Chapter 33: Lucy
Riene Allison's POV
"Omg! Adjectiveless." Wika ni Jenny na tila ba manghang mangha.
Tumingin ako sa salamin at nakita ang aking sarili.
Ako ba to? B-bakit parang diyosa ang nakikita ko sa sarili kong repleksyon?
Nakalugay ang buhok ko pero kulot yung dulo. Suot ko na rin yung flower crown at yung dress at nagfit nga ito sa akin.
Meron din akong light make up at color pink na lipstick. Ang simple ko tingnan pero hindi nakakasawang titigan.
Nabuhat ko na ata yung sarili kong bangko.
"Nasan si Riene?" Tanong ni Sandra na kapapasok lang sa pinto.
Lumingon-lingon siya sa buong kuwarto at nilagpasan lang ako ng tingin.
"Nandito ako." Ani ko at halos manlaki naman ang mata niya nang mapansin ako.
"Ikaw na ba talaga yan?" Tanong nito at manghang-manghang lumapit sa akin.
Nakasuot na rin sila ng dress. Pink at skyblue ang motif kaya yun din ang kulay na suot nila.
"Ang ganda mo." Saad ni Kim na kakapasok lang din sa pinto.
Ano ba nakaka-flatter.
"Maganda rin kayo." Ani ko at ngumiti sa kanila.
"Nandito na sila. Sisimulan na namin ang program after 5 minutes kaya dito ka lang at maghanda sa grand entrance mo." Wika ni Sandra at lumabas na ng kuwarto kasama si Jenny at Kim.
Ano kayang itsura ni Grey? Siguro sobrang kisig niya at sobrang guwapo. Argh, nae-excite tuloy akong lumabas.
Masaya ako ngayon at the same time ay kinakabahan. First time ko kasi magkaroon ng ganito kaengrandeng celebration dahil nga nasa ibang bansa sina Mommy and I'm spending my birthdays alone.
Sana okay na sina Mommy doon. Kahit na itinago nila sa akin ang buong katotohanan ay hindi ko pa rin magawa ang magalit sa kanila. Siguro nga tama siya, a family is about the connection of people loving and caring each other, wala sa dugo.
Narinig kong nagsalita na si Sandra at si Riko sa mic at narinig ko rin ang palakpakan ng mga tao.
Bakit parang ang dami ko atang bisita?
"Now let us welcome our celebrant, Riene Allison." Aniya kaya tumayo na ako sa harap ng salamin at binuksan ang pinto ng kuwarto ko.
Narinig ko ang masigabong palakpakan ng mga bisita nang masilayan ako.
Nagulat ako nang may kamay na nag-abot sa akin sa may pinto para alalayan ako.
"You never disappoint me." Bulong ni Grey at inakay na ako pababa.
He's wearing a blue tuxedo at blue pants. Ang kisig at ang guwapo niya ngayon. Nakaka-inlove!
Nilagyan niya rin ng wax ang buhok niya na hindi niya ginagawa ever since. He did that for me. Shit! Kailangan ko na ata ng oxygen dahil hindi ako makahinga sa lakas ng tibok ng dibdib ko lalo pa't kaharap ko ang isang napakaguwapong nilalang sa buong universe.
Ang suwerte ko talaga sa kaniya.
Actually, wala talaga akong alam dito. Ni hindi ko nga alam yung flow ng program, paano ba 'to?
"Let us hear a short message from our celebrant." Sabi ni Riko at inabot sa akin ang mic.
Hala, anong sasabihin ko?
"First of all, thank you. Thank you sa mga kaibigan kong nag-abala pa para sa event na 'to. Actually, wala talaga akong alam na magkakaroon ng ganito ngayong gabi. Salamat sa lahat lalo na sa pananatili sa tabi ko. Thank you din sa lahat ng dumalo. Gusto ko ring pasalamatan ang isa sa mga pinakaespesyal na lalaki sa buhay ko. Kung wala siya, siguro wala rin ako sa harap niyo at hindi na nakaabot ng 19th year of existence ko. Thank you Grey." Mahabang salaysay ko at nagulat naman nang bigla niya akong halikan.
Fuck?
Sa harap pa talaga ng maraming tao ha.
Narinig ko ang iba't ibang klase ng reaksyon mula sa madla.
"Nakalimutan mo na ba yung rule?" Ani niya at binigyan ako ng napakatamis na ngiti.
Ang guwapo shit!
Ibinalik ko ang halik niya at nagsalita.
"Gagawa na rin ako ng rule ko. Everytime you kiss me, I'll kiss you back." Narinig ko ang mga kantiyaw at hiyawan na nanggagaling sa mga bisita.
"I like that rule." Tugon niya at niyakap ako.
"Mukhang lalanggamin tayo ngayong gabi." Ani ni Riko.
"Let's proceed. Ngayon ay may ipapalabas kaming video na ginawa at pinagpaguran namin para sa ating celebrant. Lights off." Sabi ni Sandra at namatay nga ang mga ilaw at nabuhay ang projector.
Lumabas ang isang video kung saan nandoon ako at ang holdaper na nangago sa akin noon.
"Wait, wrong video." Saad ni Sandra ngunit patuloy pa rin itong nagplay.
Makikita sa video kung paano ko nilampaso ang lalaki gamit ang sarili kong kamay.
Nagulat ang mga manonood at nagbigay ng samo't saring reaksyon.
Teka, don't tell me na... Ako ang pumatay sa kaniya?
Napatingin ako kay Grey at tila ba iniwas niya sa akin ang tingin.
He lied?
Nakita ko ang mga mata kong naging pula sa video.
Pero bakit hindi ko maalala na ako ang gumawa nito?
Ibang ibang ako ang nakikita ko sa video ngayon. Isang ako na walang awa, walang konsensya, walang sinasanto, at natutuwang kumitil ng buhay ng iba.
Napalingon ako sa mga bisita at nakita si Tan na mag-isang nakaupo sa may table habang umiinom ng wine kasama ang isang ngiti na para bang umaayon lahat sa kaniyang plano.
Hindi kaya... Si Lucy ang nasa video?
"Lucy..." Nabanggit ko na lang.
Sa pagbigkas ko ng pangalang iyon ay para bang may kung anong bumigat sa dibdib ko.
Hindi ako makahinga na para bang sinasinasakal ako kaya napahawak ako sa leeg ko.
Death Grey's POV
Fuck. Bakit may video na ganito?
Itinago ko 'to kay Riene dahil ayaw kong bumigat ang kalooban niya.
Knowing her, ayaw niyang pumatay ng kapwa niya. Ayaw niyang pumatay ng mortal na tao dahil naniniwala siya na ang lahat ay may karapatang magbago.
Napalingon ako sa kaniya at nakitang hawak-hawak ang kaniyang leeg na parang hindi makahinga.
"Are you okay? What's wrong?" I asked pero hindi siya sumagot at napaupo na sa sahig dahil sa nararamdaman niya.
Nagkakagulo na ang mga tao dahil sa mga nangyayari.
Nawalan na nga ng malay si Riene at napahiga na sa sahig kaya agad ko siyang inihiga sa aking bisig.
"Riene, gising." Nag-aalala kong tawag dito.
"Tonight is the night she will be mine." Isang boses ng lalaki ang nagsalita sa aking tabi.
"She's mine." Ani ko at tiningnan siya ng may galit.
"Riene may be yours but Lucy is mine." Ani pa niya.
Naramdaman kong gumalaw si Riene kaya agad ko itong tinapik sa mukha.
Gising na siya pero may mali.
Her eyes were red.
Ito na ang ikinatatakot ko.
Tinulak niya ako. Kakaibang lakas ang taglay nito kaya napatalsik ako sa may dingding at naramdaman ang pagkakaroon ng mga crack nito.
Someone's POV
Nagtagumpay ako. Nagising ko ang babaeng matagal nang nahihimbing sa kaniyang katawan.
Makikita ang galak nito at pagkasabik sa katawan ni Riene.
"Sa wakas! Sa akin na rin ang katawang ito!" Ani ni Lucy at agad tumakbo papunta kay Tan.
"Mahal ko." Bati ni Tan saka niyakap ito.
Sa tingin ko ay gulong gulo na ngayon ang mga bisita niya.
Kasulukuyan niya ngayong kayakap ang nilalang na hindi nakikita ng kanilang mga mata.
"Nababaliw na ba siya?" Tanong ng isa sa mga bisita kaya napangiti ako.
Napalingon ako sa grim reaper na ngayo'y pinipilit tumayo.
Poor Grey.
Mukhang magiging maganda ang storya ng pag-ibig ng tatlo.
Or should I say, ng apat?
Biglang nag-apoy ang mga kurtina sa hindi malamang dahilan kaya nagkagulo ang mga bisita at nagsilabasan.
"Sandra! Tara na!" Yakag ni Riko at hinila ako palabas.