفة : انا هفهمك باختصار استاذ اياد محتاج مساعدة اوى .. وقالى اول ماحد يقدم اقبلة ع طول
رؤى ف نفسها : استاذ اياد؟؟ اياد؟؟ معقولة؟؟ يا سلام هو مفيش غير اياد واحد اعرفة .. يعنى اللى خلق اياد مخلقش غيرة؟؟ اكيد تشابه اسماء
الموظفة : حضرتك روحتى فين؟؟
رؤى : انا موجودة معاكى .. خلاص تمام .. اسمحيلى بس اقراء الشروط واملى البيانات
لتمسك الورقة وتبداء بقراءة الشروط ، وبعد ان انتهت من قراءة الباند ، لتبداء ف ملئ بياناتها ، لحسن حظها ، خرج ادم ذلك اللحظة وعندما يراها يذهب اليها ف تعجب متسائلا
ادم : رؤى .. انت؟؟
لتنظر لة ف تعجب ايضا : ادم .. انت بتعمل اي هنا؟
ادم بابتسامة : انت اللى بتعملى اي هنا؟؟ انت عارفة انا بشتغل مع اياد وانكل ادهم ف شركتهم
رؤى : استنى كدة .. هى شركة واما دى تبقى الشركة بتاعت انكل ادهم واياد؟؟
ادم : ايوة انت متعرفيش؟؟
رؤى : لاء انا مكنتش اعرف .. بس الحمدلله انت انقذتنى .. ميرسى يا ادم
وكادت ان تذهب لتاتى مرة اخرى قائلة : لو سمحت ياادم .. مش عايزة اياد يعرف انى كنت هنا!!
ادم : تمام!!
لتذهب مسرعة الى الخارج قبل ان يراها احدا منهما
ليدخل الية سريعا
ادم : الحق يا اياد؟
اياد بخضة : اي اللى حصل؟؟
ادم : انا مش فاهم حاجة .. رؤى كانت برة دلوقتى .. واول ماشافتنى مشيت وطلبت منى ماقولكش حاجة
اياد بضجر : اي؟ احكيلى كل حاجة بالتفصيل
ليجلس ادم ويقص علية احداث ما حدث منذ قليل ، يقف اياد ويضرب بكلتا يدية الاثنين ع المكتب ف عصبية قائلا : الله يخدك .. بوظتلى كل خططى!!
ادم : خطط اي انا مش فاهم حاجة؟؟
اياد : ولا عمرك هتفهم .. انا اللى كنت منزل اعلان ف الجرنال واتفقت مع داليا انها تقترح ع رؤى تشتغل هنا وهى متعرفش انها شركتنا وانت بطولك كدة بوظتلى كل حاجة!! اعمل فيك اي؟؟
ادم : اوووة انا عكيت الدنيا خالص .. طيب يا بشير انا برة ها لو عاوز حاجة متقوليش ولا موزعتش حاجة متقوليش برضة ها يلا باى
اياد بعصبية : غبى!!
يمر شهرا كاملا ، ومازال اياد لم يستطيع الوصول الى حبيبتة ، فانة حاول معها بجميع الطرق ، ولكن عنادها وكبرياها لن يسمح لها ان تكون الزوجة الثانية لة ، اما الزوجة الاولى فيتزوج عليها من تلك الفتاة التى تدعى (ميرا) ، وف هذا الشهر حدث احداث كثيرة منها ، عودة هشام الى مصر مرة اخرى ، ومنها ظهور نتيجة نرمين وداليا ، ومنها ظهور علامات الحمل ع خطيبتة ، ولذلك عجل والدة ف الزواج واتفق ع ان يكون زواجهم الشهر المقبل
ادهم : انت لسة مجهزتش؟؟
اياد : معلش يا بابا انا مش هقدر اروح معاكوا .. اتبسطوا انتو!!
ادهم : طب وخطيبتك اللى تحت دى؟؟ لاء انت لازم تيجى معانا وخصوصا انهاردة
اياد بضجر : يا بابا انا لو روحت معاكو السهرة دى هبقى رخم اوى وتقيل
ادهم : واي الجديد يعنى؟؟ مانت طول عمرك رخم وتقيل .. يلا قوم وبلاش غلبة
اياد : انت دايما شايفنى وحش لي؟؟ وكمان عايزنى اعمل حاجة غصب عنى؟؟ انا مش عايز اروح ولا اشوفة .. هو اي اللى رجعة .. مش كنا خلصنا منة وسافر
ادهم : اتكلم ع ابن عمك عدل .. ويلا النهاردة لازم كلنا نبقى جمبة لان لازم نشرفة قدام خطيبتة
اياد بنفاذ صبر : طب وانا مال اهلى؟؟ ع العموم انا هوافق عشان خاطرك .. بس هم ربع ساعة وهخلع
ادهم : موافق بس يلا بسرعة احنا كلنا جاهزين تحت!!
اياد : تمام!!
.......
بعد استعداد الجميع صعدوا الى السيارة ، ليقود بهم ادم حتى ان وصلوا الى المطعم المتفق علية ، ليدخل الكل ، ويبحثوا عن المائدة ليأتى اليهم العامل ويرحب بهم ثم يوصل بهم الى تلك المائدة ، وما ان وصلوا اليها قابلوا هشام ويدور الحديث كالتالى
ادهم : ازيك ياهشام ؟؟
هشام بابتسامة : الحمدلله يا عمى
ادهم بتهربج : واخيرا خطبت؟؟
هشام بضحك : ههههه شوفت النصيب!!
ادم بضيق : اهلا!!
هشام : اهلا ياابن عمى!!
فلينظر اليها والدها لتصافح هشام خوفا من والدها
نرمين : ازيك يا هشام؟؟
هشام : كويس يابنت عمى .. اي مش هتسلم ع ابن عمك يااياد؟؟
اياد بجدية : مبسلمش بايدى!! اصلى بقرف
ليزغدوة ادهم ويجلس الجميع
هشام : اها مش انت ميرا خطيبتة برضو؟؟ نورتى العيلة
ميرا : ايوة انا .. ميرسى جدا لزوقك
ادهم : قولى .. فين سعيدة الحظ؟؟
هشام : بتعمل حاجة وزمانها جاية حالا!!
ادهم : طب نشوف هنطلب اي .. لحد مالقمر بتاعتك توصل
هشام : معلش يا عمى .. بس ياريت تنتظروها شوية .. اصلى مش بحب اخد راي من غيرها
اياد بهمس ف اذن شقيقتة : ولحق حبها امتى دة؟؟ هو النوع دة من الكلاب بيحب ويتحب؟؟
لتكتم ضحكتها قائلة : بس يا اياد يخربيتك مسخرة .. اسكت لبابا ياخد بالو !!
اياد بهمس ايضا : ودى هتيجى امتى ان شاء الله؟؟
نرمين : معرفش بتسالنى انا؟؟
ادم : بتتوشوشو بتقولوا اي من ورايا؟؟
اياد بضيق : ماتيجى نمشى يا ادم؟؟
ادم : استنى والنبى .. لما نشوف خطيبتة عاملة ازاى؟؟ الفضول هيقتلنى
لتنظر لة نظرة يفهم معناها ويصمت
اياد : هيكون شكلها اى يعنى؟؟ ماهو من نفس نوعة هتكون كلبة لولوة يعنى؟؟
ليضحك ادم ونرمين ، وينظر اليهم ادهم وميرا ف استغراب
هشام : مش تقولى يااياد بتضحكوا ع اي .. ميصحش كدة ضحكونا معاكوا
اياد محذرا : بلاش .. افتكر انى قولتلك بلاش!!
ميرا : مش توصفلنا شكل خطبيتك؟؟
هشام : هقولكوا عليها اي ولا اي؟ اقول قمر قليل عليها .. اقول شمس نورها اكتر منها .. اقول نهار ابقى بظلمها .. اقول ليل يبقى حرام عليا
اياد بسخرية : وع كدة ف شروق وغروب ولا اي النظام؟ بقولك اي ماتشغلنا نظام اتصالات بيقولوا اسرع من الشروق والغروب
ادم ونرمين وميرا : ههههههه هههههه ههههههه
ادهم بنرفزة : وبعدين بقى؟؟
لينظر هشام نظرة ذات معنى قائلا : اه انا اعرف شروق .. كان حتة نظام اي مقولكش شغال برضوة!!
لينظر الية اياد ف عصبية ، والنيران تشتعل من اذنية ، لتأتى حبيبتة من امامة ف ابتسامة رقيقة ، لينظر امامة ف ابتسامة قائلا : واهى حبيبتى المنتظرة جت
تقف بجوارة وهو يمسك بيديها ناظرا الى اياد ف شماتة قائلا : احب اعرفكم رؤى خطيبتى!
لينظر اليها الجميع صدمة ، وينظر اليها اياد ف تعجب شديد ، ليقف من هول الصدمة ناظرا اليها ، وليديها الذى تشبك ف يدة ف حزن شديدا عليها ، تنظر لة ف ابتسامة انتصار ، لتنظر الى والدة لتتحاشى النظر الية
ادهم : رؤى؟؟
رؤى بابتسامة رقيقة : ازيك ياانكل .. وحشنا والله!!
ادهم : الحمدلله
نرمين : معقولة يارؤى!!
هشام : جرى اي يانرمى .. اللى فات مات ودلوقتى رؤى ملكى!! ولا انتو عندكو راى تانى؟؟
ادهم بحزن ع حالة ابنة : لاء ابدا .. اتفضلوا اقعدوا ياولاد!!
ليجلس الجميع ويجلس اياد ف صدمتة ، وهو ناظرا اليها ونظرتة الذى لا تتوقف عن رؤيتها ، يحاول تكذيب عينة ولكنها واقع ، بل واقع اليم يسبب الم وكسر وحزن وضيق اليهم
يشير هشام الى الجرسون لياتى اليهم بقائمة الاطعمة كى يختاروا منها ما يريدوا
هشام : بصى كدة يا حبيبى .. اختار اي فيهم؟؟
رؤى بحيرة : مش عارفة يابيبى .. كلهم حلويين
هشام : مانت عارفة يابيبى مبعرفش اعمل حاجة من غير رايك!!
رؤى : طب اي رايك ف فراخ وشوربة؟؟
هشام : وانت هتاكى زي؟؟
رؤى : طبعا يا حبيبى وانا اقدر؟
ليرمى قائمة الاطعمة ف عصبية قائلا : انا عايز عصير ليمون .. اروق بية اعصابى
ميرا : سلامتك يابيبى .. وانا كمان هشرب ليمون زية
ادهم : معقول ياميرا .. هتشربى ليمون .. انت حامل ومحتاجة تغذية
لتنظر لة رؤى ف ضيق : ايوة صح؟؟ بصى انت محتاجة كل انواع الاكل المغذية ولازم تاكلى كويس .. انا ممكن اختارلك عادى
ميرا باشمئزاز : ميرسى .. حبيبى هيختارلى
اياد بتافف : اوف ماقولتك مش هاكل .. ماتختارى انت!!
ادهم : وبعدين يااياد كل عشان مراتك تاكل
اياد بابتسامة مجاملة : خطيبتى .. خطيبتى!!
.....
اتى اليهم النادل بالاطباق ، ليضع كل صحنا امام صاحبة ، ثم يغادر ويبدا الجميع ف تناول الطعام عدا اياد الذى كان يراقبهم ف صمت تام!!
هشام بحب : خدى دى من ايدى يا حبيبتى
رؤى لتستفزة : ميرسى يا بيبى
ادم باستفزاز : الا قولى يا هشام .. عملت اي ف موضوع البت اللى خبطتها بعربيتك؟؟
لتترك الملعقة مصطنعة الخضة : بيبى هو انت خبطت حد بالعربية؟؟
هشام : متقلقيش ياحبيبتى
اياد بابتسامة مستفزة : ايي هو انت مكنتيش تعريفى؟؟
لترفع احدى حاجيبها وتوجه حديثها اليه : ربنا يبعد عنك الشر يابيبى!!
ليقف والنيران تكاد ان تخرج من اءنية وانفة قائلا : انا شبعت عن اذنكو
ادم : استنى يا اياد انا جاى معاك
نرمين : وانا كمان
ميرا : استنى ياحبيبى انا مقدرش اسيبك لوحدك
ادهم : الله كلكو عاوزين تمشوا
الكل : اه .. ايوة .. طبعا!!
ادهم : طب ياولاد روحو وخلو بالكو من نفسكوا
لتلتفت رؤى وتنظر الية ف انتصار وتعاود النظر اليهم مرة اخرى
