البارت الثالث عشر(13)
فيصل وقف بعصبيه وقال بصوت عالي:
مارح اطلق واعلى مافي خيلك اركبه
ماجد :فيصل لاتعلي صوتك ماني باصغر عيالك عشان تكلمني بهالاسلوب اعتقد اننا متحضرين عن كذا البنت ماتبيك وطالبه الطلاق من شهرين وزود وش تبي اكثر عشان تفهم انها ماتبيك
فيصل موعارف يرد الي قاعد يصير اكبرمنه جلس بجمود
نواف يحاول يلطف الجو:خلاص هدو الامور ماتتحل بهالطريقه
ماجد ولاعبر كلام نواف واتجاهل فيصل (ماجد ولينا يتشابهو بصفه وحده وهي انهم اذا الغو وجود احد من حياتهم بجد يلغوه وصعب جدا يرجع في حياتهم وان رجع مارح يكون زي اول وهذا الي سواه ماجد مع نواف الي قهره بكلامه عن زياد وفيصل الي انصدم فيه وباخلاقه)
:والله ياعمي انا جيت مجلسك وابي منك كلمه وحده تقولي ان فيصل راح يطلق لينا
ابو عبدالله صح مايبي ولده يتعذب لانه عارف انه يحب لينا لكن مارضيها على بنته ومارح يرضاها على بنت اخوه:لك ماطلبت ياماجد السبت يروح فيصل المحكمه ويطلقها ولاتزعل
ماجد قام وحب راس عمه :تسلم ياعمي والحين استاذن وراي شغل
وطلع ماجد وترك وراه اثار العاصفه الي اثارها ترك فيصل محطم انقطع اخر امل له في عوده لينا له
ااااااااااااااااااااااه استاهل انا الي وصلتنا لها الطريق بس لينا خلاص مارح تصير حلالي مارح تصير زوجتي وام اولادي اااااااااااه يافيصل وش سويت بنفسك
فيصل بترجي:يبه مستعد اسوي أي شي بس لينا ماتروح من يدي
ابو عبدالله حزن على ولده بس هو ااذى بنت اخو هالي يعتبرها بنته:ياولدي الله يعوضك خلاص يافيصل لازم تروح السبت تطلقها ولابتكسر كلمتي ياولدي انا ماكسرت كلمتك قبل سنتين يوم حيرتها الحين جاي تكسر كلمتي وطلعني صغير قدام ولد عمك
فيصل بيأس:خلاص صار يبه السبت اروح واطلقها
طلع فيصل غرفته وهو محطم ونواف مذهول من الي يصير قدامه ومو قادر يستوعب شي وابو عبدالله صعبان عليه ولده بس ايش يسوي هو الي جابه لنفسه
في عصر نفس اليوم
في بيت ابو زياد تحديدا غرفه لينا
ماجد :ابي اعرف الحين انتي الي طلبت الطلاق هالبكى ليه
لينا ودموعها موراضيه توقف:ماجد صعب اني اصير بين يوم وليله مطلقه صح اني ابيه بس لانه مافي حل ثاني وانا مارح انكراني احب فيصل بس هو جرحني جرح صعب صعب يتشافى ياماجد صعب
ااااااااااااااااااااااااااااااااااااااااااه
ماجد صعبت عليه اخته لسه صغيره على كل هالهموم الله يسامحك يافيصل:حبيبتي اتوضي وصلي راح ترتاحي
وقامت لينا وسمعت كلام اخوها بدون ماتتناقش في الموضوع
اما ماجد طلع من عندها لغرفه حور
حور:حاضر ياماجدالحين اقوم اروح لها ومارح اخليها تنام لوحدها ابدا دا الاسبوع عارفه راح يكون صعب عليها
ماجد وهو يحظن حور:الله يكملك بعقلك وعقبال ماتبطلي خوف من راشد والله انه طيب
حور هين طيب الطيبه بجهه وهوا بجهه:اقول اقلب وجهك لااخلي لجين ماتتعرف على وجهك الحين اذلف نكدت عليا الهي يـ....قاطعها ماجد بذعر:لا والي يسلم عمرك لاتدعي انتي تقريبا كل دعواتك مستجابه واليوم مو ناقصه نكد
حور وفيها الضحكه:هههه طيب الهي يوفقك ويريح بالك ويطمنك يالينا
ماجد وهوا خارج:هههههههههههههه مع السلامه جدتي
حور وهيا ترميه بالمخده :جدتك في عينك
وطلع ماجد من البيت وراح عشان يسلم على راشد الي جا من المدينه ومايدري عن الي سار وحور طلعت على غرفه لينا لقيتهانايمه ودموعها على خدها حزنت عليها حستها صغيره على الي بيصير لها الي زيها المفروض
دحين تكون تكلم خطيبها ع التليفون او خارجه معاه مو تستنى ورقه الطلاق ااااااااه يافيصل كيف هانت عليك لينا
عند راشد وماجد
راشد:والله لينا ماتستاهل يالله قدر الله ومشاء فعل
ماجد:أي والله...............راشد مو ملاحظ انك حتى ماقلت لي مبروك
راشد بنص عين:مبروك على ايش على خيبتكم ولا الهبل الي سويتوه في الملعب مااقدر اقول عليك غير يااحول
ماجد انحرج هوا عارف انهم مالعبو كويس وانه لو ما الحظ حالفهم ماكانو شمو ريحه الكاس بس ربي وفقهم
: بس بس اكلتني ماتسوى علي والله المهم اننا رجعنا بالكاس وبس
ولاتهزء
راشد:لاماهزءتك بس اوضح لك ليش ماقلت لك مبروك
ماجد:اوكي يالله انا بروح اشوفك بكره اوبعده حسب الظروف فاضي لكم لانه عندنا شهر اجازه قلت افلها معاكم
راشد حذفه بفنجان القهوه:صدق مغرور ومصدق نفسك طير ياشيخ
استنى كنت ابيك بسالفه هوا صح مو وقتها بس بماانك فاضي تقدر تفكر فيها
ماجد بإهتمام:امر وش هي السالفه
راشد :هي مو سالفه هي...... يالله بقول والي فيها فيها
ماجد:ياخي قول الي عندك وفكنا
راشد:هذا الي بفلعه الحين
المهم حور اختك لمتى بتظل كذا ياخي الموضوع صار يضايقني يعني انا ابليس كل ماشافتني شردت لو الموضوع خجل كان بالنسبه لي عادي بس خوفها هاذا مو طبيعي انا خايف احد يفكر اني مسوي لها شي ماجد كلمها لوسمحت
ماجد:والله ياراشد كلمتها اليوم حذفتني بالمخده
وطلبت مني مااكلمها في الموضوع
المشكله انها تحضر الماجستير في علم النفس يعني المفروض
تكون اكثر وحده تعرف تتغلب على مشاكلها والله تعبتني ياراشد
اذكر مره ضغط عليها في هالموضوع
صارت تبكي بهستريا وتصارخ وقعدت ماتكلمني اسبوع والله انها تجي السالفه عندك وتقلب بزر خوفها غير مبرر والله تعبت معاها
راشد اتاثر مره صح هوا شديد وقاسي بس مايحب احد يكرهه او يخاف منه بالطريقه الي تخاف فيها حور:الله يعين
ماجد:عموما اناراح احاول معاها بس مااوعدك بشي
يووووووووووووووووم السبت
اليوم الموعود
قام فيصل الصبح بدري واعتذر عن محاضراته اليوم عشان يمديه يروح المحكمه
فيصل قرر ينسى لينا وينسى معاها فكره الزواج وقرر نفس قرارها اذا ماكنت لها مار ح اكون لغيرها
راح فطر مع اخوانه الي احترمو صمته وماحبو يزيدوها عليه اكثر وحده حقدت على لينا هيا لمى لانها شافت كيف فيصل بدء يفقد الحياه وماحملت فيصل أي خطاء وقررت انها تهزء لينا لما تشوفها
وقام فيصل واتوجه للمحكمه
وقضى يومه هناك ومااذن الظهر الاوورقه طلاق لينا منه كانت في يده
اما لينا
صحيت وراحت الدوام ولاكنه صار شي لانها قررت تعيش حياتها خلاص يكفي الي راح وانا استنى فيصل يتعدل
خلاص راح اعيش حياتي بالطول والعرض
وفعلا داومت وقابلت جنى ولمى جنى كانت عاديه معاه لان الموضوع مايخصها وهيا شايفه ان الي سوته لينا عين العقل
اما لمى حتى ماكلفت نفسها ترد عليها السلام لينا عذرتها لسببين اولهم ان لينا قلبها طيب وماتعرف تشيل على احد
ثانيهم لان لينا عارفه ان لمى اقرب وحده لفيصل واكيد حتزعل عليه
بس مو مهم الوقت كفيل بانه يصلح كل شي
ورجعت الظهر من الدوام وطيران لغرفتها تبغى تنام امس كله وهياتفكر وتخطط لمستقبلها وحياتها
العصر فيصل راح لبيت عمه وكان في استقباله ماجد لان العم كان مسافر
مع ام زياد لانها مريضه(محد يعرف ا ن ام زياد مريضه غير ابو زياد وسافر معاها عشان تتعالج ومافي أي احد من عيالهم يدري الكل على باله انها رحلت عمل مع ابو زياد ام زياد معاها سرطان في الدم في مراحل متاخره جدا)
ماجد :هلا فيصل كيفك
فيصل :الحمد لله
ماجد هاذي ورقه لينا وقولها تسامحني
ماجد:فيصل انتظر لحظه لينا اعطتني شي اعطيك هو
وراح جاب له كيس :اتفضل
فيصل اعطاه الورقه واخذ الكيس وماتكلم وخرج بسرعه خاف ينهار ويترجاه يرجع له لينا
وراح بسيارته الين وصل للبحر وخرج من سيارته وفك ازارير ثوبه كان مخنوق مخنوق بجد موقادر حاس خلاص كل القوه الي معتمد عليها خلصت راح اخذ الكيس وفتحه واااااااااااااه من الي شافه
كان في الكيس الشبكه والدبله حقتها وسلسله جابها لها
وكان في رساله اخذها وقراها وياريته ماقرها
"الى الغالي
فيصل عندما تقرء هذه الرساله سكون وقتها قد حُررت من ارتباطي بك وستكون لي فقط ابن عم لااكثر اتمنى لك السعاده مع من اختارها قلبك وارجو منك مسامحتي ان اخطاءت اوقصرت في يوم ما في حقك اذكرني بالخير سأحاول مسامحتك ولاكن لن اعدك فقد جرحتني جرح عميق هدمت مابنيته لك من حب في قلبي هدمته بكل قسوه
اخيرا اتمنى لك السعاده مع غيري واعطي هذا الخاتم المقدس لمن تستحقه فاانا على مايبدو لااستحقه مع خالص امنياتي لك بالتوفيق
ابنه عمك
لينا"
فيصل حس انه مافي احقر منه على الارض حس انه ماله داعي في هالحياه حس انه صغير قدامها
جلس يفكر كيف ممكن يلاقي وحده بطيبتها وحده تطلب منه السماح مع انه الغلطان كانت عارفه بالي اسويه من اول شهر ومع ذالك سكتت وصبرت لعل وعسى ربي يهديني واترك هالحركات لكن انا وش سويت انا اتماديت اكثر واكثر
خلاص لينا راحت خلاص راحت
ومارح ترجع واناالي بيدي ضيعتها
ضيعتها بسبب غروري وااااه منه ولوين بيوصلني
عند لينا الي تقبلت الخبر بهدوء واخذت الورقه وراحت غرفتها وطلعت لهم بعد صلاه العشاء وابتسامتها الحلوه الي فقدوها من دخولها للمستشفى رجعت لها لينا برغم حزنها على فقدان فيصل الاانها خلاص اقتنعت انه هذا الي فيه الخير لها
وسهرت مع اخوانها الى الساعه عشر باليل
وراحت نامت عشان عندها محاضرات بدري وهذي اول ليله لينا تنام فيها براحه من زمااااااااااااااان
يوم الاحد
في الجامعه
رندا :انتي انهبلت شلون تطلقي وش بيقولو عنك الناس
تطلقت من ولد عمها الي كان محيرها سنتين
وش السبب انا وانتي نعرف لكن غيرنا مارح يعذرك لينا كان سامحتيه واعطيتيه فرصه
لينا بهدوء اكتسبته من جروحها وصدماتها
:رندا انا ماني مضطره ابرر لاحد سبب انفصالي عن فيصل ولامهتمه في ان احد ممكن يفهمني غلط او لا الموضوع عباره عن صفحه وانطوت في حياتي وراحت بخيرها وشرها والرغي الزايد فيها مارح يغير شي فقومي نشوف لنا شي ناكله قبل ماتبدى المحاضره
رندا ماحبت تزيدها عليها :قومي والحساب عليكي اجل بنت ال.... على الفاضي
لينا:طيب يختي
في جهه ثانيه من الجامعه
جنى بعصبيه:لمى انتي كيف تفكري كيف تظني لو للحظه ان الغلط على لينا انا لو منها كان وريته النجوم في عز الظهر
لمى بعصبيه اكبر:لينا الغلطانه كان اعطته فرصه ثانيه والله ياجنى احسه جالس معانا جسد بدون روح والله خايفه عليه
جنى:لاتخافي عليه هوا الان مصدوم لانه عمره ماتوقع ان لينا بتكون بالقوه هذي
لمى بعناد :ولو لو صار لفيصل شي محد راح يفك لينا مني
جنى:اففف انتي الحكي ضايع معاك اروح الحق المحاضره ابرك لي من مقابل وجهك وسماع كلامك الغبي الي زيك
راحت جنى وهيا مفوله من لمى حتى في المحاضره ماقعدت جنبها قعدت بعيد
قهرتها لمى
لمى استغربت انفعال جنى المبالغ فيه
بس خمنت لانها متضامنه مع لينا مو لانها تكره الظلم والي لمى بتسويه هوا الظلم بعينه
مرت الايام ولمى وجنى اتصالحو عادي دايما يتضابو ويتصالحو"اختلاف الاراء لايفسد للود قضيه"
الثلاثاء الكل كان في بيت ابو لجين الي كان
عازم ناس كثير رجال فقط في بيته وبما انه مافي
احد يقدر يجهز الضيافه غير لجين قررو البنات كلهم يروحو يساعدوها فراحو (جنى ولمى وليناوسلام)
طبعا لمى نظراتها وكلامها للينا باين فيه الكره الي كارهته لها
بس لينا طيبه ومقدره الموقف
لجين :لينا بليز ممكن تحطي الحلى في الصحون المستطيله
لينا :اوكي
جنى كانت قاعده تحط السلطه في الصحون حقتها سلام كانت ترتب صحون العشى مع لمى في المجلس
وبعد ماخلصو شغلهم
كلمو ماجد" الي كان ابو لجين اكثر واحد فرحان فيه لانه ماجلس يضايف ويروح ويجي والكل يحسبه ولده وانصدمو انه خطيب بنته
وانصدمو اكثر لما عرفو انه هوا الاعب ماجد ال...... فكان ابو لجين يحس بالفخر لان ماجد خطيب بنته"وقالو له ان العشا جاهز
وقامو الضيوف واتعشو ولما خلص العشا والبيت فضي مابقى فيه غير راشد ومحمد وماجد نواف ماقدر يجي لانه مسافر وخالد طلع قبل العشا لان جاله شغل مستعجل وفيصل ماجا اصلا وعبد الله راح بعد ما الناس راحو بشوي
وع الساعه 12:30 بعد منتصف الليل
راشد :بالله ياخال نادي جنى ولمى ابي اروح البيت نعسان
ابو لجين:تبشر دقايق بس
وراح وقال لجنى ان راشد ينتظرهم
اما محمد قرر يستنى سلام لانها تبي تساعد لجين بالشغل ونفس الشي ماجد
ينتظر لينا الي برضو قاعده تساعد لجين
عند البنات في المطبخ لمى كانت مقهوره من لينا والي زاد قهرها انها تضحك ومبسوطه ولاكانها دمرت فيصل الى الآ الان موقادر يستوعب الي صار وحابس نفسه
لمى:يالله ياجنى نبي نروح تعبت وبكره ورانا دوام من الصباح موزي ناس اذا قامت مافيها حيل ترجع تكمل نومها ولاكانه شي صار
لينا ناظرتها وماردت عليها
لمى انقهرت زود:خير لينا ليش تناظريني كذا لااكون مو عاجبتك
سلام:لمى عيب
لمى:هه وهي تعرف العيب اصلا
جنى:لمى هالكلام ماله داعي ولينا بنت عمك
لمى:للاسف انها بنت عمي والله انا مااتشرف بوحده مثلها
سلام بصوت عالي:لمـــــــــــــــــــــــــــــــى احترمي نفسك وخلاص روحي البيت
لمى:لا والله اشوف الكل قام يدافع عنها
ولعتهاا وسكتت
هنا لينا جاتها الضحكه بس مسكتها انا ايش سويت انا لحقت اولع ولااطفي هاذي علامها شابه علي بل كبريت بس برضو بطنشها مالي خلق المرادد"المرادد أي الاخذ والرد في الكلام"
هنا لمى شبت ضو
وراحت عبت القدر مويه وحطته على النار بس عشان تزود شغل لينا لانها هي الي كانت ماسكه القدور ومافي احد انتبه لها لان القدر صغير بس جنى الي انتبهت لها وهمست:حركتك مالهاداعي لو الحين القدر ينكت عليها بتنبسطي
لمى:لا مو لها الدرجه بس بزود الشغل عليها قاهرتني
وراحو جنى ولمى لراشد الي يدور السرير دواره
وسلام ولينا كانو يلبسو عبيهم
لجين :والله موعارفه كيف اشكركم ماادري بدونكم ايش كنت راح اسوي
لينا :ايش دعوى لاتقولي كذا بالعكس ماسوينا غير الواجب انتي اختنا
سلام: تعبت من هالمدح الفاضي ابي اروح انام
لينا حبت تحرجها:ولاتبي تروحي لمحمد
سلام انحرجت:يمممممممه منك خلني اروح ابرك لي وجلست في الصاله تستنى محمد
في المطبخ كانت لجين تلم اخر شي بقي ع المجلى
عشان الخدامه تغسلهم الصباح
لجين :لينا الله يخليكي جيبي القدر الي ع البوتجاز
عشان احطه مع باقي المواعين
لينا راحت له وعلى بالها انه بارد قامت شالته ولماحست بحرارته صرخت وطاح من يدها وانكبت المويه على يدها وانحرقت
:ااااااااااااااااااااااااااااااااااااااااااااه اييييييييييييييييييييييييييييييييي
لجيييييييييييييييييييين الحقينيييييييييييييييييييييييييييييييييييييييييييي ييييييييييييييييييي
لجين انرعبت وجات تركض ولقت لينا طايحه على الارض والمويه الحاره حولها والقدر طايح جنبها
انربشت وماعرفت ايش تسوي
سلام راحت تشوفهم وانصدمت من الي شافته راحت بسرعه شالت لينا من على الارض عشان المويه ماتأذي جزء ثاني من جسمها
:لجين روحي نادي ماجد بسرعه خلينا نوديها المستشفى بسرعه
راحت لجين تركض للمجلس وماقدرت تدخل لان محمد فيه وهي ماعليها حجاب
:مااااااااااااااجد ماجد
ماجد:هلا لجين
لجين وهياترجف:ماجد بسرعه الحق لينا وديها المستشفى
ماجد انفجع :فينها
لجين:بالمطبخ
على ما وصل ماجد بدت لينا تهذي نتيجه للالم الي تحسه
وتحس ان يدها اتخدرت من الالم
شالها وطار فيها على المستشفى
محمد وسلام لحقوه وقالو للجين انهم بيطمنوها
وقعدو بالمستشفى للساعه 6 الصباح ماجد حاول بمحمد وسلام يروحو بس مارضو وقررو يجلسو عندهم
الدكتور طلع وقالهم انه حرق سطحي جاي بالطول على كل ذراعها و لازم يغيرون لها على الحرق وانه اعطاها مخدر عشان تنام وكتبلها على مسكن للالام
وع الساعه 7 الصباح وصلت سلام البيت ماتشوف طريقها من التعب
وكانوا هلها يفطرو كان ع الطاوله"عبدالله وليان ورؤى ونواف"
رؤى:لاياشيخه كان ماجيتي
سلام اترمت على الكنبه واتكلمت بتعب واضح:والله غصب عني الي صار موشويا
عبدالله بخوف:خير وش صار
سلام :والله واحنا خلاص بنرتب اخر شي بالمطبخ طاح قدر مويه حاره على يد لينا وانحرقت ووديناها المستشفى انا ومحمد ماجد
وقعدنا معاه من الساعه
1 الى الحين وهاذي جيتنا بس الحمدلله حروق سطحيه بس......
عبدالله :كملي
سلام:بس لينا لان جسمها ضعيف اغمى عليها مرتين
والله الي قطع قلبي ماجد كان ميت خوف عليها اول مره ادري ان ماجد حنون كذا
رؤى:لازم اروح لها اليوم اكيد تعبانه
سلام :أي والله وجهها مايبشر بالخير والدكتور قال لماجد اذا طاحت مره ثالثه عليكم لازم تجيبها المستشفى
وطلعنا وماجد شايلها لانها نايمه
نواف زعل عليها وحزن اجل لويدري فيصل ايش بيسوي
بيت ابو زياد
رماح وحور ضلو مع اختهم وماراحو دوامتهم
رماح:ياعيني يالينا شكلها تتالم مره
حور:أي والله شوفي حتى وهي نايمه باين على وجهها الالم ياقلبي عليها والله ماجد بالعافيه رضي ينام بعد مااقنعته انه انا وانتي بنظل عندها رماح :والله هالبنت شافت اشياء اكبر من عمرها الله يكون في عونها
لينا كانت تسمعهم بس مهي قادره ترد عليهم كانت بجد تعبانه بسبب المخدر الي اعطوها هوا
راحت لمى الجامعه والي جابها هوا فيصل
وهما داخلين كانت رؤى تقنع نواف انه يوديها
نواف :انا ماعندي مشاكل اوديكي بس لوشافني ماجد احتمال يولع فيا
رؤى:نواف بلاسخافه لازم اروح البنت تعبانه ولازم ازورها
وانت وماجد انحرقو في بعض قسم بالله انك تافه وماعندك سالفه خلاص ماتسوى علي باروح مع السواق
افففففففف ممل
نواف :بل اكلتيني خلاص اجهزي بعد صلاه العصر اوديكي
فيصل ولمى :السلام عليكم
نواف ورؤى:وعليكم السلام
فيصل :علامكم صوتكم واصل للحوش
رؤى اتلعثمت ماتبي تقوله شي:ابد ابيه يوديييييييني ممشوار وصدعني مو راضي
فيصل:ولايهمك انا اوديكي
رؤى هذا الي ناقص:لامايحتاج نواف بيوديني
فيصل :على راحتك
لمى بلقافه:وين رايحه ابي اروح معاكي
رؤى وهيا طالعه من الصاله :بروح بيت عمي جهزي حالك بعد العصر
لمى:لا ماني رايحه اروح ايش اسوي جنى وتوني شايفتها ماله داعي
نواف بحسن نيه :لا رؤى رايحه بيت عمي ابو زياد
لمى :اذا اكيييييد ماني رايحه ماابي اشوف الهبله لينا
نواف انفعل من اسلوب لمى واتنرفز ونسي وجود فيصل:حرام عليك زياره المريض واجبه وشلون لو كانت بنت عمك صدق انك ماتفهمي بالاصول
فيصل باستفهام:وش السالفه مين التعبان
نواف والله الوهقه هاذا شاقول له
:لامافي احد تعبان
فيصل بخوف:نواف بتقول ولاشلون
نواف بتوتر :لينا امس انحرقت وودوها المستشفى ومره تعبانه
لمى وفيصل بنفس الوقت:شنو
فيصل بخوف ماحاول يخفيه :نواف شيلي صار الله يخليك قولي
نواف اضطر يقولهم السالفه كلها
فيصل وده يروح يشوفها بس مايقدر"اااااااااااااه يالينا ياحبيبتي اكيد الحين متالمه وتعاني ياقلبي عليها ااااه لو اقدر بس اشوفها واطمن عليها "التفت للمى وقال بصوت مكسور وحزين:طمنيني عليها
لمى ماتحملت شكله وحزنه
و راحت غرفتها تبكي عارفه انه هيا السبب بس ماكنت تقصد لهاذي الدرجه الحقد عماني انا مو كدا ولينا ماتستاهل الي صار هي نسته وهو لازم ينساه اااه ياخوي ياما راح تتعذب بس هذا ماجنته يدينك لازم اروح مع رؤى واعتذر لها
وبعد العصر كانت رؤى ولمى عندها
رؤى:الحمدلله على سلامتك يالينا
لينا بهمس من التعب:الله يسلمك
لمى:الحمدلله على السلامه
لينا :الله يسلمك
لمى بهمس للينا:لينا انا اسفه والله ماكان قصدي ااذيكي بس
قاطعتها لينا:لا حبيبتي قدر الله وماشاء فعل لاتشيلي بقلبك
لمى" ارتاحت يالله يالينا قديش قلبك كبير اكيد ماضاق على فيصل الا وهو شايف الاذى منه الله يصبره ويسعدك"
شوي ودخلت لجين وجنى الي حضنوها وقعدو معاها كلهم الين ماداخت ونامت
وطلع كلهم بالصاله
جنى بهمس للمى:عاجبك الي صار مبسوطه اخذتي حق فيصل
الله يسامحك البنت كانت بتروح فيها
لمى بندم:والله ماكنت اقصد
جنى رحمتها:ابيك تتخيلي لو خالد سوى فيك مثل الي سواه فيصل في لينا كنتي بتسامحيه ولالا
لمى سكتت اعندها كلام تقوله صادقه جنى بس مهما كان فيصل اخوها وزعلت عليه
وكملوا لسهره عندهم لان بكره خميس فالسهره طولت
عند عبد الله وراشد وماجدومحمد وخالد كانو كلهم مجتمعين في قهوه مع اصحابهم
عبدالله بمزح:ماجد روح اقعد في طاوله ثانيه ازعجتنا كل شوي واحد جاي يتصو ولاياخذ توقيع
موعارفين نتكلم
ازعجونا
ماجد:يمه يالغيره عند ماني متحرك
ناصر(صاحب خالد ) :ماجد لو ماذلفت لاحذفك بره القهوه واخليك مهزئه للمعجبين
راشد بثقه:ومين الي بيخليك تقرب يمه
ناصر بخوف:بسيبه عشانك ياراشد
راشد:غصب مو طيب منك
ناصر:بل انت لوظابط عندنا كان كل المجرمين الي عندنا اعترفو بجرايمهم والله انا خفت منك
وهما بيتناقرو دخل عليهم نواف:السلام عليكم
الكل :وعليكم السلام
نواف:اااااااااااااااه تعبان
خالد بلؤم:تعبان روح نام في بيتكم جاينا ليش
نواف:والله مافيا ارد عليك ولاكان سنعتك
عبدالله :خير وش بلاك
نواف:كرفوني الله يكرفهم
عبدالله:والله هذا شغلك وانت ادرى به
راشد استغل الفرصه:على سيره الشغل ماجد انت متى بتعقل وتجي تشتغل ماودي اجبرك بس مايصير لازم تجي الشركه
ماجد اففففففف :راشد ماابي لما اعتزل ذيك الساعه شغلني اربع وعشرين ساعه بس الحين سيبوني
راشد:ماجد انا ساكت عنك بمزاجي لاتخليني اجبرك
محمد حب يهدي الموضوع:ماجد راشد غيروالهرجه احسن
عبدالله بمزح:ماجد شف ذا شكله جاي لك وناوي ع الشر اقول مافينا نفزع روح كلمه بعيد
ماجد :صدق نذل
نواف متنح موفاهم شي:ليش ماجد ايش سوى له
عبدالله رحمه باين مكرروف:والله انك مفهي
الرجال:السلام عليكم
الكل:وعليكم السلام
الرجال:كابتن ماجد بغيتك شوي
ماجد ابتسم:حاضر عن اذنكم
وراح ماجد مع الرجال برى الكوفي وهو على باله معجب بيتصور معاه اوبياخذ توقيعه
وماوعى غير على خبطه على راسه ودارت الدنيا فيه وماعاد حس بشي
راشد قلق عليه
:لاماصارت هاذا مو معجب
انا طالع اشوفه وراح خالد مع راشد وهم يدورو لقو ماجد طايح قريب من سياره نواف
والدم جاي على السياره
انفجعو من منظره
وراشد شال ماجد وراح فيه للمستشفى
وخالد بلغ القسم يرسلو له فريق
عبدالله طلع وراهم:خير ايش صار ووين راشد
جا خالد بيرد لكن الفريق وصل وبدؤ بمعاينه المكان وعلى اصوات الشرطه طلعو كل الشله
نواف :خالد وش صاير
خالد:لاولاشي بس ماجد اتعور شوي
واخذه راشد المستشفى والحين نبي نعرف مين الي اعتدى عليه
نواف راح هو ومحمد للمستشفى وعبد الله راح للبنات في بيت ابوزياد لان لينا تعبانه ومافي رجال عندهم
ولحقه محمد بعد مااطمن على وضع ماجد
في المستشفى الدكتور بلغهم ان الاصابه بسيطه وانه مافي خطر عليه وانهم راح يخلوه يوم عشان يطمنو انه مافي نزيف داخلي
ظل نواف وراشد عنده وجا ابوعبدالله وابو راشد اول ماسمعو بالخبر
والبنات عرفو بالي صار واكثر وحده تاثرت كانت حور لانها توأموو
ولينا مابطلت بكى من الخوف عليه ولجين بدت مناحه بكى رماح الوحيد هالي كانت متماسكه فيهم بس برضو قلقانه على اخوها
خالد وناصر ظلو في القسم يستكملو التحقيق
والعمان راحو الصباح لاشغالهم
الساعه10 الصبح
ماجد:انا فين
راشد:في المستشفى كيفك الحين
ماجد:راسي يوجعني ايش صار
راشد بعصبيه لانه يعتبر ماجد اخوه الصغير وهو ماكان يبي ماجد
يحترف كوره لانه عارف مخاطرها كويس
:لا ابد واحد من الي معجبين فيك كان بياخذ عمرك بس ماصار شي
ماجد عرف ان راشد زعلان لكن اتذكر البنات:
راشد خواتي مين عندهم
راشد:لاتشيل هم تركت جنى ولجين عندهم ومحمد وعبدالله كانو عندهم للفجر وبعدين
راحو دواماتهم
ماجد وهوا يشيل اللحاف:انا لازم اطلع الحين
راشد بعصبيه :لا انت اهبل زين ماصار معاك نزيف اقول انثبر لااجي اكمل عليك
وهما بيتضاربو دخل عليه نواف
نواف:السلام عليكم
ماجد وراشد:وعليكم السلام
نواف:حمدالله على سلامتك ياماجد
ماجد:الله يسلمك
المهم بعد ياراشد لازم اروح
راشد:والله شوف هاذاني حلفت ان ماصليت على النبي وانثبرت مكانك لاوالله ماخلي فيك عظمه راكبه ع الثانيه وبصوت عالي ارتعب منه ماجد ونواف فـــــــــــــــــاهم
ماجد:حاضر
وعم المكان الهدوء
وبعد ربع ساعه
ماجد:راشد
راشد بدون نفس:خير
ماجد:والله اسف لاتزعل بس غصب عني
راشد:لاتبرر انكتم احسلك ترى نفسي في خشمي منك
نواف:راشد صلي على النبي وش بلاك عليه
راشد :عليه افضل الصلاه والسلام لانه بزر على باله الدنيا ماشيه بكيفه يبي يطلع الحين من المستشفى ماله داعي خواته وعندهم محمد وجنى ورؤى ولجين يعني ماله داعي يخاف عليهم
اجل ليش يبي يطلع عناد بس
ماجد:لا والله مو عناد وماعاش من يكسر لك كلمه ياراشد بس .. حوور
راشد بإستغراب :علامها
ماجد يحاول يشرح لراشد وهو خايف:حور ياراشد تؤمي يعني تحس فيني
ووانا خخخخايف يكون صاير لها شي اعرفها
راشد تفهم الموضوع:وليش ماقلت لي انه الموضوع كذا كان فهمت ولاعصبت عليك
ماجد بتبرير:انت الله يهداك هبيت فيني ولا عرفت افهمك
راشد بهدوء "ماله خلق يعصب":
نواف الله لايهينك دق على رؤى واسالها عن حور
لان جنى ولجين مامعهم جوالات
نواف:حاضر
رؤى:الو
نواف:السلام عليكم
رؤى :وعليكم السلام هلانواف
نواف:رؤى بغيت اسالك عن حور ماجد يبي يتطمن عليها
رؤى:والله ماادري من الصباح راحت غرفتها قالت تبي تنام
نواف:طيب اذا ماعليكي امر روحي شوفيها عشان ماجد يتطمن
رؤى :طيب لحظه
رؤى: نواف حور مهي بغرفتها
نواف :وش تقولين
ماجد بخوف:نواف شنو فيه
نواف:حور مو بغرفتها
ماجد بتوتر:قولها تروح تشوف غرفتي
نواف قال لرؤى وراحت رؤى لغرفه ماجد
رؤى:ايه يانواف لقيتها نايمه في سريره تحب اصحيها
نواف: ماجد لقيتها بسريرك تحب تصحيها لك
ماجد ارتاح :لا ماله داعي خلاص وقولها مشكوره
وقفل نواف من رؤى
راشد:ها ارتحت
ماجد :أي والله كنت حاس فيها اعرفها هي خلقه قلبها ضعيف وعلى طول تخاف فمابالك بتؤمها الي تحس فيه
راشد:انا ادرى واحد بخوفها تعلمني فيه
ماجد:هههههههههههههه
وظل راشد عند ماجد ونواف خرج لما حس ان ماجد مارح يتقبله صح يعامله بإحترام لكن برسميه زياده عن اللزوم
نواف قاعد يدور أي فرصه مناسبه عشان يعتذر لماجد
لانه عارف انه غلطان
راشد ماترك ماجد وفضل انه محد يبلغ اهله لما يتصلو مافي داعي يقلقو
نروح لمكان اول مره
بريطانيا وتحديدا في احدى اكبر المستشفيات المتخصصه في الاورام السراطانيه في لندن
ابوزياد:لاحول ولاقوه الابالله طيب يادكتور وش الحل
الدكتور:لااستطيع ان افيدكم بشيء الحاله متاخره جدا
وليس لها علاج
ولكن اجعلو املكم بالله كبير
ابوزياد:الله كريم
وخرج من مكتب الدكتور وكل علامات اليأس والاحباط في وجهه
زوجته وحبيبه عمره ورفيقه دربه مريضه وبتحتظر وموقادر يسوي لها شي قرر يتصل بزياد ويبلغه لعل وعسى يرضى يجي
(زياد ماخلى ولا احد يقدر يوصله لكن ترك رقمه عند ابوه لو في شي ضروري يبلغوه ماحب يقطعهم مره وحده صح قطع اخوانه الي عمره ماكان معاهم لكن مايبي يقطع امه وابوه الي هما امله الوحيد في ها الدنيا)
helloزياد:
ابوزياد:الو زياد
زياد استغرب هذا صوت ابوه بس الرقم من لندن خاف:هلايبه شلونك
ابوزياد:انا بخير زياد وينك الحين انا بلندن وابي اقابلك ضروري
زياد:يبه انا بالدوام الحين بس انت وينك انا راح اجيك
ابو زياد تردد بس بالاخر قاله كان لازم احد يوقف جنبه
:انا بمستشفى الــ.......
زياد انرعب عارف انه هالمستشفى مشهور بكونه مستشفى للاورام السرطانيه :خلاص يبه انا الحين جايك
نص ساعه وكان زياد في حظن ابوه الي خبره بحقيقه مرض امه وانه الوحيد الي يعرف وان اخوانه مايعرفو شي
زياد راح للدكاتره وعرف انه مافي امل لامه
ابدااا
قرر ابو زياد انه يرجع جده ع الاقل تموت بين اولادها
وزياد قرر يرجع معهم
وماكان يدري عن أي شي صار لاعن طلاق لينا ولا عن الي صار بين نواف وماجد
بعدها بيومين كانو في جده في الطريق للبيت
ابوزياد :زياد مااوصيك لااحد من اخوانك يدري بالي صار وكمل بحزن: امك ماتبي احد يدري
فاهم
زياد:حاظر يبه
ووصلو البيت وكان ماجد ولينا وحور ورماح في الصاله يتغدو
ابو زياد:السلام عليكم
الكل :وعليكم السلام الحمدلله على السلامه يبه
وراحو يسلمو على ابوهم وامهم
وفجاءه دخل زياد راحو سلمو عليه بس ببرود ورماح ماكلفت نفسها تقرب منه اكتفت بنظرات احتقار ناريه وجهتها له حرقت قلبه عليها "عارف انها مانسيت ولا هي قادره تعيش حياتها"
لينا هيا الوحيده الي حظنته وهالشي صدم زياد قبل مايصدم الباقين "زياد بطبعه قاسي وجلف مع اخواته عشان كذا هوا بالنسبه لهم عادي مايفرق معاهم وجوده زي عدمه عكس ماجد الي يفقدوه اول مايغيب لانه حنون وطيب ويفهمهم ودايما معاهم"
زياد مااتوقع انه لينا بعد الي عرفته عنه راح تسلم عليه وهو كان شايل لها هم
ماجد:يبه ليش سافرتو وماقلتولي كان وصيتكم على كم شغله تجيبوها لي
ام زياد بتعب تحاول تخفيه:وانت هذا الي هامك
حنا رحنا عشان نخلي زياد يرجع
لينا بحماس:احسن شي سويتوه والله لك وحشه ياالدب
زياد بتوتر:لينا تعالي معي شوي ابيك