الباارت الرابع والثلاثون (34)
زياد رحت وطي وناظر ماجد وبترجي انه يجي وقام ماجد جلس جمبهم بحيث يسمعهم بدون مايضطر يسلم عليهم
كمل ابوبدر:ها يولدي كيفه بدر الصغيرون كم صار عمره
زياد اضطر يجاوب عشان الرجال لايشك بشي:اربع سنين
ماجد هنا فهم وش كان يبي زياد
ابو زياد ماتحمل قام واستاذن من ابو بدر:ياله اسمح لي يابو بدر ابي زياد وماجد يجون معي نشوف وش صارعلى العشا
وناظر زياد بحده:تعال انت واخوك
ولحقوه على الحديقه
ابوزياد بعصبيه :وش السالفه وش الي قاله ابو بدر قبل شوي
زياد سمى بالله وصارح ابوه:يبه فديتك لاتعصب
ابوه هدأ:تكلم
زياد :يبه تذكر يوم قلت لك ريما ماتت ومات ولدها معها
ابوه:ايه
كمل
زياد بالم :ريما ماتت لكن بعد ماولدت
ابوه:وليه كذبت علي وماقلت لي
ها ليه
زياد ماستحمل اللوم والعتب وجلس على الكراسي وهو يحس نفسه ضاق عليه "بسبب محاوله الانتحار وكأن الله ترك له ضيق التنفس هذا كعقاب على الي سواه في لحظه انعدام للايمان عنده" وفتح الازارير العلويه لثوبه
وبصوت مبحوح :ماجد ابي مويه
ماجد مات رعب عليه وطار يجيب له مويه
ابوه خاف عليه :يبه ماعليه هدي نفسك انا مو زعلان منك والله مو زعلان بس انت لايصير لك شي
زياد ابتسم بس عيون صارت حمر من التعب
شافهم نواف ملتمين على زياد جاهم وهو يعرج :وش فيك زياد عسى ماشر
زياد :مافي شي
نواف انقهر:ضيق تنفس كالعاده ها الله يهديك كم مره اقولك خلك كوووووول ولاتضايق نفسك وبقهر من زياد ومن انه يشيل هم كل شي :من جد انك هيس
ابوزياد وماجد انصدمو
ماجد:وش دراك
نواف من العصبيه قب<عصب> عليهم :الي دراني
وراح وتركهم
ماجد بإستغراب:هذا وش فيه سلكه مقطوع كذا
زياد ضحك على تعليقه الغريب وشرب مويه
:يبه تبي تعرف ليه ماقلت لك
ابوه خايف عليه:مو لازم
زياد :لاني في ذاك الوقت ماكنت قادر افرح وريما ميته ماكنت قادر اعيش وشلون ابشرك بموتي يبه وشلون وبعد ماتجاوزت الصدمه وعيالي كبرو خفت خواتي والعايله يفرقون في المعامله بينهم وبين باقي اطفال العايله وانا لايمكن اسمح ا ن الي صار لي يصير لعيالي عشان كذا ماقلت لحد عليهم ومحد يدري غير ماجد ونواف
ابوزياد:نواف وش دراه
زياد:يوم مرض انا الي كنت معاه واشرفت على علاجه وسكن معي ثلاث سنين
يعني يعرفهم زين وهم بعد يعرفونه
ماجد حس بالغيره وزياد لاحظ عليه وبمزح:بس يبه يحبون عيال ماجد واجد
ابوه :يحبون يعني مو واحد
زياد :لا يبه تؤم ولدين بدر وماجد
ابوه حس نفسه طاير من الفرحه احفادو كثرو وهو يعز زياد غير عن الباقي عشان كذا انبسط ان الله عوضه بعيال من ريما لانه يعرف وش كثر زياد يحبها:الله يرحمها يبه
زياد وماجد:الله يرحمها
ابوه:خلاص بكره تجيب اغراضك واغراضهم عندي ومافي في البيت غير لينا واظن انها مارح تفرق بالعكس راح تحبهم وتعزهم من معزتك
زياد ارتاح بس خايف لكن ابوه ماعطاه فرصه للرفض بس زياد طلب منه مايقول لاحد عن عياله ويخليها مفاجئه مره وحده يوريهم العيال ويقولهم عنهم
رجعو كلهم للمجلس
زياد قعد بين ماجد ونواف
نواف بمزح:ها كيفك الحين يالهيس
انشاء الله احسن
زياد يردها له:الحمد لله يالثور
وعلى فكره بدور ومجود يسلمون عليك
نواف بتوتر:اشششششش وطي صوتك ماجد جمبك
ماجد بهدوء:انا ادري عنهم يالعنز
نواف:لا والله وليه ياثور ماقلت لي"يقصد زياد"
زياد بلا مبالاه:نسيت
ماجد :لا وازيدك لهم اكثر من اسبوع في بيتي
نواف:افا شكله الاخوان اجتمعو علي
التفتو عليه مره وحده :ايه
نواف:هههههه المهم ابوك درى ولا لأ
ماجد:باختصر لك ابوي درى وطلب منه يلم قشه هو وعياله ومن بكره يسكنو عنده
زياد بإبتسامه :وبالمناسبه نواف بتجي وغصب عنك لاتقول معرس بتجي تلم قشهم معي والتفت لماجد :وانت بعد
ماجد:ماكنه قلب علينا
نواف:نسحب عليه
عبدالله بمقاطعه :اهجدو الله يفشلكم وقومو صبو قهوه تحركو
نواف :تخيل شكلي وانا اصب قهو واعرج تحفه
عبدالله :انت احد جاه جمبك
انا اقصد ماجد وزياد والتفت لهم قومو يالله وش تحترون
ماجد قام بسرعه يعرف عبدالله اذا عصب مايعرف ابوه
زياد قام بس مستغرب من عصبيه عبدالله
بس ماعلق
وكملو العشا الي حضره راشد بس قعد بعيد عن ابوه
وبعد مارحو الرجال بدوء الشباب يلمو الاغراض ويرتبو المجالس
زياد وهو يبوس راس عمه:يالله ياعمي انا اترخص والحمد لله على سلامتك
ابوعبدالله:ياولدي اجلس شوي مع العيال تونس
زياد انحرج لكن ابوه الي فهمه وانقذه:ياحمد لا تلزم عليه انا ابيه يروح يجيب لي اغراض باكر الصبح ولازم ينام الحين عشان يقدر يروح مبكر
ابوعبدالله:دام كذا لا مانقدر نعطلك مع السلامه ياولدي وتحمل بروحك
زياد باس راس ابوه :مع السلامه
وخرج
دخل خالد ميت ضحك
نواف:خير وش الي مضحكك
خالد:ههههههههه توه زياد بيركب سيارته وحاس ساعه على ماعرف يشغلها وبأذيه :يوم انه مايعرف لها يشتريها ليه
ماجد فطس ضحك لانه راح مع زياد لمعرض السيارات وعياله هم الي اختاروها وزنو عليه لين ماصدع شراها
نواف:خير ليش تضحك
ماجد بمساسره:لاني رحت معاه يوم شراها تراه مايبيها بس قروده الاثنين اشتغل زنهم الين مااخذها والصراحه وقتها شمت فيه لانه اخذهم ماله داعي ياخذهم معرض سيارت يستاهل ماجاه ههههههههههههههههه
نواف:ههههههههه بس ترى هذول اذيه اذا ماختاروها هم بيقعدو فوق راسه الين مايبدلها اسالني انا بدل
سيارته مرتين بسبب زنهم
ماجد:ماكنه معطيهم وجهه
نواف:لا عاد هم ينحبو بس لاشافو ابوهم يووووه خذ من الدلع الين يغثى قلبك
ماجد ابتسم "نواف كان اقرب لاخوي مني بس يالله الحمد لله على كل حال الحين احسن من قبل"
في بيت راشد
حور دخلت وراحت حطت سوسو في سريرها ودخلت غرفتها ونامت من التعب
راشد ظل طول الليل يتقلب في فراشه
"ياربي لمتى بنظل على هذا الحال هي في شرق وانا في غرب واخاف اتكلم معها اجرحها بالكلام بس خلاص كل بني ادم له قدره على الاحتمال وان بشر ومستحمل هالعيشه 3 سنوات اظن كافي علي وهذي شنو القلب الي عندها معقوله مامالت لي اوعلى الاقل تعلقت فيني انا لمتى بقعد على هالحال خلاص انا طفح الكيل عندي بس....ااااااه ياحور ليه تسوين فينا كذا لوين بيودينا عندك والله احبك واموووت فيك بعد"
:بابا
التف راشد لقى سوسو لابسه روب نوم وردي عليه رسمه "بو الي في شركه المرعبين المحدوده"وتفرك عينها وشعرها مسوي حفله فوقها"سوسو شعرهاا كيرلي وطويل وهي اصلااا تجنن<<ترى اموت فيهاا
ابتسم على شكلها:تعالي بابا
راحت له سوسو وطلعت فوق السرير وطبت بحضنه :بابا حايفه انا ابعا انام أندك"بابا خايفه انا ابغى انام عندك"
راشد طرت على باله جنى وكيف كانت تنام عنده اشتاق لها وقرر يتصل فيها الصبااح ويشوفها :تعالي حبيبت بابا انتي واخذها بحظنه وهي على طول حطت راسها على صدر ابوها وراحت في سابع نومه وهو ظل فتره يمسح على شعرها ويبوس خدودها وبعدها غطى بنته وكل مايحاول يبعدها عن حضنه تتعلق فيه اكثر لين تركها ونام
ثاني يوم الصبح حور صحيت وراحت تشوف بنتها وانفجعت يوم مالقيتها في سريرها ماتت خوف ودموعها شلالات دورتها بكل البيت مالقيتها اخر شي راحت لراشد وهي ميته صياح:رااااااشد
راشد قام مفجوع ويوم شافها تبكي انفجع اكثر:وش فيك
حور وهي تشاهق:سوسو ماللللقيتتها في البيت
راشد ابتسم:الله يسامحك طيحتي قلبي
سوسو عندي جاتني امس تقول خايفه وخليتها تنام عندي"وبسخريه": سوري بس ماكنت اظن بتخافي
حور ارتاحت وبدون شعور راحت لسريره وحظنت بنتها الي لسه نايمه وتبوسها وبعدها هديت شوي
راشد عجبه شكلها لانه اول مره يحس انه عندها قلب وتحس
قامت حور وشالت بنتها ونزلت تحت تجهز له الفطور
"وهو صبره بجد بداء ينفذ"
عند زياد الي جار نواف وماجد من الصباح يلمو الاغراض معاه
ماجد:اعوذ بالله وش فيك ياخوي ساحب لندن كلها معاك
نواف وهو يقعد:خلااااااااااااااص الرحمه حلوه نعنبو بليسك 5 شنط ليه قالولك جده مافيها ملابس
زياد وهو يقفل اخر شنطه:خلا ص خلصنا لاتقعد تتحلطم انت وياه
دق على الروم سرفس وطلب منهم يجو ياخذو الشنط ونزلو كلهم وكل واحد حرك بسيارته ماجد راح للدوام ونواف لسه مأجز
وراح لجنى
وزياد اتجهه لبيت ابوه وسيارته بتتفرقع من الشنط
وقف عند البوابه "يالله لي اربع سنين مادخلت هالبيت "بسم الله
ودخل بسيارته داخل الحوش ونزل ونزل عياله
شافه السواق وراح يسلم عليه واعطى السواق المفاتيح عشان ينزل الشنط ودخل البيت
لقى ابوه في الصاله ينتظره
زياد وهو شايل ماجد لانه دوبه صاحي من النوم ومنكدين عليه وبدر في يده
:السلام عليكم
التفت ابوه له وارتسمت على وجهه اكبر ابتسامه في الدنيا :هلا وعليكم السلام هلابك زياد تو مانور البيت
زياد راح باس راس ابوه :منور فيك يبه
ووجهه كلامه لماجد:مجود عاد خلاص قوم لي ساعه اصحي فيك
ماجد ببرائه وهو ماد البوز وحط راسه على كتف ابوه :اتو ماحليتوني انام انت وعمو مادد وعمو نواف بث تسلحو وتتالبو ابعا اناااام
"انتو ماخليتوني انام انت وعمو ماجد وعمو نواف بس تصرخو وتتضاربوا بغى اناااااااام"
بدر ببرائه:انا كمان
زياد عجز فيهم اكلوه :طيب طيب
اسف حقكم علي انت وياه بس اول سلمو على جدو بعدين اطلعكم تنامو
ناظر في ابوه وانصدم لقى ابوه يمسح دموعه لا شعوريا راح باس يد ابوه وراسه:يبا لاتزعل مني الله يخليك والله اسف سامحني يبه
ابوه وهو يطبطب عليه :لا ياولدي مو زعلان منك بس اااااااه الله يرحمك كان نفسها تشوف عيالك"يقصد امه"
وحب يغير جو النكد:ها زياد من بدر ومين ماجد
زياد :هههههه بدر الي جالس على الكنبه وماجد الي منسدح بدور مجود قومو سلمو على جدو
بدر:ددو راشد"جدو راشد"
زياد:ايه يالله منك له
قام بدر وطب بحضن جده ولحقه ماجد لكنه نام في حضنه
زياد مات ضحك على اشكالهم: ههههههههههه الله يسامحكم ياماجد انت ونواف نكدتو على عيالي نومهم
ابوه:ليه وش سو لهم
زياد:انا جبرتهم يجو يرتبو الاغراض معي بس ازعجو عيالي
ابوه بجديه :شوف يبه انت في غرفه يم غرفتك كبيره ومافيها احد انا بسويها للعيال وش رايك
زياد:يبه لاتتعب نفسك انا يأست انهم ينامو لحالهم اذا انا موجود تعبت وان احطهم في سرايرهم واصحى الصبح الاقيهم في حضني
ابوه:وانت ايش عليك احفادي وابي ادلعهم"ابوزياد حز في خاطره ان ولده ماقله عن وجود عياله الي اعمارهم فوق ال4 سنوات بسبب التفرقه الي كانت ام زياد والعايله تمارسها معاه فقرر انه يدلع عياله ويحميهم من اذيه العايله لهم لان يعرف زياد لو حس انه في احد مضايق عياله ممكن يرجع يهاجر مره ثانيه وهو ماعنده استعداد يخسر احد من عياله كفايه حور و خسرها بسبب خوفه من كلام الناس"
زياد ارتاح من كلام ابوه :تامر يبه
:زيودي حبيبي
وراحت حضنته بقوه
زياد وهو يحضنها:ههههه هلا ليونه وحشتيني
لينا بزعل:صح لو وحشتك كان جيت شفتني دب وضربت كتفه
زياد :ههههه أي تعور
:أبأدي عن بابا"ابعدي"
:اتي دبه مو بابا"انتي"
لينا انصدمت :مين هذولا
لحضه مو بدور ومجود
بدر وماجد اتذكروها بس برضو مانسيو انها ضربت ابوهم"وياويل الي يسوي شي لابوهم ياكلوه"
بدر:أمه لينا ليث تتدلبي بابا"عمه لينا ليش تتضربي بابا"
ماجد:وليث تدوليله دب"وليش تقولي له دب"
لينا بصدمه :زياد هذول عيالك
زياد خايف من رده فعالها:ايه
لينا تنحت شوي من الصدمه وبعدين ابتسمت وحضنتهم:يؤيؤيؤ ياناس عيال اخوي حلوين كذا ياناسو عليهم
وطاحت فيهم تبويس
زياد ارتاح من قلب لانه يعرف رماح قلبها طيب وراح تتقبلهم وحور ماتهمه وباقي العيله طالما ابوه راضي محد يقدر يفتح فمه هو كان شايل هم لينا لانه خاف تغار منهم او شي
ابوه:زياد يبه لاتشيل همهم البيت فيه اربع شغالات وانا اخترت وحده تكون معهم طول الوقت وتنتبه لهم
لينا باعتراض:ليه وانا ويني فيه انا قاعده بالبيت لاشغله ولا مشغله انا عمتهم وبنتبه لهم
ابوزياد:معليش يبه انتي اهتمي فيهم وكمان الشغاله مايضر زياده الخير خيرين
زياد وده يطير من السعاده وهو يشوف لينا وابوه يتناقرو على مين راح يهتم بعياله كان يحس براحه اول مره يحس فيها
لينا :زيود انا باخذهم وانومهم حرام شوف كيف بيموتو من النعاس
زياد:يالله بدور ومجود روحو مع عمه لينا نامو انا عندي شغل
بدر:لا
ماجد:لا
زياد شالهم
ابوه:ليه يبه مايروحو مع لينا
زياد:يبه راسهم ناشف الحين اذا ماوديتهم والله يقعدو لبكره مواصلين بس عناد
ابوه بمزح:ماطلعو على احد غريب
زياد:اوف يبه اشوفك قمت تنغز
ابوه :ههههههه لا تنغيز ولاشي انا اقول الحق
لينا ببرائه :زيود يشبهو حور مره
زياد وهو يلاحظ ملامح ابوه المتنهده على الطاري"زياد يعرف ان ابوه يعز حور اكثر من كل عياله ويمكن هذا احد اسباب البرود بينهم
هذا غير اشياء كثير حصلت بينهم ايام المراهقه فهو مقرر انه مايتعامل معها ابداا ويبي ينتقم نها على الي سوته فيه ايام ماكانو صغاار <ماهو قادر يستوعب انها كانت صغيره مثل ماكان هو صغير كمان >والمشكله انها اكثر وحده محتاجته بس هو لسه مايبي يسامحها وهذا راجع لغيره وحقد كبرو معاه من الطفوله "
:ايه وولد ماجد يشابهني
لينا بهبال:اووه يعني ولد رماح بطلع قمر لانه بيطلع علي
زياد:هههههه مغروره
لينا بغرور مصطنع:يحق لي
زياد طلع للدور الثاني وحط عياله في غرفته القديمه ونومهم وطلب من لينا تطل عليهم لانه يخاف يضيعو في البيت لانهم اول مره يجون له وهو كبير
وراح شغله وهو يحس بسعاده عمره ماحس فيها "طول الوقت وهو يحمد الله وصلى كعتين شكر لله "
في بيت ابو عبدالله في جناح عبدالله
عبدالله ماداوم اليوم ماله مزاج
ورماح حاسه فيه عشان كذا ماداومت هي بعد وفي سالفه بتقولها له
رماح:صباح الخير
عبدالله اتفاجاء:هلا رماح انتي هنا
رماح:ايه وراحت جمبه واستندت على كتفه :مالي خلق اداوم
عبدالله :وانا بعد زهقان ومالي خلق
رماح:لا انت زهقان من ليان مو من الدوام
عبدالله بضيق:البنت هذي بتشل مخي متعلقه فيك لدرجه بديت اغار منها
رماح حست بالم في جمبها ورصت على يده وانتبه لها:رماح فيكي شي
رماح:جمبي ااااااااااه
عبدالله :اخذتي الدوا
رماح :اييييه بس من زمان مالمني كذا :ااااااااااااه
عبدالله خاف عليها من قلب :قومي والله مو ساكت عنك يالله على المستشفى
رماح بألم وهي تتسند عليه :طيب
وسندها ووداها المستشفى اعطوها محلول والدكتور قالها انه الالم بسبب تغيرات في هرمونات الجسم
اما عبدالله زادت عصبيته "سكت اربع سنين وماني ساكت زود"
اول ماوصلو الجناح:رماح هوسؤال وابيك تجاوبينه بصراحه اعطيتي كليتك لمين
رماح انصدمت من السؤال بس صارحته :بدر الله يرحمه
عبدالله كان يتجاهل هالسؤال طول الاربعه سنين عشان لايسمعها تقوله هالاسم:ااااااااه يارماح خلاص انا وصلت معاي انتي مستحيل تحبيني وانا تعبت اربع سنين وانا انتظر اسمع منك كلمه احبك صادقه من قلبك بس مافي امل قلبك ملك لواحد ميت اسف رماح بس انا طالع واتمنى ارجع ماالاقي لك أي اثر في البيت :خلاص وصلنا لطريق مسدود
وطلع بدون مايترك لها فرصه تفهمه اوتوضح له جلست تبكي الين مانقطع نفسها ولمت ملابسها وهي خلاص عارفه ان الفراق قرب
بس هي تحبه ماتبيه يتركها هي كانت خايفه من هذي اللحظه واهي سارت عبدالله بنفسه قالها ماابيك
دقت على السواق واخذت الي باقي من كرامتها وطلعت
وصلت بيت ابوها ومافيه احد ابوها بالشغل ولينا على النت بس بغرفه زياد عشان عياله هناك"عاشت دور العمه عدل"
رماح راحت غرفتها وجلست تبكي من قلب
وعلى العصر دقت على زياد الي دوبه طالع من الدوام
:الو زياااااااااااد
زياد مات خوف:رماح وش فيك
رماح:تعبااااااانه
زياد وقف وبخوف:رماح فينك
رماح:في بيت ابوي تعال بسرعه بموووووت
زياد خلال ربع ساعه كان في غرفه رماح
حاضنها :حبيبتي ابي افهم وش فيك
رماح:عبدالله مايبيني
زياد مو فاهم وش تقصد:يعني شلون مايبيك
رماح:عبدالله يحبني من زمان وانا لما عشت معه حبيته وحبيت طيبته وحنانه بس كنت اخاف اقوله ويروح مني مثل بدر اااااااااه
واليوم درا اني متبرعه بكليتي لبدر قالي وشهقت قال لي خلاص وصلنا لطريق مسدود وابيك تتركي البيت
تخيل تخلى عني كنت بقوله والله كنت بقوله اني احبه بس بس ماعطاني فرصه كنت بقوله ليه تبرعت بكليتي لبدر بس ماخلاني اقول ليييييييييييييييه لييييه يهدم كل الي بنيناه مع بعض ليه يازياد
زياد حضنها بقوه ورحم حالها طلع من شنطته ابره مهدءه وجا بيعطيها هي لكنها وقفته
زياد:حبيبتي لازم تنامي وتهدي اعصابك
رماح بخجل:زياد ماتضر
زياد مافهمها:وش تقصدين
رماح ودموعها هلت من جديد:انا انا حامل
زياد اتفاجاء:ها من متى
رماح:لي شهر وكم يوم
زياد حضنها بفرح:مبررررررروك ياقلبي
ورجع مسك يدها عشان يعطيها الابره
بس سحبت يدها
زياد:حبيبتي والله ماتضر
رماح بتردد:وش دراك
زياد بنص عين :لا والله دكتور وش كبري ومو مالي عينك
رماح:بس انت دكتور قلب يعني
قاطعها وهو يسدحها على السرير :حبيبتي انا دارس طب عام بعدين يجي التخصص يعني اعرف اذا الابره تصلح لك ولا لا
رماح استسلمت:طيب بس لاتقول لاحد عن حملي مابي عبدالله ينجبر يرجعني عشان
قاطعها زياد:لاتشيلي هم حاجه انا راح احل لك كل شي انتي ارتاحي انا جيت عشانكم وعشان اوقف معاكم لاتخافي اذا تحبيه اوعدك مايمر اسبوع الا وهو جاي لك بس ها ترى الباقي عليكي وغمز لها
رماح قلبت ميه لون من الخجل وهو اعطاها الابره وباس راسها وغطاها وراح لعياله لقى لينا عندهم وبدر يلعب معها لكن ماجد لسه نايم جا وقعد معهم وبدر ولينا بس يتناقرو على افلام الكرتون الي لينا جالسه تتفرج عليها على الاب توب"بزر ادري"
وشوي وماجد قام عاد هنا لينا ماقدرت عليهم وسو الي براسهم وزياد شمتان فيها لانها اتحدته انها تجيب راس بدر بس ماجد خرب عليها لانهم اذا اجتموعو مستحيل احد يقدر يغلبهم ولا حتى ابوهم بنفسه
راح زياد لابوه وبلغه ان رماح عندهم وبتجلس يومين
رماح انصدمت بالعيال بس فرحت له وخصوصا انهم من ريما حبيبته
وهم اخذو عليها بسرعه لانها متعوده تتعامل ع الاطفال فكسبتهم بسرعه وهذا الشي ريح قلب زياد
الي قرر يتفاهم مع عبدالله بس بعد مايهدا الوضع
عند عبدالله الي اخذ سيارته وحرك وماوعى بنفسه الا وهو قدام مسجد قريب من الحي دخل اتوضى وصلى"ااااه ياربي انا ليه مامسكت لساني ليه قلت لها هالكلام وش بسوي في حياتي لو مالقيتها بلبيت وشلون اقدر اطل بوجها بعد الي قلته انا كيف طردتها من البيت هي حبيبتي وروحي وكل شي في حياتي وشلون بعيش بدونها لا لا رماح مارح تترك البيت بروح لها الحين"
وراح على جناحه بس انصدم انه مالقى ولا شي يخص رماح في البيت"هه حتى الذكرى استخسرتيها فيا بس استاهل انا الي جبته لنفسي"
صار يدق على جوالها وماترد عليه"زياد اخذه معاه علشان مايزعجها"بس عبدالله مازل يدق لدرجه انه ازعج زياد:الو
عبدالله انصدم هذا مين:الو هذا جوال
قاطعه زياد:ايه هذا جوال رماح انا زياد
عبدالله مات من الخوف اااه بس لايكون فيها شي:خيروش فيها رماح ليه الجوال معك ليه ماترد علي
زياد حسه خايف وضايع"ههه والله رماح وقعتك ومحد سمى عليك":هدي ياخوي علامك لاتخاف رماح في بيتنا وهي نايمه الحين جات الصبح تبكي ومافهمت منها شي كل الي فهمته عبدالله والباقي مافهمته واضطريت اعطيها ابره مهدئه عشان تنام
عبد الله خاف عليها من قلب:لا زياد بجي الحين ابي اشوفها
زياد ابتسم:عبدالله هدي انت الثاني مابها الا العافيه ولا يهمك انا اخليها تكلمك بس ترتاح شوي وانت هدي اعصابك بس عبدالله ياليت تجيب ليان على هنا
عبدالله بقله حيله :طيب اصلا مارح تخليني في حالي الين اجيبها عند رماح الاخت تغار مني على رماح
زياد تذكر حكي نواف عن ليان:ههههههههه ايه ايه ادري حكا لي نواف
عبدالله بفشيله:الله يقطعه فاضحني على طول هذا
زياد:ههههههه ايه عليك فيه المهم لاتنسى ليان
عبدالله :ماشي يالله توصي شي
زياد:لاتسلم فمان الله
عبدالله: فمان الكريم
وبعدها بساعتين جاب عبدالله ليان لرماح وحاول يشوفها لكن زياد قاله نايمه وليان باتت عند رماحً
بعدها بيومين
الخميس
في كوفي شوب الساعه 10 مساءً
زياد :ياعبدالله انا عارف انك تحب رماح ورماح بعد
عبدالله :زياد لاتحاول تقول رماح تحبك رماح الا الان قلبها معلق ببدر
زياد حزن وحن لصاحبه :اااااه الله يرحمه
"عبدالله استغرب حزن زياد"
زياد:شوف ياعبد الله في اشياء انت ماتعرفها عن رماح وبدر يمكن مو من حقي اني اقولها لكن اذا ابغى سعادة اختي لا زم اقولها
"عبدالله فرح يعني في امل ترجع لي"
زياد باسى للذكرى:بدر ماكان لرماح مجرد خطيب او زوج لا
كان صديق واخ وحبيب
بدر كان يجبر أي احد يقابله على انه يحبه كان طيب وشفاف لدرجه كبيره والحقد هذا مو في قاموسه ابوه جبره يخطب وبعدها قرر له انه ياخذ رماح مع انه ماكان يبي يتزوج لكن ابوه جبره وتمت الملكه وبدأت علاقته برماح كان يكلمها كل يوم ويخرج معها ويسهر وكل شي في حياته كان يسويه معها حتى لما ينزل عشان يشتري له ملابس كان معها حب رماح من كل قلبه وهي بعد حبته كانو عايشين حياتهم كأنهم اصحااب واستمرت ملكتهم سنه ونص كانو عايشين فيها اسعد اثنين بالدنيا تعرف ياعبدالله اذكر مره رماح كانت تعبانه ومعها حمى شديده واضطرينا ندخلها المستشفى وكان وقت امتحانات وامي وابوي مسافرين ومافينا احد قدر يرافق معها تخيل جاب كتبه ودنيته ورافق عندها ثلاث ايام تخيل انت ثلاث ايام ياّكلها ويشرّبها ويعطيها دواها وماكان يطلع الا عشان الامتحان تخيل شخص بهالطيبه بيكون سهل عليك فقده؟؟ ما اظن
والمشكله طريقه فقده
عبدالله متحمس:زياد لو سمحت كمل
زياد بجد ماقدر يمنع دموعه من النزول وهذا الشي صدم عبدالله
:تعرف كان باقي على فرحهم كم يوم مو فاكر بس تقريبا 9 او 10 ايام وخلاص يصيرو لبعض
في هذاك اليوم اخذها وراحو يتمشو لان رماح قالت له انها زهقانه وطفشانه
طبعا ماهانت على بدر وطلعو تمشو وهم راجعين على البيت على الساعه 1 بعد منتصف الليل
صار لهم حادث وبدر حاول يحمي رماح والنتيجه انه ضحى بعمره تخيل فداها بعمره تخلى عن كل شي حضنها بقوه ومنع عنها كل شي ممكن يأذيها
وبعدها هو فقد الوعي ورماح كمان فقدت الوعي نقلوهم للمستشفى وهناك قالو لرماح انه في امل ان بدر يعيش لو احد اتبرع له بكليته وهي عملت التحاليل وطلعت متوافقه تخيل دخلت غرفه العمليات على مسؤليتها بنت عمرها 20 سنه تدخل تعمل عمليه بهذي الخطوره عشان حبيبها وبعدها بيومين مات بدر بسبب النزيف الي جاله رماح الصدمه افقدتها صوتها لمده اربعه اشهر
عبدالله اتاثر بقوه:ااااااه يارماح كل هذا بقلبك الله يرحمه
زياد بالم:ياعبدالله انا الى الان عندي امل انه يرجع انا اصلا مو متخيل انه مات تعرف وابتسم بالم الى الان مافقت من صدمه موته له الان 8 سنوات ميت والي الان مو مستوعب موته وكمل بعفويه:
بس رماح حبتك واتجاوزت الصدمه يمكن لانها ماعرفته كثري
عبدالله ماركز:انتو اصحاب من متى
زياد :من ثالث ابتدائي والى الان بدر هو اعز واقرب شخص لي ومافي احد ملا ولا راح يملا مكانه ابدا الله يرحمه يارب
عبدالله:الله يرحمه
بس:خايف رماح ماترضى تسامحني انا اذيتها وطردتها
زياد ابتسم:عبدالله تحبها؟؟
عبدالله بأسى:هه احبها لا انا وصلت لدرجه اكبر من الحب والعشق مع رماح يازياد رماح جاتني في وقت كنت اشوف كل الحريم ماديات كنت خارج من صدمه ام ليان الي جرحتني وجردتني من كل معاني الحب اعطيتها كل شي بس كانت قاسيه معي وبخيله في مشاعرها حولتني من حنون لقاسي ومن هادي لعصبي ومن طيب ومرح لشرس وكئيب وفجاءه انفرضت علي رماح بحياتي وصارحتها وصارحتني بكل شي وانا وافقت وهي وافقت وعشنا 7 شهور وكل شي حلو بيننا وعلى اتفاقنا بس كان في شي داخلي غصب يتحرك لها ويميل حاولت امنعه لكنه ضل يتغلغل في حتى ملكني وقتها عرفت اني احب رماح احبها حتى الجنون حبي لها جبرني اطالبها بانها تكون زوجه لي وحبيبه واخت حبيت رماح الانسانه الطيبه الحنونه مع اني ماانكر جمالها والي الكل شاهد على انها اجمل بنات العائله وهذا مافيه جدال لكن حبيت رماح الي اخذت ليان في حظنها واحتوتها وعاملتها كأنها امها وصدقني لو امها حيه مستحيل تحبها مثل رماح اااااااااه لوتعرف قلبي قديش يحمل بداخله حب لرماح كان ماسألت هالسؤال يازياد
زياد ارتاح وابتسم له وقال بجديه:شوف بقولك شي بس والله لو دريت انك قلته لرماح لااقتلك
عبدالله خاف بس تحمس:قول
زياد:رماح تحبك بس
عبدالله مو مصدق ومو فاهم:كمللللل
زياد :بس خايفه تفقدك هي بنفسها قالت لي هالكلام رماح تحبك وماتتخيل حياتها بدونك بس خافت لو اعترفت لك تفقدك وتروح زي بدر وهي ماعندها استعداد لتلقي صدمات جديده والله ياعبدالله تحبك
عبدالله غمض عيونه مو مستوعب تحبه تحبه يعني قلبها خلاص سلمته لي
زياد حس ان عبدالله مو معاه:عبدالله عبدالله هز كتفه وقتها بس عبدالله حس فيه
:هلا زياد
زياد:وش فيك مصدوم
عبدالله والفرحه تنط من عيونه :ااااااااه شفت هالكون كله على كبره مايسع السعاده الي انا فيها
زياد ابتسم اجل لوتعرف الباقي وش بتسوي
عبدالله برجاء:زياد بطلبك طلبين وارجوك ماتردني
زياد بنخوه:ماعاش مين يردك ياعبدالله امر
عبدالله :ابيك تخلي ليان عندكم اليوم وابي اخذ رماح معي الله يخليك ابي اعتذر لها واعوضها
زياد تردد بس حس انه احسن وقت مناسب عشان تقوله رماح انها حامل الحين وبكذا سعادته تكمل
:ماطلبت ياخوي خلاص الحقني على البيت وانا بخلي رماح تجيك بس
ياليت تنتبه لها لانها تعبانه اليوم
عبدالله:تامر امر يالله سرينا
زياد هنا ماقدر :ههههههههههه بجد مشفوح
عبدالله ابتسم
وحركو على بيت ابوزياد وزياد طول الطريق يكلم رماح ويقولها الي صار بس ماخبرها ان عبدالله بياخذها اليوم
وصلو البيت وعبدالله انتظر في السياره وزياد طلع لرماح
زياد:رماح حبيبتي والله لو مو متاكد انه ندمان ومقهور كان يحلم يشوف ظفرك
بعدين هو بيعتذرلك وفرصه تبلغيه بحملك اكيد بيفرح
رماح سرحت بشكل عبدالله لما يعرف انها حامل
زياد انتبه لسرحانها وعرف انها تفكر في عبدالله
:هييييييييي جولييت اذا سرحتي بروميو تراه مرزوع تحت المهم يالله عن دلع البنات خذيلك كم غرض وانزلي له
وانتي فاهمتني وغمز لها
وهي عصبت وخجلت وحذفته بالمخده نزل زياد ميت ضحك وراح يشوف عياله وليان الي بتنام في غرفه رماح بعد مااقنعها زياد انه بياخذ اجازه بكره الصباح وياخذهم الملاهي وسكتت
اخذت رماح كم غرض وطلبت من الشغاله تنزلها الشنطه
قابلها ابوزياد في الصاله
ابوها:ها شبعتي من اخوك وبتردي بيتك
"كانو مفهمينه انها جالسه عندهم لان زياد واحشها ماحبو يقولوله انها زعلانه من عبدالله لكنه كان حاس وسكت طالما ماقالو له معناته مو شي كبير"
رماح ماردت من الخجل
ابوها ابتسم :يالله الله يوفقك يابنتي
رماح راحت باست راسه :امين يبه الله يخليك حط بالك على ليان تراها اليوم نايمه هنا مارضيت تسيب عيال زياد
ابوه بخبث:مارضيت تسيب عيال زياد ولا انتي وعبدالله سحبتو عليها
رماح انحرجت :يبااااااااااه
ابوه:هههههههه روحي له لايطق فيه عرق الله يسعدكم
"ابوزياد تذكر حور ياقلبي ياحور الحين رماح لما زعلّها عبدالله على طول جات هنا لكن انتي لو زعلك راشد وش بتسوي وين بتروحي اه يابنتي انا الي رخصتك الله يروف بحالك"يرحم حالك" انا مااعرف كيف تخليت عنها هذي نور عيوني عشان كلام الناس تخليت عنها يارب احميها ووفقها وسامحني على الي سويته فيها"
خرجت رماح
ولقت عبدالله يحط شنطتها في شنطة السياره شافها وراح لها باس راسها ودخلها السياره وقفل الباب وبعد مادخل:شلونك يالغاليه
رماح بخجل وحزن:الحمد لله وانت شلونك
عبدالله حسها متضايقه ماحب يتكلم الحين:الحمد لله
وظلو طول الطريق ساكتين
ووصلو للشاليهات ودخلو شاليه حجزه عبدالله لهم لمده يومين
رماح استغربت بس ماعلقت
نزل عبدالله الشنط حقته وحقت رماح "هو كان مجهز كل شي لان زياد قاله نتفاهم بعد يومين وكان عنده احساس ان رماح بتكون معاه عشان كذا حجز الشاليه وجهز شنطته"
ونزلو وماتكلمو دخلو الشاليه وحط الشنط بغرفه النوم ورجع لرماح الي كانت في الصاله
:رماح
رماح التفتت له من غير ماتتكلم"زعلانه"
عبدالله جلس جمبها ومسك يدها وناظر في عيونها الي بس لمسها بدت تذرف الدموع ماهنت عليه :رماح حبيبتي زعلانه
رماح هزت راسها بايه وذقنها يرجف من البكا
عبدالله ماستحمل منظرها اخذها في حضنه وهي مامانعت وهمس باذنها :حبيبتي انا عرفت كل شي عن بدر وعرفت ليه اتبرعتي له بكليتك وعاذرك حبيبتي وانا ابي اتاسف منك بس والله تعبت كنت ابي اسمع منك كلمه احبك من قلبك صدقيني تمنين هالشي ولما عرفت عن الي صار وعن الشخص الي تبرعتي له ماتحملت انقهرت انه في قطعه منك معاه كنت ابيك تقولي لي احبك بس هالكلمه اعترف اني غلطت بس ابيك تسامحيني وترجعين معي البيت وتنسي كل الي فات الله يخليك يارماح لاتحرمني من حبك
ورفعها من حضنه وناظر بعيونها وابتسم:ولا مااستاهل
رماح رمت نفسها بحضنه بس هالمره مابكت :تستاهل تستاهل ياعبدالله
ومسحت دموعها وابتسمت وحست انه هذا وقتها :اممممم شورايك نتمشى على البحر
عبدالله حسها رضت فماعارض:يالله
واخذو ربع ساعه يتمشو وهم ساكتين وماسكين يدين بعض
:كنت خايفه
عبدالله التفت ويعننه مو فاهم "لان زياد مهدده"
عبدالله :مني
رماح بسرعه:لا عليك
عبدالله :مافهمت
رماح استجمعت قوتها "خلاص يارماح ثلاث سنين تكابري خلاص اعترفي له لازم اعترف له ابي اعيش حياتـــــــــــــــــــــي معاااه ":في البدايه خفت احبك وحاولت اشيلك من راسي
وبعدها غصب حبيتك حبيت طيبتك وكرمك خوفك علي حنانك مع ليان ومعي حبيت حبك لي بس كنت مصره مااعترف لنفسي ولا لاي احد اني احبك خفت خفت افقدك ماعندي استعداد افقدك ابدا ياعبدالله بس الي صار قبل يومين خلاني اشوف قدرك عندي خلاني اعرف انك ماسويت الي سويته الا لما يأست من انك تسمعها مني يعني
وسكتت خلاص كفايه اعذار وتبريرات مو مهمه الان قربت منه وناظرته بعيون مليانه حب وشوق:احبك ياعبدالله احبك وكل شي فيني ينطق بحبك
وماوعت الا وهي بحضن عبدالله مسكها وصاريدور فيها بقوه
هيا كانت مبسوطه بس خايفه على الي في بطنها:عبدالله نزلني عورتني
عبدالله نزلها بسرعه :ايش الي يعورك
ماردت عليه بس حطت ظهرها على صدره وناظرت البحر
وهو حوطها بذراعه وسند راسها على كتفه :حبيبتي بايش تفكر
رماح حست هذا وقتها:افكر بهذا وحطت يد عبدالله على بطنها
عبدالله:ربك كريم
رماح مسكت ضحكتها عرفت انه مافهمها :على قولتك
بس انت مستعد للبكى والسهر كل ليله والتعذيب
عبدالله قاطعها وهو يرد يحوطها :اذا منك اكيد مستعد
رماح التفتت له وناظرته :اجل استعد بعد ثمانيه شهور للبكى والازعاج
عبدالله بهت مو مستوعب:ليه
رماح حست فيه وحطت يده على بطنها:لانه بعد ثمانيه شهور ان شاءالله بيجي بيبي صغير يونسنا واشرت بصباعه على بطنها وببرائه :هنا في نونو
عبدالله والفرحه اتملكت كل شي فيه :يعني انتي حامل
رماح اشرت براسها بايه
عبدالله حضنها :من متى وليه ماقلتي لي على طول ومين يعرف
رماح:ههههههه وحاوطت رقبته بيدينها :من شهر وماعرفت غير قبل ما اخرج بيومين وكنت ناويه اقولك واعترف لك بحبي في ذاك اليوم بس ربك مااراد ومين يدري غيرك الصراحه زياد بس
عبدالله بغيره :واشمعنا زياد
رماح ابتسمت على غيرته :لاني قلت له كل شي واعطاني ابره وقبل مايعطني هيا كنت مضطره اقوله اني حامل عشان مايعطيني شي يضرني
عبدالله عيونه لمعت بالدموع :يعني بيصير عندي طفل منك وبنربيه سوا
رماح باست عينه :ايه والله يعيننا على غيرة ليان منه
عبدالله :ههههههه
وكمل بتأثر :الله لا يحرمني منك رماح اليوم انا اسعد انسان في الدنيا اعترفتي لي بحبك بعد انتظار ثلاث سنوات وحامل بولدمني وش ابي اكثر من كذا الحمد لله
رماح وهي تحط راسها على صدره: الحمد لله
وبعد فتره شالها وراح للشاليه عبدالله الحياه ضحكت له
صح تعب وصبر واتعذب وعانا لكن ربي عوضه بكل الي يتمناه
دخلو لغرفه النوم الموجوده في الشاليه
جلست رماح على السرير لانها تعبت
وعبدالله راح لشنطته وطلع منها علبه مخمليه
وفتحها واعطها لرماح وجلس جمبها
رماح انبهرت بالطقم الالماسي الفخم :ليه كلفت على نفسك كثير علـ
قاطعها عبدالله بهمس حارق:مافي شي يغلى عليكي
وقرب لها ولبسها الطقم وهمس:هذي شبكتك ادري متاخره مره بس اظن هذا وقتها وباس رقبتها وهمس بإذنها: صح
رماح بهمس خجوول:صح
حضنها بشوق ولهفه والاهم بادلته الحضن بحب كبيييييييييير لهالأنسان الرائع الي دخل حياتها وبعثرها مثل احجار الدومينو ورجع لملم شتاتها بقلبه وحبه
وقضو يومين من احلى مايكون في الشاليه وبلشو زياد بليان الي طقتها الصيحه يوم عرفت ان ابوها وامها راحو وتركوها
بعد يومين
الصباح رجعو عبدالله ورماح من الشاليه وراحو اخذ وليان من بيت ابوزياد وهي راحت معهم بس ماتكلمهم ضاربه بوز وحايلو فيها ساعتين الين مارضيت بعد ماوعدوها انهم راح يودوها تويز ار اس
في بيت نواف
نواف صحي على حركه جنى على كتفه ناظرها وابتسم
نواف:جنو حبيبتي جنو
جنى:هممممممم
نواف:يالله ياكسوله قومي
جنى:نوافي بس ربع ساعه الله يخليك مانمت الا بعد الفجر
نواف حن عليها وقام من السرير
التفتت له :نواف ليه قمت
نواف:ابي اصلي الفجر راحت علي نومه بسببك وغمز لها
جنى انحرجت :طيب حبيبي
ورجعت تبي تكمل نوم بس ماهان عليها انه يخرج وهو مافطر"نواف رجع دوامه واليوم اول يوم دوام له طبعا لانهم اتفهمو حالته الصحيه واعطوه اجازه بدون راتب وطبعا الواسطات لها دور لكنه حاليا ماقام بــ ولا رحله اول رحله له بعد ثلاث شهور لانه وقتها يكون تماثل للشفاء تمام ويقدر يستغني عن العكاز"قامت ودخلت الحمام الثاني واخذت دش سريع وطلعت وسوت سندوتشات ع السريع وسوت عصير برتقال
نواف طلع للمطبخ بعد مالبس واتجهز انه يروح دوامه
لقى جنى جالسه ترتب الصينيه ولما شافته راحت له وباست خده:صباح الخير حبيبي
نواف انبسط انها ماسحبت عليه في اول يوم دوام له :صباح النور ياقلبي ليه قمتي من نومك
جنى:حبيبي اليوم اول يوم دوام يعني لازم اكون صاحيه واسويلك الفطور بس معليش اليوم صحيت متاخر ومامداني اسوي غير خفايف
ومدت له سندوتش
نواف اخذها منها وباس يدها:تسلمي ياقلبي انتي أي شي تحطي يدك فيه يسير اطعم شي في الدنيا
وفطر وخرج لدوامه وجنى رجعت نامت وعلى الظهر قامت تسوي له الغدا هيا صح ماتعرف تطبخ مره لكن جالسه تتعلم في نواف
في بيت ابو عبدالله
في الصاله
ابوعبدالله بعصبيه :لمتى يعني ها
فيصل بهدوء:يبه خلاص سكر على الموضوع انا مابي غير لينا وغيرها مارح اتزوج
ابوه عصب زود من بروده:قلنا لك البنت ماتبيك
فيصل بانكسار قطع قلب ابوه عليه:يبه احبها والله احبها غلطت في حقها ادري يبه اني غلطت واعتذرت ليه متسامح يبه
ابوه تنهد:الله يصلح حالك ياولدي بس انت عارف انه الكلام مامنه فايده ثلاث سنين واحنا نقولك مامنه فايده خلاص يبه مالك نصيب فيها
فيصل تضايق:تامرني شي يبه بصعد انام تعبان شوي
ابوه :لا سلامتك ياولدي
في بيت راشد
حور جالسه تفكر في زياد "لان رماح دقت عليها وقالت لها شنو سوا زياد لها وقالت لها عن اولاده "صح فرحت له انه عنده عيال وهي الوحيده الي شايفه ان قراره صح في انه ماقال لاحد عن عياله الى الان
دخل راشد :السلام عليكم
حور:وعليكم السلام هلا راشد
تبي الغدا الحين
راشد الله يصبرني لمتى اتحمل:ايه اذا ماعليك امر
حور قامت :يالله خمس دقايق ويكون جاهز بس ياليت تنزل سوسو الرجه معاك
راشد بمزح:لا مااسمحلك تقولي على سوسو رجه والله انها عسل
طالعه لي
حور حز بنفسها كلامه يعني حتى بنتي ماتبيها تطلع لي ناظرته بحزن استغربه وراحت تجهز الاكل
وبعد عشر دقايق نزل راشد وهو ماسك يد بنته جلست تتاملهم "ياترى ياراشد بيجي اليوم الي يدي بتكون فيه ماسكه يدك"
راشد بدأ صبره ينفذ مقهور منها ومن برودتها
بس وش يسوي يحبها
بعد اسبوعين
الكل درا عن عيال زياد صح ماتقبلو الفكره في البدايه لكن لما شافوهم دخلو قلوبهم وخصوصا ابو عبدالله عجبوه
اكثر واحده انصدمت هي رؤى صح كانت حاطه في بالها انه تزوج وعنده اولاد لكن الواقع شي والخيلات شي ثاني
حبتهم لان مالهم ذنب وانصدمت لما عرفت ان زياد كان يحب امهم من قبل مايتزوجها يعني الي واضح ان رؤى مأثرت في زياد وهذا الي خلا رؤى تتأثر اكثر من وجود اولاد له انقهرت لما عرفت انه له حبيبه وانه ماكان يحبها بس كل هذا ماتعدا حدود صدرها وضل حبيس قلبها
قررو الشباب انهم يروحو المزرعه لمده ثلاث ايام كتغير جو
الكل راح ماعدا
ابو زياد الي سافر في شغل
وابو راشد الي عنده شغل"وماحب يحتك براشد كثير" ففضل انه مايطلع للمزرعه وابو عبدالله الي شاف ان الطلعه شبابيه فما حب يزعجهم <<يفهم
البنات اول ماوصلو المزرعه راحو لجناحهم الي زودو فيه غرفتين للاطفال لينا اخذت عيال زياد الي اتعودو عليها وراحت تنومهم
ورماح اخذت ليان وراحو يتمشو في المزرعه
لجين مسكينه حايسه بهيام وزياد بعد ماصرفت راشد عند ابوه
ولمى جالسه تنوم نواف وسلام نامت كانت تعبانه من يوم ماجات وبناتها مع محمد"سلام حامل من خمس شهور وخايفه من محمد ومو قادره تقول له والي مساعدها هالمره انها ضعفانه وبطنها مو باين ابداا وهي تحاول تخفيه باللبس "
بعد ساعتين
زياد ومحمد دخلو عند البنات
الي جالسين بغرفه القعده ومشغلين التلفزيون
محمد وزياد:السلام عليكم
الكل:وعليكم السلام
زياد كان يحاول يسوي نفسه عادي وانه رؤى مو هامته بس كذاب باين من عيونه انه يحبها
محمد:سلام حبي تعالي شوي
سلام قامت بتعب لاحظه الكل :طيب يالله جايه
زياد همس لمحمد:وش فيها شكلها تعبانه حيل
محمد الي من اول قلقان زياد قلقه زياده:والله ماادري بحاول اعرف منها الحين
زياد التفت لخواته الي جالسين جمب بعض
:ليونه فين عيالي
لينا:عيالك نايمين فوق
زياد :طيب رماح ليون من فيكم تبي تركب احصنه
رماح ناظرته بعصبيه:احلف بس
زياد استوعب:اوه سوري والله نسيت انك حامل
رماح:والله لودرى عنك عبدالله انك عارض علي هالعرض لايوريك شغلك
زياد يتمصلح:بس انتي اختي حبيبتي مارح تقولي له
لمى بأذيه:ولا يهمك انا الي بوصله
زياد:لمى ماهون عليكي يابنت العم
لمى بخبث:تهون ونص
لينا مسويه قويه:وريني كيف بتوصليها لعبدالله ان مانومتك انتي ولدك المزعج هذا بره
زياد:كفو والله بعدي
وقام اخذها وراحو للاسطبل
"حور حز في نفسها انه ماعبرها لو بالمجامله على الاقل قدامهم بس وش تسوي مابيدها شي لا اخ ولا اب ولازوج "<<يأست من كل شي الحياااه سارت كئيبه بالنسبه لها ومايضويها غير سوسو بنتهااا
"رؤى كانت سرحانه فيه كبر واتغير احلو وصااار غير فيه شي اتغير اشتقت لك ااااخ يازيااد ليه ضيعت حبي لك بيديك لييييييه"
في جهه ثانيه
:ليييييييييييييييه
سلام وهي تبكي:مو بيدي غصب عني
محمد وهو في قمه العصيبيه :ليه ماقلتي لي من قبل خمس شهور وانتي داريه وانا مااعرف ها ليه مو مالي عينك ولا ايه اتكلمي قولي دافعي برري لاتسكتي كذا
سلام وهي ميته بكى:لاتصارخ علي وبعدين خفت منك خفت والله مو بيد مو بيدي
محمد بهستريا:وانا شلون ماعرفت خمس شهور مستغفلتني شلووووون ماحسيت وانتي كل يوم في وجهي اااااه يالقهر والله لو يصير لك شي مارح اسامحك ياسلام مارح اسامحك
محمد مقهور تركها تبكي وراح
وسلام ضلت تبكي في منطقه الورود الين ماهدها التعب ونامت على العشب
محمد راح للشباب وهو محروق طلب من لينا تنتبه للبنات وحط راسه ونام وصحي بعد ثلاث ساعات
وسأل البنات عن سلام قالو له انهم ماشافوها على وقت مااخذها من عندهم هنا طار عقله وين بتروح"انا الغلطان وشلون احملها ذنب هي مالها فيه حرام علي هي وش ذنبها"وماقال لاحد عن شي وراح يدور عليها الين مالقاها نايمه على الارض هو اول ماشافها انفجع كانت ممدده على الارض والشيله مرتخيه ووجهها احمر ومنفوخ من كثر الصياح
راح وحط راسها في حضنه :سلام حبيبتي
سلام:ممممم
محمد ارتاح انها نايمه مو مغمى عليها:سلام حبيبتي قومي
سلام قامت ولما استوعبت انه محمد رجعت تبكي:والله مو ذنبي مو ذنبي
محمد حن عليها واخذها في حضنه :حبيبتي عارف انه مو ذنبك وعارف اني غلطان سامحيني ياقلبي انتي عارفه اني اخاف عليكي ومأبيك تحملي في هذي المده بس خلاص كله بارادته الله
سلام ارتمت في حضنه وهي تشاهق
همست بضعف:محمد ظهري يعورني
محمد انقهر من نفسه لانه تركها وماراعا انها حامل وتعبانه وقف وشالها وقربها من صدره وهي حوطت رقبته بيديها الصغااار
:حبيبتي ابي اخذك للدكتوره الحين وبعدين نرجع نكمل معاهم
ورحو لدكتوره الي طمنتهم ان كل شي تمام ومافي داعي للقلق او الخوف
لكن محمد ماقدر يخفي خوفه وكل شوي يناظرها
وهم في السياره وهي حاسه
:حبيبي والله مو بيدي ومادريت الا والبيبي عمره ثلاث شهور ووخفت اقولك وتجبرني انزله او تكون ردت فعلك كذا
اشرت عليه
محمد يحاول يبين انه طبيعه رغم انه بيتقطع من الخوف عليها:ياسلام ياحبيبتي انا قلت لك اني راح اخليكي تحملي لكن لما استعد نفسيا
سلام:لنا يامحمد ثلاث سنوات والى الان ماتجاوزت الصدمه
محمد بقهر منها:سلام انا كنت ومازلت مابي هالحمل لكن طالما ربي كاتب فمالنا اعتراض على حكمته والله يقومك منها بالسلامه بس من الحين ياويلك لو ماتردي على جوالك انشاء الله في عز الليل عاد واهم شي تاكلي كويس والله ان سمعت انك شايله احد من الاطفال ولا قمتي تسوي شي ياويلك مني وفي البيت راح اجيب لك شغاله تساعدك ومابي اعتراضات
سلام :حبيبي ماله داعي ليه كل هالخوف محمد وقف على جمب والتفت عليها:ماله داعي "اتذكر الي سار لها بالتؤم " وهمس لها بألم :ايه انتي ماجربتي ان حب حياتك يكون في غرفه العمليات عشر ساعات وماتدرين وش يصير فيه وماجربتي انه يضل بغيبوبه شهر ونص وماجربتي بكاءه من شده الالم ولا الخوف في كل ليله عليه سلام اااااااااه مااقدر افقدك اخاف مارح اعرف اعيش بدونك وانتي وعدتيني ماتتركيني
سلام رحمت حاله ومسكت يده وقربت منه بس هو اسرع منها وحضنها بقوه
سلام وهي بحضن محمد الي رد فيها الروح قالت بمزح عشان تخفف حده الموقف:حمودي انا حب حياتك
محمد ضرب خشمه بخشمهاا :ياحبك لتبسيط الامور
انتي حياتي كلها بس طلبتك انتبهي على نفسك
سلام:طيب تامر امر بس حبيبي لاتقول انك ماتبيه ترى هالكلام يضايقني
محمد باس يدها وحرك السياره
دخلت لينا مع زياد وهو شايلها والكل انفجع وفيصل ذاب منها ومن شكلها والخوف طالع من عيونه
زياد ولينا :السلام عليكم
لينا استحت ماتوقعت ان العيال بيكونو هنا
ماجد قلق على اخته:وش فيكي ليون
زياد نزلها على الكنبه :ههههه مافيها شي بس تسابقنا
واتفقنا ان الي يفوز يسوي أي شي للثاني
وهي فازت وقالت لي شيلني وشلتها
ماجد تحمس:طيب ولو فزت انت وش كنت بتطلب
لينا خاشه عرض وبدلع ذوب الي بقي في فيصل:وش بيطلب ماله طلبات كفايه عياله وطلباتهم
زياد:عسسسسسسسسسل على قلبك انكري يالله
لينا:لا والله ماانكر
ماجد:ماقلت وش بيكون طلبك
زياد:بخليها تطبخ لنا شي
راشد "راشد يتكلم مع لينا عادي لانها حبوبه وغصب تخش جو معاها مع انه ماكان له أي احتكاك فيها قبل مايتزوج حور":لا والي يسلم عمرك ماابي اتسمم
لينا:هين ياراشد ماادري مين الي قال والله يالينا تسلم يدك على هالحلا وعلمي حور ومدري وشو
راشد ابتسم وهو محاوط كتف جنى دلوعته بيده ونواف جمبها شوي ويقوم يقتل راشد بس مايقدر يتكلم "هو راشد مسوي هالحركه عشان يقهره شوي "
زياد:محد يقدر عليها غير عيالي
عبدالله :عيالك جابو راس ليان بيعجزو عن لينا
الكل ضحك على عبدالله الي باين ان مرارته مفقوعه من ليان الي حاطه راسها على رجول رماح مطنشته
حور ناظرتهم"ااه ليه احسهم بعيد بعيد عني ليه احس اني اناظرهم من حاجز زجاجي ليه هالفرحه الي تشع من عيونهم ماني حاستها اه ياراشد جمبي لكنك في عالم ثاني بعييييد بعد السما عن الارض ااااااااااه لا مو دحين ااااااااااه "
قامت من دون محد يحس حتى راشد وماجد ماحسوفيها
دخلت الحمام ورصت على جهه قلبها "اه ليه احسه يبي يطلع من مكانه اااااه ياقلبي اكيد البلا مني اكيد بس الحمد لله ماجد مافيه شي الحمد لله ياربي وغصب بكت مين الي راح يهتم بسوسو بعدي يارب هونها علي يارب ريحني وماقدرت خلاص قواها خارت وتهاوت على الارض"
بعد مده
راشد:وين حور
ماجد:مااعرف كانت هنا
زياد يحاول يسوي نفسه مو مهتم لكنه قلق عليها
لينا قامت:بدور عليها
وراحت دورت عليها ولقتها في الحمام
"حور من شدت الالم الي تحس فيه نسيت تقفل الحمام بالمفتاح"
وانفجعت من منظر حور
لينا وهي تهز كتف حور جالسه على الارض ومتسنده على الجدار:حور حور
حور انصدمت ماكانت تبي احد يدري وبضعف لانه الازمه شديده شوي:هلا لينا وحاولت تقوم لكنها تهاوت على الارض زي الورقه
انتهى الباااارت