If I could have just one wish,
I would wish to wake up everyday
to the sound of your breath on my neck,
the warmth of your lips on my cheek,
the touch of your fingers on my skin,
and the feel of your heart beating with mine ..
Knowing that i could never find that feeling with anyone other than you .
_______________________________________________________________
Ashley P.O.V
رأس نايل على كتفي و أنفاسه على رقبتي , رجوله ملفوفة على خصري , يدينه محاوطة بطني ولان التيشرت قصير احس ببرودة اصابعه على بشرتي الدافية , قريبين من بعض لدرجة اني اسمع دقات قلبه .. ـ
هذا كان شعوري وانا شبه نايمة قبل لا اسمع ازعاج في الغرفة خلاني افتح عيني بهدوء وكل الي شفته هو خمس اشخاص واقفين على السرير وفي ايديهم مخدات
بعدت عن نايل بسرعة وهذا خلاه ينزعج ف فتح عيونه على خفيف , سألت وانا اعدل جلستي وافرك عيني" انا وين؟ بالجحيم ؟"
سمعت ضحكهم الخفيف , نط اشتون جنبي وهمس بأذني " انتي بجنة سوس باند يلا قومي قبل لا تصير الجنة نار "
ضحكت وناظرت لنايل الي قام والمفاجئة انه كان بدون تيشرت , ولكن شكله كان كيوت بشعره المعفس وهو يفرك عيونه
ناظرت للبويز لاني خفت يفهمون شي ثاني ولكني ارتحت لما شفت نظراتهم طبيعية , سألهم نايل بعد ما جلس على السرير " كم الساعة ؟
رد لوك " الساعة سبعة "
شهقت بصوت عالي " وليش صاحين الساعة سبع؟
" رد كالوم " احنا هنا في استراليا مو لندن اليوم يبدأ من سبع وينتهي تسعة "
ضربت راسي لاني لثواني كنت فاقدة المكان والزمن
قال ستيف بصوت عالي " يلا شباب خلينا نطلع . اشلي نايل قدامكم خمس دقايق لو ماقمتو تعرفون ايش بيصير لكم "
ضحكت على خفيف وانا اشوفهم يطلع واخرهم كان مايكل الي سوا بيده يعني اراقبكم بالوسطى والسبابة ثم اشر علينا بالسبابة وقفل الباب بعد ماطلع
رجعت رميت نفسي على السرير وانا اتنفس بعمق , قرب مني نايل وقال " صباح الخير جميلتي "
رفعت راسي بيدي " صباح الخير اميري"
قرب مني وشبك اصابعي باصابعة وخلال ثواني كانت شفايفي متشابكة مع شفايفه , مررت يدي بشعره وانا ابادله القبلة
بعد عني بعد 20 ثانية عشان نتنفس ثم طبع بوسة سريعة وهو يقول" مابي نتأخر عليهم والا بيرجعون "
ضحكت على خفيفة وانا اشوفه يغسل وجههوو اسنانه في الحمام, دخلت معه ومسكت فرشتي , غسلت وجهي و اسناني و بليت يدي بشوي موية ورجعت شعري بيدي لان مودي مو عالي لدرجة امشط شعري على الصبح , و صدقوني لو انتو مكاني كان بـتسوون نفس الشي
طلعنا و نزلنا تحت وكانوا كلهم جلسين , الظاهر اننا الي مأخرينهم على الاكل لانهم كانو منتظرينا
سحبت كرسي بعد ماقلت صابح الخير لكامليا ونفس الشي نايل , بدأن نفطر في هدوء ونتكلم في اشياء مختلفة
______________________________________________________
ستيف وكالوم يلعبون بلياردو , لوك يعزف على البيانو , مايكل يعزف على القيتار , كاميليا تحضر بحثها وانا اطالع التي في وعلى يميني اشتون وعلى يساري نايل الي قاعدين على جوالاتهم , كل واحد يسلي نفسه بشي, مسكت جوالي اشيك على اي شي جديد بس مالقيت شي
تنهدت لاني حسيت بملل وبصداع خفيف , قلت وانا اقوم " بروح ارتاح شوي "
قال ستيف وانا على اول درجتين " ماما وبابا و هوران فاميلي وكارا بيجون اليوم الساعة 5 المغرب لا تنسين "
مارديت وكملت على فوق , طبيعي يجيني صداع بعد الطريقة الغير ادمية الي صحيت بها الصبح
رميت نفسي على السرير لثاني مرة , بس هذه المرة قررت اخذ شاور وبما ان نايل يتروش قررت اسلي نفسي بأي شي
تمشيت في الغرفة وبدأت اشوف الصور والجوائز لين وقفت قدام المكتبه , بدأت اطالع الكتب و اخترت كتاب بعشوائية , جلست على الكرسي الهزاز و فتحت صفحة من نص الكتاب وبديت اقراها
.عندما نحب نخاف على مشاعر الطرف الاخر , نخاف من أن نجرحه حتى ولو من دون قصد فقط لأننا احببناه"
ولكن ماذا يحدث عندما يأتي ذلك الجرح من الشخص الذي لم تتوقع منه ان يجرك قط ؟ ماذا يحدث عندما يخذلك نصفك الاخر تحت مسمى الحب ؟
ما هو الحــ .. "
وقفت وقررت افتح الشباك واكمل قراءة عنده لان جو الصبح بيعطي للقراءة طعم ثاني , فتحت الشباك وطاح فمي من الصدمة !!
في نفس اللحظة دخل مايكل وهو يقول " اشلي جالك يرن "
اخذته منه للحين فمي مفتوح قلت بصدمة " من وين جا هذا البحر ؟ العام ماكان في بحر !!
" , ضحك على خفيف وقال " احنا غيرنا البيت لكن بنفس الديكور والاثاث وخليناه على البحر و وسعناه اكثرالغريبة انك مانتبهتي , تعرفين الفانز كانو يعرفون البيت وماكنا نقدر ننام والحين احنا بمكان هادي وماخذين راحتنا :)"
رمشت وابتسمت له وهو بدوره طلع وقفل الباب بعد ماضحك على حركتي , فتحت جوالي وكانت رساله من براد " اشتقت لك اشليوووه برجع اليوم لندن"
وهذا كان ابسط سبب يخليني ابتسم , علاقتي انا وبراد كعلاقة اخ بأخته , يحبها ويخاف عليها ومايقدر يستغني عنها , على الرغم من انه اكبر مني بسنتين الا اني ماقد حسيت بفرق السن دايم كنت احس اني اخته الكبيرة وخصوصا لما كان يرجعلي في مشاكله مع حبيبته القديمة او في اختيار هداية لاخته.
رديت " برادلي اشتقت لك بس انا مو في لندن انا باستراليا "
رد " لا تقولين ! الحين بروح اقعد لحالي "
رديت عليه بايموجي زعلان , فأرسل لي " سلمي لي على نايل والباند "
" يوصل "
رديت عليه ورجعت فتحت الكتاب على نفس الصفحة وكملت قراءة
"ماهو الحب ؟ هل هو مجرد كلمة تقال ؟ ام مشاعر غير حقيقية ؟ ام مجرد اعتياد على الطرف الاخر ؟
ام هو ذلك الخيال الذي لطالما سمعنا عنه بالروايات ؟
الحب ليس الا اكذوبة ! ليس الا دموع حارقة , يبدأ بنظرة ويكبر بابتسامة ثم ينتهي بدمعه !.
نخطأ في الحياة فـ نتألم فنتلم ولكننا نكرر نفس الاخطاء مجددا !!
اهذا بسبب اننا نحاول المحاظفة على من جعلنا نتألم ام ان اختيارنا كان خاطئ منذ البداية ؟
الحياة تجرفنا الى معارك لم نكن نرغب ان نخوض فيها . تأخذنا الى اماكن بعيدة نريدها او لا نريدها سواء شئنا ام ابينا ! فقط لنعيش ما يسمى بالحب .
الحب لدى البعض هو الامل , هي تلك الامنية التي تمناها شخص في حياته ! ان يحصل على حب حقيقي ولكن هذه الامنية ماتت بداخله قبل ان تتحقق.
كبرنا وكبر معنا كل شئ مشاكلنا , اهتمامنا , تفكيرنا , ضحينا بالكثير ولم يتبقى لدينا سوى القليل لذا تشبثنا به
ايقنا في وقت لاحق ان تلك التضحيات التي ضحينا بها من اجل شخص ما , لم تفعل شئ غير انها تركت اثرا في عقولنا وقلوبنا
اشغلنا عقولنا بالمستقبل وعشنا نردد" غدا افضل . غدا فضل " !. الى ان نسينا ان نعيش حاضرنا
تحطمنا من اقرب الناس لنا , من الاشخاص الذين كانو دائما يكررون " لن نتركك مهما حدث . ولكنهم اخلفوا وعودهم
........
هل سبق وان شعرت وكأنك بدوامة ؟ تائه بداخلها يحيطك الظلام من كل مكان , تحبث عن احد ينقذك ؟ تصرخ بأعلى صوتك ولاكن لا احد يسمعك
؟ هل سبق ان شعرت بأنك ضائع في داخلك ؟ لا تعرف اين انت ؟ لا تعرف كيف تتعامل مع الاشخاص الذين تغيرت فقط من اجلهم ؟
فشعرت حينها بأنك لا شئ . بأنك اضعت حياتك وخسرت نفسك؟
بأنها النهاية ولكنك تفاجئت بضوء يدخل الى عتمتك فيحطمها ويجعلك ترا الحياة بمعنى اخر ؟ قد يكون هذا الضوء شخص او شئ او قد يكون داخلك الذي اضعته منذ سنين !! انت فقط لا تعلم
ولكن إعلم دائما بأن لكل شئ نهاية فإن لم تكن تلك النهاية سعيدة فتأكد بأنها ليست النهاية .
قفلت الكتاب وناظرت لغلافة وقرأت الاسم بصوت خفيف " لكل شئ نهاية " اسم جميل
" اوه اش انتي هنا "
لفيت على نايل بعد ما حطيت الكتاب على الطاوله " اوه نايل , اقصد ايه انا هنا "
تنحت شوي على عضلاته والسكس باك الي عنده , الفوطة البيضة الى على خصره والصغيرة الي على كتفه مخليه شكله جميل بالاضافة لشعره الاشقر الي نازل على عيونه وخدوده وشفايفه الحمرا
قربت منه وطبعت بوسه سريعة على شفايفه لكنه مسك وجهي فطولت القبلة , تمنيت لحظتها اني ادفعه على السرير ونقيم علاقة لكني انا ونايل اتفقنا اننا ما نسوي شي الا اذا اعترفنا لهم كلهم
حركت يدي على ظههره طلوع ونزول لمدة دقايق و بعدت عنه ولفيت لجهة الشباك عشان يبدل ملابسه
فتحت الكتاب وحركت صفحاته بسرعة ثم سألت نايل " نايل "
"نعم"
" تتوقع ان ممكن الشخص الي يحبك ويخاف عليك من كل شي ممكن يجرحك بيوم من الايام؟"
لفيت عليه لانه قال "خلصت" قبل لا يجاوب" اممم هذه تكون بالافلام الشاب يجرح حبيبته وبعدين يصالحها ويتزوجون ويعيشون حياة سعيدة لكننا على ارض الواقع , فاذا احد جرح الثاني ينتهي بهم المطاف منفصلين , سو .. ايه ممكن يجرح بس بدون قصد ! او يمكن بقصد مادري"
حرك كتفه وهو يقول اخر كلمة وهذا خلاني اسوي فمي خط قبل لا اعطيته نظرة واختار ملابسي من الدولاب
" بس ليش تسألين ؟"
" أشرت على الكتاب " هذا السبب"
ابتسم وباس خدي قبل لا يطلع "اوكي بروح انا واشتون نشتري شي وبنرجع اوكي ؟
هزيت راسي" اوكي "
اخذت من الدولاب بنطلون مخطط ابيض واسود وتيشرت واسع اسود وطبعا منشفتي ودخلت اخذ شاور
( شرايكم نروح لشي حماسي ؟ احد من زمان ماسويناله بوف ؟ يلا )
Brad P.O.V
.طبلت بيدي على الديكسون وانا انتظر الاشارة تصير خضراء , وقفت قدام كافتيريا قريبة ونزلت - نفس الكافيتريا الي جيت لها انا واشلي .
موني قررت انها بتقعد مع حبيبها الجديد ديفيد ومراح ترجع معي ,اشلي باستراليا وانا احس اني لحالي بدونها لانها كانت اقرب الاصدقاء لي!!
جتني نادلة جميلة بمعنى الكلمة و اخذت طلبي و بصوت هادي و بعد ثواني حطته وراحت تنحت ثواني في جمالها قبل لا ابدأ بألاكل
اكلت اشياء بسيطة وخليت الحساب على الطاولة وقمت, كنت بطلع من الباب لكني تجمدت لمن سمعت ااحد يتكلم من المطبخ ويقول
" لا تنسي الي قلت لك عليه , انتيي عارفة لو اشلي وحبيبها ما افترقو ايش ممكن اسوي فيكي؟"
"افف طيب طيب فهمت"
قربت اكثر عشان اسمع ولكت كوعي ضرب شي على الطاولة فطاح وهذا خلاهم يسكتون و احد من الي داخل يطلع " كيف ممكن اخدمك؟"
تفاجئت انها نفس البنت الي اخذت الطلب مني ولكن هذه شعرها اشقر ! اوه كيف تغير !! تلعثمت " هاه ؟ ايه .. ابي .. ماء حيبي لي ماء"- ناظرت للكرت الي على ملابسها وقلت كـ تكملة لجملتي " اوليفيا"
ناظرتني باستغراب واعطتني الموية وطلعت , معقولة يقصدون اشلي صديقتي ؟ لاااا في اكثر من مليون اشلي في بريطانيا مالقو الا صديقتي !!
حركت كتفي على غبائي وركبت السيارة مرة ثانية , مادري ليش احس ان في شي سئ بيصير, رفعت جوالي وارسلت لاشلي " ملاحظة, انتبهي لنفسك أشلي , احبك " ودورت السيارة
..............................................................................
Ashley P.O.V
جففت شعري بالفوطة ووقفت قدام المرايا , ضرب احد الباب فرديت " تفضل"
دخلت كاميليا وقالت " هاي اش "
" هاي كامي "
سحبت المجفف من يدي و وصلته " خلصت نص البحث حقي وطول اليوم فراغ ايش رايك نقعد مع بعض وحبيبات البويز ؟ كـ بنات ؟ تعرفين اني مشتاقة لهذه الجمعات !
Awesome " لفيت عليها وقلت بحماس "
قالت بعد ماشغلت الاستشوار " لفي اناا بجففه لك "
رديت " ما يحتاج .. انا .. "
قاطعتني " لالا انا بسويه لك اوكي ؟"
ابتسمت" اوكي"
____________________________________________________
ناظرت في الساعة , الساعة اربعة ونص باقي نص ساعة ويحضرون , ضيعنا الوقت انا وكامي في الميك و الهير ستايل . في البداية احترنا في التسريحان ولكن انتهى بس المطاف بشعر ويفي وهي بشعر سترايت
رميت نفسي على الكنبة جنب نايل , قرأت رسالة براد الي ارسلها من ساعتين ! استغرب انه ارسل "انتبهي لنفسك" لحالها بدون اي كلام ثاني لانه مو من عادات براد الا اذا كان متوتر ولكن انقطعت افكاري لمن سمعت جرس الباب
فتح ستيف الباب ودخل" عائلتي وعائلة نايل وطبعا حبيبات البويز"
سلمت عليهم انا ونايل وجلسنا كلنا على الكنب نتكلم في اشياء مختلفة , انتبهت لنظرات امي و مورا كل ما امزح مع نايل او يحط يده على كتفي لكن ماشغلت تفكيري بالموضوع
فكرت كيف حيكون الاعتراف قدامهم وهل حـ يوافقوا ولا لا ولكني وخرت كل الافكار من عقلي بمجرد ان امي قالت " لازم نروح لاننا تأخرنا ممكن نجيكم بكرة "
قمت من مكاني وسلمت عليها وعلى بابا ومستر ومسز هوران وطلعو من البيت .
بعد دقايق استأذن كالوم لانه بيقابل صديقه ونفس الشي مايكل ولوك
باس نايل خدي " اش لازم اروح انا واشتون عند صديق له تعبانة وبنرجع الساعة 10 اوكي؟
هزيت راسي وقلت " اوكي
مشى نايل خطوتين ثم نادا " اش"
رديت انا واشتون بنفس الوقت " نعم " ثم لفينا على بعض وضحكنا
قال نايل في اذني بعد ما ضحك " اشلي اذا تأخرت نامي ولا تنتظرين اوكي ؟
رفعت حاجبي ورديت " طيب" :/ !!
حضني "بشتاقلك"
بست خده من عند اذنه " وانا بعد"
|
جلست انا وكارا وكاميليا و فيولا وكلوديا و ويندي وليندا نسولف وستيف جالس بينا يناظرنا , وقفنا سواليف وناظرناه
قلت بسخرية " تحب تتكلم معنا في سواليف بنات ؟؟"
ضيق عيونه وقال " لحظة انتو الحين بتتكلمون عن فلة وباربي واللون الوردي وهذه الخرابيط؟
ضربته بالمخدة " هذه الحركات بطلناها من ايام المراهقة ستيفو !
تنهد وقام " طيب انا بروح اوقف على البحر اوكي؟"
ردت عليه كارا بعد ما رمشت " اوكي بيبي"
كلنا لفينا عليها وعطيناها نظرة قبل لا نمسك كلنا المخدات ونبدا حرب مخدات عليها
-----
طالعنا فيلم وتكلمنا في بعض الاشياء وسوينا تسريحان ومقاطع فاين ونزلناها
سلمت عليهم قبل لا يروحون " مرة استمتعت بجمعتكم يا بنات , لازم نكررها"
"حتى احنا , اكيد لازم "
سلمنا على بعض وكل وحدة راحت على بيتها الي هو قدام بيت سوس
|
طلعت غرفتي وبدلت ملابسي , لبست بيجامة واسعة ومسكت الكتاب , قريته مرة ثانية بهدوء اكثر مع اضاءة خففة , قفلته وراسلت هاري و زوي قبل لا تجيني رساله
"اقسم بان جحيمك بيبدأ من ترجعين لندن"
فتحت فمي من الصدمة وطاح الجوال من يدي , رجعت مسكته وقريتها مرة ثانية .. اممم في احتماليه انه هاري او ستيف يمزحون معي
مسحت الرسالة وتغطيت , ماحبيت اشغل نفسي بالتفكير لاي مابي احلم بكوابيس .. حطيت في عقلي اني بععرف كل شي في وقته
بعد ثواني حسيت بصوت الباب يفتح وعلى طول عرفت انه نايل , حسيته يقرب ويبوس خدي , كنت بلف عشان اكلمه لكن النوم غلبني
____________________________________________________________________
خلص التشابتر رايكم؟
عاد مادري كيف كتبت هذا التشابتر لاني مواصلة, اذا في اغلاط بصلحها اذا صحيت
المهم فوت وكومنت وشير " توقعاتكم وارائكم "
و اوعدكم ان التشابترات الجاية رح يكون كل تشابتر مفاجئة ماتخطر على بال احد ! انا نفسي متحمسة اكتبها
من تتوقعون الي يرسل رسايل لاش؟
وتتوقعون الي سمعهمم براد له علاقة ؟
وايش بيصير لمن نايل واش يعترفون لهم؟
وليش نظرات االامهات كانت غريبة؟
بتعرفون كل شي وانا ماسحب على شي يعني كل الشخصيات بتعرفونها تدريجيا
واتمنى عجبكم عذا الكلام الي سويته كأنه كتاب , عاد اسحبو تراني فاشلة في كتابة هذه الاشياء والخواطر والاشعار وهذه اول تجربة اتمنى تكون اعجبتكم
لا اله الا الله عدد ما كان وعدد مايكون وعدد الحركات والسكون
لوف يو