عند جاسم
طلع جاسم من المستشفى تعبان يبي يرجع البيت يرتاح ماله خلق يشوف مصيبته خيبة امله قدامه لكن هو بحاله وهي بحالها
وصل البيت دخل غرقته سمع هنديانا تكلم بالجوال
سمع كلمتها / وهي تقول خلاص هند اكلمك بعدين
جاسم بكره / من تكلمين
هنديانا بكل ثقه / هند الفهد
كل جسمه ارتجف من ذكر اسمها مشتاق لها ومرضه شوقه
جاسم بالم / وش ناويه عليه بعد
هنديانا / تبيني اتطلق منك
جاسم بقرف / شلون تطلقين مني وانا ماعندي المبلغ
هنديانا / انت عاجبني واحبك ارتاح مابي اتطلق
جاسم في نفسه / خذاك عزرائيل قولي امين ويفكني منك ليه يا هند مخليتها عندي فيها اتذكر قهري وحرماني منك صاير كاني مع سجان شوفتها تقرفني اااااااااااه يا هند حكمك علي قاسي والله الاعدام اخف منه راح عند البكونه الي تطل على الحديقه جلس على كرسي في البلكونه وعيونه برا بالحديقه تذكر لما كان بقصر هند يجلس بالساعات يسرق النظر عايش معها على نظرات مسروقه ياليتها ترجع ذيك الايام والله تكفيه ادمن شوفتها ولا لقى لادمانه علاج جاسم يغني بحزن وصار دموعه تنزل شلال على خده
عذبتيني بفراقك...
وجرحت قلبي ببعادك...
كل الجفاء منك...
وكل ها لعناد عنادك...
قلبي مليان بشوقك...
كيف تبيه ينسى حبك...
ضحيت وغايتي رضاتك...
وتضحياتي مسجله بملفاتك...
زليت وانا اعترفلك...
لكن حبك بقلبي ...
نسيانه ضياع حياتي...
فكر فيني شوي...
ان ودك تحرقني بنار بعدك...
فأنا محروق بغيابك...
دخل غرفته لقى هنديان لابسه قميص نوم احمر طالع فيها باستحقار وقهر ان هذي زوجته تمنى غيرها مكانها
هنديانا / مراح اسمح لك تبعدني عنك اكثر من كذا انت زوجي حلالي
جاسم بعصبية وقهر/ حلك بطنك انتي ما تفهمين انتي تقرفيني تعرفين اش معنى تقرفيني مستحيل جسمي يلامس جسمك قربت منه اكثر وضمته بقوه وباسته على فمه
خلاص جاسم قربها منه لهدرجه يقرفه دفها باقوى ما عنده ودخل الحمام يستفرغ رجع كل الي بجوفه
جاسم بالحمام قطع فمه بالغسيل يبي يمسح بوسة هنديانا لانها استباحت شي ملك غيرها
طلع من الحمام ولبس كره الجناح وكره البيت بكبره لان هنديانا فيه قرر انه يسكن في شقه مفروشه لين الله يحلها من عنده ويتخلص من مصيبته
ركب سيارته بيمر اخوه فيصل هنديانا طيرت النوم من عينه وصل للمستشفى وصل لغرفة اخوه استقبله نواف
نواف / جاسم ما يمديك ترتاح
جاسم بوجع / وين تجيني الرحه والمصيبه بالبيت
نواف / خير وش صاير بعد
جاسم بحزن \ هههههههه تحاول تغتصبني وجيتك منحاش
نواف /ههههههه الله يعينك شكله ما صدقت تشوف رجال
جاسم بوجع \ شر البليه ما يضحك قررت انحاش عنها واسكن شقه مفروشه
نواف بحزن / هونها وتهون ياخوي ربي بيفرجها
جاسم / الله كريم شخبار فيصل
نواف بتنهيده / طول الوقت يهذي باسمها ويترجاها ما تتركه
جاسم بالم / محكوم علينا بالحرمان والوجع بدخل اشوفه
دخل جاسم على فيصل الي نايم ما يدري عن الي حوله اخذ كرسي وجلس جنب سرير اخوه
تقطع قلبه على اخوه وهو يسمع هذيانه باسمها
جاسم بوجع وقهر / حالي ما هو احسن من حالك يا خوي مدري تواسيني ولا اواسيك يا ليتنا ما عرفناهن ولا شفناهن كان ما عشقناهن وتدمرت حياتنا
ياما شفتها تبكي بوجع وحرقه والم كله من عمك الي ما يجي من وراه الا المصايب احنا ضحية ظلم عمك لبناته
فتح فيصل عيونه قرب منه جاسم ومسك يده
جاسم بحب / الحمدلله على سلامتك
فيصل بعد استعاب / الله يسلمك ليش انا هنا
جاسم / جاك انهيار عصبي
فيصل تذكر كل الي صار له / الي صار حقيقه ما هو حلم
جاسم هز جاسم راسه بايه
نزلت دموع فيصل الي اول مره يشوفها جاسم من بعد وفاة ابوه
جاسم يمسح دموعه / لا تبكي ياخوي خلك قوي
فيصل بانهيار / قوتي اخذتها غاده وراحت احبها يا خوي مشتاق لحضنها قولها ترجع وربي لعيشها ملكه وانسى الي سوته ما فيني على نار البعد
جاسم في نفسه / كانك توصف حالتي وانت كنت معها للفجر
وش اقول انا الي من زمان ذبحني شوقي صرت اشوفها بمنامي وصحياني
جاسم / انت قو نفسك وطلع من المستشفى هي زوجتك غصب عن الجميع طلاقها بيدك محدن بجابرك
فيصل بحزن / اموت ولا اطلقها وش فايده الجسد بدون روحه
جاسم في نفسه / هذا حالي يا خوي جسد بدون روح
في بريطانيا
هند وخالد وغاده طقو الباب فتح لهم فهد الباب وهو مشتاق لهم سلمو عليه باستثناء هند اخذته في حضنها
هند بحب / بعد هلي والله مشتاقه لك
فهد / و انا والله ذبحتي الشوق بشريني عنك
هند بحنان / الحمد لله فهد شكلك نحفان شكلك ما تاكل كم مره اوصيك على صحتك
فهد باس راس هند / يا لغاليه كل مره تجين وتشوفيني تقولين نفس الكلام
خالد / غاده ما تلاحظين مو معبرينا كانا مو موجدين
غاده / ههههههههههه تعرف ماماتي اذا شافت الدب تنسى الي حولها
فهد / ههههههههه شخبار العروسه الهاربه
الكل / هههههههههههههه
غاده بحماس / فاتك فهودي الاكشن الي صار ولا فلم اكشن ماماتي حققت امنيتي ياما تمنيت اكون بطله والبارح صرت انا البطله هههههههههههه حسافه ما حطينا كمرى تصور لنا فصول النذل بعد ما كتشف الموقف
وابرد قلبي فيه
خالد التفت لهند / لمتى بتهرب غاده عن فيصل احنا متعودين على المواجهه
هند بقوة / فيه مفاجئه لفيصل اخلص منها ترجع غدويه لحضني
فهد / انا ضد الي سويتوه انتم تاخذون الامور بالقوه شوي تنقلبون مجرمين
هند بجديه / فهودي حبيبي عمرنا ماكنا مجرمين لكن مستحيل نرضى بالمهانه والي سواه فيصل واخوه يستاهلون عليه الي جاهم يمكن لو جونا بطريقه احسن مراح يكون هذا ردنا عليهم
هم بيكملون الي ما قدر عليه راشد انا متاكده انها خطه بينهم بياخذوني يوم انصدمو حولو على غاده بطريقه خسيسه فيها لوي ذراع لخالي ما عاش ولا كان الي يلوي ذراع خالي وراسي حي
اقتنع فهد بالكلام الي قالته هند لانه ما خطبو مثل الرياجيل الي سوه مثل السرقه
فهد / ياليت تقولين لنا وش ناويه عليه
هند بتكتم / قريب بتعرف كله اليوم او بكره والمفاجئة بتكمل على فيصل وتعلمه كيف يحط راسه براس الرياجيل
خالد / هند متى بنرجع
هند / الليله تعبانه من زمان ما خذت اجازه ببقى هنا اسبوع ترفيه بعد الضغوطات الي صارت
خالد / انا لازم ارجع لشركه لان ما يصلح نتغيب كلنا عنها
هند / ارتاح الليله وارجع بكره
خالد / اوامرك يالغاليه
غاده / فهود يالبخيل مالك نيه تضيفنا
فهد بحب / عازمكم بافخم المطاعم لعروستنا الهاربة
غاده / فهود وجع كل دقيقه عروستنا ووووع من الكلمه انا غدويه
فهد / هههههههه من لسانك
في بيت نواف
جالس نواف بالصاله وهموم الدنبا على راسه ذبحه التفكير بحال اصحابه الجوهره ملاحظه ان نواف متضايق ومهموم لكن تستحي انها تساله
الجوهره / نواف
ما نتبه لها انه تناديه وللحين غارق بافكاره قربت منه اكثر وهي اخايفه ان صاير شي كبير قالب حاله
بجراءه منها ما توقعتها ضمت يده بايدينها الصغيره صحى نواف من افكاره لما مسكته الجوهره
الجوهره / نواف من الفجر وانت منقلب حالك فيه شي يوجعك ولا مضايقك وربي خايفه
نواف يطالعها بحب / اخوانك متعبيني
خافت الجوهره ان صار لهم شي
الجوهره بخوف / قول وش صاير لهم حال جاسم مو عاجبني وعارفه السبب وفيصل مبسوط مع غاده الي اعرف انه يعشقها
نواف / الي صار لجاسم من هند صار لفيصل من غاده
الجوهره مصدومه / وش تقول انا اعرف غاده مستحيل تضر احد ما تتخيل الطيبه الي بداخله
نواف / تربية هند يمكن مخدوعه فيها
الجوهره بجديه / نواف صحيح جاسم اخوي والمفروض اوقف في صفه لكن الي سواه شي كبير هند مجروحه من ابوها وتتوقع اخواني يشبوهنه وبلي سواه اثبت لها انه نسخه من ابوها
اعجب نواف بتحليل الجوهره وان كلامه صحيح مليون في الميه
الجوهره / وفيصل ليش سوت غاده معه كذا
نواف / قال لها كل الي صار
الجوهره عصبت وانقهرت / يستاهل الي سوته فيه اصعب ما على البنت انها تنخطب بطريقه الي سواها فيصل نواف انت مستحيل ترضى ان اختك تنخطب بلوي ذراع وتنجبر انك توافق غصب عنك وانت منكسر
الي سوته غاده كبرها بعيني اكثر واكثر لانها اخذت حق خالها الي رباها من اخوي الي للاسف تصرف بغباء منه
نواف فتحت الجوهره عيونه على شغلات ما كان يشوفها كان متحامل كثير على هند واختها وبعد كلام الجوهره زاد اعجابه في هند
صعب على الرجال ينغصب على تزويج بنته من رجال بطريقة فيصل لو انه هو كان انقهر لكن مستحيل يسوي الي سوته
اعجب بذكاء هند شلون ما كسرت كلمة خالها عند الرياجيل وبالمقابل فكت اختها من الزواج
عند جاسم
بعد المغرب
طلع جاسم من عند فيصل بيرتاح ذبحه التعب والارهق قرر يروح لشقته المفروشه الي استاجرها مؤقت لين يدبر نفسه
لقى نفسه واقف قدام قصر هند تذكر الليله المشئومه الي استنزفت كل قوته شاف القصر مظلم كانه مهجور
جاسم في نفسه / جننتيني يا هند مدريت الا وانا واقف قدام قصرك رفع عيونه لغرفتها شافها مظلمه تاكد ان القصر خالي حرك سيارته وقف قدام شركتها نزل من سيارته لقى الحارس والشركه مسكره
جاسم / وين صاحبة الشركه
الحارس / مسافره برا السعوديه يمكن تغيب سبوع
تركه جاسم وركب سيارته
جاسم في نفسه / سافرتي وين رحتي اكيد مبسوطه من الانجازات الي سويتيها ورايحه تستجمين وغيرك متعذب ومدمر
خافي الله فيني يا هند ردي علي قلبي قولي لي كيف انساك مثل ماحبيتك قدرت على حبك لكن ماقدرت اكرهك على كل الي سويتيه فيني مازلت مجنونك اااااااه من قهر الرجال وقلة الحيله
مر الاسبوع على ابطالنا لا جديد
جاسم مازال حب هند يكبر اكثر واكثر والشوق ذابحه ساكن بشقته الجديده
فيصل طلع من المستشفى حالته كل يوم اسوء من اليوم الي قبله صار يحب العزله علشان يفكر في الي خذت قلبه وسافرت
راح لشركة هند بيغصبها ترد غاده لكن السكرتيره قالت مسافره كندا وتاكد انا غاده بكندا
السكرتيره كذبت لان هند قالت اذا سالك احد عني قولي مسافره كندا وهند قصدها ان فيصل وجاسم ما يعرفون انها ببريطانيا بيتاكدون انا غاده عند فهد ويسافرون لها وتتورط قبل لا تنفذ الي براسها
قرر فيصل انه يجيها لرجعت من السفر ويغصبها ترد له غاده
ام جاسم حزينه على جاسم وعارفه ان قرارها انه ينام مع هنديانا هو الي طفشه من البيت لكن كانت مقهور من الي سواه جاسم ماتبيه يصير نسخه من راشد
مادرت عن فيصل تحسبه مع غاده في تركيا جوهره ماقالت لامها خايفه عليها
نواف والجوهره كل يوم يحبون بعض اكثر واكثر نواف اكتشف بالجوهره صفات اعجبته وكان يتمناه بزوجته
عبدالرحمن ونوره لا جديد بحياتهم حاسين البيت ما فيه روح بسبب غياب هند وغاده كل يوم يكلمونهن يطمنون عليهم
خالد رجع لسعوديه من ثاني يوم وداوم بشركه وكان عليه ضغط بالشغل حتى انشغل عن غاده خطيبته لا زارها ولا كلمها
هند وغاده مبسوطات عند فهد ماخلن مكان بلندن الا شافوه هند فرحانه ان المصيبه الي بتزفها لفيصل جاهزه تستنى رجوعها لسعوديه
غاده بتجلس كم يوم بعد ما تسافر هند لازم تتاكد ان الامور تمام
فهد مبسوط مع خواته ويتمناهن يطولن لكن هند تعذرت بالشغل
زياد جته مكالمه انه ياخر انتقامه من هند لانهم تحت المجهر اذا هدت الاوضاع بيعطونه اشاره ولازم عليه التنفيذ
زياد فرحان انهم اجلو انتقامهم فيه شي بداخله كاره انها تموت من ذيك الليله الي بالقصر وهو تفكيره منحصر عليها يشوفها اسطوره ما يستاهلها الا زياد بس كيف شلون ما يدري للحين على سهراته مع البنات والخمر
يوم رجوع هند لسعوديه
وصلت هند السعوديه الساعه ثلاث الفجر كان باستقبالها خالد ركبو السياره اول ماوصلت دخلت البيت الكل نايم لانها ما قالت لهم عن وصولها ما تبيهم ينتظرونها دخلت غرفتها اخذت دش ونامت وخالد طلع غرفته ونام
الساعه 6 الصباح
صحت من نومها دخلت الحمام خذت شور ولبست وطلعت لغرفتها مرت على الصاله لقت خالها ونوره جالسين يسولون
هند / السلام عليكم
عبد الرحمن فزو لما سمعو صوتها
ركضت هند لهم وضمنتهم
عبدالرحمن / هنوده ليش ماقلتي انك بتجين
هند \ خالي موعد رجعتي ثلاث الفجر اعرفكم بتسهرون تنتظرون وهذ الي مابيه
نوره تسحبها لحضنها \ البيت مظلم من غيرك انتي وغاده والله فقدناكم
عبدالرحمن / شلونها العروسه الهاربه
هند \ ههههههههههههه حتى انت تقول عنها كذا فهد جننها هناك وشوي تذبحه على الكلمه
نوره بحب / شلونه اخوك
هند بحب / تطمني يالغاليه بخير وفهد ماينخاف عليه
نوره / الله يطمن قلبك ويريح بالك
هند / امين
عبدالرحمن / بداومين بالشركه
هند / ايه خالي
عبدالرحمن / تعب عليك ما رتحتي
هند / اسبوع مرتاحه من الشغل
قامت هند من عندهم لبست عبايتها وطلعت لشركه
في شقة جاسم
فيصل وجاسم جالسين يفطرون يسولفون
فيصل بقهر / بنت عمك اليوم بتجي بروح لها المكتب ما ترك حقي لازم ترجع لي زوجتي او تقولي وينها اروح اجيبها
جاسم بالم / الله يقويك
فيصل / انا طالع الحين لها
جاسم خاف على اخوه منها قرر انه يلحقه وهو ما يدري عنه يبي يشوفها مشتاق لشوفتها شكله ادمن على مراقبتها وعينها ادمنت عليها
طلع فيصل / ركب سيارته
كان وراه جاسم بسيارته فيصل ماشافه لان تفكيره مشغوله بالي بيقوله لهند
وصل لشركه ودخل غرفة السكرتيره وطلب منها انها تقول لهند ان فيصل يبي يقابلها
كان جاسم واقف عند مدخل باب غرفة السكرتيره
عند هند
هند جالسه بمكتبها الا السكرتيره تكلمها
السكرتيره / فيه واحد اسمه فيصل يبي يقابلك ضروري
هند / خليه ينتظر 5 دقائق على مالبس عباتي
السكرتيره / حاضر
هند تضحك وتقول في نفسها / ههههههه ريحتني يا فيصل وجيت تستقبل صدمتك بنفسك طلعت من المكتب ظرف
دقائق الا فيصل داخل وهو معصب على الاخر
فيصل بعصبيه / هند وينها زوجتي رديها
هند بتستفزه / ههههههههه مالك زوجه عندنا يمكن غلطان بالعنوان
فيصل بصراخ / هند ردي زوجتي لا تنسين انها بذمتي ومستحيل اطلقها لو تحبون السماء
هند بهدوء يذبح / يا شاطر قول كلام متاكد منه غاده ما هي بذمتك ثانيا ما يحتاج انا نحب السماء علشان اطلقها
هند مدت عليه ظرف خذ فيصل الظرف
هند بستحقار / يا شاطر مره ثانيه اذا جيت تلعب العب مع بزران الي يطالع فوق تنكسر رقبته وابعدو عنا انا وختي متبرين منكم مالنا عيال عم
الي بظرف ورقت طلاقك من اختي
فيصل بصراخ / انا ما طلقتها لا تزورون
هند بستحقار / انت بزر ما طلق هي الي طلقتك
فيصل بكره / من متى الحرمه اطلق
هند بجبروت/ غاده اخلعتك تعرف اش معنى الخلع يعني انت غير مرغوب فيك وانخلعت من حياتها
فيصل انجن من الكلام الي قالته هند قرب من هند بيضربها الا على دخلت جاسم اول ما شافته هند كانت واقفه عرضته ظهرها
هند بقسوة / خذ اخوك انا رايقه ومبسوطه على الاخر ما بيه يعكر مزاج
وبصرخه قويه فز منها جاسم / انسووووووو ان لكم بنات عم انا متبريه من الدم الي يجمعنا فيكم من زمان
كلامها سكاكاين تقطع قلب جاسم وزاد الوجع اوجاع لما عرضته ظهرها وهو متلهف وعطشان لشوفتها
جاسم حاول يصير قوي ومن داخله ينزف/ تطمني يا هند الدم الي بينا قطعتيه من اليوم ورايح مراح تشوفينا
واخذ اخوه المنهار المدمر الي دمرته هند بكلامها وستحقارها له وطعنته بورقة طلاقه يحس بالمهانه والمذله والقهر والغبن
طلع من الشركه وهو منكسر ومدمر على الاخر وجاسم لا يقل عنه شاف حبيبته الي تستلذ بتجريحه وطعنه
وصلو الشقه وكل واحد محمل بهمومه ماله خلق لثاني يبون يختلون بنفسهم بيطلق الحريه لدموعهم بالنزول يمكن تطفي النيران الي بداخلهم
في الشركه
طلعت هند من مكتبها دخلت مكتب اخوها
هند بفرح / خالد تو طلع من عندي فيصل سلمته ورقة الخلع
خالد / كان ناديتيني اتشفى فيه
هند / هههههههههه لا تخاف اخذت حقنا كلنا منه وجايب اخوه معه طلع من عندي منهار على الاخر مستحيل يقرب منا لان ماله أي حق عندنا قال جاسم خلاص مراح نشوفهم اخيرا افتكينا منهم
خالد / اروح لغاده اجيبها
هند / ايه
رجعت هند لمكتبه تكمل الشغل الي عندها
عند بيت ام جاسم
الصباح
جالسه ام جاسم تفطر لحالها مالها خلق لاحد هنديانا ما تنزل لان ام جاسم ما تعطيها وجه ان شافتها اطلعت من المكان وخلته لها
دق جرس البيت استغربت من يجيهم في الصباح نزلت هنديانا من الدرج بشناطها
ام جاسم اسفهتها ما كانها تشوفها وهي تقول بنفسها قلعتها جعلها ما ترجع
هنديانا التفتت لام جاسم / انا بروح اباشر شغلي عند هند وبيكون نومي عندها هناك
ماردت عليها ام جاسم خلتها تطلع وهي فرحانه انها تقلعت الي حرمتها من ولدها وخلاها تقسى عليه
طلعت هنديانا من بيت ام جاسم ووصل لبيت عبدالرحمن
عند جاسم وفيصل
جاسم طلب من الطباخ الي جابه يسوي لهم غدا فيصل من طلع من المستشفى ماطب الا كل بطنه واذا استمر كذا بيموت دخل عليه غرفته لقاه منسدح على سريره
فيصل وهو يبتسم بحزن / جاسم كانت عروسي بين يديني عمري ما شفت اجمل منها اسحرتني ياخوي خذت قلبي وخلعتني نزل فيصل راسه ياقوها الكلمه يا جاسم
جاسم بحزن موجع / انت مخلوع وانا مجلود بدون رحمه
فيصل بحسره / كنا مرتاحين وناسين الزواج وقلوبنا مرتاحه قولي جاسم متى اخر مره ضحكنا نسينا الضحك وانقلب حزن والم وهم شوف شكلك صاير هيكل عضمي لو انفخك طحت
وانا يا جاسم صار طعم الاكل بحلقي مر بصير مثل حالك يا خوي كله من عمك لو اشوفه ذبحته الي فينا بسببه هو وبناته
جاسم / منت براجع للبيت
فيصل / وين ارجع من بيفكني من امك لو درت
جاسم / المغرب بنرجع سواء امك حرام تركناها لحالها بالبيت انا الله يصبرني على ما بلاني
فيصل / انت قول لها الي صار انا مالي خلق لمواجهتها
جاسم / الغدا جاهز لازم تاكل لا تفرح بنات عمك فينا وتخليهن يتشمتن اكثر فينا
فيصل بصوت كسير / تتوقع رجعت لسعوديه والحين في بيت خالها تتوقع الحين وش جالسه تسوي الجامعه ما بقى عنها شي تتوقع بداوم بالجامعه ولا بتكمل دراستها برا
جاسم زاد عليه فيصل همومه هذا الشي كان خايف منه ويا كثر ما حذر فيصل منه لكن بعد فوات الاوان
فيصل بحزن موجع / شوف الجرح الي بجبهتي يذكرني فيها والحرق الي في فخذي يذكرني فيها
رفع حواجبه جاسم مستغرب كيف حرقته فهم عليه فيصل وكمل
كمل / حرقتني بليلة زواج نواف بعد خطبتي لها رحت ابي اتاكد من صالة الطعام شفتها يا جاسم بعد ما ذبحني الشوق شوفتها سحرتني احب انرفزها دخلت بعد متاكدت مافيه شي تقدر تضربني فيه
ابتسم فيصل وهو يتذكر الموقف بنت عمك ما يعجزها شي فكت غطاء دلة الشاهي ورشتني بالشاهي الحار حرقني يا جاسم بس وجع حرق خلعها لي اقوووى
عند زياد
قرر يسوي زياره لهند بشركتها يتعذر بشغل علشان يشوفها خذا شنطته الجلد طلع من قصره متوجه لشركه هند
وصل لشركه دخل غرفة السكرتيره سوزان الي عرفته ورحبت فيه وقال بين شركته وشركة هند شغل
طلب زياد من سوزان ما تقول من يكون كلمت السكرتيره هند وقالت واحد يقول عنده شغل وصفقات مع شركتك ورافض يقول اسمه
اسمحت له هند الي من طبعها ماترد احد يوصل لمكتبها وهذا الشي عرفه زياد عنها
كان خالد مسافر يجيب غاده مافيه احد يجلس معها
دخل زياد بهيبته اول ما شافته تنرفزت وعصبت
هند بعصبية / خير وش جايبك للحين حي صحيح قطو يسبع اروح
جلس زياد بالكرسي الي قدام هند طلبت من السكرتيره تترك الباب مفتوح وتنادي وحده من الحارسات
زياد بيستفزها / اشوفك خايفه مني
هند بقوة وثقة / ههههههههه اتوقع جربتني وعرفت اني ماخاف اتوقع عندك الدليل
زياد في نفسه / اش كثر مشتاق لك يا سطورتي وانا محدن جاب راسي وقدر علي غيرك
هند قطعت عليه تفكير وبعصبية / خير وش عندك جاي لشركتي الصفقه الي بينا مرفوضه لو موتي الثمن
انتفض زياد من الكلمه الي قالتها وهو متاكد ان العصابه بتنهيها لكن ما قد حس بالاحساس الي حسه يوم قالتها
زياد بامل / طيعيني يا هند وقعي على الصفقه لما تتضررين محد بينفعك
هند بصوت عالي / سبق وقلت لك ياهلابه الموت الي بينقذ شبابنا
زياد قهرته يحاول يحميها ويبعدها عن الموت وهي ذبحته باصرارها
زياد بعصبيه / انتي شنوا ذا ما همتك حياتك غيرك همته يقصد نفسه
استغربت من عصبيته لكن ما هتمت
هند بعصبية / حطها في بالك ياعيش شريفه يااموت شهيده
كلامها خلاه يستحقر نفسه هذي بنت ووقفت بوجيهم وهو الرجال موقف معهم لكن خلاص ما عاد ينفع التراجع خلاص الاوان فات ياليتك ظهرتي بحياتي من زمان يمكن تغيرت
قام من الكرسي خلاص مايبي يبقى اكثر من كذا لانه قدامها يصير صغير طلع من الشركه وجلس يدور بالسياره وكلامها يضرب براسه
في بيت ام جاسم
المغرب
كانت جالسه لحالها تتقهوى وبالها مشغول بجاسم دخل جاسم الصاله باس راسها وباس ايدينها
جاسم بتوسل / يمه دخيلك ارضي علي والله ندمان على الي سويته
ام جاسم بزعل / انا مابي عيالي نسخه من راشد الطماع الي ما يخاف الله
وش ذنبها هند اليتيمه الي ذاقت من الدنيا مكفاها تجي انت وتكمل عليها
انا مربيتكم كذا المفرض تعتبرها اختك وتحميها من جور الزمان ما تجور عليها مع الزمن
عرفت ليش زعلانه يا جاسم حتى اخوك فيصل مشى ممشاك وسوى سواتك باختها لكن الله قوى هند عليكم وتستاهلون ماجاكم
جاسم حس نفسه صغير وحقير قدامها لان كلامها كله صح لكن الي ما تعرفه ا ن الي اجبره يسوي الي سواه عشقه المجنون
طلع فوق لجناحه دخل ورمى نفسه على السرير لقى ورقه محطوطه على الكمودينه
من هنديانا / جاسم انا بباشر شغلي عند هند بضطر انام عندها عند الفراغ بامر بيتنا حبيبي
جاسم / روحه بلا رده حبك الموت يا خذك ويريحني منك
اخيرا بنام على سرير مرتاح تذكر سلسال هند فتح بوكه يتاكد هو موجود ولا لا خايف يفقده مثل مافقد صاحبته
اخذه وصار يقلبه بين ايديه مره يشمه مره يضمه تذكر قربه منها بليلة زواجه وكان ميت يقطع شفايفها بوس كان بين خطوه ويسويها لكن هذي هند خربت عليه
حط يده على فمه وهو يتذكر بوسة هنديانا وكبده قلبت عليه فرق كبير وحده ميت على بوستها ومحروم والثانيه تبيه تبوسه وبوستها تقلب كبده
تذكر فيصل وقرر يكلمه ويقوله ان امه درت
كلمه وقاله الي صار بينه وبين امه حزن فيصل ان امه زعلانه عليه قرر بكره يجي يبوس رجولها علشان ترضى
في بيت عبدالرحمن
جالسه هند جنب خالتها يسولفون دخل عليهم محمد
محمد / السلام
هند ونوره / وعليكم السلام
محمد / يمه جايب معي مفاجئة قولي قلبك يتحمل ولا اجلها
هند / المفاجئة بس لخالتي
محمد / لنا كلنا بس تاثيرها على امي اكبر ما جاوبتيني يا لغاليه
نوره / قلبي حديد ان شاء لله هات مفاجئتك
التفت وراه محمد / يا مفاجئتي اظهر وبان عليك الامان
دخل من وراء محمد رجال في اواخر الاربعينات
نوره فتحت عيونها مصدومه ما تحركة وصارت تبكي بصمت
هند شافت حال خالتها ركضت لها وضمتها
هند / ليه البكاء هذا خالي بدر المفروض تفرحين ان الله فرج سجنه اول ما طلع لزم اول وحده يشوفها انتي تستقبلينه كذا
نوره صارت تشاهق من البكاء ما قدرت تتكلم
هند التفتت على خالها / خالي تعال لها المفاجئة قويه
كانه ماصدق قالت له هند الكلام على طول ركض لها وضمها ودموعه على خده
بدر / مشتاق لك يا لغاليه اااه من غربة السجن الي حرمتني منكم علشان اخوك يكفيني حزن ابي اشوف ضحكتك
صارت نوره تتحسسه تخاف انه حلم الي قدامها
بدر بابتسامه / الي تشوفينه قدامك حقيقه ماهي حلم
هند ركضت لخالها وضمته بقوه وهو يمسح على شعرها
بدر / شخبارك يا بوك
هند / الحمد لله خالي ابي اطلبك طلب
بدر / عيوني لك مراح انسى وقفتك
هند بزعل / خلاص هونت عن طلبي تعرفني يا خالي اكره ها لكلام وحسك تطعني بكلامك كاني ماني بنتكم الي اسويه تعتبرونه جميل من متى بين الاهل هالسوالف
بدر يبتسم / وش ها لكلام يا هند انتي تعرفين مكانك عندي والكلمه الي قلتها بقولها لولدي لو سوى الي سويتيه وانا ابوك اتركي الحساسيه الزياده وقولي طلبك
هند / خالي خالتي فرحانه بخروجك من السجن وتبي تسوي لك عزيمه ياليت يا خالي ما تردها لانها تنتظر هذا اليوم
بدر يطالع في نوره الي هدت / ماعاش من يرد ام خالد
هند / هذا الطلب لخالتي وانا عندي طلب مابيك تردني
بدر بحب / تم ما عاش من يردك
هند / خالي حجزت لك ولزوجتك ولخالتي نوره تحجون هالسنه وكل شي مجهزته هناك
نوره فرحانه وممتنه لهند كان خاطرها بالحج لكن الكل تعذر باشغاله
بدر / انا مجنون ارفض الحج والتقرب لله الي لولاه كان الحين من الميتين
نوره طالعت بهند وسحبتها من عند بدر وضمتها
نوره / يا بعد قلبي يا هنوده كانك تدري اني متشوقه على الحج
هند / ترى مابقى الا اقل من شهر يدوبكم تتجهزون
بدر / جاهزين وش يبي لنا
هند التفتت لخالتها وهي تضحك
هند / خالتي ما تلاحظين انا نسينا ماضيفنا خالي
نوره / من فرحتي نسيت كل الي حولي
محمد / وانا اشهد لي ساعه ما حد عبرني
هند / وحنا نقدر وركضت وضمته
محمد / تسلمين يا بعد قلب اخوك الا الملسونه متى تجي فاقدينها صار البيت بارد
هند / خالد راح يجيبها ان شاء الله بكره الظهر او العصر
راحت هند للمطبخ وطلبت من الطباخه تسوي عشا معتبر لخالها وجابت معها القهوره والشاهي والحلويات
ودخلت الصاله وعلى طول ركض محمد يصبهم
هند / خالتي خالي وينه من اليوم ماشفته
نوره / عند ابو بسام يقول بينهم شغل
هند التفتت لبدر / خالي شركتك تنتظرك يكفيك اجازه
بدر / ههههههههه يحبك لشغل ياهند
دخل عليهم عبد الرحمن سلم على بدر بحراره وسوالف وبعدها تعشو بدر راح لبيته وبعدها الكل دخل غرفته ونام
عند فيصل
منسدح على سريره وهو يفكر بغاده الي دمرته سمع صوت جواله رفعه شاف رقم المتصل وعلى طول عدل جلسته
فيصل بحماس / بشر اكيد عندك خبر ولا كان ما تصلت علي
/ ايه كل الاخبار الزينه رجعتها الساعه 3 الظهر بطيارة هند الخاصه جايه من بريطانيا
فيصل في نفسه / حتى في هذي كذبتي
فيصل / مشكور اخدمك بالافراح
/ تسلم يله فمان الله
سكر فيصل جواله وقلبه يرقص فرح اخيرا جيتي خفت تهاجرين وتبتعدين عني للابد
حتى لو طلقتيني بتظلين حبيبتي ومعذبتني الي بعمر قلبي مادق الا لها ومستحيل يدق لغيرها
وش سويتي فيني ياغاده كنت الوم جاسم والحين صرت الملام حالتي صارت اردى من حالته
لازم انام بروح بكره للمطار من بدري ياكثر شوقي لها
اليوم الثاني
في بيت عبدالرحمن
صحت هند كا لعاده توضت وصلت وخذت شور ولبست وطلعت في الصاله مالقت احد دخلت اخذت كاس كبتشينو وطلعت لصاله شربته وبعدها طلعت لشركه
وصلت لشركه جلست على مكتبها تخلص اوراق مهمه بين ايدينها على الساعه تسع طلبت من السكرتيره تجيب لها قهوه تركيه لانها تبي تركز بالصفقات الي قدامها وتبي تدرس العروض المطروحه
على الساعه 11 خلصت شغلها وتسندت على الكرسي تريح
فجئة فتح عليها الباب دخل عليها طفل عمره ست سنوات ملامحه جميله وبريئه وبيده باقه كبيره من الورد
هند تموت بالاطفال تنسى نفسها معهم وترجع كانها طفله
قامت من على مكتبها وركضت له وخذت الورد منه وحطتها على مكتبها سحبته معها وجلست على الكنبه الجانبيه وجلسته جنبها وهي ماسكه يده وتكلمه
هند / بابا انت وش اسمك
الطفل / ياسر
هند بحنان / الله حلووانت حبيبي شكلك بعد حلو
الطفل بابتسامه خجوله / ..........
هند / من جابك هنا
الطفل / بابا
هند / وينه ابوك
الطفل / برا
هند استحت من نفسها كيف تخلي ضيفها برا
كلمت السكرتيره طلبت منها تخلي ابو الطفل يدخل بعد 5 دقايق بعد ماتلبس عباتها
دخل عليها سعد وشاف ولده جالس جنب هند ويده بين ايدينها
سعد بابتسامه / هذا ولدي ياسر الي ربي انعم عليه بالعافيه
هند غصب عنها ضمتها رحمته لانه صغير عن المعاناه والمرض وشكله الملائكي البري
هند / الحمدلله على سلامته
سعد / الله يسلمك وهو اصر يزورك ويشكرك اصر علي انه يشتري لك ورد
التفتت هند لياسر ومسكت وجهه با يدينها وتكلمه
هند / تصدق يسوري احلى باقه جتني بحياتي
ابتسم ياسر وفرحان ان هند امدحت باقته
ياسر / ..........
هند بحنان / لازم نضيفك يسوري انت ضيفي قولي وش تبي اطلب لك
ابتسم ياسر وهو مستحي من هند لانه ماتعود عليها
هند / خلاص بطلب لك عصير وكيكه
طول المحادثه وسعد مستمع واعجابه لهند يكبر شلون حنونه وطيبه لكن الي ما يعرفها يقول اقسى من قلبها مافيه
هو تعامله معها من سنين منحصر على الشغل اول مره يتعداه ويصل لبيته وبقلبه يدعي ربي لها انه يرزقها بزوج الي يسعدها ويعوضها عن تضحياتها
طلبت هند عصير وكيك لياسر شرب العصير والكيك
التفتت هند لسعد / ممكن اروح مع يسوري مشوار
سعد / خلاص انا بروح لمكتبي اذا خلصتي مشوارك معه خليه يجيني علشان نرجع للبيت
طلعت هند وبيدها ياسر راحت معه السواق شرت له هدايا ولاخوانه وشرت هديه ثمينه لامه
وعلى الساعه وحده رجعت بعد ما مرت مطعم وتغدو وبعدها رجعو لشركه وياسر فرحان ومبسوط
عند فيصل
من صحى من النوم وهو على اعصابه كل دقيقه وعيونه بالساعه مافطر ولا اكل شي على كاسة عصير برتقال
فيصل / اوف وش في الوقت ياله يمشي متى تجي الساعه ثنتين واشوفها وابرد قلبي حتى لو اعشقك مستحيل اسكت على لاهانه
انتظر لي جت الساعه ثنتين لبس وطلع طيران على المطار خاف يتاخر ولا سوى الي في باله
يتبع